သတ်ဖြတ်ခြင်း

ချီမင်က လေထဲမှာ ရပ်နေတယ်။ သူက ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်ကနေ အလောတကြီး ထွက်ပြေးနေကြတဲ့ ကောင်းကင်ဘုံဉာဏ်အလင်းဂိုဏ်းရဲ့ တပည့်တွေ၊ အကြီးအကဲတွေနဲ့ မတူဘူး။

ရှပ်!

ချီမင်က အဲ့ဒီအစား ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်ရဲ့ ဧရိယာထဲကို ဝင်ရောက်သွားလိုက်တယ်။

သူက စစ်မြေပြင်ကို အပေါ်စီးကနေ ကြည့်လိုက်တယ်။

သူ့မျက်စိထဲကို ဝင်လာတာက အဆက်မပြတ်မြင့်တက်လာတဲ့ သိပ်သည်းတဲ့ နတ်ဆိုးချီနဲ့ မိစ္ဆာချီတွေပဲ ဖြစ်တယ်။ အဲ့တာတွေက ကြီးမားပြီး ကြောက်မက်ဖွယ်ကောင်းတဲ့ချောက်နက်အက်ကွဲကြောင်းထဲကနေ အဆက်မပြတ် ထိုးထွက်လာတဲ့ အနက်ရောင်နဲ့ သွေးရောင်မီးခိုးတွေနဲ့တူတယ်။

သူက သေချာလေ့လာလိုက်တယ်။

မြေအောက်နက်ထဲက အလယ်ဗဟိုမှာ။

အရမ်းကိုကြီးမားတဲ့ ကြက်သွေးရောင် ကြာဖူးတစ်ဖူးရှိ‌ နေတယ်။ ဒီကြာဖူးက လုံးဝကို နီရဲနေတဲ့အရောင် ရှိတယ်။ အဲ့တာက အချင်း ဆယ်မီတာရှိပြီး အလယ်ဗဟိုမှာ တည်ရှိတယ်။

ကြာဖူးရဲ့ အမြစ်တွေက ပျံ့နှံ့ထွက်နေတယ်။ အမြစ်တွေက ထူထဲပြီး အစိမ်းရောင်ရှိတယ်။ အတွင်းထဲမှာ သွေးလိုမျိုး စွမ်းအင်တွေ စီးဆင်းနေတယ်။

အမြစ်တွေက ပတ်ဝန်းကျင်ကို ဖုံးလွှမ်းထားတဲ့ သွေးကြောတွေနဲ့တူတယ်။ အဲ့တာတွေက ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်တစ်ခုလုံးနဲ့ တစ်သားတည်း ဖြစ်နေတယ်။ သူတို့က ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်ကနေ ပြောင်းလဲလာတဲ့ စွမ်းအင်တွေကို စုပ်ယူနေတယ်။

နီရဲနေတဲ့ ကြာဖူးအတွင်းမှာ ပုံရိပ်တစ်ခုကို မထင်မရှား မြင်နေရတယ်။

ဒီပုံရိပ်က ရှောင်ဝူဂျီ ဖြစ်တယ်။

ချီမင်က သူ့အကြည့်ကို ပြန်ရုတ်သိမ်းလိုက်ပြီး ကြီးမားတဲ့ ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်ရဲ့ ပုံကားချပ်ကို ကြည့်လိုက်တယ်။ အဲ့တာက အရမ်းခမ်းနားပြီး ကြီးကျယ်ကာ စစ်မြေပြင်တစ်ခုလုံးကို ဖုံးလွှမ်းထားတယ်။

“ကျိုးစမ်း”

ဘုန်း!

ချီမင်က သူ့ညာဘက်လက်ကို ဝှေ့ယမ်းပြီး သူ့ရဲ့ဓမ္မစွမ်းအားကို လည်ပတ်စေလိုက်တယ်။ ကမ္ဘာဖျက်ဓားက ချီမင်ရဲ့ဓမ္မစွမ်းအားတွေပါဝင်တဲ့အစိမ်းရောင်နဂါးတစ်ကောင်နဲ့တူပြီး ကောင်းကင်နဲ့မြေကြီး မဟာတာအိုရဲ့စွမ်းအားကို စုစည်းလိုက်တယ်။

ခရက်! ခရက်!

