နောက်ထပ်ရှားပါးဝိညာဉ်သားရဲတစ်ကောင်

တိုက်ပွဲက ပေါက်ကွဲထွက်လာတယ်။

ချီမင်က လက်သီးသုံးချက်တည်းနဲ့ ဒီသိုင်းသမားကို ချက်ချင်းသတ်ဖြတ်လိုက်တယ်။ သူက ဒီထက်မြက်တဲ့သိုင်းသမားကို သူ့လက်သီးတွေနဲ့ တိုက်ရိုက်ရိုက်ခွဲလိုက်တော့ သေခြင်းအနက်ရောင်မြူခိုးတွေအဖြစ် ကောင်းကင်တစ်ခုလုံးအပြည့် ပေါက်ကွဲထွက်သွားတယ်။

ဆက်ပြီးတော့ ချီမင်က တတိယအထပ်၊ စတုတ္ထအထပ်၊ ပဉ္စမအထပ်… စသည်ဖြင့် တက်သွားတယ်။

သူက ကျွမ်းကျင်ဝိညာဉ်တွေနဲ့ တစ်ယောက်ပြီးတစ်ယောက် ရင်ဆိုင်ရတယ်။

ချီမင်ရဲ့လက်ထဲမှာတော့ သူတို့က တိုက်ကွက်အနည်းငယ်တောင်မခံနိုင်ဘဲ ချီမင်ရဲ့သတ်ဖြတ်ခြင်းကို ခံလိုက်ရတယ်။ သူက အဆင့်တွေကို လွယ်လွယ်ကူကူ ရှင်းလင်းသွားပြီး ဘာမှအားမစိုက်လိုက်ရဘူး။

တစ်ရက်ကြာပြီးနောက်။

တင်း!

"သင် သေမင်းမျှော်စင်ရဲ့ ပထမဆုံး အထပ် ၃၃ ထပ် ဂိမ်းမြေအောက်စခန်းတွင် တစ်ရက်ကြာ အလိုအလျောက်ကျင့်ကြံခဲ့ပါတယ်။ သင်ဂိမ်းမြေအောက်စခန်းကို တစ်ကြိမ် ရှင်းလင်းခဲ့ပါတယ်။ သင် အမွေအနှစ်သလင်းကျောက်ထိုက်ချီကောင်းကင်ဓားကျမ်း၊ထိပ်တန်းအဆင့်ဝိညာဉ်ကျောက်တုံးဆယ်သန်းရရှိပါတယ်။"

အသိပေးချက်တစ်ခု ပေါ်လာတယ်။

ပစ္စည်း - အမွေအနှစ်သလင်းကျောက်ထိုက်ချီကောင်းကင်ဓားကျမ်း။

ဖော်ပြချက် - သေမင်းမျှော်စင်ရဲ့ ပထမဆုံး အထပ် ၃၃ ထပ် ဂိမ်းမြေအောက်စခန်းမှ ရရှိသော အမွေအနှစ်သလင်းကျောက်ဖြစ်သည်။ ထိုက်ချီဓားတာအိုကို ကျင့်ကြံသော ဝိညာဉ်သားရဲများအတွက် သင့်တော်သည်။ ဝိညာဉ်သားရဲများ၏ ကြီးထွားမှုနှင့် အလားအလာကို တိုးမြှင့်ပေးနိုင်သည်။

"မဆိုးဘူး။"

ချီမင်က ပြောတယ်၊ "ဒီအမွေအနှစ်သလင်းကျောက်က ဟော့ချန်ချင်းရဲ့အဆင့်ကို မြှင့်ဖို့ သုံးလို့ရတယ်။"

"ဟော့ချန်ချင်း၊ ထွက်လာခဲ့။"

ရှပ်!

သူ့ရှေ့မှာ အဖြူရောင်အလင်းတစ်ချက် လက်သွားတယ်။

ဟော့ချန်ချင်းက ဝိညာဉ်သားရဲနေရာလွတ်ထဲကနေ ထွက်လာတယ်။

"သခင်။"

ဟော့ချန်ချင်းက အရိုအသေပြုလိုက်တယ်။

ချီမင်က ပြောတယ်၊ "ဒါက အမွေအနှစ်သလင်းကျောက်ထိုက်ချီကောင်းကင်ဓားကျမ်းပဲ။ မင်းအခုပဲ သုံးလိုက်တော့။"

"ဟုတ်ကဲ့။"

ဟော့ချန်ချင်းက ဝမ်းသာအားရဖြစ်သွားပြီး အမွေအနှစ်သလင်းကျောက်ထိုက်ချီကောင်းကင်ဓားကျမ်းကို အလျင်အမြန်လက်ခံလိုက်တယ်။ အဲ့ဒါက သူ့ခန္ဓာကိုယ်ထဲကို ပေါင်းစပ်ဝင်ရောက်သွားပြီး ထိုက်ချီပုံစံတစ်ခုပေါ်လာကာ ဟော့ချန်ချင်းကို လွှမ်းခြုံသွားတယ်။

"သွားတော့။"

ရှပ်!

