ငါ ကျင့်ကြံခြင်း စမ်းသပ်ရေးစက်ဖြင့် ချိတ်ဆက်လိုက်သည်။

ကျိုတို၏ ကြီးမြတ်သော ရှားမြို့တော်။

ထိပ်တန်းအဖွဲ့အစည်း၊ တိုကျို သိပ္ပံနှင့် နည်းပညာတက္ကသိုလ်၏ အမျိုးသား ကျောင်းအဆောင်တွင်။

[ဒင်~]

စုရှင်း၏ စိတ်ထဲတွင် အသံတစ်ခုကို ရုတ်တရက် ကြားလိုက်ရသည်။

စုရှင်းသည် သူ့ပစ္စည်းများကို ထုတ်ပိုးကာ မြေအောက် အကျဉ်းတိုက်ထဲသို့ ဝင်ပြီး ရွှေများ ယူဖို့ ပြင်ဆင်နေခဲ့သည်။သူသည် ကြောင်အမ်းသွားသည်။

“ဘယ်သူလဲ? ဘယ်သူ ငါ့ကို လှည့်စားနေတာလဲ”

စုရှင်းသည် ပတ်ပတ်လည်ကို ကြည့်လိုက်သော်ငြား ဘာမှ မရှိဘဲ အဆောင်လွတ်ကြီးသာ ဖြစ်နေသည်။

ထို့နောက် သူ့စိတ်ထဲတွင် အသံများ ဆက်တိုက် ထွက်ပေါ်လာသည်။

[ဇီဝ စမ်းသပ်ရေးစက် နှင့် ချိတ်ဆက်နေသည်…]

[ ချိတ်ဆက်ခြင်း အောင်မြင်ပါသည်!]

[ဇာတ်ကောင်: စုရှင်း]

[အသက်: ၂၁နှစ်]

[အလုပ်အကိုင်: ကျင့်ကြံသူ]

[စမ်းသပ်ရေး ပြုလုပ်ခြင်း အရေအတွက်: ၁]

[စွမ်းအင်: ၁၀၀]

[မိတ်ဆက်: ဇီဝ စမ်းသပ်ရေးစက်သည် လက်တွေ့ကမ္ဘာရှိ သင်၏ ဖွံ့ဖြိုးတိုးတက်မှု လမ်းကြောင်းပေါ် အခြေခံ၍ သင်၏အနာဂတ်ကို လုံးဝ ဖန်တီး ပြုလုပ်ပေးမည် ဖြစ်သည်။စမ်းသပ်ခြင်း ပြီးနောက် သင်သည် ဆုလာဘ်အချို့ကို ရရှိနိုင်သည်။စမ်းသပ်ခြင်း တစ်ခုချင်းစီသည် စွမ်းအင် ပမာဏ အချို့ကို ကုန်ကျစေလိမ့်မည်။စမ်းသပ်ခြင်း အရေအတွက်သည် တစ်ပတ်လျှင် တစ်ကြိမ် အသစ် ပြန်စပါမည်။]

စုရှင်းသည် သူ၏ မျက်လုံးများကို ဖွင့်လိုက်ပြီး သူ့ရှေ့ရှိ ကွန်ပျူတာ ဖန်သားပြင်ကို မယုံနိုင်စွာ ငေးကြည့်နေခဲ့သည်။

ချက်ချင်းဆိုသလိုပင် ဖန်သားပြင်ပေါ်၌ စာနှစ်ကြောင်း ပေါ်လာခဲ့သည်။

[စမ်းသပ်ခြင်းကို စတင်ချင်ပါသလား?]

[စတင်မည်] [မစတင်ပါ]

သူ့ရှေ့ရှိ ဖန်သားပြင်ကို ကြည့်ရင်း စုရှင်း၏ မျက်လုံးများ နီစပ်စပ် ဖြစ်လာသည်။

“သုံးနှစ်! ဒီ ပြီးခဲ့တဲ့ သုံးနှစ်လုံးလုံး ငါ ဘယ်လို နေခဲ့ရတယ်ဆိုတာ မင်း သိလား?”

“သေစမ်း။ ငါက ကမ္ဘာကူးပြောင်းသူ တစ်ယောက်အနေနဲ့ ရွှေလက်ချောင်းမရှိဘူးလို့ ထင်ခဲ့တာ!”

