အမှန်တရား ပေါ်ပေါက်လာခြင်း

တာအိုဆရာ ဝူချန်က အတိဒုက္ခကျော်လွှားခြင်းအဆင့်က တည်ရှိမှုတစ်ယောက်ဖြစ်တယ်။ သူက ကောင်းကင်ဘုံဉာဏ်အလင်းဂိုဏ်းရဲ့ မဟာအကြီးအကဲတစ်ယောက်ဖြစ်လို့ သူ့ရဲ့အင်အားက သဘာဝအတိုင်း အရမ်းစွမ်းအားကြီးပြီး တာအိုပေါင်းစည်းခြင်းအဆင့်ထက်အဆင့်ကြီးတစ်ဆင့်မြင့်တယ်။

တာအိုပေါင်းစည်းခြင်း နှောင်းပိုင်းအဆင့် ကျင့်ကြံသူ (၆၀) က ပူးပေါင်းပြီး ကောင်းကင်ဂူကမ္ဘာခုနစ်ခုရဲ့စွမ်းအားနဲ့ ပေါင်းစပ်ရင်တောင် အစီအရင်ဖွဲ့စည်းပုံခုနစ်ခုက တာအိုဆရာ ဝူချန်ကို မတားဆီးနိုင်ဘူး။

သူက တာအိုဆရာ ဝူချန်ကို မတားဆီးနိုင်ရင်တောင် သူ့ကို ခဏလောက် ပိတ်ဆို့နိုင်သရွေ့ အဲ့တာက ချီမင်အတွက် လုံလောက်နေပြီ။

သူက နတ်မိမယ်ဖန်ရှီးရဲ့အယောင်ဆောင်မှုကို ချိုးဖျက်ပြီး သူ့ကို လုံးဝဖော်ထုတ်ဖို့ ဒီခဏလေးပဲ လိုအပ်တယ်။

“မွေးစားအဖေ!”

နတ်မိမယ်ဖန်ရှီးက အရမ်းကို ပျော်ရွှင်သွားတယ်။ သူမက သူမခန္ဓာကိုယ်ထဲက အသက်မဲ့မိခင်ရဲ့စွမ်းအားကို ချက်ချင်းဖိနှိပ်လိုက်ပြီး သူ့မျက်လုံးတွေက အလျင်အမြန် ပုံမှန်အတိုင်း ပြန်ဖြစ်သွားတယ်။

ကပ်သီးလေး။

ခုနက သူမက သူမခန္ဓာကိုယ်ထဲက အသက်မဲ့မိခင်ရဲ့စွမ်းအားကို အသက်သွင်းဖို့ နည်းနည်းလေးပဲ လိုတော့တယ်။

အခုတော့ တာအိုဆရာ ဝူချန် ရောက်လာပြီ။

နတ်မိမယ်ဖန်ရှီးက အပြည့်အဝသက်ပြင်းတစ်ချက်ချလိုက်နိုင်တယ်။

“မွေးစားအဖေ!” နတ်မိမယ်ဖန်ရှီးက နောက်တစ်ခါ အော်လိုက်တယ် “ချီမင် ရူးနေပြီ။ သူ ရူးနေပြီ။ သူက ကျွန်မရဲ့တပည့် ယုရွှယ်လန်ကို အတင်းအကျပ် သတ်လိုက်တဲ့အပြင် ကျွန်မရဲ့ပုံစံအမှန်က နတ်ဆိုးဂိုဏ်းက သူလျှိုတစ်ယောက်လို့ စွပ်စွဲပြီး ကျွန်မကို အတင်းအကျပ် သတ်ချင်နေတယ်။”

“ချီမင် ရူးနေပြီ!”

ဘုန်း!

