လူသားဓား ပြီးပြည့်စုံခြင်း၊ ကြီးမားသော စွမ်းအား တိုးတက်လာခြင်း!

ဓားသဘော၏ အခြေခံပုံစံလား!

စုရှင်း၏ မျက်လုံးများတွင် အလင်းတန်းတစ်ခု လင်းလက်သွားသည်။ သူ၏ရင်ထဲတွင် အနည်းငယ် စိတ်လှုပ်ရှားနေမိသည်။

ဓားပညာဆိုင်ရာ စုစည်းမှတ်တမ်းစာအုပ် တွင် ဓားသဘောနှင့် ပတ်သက်၍ ဖော်ပြထားသည်များ ရှိခဲ့သည်။

သုံးပါးစွမ်းရည် ဓားပညာကို ကောင်းကင်၊ မြေကြီးနှင့် လူသားဓားများ အဖြစ် ပိုင်းခြားထားသည်။

ထိုအထဲတွင် လူသားဓားကို စတင်အဆင့်၊ အသေးစား အောင်မြင်မှု၊ အဓိက အောင်မြင်မှု နှင့် ပြီးပြည့်စုံခြင်း အဆင့်များ အဖြစ် ထပ်မံ ခွဲခြားထားသည်။

အဓိကအောင်မြင်မှု နယ်ပယ်သို့ ဝင်ရောက်ခြင်း၏ လက္ခဏာမှာ ဓားသဘော၏ အခြေခံပုံစံကို နားလည် သဘောပေါက်ခြင်းပင် ဖြစ်သည်။

ဓားသဘော၏ သဘောတရားသည် အလွန်နက်နဲသည်။ သာမန် ဓားပညာရှင်များသည် ရာစုနှစ်ပေါင်းများစွာ လေ့ကျင့်ပြီးနောက် ဓားလှုပ်ရှားမှုများကိုသာ သင်ယူနိုင်သော်လည်း ဓားသဘောကို နားလည်နိုင်ရန်မှာမူ မသေချာပေ။

သို့သော် စုရှင်းသည် ယခင်က ဉာဏ်အလင်း ပွင့်ခဲ့ခြင်းကြောင့် လူသားဓား၏ နိယာမများကို နက်နက်ရှိုင်းရှိုင်း နားလည်ခဲ့သည်။

ထို့အပြင်၊ သူ၏မွေးရာပါ ဓားဝါသနာအိုး အရည်အချင်းကြောင့် ဓားပညာကို သာမန်လူထက် ဆယ်ဆကျော် ပိုမိုမြန်ဆန်စွာ သင်ယူနိုင်ခဲ့သည်။

ထိုသို့ ဖြစ်နေသော်လည်း သူ၏ သရုပ်ပြခြင်းများတွင် စုရှင်းသည် သူ့ကိုယ်သူ အဆက်မပြတ် ဖိအားပေးခဲ့သည်။ ပြင်းထန်သော ဓားပညာ တိုက်ပွဲများတွင် ပါဝင်ခြင်းဖြင့် လူသားဓား၏ အဓိက အောင်မြင်မှု နယ်ပယ်သို့ ကပ်သီးလေး ဝင်ရောက်ခဲ့ပြီး ဓားသဘော၏ အခြေခံပုံစံကို နားလည် သဘောပေါက်နိုင်ခဲ့သည်။

ဓားပညာဆိုင်ရာ စုစည်း မှတ်တမ်းစာအုပ်ပါ ဖော်ပြချက်ကို ပြန်လည် အမှတ်ရရင်း စုရှင်းက တီးတိုး ရေရွတ်လိုက်သည်–

“အို၊ ဒါက ဓားသဘောရဲ့ အခြေခံပုံစံပဲ! ဓားသဘောကို နားလည်တဲ့ ဓားပညာရှင် တစ်ယောက်ဟာ အသက်နဲ့သေခြင်းကို မကြောက်ဘဲ အတတ်နိုင်ဆုံး ကြိုးစားလုပ်ဆောင်လိုစိတ်နဲ့ ဓားကို ကိုင်ဆွဲတယ်။”

“လူသားရဲ့ ခွန်အားနဲ့ ဓားသဘော ပေါင်းစပ်လိုက်တဲ့အခါ လက်ထဲက ဓားရဲ့ စွမ်းအားဟာ ဓားပညာရှင်ဆီကို ပြန်လည် ရောက်ရှိလာပြီး သူတို့ရဲ့ ခွန်အားကို များစွာ တိုးမြှင့်ပေးလိမ့်မယ်!”