ချီမင်က သူ့ညာလက်ကို ဝှေ့ယမ်းပြီး ဟော့ချန်ချင်းကို ဝိညာဉ်သားရဲနေရာလွတ်ထဲကို ထည့်လိုက်တယ်။

"ငါ ထိပ်တန်းအဆင့်ဝိညာဉ်ကျောက်တုံး တစ်သောင်း ဖြည့်မယ်။" ချီမင်က ပြောတယ်၊ "လက်ရွေးစင်ဝိညာဉ်သားရဲ ရှုတောင်ထိုက်ချီဓားသူတော်စင်ကို အလိုအလျောက်ကျင့်ကြံမယ်။"

တင်း!

"ဖြည့်သွင်းမှု အောင်မြင်ပါသည်။"

"လက်ရွေးစင်ဝိညာဉ်သားရဲ ရှုတောင်ထိုက်ချီဓားသူတော်စင်သည် အဆဆယ်သန်းမြှင့်တင်မှုအောက်တွင် ကြီးထွားလာပါတယ်။ သူ အမွေအနှစ်သလင်းကျောက်ထိုက်ချီကောင်းကင်ဓားကျမ်းနှင့် ပေါင်းစပ်နေပါတယ်…"

အသိပေးချက်တစ်ခု ပေါ်လာတယ်။

ချီမင်က အသာအယာခေါင်းညိတ်ပြီး အသိပေးချက်မျက်နှာပြင်ကို ပိတ်လိုက်တယ်။

မျက်စိတစ်မှိတ်အတွင်းမှာ နောက်ထပ်တစ်ရက် ကုန်ဆုံးသွားတယ်။

တင်း!

"လက်ရွေးစင်ဝိညာဉ်သားရဲ ရှုတောင်ထိုက်ချီဓားသူတော်စင်ကအဆဆယ်သန်း မြှင့်တင်မှုအောက်တွင် တစ်ရက်ကြာ ကြီးထွားခဲ့ပါတယ်။ သူအမွေအနှစ်သလင်းကျောက်ထိုက်ချီကောင်းကင်ဓားကျမ်းနှင့် အပြည့်အဝပေါင်းစပ်သွားသောကြောင့် ထိုက်ချီဓားတာအိုကို ပိုမိုကျွမ်းကျင်လာပါတယ်။ဒါက သူရဲ့ကြီးထွားမှုနှင့် အလားအလာကို ပိုမိုတိုးတက်သွားစေပြီး ရှားပါးဝိညာဉ်သားရဲ ရှုတောင်ထိုက်ချီကောင်းကင်ဓားသူတော်စင် ဖြစ်လာစေပါတယ်။ သူအများဆုံး တာအိုပေါင်းစည်းခြင်း နှောင်းပိုင်းအဆင့်အထိ ရောက်ရှိနိုင်ပါတယ်။"

ဒီတစ်ခါ ဟော့ချန်ချင်းရဲ့တိုးတက်မှုကအရမ်းကြီးမားတယ်။ သူက အဆင့်ကြီးတစ်ခုကို တိုက်ရိုက်ကျော်ဖြတ်ပြီး ရှားပါးဝိညာဉ်သားရဲ ဖြစ်လာတယ်။ ဒါကြောင့် သူ့ရဲ့ကြီးထွားမှုနဲ့ အလားအလာက အမှောင်မီးလျှံနဲ့ တန်းတူနီးပါးဖြစ်သွားတယ်။

"အရမ်းကောင်းတယ်။"

ချီမင်က သဘာဝအတိုင်း အရမ်းကျေနပ်နေတယ်။

"သခင်။"

ဟော့ချန်ချင်း ပေါ်လာတယ်။ သူက အစိမ်းရောင်ဝတ်ရုံကို ဝတ်ဆင်ထားပြီး ချောမောတဲ့မျက်နှာနဲ့ ထက်မြက်တဲ့မျက်ခုံးတွေ ရှိတယ်။ သူ့လက်ထဲမှာတော့ သာမန်ရှုတောင်ဓားတစ်လက်ကို ကိုင်ထားတယ်။

ဒီရှုတောင်ဓားက အရင်ကနဲ့မတူတော့ဘူး။ ထပ်ခါထပ်ခါ တိုးတက်မှုတွေအောက်မှာ ရှုတောင်ဓားက ဟော့ချန်ချင်းရဲ့ ကိုယ်ပိုင်ရတနာ ဖြစ်နေပြီ။ သူ့ရဲ့စွမ်းအားက အရမ်း အားကောင်းတယ်။

"သွားပြီး အလိုအလျောက်ကျင့်ကြံမှုအောက်မှာ ကြီးထွားတော့။" ချီမင်က ပြောလိုက်တယ်။

ရှပ်!