ကျယ်လောင်တဲ့အသံကြီးတစ်ခု ထွက်ပေါ်လာတယ်။

“အားးး!!!” နတ်မိမယ်ဖန်ရှီးက အော်ဟစ်လိုက်တယ်။

သမာဓိမီးလျှံက တောက်လောင်နေတယ်။

ကိုယ်ပွားသုံးခုက အရမ်းကို ပြင်းထန်တဲ့အင်အားကို ပြသလိုက်တယ်။

နတ်မိမယ်ဖန်ရှီးရဲ့တစ်ကိုယ်လုံးက သမာဓိမီးလျှံကြောင့် ဖုံးလွှမ်းသွားတယ်။ သန့်စင်တဲ့အဖြူရောင်ဖီးနစ်မီးလျှံတွေနဲ့ ကမ္ဘာသန့်စင်မီးလျှံတွေက သမာဓိမီးလျှံကြောင့် လုံးဝဝါးမြိုခံလိုက်ရတယ်။ နတ်မိမယ်ဖန်ရှီးက သူ့ရဲ့ဓမ္မစွမ်းအားကို လည်ပတ်စေပြီး အလင်းမျက်နှာပြင်တစ်ခုကိုပဲ ထောက်ပံ့နိုင်ကာ ချီမင်ရဲ့သမာဓိမီးလျှံကို အရမ်းကို ခက်ခက်ခဲခဲနဲ့ တားဆီးနေရတယ်။

“ခင်ဗျား ဘယ်လောက်ကြာကြာ ခံနိုင်မှာလဲ။”

ချီမင်က သမာဓိမီးလျှံနဲ့ ဝန်းရံခံထားရတဲ့ နတ်မိမယ်ဖန်ရှီးကို အေးစက်စွာ အပေါ်စီးကနေ ကြည့်ပြီး ခံစားချက်ကင်းမဲ့စွာ ပြောလိုက်တယ် “အသက်မဲ့မိခင်၊ ဒီနေ့က ခင်ဗျားရဲ့သေမယ့်နေပဲ!”

ဘုန်း! ဘုန်း! ဘုန်း!

ချီမင်နဲ့ ကိုယ်ပွားသုံးခုက အံ့ဖွယ်စွမ်းအားနည်းစနစ်တွေကို တစ်ခုပြီးတစ်ခု သုံးလိုက်ကြတယ်။ ချီမင်က အံ့ဖွယ်စွမ်းအားနည်းစနစ်အများကြီးကို နားလည်ထားပြီး တစ်ခုချင်းစီက အရမ်းကို စွမ်းအားကြီးတယ်။

နတ်မိမယ်ဖန်ရှီးက ဒီလောက်များတဲ့ အံ့ဖွယ်စွမ်းအားနည်းစနစ်တွေကို မတားဆီးနိုင်ဘူး။

“ကိုယ်ပိုင်တပည့်ချီ! ရပ်လိုက်!”

“ခင်ဗျား အမှားတွေ ဆက်လုပ်လို့မဖြစ်ဘူး!”

“ကိုယ်ပိုင်တပည့်ချီ!”

ပတ်ဝန်းကျင်မှာ တောင်ထွတ်သခင်ဆယ့်နှစ်ယောက်က အကျယ်ကြီးအော်လိုက်ကြတယ်။ သူတို့က လာပြီး နတ်မိမယ်ဖန်ရှီးကို ကယ်တင်ချင်ကြတယ်။

“ခင်ဗျားတို့အားလုံး ရပ်လိုက်။”

ချီမင်ရဲ့အကြည့်က အေးစက်နေပြီး သူ့အမူအရာက ပိုလို့တောင်အေးစက်နေတယ် “တောင်ထွတ်သခင်တို့၊ ခင်ဗျားတို့ ရှေ့ဆက်တိုးလာရင် ကျွန်တော့်ကို သနားညှာတာမှုမပြဘူးဆိုပြီး အပြစ်မတင်ပါနဲ့။”

“ကိုယ်ပိုင်... ကိုယ်ပိုင်တပည့်ချီ”

“မင်း…”

တောင်ထွတ်သခင်တွေရဲ့အမူအရာတွေက အကြီးအကျယ် ပြောင်းလဲသွားပေမယ့် သူတို့က ရှေ့ဆက်မတိုးရဲကြဘူး။ အဲ့ဒီအစား သူတို့က ရပ်တန့်လိုက်ကြတယ်။

သူတို့ တကယ်ပဲ မလာရဲကြဘူး။

“ချီမင်!”

ဘုန်း!