“ပြီးတော့ ဓားကို ကိုင်တဲ့အခါ သူတို့ဟာ ဘယ်ရန်သူကိုမှ မကြောက်ဘဲ တားမရဘဲ ရှေ့ဆက်တိုးမယ်။ ဓားသဘေယကို နားလည်ပြီးနောက်မှာ ခွန်အားအနည်းဆုံး ၅၀% တိုးတက်လာမယ်!”

“ဒါ့အပြင်... အရေးအကြီးဆုံး အချက်ကတော့ အမိုက်စားဖြစ်တာပဲ! ဓားစွမ်းရည်ကို ထုတ်လွှတ်လိုက်တာနဲ့ ဓားအလင်းကို ထွက်လာပြီး ရန်သူကို တစ်ကီလိုမီတာ အကွာကနေ ခေါင်းဖြတ်သတ်နိုင်တာ!”

စုရှင်း၏ ရင်ထဲတွင် စိတ်လှုပ်ရှားမှုများ တဖွားဖွား ပေါ်လာသည်။ စကားပုံပင် ရှိသေးသည်။ အမိုက်စား ဖြစ်ခြင်းက တစ်သက်တာလုံးရဲ့ ပန်းတိုင်ပဲတဲ့!

သို့သော် တစ်ချိန်တည်းမှာပင် စုရှင်းသည် သူ့အောင်မြင်မှုကြောင့် မောက်မာမသွားဘဲ တီးတိုးရေရွတ်လိုက်သည်။

“လူသားဓားမှာ အဓိက အောင်မြင်မှုရချိန်မှာ ဓားစွမ်းရည်ရဲ့ အခြေခံပုံစံကိုပဲ နားလည်သေးပေမဲ့ ပြီးပြည့်စုံတဲ့အဆင့် ရောက်ရင် ဓားစွမ်းရည်ကို အပြည့်အဝ နားလည်နိုင်မှာပဲ!”

“ငါ့ရဲ့ လက်ရှိခွန်အားနဲ့ဆိုရင် ဓားသဘောကို နားလည်လိုက်တာနဲ့ ဟို ခွေးကောင်ကျုံးကို အနိုင်ယူဖို့ သေချာပေါက် အာမခံချက် ရှိလာနိုင်တယ်၊ ဟုတ်တယ်မလား”

စုရှင်း၏ လက်ရှိခွန်အားသည် အလွန်ဆုံးမှ ခွေးကောင်ကျုံးနှင့် တူရုံသာ ရှိသေးသည်။ မဟုတ်လျှင် အနည်းငယ်တောင် အားနည်းနေနိုင်သည်။ သို့သော် ဓားသဘောကိုသာ နားလည်လိုက်လျှင် သူ့ဘက်က အသာစီး ရသွားနိုင်သည်။

မည်သို့ဆိုစေ ဓားပညာရှင်များသည် ပညာရှင်များ အနက် ထိုးစစ်ဆင်နည်းများ အလွန်နက်ရှိုင်းသည်ဟု သတ်မှတ်ထားကြသည်!

