ခွေးကောင်ကျုံးအား အဆုံးတွင် သတ်ဖြတ်နိုင်ခဲ့ခြင်း၊ မှော်ပစ္စည်းများ ပေါက်ကွဲခြင်း!

“ခွေးကောင် ကျုံးသည် သင့်နှင့် ရောယှက်လိုခြင်း မရှိတော့ပါ။ သယ်ဆောင်သွားနိုင်သော ကောင်းချိီးမြေသည် အဖိုးတန်သော်လည်း အသက်ရှင်မှသာ အသုံးပြုနိုင်မည် ဖြစ်ကြောင်း သူ သိသည်။”

“သူ့အတွက် ဝိညာဉ် စုစည်းပန်း ဒါဇင်ပေါင်း များစွာကို ရရှိထားပြီ ဖြစ်သည့် အတွက် ယင်း ပမာဏသည် ဆယ်စုနှစ် များစွာအတွင်း လွတ်မြောက်ခြင်း နယ်ပယ် ပြန်လည် ရောက်ရှိခြင်း အဆင့်သို့ ထိုးဖောက်ရန် လုံလောက်ပါသည်။”

“ထို့ကြောင့် ယခု သူလိုချင်သည်မှာ တတ်နိုင်သမျှ မြန်မြန် ထွက်ခွာ၍ လျင်မြန်စွာ ချဉ်းကပ်လာနေသည့် ကြောက်မက်ဖွယ် ကောင်းသော တည်ရှိမှုမှ လွတ်မြောက်ရန်သာ ဖြစ်သည်။”

“သို့သော် သင်သည် သူ့ စိတ်ကြိုက် လုပ်ဆောင်ရန် မည်သို့ ခွင့်ပြုမည်နည်း? ပြင်းထန်သော ဒဏ်ရာများ ရရှိနိုင်ခြေကို ပဓာန မထားဘဲ သင်သည် သင်၏ ဝိညာဉ်စွမ်းအင်ကို အသည်းအသန် အသက်သွင်းကာ သင်၏ ခန္ဓာကိုယ်ဖြင့် ခွေးကောင်ကျုံးကို ထိန်းချုပ်ထားခဲ့သည်။”

“ဆယ်စက္ကန့် အတွင်း၌ပင် သင့်ခန္ဓာကိုယ်သည် နောက်တစ်ကြိမ် ပြင်းထန်စွာ ပျက်စီးခဲ့ရသည်။”

“သို့သော် ဤအချိန်၌ လောရွှေရင်သည် ရောက်ရှိလာခဲ့သည်။”

“လောရွှေရင်သည် အရိပ်ကျသည့် နေရာမှ ရုတ်တရက် ပေါ်လာပြီး စကားတစ်ခွန်းမျှ မဆိုဘဲ ခွေးကောင်ကျုံးကို တိုက်ခိုက်လိုက်သည်။”

“‌ခွေးကောင်ကျုံးသည် လောရွှေရင်ကို မြင်သောအခါ အစပိုင်းတွင် ဝမ်းသာနေခဲ့သည်။ တစ်စုံတစ်ရာ ပြောရန် ပြင်ဆင်နေစဉ်မှာပင် လောရွှေရင်က သူ့အား လာရောက် တိုက်ခိုက်သည်ကို မြင်သောအခါ သူသည် သူ၏ အရိုးဓားကို အလျင်အမြန် ထုတ်သုံး၍ ခုခံခဲ့သည်။”

“ခွေးကောင်ကျုံးက သင်သည် လောရွှေရင်နှင့် ပူးပေါင်းပြီး သူ၏ အသက်ကို ယူရန် ရည်ရွယ်ထားလိမ့်မည်ဟာ မမျှော်လင့်ထားခဲ့ပေ။”

“အမှန်မှာ သူ့အမြင်အရ လောရွှေရင်သည် ဆယ်စုနှစ် တစ်ခုကျော်ကြာ ဆင်းသက်ဂိုဏ်း၏ စောင့်ရှောက်သူဟောင်း ဖြစ်ခဲ့သည်။ သင်ကမူ သုံးနှစ်သာ ရှိသေးသည်။ သူမကို သင် မည်သို့ ဖျားယောင်းနိုင်မည်နည်း?”

