စွမ်းရည်အသစ်၊ ကံကောင်းခြင်းအား ရှာဖွေပြီး ဘေးဥပဒ်ကို ရှောင်ပါ။

[ဒင်! ဤ သရုပ်ပြခြင်း အတွက် စွမ်းအင် ၃,၇၀၀ သုံးစွဲခဲ့ပြီး သင့်တွင် စွမ်းအင်အမှတ် ၄၄.၉၈ သန်း ကျန်ရှိပါသည်။ သရုပ်ပြခြင်း ကြိုးပမ်းမှု အကြိမ် အရေအတွက် ကန့်သတ်ချက် မရှိပါ။]

[သရုပ်ပြခြင်း စတင်ပါပြီ။]

[အစိမ်းရောင် စွမ်းရည်တစ်ခု ရယူရန် စွမ်းအင် ၁,၀၀၀၊ အပြာရောင် စွမ်းရည်တစ်ခုအား ရယူရန် စွမ်းအင် ၁၀,၀၀၀၊ ခရမ်းရောင် စွမ်းရည် တစ်ခု ရရယူရန် စွမ်းအင် ၁၀၀,၀၀၀ ကုန်ကျပါမည်။ ရယူလိုပါသလား?]

“ခရမ်းရောင် စွမ်းရည်ကို ရယူမယ်!”

စုရှင်းသည် ရဲရဲဝံ့ဝံ့ ပြောလိုက်သည်။ ယခုအချိန်တွင် စွမ်းအင် ၁၀၀,၀၀၀ သည် သူ့အတွက် အိတ်ကပ်ထဲမှ ပိုက်ဆံ အကြွေမျှသာ ဖြစ်သည်။

[ဂုဏ်ယူပါသည်။ ခရမ်းရောင် စွမ်းရည်- ကံကောင်းခြင်းအား ရှာဖွေပြီး ဘေးဥပဒ်ကို ရှောင်ရှားခြင်း ကို ရရှိခဲ့ပါသည်။]

“ဟင်? ကံကောင်းခြင်း ရှာဖွေပြီး ဘေးဥပဒ် ရှောင်ခြင်း… ဒီအရည်အချင်းက တော်တော် စိတ်ဝင်စားဖို့ ကောင်းမယ့်ပုံပဲ!”

စုရှင်း၏ အကြည့်သည် စွမ်းရည် ဖော်ပြချက်ဆီသို့ ရောက်သွားသည်။

[ကံကောင်းခြင်း ရှာဖွေပြီး ဘေးဥပဒ် ရှောင်ခြင်း]- ခရမ်းရောင် စွမ်းရည်၊ သင်သည် မွေးရာပါ ကံကြမ္မာ ကာကွယ်မှု ရှိပြီး ကံဆိုးခြင်းများကို ရှောင်ရှားနိုင်သည်။ ကံမကောင်းသည့် အဖြစ်အပျက်များနှင့် ကြုံတွေ့ရသောအခါ ဘေးအန္တရာယ်မှ လုံခြုံမှုသို့ မကြာခဏ ပြောင်းလဲနိုင်သည်။

ဖော်ပြချက်- လေယာဉ်တစ်စင်းသည် မီတာထောင်ပေါင်းများစွာ အမြင့်မှ ပျက်ကျသော်လည်း သင်သည် ယာဉ်ကြောပိတ်ဆို့မှုကြောင့် လေယာဉ်ကို မစီးဖြစ်ခဲ့ပါ။ သင်္ဘောကြီး တစ်စင်းသည် သမုဒ္ဒရာအောက်ခြေသို့ နစ်မြုပ်သွားသော်လည်း သင်သည် ပင်လယ်မူး၍ ဝမ်းလျှောသောကြောင့် ကယ်ဆယ်ရေးလှေဖြင့် စောစီးစွာ ခေါ်ဆောင်ခံခဲ့ရသည်။

စုရှင်းသည် သူ့ရှေ့မှ “ကံကောင်းခြင်း ရှာဖွေပြီး ဘေးဥပဒ် ရှောင်ခြင်း” စွမ်းရည်အား စဉ်းစားခန်း ဝင်ခဲ့သည်။

သူ့စိတ်ထဲ ပထမဆုံး ပေါ်လာသည်မှာ ဤအရာသည် ယခင်က ရရှိခဲ့သော “ငါ တစ်ဦးတည်းသာ ကံဆိုးသူ မဖြစ်နိုင်ပါ!” ဟူသည့် စွမ်းရည်နှင့် ပြီးပြည့်စုံစွာ လိုက်ဖက်ခြင်းပင်။