သူ့ရှေ့မှာ အဖြူရောင်အလင်းတစ်ချက် လက်သွားတယ်။

ဟော့ချန်ချင်းက ဒုတိယဝိညာဉ်သားရဲနေရာလွတ်ထဲကို ဝင်သွားတယ်။

နေ့စဉ် ထိပ်တန်းအဆင့်ဝိညာဉ်ကျောက်တုံး တစ်သောင်း သုံးစွဲခြင်းအားဖြင့် ဟော့ချန်ချင်းက အဆဆယ်သန်းမြှင့်တင်မှုအောက်မှာ အလျင်အမြန် ကြီးထွားလာတယ်။ သူ့ရဲ့အင်အားနဲ့ ကျင့်ကြံမှုက နေ့တိုင်းနီးပါး ပြောင်းလဲနေတယ်။

မျက်စိတစ်မှိတ်အတွင်းမှာ နောက်ထပ်ခုနစ်ရက် ကုန်ဆုံးသွားတယ်။

ကောင်းကင်လျှို့ဝှက်ချက်အိမ်တော်ရဲ့ ခြံဝင်းထဲမှာ။

ချီမင်ရဲ့ကျင့်ကြံမှုအဆင့်က ဗလာနယ်စွန့်ခွာခြင်း အစောပိုင်းအဆင့်ကို ရောက်နေပြီ။ ကောင်းကင်လျှို့ဝှက်ချက်စာအုပ်၊ ကောင်းကင်လျှို့ဝှက်ချက်စုတ်တံနဲ့ ကောင်းကင်လျှို့ဝှက်ချက်အိမ်တော်အပေါ် သူ့ရဲ့ထိန်းချုပ်မှုက တစ်ဆင့်တိုးလာတယ်။

ချီမင်က အခု ဒုတိယကောင်းကင်ဂူကို ဖွင့်နိုင်ပြီ။

အဲ့ဒါက ဖုန်းကွယ်ချပ်ဝတ်တန်ဆာကောင်းကင်ဂူပဲ။

အခု ချီမင်က ဖုန်းကွယ်ချပ်ဝတ်တန်ဆာကောင်းကင်ဂူထဲဝင်ပြီး သိမ်းပိုက်ဖို့ စီစဉ်ထားတယ်။

"သခင်လေး။"

စုချီမန်ရဲ့အမူအရာက နည်းနည်းစိုးရိမ်နေတယ်၊ "သခင်လေးက ဖုန်းကွယ်ချပ်ဝတ်တန်ဆာကောင်းကင်ဂူကို အခုတကယ်ဖွင့်တော့မှာလား။ ဖုန်းကွယ်ချပ်ဝတ်တန်ဆာကောင်းကင်ဂူက ဒုတိယမြောက်ဖွင့်လှစ်တဲ့ ကောင်းကင်ဂူကမ္ဘာဆိုတော့ အထဲကအန္တရာယ်က လျှို့ဝှက်နက်နဲတံခါးတံခါးရဲ့ကောင်းကင်ဂူထက် အများကြီးပိုများနိုင်တယ်။"

"အသက်သွင်းလိုက်တော့။" ချီမင်က ပြောတယ်။

"ဟုတ်ကဲ့။" စုချီမန်က အရိုအသေပြုပြီး ခေါင်းညိတ်တယ်။

"ဖုန်းကွယ်ချပ်ဝတ်တန်ဆာကောင်းကင်ဂူ၊ ပွင့်စမ်း!"

စုချီမန်က ချီမင်ရဲ့ရှေ့မှာရပ်နေတယ်။ သူက လက်ဝှေ့ယမ်းလိုက်တော့ စာလုံးတွေ ချက်ချင်းပေါ်လာတယ်။ အဲ့ဒါတွေက လိပ်ပြာတွေလို ကခုန်နေပြီး သူ့ရှေ့မှာ စုဝေးသွားတယ်။ ဟင်းလင်ပြင်က တုန်ခါလာပြီး တဖြည်းဖြည်းစုစည်းကာ ဝဲဂယက်တစ်ခုအဖြစ် ပြောင်းသွားတယ်။