“သာသာယာယာဘဲ ဉာဏ်အလင်း ပွင့်သွားရင် ကောင်းမယ်…”

စုရှင်း၏ ရင်ထဲတွင် ဆန္ဒအချို့ ပေါ်ထွက်လာသည်။ အခုဆိုလျှင် လူသားဓားတွင် အဓိက အောင်မြင်မှုရပြီး ဓားသဘော၏ အခြေခံပုံစံကိုလည်း နားလည်ထားပြီ ဖြစ်သောကြောင့် နောက်ထပ် ဉာဏ်အလင်း ပွင့်သွားလျှင် လူသားဓား၏ ပြီးပြည့်စုံသည့် အဆင့်သို့ အလွယ်တကူ ရောက်ရှိသွားနိုင်သည်။

သူ့အကြည့်က သရုပ်ပြခြင်း ဖန်သားပြင်ဆီ ရောက်သွားသည်။

[ဓားသဘော၏ အခြေခံပုံစံကို တတ်မြောက်ပြီးနောက် သင်သည် ဓားပညာကို ဆက်လက် လေ့ကျင့်ရာတွင် ပေါ့ဆမှု မရှိဘဲ၊ သင်၏ လူသားဓားကို ပြီးပြည့်စုံသည့် အဆင့်အထိ တတ်မြောက်နိုင်မလားဟု စမ်းသပ်ရန် ကြိုးပမ်းခဲ့သည်။]

[ထို့ကြောင့် သင်သည် ရန်သူများကို ဓားဖြင့် ဆက်လက် တိုက်ခိုက်ခဲ့ပြီး လက်တွေ့ တိုက်ပွဲများတွင် သင်၏ ဓားပညာ နားလည်မှုကို အဆက်မပြတ် မြှင့်တင်ခဲ့သည်။]

[နဝမနှစ်တွင် လူသားဓား၌ အဓိက အောင်မြင်မှု ရရှိပြီးနောက် ဓားသဘော၏ တွန်းအားဖြင့် သင်သည် တစ်နှစ်အတွင်း နတ်ဆိုးဧကရာဇ် ဆယ့်ငါးကောင်ကို သတ်ဖြတ်ခဲ့ပြီး များပြားသော အသားဓာတ်ကို ရရှိခဲ့သည်။]

[နေ့စဉ် အသားဓာတ် အမြောက်အများကို စားသုံးပြီးနောက် သင်၏ ခန္ဓာကိုယ် သန့်စင်ခြင်း ကျင့်ကြံမှု အဆင့်သည် ပို၍ပင် တိုးတက်လာခဲ့သည်။]

[ဒသမနှစ်တွင် သင်သည် နတ်ဆိုးသားရဲများထဲမှ တော်ဝင်မျိုးနွယ် နှစ်ကောင်ကို သတ်ဖြတ်ခဲ့သည်။ တိုက်ပွဲများအတွင်း သင်၏ ဓားသဘော နားလည်မှုသည် ပိုမို နက်ရှိုင်းလာခဲ့သည်။]

[တစ်ကီလိုမီတာ အကွာမှ သင့်ဓားကို လှုပ်ယမ်းလိုက်ရုံဖြင့် ထုတ်လွှတ်လိုက်သည့် ဓားအလင်းသည် နတ်ဆိုးဘုရင် တစ်ဦးကို ထက်ပိုင်းဖြတ်ရန် လုံလောက်ခဲ့သည်။]

[ထိုနှစ်တွင်ပင် တော်ဝင်မျိုးနွယ် နတ်ဆိုးသားရဲ နှစ်ကောင်၏ အသားဓာတ်ကို စားသုံးပြီးနောက် သင့်ခန္ဓာကိုယ် သန့်စင်ခြင်း ကျင့်ကြံမှု အဆင့်သည် ရှစ်ဆတိုး နတ်ဘုရား အင်အား နယ်ပယ်နှင့် မလှမ်းမကမ်းတွင် ရှိနေပြီဟု သင်ခံစားမိသည်။]

[ဆယ့်တစ်နှစ်မြောက်တွင် သင်သည် နတ်ဆိုးသားရဲများထဲမှ တော်ဝင်မျိုးနွယ် သုံးကောင်ကို ထပ်မံသတ်ဖြတ်ခဲ့ရာ သင်သည် နတ်ဆိုးနှိမ်နှင်းရေး စခန်း တစ်လျှောက်တွင် ဒဏ္ဍာရီလာ ပုဂ္ဂိုလ်များအောက် အဆင့်တစ် ဖြစ်လာခဲ့သည်။]