ဟုတ်ပါသည်။ စုရှင်းသည် လွန်ခဲ့သည့် သုံးနှစ်က ဤ အံ့ဖွယ်ကမ္ဘာသို့ ကူးပြောင်း ရောက်ရှိလာခဲ့သည့် ကူးပြောင်းသူ တစ်ဦး ဖြစ်သည်။

သူ၏ ယခင်ဘဝက ကမ္ဘာကြီးနှင့် ကွဲပြားစွာ လက်ရှိကမ္ဘာတွင် ဂိမ်းများသည် လက်တွေ့ကမ္ဘာနှင့် ချိတ်ဆက်မှု ရှိသည်။

နတ်ဆိုး သားရဲများ၊ လျှို့ဝှက် မြေအောက် အကျဉ်းခန်းများ၊ ပစ္စည်းများနှင့် လက်နက်များ အားလုံးသည် အဆုံးမရှိ ထွက်ပေါ်နေသည်…

ပို၍ ဆန်းကြယ်သည်မှာ အသက် ဆယ့်ရှစ်နှစ် အရွယ်မှာပင် မြေအောင် အကျဉ်းထောင်မှ နတ်ဆိုးများကို သတ်ပြီး ကျွမ်းကျင်သည့် အလုပ်အကိုင် တစ်ခုသို့ ပြောင်းလဲ၍ ရလေသည်။ထိုသို့ဖြင့်ပင် ပိုမို သန်မာလာကြသည်။

လွန်ခဲ့သော သုံးနှစ်က စုရှင်းသည် တစ်ခုတည်းသော လျှို့ဝှက် ကျင့်ကြံခြင်း အလုပ်ဖြင့် ဤကမ္ဘာသို့ ရောက်ရှိလာခဲ့သည်။

ဤသတင်းသည် ကျိုတိုတစ်ခွင်လုံးကို အာရုံစိုက်မိစေခဲ့ကာ စုရှင်းကို အမျိုးသား ထိပ်တန်းအဖွဲ့အစည်းတစ်ခုဖြစ်သည့် ကျိုတို ပိုလီတက်ခနစ်သို့ တိုက်ရိုက်ခေါ်ယူခဲ့သည်။

အစပိုင်းတွင်တော့ စုရှင်း၏ စွမ်းဆောင်ရည်သည် အမှန်တကယ် ထူးချွန်ခဲ့ပြီး ပြုစုပျိုးထောင်သူ၏ အစွမ်းထက်သော ရုပ်ပိုင်းဆိုင်ရာ စွမ်းရည်ကြောင့် လူသစ်အုပ်စုကြားတွင် လျင်မြန်စွာ ရပ်တည်နိုင်ခဲ့သည်။

မကြာမီတွက် စုရှင်းသည် ပြသာနာကြီး တစ်ရပ်နှင့် ရင်ဆိုင်လိုက်ရသည်။ သူသည် အဆင့်မတက်ပါ!

အခြား ကျွမ်းကျင်ပညာရှင်များသည် မြေအောက် အကျဉ်းထောင်မှ နတ်ဆိုးများကို သတ်ခြင်းဖြင့် အတွေ့အကြုံ အမှတ်များ ရရှိနိုင်သည်။

စုရှင်းသည် သူ ဘယ်လောက်ပင် ကြိုးစားပါစေ အတွေ့အကြုံ အမှတ်များ အနည်းအကျဉ်းတောင် မရခဲ့ပါ။သူ ဘယ်လောက်ပင် နတ်ဆိုးများကို သတ်ပါစေ၊ ဘယ်လောက်ပင် အဆင့်တက်ဖို့ ကြိုးစားပါစေ အရာမထင်ခဲ့ပါ။

ထိုသို့ဖြင့် သုံးနှစ်တာ ကုန်လွန်သွားခဲ့သည်။

ယခု သူ၏အကြီးတန်းနှစ်တွင် သူ၏အတန်းဖော်များသည် ကြေးအဆင့်မှ ငွေအဆင့် ၊ ရွှေအဆင့်သို့ မြင့်တက်လာခဲ့သည်။

သူကရော? သူသည် အငယ်တန်းအဆင့် ချီ စုဆောင်းရေး ကျင့်ကြံသူ ဖြစ်နေဆဲပင် ဖြစ်သည်။

သို့သော် စုရှင်းသည် အရှုံးမပေးပါ။သူ့ကိုယ်သူ အဆင့်မြှင့်တင်ရန် အတွက် နည်းလမ်းအား အဆက်မပြတ် ရှာဖွေနေပြီး နောက်ဆုံးတွင်တော့ တိုးတက်မှုအချို့ ရရှိခဲ့သည်။

ယင်းမှာ ခန္ဓာကိုယ် သန့်စင်ခြင်းပင်!