ကြီးမားတဲ့ပေါက်ကွဲသံတစ်ခု ထွက်ပေါ်လာတယ်။

တာအိုဆရာ ဝူချန်က တကယ်ပဲ လုံးဝဒေါသထွက်နေပြီ။ သူ့ရဲ့စစ်မှန်ခန္ဓာက ပေါ်လာပြီး လေဟာနယ်ထဲမှာ ရပ်နေတယ်။ သူက ရှိနေတဲ့လူတိုင်းကို အပေါ်စီးကနေ ကြည့်လိုက်တယ်။

“ကျိုးပျက်စမ်း”

တာအိုဆရာ ဝူချန်က သူ့ညာဘက်လက်နဲ့ ဖိချလိုက်တော့ ခမ်းနားတဲ့စွမ်းအားက ဝူချန်ခေါင်းလောင်းထဲကို တိုးဝင်သွားတယ်။ အဲ့တာက ကောင်းကင်နဲ့မြေကြီးကိုတောင် ဝင်ဆံ့နိုင်သလိုမျိုး လေနဲ့အတူ ကြီးမားလာပြီး အစီအရင်ဖွဲ့စည်းပုံခုနစ်ခုကို လုံးဝပျက်စီးသွားစေတယ်။

ပေါက်ကွဲမှုက အလင်းတန်းအဖြစ် ပြောင်းလဲသွားပြီးကောင်းကင်တောင်ပြည့်နှက်သွားတယ်။

ဒုန်း!!!

“အားးး!!!”

“အင့်!!!”

“…”

သနားစရာ ကောင်းတဲ့အော်သံတစ်ခု ထွက်ပေါ်လာတယ်။

ချီမင်ရဲ့ တာအိုပေါင်းစည်းခြင်း နှောင်းပိုင်းအဆင့် လက်အောက်ငယ်သား (၆၀) လုံးက ပြင်းထန်စွာ ဒဏ်ရာရသွားကြတယ်။ သူတို့က သွေးအန်ပြီး ခုနစ်ထပ်စေတီနဲ့တူတဲအစီအရင်ဖွဲ့စည်းပုံခုနစ်ခုက လုံးဝကြေမွသွားတယ်။

ကောင်းကင်ဂူစိတ်ဝိညာဉ်ခုနစ်ယောက်ကလည်း ပြင်းထန်စွာ ဒဏ်ရာရသွားကြတယ်။ သူတို့က အလင်းတန်းခုနစ်ခုအဖြစ် ပြောင်းလဲသွားပြီး ကောင်းကင်လျှို့ဝှက်ချက်စာအုပ်ထဲကို ပြန်ဝင်သွားကြတယ်။

တစ်ချိန်တည်းမှာပဲ။

“အားးး!!!”

နတ်မိမယ်ဖန်ရှီးက နောက်တစ်ခါ အော်ဟစ်လိုက်တယ်။ သူ့ခန္ဓာကိုယ်ပတ်လည်က ကာကွယ်ရေးက ချီမင်ရဲ့အံ့ဖွယ်စွမ်းအားနည်းစနစ်တွေကြောင့် ရှုံးနိမ့်သွားပြီး လုံးဝမတားဆီးနိုင်တော့ဘူး။ သမာဓိမီးလျှံက လောင်ကျွမ်းပြီး သူ့ကို ဖုန်းအုပ်သွားတယ်။

ဒီအချိန်မှာ။

ဘုန်း!

တစ်ခဏချင်းမှာပဲ စစ်မှန်သမာဓိမီးလျှံက နတ်မိမယ်ဖန်ရှီးရဲ့အယောင်ဆောင်မှုကို လုံးဝဖျက်ဆီးပစ်လိုက်ပြီး အရမ်းကို ကြောက်စရာကောင်းတဲ့အနက်ရောင်အလင်းတိုင်ကြီးတစ်ခုက သူ့ခန္ဓာကိုယ်ထဲကနေ ထိုးထွက်လာတယ်။

ဘဇ်!!!

ဖျက်ဆီးခြင်းအရှိန်အဝါပါဝင်တဲ့ မည်းနက်နေတဲ့အလင်းတန်းတစ်ခုက နတ်မိမယ်ဖန်ရှီးရဲ့ခန္ဓာကိုယ်ထဲကနေ ကြီးမားတဲ့အလင်းတိုင်ကြီးတစ်ခုလို ထိုးထွက်လာတယ်။

ဒီအချိန်မှာ အသင်္ချေနတ်ဆိုးဂူရဲ့ လိုအင်ဆန္ဒခြောက်မျိုးနဲ့ စိတ်ခံစားချက်ခုနစ်မျိုးရဲ့ နတ်ဆိုးတာအို ဆယ့်သုံးပါးထဲက ရှင်သန်ခြင်းနတ်ဆိုးတာအိုရဲ့ စွမ်းအားနဲ့ အရှိန်အဝါက လုံးဝထုတ်လွှတ်ခံလိုက်ရတယ်။ ဒီအချိန်မှာ သူမက သူမရဲ့စွမ်းအားတွေကို ပြန်လည်ရရှိသွားတယ်။