နောက်တစ်ခဏမှာ ကမ္ဘာဖျက်ဓားက ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်ရဲ့ ပုံကားချပ်အလယ်ဗဟိုကို ရိုက်ခတ်သွားတယ်။ အားပြင်းတဲ့ ဓားချီနဲ့ စွမ်းအားက ချက်ချင်းပေါက်ကွဲထွက်လာပြီး အစီအရင်ပုံကားချပ်ကို ရိုက်ခတ်သွားတယ်။

ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်ရဲ့ ပုံကားချပ်အလယ်ဗဟိုမှာ အက်ကြောင်းတွေ ပေါ်လာတယ်။ အရမ်းတိုတောင်းတဲ့အချိန်လေးအတွင်းမှာပဲ အက်ကြောင်းတွေက အစီအရင်ပုံကားချပ်တစ်ခုလုံးကို ပျံ့နှံ့သွားတယ်။

ဘုန်း!

ကျယ်လောင်တဲ့အသံကြီးတစ်ခု ထွက်ပေါ်လာတယ်။

ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်က ချီမင်ရဲ့ဓားကြောင့် ပျက်စီးသွားတယ်။ ကြီးမားတဲ့ အစီအရင်ဖွဲ့စည်းပုံက မရေမတွက်နိုင်တဲ့ အပိုင်းအစတွေအဖြစ် ကြေမွသွားပြီး အလျင်အမြန် ပျောက်ကွယ်သွားတယ်။

အလင်းတွေက နေရာတိုင်းကို ပျံ့နှံ့သွားတယ်။

ရှပ်!

ကမ္ဘာဖျက်ဓားက ချီမင်ရဲ့ဘေးမှာ ပျံဝဲနေတဲ့ အစိမ်းရောင်ဓားအလင်းတန်းတစ်ခုအဖြစ် ပြောင်းလဲသွားပြီး ပြန်ရောက်လာတယ်။

“အစီ... အစီအရင်ပုံကားချပ်...”

“ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင် ပျက်စီးသွားပြီ။”

“သူ တစ်ချက်ပဲသုံးလိုက်တယ်... ကိုယ်ပိုင်တပည့်ချီက ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်ကို ဖျက်ဆီးဖို့ တစ်ချက်ပဲ သုံးလိုက်တယ်။”

“သူက တကယ်ကို အရမ်းသန်မာလွန်းတယ်။”

“အသက်ရှူမှားလောက်တယ်...”

လူတိုင်းက ထပ်မံအော်ဟစ်လိုက်ကြတယ်။

မြေအောက်နက်ထဲမှာ ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်က ချီမင်ကြောင့် ပျက်စီးသွားတယ်။ ကြီးမားပြီး နီရဲနေတဲ့ ကြာဖူးထဲမှာ ပြင်းထန်တဲ့လှုပ်ခတ်မှုတစ်ခုဖြစ်ပေါ်လာပြီး အစိမ်းရောင်အမြစ်က အလျင်အမြန် ညှိုးနွမ်းသွားတယ်။

ခရက်! ခရက်!

ကြာဖူးကညှိုးနွမ်းသွားပြီး အက်ကြောင်းတွေ ပေါ်လာတယ်။

များပြားတဲ့ စွမ်းအင်တွေက ပျောက်ကွယ်သွားတယ်။

ရှောင်ဝူဂျီက အတင်းအကျပ် နိုးထခံလိုက်ရတယ်။

“ ခွေးမသား!”

ဘုန်း!

ချက်ချင်းပဲ ကြက်သွေးရောင်ပုံရိပ်တစ်ခုက ကြာဖူးထဲကနေ ခုန်ထွက်လာပြီး အရမ်းကို ဒေါသတကြီးဖြစ်နေတဲ့ ဟိန်းဟောက်သံတစ်ခု ထွက်ပေါ်လာတယ်။ အားပြင်းတဲ့အရှိန်အဝါက ပတ်ဝန်းကျင်ကို လှုပ်ခါသွားစေတယ်။

“ဘယ်သူလဲ? ဘယ်သူလဲ?!”