သူသည် ချီစွမ်းအင်ကို မသန့်စင်နိုင်လျှင် သူ့ခန္ဓာကိုယ်ကို ကြိုးစားရလိမ့်မည်!

ထို့နောက် စုရှင်းသည် မြေအောက် အကျဉ်းထောင်များမှ ပစ္စည်းကိရိယာများကို စုဆောင်းပြီး ပိုက်ဆံအတွက် ပြန်ရောင်းချသည်။လူသစ်များကို အကျဉ်းထောင်သို့ ခေါ်လာလျှင်ပင် အဆင့်တက်လေသည်။

ထို့နောက် သူသည် ရရှိသော ငွေကို အသုံးပြုကာ သူ၏ ရုပ်ပိုင်းဆိုင်ရာ စွမ်းအင်များ တိုးလာစေရန် မြေအောက်ခန်းမှ ပစ္စည်းများကို ဝယ်ယူခဲ့သည်။

နောက်ဆုံးတွင် သုံးနှစ်တာ အပြည့်အဝ ကုန်ဆုံးပြီးနောက် သူသည် ခန္ဓာ သန့်စင်ခြင်း အဆင့်တစ်မှ ခန္ဓာသန့်စင်ခြင်း အဆင့်ခြောက်ထိ ရောက်ရှိခဲ့သည်။

ခန္ဓာ သန့်စင်ခြင်း အဆင့်ခြောက်တွင် ထောင်ချီသော ကြောင်လေးများ၏ စွမ်းအင်ကို ရရှိလေသည်။

သို့ရာတွင် သူ့၏ စွမ်းအား အစစ်အမှန်သည် ကြေးအဆင့် ၃၀ ကျွမ်းကျင်ပညာရှင်နှင့်ပင် ယှဉ်၍ မရသေးပါ။

စုရှင်းသည် ဇွဲမလျှော့သေးပါ။သူသည် မြေအောက်ခန်းများမှ တစ်ဆင့် ရွှေများကို ဆက်လက် စုဆောင်းကာ အဆင့်တက်စေမည့် တာဝန်များကိုလည်း လုပ်ဆောင်သည်။သူ၏ ရုပ်ပိုင်းဆိုင်ရာ စွမ်းအားကို ဆက်လက် ထိန်းညှိထားလေသည်။

အတိတ်က မြင်ကွင်းများသည် သူ့မျက်စိရှေ့တွင် ထင်ထင်ရှားရှား မြင်နေရသည်။သူသည် စိတ်လှုပ်ရှားနေသည့် နှလုံးသားတစ်စုံနှင့် လက်များ တုန်ရီကာ တိုးတိတ်စွာ ပြောလေသည်။

“စမ်းသပ်ရေးကို စတင်မယ်!”

[စွမ်းအင် တစ်ရာပွိုင့် ကုန်ကြပါမည်။လက်ကျန် စမ်းသပ်ရေး အရေအတွက် မရှိပါ]

[စမ်းသပ်ရေး စတင်ပြီ!]

[ယခုအကြိမ် အတွက် စွမ်းရည်များ ထုတ်ယူခြင်းသည် အလကားဖြစ်ပြီး ကျပန်း စွမ်းရည်များကို ထုတ်ယူမည်…]

[ဒင်၊ ဂုဏ်ယူပါတယ်! သင်သည် အဖြူရောင် စွမ်းရည် ဖြစ်သည့် ဝိဉာဉ်စွမ်းအင် ရင်းမြစ် ကိုင်ဆောင်သူကို ရရှိပါသည်!]

[ဝိဉာဉ်စွမ်းအင် ရင်းမြစ် ကိုင်ဆောင်သူ]: အဖြူရောင် စွမ်းရည် ဖြစ်သည်။သင်၏ ရင်းမြစ်သည် အခြား သာမန်လူများနှင့် ကွဲပြားကာ မသေမျိုး လမ်းကြာင်းပေါ်သို့ ရောက်ရှိနိုင်ပါသည်။

စုရှင်းသည် ထို စွမ်းရည်ကို မြင်သည့်အခါ ကြောင်သွားသည်။

သူသည် ကျွမ်းကျင်သော်ငြား ဝိဉာဉ်စွမ်းအင် ရင်းမြစ် မရှိသည့်အတွက် ဒီနှစ်တွေမှာ မကျင့်ကြံ နိုင်တာများလား?၎င်းက ချီသန့်စင်ခြင်း အဆင့်ကနေ တက်စေနိုင်မှာလား?

