လောထျန်း ညီလာခံ!-၂

ဤလူငယ်၏ အမည်မှာ ရှန်းနန်ယိုထျန်း ဖြစ်သည်။ အမည်မှာ ထူးဆန်းနေနိုင်ပါသည်။ သို့သော်လည်း သူသည် ထိုအမည် နှင့်အညီ စစ်မှန်စွာ နေထိုင်ခဲ့ပြီး ဝိညာဉ်စိုက်ခင်းတွင် မကြာခဏ ထွန်ယက် စိုက်ပျိုးခဲ့သည်။

ဤစကားကို ကြားသောအခါ ရှန်းနန်ယိုထျန်းသည် ခေါင်းညိတ်ပြီး ပြောလိုက်သည်။

“အဲဒီလိုဆိုရင် တူတော်မောင်လော၊ ရှေ့ကနေ ဦးဆောင်သွားပါ…”

စုရှင်းသည် ဂါရဝပြုကာ ရှန်းနန်ယိုထျန်းအား လောထျန်း အစည်းအဝေး ကျင်းပရာ နေရာသို့ ဦးဆောင် ခေါ်သွားခဲ့သည်။

လမ်းတစ်လျှောက် ရှန်းနန်ယိုထျန်းသည် စုရှင်းနှင့် တရင်းတနှီး စကားပြောဆိုကာ အိမ်နီးချင်း အစ်ကိုကြီး တစ်ဦး၏ ဖော်ရွေသော အပြုအမူကို ပြသခဲ့သည်။

“တူတော်မောင်လောက ဒီလက်တလောပိုင်းတင်ကို ကျင့်ကြံမှုမှာ လျင်မြန်စွာ တိုးတက်လာတာပဲ! အသက်တစ်ရာ မပြည့်သေးဘဲ သန္ဓေတည် ဝိဉာဉ်အဆင့်ကို ရောက်နေပြီ။ ဒါ့အပြင် ကိုးပတ်လည် ရွှေအူတိုင်ကိုလည်း ကျင့်ကြံနေသလို ခန္ဓာကိုယ် ကြံ့ခိုင်မှုအတွက်လည်း မူလ မသေမျိုး နယ်ပယ် ကျင့်ကြံမှု အဆင့် ရှိနေတယ်။ တကယ်ကို ထူးခြားတယ်!”

“အတွင်းဂိုဏ်းသား သိန်းနဲ့ချီတဲ့အထဲမှာ မင်းဟာ ထိပ်တန်းခေါင်းဆောင် တစ်ယောက်လို့ သတ်မှတ်နိုင်တယ်…”

ဤစကားကို ကြားသောအခါ စုရှင်းသည် ပို၍ပင် အံ့အားသင့်သွားသည်။ ရှန်းနန်ယိုထျန်းသည် တစ်ချက်ကြည့်ရုံဖြင့် သူ၏ စွမ်းရည်များကို အတိုင်းအဆမဲ့ မြင်နိုင်ခဲ့သည်။

ထို့ကြောင့် စုရှင်းသည် အလျင်အမြန် ပြောလိုက်သည်။

“အိုး မဟုတ်ပါဘူးဗျာ ကျွန်တော် အာရုံစိုက်ပြီး ပိုကြိုးကြိုးစားစား ကျင့်ကြံဖို့ လိုပါသေးတယ်…”

ရှန်းနန်ယိုထျန်းသည် ခေါင်းညိတ်ပြီးနောက် ထပ်ပြောလိုက်သည်။

“မောက်မာခြင်းလည်း မရှိ၊ စိတ်မရှည်ခြင်းလည်း မရှိ၊ ငါတို့ရဲ့ လောထျန်းဂိုဏ်းမှာ တကယ်ကို အလားအလာ ကောင်းတဲ့ အနာဂတ်ရှိတာဘဲ။ ကျင့်ကြံခြင်းအပြင် တခြား အထောက်အကူပြုတဲ့ လမ်းကြောင်းတွေများ ရှိနေသေးလားလို့ ငါတွေးမိတယ်…”

အထောက်အကူပြုတဲ့ လမ်းကြောင်းတွေဆိုတာ အဂ္ဂိရတ်ပညာ၊ လက်နက်ပြုပြင်ခြင်း၊ ဝိညာဉ်အပင်များ စိုက်ပျိုးခြင်း၊ ပုံစံ စသည်တို့ကို ရည်ညွှန်းပါသည်။