“ကောင်းတာဘဲ။ ‘ငါ တစ်ဦးတည်းသာ ကံဆိုးသူ မဖြစ်နိုင်ပါ’ က မိတ်ဆွေရန်သူ မခွဲခြားတဲ့ နျူကလီးယား လက်နက်လိုပဲ၊ အစွမ်းထက်ပေမဲ့ ဘေးထွက်ဆိုးကျိုးတွေ များလွန်းတယ်။ ဒါပေမဲ့ ဒီ ကံကောင်းခြင်း ရှာဖွေပြီး ဘေးဥပဒ် ရှောင်ခြင်း က ဒါကို ဖြေရှင်းနိုင်ပုံ ရတယ်!”

စုရှင်း၏ မျက်လုံးများသည် စွမ်းရည်များကြားမှ ပေါင်းစပ်မှုကို ရှာဖွေတွေ့ရှိ လိုက်သည့်အခါ တောက်ပသွားသည်။

ဆင်းသက်ဂိုဏ်းထဲသို့ တစ်ယောက်တည်း ဝင်ရောက်ခဲ့ရာ မည်သူမျှ သတိမထားမိဘဲ တစ်ဖွဲ့လုံးကို မျိုးသုဉ်းစေခဲ့ပြီး သူသည် အထိအခိုက်မရှိ ထွက်ခွာခဲ့သည်။

“အား၊ ဒါက အရမ်းကို အလားအလာရှိပုံပဲ!”

စုရှင်းသည် ဤ ကံကောင်းခြင်း ရှာဖွေပြီး ဘေးဥပဒ် ရှောင်ခြင်း စွမ်းရည်ကို အလွန် စိတ်ဝင်စားသွားသည်။

“ဒါပေမဲ့ ဒီစွမ်းရည်က ဘယ်လောက်ထိ ထိရောက်လဲဆိုတာ သိဖို့ အနာဂတ် သရုပ်ပြခြင်းတွေကို ကြည့်ရလိမ့်မယ်…”

သူ့အကြည့်သည် သရုပ်ပြခြင်း ဖန်သားပြင်ဘက်သို့ ပြောင်းသွားသည်။

[ဝိညာဉ်စိုက်ခင်း ကောင်းချီးမြေတွင် သင်သည် သရုပ်ပြခြင်း တစ်ခုအတွင်း ရောက်ရှိနေကြောင်း သဘောပေါက်သည်။]

[သင်၏ ကံကောင်းခြင်း ရှာဖွေပြီး ဘေးဥပဒ် ရှောင်ခြင်း စွမ်းရာ်ကို အသုံးပြုရန် ကြိုးပမ်းသော်လည်း သင်၏ ကံကောင်းခြင်းသည် အမြဲတမ်း ကောင်းမွန်နေပြီး ကံဆိုးမှုများနှင့် ကြုံတွေ့ခြင်း မရှိသောကြောင့် ၎င်းကို ပြသ၍ မရပါ။]

[ထို့ကြောင့် သင်သည် ဆေးဆိုင်သို့ တမင်တကာ သွားရောက်ကာ ပိုးသတ်ဆေး နှစ်ပိဿာ ဝယ်ပြီး သောက်ချလိုက်သည်။]

[သင်၏ နတ်ဘုရား အင်အားအဆင့် ခန္ဓာကိုယ်ကြောင့် ပိုးသတ်ဆေးသည် သင့်အပေါ် လုံးဝ အကျိုးသက်ရောက်မှု မရှိပေ။]

[သို့သော် ထူးဆန်းစွာပင်၊ ပိုးသတ်ဆေး တစ်ပိဿာ သောက်ပြီးနောက် သင် ဝမ်းလျှောသွားသည်။ ထို့ကြောင့် သင်သည် ဆိုင်ပိုင်ရှင်အား ပိုးသတ်ဆေး နှင့်တကွ ရန်သွား‌တွေ့ခဲ့သည်။]