“သို့သော် အခြေအနေက ဤမျှ ရောက်ရှိလာခဲ့ပြီ ဖြစ်ရာ ခွေးကောင်ကျုံးသည် အများကြီး စဉ်းစားမနေနိုင်တော့ဘဲ အစွမ်းကုန် ခုခံ တိုက်ခိုက်ရန်သာ ရှိတော့သည်။”

“သူတို့နှစ်ဦးသည် မြင့်မားသော ကောင်းကင်ယံ၌ ဓားသွားများ၏ လျှပ်စီးကြောင်းနှင့် ဓားရိပ်များကဲ့သို့ အချီ ဒါဇင်ပေါင်း များစွာ ကြာအောင် တိုက်ခိုက်ခဲ့ကြသည်။”

“သို့သော် သင့်နှင့် နှိုင်းယှဉ်ပါက ဒဏ္ဍာရီ အဆင့်ရှိသော လောရွှေရင်သည် စွမ်းအား ပိုမို မြင့်မားသည်မှာ ရှင်းသည်။ သူမသည် ခွေးကောင်ကျုံးကို အချိန်တိုင်း လွှမ်းမိုးထားခဲ့သည်။”

“‌ခွေးကောင် ကျုံးသည်လည်း သူ၏ အစွမ်းများကို အကုန် ထုတ်သုံး၍ လောရွှေရင်၏ ထိုးစစ်ကို အနိုင်နိုင် ခုခံနေခဲ့သည်။”

စုရှင်းသည် ဤသည်ကို မြင်သောအခါ သက်ပြင်းချလိုက်ပါသည်။

“ကံကောင်းလို့ လောရွှေရင် အချိန်မီ ရောက်လာခဲ့လို့သာပေါ့…ဒီ ခွေးကောင်ကျုံးရဲ့ စွမ်းအားကို တကယ် လျှော့တွက်လို့ မရဘူးဘဲ။ ငါက နတ်ဘုရား အင်အားနယ်ပယ် အဆင့်မှာ ရှိနေပေမယ့် သူနဲ့ ငါ့ကြားက ကွာဟချက်က အရမ်း ကြီးမားနေဆဲပဲ…”

“ဒီခွေးအိုက ဒဏ္ဍာရီအဆင့် တိုက်ခိုက်ရေး သမားတစ်ဦးနဲ့ အချီ ဒါဇင်ပေါင်းများစွာ တုံ့ပြန် တိုက်ခိုက်နိုင်တယ် ဆိုတာက သူ့စွမ်းအားက ဒဏ္ဍာရီအဆင့် နီးပါး ရှိနေတယ်ဆိုတာ သိသာနေတာဘဲ…”

စုရှင်းက လောရွှေရင်သည် ခွေးကောင်ကျုံးအား အနိုင်ယူနိုင်ပါ့မလား ဆိုသည်ကို များစွာ စိုးရိမ်ခြင်း မရှိခဲ့ပါ။

အဘယ်ကြောင့်ဆိုသော် လောရွှေရင်သည် စစ်သူကြီးအဆင့် ထိပ်ပိုင်း၌ ရှိနေစဉ်ကပင် ခွေးကောင်ကျုံးကို လွှမ်းမိုးနိုင်ခဲ့ပြီး ဖြစ်သည်။

သူမသည် ဒဏ္ဍာရီအဆင့်သို့ ထိုးဖောက်ပြီး ဖြစ်သည့် အတွက် စိုးရိမ်စရာပင် မလိုတော့သည်မှာ ရှင်းနေပါသည်။

သို့သော်လည်း စုရှင်းက ဤခွေးအိုသည် ပရိယာယ် များစွာနှင့် အသက်ရှင်ရာတွင် ကျွမ်းကျင်သူ ဖြစ်သည့် အတွက် လောရွှေရင်၏ တိုက်ခိုက်မှုများမှ လွတ်မြောက်သွားနိုင်မည်ကို စိုးရိမ်နေမိသည်။

“အင်း~ တကယ်ပြောဖို့ ခက်တယ်။ လောရွှေရင်က သူ့ကို အရင်က ရက်အတော် ကြာအောင် လိုက်ခဲ့ပေမဲ့လည်း မသတ်နိုင်ခဲ့ဘူး။ ဒီခွေးအိုမှာက လျှို့ဝှက်ချက်တွေ အများကြီး ရှိတယ်။ ငါတို့ သူ့ကို လုံးဝ ပေါ့ပေါ့ဆဆ သဘောမထားသင့်ဘူး!”