မကြာခင်မှာပဲ ဖုန်းကွယ်ချပ်ဝတ်တန်ဆာကောင်းကင်ဂူရဲ့ဝင်ပေါက်ကပေါ်လာတယ်။

အဲ့ဒါကလည်း အချင်းသုံးမီတာလောက်ရှိတဲ့ ဘဲဥပုံအနက်ရောင်ဝဲဂယက်တစ်ခုဖြစ်တယ်။

"သခင်လေး။"

စုချီမန်က ပြောတယ်၊ "ဖုန်းကွယ်ချပ်ဝတ်တန်ဆာကောင်းကင်ဂူရဲ့ဝင်ပေါက် ပွင့်သွားပါပြီ။"

ချီမင်က ခေါင်းညိတ်ပြီး သူ့ရှေ့ကဘဲဥပုံအနက်ရောင်ဝဲဂယက်ဆီကို လျှောက်သွားတယ်။ သူက ညွှန်ကြားလိုက်တယ်၊ "စုချီမန်၊ ရှန်ကွမ်းဝမ်ကော၊ မင်းတို့နှစ်ယောက် ဒီမှာစောင့်နေ။ တံခါးရှစ်ချပ်ဂိုဏ်းချုပ် တွေက၊ ငါ့နောက်ကလိုက်ပြီး ဖုန်းကွယ်ချပ်ဝတ်တန်ဆာကောင်းကင်ဂူထဲကို ဝင်ကြ။"

"ဟုတ်ကဲ့။"

"ဟုတ်ကဲ့။"

တံခါးရှစ်ချပ်ဂိုဏ်းချုပ်တွေက ချီမင်ရဲ့နောက်ကနေ လိုက်သွားတယ်။

"သွားကြစို့။"

ချီမင်က ရှေ့ကဦးဆောင်ပြီး တံခါးရှစ်ချပ်ဂိုဏ်းချုပ် တွေကို ဖုန်းကွယ်ချပ်ဝတ်တန်ဆာကောင်းကင်ဂူထဲကို ခေါ်ဆောင်သွားတယ်။ သူတို့ရဲ့ပုံရိပ်တွေက ဘဲဥပုံအနက်ရောင်ဝဲဂယက်ထဲမှာ ပျောက်ကွယ်သွားတယ်။

မြင်ကွင်းက ပြောင်းလဲသွားတယ်။

ချီမင်နဲ့တခြားသူတွေက ဖုန်းကွယ်ချပ်ဝတ်တန်ဆာကောင်းကင်ဂူကို ရောက်လာကြတယ်။

သူတို့ရောက်ရောက်ချင်းမှာပဲ ဖုန်းကွယ်ချပ်ဝတ်တန်‌ဆာကောင်းကင်ဂူရဲ့ ကောင်းကင်ဂူစိတ်ဝိညာဉ် လျိုယိက ချီမင်နဲ့တခြားသူတွေကို ချက်ချင်းတွေ့သွားတယ်။ ဒါ့အပြင် ဖုန်းကွယ်ချပ်ဝတ်တန်ဆာကောင်းကင်ဂူက ကျွမ်းကျင်သူတွေလည်း ဒါကို ခံစားမိကြတယ်။

နေ့တစ်ဝက်ကြာတော့ ချီမင်က ဖုန်းကွယ်ချပ်ဝတ်တန်ဆာကောင်းကင်ဂူမှာ ခြေကုပ်စခန်းတစ်ခု ရှာတွေ့သွားတယ်။ သူက ကောင်းကင်စူးစမ်းခြင်းကိုသုံးပြီး ဖုန်းကွယ်ချပ်ဝတ်တန်ဆာကောင်းကင်ဂူရဲ့ သမိုင်းနဲ့အတိတ်ကို ဖော်ထုတ်ပြီး အဲ့ဒီရဲ့အကြောင်းအရာအားလုံးကို သိရှိသွားတယ်။

"ဖုန်းကွယ်ချပ်ဝတ်တန်ဆာကောင်းကင်ဂူ၊ ကမ္ဘာ့နန်းတော်ကိုးခု။"

ချီမင်က မျက်လုံးဖွင့်လိုက်တယ်။ ဖုန်းကွယ်ချပ်ဝတ်တန်ဆာကောင်းကင်ဂူနဲ့ပတ်သက်တဲ့ အချက်အလက်အမျိုးမျိုးက သူ့စိတ်ထဲကို တိုးဝင်လာတယ်။ သူက အဲ့ဒီအကြောင်းအရာအားလုံးကို သိရှိသွားတယ်။

လျှို့ဝှက်နက်နဲတံခါးကောင်းကင်ဂူမှာတော့ ပြည်နယ်ရှစ်ခုခွဲခြားထားပြီး အဲ့ဒီကမ္ဘာမှာ တံခါးရှစ်ချပ်ရှိတယ်။