[ထိုအခိုက်အတန့်တွင် စျေးကွက်စီမံခန့်ခွဲမှု ဗျူရိုသည် မတော်တဆ ဖြတ်သန်းသွားရာ၊ ၎င်းတို့က ပိုးသတ်ဆေးသည် သက်တမ်း ကုန်နေပြီ ဖြစ်ကြောင်း စစ်ဆေးတွေ့ရှိခဲ့ပြီး၊ ဆိုင်ပိုင်ရှင်သည် သင့်အား ငွေ ငါးသိန်း လျော်ကြေး ပေးခဲ့ရသည်။]

စုရှင်းသည် ဤအဖြစ်ကို မြင်သောအခါ ရယ်မောလိုက်ပြီး အံ့အားသင့်စွာ ပြောလိုက်သည်–

“ဒီ ‘ကံကောင်းခြင်းရှာဖွေပြီး ဘေးဥပဒ်ရှောင်ခြင်း’ စွမ်းရည်က တကယ်ပဲ နတ်ဘုရား ဆန်လိုက်တာ!”

“သာမန် လူတစ်ယောက်သာဆိုရင် ဒီပိုးသတ်ဆေးကို စားပြီးရင် မသေဘူး၊ ဝမ်းသာလျှောပြီး ငွေ ငါးသိန်း ရတယ်ဆိုတာမျိုးက ဖြစ်နိုင်မှာလား” ဟူ၍ ဖြစ်သည်။

စုရှင်းသည် ရယ်မောရင်း ဆက်လက် စမ်းသပ်ကြည့်ခဲ့သည်။

[သင်သည် ဘဏ်သို့ ပိုက်ဆံထုတ်ရန် သွားရောက်ခဲ့ရာ ဓားပြများနှင့် ကြုံတွေ့ခဲ့သည်။ သို့သော် ဓားပြများသည် ၎င်းတို့၏ သေနတ်များတွင် ကျည်ဆံထည့်ရန် မေ့လျော့ခဲ့ကြပြီး၊ သင်သည် တစ်ချက်တည်းဖြင့် ၎င်းတို့ကို ချုပ်နှောင်နိုင်ခဲ့သည်။ ထို့ကြောင့် သင်သည် “မြို့တော်၏ ကောင်းသော နိုင်ငံသား” ဆုကို ရရှိခဲ့သည်!]

[သင်သည် မြစ်ထဲတွင် ရေကူးစဉ် အန္တရာယ် မရှိသော မြွေတစ်ကောင် ကိုက်ခံရသည်။ ဇီဝဗေဒ အသင်းမှ ထိုမြွေသည် နှစ်ပေါင်း နှစ်ထောင်ကြာ မျိုးသုဉ်းနေပြီ ဖြစ်သော မျိုးစိတ် ဖြစ်ကြောင်း ဖော်ထုတ်ခဲ့ရာ၊ သင်သည် များပြားသော ငွေကြေး ဆုချီးမြှင့်ခြင်းကို ရရှိခဲ့သည်။]

[သင်သည် အထပ်မြင့် အဆောက်အအုံတစ်ခုမှ ခုန်ချသည်…]

အကြိမ်ပေါင်းများစွာ ကြိုးစားပြီးနောက် စုရှင်းသည် နောက်ဆုံးတွင် အတည်ပြုနိုင်ခဲ့သည်။

ဤစွမ်းရည်သည် သာမန် အခြေအနေအောက်တွင် အသက်ဝင်ခြင်း မရှိဘဲ၊ အန္တရာယ်ရှိသော အခြေအနေများတွင် သို့မဟုတ် ကံမကောင်းသော အခါမှသာ အသက်ဝင်ပြီး စုရှင်းအား ဘေးအန္တရာယ်မှ လုံခြုံမှုသို့ ပြောင်းလဲပေးနိုင်သည်။

ဆက်တိုက် သေဘေးနှင့် ကြုံတွေ့ခဲ့ရသော်လည်း စုရှင်းသည် မည်သည့် အမှားအယွင်းမျှ မရှိခဲ့ပေ။ ဆန့်ကျင်ဘက်အားဖြင့် ဆုလာဘ်များစွာတောင် ရရှိခဲ့သေးသည်။

“ဟဲဟဲ ဒီစွမ်းရည်က ‘ငါတစ်ယောက်တည်း ကံဆိုးသူ မဖြစ်နိုင်ဘူး’ ဆိုတာနဲ့ တကယ်ကြီး ပြီးပြည့်စုံစွာ လိုက်ဖက်တဲ့ ပုံပဲ!”