စုရှင်းသည် သူ့ကိုယ်သူ တိတ်တဆိတ် သတိပေးလိုက်ပြီး သရုပ်ပြခြင်း ဖန်သားပြင်ကို ကြည့်လိုက်သည်။

[လောရွှေရင်နှင့် ခွေးကောင်ကျုံးတို့ တိုက်ပွဲ ဆင်နွှဲနေစဉ် သင်သည် သင့် ခန္ဓာကိုယ်ထဲရှိ ဝိညာဉ်စွမ်းအင်ကို အလျင်အမြန် အသက်သွင်းကာ ခွေးကောင်ကျုံးက သင့်ထဲသို့ ထည့်သွင်းထားသည့် အနက်ရောင်ဓာတ်ကို ဖယ်ရှားရန် ကြိုးစားခဲ့သည်။]

[သို့သော် ဤအနက်ရောင်ဓာတ်သည် အရိုးကို ထွင်းဖောက် ဝင်ရောက်သည့် ပိုးကောင်နှင့် တူသည်။ သင်၏ ဝိညာဉ်စွမ်းအင်နှင့် အနက်ရောင်ဓာတ် ထိတွေ့သည်နှင့် ဝိညာဉ်စွမ်းအင်သည် လျင်မြန်စွာ ကုန်ဆုံးသွားပြီး အနက်ရောင်ဓာတ်ကိုသာ အနည်းငယ် ပိုမို အားကောင်းစေခဲ့သည်။]

[သင်သည် သင့်စိတ်ထဲ၌ ပို၍ပင် ထိတ်လန့်သွားခဲ့သည်။ ဤအနက်ရောင်ဓာတ်သည် အလွန်အမင်း ဆိုးရွားပြီး ဝိညာဉ် ကျင့်ကြံသူများ အတွက် ဘေးဆိုးတစ်ခု ဖြစ်ကြောင်း သင် သိလိုက်သည်။ သင်သည် ခန္ဓာကိုယ် သန့်စင်ခြင်းကိုပါ မကျင့်ကြံခဲ့ပါက ခွေးကောင်ကျုံး၏ ခြေဖဝါးအောက်၌ ကြာမြင့်စွာ ကတည်းက ကျဆုံးခဲ့ရပေမည်။]

[သင်သည် လီမီးနည်းစနစ်ကို အသုံးပြု၍ အနက်ရောင်ဓာတ်ကို ဖယ်ရှားရန် ကြိုးစားခဲ့သည်။ ရှေးဟောင်း ဇာမဏီငှက်၏ မီးမှ ဆင်းသက်လာသည့် လီမီးနည်းစနစ်သည် အနက်ရောင်ဓာတ်အပေါ် ကောင်းမွန်စွာ ထိန်းချုပ်နိုင်စွမ်း ရှိသည်မှာ သေချာပါသည်။]

[သို့သော် လီမီး နည်းစနစ်သည် စွမ်းအင်များစွာ ကုန်ဆုံးစေပြီး အနက်ရောင်ဓာတ်ကို ဖယ်ရှားသည့် လုပ်ငန်းစဉ်သည် အလွန်အမင်း နာကျင်ခဲ့သည်။ သင်သည် ဝိညာဉ် ကျောက်တုံးများစွာ သုံးစွဲခဲ့ပြီး သင့်ခန္ဓာကိုယ် အတွင်းရှိ အနက်ရောင်ဓာတ် အများစုကို အနိုင်နိုင် ဖယ်ရှားနိုင်ခဲ့သည်။ ကျန်ရှိသော ဓာတ်များသည် အလွန် နက်ရှိုင်းစွာ ထိုးဖောက် ဝင်ရောက်နေသည့် အတွက် သင်သည် ယင်းတို့အား အချိန်တိုအတွင်း ဖယ်ရှားနိုင်ခြင်း မရှိခဲ့ပေ။]

[သို့သော် ဤအချိန်၌ သင်သည် သင်၏ တိုက်ခိုက်ရေး စွမ်းအားကို ပြန်လည် ရရှိခဲ့သည်။ ဒဏ်ရာပျောက် ဆေးလုံးများ အနည်းငယ်ကို မျိုချပြီးနောက် သင်သည် တိုက်ပွဲဝင်ရန် အသင့်ဖြစ်နေပြီ ဖြစ်သည်။]

[ခွေးကောင်ကျုံးသည် လောရွှေရင်ကို တစ်ယောက်တည်း တိုက်ခိုက်ရင်း ရုန်းကန်နေရပြီ ဖြစ်သည်။ သင် တိုက်ခိုက်ရေး စွမ်းအား ပြန်လည် ရရှိသည်ကို မြင်သောအခါ သူသည် ချက်ချင်း ထိတ်လန့်သွားသည်။ သူသာ မထွက်ပြေးပါက ယနေ့ ဤနေရာ၌ပင် သူ သေဆုံးရနိုင်ကြောင်း သိလိုက်သည်။]