ဒေါသ။

အရမ်းကို ဒေါသထွက်နေတယ်။

လေထဲက ကြက်သွေးရောင်ထိုပုံရိပ်က ဆံပင်ဖရိုဖရဲနဲ့ အရမ်းကို သနားစရာကောင်းတဲ့အခြေအနေမှာ ရှိနေတယ်။ သူ့ရဲ့ခေါင်းတစ်ခုလုံးက နီရဲနေတဲ့ဆံပင်တွေနဲ့ ဖုံးလွှမ်းနေပြီး သူ့ခန္ဓာကိုယ်ပတ်လည်မှာ သွေးနီရောင်မြူခိုးတွေလိုမျိုး သိပ်သည်းတဲ့ သွေးဆာမှုတွေ ထွက်ပေါ်နေတယ်။

သူက သွေးနီနတ်ဆိုးဂိုဏ်းရဲ့ ဂိုဏ်းချုပ် ရှောင်ဝူဂျီ ဖြစ်တယ်။

ရှောင်ဝူဂျီက ဒီနေ့အတွက် မူလကတည်းက အရာအားလုံးကို ပြင်ဆင်ထားခဲ့တယ်။ သူက အချိန်အကြာကြီး စီစဉ်ထားပြီး အရင်းအမြစ်အများကြီးကို‌ တောင်းဆိုထားတယ်။ သူက သွေးနီနတ်ဆိုးဂိုဏ်းတစ်ခုလုံးကိုတောင် သေတွင်းထဲပို့ဖို့ ချီတုံချတုံ မဖြစ်ခဲ့ဘူး။

အားလုံးက အတိဒုက္ခကျော်လွှားခြင်းအဆင့်ကို ချိုးဖျက်ဖို့အတွက်ဖြစ်တယ်။

နောက်ဆုံးအရေးကြီးတဲ့အချိန်မှာ သူက တကယ်ပဲ ဖော်ထုတ်ခံလိုက်ရတယ်။

တကယ်တော့ ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်က ချီမင်ကြောင့် ပျက်စီးသွားတယ်။ ရှောင်ဝူဂျီရဲ့ အစီအစဉ်တွေနဲ့ ပြင်ဆင်မှုအားလုံးက ဖော်ထုတ်ခံလိုက်ရပြီး အားလုံးက အလဟဿ ဖြစ်သွားပြီ။

သူ လုံးဝကို ရှုံးနိမ့်သွားတယ်။

“တကယ် ရှောင်ဝူဂျီပဲ။”

“တကယ်ပဲ သူပဲ။”

“ကိုယ်ပိုင်တပည့်ချီ ပြောတဲ့အတိုင်းပဲ။ ရှောင်ဝူဂျီက စစ်မြေပြင်ရဲ့ မြေအောက်နက်ထဲမှာ ပုန်းနေတယ်။ ဒါ့အပြင် သူက စစ်မြေပြင်ပေါ်က သက်ရှိအားလုံးကို ယဇ်ပူဇော်ပြီး သူ့ရဲ့အတိဒုက္ခကို ကျော်လွှားဖို့ ကူညီခိုင်းဖို့ စီစဉ်ထားတယ်။”

“ကံမကောင်းစွာနဲ့ ကိုယ်ပိုင်တပည့်ချီက အရာအားလုံးကို သိသွားတယ်။ ရှောင်ဝူဂျီက ရှုံးနိမ့်သွားပြီ။ သူ အောင်မြင်ဖို့ဆိုတာ မဖြစ်နိုင်တော့ဘူး။”

ဝေ့ဟွာတုန်းနဲ့ တခြားလူတွေက ဆွေးနွေးနေကြတယ်။

“ရှောင်ဝူဂျီ”

ကိုယ်ပိုင်ရတနာသုံးခုက ချီမင်ကို ဝန်းရံထားတယ်။ သူ့အကြည့်ကပြင်းထန်သွားပေမယ့် သူ့အမူအရာက အရင်အတိုင်းဖြစ်တယ်။ သူက သူ့ရှေ့က ရှောင်ဝူဂျီကို ကြည့်ပြီး ခံစားချက်ကင်းမဲ့စွာ ပြောလိုက်တယ် “မင်းသေဖို့ အချိန်တန်ပြီ။”

“မင်းကိုး! မင်းက ဝိညာဉ်ဖွဲ့တည်ခြင်းအဆင့်က ပုရွက်ဆိတ်တစ်ကောင်ပဲ!”