[စစ်မြေပြင်တွင် ဓားတစ်ချောင်းကို ကိုင်ဆောင်ထားစဉ် သင်သည် ကြောက်ရွံ့ခြင်း မရှိဘဲ နတ်ဆိုးဧကရာဇ် နှစ်ကောင်ကို တစ်ချိန်တည်း ရင်ဆိုင်ခဲ့သည်။ ထိခိုက်မှုမရှိဘဲ ခုခံတွန်းလှန်နိုင်ခဲ့သည်။]

[သင်သည် ဓားသဘောကို ကျော်လွှားရန် သင်ကိုယ်တိုင် စိန်ခေါ်မှုများ အဆက်မပြတ် ပြုလုပ်ခဲ့သည်။ သင့်ကို တိုက်ခိုက်မည့် တော်ဝင်မျိုးနွယ် နတ်ဆိုးသားရဲများ မရှိပါက နတ်ဆိုးဧကရာဇ် နှစ်ကောင်ကို တစ်ပြိုင်တည်း ရင်ဆိုင်ကာ သင်၏ ဓားပညာကို ပြင်ဆင်ခဲ့သည်။]

[ဆယ့်နှစ် နှစ်မြောက်တွင် သင်၏ ခန္ဓာကိုယ် သန့်စင်ခြင်း ကျင့်ကြံမှု အဆင့်သည် နောက်ဆုံးတွင် အောင်မြင်စွာ ထိုးဖောက်နိုင်ခဲ့ပြီး ရှစ်ဆတိုး နတ်ဘုရား အင်အား နယ်ပယ် ပညာရှင် ဖြစ်လာခဲ့သည်။]

[တစ်ချိန်တည်းမှာပင် သင်၏ ဓားပညာမှာလည်း ပိုမို ပြောင်မြောက်လာခဲ့ပြီး ဓားသဘော နားလည်မှုမှာလည်း အစပျိုးရုံမျှ မဟုတ်တော့ပေ။]

၎င်းကို မြင်တွေ့ရသောအခါ စုရှင်းသည် မျက်မှောင်ကြုတ်ကာ တီးတိုးရေရွတ်လိုက်သည်–

“ရှစ်ဆတိုး နတ်ဘုရား အင်အား နယ်ပယ်ကို ထိုးဖောက်ဖို့ ဆယ့်နှစ်နှစ်တောင် အချိန်ယူရတာပဲ…”

“နတ်ဘုရား အင်အား နယ်ပယ်ရဲ့ နောက်ပိုင်း အဆင့်တွေမှာ ပညာတိုးမြှင့်ဖို့က တကယ်ကို ခက်ခဲမယ့်ပုံပဲ။”

ထိုကဲ့သို့သော တိုးတက်နှုန်းသည် နတ်ဘုရား အင်အားနယ်ပယ်၏ သာမန် ပညာရှင်တစ်ဦး အတွက်ဆိုရင် အားကျစရာပါ။

နတ်ဘုရား အင်အားနယ်ပယ်၏ နောက်ပိုင်း အဆင့်များတွင် သာမန် ပညာရှင်တစ်ဦးသည် အသေးစား နယ်ပယ်တစ်ခုအား နှစ်သုံးဆယ်မှ ငါးဆယ်အတွင်း မအောင်မြင်ခြင်းသည် သာမန်ကိစ္စပင်။

စုရှင်းသည် အထောက်အပံ့များကြောင့်သာ ယခုကဲ့သို့ လျင်လျင်မြန်မြန် တိုးတက်နိုင်ခဲ့ခြင်း ဖြစ်ပြီး အခြားသူများ နှစ်ပေါင်းများစွာ ကြာမည့်အရာအား သူသည် တစ်နှစ်အတွင်း လုပ်ဆောင်နိုင်ခဲ့ခြင်း ဖြစ်သည်။

သို့သော် စုရှင်းသည် လုံးဝ စိတ်ကျေနပ်မှု မရှိဘဲ သူ့ကိုယ်သူ ဆင်ခြင်သုံးသပ်နေခဲ့သည်-