ခဏ စဉ်းစားပြီးနောက် စုရှင်းသည် နှိမ့်ချစွာ ပြောလိုက်သည်။

“ကျွန်တော့် စွမ်းရည်က အကန့်အသတ် ရှိပါတယ်၊ ကျင့်ကြံခြင်းအပြင် အဂ္ဂိရတ်ပညာနဲ့ ဝိညာဉ် ပျိုးထောင်ခြင်း လမ်းကြောင်းကို အပေါ်ယံလောက်ပဲ နားလည်ပါတယ်…”

ဒါသာ တကယ့်ကမ္ဘာဆိုလျှင် စုရှင်း၏ အဂ္ဂိရတ်ပညာနှင့် ပျိုးထောင်ခြင်းဆိုင်ရာ ကျွမ်းကျင်မှုများသည် ဘယ်သူနဲ့မှ တူမည် မဟုတ်ပါ။ မည်သို့ပင်ဆို‌စေ ဤ ကျင့်ကြံနည်း နှစ်မျိုးကို တစ်ကမ္ဘာလုံးမှာ သူ တစ်ယောက်တည်းသာ ပိုင်ဆိုင်ထားခြင်း ဖြစ်သည်။

သို့သော် ကျွမ်းကျင်သူများ မှိုလိုပေါနေသည့် လောထျန်းဂိုဏ်းတွင် စုရှင်းက သူ အပေါ်ယံလောက်သာ နားလည်သည်ဟု ပြောတယ်ဆိုတာကတောင် အတော်လေး လွန်လွန်ကဲကဲ ပြောလိုက်ခြင်း ဖြစ်သည်။

သို့သော် စုရှင်းတွင် ထိုသို့ ပြောလိုက်ရသည့် အကြောင်းပြချက်များ ရှိသည်။

မျှော်လင့်ထားသည့် အတိုင်းပင် စုရှင်း၏ စကားကို ကြားသောအခါ ရှန်းနန်ယိုထျန်း၏ စိတ်ဝင်စားမှု မြင့်တက်လာကာ ဝင်ပြောလေသည်။

“အို? မင်းရဲ့ အထောက်အကူပြုတဲ့ လမ်းကြောင်းတွေက ငါနဲ့ တော်တော် တူတယ် ထင်တယ်။ မင်းဦးလေးက မင်းရဲ့ အသိပညာကို စမ်းသပ်ပါရစေ…”

ထိုသို့ပြောပြီး ရှန်းနန်ယိုထျန်းသည် စုရှင်းအား အဂ္ဂိရတ် ပညာနှင့် ပျိုးထောင်ခြင်းဆိုင်ရာ သာမန် မေးခွန်း များစွာကို မေးခဲ့သည်။

စုရှင်းသည် တစ်ခုချင်းစီကို ဖြေကြားခဲ့သည်။ လုံးဝ ပြီးပြည့်စုံခြင်း မရှိသော်လည်း နှစ်များတစ်လျှောက် အဂ္ဂိရတ် ပညာကို သရုပ်ပြခြင်း လုပ်ချိန်တွင် ကြိုးစားခဲ့သောကြောင့် အသိပညာ အနည်းငယ်တော့ ရှိလေသည်။

ရှန်းနန်ယိုထျန်းသည် တစ်ခါတစ်ရံ ခေါင်းညိတ်ပြီး တစ်ခါတစ်ရံ မျက်မှောင်ကြုတ်ကာ ခဏအကြာတွင် သူက ပြောလိုက်သည်။

“တူတော်မောင်လောက အသက် ငယ်ငယ်ရွယ်ရွယ်နဲ့ အဂ္ဂိရတ် ကျောင်းတွေမှာ ဒီလောက်အထိ နက်ရှိုင်းစွာ လေ့လာခဲ့မယ်လို့ ငါ မမျှော်လင့်ထားမိဘူး။ မင်းရဲ့ အမြင်ဟာ နှစ်ရာနဲ့ချီပြီး လေ့ကျင့်ခဲ့တဲ့ အဂ္ဂိရတ် ပညာရှင်တွေနဲ့ အဆင့်တူပဲ... ဒါပေမဲ့ မင်းရဲ့ ပျိုးထောင်ခြင်း လမ်းကြောင်းကိုတော့ ပိုအားကောင်းအောင် လုပ်ဖို့ လိုသေးတယ်။”

