ဧရာမ သားရဲကျွန်းပေါ်က အဆုံးအဖြတ်တိုက်ပွဲ

နှစ်ပေါင်း (၄၀၀) ကြာသွားတယ်။ ချီမင်က နေ့တိုင်း ကပ်ဘေးဒုက္ခ သားရဲကမ္ဘာ ကို ရှင်းလင်းပြီး ဂိမ်းမြေအောက်စခန်းကနေ ပစ္စည်းတွေ၊ ရတနာတွေ၊ သိုင်းနည်းစနစ် စတာတွေကို ရယူခဲ့တယ်။

တစ်နှစ်မှာ ရက်ပေါင်း (၃၆၅) ရက်ရှိတယ်။

ဒါကြောင့် နှစ်ပေါင်း (၄၀၀) ဆိုတာ ရက်ပေါင်း (၁၄၆,၀၀၀) ရှိတယ်။

အနည်းဆုံး (၁၄၆,၀၀၀) ကြိမ်လောက် ကပ်ဘေးဒုက္ခ သားရဲကမ္ဘာကို ရှင်းလင်းပြီးတဲ့နောက်မှာ သူရနိုင်သမျှ ပစ္စည်းအားလုံးကို ရပြီးသွားပြီ။

အဆုံးမှာ ချီမင်က သန့်စင်ခြင်းသုံးပါး တာအိုကျမ်း ကို ပေါင်းစည်းနိုင်မယ့် မဟာတာအိုနည်းစနစ်ကို ကပ်ဘေးဒုက္ခ သားရဲကမ္ဘာ ဂိမ်းမြေအောက်စခန်းကနေ မရလိုက်ဘူး။ ဒါကြောင့် မျက်ခုံးကြားမှာ ရွှေရောင်နဂါးအမှတ်အသားပါတဲ့ တခြားတစ်ယောက်ဆီမှာပဲ မျှော်လင့်ချက်ထားရတော့တယ်။

တစ်နည်းအားဖြင့် ချီမင့်ရဲ့ ကျင့်ကြံမှုအဆင့်က ဝိညာဉ်ဖွဲ့တည်ခြင်းနှောင်းပိုင်းအဆင့်ကို ရောက်ရှိသွားပြီ။ သူက ဂိမ်းမြေအောက်စခန်းအသစ်ကို ဖွင့်လို့ရသေးတယ်။ ဒီဂိမ်းမြေအောက်စခန်းအသစ်ကနေ သန့်စင်ခြင်းသုံးပါး တာအိုကျမ်း ကို ပေါင်းစည်းနိုင်မယ့် မဟာတာအိုနည်းစနစ်ကို ရဂကောင်းရနိုင်တယ်။

ဒါပေမဲ့ ဒီအပေါ်မှာ မျှော်လင့်ချက် သိပ်မထားရဲဘူး။

တင်း!

“မဟာကပ်ဘေးဒုက္ခနည်းစနစ်ကို အဆသန်းတစ်ရာ မြှင့်တင်မှုအောက်တွင် နှစ်ပေါင်း (၄၀၀) ကြာ ကျင့်ကြံခဲ့ပြီးပါပြီ။ ဂုဏ်ယူပါတယ် လက်ခံသူ။ သင်၏ မဟာကပ်ဘေးဒုက္ခနည်းစနစ် အပေါ် နားလည်နိုင်စွမ်း ပိုမိုတိုးတက်လာပြီး အကြီးစား အောင်မြင်မှုအဆင့်ရဲ့ အကန့်အသတ်ကို ရောက်ရှိသွားပါပြီ။”

အသိပေးချက်တစ်ခု ပေါ်လာတယ်။

နှစ်ပေါင်း (၄၀၀) ကြာသွားတယ်။မဟာကပ်ဘေးဒုက္ခနည်းစနစ် က အကြီးစား အောင်မြင်မှု အဆင့်ရဲ့ ကန့်သတ်ချက်ကို ရောက်သွားပေမယ့် ပြီးပြည့်စုံခြင်းအဆင့်ကို တက်ဖို့ ခက်ခဲနေသေးတယ်။ ချီမင်ရဲ့ ကျင့်ကြံမှုအဆင့်က အရမ်းနိမ့်နေလို့ မတက်နိုင်တာ ကတော့သိသာတယ်။

မဟာကပ်ဘေးဒုက္ခနည်းစနစ်က အကြီးစား အောင်မြင်မှု အဆင့်မှာတင် လုံလောက်ပါတယ်။

တင်း!