စုရှင်းသည် စိတ်ထဲမှ တီးတိုးရေရွတ်ရင်း၊ ပုံမှန်အတိုင်း သရုပ်ပြခြင်းကို စတင်ရန် ပြင်ဆင်ခဲ့သည်။

[စွမ်းရည် အသစ်ကို စမ်းသပ်ပြီးနောက် သင်သည် အလွန် စိတ်ကျေနပ်သွားပြီး သင်၏ နေ့စဉ် ဆေးဖော်ခြင်း လုပ်ငန်းကို စတင်ခဲ့သည်။]

[တစ်လအကြာတွင် ကျင်းချုံးရွှယ်သည် စုဆောင်းထားသော ဆေးဖက်ဝင် ပစ္စည်းများကို သင့်အား ပေးခဲ့သည်။ သင်သည် ၎င်းတို့ကို အသုံးပြု၍ အကောင်းဆုံး အသက်ရှည်ဆေး ငါးလုံးကို ဖော်စပ်ခဲ့သည်။]

[ဘေးအန္တရာယ် ကင်းရှင်းစေရန် အတွက် ယခုတစ်ကြိမ်တွင် သင်သည် ဘိုင်လီ စီးပွားရေး အသင်းအား လူသိရှင်ကြား မရှာဖွေခဲ့ပေ။]

[ဘိုင်လီ စီးပွားရေး အသင်း၏ တည်နေရာကို သိရှိပြီးနောက် သင်သည် သင်၏ ကိုယ်ပိုင်လက္ခဏာ အစစ်အမှန်ကို ပေါ်လွင်ခြင်း မရှိစေရန် အသွင်ပြောင်းဆေးနှင့် အသက်ရှုသံ ဖုံးကွယ်ဆေးတို့ကို သောက်ခဲ့သည်။ ထို့နောက် ကွမ်းပြည်နယ်သို့ ဦးတည်ခဲ့သည်။]

[မှောင်မိုက်၍ လေထန်သည့် ညတစ်ညတွင် သင်သည် ဘိုင်လီ မိသားစု၏ ခြံဝင်းထဲသို့ တစ်ယောက်တည်း ဝင်ရောက်ခဲ့သည်။ ထို့နောက် ဘိုင်လီထူ၏ အခန်းထဲသို့ ခိုးဝင်ကာ ကုန်သွယ်ရေး ကမ်းလှမ်းခဲ့သည်။]

[ဘိုင်လီချီသည် သင်၏ အသွင်အပြင် ဖျောက်ထားပုံနှင့် သင် ထုတ်လွှတ်သော အံ့မခန်း ကြောက်မက်ဖွယ်ရာ စွမ်းအားကို မြင်သည့်အခါ သင့်ကို ဦးစွာ တည်ငြိမ်စေရန် ကြိုးစားပြီး မည်သည့် ကုန်သွယ်မှု ပြုလုပ်လိုကြောင်း မေးမြန်းခဲ့သည်]

[သင်သည် အကောင်းဆုံး အသက်ရှည်ဆေး တစ်လုံးကို ထုတ်ယူပြီး ၎င်းသည် သူ၏အသက်ကို ငါးနှစ် တိုးစေနိုင်ကြောင်း ပြောပြခဲ့သည်။ ထိုအလဲအလှယ် အနေဖြင့် ဘိုင်လီချီ၏ စုဆောင်းမှုမှ အကျဉ်းခန်း ပစ္စည်းများကို လိုအပ်ကြောင်း ပြောဆိုခဲ့သည်]

[ဘိုင်လီထူသည် သင်၏ လက်ထဲမှ အသက်ရှည်ဆေးကို မြင်သောအခါ သူ့မျက်လုံးများတွင် တောင့်တသည့် ရုပ်သွင် ပေါ်လာသည်။ သို့သော် သင်၏ ကိုယ်ပိုင် လက္ခဏာကို မသိရှိရသေးသောကြောင့် သူသည် ရမ်းကားစွာ မလုပ်ဆောင်ရဲဘဲ ယာယီ သဘောတူခဲ့ရသည်။]

[မထင်မှတ်ဘဲ ဘိုင်လီ မိသားစု၏ အစောင့်များနှင့် လက်အောက်ခံများ အားလုံး ပြေးလာကြသည်။ ထိုအထဲတွင် စစ်ဧကရာဇ် အဆင့် အင်အားကြီး ပုဂ္ဂိုလ်တစ်ဦးလည်း ပါဝင်သည်။]