[ခွေးကောင်ကျုံးသည် ကြွယ်ဝသော တိုက်ခိုက်ရေး အတွေ့အကြုံရှိသူ ဖြစ်သည့်အတွက် သင်၏ ရောက်ရှိလာမှုကြောင့် စိတ်ရှုပ်ထွေးသွားခြင်း မရှိခဲ့ပါ။ သူသည် အောင်မြင်စွာ ထိုးဖောက်ရန် အခွင့်အရေးကို လပ်ဟင်းနေသည့် နေရာများမှ ရှာဖွေရမည်ကို သိသည်။ ဆိုလိုသည်မှာ သင့်ကို ဦးဆုံး ပြင်းထန်စွာ ဒဏ်ရာရစေရမည်။ ထိုအခါ လောရွှေရင်သည် ယင်းကို သတိပြုမိရန် အလွန်အမင်း အလုပ် ရှုပ်နေလိမ့်မည် ဖြစ်ရာ သူ့အတွက် ထွက်ပြေးရန် အခွင့်အရေးကောင်း တစ်ခု ရရှိသွားမည် ဖြစ်သည်။]

[သို့သော် သင်သည် ဤအချက်ကို သိရှိထားသည့် အတွက် တိုက်ပွဲထဲသို့ တိုက်ရိုက် ဝင်ရောက်ခြင်း မရှိခဲ့ပါ။ ထိုအစား လီမီးနည်းစနစ်ကို အဝေးမှ ထိန်းချုပ်ကာ ခွေးကောင်ကျုံးကို နှောင့်ယှက်ခဲ့သည်။]

[ထင်သည့် အတိုင်းပင် ခွေးကောင်ကျုံးသည် လောရွှေရင်ကို တန်ပြန် တိုက်ခိုက်နေရင်း သင့်ထံမှ ရုတ်တရက် လီမီး တိုက်ခိုက်မှုများကိုလည်း သတိထားရသည်။ မကြာမီ သူသည် ထိန်းချုပ်နိုင်တော့ခြင်း မရှိဘဲ လောရွှေရင်၏ တိုက်ခိုက်မှုများစွာ ထိမှန်ခဲ့ရပြီး သင့် လီမီးနည်းစနစ်၏ မီးလောင်ကျွမ်းခြင်းကိုလည်း ခံစားခဲ့ရကာ ပြင်းပြင်းထန်ထန် နာကျင်နေခဲ့သည်။]

[သင်သည် သူ့မျှားစာအား မစားသည်ကို မြင်သောအခါ ခွေးကောင်ကျုံးသည် ကောက်ကျစ် စဉ်းလဲစွာဖြင့် လောရွှေရင်ကို စတင် လှောင်ပြောင်ခဲ့သည်။ သူက သင့်ကို လောရွှေရင်၏ မွေးစားချစ်သူ ဖြစ်ကြောင်း တိုက်ရိုက် ပြောဆိုခဲ့ပြီး ဆင်းသက်ဂိုဏ်းက သူမကို ဆိုးဆိုးရွားရွား မဆက်ဆံခဲ့ကြောင်း၊ သူမသာ တကယ် သစ္စာရှိပါက နောင်တွင် အဓိကမျိုးနွယ် (တိုင်းတစ်ပါး လူမျိုး) သို့ ဝင်ရောက်ရန် အခွင့်အရေး မရှားနိုင်ကြောင်း ဖော်ပြခဲ့သည်။ ထိုအတောအတွင်း သူသည် လောရွှေရင်၏ စိတ်ခံစားမှုများကို ဆက်လက် နှောင့်ယှက်ရန် ကြိုးစားနေခဲ့ပြီး အားနည်းချက် တစ်ခုကို ရှာတွေ့နိုင်ရန် မျှော်လင့်နေခဲ့သည်။]

“သို့သော် လောရွှေရင်သည် ခွေးကောင်ကျုံး၏ စကားများကြောင့် လုံးဝ စိတ်အနှောင့်အယှက် မဖြစ်ခဲ့ပါ။ သူမသည် တိုင်းတစ်ပါး လူမျိုး အပေါ် သစ္စာစောင့်သိမှု မရှိသည့်အပြင် အခြားသူများ၏ ပြစ်တင် ဝေဖန်မှုများကိုလည်း ဂရုမစိုက်ခဲ့ဘဲ ခွေးကောင်ကျုံးအပေါ် သူမ၏ တိုက်ခိုက်မှု အရှိန်ကိုပင် ပိုမို တိုးမြှင့်ခဲ့သည်။”

“သူကိုယ်တိုင် ချောက်ကမ်းပါးစွန်းသို့ အကြိမ်ကြိမ် ရောက်ရှိနေသည်ကို မြင်သောအခါ ခွေးကောင်ကျုံးသည် မျက်နှာပျက်သွားပြီး လျှို့ဝှက် နည်းစနစ် တစ်ခုကို လှုံ့ဆော်ခဲ့သည်။ အနက်ရောင်ဓာတ် များစွာသည် သူ့ခန္ဓာကိုယ်ထဲသို့ စီးဝင်လာပြီး သူ့မျက်လုံးများမှာ နတ်ဆိုး ဝင်ပူးခံထားရသကဲ့သို့ မည်းမှောင်သွားခဲ့သည်။”