ရှောင်ဝူဂျီက သူ့ရဲ့ပြင်းထန်တဲ့ဒေါသကနေ သတိပြန်ဝင်လာပြီး ချီမင်ကို ကြည့်လိုက်တယ်။ သူ့ဆံပင်က ဖရိုဖရဲဖြစ်နေပြီး သူ့ကြည့်ရတာသရဲတစ်ကောင်နဲ့တူတယ်။သူ့မျက်လုံးတွေက နီရဲနေပြီး သူ့တစ်ကိုယ်လုံးက ထူးဆန်တဲ့ပုံစံနဲ့ယှက်နွယ်ရောစပ်ထားတဲ့ရေမတွက်နိုင်တဲ့ သွေးရောင်စာလုံးတွေနဲ့ ဖုံးလွှမ်းနေတယ်။ အရမ်းကို ရုပ်ဆိုးအကျည်းတန်တယ်။

“မင်းက ငါ့ရဲ့ ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်ကို ဖျက်ဆီးခဲ့တာလား။ မင်းက ငါ့ရဲ့တာအိုလမ်းစဉ်ကို ဖျက်ဆီးခဲ့တာလား။”

ရှောင်ဝူဂျီက ဟိန်းဟောက်လိုက်တယ် “ငါ မင်းကို သတ်မယ်!”

ဘုန်း!

ရှောင်ဝူဂျီက သူ့လက်ကို မြှောက်ပြီး ချီမင်ဆီကို လက်ဝါးတစ်ချက် ရိုက်လိုက်တယ်။ ကြောက်ခမန်းလိလိ ဓမ္မစွမ်းအားတွေ ထိုးထွက်လာတယ်။ အဲ့တာက နီရဲနေပြီး ကောင်းကင်ကို ဖုံးလွှမ်းသွားတဲ့ ကြီးမားတဲ့သွေးနီရောင်လက်ဖဝါးတစ်ခုအဖြစ် ပြောင်းလဲသွားကာချီမင်ကိုရိုက်ခတ်လိုက်တယ်။

ချွင်!

ဓားသံတစ်ချက် ထွက်ပေါ်လာတယ်။

ချီမင်ရဲ့ဘေးက ကိုယ်ပိုင်ရတနာသုံးခု ပျံတက်သွားတယ်။ သူ အကြိမ်ပေါင်းများစွာ သန့်စင်ပြီးနောက်မှာ ဒီကိုယ်ပိုင်ရတနာသုံးခုက ဝိညာဉ်ဖွဲ့တည်ခြင်းထိပ်တန်းအဆင့် ရတနာတွေ ဖြစ်နေပြီ။

ချီမင်ရဲ့ဓမ္မစွမ်းအားက တလိပ်လိပ်မြင့်တက်လာပြီး ကောင်းကင်နဲ့မြေကြီး မဟာတာအိုရဲ့ စစ်မှန်ရည်ရွယ်ချက်တွေ ပါဝင်နေတယ်။

ဘုန်း!

ကျယ်လောင်တဲ့အသံကြီးတစ်ခု ထွက်ပေါ်လာတယ်။

သောင်းပြောင်းကြာပန်းစိမ်းဓားသန္ဓေသားက ပျံထွက်သွားပြီး ဓားတာအိုကြာပန်းစိမ်းအဖြစ် ပြောင်းလဲသွားတယ်။ အဲ့တာက ရှောင်ဝူဂျီရဲ့ မဟာသွေးလက်ဝါးကို ဖျက်ဆီးလိုက်ပြီး ပေါက်ကွဲသွားကာ ကောင်းကင်အပြည့် သွေးရောင်အလင်းတန်းအဖြစ် ဖွဲ့စည်းသွားတယ်။

“တိုက်!”