[ဤအခြေအနေကို မြင်သောအခါ သင်သည် အေးစက်စွာ နှာခေါင်းရှုံ့လိုက်ပြီး စစ်ဧကရာဇ်ကို တစ်ဦးတည်း ရင်ဆိုင်ခဲ့သည်။ သင့်တွင် အားနည်းချက် မရှိပေ။]

[စစ်ဧကရာဇ်ကို နောက် ပြန်ဆုတ်စေပြီးနောက် သင်သည် အဘိုးအိုက ကုန်သွယ်မှု မပြုလိုပါက ချက်ချင်း ထွက်သွားမည် ဖြစ်ကြောင်း ပြောဆိုခဲ့သည်။]

[ဤအခြေအနေကို မြင်သောအခါ ဘိုင်လီထူ စိုးရိမ်လာသည်။ သင် ကိုင်ဆောင်ထားသော အသက်ရှည်ဆေးသည် သူ အလွန် တောင့်တနေသည့် အရာ ဖြစ်သောကြောင့်ပင်။]

[နောက်ဆုံးတွင် သင်သည် ဘိုင်လီချီနှင့် တွေ့ဆုံကာ သူနှင့် ဆေးလုံးများ ကုန်သွယ်ခဲ့သည်။ အပေးအယူ အတန်ငယ် ပြုလုပ်ပြီးနောက် အကောင်းဆုံး အသက်ရှည်ဆေး တစ်လုံးကို ဘိုင်လီချီ ၏ “ဘဏ္ဍာများ” တစ်ဝက်နှင့် လဲလှယ်ခဲ့သည်။]

[ဘိုင်လီ အိမ်မှ ထွက်ခွာပြီးနောက် သင်သည် အသွင် အမျိုးမျိုး ဖျောက်၍ ခိုးထွက်ခဲ့ပြီး ဝိညာဉ်စိုက်ခင်း ကောင်းချီးမြေတွင် ရက်ပေါင်းများစွာ နေခဲ့သည်။ သင့်နောက် လိုက်လာသူ မရှိကြောင်း သေချာပြီးမှသာ သင်သည် ကျိုတိုသို့ ပြန်လာခဲ့သည်။]

[မည်သူက ထင်ပါမည်နည်း? တစ်လခွဲ ကြာပြီးနောက်တွင် သင်၏ ကိုယ်ရေး ရာဇဝင်ကို ဘိုင်လီ မိသားစုသည် ရှာဖွေ တွေ့ရှိသွားခဲ့သည်။ ဘိုင်လီ မိသားစုသည် စုံစမ်းစစ်ဆေးမှု ပြုလုပ်ပြီးနောက် သင်ထံသို့ အသက်ရှည်ဆေးများ ထပ်မံ ရယူရန် ကိုယ်တိုင် ရောက်ရှိလာခဲ့သည်။]

စုရှင်းသည် မျက်မှောင်ကြုတ်လိုက်ပြီး စိတ်ထဲမှ တီးတိုး ရေရွတ်လိုက်သည်–

“အသွင်ဖျောက်ပြီး ကုန်သွယ်တာက ဘေးကင်းသင့်တယ်လေ။ မဟုတ်ဘူးလား။ ဘယ်နေရာမှာ မှားသွားတာလဲ”

စုရှင်း စဉ်းစားမရ ဖြစ်နေသည်။ သူသည် အသွင်ပြောင်းဆေးနှင့် အသက်ရှုသံ ဖုံးကွယ်ဆေးတို့ကို သုံးထားပြီး ဤမျှပင် သတိထားခဲ့သည် ဖြစ်ရာ ရှာဖွေတွေ့ရှိခံရရန်မှာ မဖြစ်နိုင်ပေ…

“ဒါဆိုရင် အကျဉ်းခန်း ပစ္စည်း‌တွေမှာ တစ်ခုခုများ အမှား ပါနေတာလား”

စုရှင်း၏ အတွေးများ ပြောင်းလဲသွားပြီး သူ၏ အကြည့်သည် သရုပ်ပြခြင်း ဖန်သားပြင်ဘက်သို့ ရောက်သွားသည်။

[သင်သည် အကျဉ်းခန်း ပစ္စည်း အစုအဝေးကို သေချာစွာ စစ်ဆေးခဲ့သည်။ သို့သော် အရေအတွက် အလွန် များပြားသောကြောင့် တစ်ခုချင်းစီကို စစ်ဆေးရန် အချိန် မရှိခဲ့ပေ။]