ထိုသို့ပြောပြီး ရှန်းနန်ယိုထျန်းသည် စုရှင်းအား လမ်းညွှန်မှု ပေးနိုင်သည့် ပုံစံမျိုးဖြင့် အမူအရာတစ်ခု ပြသခဲ့သည်။

အခွင့်အရေးကို လက်လွတ်မခံဘဲ စုရှင်းသည် အလျင်အမြန် ပြောလိုက်သည်။

“ဦးလေး၊ တကယ်တော့ ကျွန်တော် မကြာသေးခင်က ဝိညာဉ် ပျိုးထောင်ခြင်း လမ်းကြောင်းမှာ ပြဿနာတစ်ခုနဲ့ ကြုံတွေ့ခဲ့ရပါတယ်... ကျွန်တော်တို့ရဲ့ လောထျန်းဂိုဏ်းမှာ ဒီလောက်များတဲ့ ဝိညာဉ်စုစည်း ပန်းတွေ ရှိနေတာ၊ အဲဒါတွေက ဘယ်က လာတာလဲ၊ ဘယ်လို စိုက်ပျိုးကြတာလဲ?”

တကယ်တော့ ဒါဟာ စုရှင်းရဲ့ ရည်ရွယ်ချက်ပါ!

စုရှင်းသည် အကျဉ်းခန်း နယ်မြေမှ ရုပ်ဝတ္ထုများကို တကယ့်ကမ္ဘာသို့ ပြန်လည် သယ်ဆောင်၍ မရသော်လည်း သူသည် မှတ်ဉာဏ်များကိုတော့ ယူ၍ ရနိုင်သေးသည်။

ရှန်းနန် ယိုထျန်းသည် ငယ်ရွယ်သူ တစ်ဦးကဲ့သို့ ထင်ရသော်လည်း သူသည် နှစ်ပေါင်း တစ်ထောင်ကျော် အသက်ရှင်ခဲ့ပြီး ဖြစ်သည်။ လောထျန်းဂိုဏ်းတွင် စွမ်းအင် ပျိုးထောင်ခြင်း လမ်းကြောင်း၌ ခရီး အဝေးဆုံးသို့ ရောက်ရှိခဲ့သူလည်း ဖြစ်သည်။

စုရှင်းသာ ရှန်းနန် ယိုထျန်းထံမှ လမ်းညွှန်မှုကို ရရှိခဲ့မည် ဆိုလျှင် စွမ်းအင် စုစည်းသော ပန်း စိုက်ပျိုးခြင်း၏ လျှို့ဝှက်ချက်များကို အမှန်တကယ် သင်ယူနိုင်ပေလိမ့်မည်။

မျှော်လင့်ထားသည့် အတိုင်းပင် ရှန်းနန်ယိုထျန်းသည် ခဏတာ စဉ်းစားပြီးနောက်

“မင်းက လူမှန်ကို မေးလိုက်တာဘဲ။ စွမ်းအင် စုစည်းတဲ့ပန်းနဲ့ ပတ်သက်လို့ သာမန်လူတွေမှာ အဖြေရှိမှာ မဟုတ်ဘူး! ဒါပေမဲ့ ရှေးဟောင်း စာပေတစ်ခုမှာ စွမ်းအင်စုစည်းတဲ့ ပန်း စိုက်ပျိုးနည်းတွေကို ကျွန်တော် မြင်ဖူးတယ်။ ကိုယ်တိုင်တော့ မစမ်းဖူးပေမဲ့ ဖြစ်နိုင်တယ်လို့ ထင်တယ်…”

“စွမ်းအင် စုစည်းတဲ့ ပန်းက နတ်ဘုရားရဲ့ ဆုလာဘ်တစ်ခု ဖြစ်ပြီး အလွန် နူးညံ့သိမ်မွေ့တယ်။ သာမန်လူတွေက မျိုးစေ့ကနေ ရင့်မှည့်တဲ့အထိ ဆယ်နှစ်ကြာ စိုက်ပျိုးရတယ်၊ စိုက်ပျိုးနေစဉ်မှာတောင် အစိုဓာတ်နဲ့ နေရောင်ခြည်ကို အထူး ဂရုစိုက်ရတယ်…”