စုရှင်းသည် သူ့စိတ်ထဲတွင် သံသယဝင်နေသော်လည်း စမ်းသပ်ရေး ဆက်လုပ်ဖို့ကိုသာ ရွေးချယ်ခဲ့သည်။

[အဆောင်ထဲတွင် သင်သည် ရွှေလက်ချောင်းကို နိုးထစေခဲ့ပြီး အရမ်းပျော်ရွှင်နေသည်။]

[ထိုညနေတွင် ပထမနှစ်က များစွာသော ဂျူနီယာ ညီမလေးများသည် မြေအောင်အကျဉ်းခန်းသို့ သူတို့နှင့်အတူ အဆင့်တက်ရန် လာရောက် ဖိတ်ခေါ်လိမ့်မည်။သင်သည် ဝမ်းမြောက်စွာ လက်ခံလိုက်သည်။]

[သင်သည် ကြေးအဆင့် မြေအောက် အကျဉ်းခန်းကို သူရဲကောင်းဆန်ဆန် ရှင်းလင်းပြီးသွားလျှင် သင်သည် များစွာသော အဖြူရောင် အိုက်တမ်များနှင့် ယွမ်တစ်သောင်းကို ရရှိလိမ့်မည်။]

[ဂျူနီယာ ညီမလေးများထဲမှ တစ်ဦးသည် ငွေကြေး မရှိသဖြင့် ရှက်ရွံ့နေခဲ့သည်။သူသည် အခြား(ရုတ) နည်းလမ်းများဖြင့် ပေးချေရန် အကြံပြုပါသည်။]

[သင့်ညီမငယ်၏ မျက်နှာကို ထောက်ထားပြီး သဘောတူလိုက်ပါ။]

[နောက်တစ်ရက်တွင် သင်သည် တက်ကြွမှုကို ခံစားရပြီး စတင် ကျင့်ကြံမည်ဟု တွေးသော်ငြား မည်သည်ကနေ စတင်ရမှန်း မသိ ဖြစ်နေသည်။]

[သင်သည် လိုင်းပေါ်မှ ချီ သန့်စင်ခြင်း နည်းလမ်းများကို စတင် ရှာဖွေပြီး “ကောင်းကင်၏ ဥပဒေကို ချိုးဖောက်သည့် ပန်ဂူ” ဟူသော ကမ္ဘာကို တုန်လှုပ်သွားစေမည့် ကျင့်ကြံခြင်း နည်းလမ်းကို တွေ့ရှိခဲ့သည်။]

[ပျော်ရွှင်စွာဖြင့် သင် စတင် ကျင့်ကြံခဲ့သည်။]

[တစ်ရက်တာ ကျင့်ကြံပြီးနောက် သင်၏ ကျင့်ကြံခြင်း အဆင့်သည် မတိုးတက်လာဘဲ လမ်းလွဲလု နီးပါး ဖြစ်လာခဲ့သည်။]

[မမှုခဲ့ဘဲ သင်သည် နေ့နေ့၊ ညည ဆက်လက် ကျင့်ကြံသည်။]

[တစ်လ ကြာပြီးနောက် သင်၏ ချီ သန့်စင်ခြင်း အဆင့်သည် ပထမအဆင့်တွင်သာ ရှိသေးသည်။]

[အင်တာနက်ပေါ်ရှိ ကျင့်ကြံခြင်း နည်းလမ်းများ အားလုံးသည် အတုအယောင်ဆိုတာ သင် သတိပြုမိသွားခဲ့သည်!]