ဖုန်းကွယ်ချပ်ဝတ်တန်ဆာကောင်းကင်ဂူမှာတော့ တိုက်ကြီးကိုးခုခွဲခြားထားပြီး နန်းတော်ကိုးခုရှိတယ်။

ကမ္ဘာ့နန်းတော်ကိုးခုကတော့ ချန်နန်းတော်၊ ခန်နန်းတော်၊ ကန်နန်းတော်၊ ကျန့်နန်းတော်၊ ဗဟိုနန်းတော်၊ ရွှင်နန်းတော်၊ လီနန်းတော်၊ သွမ့်နန်းတော်နဲ့ ခွန်းနန်းတော်တို့ဖြစ်တယ်။

ချီမင်က အခု ကောင်းကင်ဂူစိတ်ဝိညာဉ် လျိုယိနဲ့ ဖုန်းကွယ်ချပ်ဝတ်တန်ဆာကောင်းကင်ဂူကို လွှမ်းမိုးထားတဲ့ နန်းတော်ကိုးခုသခင်တွေကို ရှာဖွေရမယ်။ ဒီလိုဆိုရင် သူက ကောင်းကင်ဂူတစ်ခုလုံးကို လက်အောက်ခံဖြစ်အောင် လုပ်နိုင်မှာဖြစ်တယ်။

"ကောင်းကင်လျှို့ဝှက်ချက်စာအုပ်။"

ချီမင်က သူ့ညာလက်ကို ဝှေ့ယမ်းလိုက်တော့ ကောင်းကင်လျှို့ဝှက်ချက်စာအုပ်ကပေါ်လာတယ်။ ကောင်းကင်ရဲ့အလုပ်လုပ်ပုံတွေက ပြောင်းလဲနေသလို အလင်းရောင်တွေ လည်ပတ်နေတယ်။ သူ့ဘယ်လက်က ကောင်းကင်လျှို့ဝှက်ချက်စုတ်တံကိုကိုင်ပြီး သူ့ရှေ့ကလေထဲမှာ မျဉ်းတစ်ကြောင်းဆွဲလိုက်တယ်။

ဂျွတ်!

နေရာလွတ်က ကွဲအက်သွားတယ်။

ချီမင်ရဲ့စုတ်တံက နဂါးတစ်ကောင်လို လှုပ်ရှားသွားပြီး‌ နေရာလွတ်ထဲမှာ 'လျိုယိ' ဆိုတဲ့စာလုံးတွေကို ရေးလိုက်တယ်။

"လျိုယိ၊ မြန်မြန်ပေါ်လာစမ်း။" ချီမင်က အော်လိုက်တယ်။

ရှေ့မှာ နေရာလွတ်က တုန်ခါသွားပြီး ဝိညာဉ်စွမ်းအင်တွေ စုဝေးလာကာ စွမ်းအင်တွေ လိမ့်တက်လာတယ်။

မျက်စိတစ်မှိတ်အတွင်းမှာ ပုံရိပ်တစ်ခု အလိုအလျောက်ပေါ်လာတယ်။

"ဖုန်းကွယ်ချပ်ဝတ်တန်ဆာကောင်းကင်ဂူစိတ်ဝိညာဉ် လျိုယိက ကောင်းကင်လျှို့ဝှက်ချက်ရဲ့ဆက်ခံသူကို အရိုအသေပြုပါတယ်။"

ဒါက အနက်ရောင်ဝတ်ရုံနဲ့ လူငယ်တစ်ယောက်ဖြစ်တယ်။ သူ့မျက်နှာက ဖြူစင်သန့်ရှင်းပြီး ဓားသွားလို ထက်မြက်တယ်။ သူ့ရဲ့အသွင်အပြင်က ရှင်းလင်းပြီး တော်တော်လေး ချောမောတယ်။ သူက ချီမင်ကို အရိုအသေပြုလိုက်တယ်။

သူက ဖုန်းကွယ်ချပ်ဝတ်တန်ဆာကောင်းကင်ဂူရဲ့စိတ်ဝိညာဉ် လျိုယိပဲ။

"ကောင်းပြီ။"

ချီမင်က ကျေနပ်စွာ ခေါင်းညိတ်တယ်။ သူက ကောင်းကင်လျှို့ဝှက်ချက်စာအုပ်ကိုကိုင်ပြီး လေသံအုပ်အုပ်နဲ့ အမိန့်ပေးလိုက်တယ်၊ "ဖုန်းကွယ်ချပ်ဝတ်တန်ဆာကောင်းကင်ဂူစိတ်ဝိညာဉ် လျိုယိ၊ မင်း ကောင်းကင်လျှို့ဝှက်ချက်စာအုပ်ထဲကို မြန်မြန်မဝင်သေးဘူးလား။"