ဒီပြင်းထန်တဲ့စွမ်းအားအောက်မှာ ချီမင်ရဲ့သမာဓိမီးလျှံကလည်း ဘေးကို အတင်းအကျပ် ဖယ်ရှားခံလိုက်ရတယ်။ အဲ့တာက ရှင်သန်ခြင်းနတ်ဆိုးတာအိုရဲ့စွမ်းအားကြောင့် တကယ်ပဲ ဖိနှိပ်ခံလိုက်ရတယ်။ ချီမင်ကလည်း အသက်မဲ့မိခင်ရဲ့စွမ်းအားကို ခံစားလိုက်ရတယ်။

အနက်ရောင်အလင်းတိုင်ကြီးထဲမှာ အနက်ရောင်ဝတ်ရုံနဲ့ အမျိုးသမီးတစ်ယောက် ရှိနေတယ်။ သူ့မျက်နှာက ထူးခြားပြီး လှပတယ်။ သူ့ဘေးမှာ မူလက သန့်စင်တဲ့အဖြူရောင်ကြာပန်းက လုံးဝပြောင်းလဲသွားပြီ။

ပတ်ဝန်းကျင်မှာ ထူးခြားဖြစ်စဉ်အမျိုးမျိုး ပေါ်လာတယ်။

အဲ့တာက အရမ်းကို ထူးဆန်းတယ်။

နတ်ဆိုးတာအိုရဲ့စွမ်းအားက ပေါ်ပေါက်လာခဲ့ပြီ။

“အသက်... အသက်မဲ့မိခင်…”

“ဒါ... ဒါ...”

“တကယ် အမှန်ပဲ၊ တကယ် အမှန်ပဲ…”

“အသက်ရှူမှားလောက်တယ်…”

“နတ်မိမယ်ဖန်ရှီးက တကယ်ပဲ အသက်မဲ့မိခင်ပဲ။”

“အိုး ဘုရားသခင်!”

“အရမ်းတုန်လှုပ်စရာကောင်းတယ်၊ ဒါက အရမ်းတုန်လှုပ်စရာကောင်းသွားပြီ။”

“နတ်မိမယ်ဖန်ရှီးက အစက ကောင်းကင်ဘုံဉာဏ်အလင်းအင်မော်တယ်တောင်ရဲ့ အမွေခံတပည့်တစ်ယောက်လေ။ပြီးတော့ မဟာအကြီးအကဲ တာအိုဆရာ ဝူချန်ရဲ့ မွေးစားသမီးတောင် ဖြစ်ခဲ့သေးတယ်။ သူမက တကယ်ပဲ အသက်မဲ့မိခင်တဲ့!!”

“ငါ ရူးသွားပြီ၊ ငါ တကယ်ပဲ ရူးသွားပြီထင်တယ်…”

“အဲ့တာက စိတ်ကူးယဉ်နေတာနဲ့တူတယ်။”

တုန်လှုပ်မှု။

လူတိုင်းက ထိတ်လန့်တုန်လှုပ်သွားကြတယ်။

ရှိနေတဲ့လူတိုင်းကတုန်လှုပ်သွားကြတယ်။

တောင်ထွတ်သခင်ဆယ့်နှစ်ယောက်၊ တောင်ထွတ်အသီးသီးက အမွေခံအကြီးအကဲတွေနဲ့ ရှိနေတဲ့ကောင်းကင်ဘုံဉာဏ်အလင်းဂိုဏ်းက တပည့်တွေနဲ့ အကြီးအကဲအားလုံးက လုံးဝကို ကြောင်အသွားကြတယ်။ သူတို့က စစ်မြေပြင်ထဲက ရုတ်တရက်ပြောင်းလဲမှုကြောင့် တုန်လှုပ်သွားကြတယ်။

“ဒါက…”