“စွမ်းအင် စုစည်းတဲ့ပန်း စိုက်ပျိုးနည်းနဲ့ ပတ်သက်လို့ ပြောရမယ်ဆိုရင် အဖိုနဲ့အမ နှစ်မျိုး ရှိတယ်လို့ ဆိုကြတယ်။ အမ စွမ်းအင် စုစည်းတဲ့ပန်းရဲ့ ဝတ်ဆံမှာ အဝါရောင် အစက်အပြောက်တွေ ပါရှိပြီး အထီးမှာတော့ မပါဘူး... ပြီးတော့ စွမ်းအင် စုစည်းတဲ့ပန်းကို လူက တမင် မျိုးပွားချင်တယ်ဆိုရင် အထီးနဲ့အမ ပန်းနှစ်မျိုးလုံး ရင့်မှည့်တဲ့နေ့မှာ ဝတ်မှုန်ကူးပေးဖို့ လိုတယ်…”

ရှန်းနန်ယိုထျန်းသည် စကားတစ်ဝက်တွင် တန့်သွားပြီး လက်ညှိုးတစ်ချောင်းကို ဆန့်တန်းကာ စုရှင်း၏ နဖူးဆီသို့ ညွှန်ပြလိုက်သည်။

ခဏတာအတွင်း မှတ်ဉာဏ် စီးကြောင်း တစ်ခုသည် စုရှင်း၏ စိတ်အာရုံထဲသို့ စီးဝင်သွားသည်။ ယင်းမှာ စွမ်းအင် စုစည်းသောပန်းကို စိုက်ပျိုးနည်း၏ လျှို့ဝှက်ချက်ပင် ဖြစ်သည်။

“ဟင့်~ ဒါက ငါ စွမ်းအင် စုစည်းတဲ့ပန်း စိုက်ပျိုးနည်းကို ရသွားတာလား?”

စုရှင်းသည် အိပ်မက်တစ်ခု မက်နေသကဲ့သို့ ခဏတာ ခံစားလိုက်ရသည်။ သူသည် ဝိညာဉ်စွမ်းအင် အားနည်းမှုကြောင့် အမြဲတစေ ရုန်းကန်ခဲ့ရပြီး သူ၏ ဝိညာဉ်စိုက်ခင်း ကောင်းချီးမြေတွင် စွမ်းအင်စုစည်းသောပန်း သုံးပွင့်ဖြင့် ဝိညာဉ်စွမ်းအင်ကို ဖြည့်သွင်းပေးနေသော်လည်း နောက်ဆုံးတွင်တော့ ရေတစ်ခွက်တည်းဖြင့် တောမီးကို ငြှိမ်းသတ်ရန် ကြိုးစားနေသကဲ့သို့ ဖြစ်နေသည်။

သို့သော် စွမ်းအင် စုစည်းသောပန်း အရေအတွက်သည် သုံးဆယ် သို့မဟုတ် သုံးရာအထိ တိုးလာပြီး သူ၏ ကျင့်ကြံမှုအတွက် သီးသန့်အသုံးပြုပါက ဝိညာဉ်စွမ်းအင် မလုံလောက်ခြင်းကို လုံးဝ စိုးရိမ်စရာ မလိုတော့ပေ!

စုရှင်းသည် ဤမျှ ကာလကြာရှည်စွာ သူ့ကို ဒုက္ခပေးခဲ့သည့် ဝိညာဉ်စွမ်းအင် မလုံလောက်ခြင်း ပြဿနာသည် ဤမျှလွယ်ကူစွာ ဖြေရှင်းနိုင်လိမ့်မည်ဟု တစ်ခါမျှပင် မတွေးခဲ့ဖူးပေ။

ထိုအချိန်တွင် စုရှင်းသည် လောထျန်း အစည်းအဝေး၏ သူ့အတွက် အရေးပါမှုကို သဘောပေါက်လိုက်သည်။

လောထျန်း အစည်းအဝေးသည် မည်သည့် ရုပ်ဝတ္ထု ပစ္စည်းကိုမျှ ယူဆောင်ခွင့်မပြုဘဲ မှတ်ဉာဏ်များကိုသာ ခွင့်ပြုသည်။

ပျမ်းမျှ ကျွမ်းကျင်သူများ အတွက် ၎င်းသည် အမှန်တကယ် အကူအညီ မဖြစ်ပေ။

သို့သော် စုရှင်းအတွက်မူ ၎င်းသည် ကျင့်ကြံခြင်း ကမ္ဘာနှင့် သုည အကွာအဝေးတွင် ထိတွေ့နိုင်ရန် အကောင်းဆုံး အခွင့်အရေးပင် ဖြစ်သည်။