“ဒီနှုန်းအတိုင်းဆိုရင် နတ်ဘုရား အင်အားနယ်ပယ်ရဲ့ မဟာ ပြီးပြည့်စုံခြင်း အဆင့်ကို ရောက်ဖို့ အနည်းဆုံး အနှစ်သုံးဆယ်လောက် ကြာမယ်ထင်တယ်။ ဒါဆို ဒီ သရုပ်ပြခြင်းမှာ နတ်ဘုရား အင်အားနယ်ပယ်ရဲ့ မဟာ ပြီးပြည့်စုံခြင်း အဆင့်ကို ရရှိနိုင်မှာ မဟုတ်ဘူးဆိုတဲ့ သဘောပဲ!”

ထိုသို့ တွေးမိသောအခါ စုရှင်းသည် စိတ်ဓာတ်ကျသွားသလို ခံစားလိုက်ရသည်။ နဝမအဆင့်မှ မဟာ ပြီးပြည့်စုံခြင်း အဆင့်သို့ ရောက်ဖို့အတွက် သရုပ်ပြခြင်း အခွင့်အရေး နောက်တစ်ကြိမ် ဆုံးရှုံးလိုက်ရပြီ ဖြစ်သည်။

ထို့ပြင် သရုပ်ပြခြင်း တစ်ခုစီတိုင်းသည် စုရှင်းအတွက် တန်ဖိုး ရှိလှသည်။

စုရှင်းသည် ခဏတာ သေချာစဉ်းစားပြီး သူ၏ ခန္ဓာကိုယ် သန့်စင်ခြင်း ကျင့်ကြံမှု တိုးတက်မှုကို ပိုမိုမြန်ဆန်စေမည့် နည်းလမ်းများ ရှိမရှိ ပြန်ပြောင်း စဉ်းစားကြည့်သည်။

ရုတ်တရက် ဆုရှင်း၏ မျက်လုံးများတွင် အလင်းရောင်တစ်ခု လင်းလက်သွားပြီး သူ တီးတိုးရေရွတ်လိုက်သည်-

“ဖြစ်နိုင်တာက တော်ဝင်မျိုးနွယ် နတ်ဆိုးသားရဲတွေရဲ့ အသားဓာတ်ကို နေ့စဉ်စားသုံးနိုင်ရင် ငါ့ရဲ့ ခန္ဓာကိုယ် သန့်စင်ခြင်း ကျင့်ကြံမှု တိုးတက်နှုန်းက ပိုမြန်လာမှာ သေချာတယ်!”

“ဒါဆိုရင် သရုပ်ပြခြင်း ကာလ နှစ်ဆယ့်ငါးနှစ် အတွင်းမှာ ငါ့ရဲ့ ကျင့်ကြံမှု အဆင့်ကို နတ်ဘုရား အင်အားနယ်ပယ်ရဲ့ မဟာ ပြီးပြည့်စုံခြင်း အဆင့်အထိ တိုးမြှင့်နိုင်ချေ ရှိနိုင်တယ်!”

“ဒါပေမဲ့ တော်ဝင်မျိုးနွယ် နတ်ဆိုးသားရဲတွေရဲ့ အသားဓာတ်ကို ပိုရအောင် ဘယ်လို လုပ်ရမလဲ?”

စုရှင်း နက်နက်နဲနဲ စဉ်းစားမိသွားသည်။

တော်ဝင်မျိုးနွယ် နတ်ဆိုးသားရဲများသည် သာမန်ကောင်များနှင့် မတူပါ။ ၎င်းတို့သည် ရှားပါး ရုံသာမက ပို၍လည်း သန်မာကြသည်။

သို့သော် အကြီးမားဆုံး ကွာခြားချက်မှာ... တော်ဝင်မျိုးနွယ် နတ်ဆိုးသားရဲများသည် လူများနှင့်တန်းတူ ပိုပြီး ဉာဏ်ရည် ထက်မြက်ကြခြင်းပင်!

…