[ထို့ကြောင့် သင်သည် ကျင့်ကြံခြင်း နည်းလမ်းများကို ဆည်းပူးရန်အတွက် ငွေများ စတင် အသုံးပြုလာသည်။အချို့ ရတနာ ဝဘ်ဆိုက်များသည် ဈေးပေါသည့် ပစ္စည်းများကိုသာ ပို့ဆောင်ပေးပြီး အားလုံးသည် ဆယ်ယွမ်အောက် ဖြစ်ကာ အခမဲ့ ပို့ဆောင်ပေးသည်။]

[ရွေးချယ်စရာ မရှိဘဲ သင်သည် ခန္ဓာ သန့်စင်ခြင်းကိုသာ ဆက်လက် ရွေးချယ်ခဲ့သည်။]

ထိုအရာကို မြင်သည့်အခါ စုယီသည် နာကျင်သွားသည်။ကျင့်ကြံခြင်း နည်းလမ်း မရှိဘဲ မည်ကဲ့သို့ ကျင့်ကြံရမည်နည်း?

စုရှင်းသည် သက်ပြင်းချကာ ဆက်လက် စမ်းသပ်သည်။

[သင်သည် အရှုံးမပေးပါ။ကျင့်ကြံခြင်း နည်းလမ်းဆိုင်ရာ အချက်အလက်များကို ရှာဖွေရင်း ခန္ဓာ သန့်စင်ခြင်းကို ဆက်လက် လုပ်ဆောင်ခဲ့သည်။]

[အားလပ်ချိန်များတွင် သင်သည် ပထမနှစ် ဂျူနီယာ ညီမလေးများအား အဆင့်တက်ရန် ခေါ်ဆောင်ရင်း ငွေရှာခဲ့သည်။]

[သို့သော် ကောင်းသည့်အရာများ အားလုံး အဆုံးသတ်သွားသည်။နှစ်တစ်ဝက် ကြာပြီးနောက် ပထမနှစ် ဂျူနီယာ ညီမလေးများသည် ငွေအဆင့် ကျင့်ကြံသူ ဖြစ်လာပြီး သင်နှင့် အဆက်အသွယ် ဖြတ်ခဲ့သည်။]

[သာယာသော ညနေခင်း တစ်ခုတွင် လေပြေများ တိုးဝေ့နေချိန်၌ သင်သည် သူမကို ရှာတွေ့ခဲ့သည်။]

[သင် သူမကို မေးလိုက်သည်။ “ငါတို့ ရင်းနှီးမှု ရပြီး ခံစားချက်တွေ မျှဝေနိုင်တယ်” သို့ရာတွင် သူမက ပြန်ပြောသည်။ “အလုပ်သဘောအရဘဲ”]

[သင့်ရဲ့မာန ထိခိုက်သွားပြီး သင့်ရဲ့ ရှက်ရွံ့မှုတွေကို ခွန်အားအဖြစ် ပြောင်းပစ်လိမ့်မယ်။တစ်နှစ်ခွဲထိ သင့်ကိုယ်သင် ကျင့်ကြံခြင်းမှာ မြှုပ်နှံလိုက်တယ်။သင့်ရဲ့ ခန္ဓာ သန့်စင်ခြင်းက နောက်ဆုံးမှာ အဆင့် ခုနစ်ဆင့်ကို ဖြတ်ကျော်နိုင်သွားတယ်။]

[ဘွဲ့ယူရန် နီးကပ်လာသောအခါ မင်းနဲ့ နှစ်တူ အတန်းဖော်များ အားလုံးသည် ကျော်ကြားသော ကျင့်ကြံသူများ ဖြစ်လာကြသော်လည်း သင်ကတော့ ဘွဲ့ယူရန် အရည်အချင်းပင် မပြည့်မီပါ။]

[သင်သည် တစ်နှစ် ပြန်တက်ခဲ့ရသည်။သို့သော် နောက်ထပ် ဂျူနီယာ အသစ် ညီမငယ်များ အဖွဲ့ ရောက်လာသဖြင့် သူတို့ကို အဆင့်တက်ရန် ခေါ်သွားနိုင်သောကြောင့် သင်သည် တိတ်တဆိတ် ကျေနပ်နေခဲ့သည်။]

[တဖြည်းဖြည်း သင်သည် နာမည်ကြီးလာသည်။ကျောင်းသားသစ်များအား မြေအောက် အကျဉ်းခန်းထဲသို့ လိုက်ပို့နိုင်‌သည့် ထူးချွန်သော စတုတ္ထနှစ် စီနီယာ တစ်ယောက်ရှိမှန်း ကျောင်းသားသစ်များ အားလုံး သိလာကြသည်။]

[သင်သည် သုံးနှစ်တာအတွင်း သန်းဆယ်နှင့်ချီသော ပိုင်ဆိုင်မှုများကို စုဆောင်းကာ ကြွယ်ဝချမ်းသာလာသည်။]