တာအိုဆရာ ဝူချန်က သူ့ခြေလှမ်းတွေကို ရပ်တန့်လိုက်တယ်။ သူက သူ့ညာဘက်လက်ကို မြှောက်ပြီး ရပ်တန့်လိုက်မိတယ်။ သူလည်း သူ့ရှေ့ကအခြေအနေကြောင့်လည်း ထိတ်လန့်သွားတယ်။ သူ့မွေးစားသမီးက တကယ်ပဲ အသက်မဲ့မိခင်တဲ့လား။

ဒီအချိန်မှာ တာအိုဆရာ ဝူချန်ရဲ့ဒေါသက မနေနိုင်ဘဲ ငြိမ်သက်သွားတယ်။

“အသက်မဲ့မိခင်”

ချီမင်ရဲ့အကြည့်က တည်ငြိမ်နေတယ်။ သူက အရာအားလုံးကိုသိထားတာကြာပြီဖြစ်တယ် “ခင်ဗျား အခု ဘာပြောစရာ ရှိသေးလဲ။ ခင်ဗျားရဲ့ပုံစံအမှန်က ဖော်ထုတ်ခံလိုက်ရပြီးပြီ။ ထပ်ပြီးရှင်းပြနေလည်းအသုံးမဝင်တော့ဘူး။”

သမာဓိမီးလျှံက အရမ်းကို စွမ်းအားကြီးတယ်။ အဲ့တာက အရာအားလုံးကို လောင်ကျွမ်းစေပြီး အယောင်ဆောင်မှုအားလုံးကို ဖျက်ဆီးပစ်လိုက်တယ်။

ချီမင်က စီစဉ်ထားတာကြာပြီဖြစ်တယ်။ သူက အသက်မဲ့မိခင်ရဲ့အယောင်ဆောင်မှုကို ဖျက်ဆီးပြီး သူ့ရဲ့ပုံစံအမှန်ကို လုံးဝဖော်ထုတ်ဖို့ စစ်မှန်သမာဓိမီးလျှံကို သုံးချင်တာဖြစ်တယ်။ သူမက နောက်ထပ် ငြင်းလို့မရတော့မှာဖြစ်တယ်။

ဒီလိုနဲ့ ချီမင်က ယုရွှယ်လန်နဲ့ အသက်မဲ့မိခင်ကို သတ်တာက မှန်ကန်သွားပြီ။

သူက ယုရွှယ်လန်နဲ့ နတ်မိမယ်ဖန်ရှီးရဲ့ပုံစံအမှန်ကို နတ်ဆိုးဂိုဏ်းက သူလျှိုတွေအဖြစ် အတည်မပြုနိုင်ရင် ချီမင်က သူတို့အားလုံးကို သတ်လိုက်ရင်တောင် သူက ကောင်းကင်ဘုံဉာဏ်အလင်းဂိုဏ်းကနေ အပြစ်ပေးခံရဦးမှာပဲ။

အဲ့ဒီအချိန်ကျရင် ချီမင်က ကောင်းကင်ဘုံဉာဏ်အလင်းဂိုဏ်းကို ဆန့်ကျင်သွားဖို့က အရမ်းဖြစ်နိုင်တယ်။

ဒါပေါ့၊ ဘိုးဘေးကောင်းကင်လျှို့ဝှက်ချက်က ကိုယ်တိုင်ပေါ်လာပြီး ချီမင်အတွက် အာမခံပေးရင် ကောင်းကင်ဘုံဉာဏ်အလင်းဂိုဏ်းတစ်ခုလုံးက ဘာမှပြောမှာမဟုတ်ဘူး။ ဒါပေမဲ့ မမေ့ထားရမှာက ဘိုးဘေးကောင်းကင်လျှို့ဝှက်ချက်အပြင် ကောင်းကင် ဘုံဉာဏ်အလင်းဂိုဏ်းမှာ တခြားဘိုးဘေးနှစ်ယောက် ရှိသေးတယ်။

ကောင်းကင်ဘုံဉာဏ်အလင်းဂိုဏ်းမှာ ဘိုးဘေးကောင်းကင်လျှို့ဝှက်ချက်တစ်ယောက်တည်း ဆုံးဖြတ်တာ မဟုတ်ဘူး။