"ဟုတ်ကဲ့။"

လျိုယိက ချီမင်ရဲ့လက်ထဲက ကောင်းကင်လျှို့ဝှက်ချက်စာအုပ်ကို တစ်ချက်ကြည့်လိုက်တယ်။ သူက ကောင်းကင်လျှို့ဝှက်ချက်စာအုပ်ရဲ့မငြိမ်သက်မှု၊ လျှို့ဝှက်နက်နဲတံခါးကောင်းကင်ဂူရဲ့အရှိန်အဝါနဲ့စွမ်းအင်၊ ပြီးတော့ ချီမင်ရဲ့ဘေးက တံခါးရှစ်ချပ်ဂိုဏ်းချုပ် တွေကို ခံစားမိတယ်။ လျိုယိက အကြာကြီးမတွေးဘဲ ချက်ချင်းပဲ ကောင်းကင်လျှို့ဝှက်ချက်စာအုပ်ထဲကို ဝင်ရောက်ပြီး ပေါင်းစပ်သွားတယ်။

"အရမ်းကောင်းတယ်။"

ဒီလိုနဲ့ ချီမင်က ပိုပြီးတော့တောင် ကျေနပ်သွားတယ်။

လျှို့ဝှက်နက်နဲတံခါးကောင်းကင်ဂူမှာ ချီမင်က တံခါးရှစ်ချပ်ဂိုဏ်းချုပ်တွေနဲ့ လျှို့ဝှက်နက်နဲတံခါးကောင်းကင်ဂူစိတ်ဝိညာဉ်ရဲ့ ထောင်ချောက်ဆင်ခြင်းကို ခံရပြီး လျှို့ဝှက်နက်နဲတံခါး ကျေးရွာထဲမှာ ပိတ်မိနေခဲ့တယ်။ ဖုန်းကွယ်ချပ်ဝတ်တန်ဆာကောင်းကင်ဂူစိတ်ဝိညာဉ်ကတော့ အများကြီးပိုပြီး နာခံမှုရှိပြီး ချီမင်ရဲ့အားစိုက်ထုတ်မှုကို အများကြီးသက်သာစေတယ်။

"လျိုယိ။" ချီမင်က ပြောတယ်၊ "နောက်တစ်ခုကနန်းတော်ကိုးခုသခင် တွေကို လက်အောက်ခံဖြစ်အောင်လုပ်ဖို့ ငါနဲ့ပူးပေါင်းဆောင်ရွက်ပါ။"

"ဟုတ်ကဲ့။"

လျိုယိရဲ့အသံက ကောင်းကင်လျှို့ဝှက်ချက်စာအုပ်ထဲကနေ ထွက်ပေါ်လာတယ်။

မျက်စိတစ်မှိတ်အတွင်းမှာ ခုနစ်ရက်ကြာသွားတယ်။

ချီမင်က အားအများကြီး သုံးလိုက်ရတယ်။ လျိုယိရဲ့အကူအညီနဲ့ တံခါးရှစ်ချပ်ဂိုဏ်းချုပ် တွေရဲ့အကူအညီနဲ့ သူက ဖုန်းကွယ်ချပ်ဝတ်တန်ဆာကောင်းကင်ဂူရဲ့ နန်းတော်ကိုးခုသခင် တွေကို လက်အောက်ခံဖြစ်အောင် လုပ်လိုက်တယ်။

ချီမင်က နန်းတော်ကိုးခုသခင်‌တွေကို ရှာဖွေဖို့ အချိန်အများကြီး သုံးလိုက်ရတယ်။

ဒါပေါ့၊ တိုက်ပွဲတစ်ခုကတော့ သဘာဝအတိုင်း ရှောင်လွှဲလို့မရဘူး။

နန်းတော်ကိုးခုသခင်‌ တွေအားလုံးက တာအိုပေါင်းစည်းခြင်း နှောင်းပိုင်းအဆင့်မှာရှိကြတယ်။ သူတို့ရဲ့အင်အားက တံခါးရှစ်ချပ်ဂိုဏ်းချုပ် တွေထက်မနိမ့်ကျဘူး။ ဒါ့အပြင် သူတို့က ဖုန်းကွယ်ချပ်ဝတ်တန်ဆာနည်းစနစ်ကိုလည်း အထွတ်အထိပ်အမြင့်ဆုံးအဆင့်အထိ ကျင့်ကြံထားကြတယ်။ အဲ့ဒီကနေတစ်ဆင့် သူတို့က ဖုန်းကွယ်ချပ်ဝတ်တန်ဆာနန်းတော်ကိုးခုဖွဲ့စည်းပုံကို ဖော်ထုတ်ထားပြီးဆိုရင် သူ့ရဲ့စွမ်းအားက လျှို့ဝှက်နက်နဲတံခါးကျေးရွာထက် မနိမ့်ကျဘူး။