ရှောင်ဝူဂျီက ထပ်ခါထပ်ခါ ဟိန်းဟောက်နေတယ်။ သူက အဆုံးစွန်ထိ ဒေါသထွက်နေပြီ။

ဘာလို့လဲဆိုတော့ သူ့ရဲ့တာအိုလမ်းစဉ်က ချီမင်ကြောင့် လုံးဝပျက်စီးသွားပြီ။ သူ့လမ်းကို ပိတ်ဆို့တာက သူ့မိဘကို သတ်တာနဲ့တူတယ်။ဒီအမုန်းတရားက ဖြေဖျောက်လို့မရဘူး။ ဒါကြောင့် ရှောင်ဝူဂျီက ချီမင်ကို အဆုံးစွန်ထိ မုန်းတီးနေပြီး သူ့ရဲ့အင်အားကုန်သုံးပြီး သတ်ချင်နေတယ်။

ချီမင်ရဲ့ခွန်အားက အရမ်းကို အားကြီးတယ်။ သူ့ရဲ့ကျင့်ကြံခြင်းအဆင့်နဲ့ နယ်ပယ်က ဝိညာဉ်ဖွဲ့တည်ခြင်း နှောင်းပိုင်းအဆင့်မှာပဲ ရှိပေမယ့် သူ့ရဲ့တိုက်ခိုက်ရေးစွမ်းအားက ဝိညာဉ်ဖွဲ့တည်ခြင်းအဆင့်ကို အများကြီး ကျော်လွန်ပြီး အရမ်းကို ကြောက်စရာကောင်းတဲ့အဆင့်ကို ရောက်နေပြီ။

ရှောင်ဝူဂျီရဲ့ခွန်အားကလည်း အရမ်းကိုစွမ်းအားကြီးတယ်။ သူ့ရဲ့ကျင့်ကြံခြင်းအဆင့်က တာအိုပေါင်းစည်းခြင်းအဆင့်ရဲ့ အကန့်အသတ်ကို ရောက်နေပြီ။ ကောင်းကင်ဂူကြီးသုံးခုရဲ့စွမ်းအားရယ်သူ့ရဲ့ကိုယ်ပိုင်ရတနာနဲ့ အံ့ဖွယ်စွမ်းအားနည်းစနစ်တွေနဲ့ ပေါင်းစပ်လိုက်ရင်အရမ်းကို‌ကြောက်ဖို့ကောင်းနေပြီ။

ရှောင်ဝူဂျီက အတိဒုက္ခကျော်လွှားခြင်းအဆင့်ကို အောင်အောင်မြင်မြင် ချိုးဖျက်ခါနီးပါး ဖြစ်နေပြီ။ ချီမင်သာ ကောင်းကင်နဲ့မြေကြီး ညစ်ညမ်းမြေနတ်ဆိုးတာအိုအစီအရင်ကို မဖျက်ဆီးခဲ့ရင် သူ တကယ်ပဲ အောင်မြင်သွားနိုင်တယ်။

ရှောင်ဝူဂျီရဲ့ လက်ရှိတိုက်ခိုက်ရေးစွမ်းအားက အတိဒုက္ခကျော်လွှားခြင်းအဆင့်ကို တစ်ဝက်ရောက်လုနီးပါး ဖြစ်နေပြီ။

ဘုန်း! ဘုန်း! ဘုန်း!!!

စစ်မြေပြင်အပေါ်မှာ ချီမင်နဲ့ ရှောင်ဝူဂျီတို့ ထပ်ခါထပ်ခါ တိုက်ခိုက်နေကြတယ်။ နှစ်ဖက်စလုံးက အံ့ဖွယ်စွမ်းအားနည်းစနစ်အမျိုးမျိုးကို သုံးနေကြတယ်။ တိုက်ပွဲက အဆုံးအဖြတ်ပေးဖို့ ခက်ခဲနေတယ်။ နည်းစနစ်တွေနဲ့ အံ့ဖွယ်စွမ်းအားတွေ တိုက်ခိုက်မိတိုင်း ပြင်းထန်တဲ့ပေါက်ကွဲမှုတစ်ခု ဖြစ်ပေါ်လာပြီး ကြီးမားတဲ့ နောက်ဆက်တွဲအရှိန်က အရပ်မျက်နှာတိုင်းကို ပျံ့နှံ့သွားတယ်။

ဘုန်း!