အဲ့ဒီအချိန်ကျရင် ဂိုဏ်းရဲ့ဂုဏ်သိက္ခာအတွက်ဖြစ်ဖြစ်၊ စည်းမျဉ်းတွေအတွက်ပဲဖြစ်ဖြစ်၊ သူက ယုရွှယ်လန်နဲ့ နတ်မိမယ်ဖန်ရှီးရဲ့ပုံစံအမှန်ကို နတ်ဆိုးဂိုဏ်းက သူလျှိုတွေအဖြစ် သက်သေမပြနိုင်ရင် ချီမင်က သေချာပေါက် အပြစ်ပေးခံရမှာဖြစ်တယ်။

အခုတော့ နတ်မိမယ်ဖန်ရှီးရဲ့ပုံစံအမှန်က လုံးဝဖော်ထုတ်ခံလိုက်ရပြီ။

ချီမင်က အနာဂတ်ပြဿနာအတွက် စိတ်ပူစရာမလိုတော့ဘူး။

“ဟားဟားဟား…”

နတ်မိမယ်ဖန်ရှီး၊ ဒါမှမဟုတ် တိတိကျကျပြောရရင် အသက်မဲ့မိခင်က ကောင်းကင်ပေါ်မှာ ရယ်မောလိုက်ပြီး နောက်ထပ်ဟန်မဆောင်တော့ဘူး။ သူ့အကြည့်က အေးစက်နေပြီး ချီမင်ကို စိုက်ကြည့်ကာ အော်လိုက်တယ် “ငါက ကောင်းကင်ဘုံဉာဏ်အလင်းဂိုဏ်းကို ဝင်တာ နှစ်တစ်ထောင်ကျော်နေပြီ။ ငါ လိုချင်တာကို ငါ လုပ်ပြီးသွားပြီ။”

“ငါ ဒါကို မမျှော်လင့်ထားဘူး။”

“ငါက နင့်လိုမျိုး လူငယ်တစ်ယောက်ကြောင့် တကယ်ပဲ ဖော်ထုတ်ခံလိုက်ရတယ်။”

“အသက်မဲ့မိခင်”

ချီမင်က အတိတ်ကအရာအားလုံးကို ကောင်းကင်လျှို့ဝှက်ချက်အံ့ဖွယ်စွမ်းအားနဲ့ တွက်ချက်ပြီးသားဖြစ်တယ်။ သူက ခံစားချက်ကင်းမဲ့စွာ ပြောလိုက်တယ် “ကျုပ်က အသင်္ချေနတ်ဆိုးဂူရဲ့ နတ်ဆိုးသခင်ရဲ့အစီအစဉ်ကို သိပြီးသွားပြီ။”

“လျှို့ဝှက်နက်နဲကမ္ဘာတစ်ခုလုံးမှာ ရှေးဟောင်းခေတ်ရဲ့ နောက်ဆုံးမဟာဘေးဒုက္ခကြီးကြောင့် အရှေ့၊ တောင်၊ အနောက်၊ မြောက်က နတ်ဘုရားတောင်လေးလုံးက ပြိုကျပျက်စီးသွားတယ်။ လျှို့ဝှက်နက်နဲကမ္ဘာတစ်ခုလုံးက ပျက်စီးခြင်းနဲ့ ရင်ဆိုင်နေရတယ်။ ခေါင်းဆောင်အမျိုးမျိုးက သူတို့ရဲ့ခန္ဓာကိုယ်တွေနဲ့ ကမ္ဘာကြီးကို ထောက်ပံ့ပြီး ဒီအရင်ကမဖြစ်ခဲ့ဖူးတဲ့ဘေးဒုက္ခကြီးကို တားဆီးခဲ့ကြတယ်။”

“အခုတော့ ဗဟိုနတ်ဘုရားတောင်ပဲ ကျန်တော့တယ်။”

“ကောင်းကင်ဘုံဉာဏ်အလင်းဂိုဏ်းက တောင်ပိုင်းဒေသရဲ့ နတ်ဘုရားတောင်ရဲ့နေရာဟောင်းပေါ်မှာ တည်ဆောက်ထားတယ်။ ခင်ဗျားရဲ့အသင်္ချေနတ်ဆိုးဂူက နတ်ဆိုးသခင်က ကောင်းကင်ဘုံဉာဏ်အလင်းဂိုဏ်းမှာ တောင်ပိုင်းဒေသ နတ်ဘုရားတောင်ရဲ့ရင်းမြစ်ကို ရှာချင်နေတယ်။ သူက တောင်ပိုင်းဒေသနတ်ဘုရားတောင်ရဲ့ရင်းမြစ်ကိုသုံးပြီး အရင်ကမရှိခဲ့ဖူးတဲ့ အထွတ်အထိပ်တာအို ကောင်းကင်နတ်ဆိုးနည်းစနစ်ကို ကျင့်ကြံချင်နေတယ်။”