[ထို့ကြောင့် သင်သည် ဘိုင်လီချီအား သင်၏ ကိုယ်ရေး ရာဇဝင်ကို မည်သို့ ရှာဖွေ တွေ့ရှိခဲ့ကြောင်း တိုက်ရိုက် မေးမြန်းခဲ့သည်။ ဘိုင်လီချီသည် သင့်အား တောင်းပန်ပြီး ပစ္စည်းအသစ် တစ်ခုကို ပေးခဲ့သည်။ သူသည် အကျဉ်းခန်း ပစ္စည်းများထဲတွင် နေရာခြေရာခံသည့် ပစ္စည်းတစ်ခုကို ဖုံးကွယ်ထားခဲ့သည်။ ထို့ကြောင့် သင်၏ ကိုယ်ရေး အချက်အလက်နှင့် တည်နေရာကို သိရှိခဲ့ကြောင်း ပြောပြခဲ့သည်။]

[သင်သည် အနည်းငယ် ကူကယ်ရာမဲ့သလို ခံစားလိုက်ရသည်။ သင်သည် ဘိုင်လီ စီးပွားရေးအသင်း အပေါ် အနည်းငယ် မကျေမနပ် ဖြစ်ခဲ့သည်။ သို့သော် လျော်ကြေးကို ထည့်သွင်း စဉ်းစားပြီးနောက် သင်သည် ဘာမျှ သိပ်ပြီး မပြောတော့ပေ။]

[နောက်ဆက်တွဲ လများအတွင်း သင်၏ အချက်အလက်သည် ထပ်မံ ပေါက်ကြားခဲ့ပြီး ရှားနိုင်ငံ အတွင်းရှိ အင်အားကြီး အဖွဲ့အစည်း အမျိုးမျိုးသို့ ပျံ့နှံ့သွားခဲ့သည်။]

[လူပေါင်း များစွာသည် သင့်ထံသို့ အလုံးအရင်းနှင့် ရောက်ရှိလာခဲ့ကြပြီး သင်၏ အသက်ရှည်ဆေး အတွက် ကြီးမားသော ငွေကြေးများကို ကမ်းလှမ်းခဲ့ကြသည်။ ၎င်းသည် သင့်အား အမှန်တကယ်ပင် ပြဿနာ အတော်အသင့် ဖြစ်စေခဲ့သည်။]

[သင်သည် အခြေအနေကို ယာယီ ထိန်းချုပ်နိုင်ခဲ့သည်။ ခွေးကောင်ကျုံး သင့်အား ရှာတွေ့သည့် အချိန် အထိပင်။]

[သူက သင်သည် အကျဉ်းခန်း တစ်ခုမှ ဆင်းသက်လာသော ကျင့်ကြံသူ တစ်ဦး ဖြစ်ကြောင်း နှင့် သူ၏ ခန္ဓာကိုယ်ကို သင်က ပိုင်ဆိုင်သွားပြီ ဖြစ်ကြောင်း ဆက်လက် ယုံကြည်နေခဲ့သည်။]

[သင်သည် ထပ်မံရှင်းပြရန် အားထုတ်ခြင်း မရှိဘဲ၊ သူနှင့် သဘောတူညီမှု တစ်ခု ပြုလုပ်ခဲ့သည်။ သင်သည် အသက်ရှည်ဆေး နှစ်လုံးနှင့် လဲလှယ်၍ အဖိုးတန် ဝိညာဉ်ဆေးပင် မြောက်မြားစွာကို ရရှိခဲ့သည်။ ထို့နောက် သင်သည် ဆင်းသက်ဂိုဏ်းသို့ အောင်မြင်စွာ ဝင်ရောက်ခဲ့သည်။]

[နောက်ပိုင်းတွင် သင်နှင့် ခွေးကောင်ကျုံးတို့သည် အပေါ်ယံတွင် ညီအစ်ကိုများ ၏ကဲ့သို့ ဖြစ်လာခဲ့ကြသည်။ အပြင်ပန်းလူများ အတွက်မူ သင်တို့နှစ်ဦး၏ ဆက်ဆံရေးသည် အလွန် ခိုင်မာ နီးကပ်ပုံ ရသော်လည်း၊ နှစ်ဦးစလုံးတွင်မူ ကိုယ်ပိုင် အကြံအစည်များ ရှိနေခဲ့သည်။]