ချီမင်က စစ်မှန်သမာဓိမီးလျှံကို တိုက်ရိုက်မှုတ်ထုတ်လိုက်တယ်။ သူ့ဘယ်ဘက်လက်ကို ဝှေ့ယမ်းလိုက်တော့ အံ့ဖွယ်ဓား လျှပ်စီးထိန်းချုပ်ရေးနည်းစနစ်နဲ့ တိုက်ခိုက်လိုက်တယ်။ လျှပ်စီးနဲ့ မီးလျှံတွေ ရောနှောသွားပြီး ကြောက်မက်ဖွယ်မြင်ကွင်းတစ်ခု ဖြစ်တည်သွားကာ ရှောင်ဝူဂျီကိုဖုံးလွှမ်းသွားတယ်။

ဘန်း ဘန်း ဘန်း!!!

ဆက်တိုက်ပေါက်ကွဲသံတွေ ထွက်ပေါ်လာတယ်။

“မဟာသွေးနတ်ဆိုးပညာ၊ မဟာ‌လေဟာနယ်နတ်‌ဆိုးပညာ၊ မဟာမြွေနတ်ဆိုးပညာ”

ဘဇ်! ဘဇ်! ဘဇ်!

ရှောင်ဝူဂျီက အံ့ဖွယ်စွမ်းအားနည်းစနစ်အမျိုးမျိုးကို သုံးလိုက်တယ်။ သူက အရမ်းသန်မာပြီး သွေးနီနတ်ဆိုးဂိုဏ်းရဲ့ မဟာအကြီးအကဲသုံးယောက်ဖြစ်တဲ့ ဆံဖြူနတ်ဆိုး၊ သွေးနတ်ဆိုးခေါင်းနဲ့ အကြီးအကဲနတ်ဆိုးနေရာလွတ်တို့ရဲ့ လျှို့ဝှက်နက်နဲနည်းစနစ်အံ့ဖွယ်စွမ်းအားတွေကိုတောင် နားလည်ထားတယ်။

သွေးနီနတ်ဆိုးဂိုဏ်းရဲ့ မဟာအကြီးအကဲသုံးယောက်ရဲ့ နည်းလမ်းတွေနဲ့ နည်းစနစ်တွေကို ရှောင်ဝူဂျီက သူတို့ကို သင်ပေးခဲ့တာဖြစ်တယ်။ ဒါကြောင့် ရှောင်ဝူဂျီက သူတို့ရဲ့နည်းစနစ်တွေနဲ့ လျှို့ဝှက်နည်းလမ်းအားလုံးကို သိတယ်။

ရှောင်ဝူဂျီရဲ့ထိန်းချုပ်မှုက ပိုသန်မာပြီး ပိုကြောက်စရာကောင်းတယ်။

သူက သူတို့ရဲ့အံ့ဖွယ်စွမ်းအားတွေနဲ့ နည်းစနစ်တွေကို ပေါင်းစပ်နိုင်ပြီး ပိုအားပြင်းတဲ့အင်အားကို ထုတ်ဖော်နိုင်တယ်။ချီမင်ရဲ့စစ်မှန်သမာဓိမီးလျှံနဲ့ အံ့ဖွယ်ဓားလျှပ်စီးထိန်းချုပ်ရေးနည်းစနစ်ကို တားဆီးနိုင်လိုက်တယ်။

“သန့်စင်ခြင်းသုံးပါးကိုယ်ပွားများ”

ဘုန်း!

ကြီးမားတဲ့ ဓမ္မစွမ်းအားက ချီမင်ရဲ့ခန္ဓာကိုယ်ကနေ မြင့်တက်လာတယ်။ အစိမ်းရောင်ချီတစ်ခုက သူ့ခေါင်းထိပ်ကနေ ထွက်လာတယ်။ ဒီအစိမ်းရောင်ချီက နောက်တစ်ကြိမ်သုံးခုအဖြစ် ပြောင်းလဲသွားပြီး ကျောက်စိမ်းသန့်စင် အထွတ်အထိပ်သန့်စင်နဲ့ မဟာသန့်စင်ဆိုတဲ့ ကိုယ်ပွားသုံးခုအဖြစ် ပြောင်းလဲသွားတယ်။

ကိုယ်ပွားတိုင်းမှာ ချီမင်ရဲ့ခွန်အား ရှိတယ်။

“ကိုယ်ပွားနည်းစနစ်လား”

ရှောင်ဝူဂျီက တစ်ချက်ကြည့်လိုက်တယ် “လှည့်ကွက်အသေးလေးပဲ။”

“အဆုံးမဲ့နတ်ဆိုးတာအို”

ဘုန်း!