“ဒါကြောင့်…”

“သူက အင်အားအများကြီးစိုက်ထုတ်ပြီး တောင်ပိုင်းဒေသနတ်ဘုရားတောင်ရဲ့ရင်းမြစ်ကို ရှာဖို့ ကောင်းကင်ဘုံဉာဏ်အလင်းဂိုဏ်းကို အကြိမ်ကြိမ် စိမ့်ဝင်ဖို့ ကြိုးစားတယ်။ သူက ခင်ဗျားကို ဖန်ကျိုးရဲ့သမီးအဖြစ် ဝင်စားဖို့ အသက်မဲ့ပြည်လည်ဝင်စားခြင်းနည်းစနစ်ကိုတောင် သုံးခဲ့တယ်။”

“တကယ်တော့ ဖန်ကျိုးက ခင်ဗျားကိုယ်တိုင် သတ်လိုက်တာပဲ၊ ပြီးတော့ သူက မဟာအကြီးအကဲ တာအိုဆရာ ဝူချန်ရဲ့ အချစ်ဆုံးအမွေခံတပည့်ပဲ။”

“ခင်ဗျား၊ အသက်မဲ့မိခင်က ဒီအထောက်အထားကိုသုံးပြီး ခင်ဗျားရဲ့အရမ်းမြင့်မားတဲ့ပါရမီနဲ့ ပေါင်းစပ်ပြီး ကောင်းကင်ဘုံဉာဏ်အလင်းဂိုဏ်းမှာ တစ်ဆင့်ပြီးတစ်ဆင့် တိုးတက်လာပြီး ဂိုဏ်းလျှို့ဝှက်ချက်တွေနဲ့ ထိတွေ့လာတယ်။ နောက်ဆုံးမှာ ခင်ဗျားက တာအိုဆရာ ဝူချန်ရဲ့မွေးစားသမီးတောင်ဖြစ်သွားတယ်။”

“ဘာလို့လဲဆိုတော့ ခင်ဗျားက ရှင်သန်ခြင်းနတ်ဆိုးတာအိုကို ကျင့်ကြံပြီး ခင်ဗျားရဲ့ကျင့်ကြံခြင်းက မြင့်မားတဲ့အဆင့်ကို ရောက်နေပြီဖြစ်လို့ ခင်ဗျားက အသက်မဲ့ပြန်လည်ဝင်စားခြင်းနည်းစနစ်နဲ့ အကိုက်ညီဆုံးပဲ။ ကောင်းကင်ဘုံဉာဏ်အလင်းပြကြေးမုံတောင် ခင်ဗျားကို အပြည့်အဝအာရုံခံနိုင်ဖို့ ကျရှုံးသွားတယ်။”

“ဒါပေါ့၊ အရေးအကြီးဆုံးက ခင်ဗျားက တာအိုဆရာ ဝူချန်က ခင်ဗျားအတွက် အာမခံပေးလို့ ကောင်းကင် ဘုံဉာဏ်အလင်းအင်မော်တယ်တောင်မှာ ကျင့်ကြံဖို့ ဝင်ရောက်နိုင်သွားတယ်။ ဒါပေမဲ့ ကောင်းကင်ဘုံဉာဏ်အလင်းပြကြေးမုံက နောက်ဆုံးမှာ ခင်ဗျားမှာ ပြဿနာအနည်းငယ်ရှိတယ်ဆိုတာကို တွေ့‌သွားသေးတယ်၊ ဒါပေမဲ့ သူတို့က လုံးဝမသေချာဘူး။ ဒါကြောင့် သူတို့က အကြောင်းပြချက်တစ်ခုနဲ့ ဆင်ခြေတစ်ခု ရှာပြီး ခင်ဗျားကို ကောင်းကင်ဘုံဉာဏ်အလင်းအင်မော်တယ်တောင်ကနေ ထွက်ခွာခိုင်းပြီး တိမ်စိမ်းတောင်ထွတ်ကို သွားရင်း တိမ်စိမ်းတောင်ထွတ်ရဲ့ အမွေခံအကြီးအကဲတစ်ယောက် ဖြစ်လာစေတယ်။”