[ရက်အနည်းငယ် ကြာပြီးနောက် သင်သည် လောရွှေရင်နှင့် အဆက်အသွယ် ရရှိခဲ့သည်။ စကား အနည်းငယ် ပြောဆိုပြီးနောက် သင်သည် သူမ၏ ယုံကြည်မှုကို ရရှိခဲ့သည်။]

[လောရွှေရင်သည် သင်အား ဆေးဝါးပစ္စည်း များစွာ ရရှိအောင် ကူညီပေးခဲ့ပြီး၊ သင်သည်လည်း ဆေးဖော်ခြင်းကို စတင်ခဲ့သည်။]

[လအနည်းငယ် အတွင်း၌ပင် သင်သည် ဝိညာဉ်စုစည်း ဆေးလုံး ထောင်ပေါင်း များစွာကို ဖော်စပ်ခဲ့သည်။ ထို့အပြင် အနှစ်သာရ အားဖြည့်ဆေး နှင့် ကိုယ်တွင်းအင်္ဂါ သန့်စင်ဆေးပြား တို့ကိုလည်း အများအပြား ဖော်စပ်ခဲ့သည်။]

[သင်သည် ဝိညာဉ်စုစည်း ဆေးများကို သောက်သုံး၍ သင်၏ နတ်ဘုရား အာရုံ ဆက်လက် ကြီးထွားနိုင်ခြင်း ရှိမရှိကို စမ်းသပ်ကြည့်ခဲ့သည်။ သို့သော် ပိတ်ဆို့မှုတစ်ခု ဖြစ်ပေါ်ခဲ့ပြီး လပေါင်းများစွာ ကြာသည်အထိ တိုးတက်မှု မရှိခဲ့ပေ။]

[ရွေးချယ်စရာ မရှိသောကြောင့် သင်သည် ကလေးနတ်ဆေး

များ ဖော်စပ်ခြင်းတွင် စွမ်းအင် အားလုံးကို မြှုပ်နှံခဲ့သည်။]

[သင်သည် ကလေးနတ်ဆေးများကို နေ့စဉ်ရက်ဆက် လေ့လာခဲ့သည်။ ဆက်လက် ဖော်စပ်နေသည်နှင့် အမျှ၊ သင်၏ ဆေးဖော်ခြင်းဆိုင်ရာ ကျွမ်းကျင်မှုတို့သည် တဖြည်းဖြည်း ပိုမို ပြောင်မြောက်လာခဲ့သည်။]

[လပေါင်းများစွာ ကြိုးစားအားထုတ်ပြီးနောက် သင်၏ ကလေးနတ်ဆေး ဖော်စပ်ခြင်းဆိုင်ရာ ကျွမ်းကျင်မှုသည် နောက်ဆုံးတွင် မဟာယန အဆင့်သို့ တိုးတက်လာခဲ့သည်!]

[နောက်ပိုင်းတွင် သင်သည် ထိပ်တန်းအရည်အသွေးရှိ ကလေးနတ်ဆေး ဆယ်လုံးကို ဖော်စပ်ရန် နောက်ထပ် နှစ်ပတ် ကြာခဲ့သည်။ ထို့နောက် သင်သည် ပြီးပြည့်စုံသော သန္ဓေတည် ဝိညာဉ် တိုးတက်မှု အတွက် တရားဝင် အသင့် ဖြစ်နေခဲ့သည်!]

[သင်သည် မင်္ဂလာ ရှိသော နေ့တစ်နေ့ကို ရွေးချယ်ပြီး၊ မည်သည့် နှောင့်ယှက်မှုမျှ မရှိစေရန် သေချာအောင် ပြုလုပ်ခဲ့သည်။ ထို့နောက် ဝိညာဉ်စိုက်ခင်း ကောင်းချီးမြေထဲသို့ ဝင်ရောက်ခဲ့သည်။]

[စိတ်သန့်စင် ဆေးလုံး နှစ်လုံးကို မျိုချပြီး သင်၏ စိတ်အခြေအနေအား ကိုယ်ကျိုးမငဲ့သည့် အဆင့်သို့ ညှိယူလိုက်သည်။ ထို့နောက် သင်သည် တိုးတက်မှု အတွက် အသင့် ဖြစ်နေခဲ့သည်!]

…