ရှောင်ဝူဂျီက ဟိန်းဟောက်ပြီး သူ့ရဲ့အပြင်းထန်ဆုံးနည်းစနစ်နဲ့ အံ့ဖွယ်စွမ်းအားကို ထုတ်ဖော်လိုက်တယ်။ သူ့ခန္ဓာကိုယ်က လေနဲ့အတူ ကြီးမားလာပြီး ခေါင်းသုံးလုံးနဲ့ လက်ခြောက်ဖက်ရှိတဲ့ နတ်ဆိုးတာအိုဓမ္မရုပ်တုကို တိုက်ရိုက်ဖော်ထုတ်လိုက်တယ်။ အဲ့တာက မယုံနိုင်‌လောက်အောင်ကြောက်မက်ဖွယ်ကောင်းပြီး ကြီးမားကာ မီတာတစ်သောင်းအထိ ရောက်ရှိသွားတယ်။

“သမာဓိမီးလျှံ”

ချီမင်၊ ကျောက်စိမ်းသန့်စင်ကိုယ်ပွား၊ အထွတ်အထိပ်သန့်စင်ကိုယ်ပွားနဲ့ မဟာသန့်စင်ကိုယ်ပွားတို့က ရှောင်ဝူဂျီရဲ့ပတ်လည် မတူညီတဲ့အရပ်လေးမျက်နှာမှာ ရပ်လိုက်ပြီး သမာဓိမီးလျှံအံ့ဖွယ်စွမ်းအားကို လည်ပတ်လိုက်တယ်။

တစ်ခဏချင်းမှာပဲ ချီမင်နဲ့ ကိုယ်ပွားသုံးခုက များပြားတဲ့ စစ်မှန်သမာဓိမီးလျှံကို ထုတ်လွှတ်လိုက်ကြတယ်။ မီးတောက်တွေက နီရဲနေပြီး တောက်လောင်နေကာ ကြောက်ဖို့ကောင်းတဲ့ မီးပင်လယ်အဖြစ် ပြောင်းလဲသွားပြီးပတ်ဝန်းကျင်ကိုဖုံးလွှမ်းသွားတယ်။

ဒီအချိန်မှာ။

ရှောင်ဝူဂျီ ပြောင်းလဲထားတဲ့ အဆုံးမဲ့နတ်ဆိုးတာအိုဓမ္မရုပ်တုက သမာဓိမီးလျှံကြောင့် ဝါးမြိုခံလိုက်ရတယ်။ ကြောက်မက်ဖွယ် အံ့ဖွယ်စွမ်းအားမီးတောက်တွေက အရာအားလုံးကို လောင်ကျွမ်းစေပြီး နတ်ဆိုးတွေကို နှိမ်နင်းလိုက်တယ်။

“အားးး!!!”

ရှောင်ဝူဂျီက သနားစဖွယ် အော်ဟစ်လိုက်တယ်။

“မဟုတ်ဘူး! မဟုတ်ဘူး! မဟုတ်ဘူး!”

သူက နည်းလမ်းအမျိုးမျိုးကို သုံးပြီး နတ်ဆိုးရတနာတွေနဲ့ ရတနာတွေကို တစ်ခုပြီးတစ်ခု ပစ်ထုတ်လိုက်တယ်။ သူကကောင်းကင်ဂူကြီးသုံးခုရဲ့စွမ်းအားကိုတောင် ထုတ်သုံးလိုက်တယ်။

အားလုံးက အသုံးမဝင်ဘူး။

သူက ပတ်ဝန်းကျင်က သမာဓိမီးလျှံကို လုံးဝ မငြှိမ်းသတ်နိုင်ဘူး။

“အားးး!!!”