“နတ်ဆိုးဓာတ်၏ လွှမ်းမိုးမှုအောက်တွင် ခွေးကောင်ကျုံးသည် သိသိသာသာ ပိုမို အားကောင်းလာပြီး သင်တို့နှစ်ဦး၏ ထိုးစစ်ကို တဖြည်းဖြည်း ခံနိုင်ရည် ရှိလာခဲ့သည်။ သို့သော် သူ၏ စွမ်းအင် မတည်မငြိမ် ဖြစ်နေသည်ကို သင် ခံစားမိသည်။ ဤအခြေအနေကို သူ ကြာရှည်စွာ ထိန်းထားနိုင်မည် မဟုတ်ကြောင်း သင် သိလိုက်သည်။”

“ထင်သည့် အတိုင်းပင်၊ တစ်မိနစ်ခန့် အကြာတွင် ခွေးကောင်ကျုံးသည် ထွက်ပြေးရန် စဉ်းစားလိုက်ပြီး ဝေးရာသို့ ပြေးထွက်သွားခဲ့သည်။”

[သို့သော် သင်နှင့် လောရွှေရင်တို့သည် နောက်မှ တပ်ကြပ်မကွာ လိုက်ခဲ့ကြသည်။ ထို ခွေးကောင်ကျုံးသည် နတ်ဆိုးဓာတ် ခန္ဓာကိုယ်ထဲသို့ ဝင်ရောက်နေသည့် အခြေအနေမှ လျင်မြန်စွာ ထွက်ခွာသွားပြီး အနက်ရောင်အဆိပ် ရောနှောနေသည့် သွေးများ အန်ကျလာသည်။ သူ၏ မျက်လုံးများတွင် နာကြည်း ဒေါသများဖြင့် ပြည့်နှက်နေခဲ့သည်။]

စုရှင်းသည် တအံ့တဩ ကြည့်နေခဲ့ပြီး သူ့ဘာသာ ရေရွတ်လိုက်သည်။

“ဒီ ခွေးကောင်ကျုံးရဲ့ နည်းစနစ်တွေက ငါထင်ထားတာထက်တောင် ပိုများနေပါလား! သူ့ဆီမှာ နတ်ဆိုးဓာတ် ဝင်ရောက်ခြင်း ဆိုတာမျိုး ရှိသေးတယ်လို့ ထင်တယ်။ အစကတည်းကသာ အဲဒါကို သုံးခဲ့မယ်ဆိုရင် ငါ လုံးဝ ခံနိုင်ရည် ရှိမှာ မဟုတ်ဘူး…”

“ဒါပေမဲ့ သူ အဲဒီတုန်းက အဲဒါကို မသုံးခဲ့ဘူး။ ဒါက ဒီလျှို့ဝှက် နည်းစနစ်ရဲ့ ကုန်ကျစရိတ်က ကြီးမားကြောင်း ပြသနေတာပဲ!”

“နတ်ဘုရား အသွင် ပြောင်းလဲခြင်းအဆင့် ကျင့်ကြံသူတွေက တကယ်ကို နက်နဲတယ်။ အထူးသဖြင့် နှစ်ပေါင်းတစ်ထောင်လောက် အသက်ရှင်ခဲ့တဲ့ ဒီလို နတ်ဆိုးကြီးတွေဆို ပိုဆိုး။ သူတို့ကို အနိုင်ယူဖို့က လွယ်ပေမဲ့ သတ်ဖို့ကတော့ အရမ်းခက်တယ်!”

စုရှင်းသည် သက်ပြင်းချလိုက်သည်။ သူ၏ မျက်လုံးများသည် ခိုင်မာသော ဆုံးဖြတ်ချက်များဖြင့် လင်းလက်နေသည်။

“ဒါပေမဲ့ ဒီအကြောင်းကြောင့်ပဲ မင်းကို ငါ သတ်ရမယ်! ကျင့်ကြံခြင်း လမ်းစဉ်ဆိုတာ ကောင်းကင်နဲ့ ရုန်းကန်ရတာ၊ တခြားသူတွေနဲ့ ရုန်းကန်ရတာပဲ… ဒါ့အပြင် ဒီ ခွေးကောင်ကျုံးက ရက်စက် ကြမ်းကြုတ်တယ်။ ငါ သူ့ကို မသတ်ရင် သူ ငါ့ကို လာသတ်မှာပဲ… ငါ အရင်ဆုံး တိုက်ခိုက်တာက ပိုကောင်းတယ်!”