ထိုအခွင့်အရေးကို မှန်ကန်စွာ အသုံးပြုသမျှ ကာလပတ်လုံး စုရှင်းသည် လောထျန်း အစည်းအဝေးမှ ကျင့်ကြံခြင်း ကမ္ဘာ၏ အသိပညာနှင့် လျှို့ဝှက်ချက် များစွာကို လေ့လာသင်ယူ နိုင်ပေလိမ့်မည်။

ယနေ့တွင် သူသည် စွမ်းအင် စုစည်းသောပန်း စိုက်ပျိုးနည်းကို သင်ကြားခဲ့ရပြီး နောက်တစ်ကြိမ်တွင် ၎င်းသည် မသေမျိုး ဆေးတစ်လက် ချက်နည်း သို့မဟုတ် နတ်ဘုရား စွမ်းရည်များနှင့် ကျင့်ကြံခြင်း နည်းစနစ်များပင် ဖြစ်ကောင်းဖြစ်နိုင်သည်!

လောထျန်း အစည်းအဝေးသို့ အကြိမ်များစွာ သွားရောက်ရန် ကြိုးစားအားထုတ်သမျှ ကာလပတ်လုံး ကျင့်ကြံခြင်း ကမ္ဘာနှင့် ပတ်သက်သော စုရှင်း၏ အသိပညာသည် အဆပေါင်းများစွာ တိုးပွားလာလိမ့်မည်!

“ဟက်.. ဒါက တကယ့်ကို ရတနာတစ်ခုပဲ!”

ထိုအချိန်တွင် စုရှင်း၏ စိတ်သည် အလွန် လှုပ်ရှားနေခဲ့သည်။

လောထျန်း အစည်းအဝေးသည် သုံးနှစ်သာ တည်ရှိနိုင်သော်လည်း စုရှင်းသည် သူ့ကိုယ်သူ လက်နက်တပ်ဆင်ရန် လုံလောက်သော အသိပညာကို ရရှိရန်အတွက် သရုပ်ပြစက်တွင် အကြိမ်ပေါင်းများစွာ သွားရောက် လေ့လာနိုင်သည်။

ရှန်းနန် ယိုထျန်းက ညွှန်ပြပြီးနောက် “တူတော်မောင် လော ဘာတွေရပ်ကြည့်နေတာလဲ? မြန်မြန်လိုက်ခဲ့” ဟု စုရှင်းကို ပြောလိုက်သည်။

စုရှင်းသည် အခြားသော ဝိညာဉ် ပျိုးထောင် နည်းလမ်းများ အကြောင်း ရှန်းနန် ယိုထျန်းကို မေးမြန်းရန် စိတ်အားထက်သန်စွာဖြင့် အလျင်အမြန် လိုက်သွားသည်။

သို့သော် ရှန်းနန်ယိုထျန်းသည် ခေါင်းကို အနည်းငယ် ခါယမ်းပြီး “တူတော်မောင်၊ ကိုယ်နိုင်တာထက် ပိုပြီး လောဘကြီးတာ ဘယ်တော့မှ မကောင်းဘူးဆိုတာ နားလည်ရမယ်…” ဟုသာ ပြောသည်။

စုရှင်းသည် သက်ပြင်းချကာ ဤရှန်းနန်ဦးလေးထံမှ အကျိုးအမြတ်များကို ဆက်လက် ရယူရန် မဖြစ်နိုင်ကြောင်း သိသည်။ သို့သော်လည်း စွမ်းအင် စုစည်းသောပန်းကို စိုက်ပျိုးနည်းသည် လုံးဝ မမျှော်လင့်ထားသော ပျော်ရွှင်မှု တစ်ခုပင် ဖြစ်သည်။

ထို့အပြင် သူ၏ နောက်ထပ် သရုပ်ပြခြင်းတွင် စုရှင်းသည် အခြားသော စမ်းသပ်မှု အချို့ကို ရရှိရန် အတွက် မြှုပ်နှံ သရုပ်ပြခြင်းကို ပြန်လည် အသုံးပြုနိုင်ပေသည်။