“ကံမကောင်းစွာနဲ့” ချီမင်က ခေါင်းခါလိုက်တယ် “ခင်ဗျားက တောင်ပိုင်းဒေသ နတ်ဘုရားတောင်ရဲ့ရင်းမြစ် ဘယ်မှာလဲဆိုတာကို ခုထိ မသိသေးဘူး။ ခင်ဗျားရဲ့သေဆုံးမှုနဲ့အတူ အသင်္ချေနတ်ဆိုးဂူက နတ်ဆိုးသခင်က ထူးခြားတဲ့ အထွတ်အထိပ်တာအို ကောင်းကင်နတ်ဆိုးနည်းစနစ်ကို ကျွမ်းကျင်ဖို့ ပိုပြီးတော့တောင် ခက်ခဲသွားလိမ့်မယ်။”

အမှန်တရားက ချီမင်ကြောင့် ဖော်ထုတ်ခံလိုက်ရပြီးပြီ။

အမှန်တရားက ပေါ်ထွက်လာပြီ။

“အသက်မဲ့မိခင်”

တာအိုဆရာ ဝူချန်ရဲ့အကြည့်က အရမ်းကို အေးစက်နေပြီး ပြင်းထန်တဲ့ဒေါသနဲ့ သတ်ဖြတ်လိုစိတ်တွေပြည့်နှက်နေတယ်။ သူက အသံနက်ကြီးနဲ့ အော်လိုက်တယ် “ဒါဆိုရင် ဖန်ကျိုးက မင်းရဲ့လက်ထဲမှာ သေသွားတာပေါ့။”

“ဟီးဟီး”

အသက်မဲ့မိခင်က ညင်သာစွာ ပြုံးလိုက်တယ် “မွေးစားအဖေ၊ ဘယ်လိုလုပ်ပြီး အဲ့လိုဖြစ်နိုင်မှာလဲ။ ချီမင်ကြောင့် လှည့်စားမခံပါနဲ့။ ကျွန်မက အသက်မဲ့မိခင် မဟုတ်ဘူး။ ကျွန်မက ဖန်ကျိုးရဲ့သမီး ဖန်ရှီးပါ။ ကျွန်မက ရှင့်ရဲ့မွေးစားသမီးပါ။”

“တော်ပြီ” တာအိုဆရာ ဝူချန်က ဒေါသတကြီး အော်လိုက်တယ် “ပါးစပ်ပိတ်လိုက်။”

“အယုတ်တမာမ!” တာအိုဆရာ ဝူချန်က ဒေါသထွက်သွားတယ် “မင်းက ငါ့ကို နှစ်တစ်ထောင်လောက် တကယ်ပဲ လှည့်စားခဲ့တယ်။ နှစ်တစ်ထောင်တောင် ကြာပြီ၊ ဒါပေမဲ့ ငါက မင်းနဲ့ပတ်သက်ပြီး တစ်ခုခုမှားနေတယ်ဆိုတာကို တကယ်ပဲ မတွေ့ဘူး။”

“ ခွေးမ!”

“ဒီနှစ်တွေအားလုံးမှာ ကောင်းကင်ဘုံဉာဏ်အလင်းဂိုဏ်းက အသင်္ချေနတ်ဆိုးဂူကြောင့် အကြိမ်ကြိမ် လျှို့ဝှက်ကြံစည်ခံရပြီး တပည့်တွေနဲ့ အကြီးအကဲအများကြီး ဆုံးရှုံးခဲ့ရတယ်။ ဒါဆိုရင် အဲ့တာအားလုံးက မင်းကြောင့်ပဲ။”

“ဒီနေ့!”

တာအိုဆရာ ဝူချန်က ဝူချန်ခေါင်းလောင်းကို ကိုင်ထားတယ်။ သူ့မှာ အဖြူရောင်ဆံပင်နဲ့ တက်ကြွတဲ့မျက်နှာမျိုး ရှိတယ်။ သူက အစိမ်းရောင်ဝတ်ရုံ ဝတ်ဆင်ထားပြီး သူ့မျက်ခုံးကြားမှာ အစိမ်းရောင်ဒေါင်လိုက်အမှတ်အသားတစ်ခု ရှိတယ် “ငါ ငါ့အမှားကို ကိုယ်တိုင်ရှင်းလင်းမယ်!”