နောက်ဆုံးမှာ ပတ်ဝန်းကျင်ကလူတိုင်းရဲ့ အကြည့်အောက်မှာ ရှောင်ဝူဂျီက ချီမင်ရဲ့သမာဓိမီးလျှံကြောင့် အတင်းအကျပ် ပြာအဖြစ် လောင်ကျွမ်းခံလိုက်ရတယ်။ အလောင်းတောင် မကျန်ဘူး။ သူ့ရဲ့ကိုယ်ပိုင်ရတနာတောင် လောင်ကျွမ်းသွားပြီး သူ့ရဲ့သိုလှောင်လက်စွပ်ကိုပဲ ချီမင်က သီးသန့်ချန်ထားတယ်။

“ပြန်လာ”

ချီမင်က သူ့ပါးစပ်ကို ဖွင့်ပြီး စုပ်ယူလိုက်တယ်။

သမာဓိမီးလျှံပင်လယ်က မီးလျှံစီးကြောင်းတစ်ခုအဖြစ် ပြောင်းလဲသွားကာချီမင်ဆီမှာ မျိုချခံလိုက်ရပြီး ပျောက်ကွယ်သွားတယ်။

ရှူး! ရှူး! ရှူး!

ချက်ချင်းပဲ သန့်စင်ခြင်းသုံးပါးကိုယ်ပွားကလည်း အလင်းတန်းသုံးခုအဖြစ် ပြောင်းလဲသွားပြီး ချီမင်ရဲ့ခန္ဓာကိုယ်ထဲကို သူ့ခေါင်းထိပ်ကနေ အစိမ်းရောင်အလင်းတစ်ခုအဖြစ် ပေါင်းစပ်ဝင်ရောက်သွားတယ်။

“သွေးနီနတ်ဆိုးဂိုဏ်းရဲ့ ရှောင်ဝူဂျီ အသတ်ခံလိုက်ရပြီ။”

ချီမင်က စစ်မြေပြင်ရဲ့ကောင်းကင်အထက်မှာ သူ့လက်တွေကို နောက်ပစ်ပြီး ရပ်နေတယ်။ သူ့အကြည့်က တည်ငြိမ်နေပြီး သူ့အမူအရာက အေးစက်နေပေမယ့် သူ့ရဲ့အရှိန်အဝါက အရမ်းကို ပြင်းထန်တယ်။ သူ့အကြည့်က ပတ်ဝန်းကျင်ကို ဝေ့ကြည့်လိုက်တယ် “သွေးနီနတ်ဆိုးဂိုဏ်းရဲ့ နောက်လိုက်တွေ၊ ဘာလို့ လက်နက်မချဘဲ ငါ့အမိန့်ကို မနာခံတာလဲ။ မဟုတ်ရင် မင်းတို့အားလုံးကို သေပြီး ဝိညာဉ်တွေ ပျောက်ကွယ်သွားအောင် ငါ သေချာပေါက်လုပ်ပစ်မယ်။”

“ဂိုဏ်း... ဂိုဏ်းချုပ် သေသွားပြီ...”

“သေ... သေသွားပြီ...”

“သွေးနီနတ်ဆိုးဂိုဏ်း ပြီးသွားပြီ။ လုံးဝကို ပြီးသွားပြီ...”

“မလုပ်ပါနဲ့!”

“ကျွန်တော်တို့ လက်နက်ချပါ့မယ်၊ လက်နက်ချပြီး လူကောင်းဖြစ်အောင်နေပါ့မယ်!”

“ကျွန်တော့်ကို ချမ်းသာပေးပါ! ချမ်းသာပေးပါ!”

သွေးနီနတ်ဆိုးဂိုဏ်းရဲ့ ကျန်ရှိနေတဲ့အဖွဲ့ဝင်အားလုံးက မြေပေါ်မှာ ဒူးထောက်ပြီး ခေါင်းငုံ့ထားကြတယ်။ သူတို့က မခုခံတော့ဘူး။ သူတို့ ထွက်ပြေးချင်ရင်တောင် အားလုံး အသတ်ခံရမှာဖြစ်တယ်။