“ကောင်းကင်ဘုံကြယ်တာရာသုံးဆယ့်ခြောက်ပညာရပ် ကို အဆသန်းတစ်ရာ မြှင့်တင်မှုအောက်တွင် နှစ်ပေါင်း (၄၀၀) ကြာ ကျင့်ကြံခဲ့ပြီးပါပြီ။ ဂုဏ်ယူပါတယ် လက်ခံသူ။ သင်ရဲ့ ကောင်းကင်ဘုံကြယ်တာရာသုံးဆယ့်ခြောက်ပညာရပ်အပေါ် နားလည်နိုင်စွမ်း ပိုမိုနက်ရှိုင်းလာပြီး ပိုပြီး ပြီးပြည့်စုံသွားပေမယ့် ပြီးပြည့်စုံခြင်း အဆင့်ရဲ့ ကန့်သတ်ချက်ကိုတော့ မရောက်သေးပါဘူး။”

အသိပေးချက်တစ်ခု ပေါ်လာတယ်။

ကောင်းကင်ဘုံကြယ်တာရာသုံးဆယ့်ခြောက်ပညာရပ်ရဲ့ တိုးတက်မှုက သိပ်မများဘူး။ ဘာပဲဖြစ်ဖြစ် အဆင့်မြင့်လေလေ မဟာအံ့ဖွယ်စွမ်းအား ကို နားလည်ဖို့ ခက်ခဲလေဖြစ်တယ်။

ချီမင့်ရဲ့ တခြားသိုင်းနည်းစနစ်တွေနဲ့ အံ့ဖွယ်စွမ်းအားအားလုံးကို အမြင့်ဆုံးအဆင့်အထိ ကျင့်ကြံပြီးသွားပြီ။ သူက ဆက်ပြီး တိုးတက်လို့မရတော့သလို သူ့ရဲ့ လက်ရှိကန့်သတ်ချက်ကို ရောက်ရှိသွားပြီ။

တင်း!

“လက်ခံသူရဲ့ ကျင့်ကြံမှုအဆင့်ဟာ ဝိညာဉ်ဖွဲ့တည်ခြင်းနှောင်းပိုင်းအဆင့်ကို ရောက်ရှိသွားတာကို စစ်ဆေးမိပါတယ်။ ဝိညာဉ်ဖွဲ့တည်ခြင်းအလယ်ပိုင်းအဆင့် ဂိမ်းမြေအောက်စခန်းဖြစ်တဲ့ ကပ်ဘေးဒုက္ခ သားရဲကမ္ဘာကို ရှင်းလင်းလို့ရမယ့် ဆုလာဘ်တွေက အလွန်အမင်း နည်းပါးသွားပါပြီ။ အဆင့်နိမ့် အင်မော်တယ်သလင်းကျောက် တစ်သန်း သုံးပြီး ဂိမ်းမြေအောက်စခန်းအသစ်ကို ဖွင့်နိုင်ပါတယ်။”

အသိပေးချက်တစ်ခု ပေါ်လာတယ်။

“အဆင့်နိမ့် အင်မော်တယ်သလင်းကျောက် တစ်သန်း ဖြည့်လိုက်မယ်။”

ချီမင်က “ဂိမ်းမြေအောက်စခန်းအသစ် ဖွင့်ပေးပါ။” လို့ ပြောလိုက်တယ်။

တင်း!