စုရှင်းသည် သရုပ်ပြခြင်း ဖန်သားပြင်ကို နောက်တစ်ကြိမ် ပြန်ကြည့်လိုက်သည်။

[ထို ခွေးကောင်ကျုံးသည် သင့်ကို စူးရဲသော မျက်လုံးများဖြင့် ကြည့်လိုက်ပြီးနောက် အော်ဟစ်လိုက်သည်။ အသက်ကို အသက်ချင်းလဲကာ သင့်ကို တိုက်ခိုက်ရန် ရူးသွပ်စွာ ခုန်အုပ်ချင်ဟန် တူသည်။ သူ၏ ရူးသွပ်သော ပုံပန်းသဏ္ဌာန်ကို မြင်သောအခါ သင်သည် ချက်ချင်း သတိထားလိုက်ပြီး ခုခံရန် အတွက် သင်၏ စွမ်းအားကို အလျင်အမြန် စုစည်းလိုက်သည်။]

[မမျှော်လင့်ဘဲ၊ ထို ခွေးကောင်ကျုံးသည်

ပြေးလာရင်း လမ်းတစ်ဝက်တွင် ခြေတစ်လှမ်း လှမ်းလိုက်ရာ အာကာသ ရွှေ့ပြောင်းခြင်း ပြုလုပ်သကဲ့သို့ ပေရာနှင့်ချီ၍ ခုန်ပျံသွားပြီး သင်နှင့် လောရွှေရင်တို့၏ ဝိုင်းရံထားခြင်းမှ မျက်စိတစ်မှိတ် အတွင်း လွတ်မြောက်သွားခဲ့သည်။]

[သင်သည် သင်၏ ဝိညာဉ်စွမ်းအင်ကို အလျင်အမြန် စုစည်းကာ ထို‌ခွေးကောင်ကျုံး နောက်သို့ လိုက်ခဲ့သည်။ သို့သော် လောရွှေရင်သည် သင့်ထက်ပင် ပိုမိုမြန်ဆန်သည့် အရှိန်ဖြင့် သူ့နောက်မှ ဇွဲမလျှော့ဘဲ လိုက်နေခဲ့သည်။]

[ထို‌ ခွေးကောင်ကျုံးသည် သူ၏ မနောဓာတ်ကို ဆက်တိုက် အသက်သွင်းခဲ့သည်။ သူ၏ ခြေလှမ်းများသည် နက်နဲသည်။ ခြေလှမ်း တစ်လှမ်းစီတိုင်းတွင် သူသည် နောက်တစ်စက္ကန့်တိုင်း၌ ပေရာနှင့်ချီ ဝေးသည့်နေရာသို့ ရောက်ရှိခဲ့သည်။ လောရွှေရင်ပင်လျှင် ထိုသို့သော အရှိန်ဖြင့် သူ့၏ ကိုယ်ရိပ်ကို အဝေးမှသာ မြင်နိုင်ခဲ့သည်။]

[သို့သော် ထိုသို့သော အသက်ကယ် နတ်ဘုရား စွမ်းရည်များသည် အလွန်အမင်း စွမ်းအင် ကုန်ဆုံးစေသည့် အတွက် သူ ကြာကြာ မခံနိုင်သည်ကို သင် သိခဲ့သည်။ ထို့ကြောင့် သင်သည် လောရွှေရင်ကို အလျင်အမြန် အသိပေးပြီး လိုက်ခြင်းကို လက်မလျှော့ရန် ပြောကြားခဲ့သည်။]

[လောရွှေရင်သည် လေးနက်စွာ ခေါင်းကို ငြိမ့်လိုက်ပြီး ခွေးကောင်ကျုံးကို မဆုတ်မနစ် လိုက်နေခဲ့သည်။ သူတို့ နှစ်ဦးကြားတွင် မီတာ ရာနှင့်ချီသော အကွာအဝေးကို ထိန်းထားခဲ့သည်။]

[ခွေးကောင်ကျုံးသည် သင့်ကို နောက်လှည့်ကြည့်လိုက်ရာ သင်က အရှုံးမပေးဘဲ သူ့နောက် လိုက်နေသည်ကို မြင်သောအခါ စိတ်ထဲမှ ကျိန်ဆဲလိုက်ပြီး သူ၏ ပြေးနှုန်းကို မြန်စေခဲ့သည်။]

[သူသည် သူ၏ သိုလှောင် လက်စွပ်မှ ဝိညာဉ်ကျောက်တုံး တစ်လုံးနှစ်လုံးကို အချိန်ကိုက် ထုတ်ယူ၍ သူ၏ စွမ်းအားကို ဖြည့်တင်းနေသည်ကို သင် မြင်လိုက်ရသည်။ သူ၏ မျက်နှာတွင် နာကျင်သည့် အမူအရာသည် ပေါ်လွင်နေသည်။]