စုရှင်းသည် သူ့မေးစေ့ကို ပွတ်ကာ ရေရွတ်လိုက်သည်။

“ငါ ဒီပုံအတိုင်း ဆက်ထိန်းနိုင်ရင် သိပ်မဆိုးဘူးဘဲ!အနည်းဆုံးတော့ ဂျူနီယာ အသစ်လေးတွေက အမြဲ ရှိတာဘဲ…”

ထို့နောက် စုရှင်း၏ အမူအရာသည် ပြောင်းလဲသွားသည်။

[သင့်ဘဝကို ဤအတိုင်း ရိုးရှင်းစွာ ဆက်‌သွားနိုင်လိမ့်မည်ဟု သင် တွေးလိမ့်မည်။]

[ကံဆိုးသည်မှာ ငါးနှစ်ဆက်တိုက် ဘွဲ့ယူရန် ကျရှုံးခဲ့ပါက သင်သည် ထုတ်ပယ်ခံရလိမ့်မည်။]

[ထုတ်ပယ် ခံလိုက်ရလျှင် သင်သည် သင်၏ အကြီးမားဆုံး ဝင်ငွေ အရင်းမြစ်ကို ဆုံးရှုံးလိမ့်မည်။သင်၏ နိမ့်ကျသော စွမ်းအားကြောင့် တစ်နှစ်ပတ်လည်လုံး ကြေးအဆင့် မြေအောက် အကျဉ်းခန်းများတွင်သာ ရစ်ဝဲနေရလိမ့်မည်။]

[များစွာ ဆင်ခြင်သုံးသပ်ပြီးနောက် သင်သည် သင်၏ ရုပ်ပိုင်းဆိုင်ရာ စွမ်းအင်ကို လေ့ကျင်ဖို့အတွက် သင့်ကိုယ်သင် စိတ်နှစ်ရန် ဆုံးဖြတ်သည်။]

[နှစ်နှစ်တာ အချိန်နှင့် သင်၏ ပိုင်ဆိုင်မှု အားလုံး ကုန်သွားသည့် အခါတွင်တော့ သင်သည် ခန္ဓာ သန့်စင်ခြင်း အဆင့်ရှစ်ထိ မြင့်တက်ခဲ့သည်။]

ထိုအရာကို ဖတ်ပြီးနောက် စုရှင်းသည် စိတ်ရှုပ်လာသည်။သူသည် ခန္ဓာသန့်စင်ခြင်းက ဤမျှလောက်ထိ စိန်ခေါ်မှု ဖြစ်လာနိုင်မှန်း မသိခဲ့ပါ။]

ပထမအဆင့်မှ အဆင့်ခြောက်ထိ ရောက်ရန် သူသည် သုံးနှစ် အချိန်ယူခဲ့ရသည်။

သို့ရာတွင် သူ့ အနာဂတ်တွင် အဆင့်ခြောက်မှ အဆင့်ရှစ်ထိ တက်ရန် ခုနစ်နှစ်တာ ကာလလုံး အချိန်ယူရမည်တဲ့။

စုရှင်းသည် စိတ်ရှည်စွာဖြင့် ဆက်ဖတ်သည်။

[ဆင်းရဲ မွဲလေ လာမည်။သင့် အလုပ်ဟောင်းဖြစ်သည့် မြေအောက် အကျဉ်းခန်းများသို့ သွားကာ စုဆောင်းခြင်းဖြင့် အသက်မွေးဝမ်းကြောင်း ပြုရန်မှတစ်ပါး သင့်တွင် အခြား ရွေးချယ်စရာ မရှိပါ။]

[နှစ်များစွာ ကြာသွားသောအခါ ခန္ဓာ သန့်စင်ခြင်း အဆင့်ရှစ် ရှိသော သင်သည် ကြေးအဆင့် မြေအောက် အကျဉ်းခန်းထဲတွင် မယုံနိုင်လောက်အောင် သန်မာလာပြီး နောက်ထပ် ပိုင်ဆိုင်မှု ဆယ်မီလီယံကို စုဆောင်းနိုင်မည်။]

[တစ်နေ့တွင် သင့်မိဘများက သင်၏ ညီမဖြစ်သူ စုနိုင်နန် ဆုံးသွားပြီ ဖြစ်ကြောင်း သင့်ကို ပြောမည်…]