ချီမင်ရဲ့အင်အားက သဘာဝအတိုင်း ပိုပြီးအားကောင်းတယ်။ တံခါးရှစ်ချပ်ဂိုဏ်းချုပ် တွေနဲ့ လျှို့ဝှက်နက်နဲတံခါးကောင်းကင်ဂူစိတ်ဝိညာဉ်ရဲ့အကူအညီ၊ ပြီးတော့ လျိုယိရဲ့အကူအညီနဲ့ပေါင်းလိုက်တော့ နန်းတော်ကိုးခုသခင် တွေကို ကိုင်တွယ်ဖြေရှင်းဖို့ လွယ်ကူသွားတယ်။

ချီမင်က ဖုန်းကွယ်ချပ်ဝတ်တန်ဆာကောင်းကင်ဂူကို ရယူဖို့ ခုနစ်ရက်အချိန်ယူလိုက်တယ်။

ဒီလိုနဲ့ ကောင်းကင်လျှို့ဝှက်ချက်စာအုပ်ရဲ့ ဒုတိယစာမျက်နှာမှာ ဖုန်းကွယ်ချပ်ဝတ်တန်ဆာကောင်းကင်ဂူရဲ့ပုံစံ ပေါ်လာတယ်။ ဒါ့အပြင် အဲ့ဒါက ကမ္ဘာ့နန်းတော်ကိုးခုအဖြစ် ခွဲခြားထားပြီး သူတို့အပေါ်မှာ နန်းတော်ကိုးခုသခင် တွေ ရဲ့နာမည်တွေ ရေးထိုးထားတယ်။

တစ်နည်းပြောရရင် ချီမင်က အခု လျှို့ဝှက်နက်နဲတံခါးကောင်းကင်ဂူနဲ့ ဖုန်းကွယ်ချပ်ဝတ်တန်ဆာကောင်းကင်ဂူနှစ်ခုလုံးရဲ့ စွမ်းအားကို ထိန်းချုပ်နိုင်ပြီ။

သူ့ရဲ့အင်အားက ထပ်ပြီးတိုးတက်လာတယ်။

ရှစ်ရက်မြောက်နေ့မှာ ချီမင်က တံခါးရှစ်ချပ်ဂိုဏ်းချုပ်တွေ နဲ့ နန်းတော်ကိုးခုသခင်တွေ ကို ဖုန်းကွယ်ချပ်ဝတ်တန်ဆာကောင်းကင်ဂူထဲကနေ ခေါ်ထုတ်ပြီး ကောင်းကင်လျှို့ဝှက်ချက်အိမ်တော်ကို ပြန်လာတယ်။ စုချီမန်နဲ့ ရှန်ကွမ်းဝမ်ကောတို့က ချီမင်ရဲ့အောင်ပွဲခံပြန်လာမှုကို ကြိုဆိုလ်ိုက်ကြတယ်။

"ဖုန်းကွယ်ချပ်ဝတ်တန်ဆာကောင်းကင်ဂူကိုလည်း သိမ်းပိုက်နိုင်ခဲ့ပြီပဲ။" ရှန်ကွမ်းဝမ်ကောက စိတ်လှုပ်ရှားစွာ သက်ပြင်းချတယ်၊ "သူက ခုနစ်ရက်ပဲ အချိန်ယူလိုက်ရတယ်။"

"သခင်လေးက တကယ်ပဲ ဒီကမ္ဘာမှာ ပြိုင်ဘက်ကင်းပဲ။" စုချီမန်က ပြောတယ်။

ဆက်ပြီးတော့ ချီမင်မှာ အရေးကြီးတဲ့ကိစ္စဘာမှမရှိတော့ဘူး။

သူက အခြေခံအားဖြင့် သူ့ရဲ့နေ့ရက်တွေကို အလိုအလျောက်ကျင့်ကြံခြင်းနဲ့ပဲ ကုန်ဆုံးစေတယ်။

သူက သူ့ရဲ့ကျင့်ကြံမှု တည်တည်ငြိမ်ငြိမ် တိုးတက်နေတာကို ခံစားမိတယ်။ ဒါ့အပြင် ကျင့်ကြံမှုထဲမှာ နစ်မြုပ်နေပြီး ကောင်းကင်နဲ့မြေကြီးရဲ့ မဟာတာအိုရဲ့နက်နဲမှုတွေကို နားလည်သဘောပေါက်နေရတာက အံ့သြဖို့ကောင်းတဲ့ ပျော်ရွှင်မှုတစ်ခုဖြစ်တယ်။