[သို့သော် အသက်ကယ် နတ်ဘုရား စွမ်းရည်ကို အကန့်အသတ်မရှိ အသက်သွင်း၍ မရနိုင်ပါ။ ကီလိုမီတာ ရာနှင့်ချီ၍ လိုက်လံပြီးနောက် ခွေးကောင်ကျုံးသည် နောက်ဆုံးတွင် ရပ်တန့်သွားခဲ့သည်။]

[သူသည် သူ့အကြည့်ကို သင့်ဆီသို့ လှည့်လိုက်သည်။ သူ၏ မျက်လုံးများတွင် တောင်းပန်သည့် အရိပ်အယောင် ပါရှိသည်။ သူက ကျင့်ကြံသူများသည် ရတနာအတွက် သတ်ဖြတ်ခြင်းမှာ မထူးဆန်းကြောင်း၊ သူသည် နှင်းအရိုး ဂျင်ဆင်းကို သင့်အား ပေးအပ်လိုကြောင်း၊ သူ့အသက်ကိုသာ ချမ်းသာပေးစေလိုကြောင်း တောင်းဆိုခဲ့သည်။]

[သို့သော် သင်သည် အေးစက်စက် လှောင်ပြောင်လိုက်ပြီး သဘောတူဟန် ဆောင်ကာ လောရွှေရင်နှင့် အကြည့်ချင်း ဖလှယ်လိုက်သည်။ သူမသည် သင်၏ ရည်ရွယ်ချက်ကို ချက်ချင်း နားလည်လိုက်သည်။]

[ခွေးကောင်ကျုံးက သိုလှောင်အိတ် တစ်ခုကို ဝေးလံသော မြေပြင်ပေါ်သို့ ပစ်ချသည်လိုက်ကို သင် မြင်လိုက်ရသည်။ ထို့နောက် သူသည် နောက်လှည့်ကာ မဆုတ်မနစ် ဆက်လက် ထွက်ပြေးခဲ့သည်။]

[သင်နှင့် လောရွှေရင်သည် သိုလှောင်အိတ်ကို မကြည့်ဘဲ ၎င်း၏ တည်နေရာကိုသာ စိတ်ထဲ၌ မှတ်သားထားလိုက်သည်။ ထို့နောက်တွင်မူ ခွေးကောင်ကျုံးကို ဆက်လက် လိုက်ဖမ်းခဲ့သည်။]

[သူ့နောက်သို့ နေ့ရောညပါ လိုက်ခဲ့ရသည်။ သင်တို့သည် ခွေးကောင်ကျုံးကို ခြေကုန်လက်ပန်းကျသည် အထိ လိုက်ခဲ့ရသည်။]

[ဤအချိန်တွင် ခွေးကောင်ကျုံး အတွင်းရှိ ဝိညာဉ်စွမ်းအင်သည် အလွန်အမင်း မတည်မငြိမ် ဖြစ်နေသည်။ သင်ကိုယ်တိုင်ကပင် အသက်ရှုမှားနေကာ ခန္ဓာကိုယ် တစ်ခုလုံးသည်လည်း ပင်ပန်းနွမ်းနယ်နေသည်ကို ခံစားနေရသည်။]

[ဒဏ္ဍာရီအဆင့် လောရွှေရင် တစ်ဦးတည်းသာ အတော်လေး တည်ငြိမ်နေပုံရသည်။ သူမသည် အနည်းငယ်သာ အသက်ရှု မြန်နေခဲ့သည်။]

[ခွေးကောင်ကျုံး ထပ်မံ မထွက်ပြေးတော့သည်ကို မြင်သောအခါ လောရွှေရင်သည် တုံ့ဆိုင်းမနေဘဲ သူ့ကို နောက်တစ်ကြိမ် တိုက်ခိုက်လိုက်သည်။]

[ခွေးကောင်ကျုံးသည် လှောင်ပြုံး ပြုံးကား သူ မသေမီ သင့်ကို စူးရဲစွာ ကြည့်ခဲ့သည်။ ထို့နောက် သူ၏ သိုလှောင် လက်စွပ်ကို ထုတ်ယူလိုက်ပြီး ထိုနေရာ၌ပင် ဖျက်ဆီးပစ်လိုခဲ့သည်။]

[သင်သည် သူ့ကို တားဆီးလိုသော်လည်း နောက်ကျသွားခဲ့ပြီ ဖြစ်သည်။ သိုလှောင် လက်စွပ်သည် ထိုနေရာ၌ ကောင်းကင် အမြင့်မှ မြေပြင်သို့ ပြုတ်ကျကာ ကျကွဲသွားသည်ကိုသာ ကြည့်နေခဲ့ရသည်။]