စုရှင်းသည် ရှန်းနန်ယိုထျန်း နှင့်အတူ လောထျန်း အစည်းအဝေး ကျင်းပရာ နေရာသို့ အလျင်အမြန် ရောက်ရှိခဲ့သည်။

လောထျန်း အစည်းအဝေးသည် ထိုအချိန်မှ စတင်ခဲ့သည်။ ကျင်းပရာ နေရာသည် လူများဖြင့် ပြည့်နှက်နေကာ ရေတွက်ရန်ပင် မဖြစ်နိုင်ပါ။ ထိုနေရာတွင် လောထျန်းဂိုဏ်း၏ တပည့်များနှင့် အကြီးအကဲများ အားလုံး စုဝေးနေကြသည်။

လောထျန်း အစည်းအဝေးတွင် ပါဝင်ရန် အရည်အချင်း ပြည့်မီသူများသည် အနည်းဆုံးတော့ အတွင်းဂိုဏ်းသား တပည့်များ ဖြစ်ကြသည်။

လောထျန်းဂိုဏ်း၏ ပြင်ပဂိုဏ်းသား တပည့်သန်းပေါင်း များစွာနှင့် လာရောက်ကြည့်ရှုသော အခြားဂိုဏ်းငယ်များမှ တပည့်များ အနေဖြင့် ဂိုဏ်းတံခါး အပြင်ဘက်မှသာ စောင့်ကြည့်နိုင်သည်။ စုရှင်းကဲ့သို့ လောထျန်း အစည်းအဝေး ကျင်းပရာ နေရာ၏ အလယ်တွင် ရှိနေနိုင်မည် မဟုတ်ပေ။

ထိုအချိန်တွင် စုရှင်းသည် စူးစမ်းလိုစိတ် အပြည့်ဖြင့် ပတ်ဝန်းကျင်ကို ကြည့်ရှုနေပြီး သူ၏ မျက်လုံးများသည် အံ့ဩမှုများဖြင့် ပြည့်နှက်နေသည်။ ပတ်ဝန်းကျင်ရှိ တပည့်များ အားလုံးသည် စွမ်းအားရှင်များ ဖြစ်ကြသည်။ စုရှင်းသည် အမြဲတစေ တစ်ဦးတည်း ကျင့်ကြံခဲ့သောကြောင့် ဤမျှ များပြားသော စွမ်းအားရှင်များကို မြင်တွေ့ရသည်မှာ သူ့ရဲ့ ပထမဆုံးအကြိမ် ဖြစ်သည်။

စုရှင်းသည် မကြာမီ သူ၏ ဆရာဖြစ်သူ အကြီးအကဲ ချီနှင့် တွေ့ဆုံခဲ့သည်။ သူသည် ရှည်လျားသော မုတ်ဆိတ်နှင့် အသက်ရွယ် ကြီးရင့်သော မျက်နှာရှိသူ ဖြစ်သည်။ သူ၏ စွမ်းအားသည် အကြီးအကဲများကြားတွင် အထူးအထိပ်အမြတ် မဟုတ်သော်လည်း မျိုးဆက်အရ အကြီးဆုံးဖြစ်ပြီး ရှန်းနန်ယိုထျန်း၏ တပည့်ညီအစ်ကို တစ်ဦးအဖြစ် သတ်မှတ်ခံရသည်။

စုရှင်း ပြန်လာသည်ကို မြင်သောအခါ အကြီးအကဲ ချီသည် စုရှင်းကို ခေါင်းညိတ်ပြပြီး ရှန်နန်ယိုထျန်းနှင့် ပေါ့ပေါ့ပါးပါး စကားပြောဆိုခဲ့သည်။

ဘာလုပ်ရမှန်း မသိသော စုရှင်းသည် ကျင့်ကြံခြင်း ကမ္ဘာ၏ အထွတ်အထိပ် ဖြစ်သော လောထျန်းဂိုဏ်းနှင့် ရင်းနှီးစေဖို့ အတွက် ဤအခွင့်အရေးကို အရယူရန် စဉ်းစားလိုက်သည်။

ထိုစဉ် စုရှင်း၏ နားထဲ၌ သရုပ်ပြစက်မှ အသိပေးချက် တစ်ခု ပေါ်လာသည်။

[ဒင်၊ လက်ရှိ မြှုပ်နှံ သရုပ်ပြခြင်းသည် မကြာမီ ပြီးဆုံးပါတော့မည်…]