မျက်စိတစ်မှိတ်အတွင်းမှာ နှစ်နှစ်ဆယ်ကြာသွားတယ်။

ဒီနေ့က နောက်တစ်ကြိမ် အမွေခံတပည့်ပြိုင်ပွဲကျင်းပမယ့်နေ့နဲ့ မဝေးတော့ဘူး။ လဝက်လောက်ပဲ ကျန်တော့တယ်။ ဒါကြောင့် ကောင်းကင်ဉာဏ်အလင်းဂိုဏ်းတစ်ခုလုံး ပြန်ပြီးတော့ သက်ဝင်လှုပ်ရှားလာတယ်။

ဒါ့အပြင် ချီမင်က ယွမ်ဖုန်းနဲ့ ရှောင်ဖန်းဆီကနေ သတင်းစကားလက်ခံရရှိလိုက်တယ်။ နှစ်တစ်ရာကုန်ဆုံးသွားပြီး ယွမ်ဖုန်းနဲ့ ရှောင်ဖန်းရဲ့ကျင့်ကြံမှုအဆင့်တွေက အခြေတည်ဝိညာဉ် နှောင်းပိုင်းအဆင့်ထိကိုရောက်နေကြပြီ။

ဒီတစ်ခေါက် သူတို့အားလုံး ဒီအမွေခံတပည့်ပြိုင်ပွဲမှာ ပါဝင်ကြမှာဖြစ်တယ်။

"အမွေခံတပည့်ပြိုင်ပွဲ။"

ချီမင်က ခဏလောက်စဉ်းစားပြီး သူ့လက်ထဲကစာကို ချလိုက်တယ်၊ "နှစ်တစ်ရာက ဒီလောက်မြန်မြန်ကုန်ဆုံးသွားတာပဲ။ တစ်နည်းပြောရရင် ငါအသက် ၁၄၂ နှစ်ရှိနေပြီ။"

"အချိန်က ဒီလောက်မြန်မြန်ကုန်တာပဲ။"

"ကမ္ဘာမြေပေါ်မှာသာဆိုရင် ငါ့ရဲ့အသက် ၁၄၂ နှစ်နဲ့ တစ်ကမ္ဘာလုံးကို တုန်လှုပ်ခြောက်ခြားသွားအောင် လုပ်နိုင်လောက်တယ်၊ ဒါပေမဲ့ လျှို့ဝှက်နက်နဲကမ္ဘာမှာတော့ ဒါက အစပဲရှိသေးတယ်။"

"ငါ့ရဲ့လက်ရှိကျင့်ကြံမှုအဆင့်က ဗလာနယ်စွန့်ခွာခြင်း အစောပိုင်းအဆင့်မှာရှိတယ်။ ငါ့ရဲ့သက်တမ်းက နှစ် ၄၀၀၀ နီးပါးရှိတယ်။"

"ဘာလဲ?"

ရုတ်တရက် အတွေးတစ်ခုနဲ့အတူ ချီမင်က တစ်ခုခုကို ခံစားမိလိုက်ပြီး ချက်ချင်းပဲ တင်ပျဉ်ခွေထိုင်ချလိုက်တယ်။ သူက အနာဂတ်မြင်အာရုံ လျှို့ဝှက်နက်နဲနည်းစနစ်ကို တိုက်ရိုက်လည်ပတ်ပြီး အသေးစားအံ့ဖွယ်စွမ်းအားနဲ့ပေါင်းစပ်ကာကောင်းကင်လျှို့ဝှက်ချက်တွေကို ဖော်ထုတ်လိုက်တယ်။

ချက်ချင်းပဲ ကောင်းကင်လျှို့ဝှက်ချက်စာအုပ်နဲ့ ကောင်းကင်လျှို့ဝှက်ချက်စုတ်တံ ပေါ်လာတယ်။

ကောင်းကင်လျှို့ဝှက်ချက်ရဲ့စွမ်းအားက ချီမင်အပေါ်ကို သက်ရောက်လာတယ်။

"ဒါက…"

မကြာခင်မှာပဲ ချီမင်က သူသိချင်တဲ့အရာကို ဖော်ထုတ်နိုင်သွားပြီး သူ့မျက်လုံးတွေက လေးနက်တဲ့အမူအရာ ပေါ်လွင်လာတယ်၊ "ဒီအမွေခံတပည့်ပြိုင်ပွဲမှာ အဖြစ်အပျက်ကြီးတစ်ခု ဖြစ်တော့မယ်!"

"ငါထပ်ပြီးတော့ လှုပ်ရှားရတော့မယ်ထင်တယ်။"