[ထိုအတောအတွင်း လောရွှေရင်သည် ခွေးကောင်ကျုံး၏ ခေါင်းကို ထုခွဲလိုက်ရာ သွေးများနှင့် အသားစများသည် နေရာအနှံ့ ပန်းထွက်ကုန်သည်။]

[ခွေးကောင်ကျုံး၏ ခန္ဓာကိုယ်မှ အနက်ရောင် အလင်းတစ်ခု ထွက်ပေါ်လာသည်။ ၎င်းသည် သူတို့နှင့် ဝေးရာသို့ တည့်တည့် ပျံသန်းသွားသည်။]

[၎င်းသည် ခွေးကောင် ကျုံး၏ မူလဝိညာဉ် ဖြစ်သည်ကို သိထားသည့် အတွက် သင်သည် သူ ထွက်ပြေးသွားသည်ကို ကြည့်မနေနိုင်ပါ။ ထို့ကြောင့် သင်သည် လီမီးနည်းစနစ်ကို အသက်သွင်းကာ ခွေးကောင်ကျုံး၏ မူလဝိညာဉ်ကို တိုက်ခိုက်လိုက်သည်။]

[လီမီးနည်းစနစ်၏ ပြင်းထန်သော အပူရှိန်ကြောင့် လောင်ကျွမ်းခံရသောအခါ ခွေးကောင်ကျုံးသည် စူစူးဝါးဝါး အော်လိုက်ပြီး သင့်အား သနားညှာတာရန်နှင့် မရက်စက်ရန် တောင်းပန်ခဲ့သည်။]

[သင်သည် သူ့ကို အေးစက်စက် ကြည့်နေခဲ့ပြီး နှင်းအရိုး ဂျင်ဆင်း၏ တည်နေရာကို သူ့အား မေးလိုက်သည်။ ခွေးကောင်ကျုံးက နှင်းအရိုး ဂျင်ဆင်း၏ မျိုးစေ့များသည် သူ ပစ်ချခဲ့သည့် သိုလှောင်အိတ်ထဲတွင် ရှိကြောင်း ပြောဆိုကာ သူ့အသက်ကို ချမ်းသာပေးရန် တောင်းပန်ခဲ့သည်။]

[သင်သည် သူ့ကို လွယ်လင့်တကူ ယုံကြည်မည် မဟုတ်ပါ။ သို့သော် သင့်တွင် မူလဝိညာဉ်ကို ထိန်းသိမ်းရန် နည်းစနစ် မရှိသည့် အတွက် လီမီးနည်းစနစ်ဖြင့် ခွေးကောင်ကျုံးကို ခြိမ်းခြောက်ရန်သာ တတ်နိုင်ခဲ့သည်။]

[သင်သည် ဦးစွာ သင်၏ နတ်ဘုရား စွမ်းအားကို အသုံးပြု၍ ခွေးကောင်ကျုံး သေဆုံးပြီးနောက် ကျန်ရှိနေသည့် ကွဲကြေနေသော သိုလှောင်လက်စွပ် အစအနများကို ရှာဖွေခဲ့သည်။]

[ဤ‌ ခွေးကောင်ကျုံးသည် သူ၏ နောက်ဆုံး အချိန်များ၌ပင် သင့်အတွက် ရတနာများ မချန်ထားလိုသည့် စိတ်ထားဖြင့် ရက်စက် ကြမ်းကြုတ်သူ ဖြစ်ကြောင်း သက်သေပြခဲ့သည်။ သိုလှောင်အိတ်ထဲရှိ မှော်ပစ္စည်း အများစုမှာ အစအနများ ဖြစ်သွားခဲ့သည်။ ပြင်းထန်စွာ ပျက်စီးနေသည့် မှော်ပစ္စည်း အနည်းငယ်နှင့် ကျောက်ပြားများသာ ကျန်တော့သည်။]

[သင်သည် ကျောက်ပြား တစ်ခုကို ကောက်ယူလိုက်ပြီး သင်၏ နတ်ဘုရား စွမ်းအားဖြင့် စစ်ဆေးကြည့်လိုက်သောအခါ သင်၏ နှလုံးသားသည် ပြင်းထန်စွာ တုန်လှုပ်သွားခဲ့သည်။ ၎င်းသည် ကျင့်ကြံသူများ၏ လျှို့ဝှက် နည်းစနစ်တစ်ခု ဖြစ်သောကြောင့်ပင်။]

[အမည်မှာ- နှစ်ဆယ့်လေးမျိုးသော ရှေ့ဖြစ်ဟော နည်းလမ်း]