“ဖြည့်သွင်းခြင်း အောင်မြင်ပါတယ်။”

“ဂိမ်းမြေအောက်စခန်းအသစ်ကို အောင်မြင်စွာ ဖွင့်ပြီးပါပြီ။”

“ဂိမ်းမြေအောက်စခန်းအသစ် ဧရာမ သားရဲကျွန်း ကို ဝင်ရောက်နိုင်ပါပြီ။”

အသိပေးချက်တစ်ခု ပေါ်လာတယ်။

“ဝင်မယ်။” လို့ ချီမင် ပြောလိုက်တယ်။

ချီမင့်ရှေ့မှာ ဂိမ်းမြင်ကွင်းတစ်ခု ပေါ်လာတယ်။ သူ့မျက်လုံးထဲကို ဝင်လာတာက မျက်စိတစ်ဆုံး မြင်နေရတဲ့ ပင်လယ်ပြင်ကြီးထဲမှာ တည်ရှိနေတဲ့ ဧရာမကျွန်းကြီးတစ်ခုဖြစ်တယ်။

ချက်ချင်းဆိုသလို ဧရာမ သားရဲကျွန်းနဲ့ ပတ်သက်တဲ့ အသေးစိတ်အချက်အလက်တွေ ပေါ်လာတယ်။

ဧရာမ သားရဲကျွန်းဂိမ်းမြေအောက်စခန်းက ပြိုင်ပွဲကွင်းတစ်ခု ဖြစ်တယ်။ ဒီပြိုင်ပွဲကွင်းက သာမန်မဟုတ်ဘဲ ထူးခြားတယ်။ ဒါက စင်ဂါး ယဉ်ကျေးမှု လို့ခေါ်တဲ့ စကြဝဠာ ယဉ်ကျေးမှုတစ်ခုက ဖန်တီးထားတဲ့ ပြိုင်ပွဲကွင်းတစ်ခု ဖြစ်တယ်။

ဒီတိုက်ပွဲတွေမှာ ပါဝင်နိုင်သူတွေက ယဉ်ကျေးမှုလူ့အဖွဲ့အစည်းအမျိုးမျိုးက ကျွမ်းကျင်သူတွေ ဖြစ်တယ်။

ဒီကျွမ်းကျင်သူတွေက မတူညီတဲ့ စနစ်တွေနည်းစနစ်အမျိုးမျိုးကို တတ်မြောက်ထားကြတယ်။

ဒီပြိုင်ပွဲကွင်းထဲမှာ သူတို့တွေ ထိပ်တိုက်တွေ့ပြီး တိုက်ခိုက်ကြရတယ်။

သေချာတာကဧရာမ သားရဲကျွန်းရဲ့ ပွဲကြည့်သူတွေကလည်း သာမန်လူတွေ မဟုတ်ကြဘူး။ ဒီပွဲကြည့်သူတချို့က စင်ဂါး ယဉ်ကျေးမှု အဖွဲ့ဝင်တွေ၊ တချို့က အစွမ်းထက်တဲ့ ယဉ်ကျေးမှုလူ့အဖွဲ့အစည်းတွေရဲ့ အရှင်တွေ၊ တချို့က ဂလက်ဆီတွေရဲ့ သခင်တွေ၊ တချို့က နတ်ဘုရားတွေနဲ့ ယှဉ်နိုင်တဲ့သူတွေဖြစ်ကြတယ်။...

ချီမင် ပြောင်းလဲထားတဲ့ ဂိမ်းဇာတ်ကောင်က ဒီကို ဆင်းသက်လာတယ်။ သူက ဧရာမ ပြိုင်ပွဲကွင်းထဲမှာ ရပ်နေပြီး ကောင်းကင်ကို မော့ကြည့်လိုက်တယ်။

တစ်နည်းနည်းနဲ့ ချီမင်က သူ့ပတ်ဝန်းကျင်က ကောင်းကင်ထဲပေါ်မှာ ပွဲကြည့်သူတွေက လေဟာနယ်ထဲမှာ ထိုင်ပြီး ဧရာမ ပြိုင်ပွဲကွင်းကြီးကို စိတ်လှုပ်ရှားစွာနဲ့ ကြည့်နေတာကို ခံစားမိတယ်။

“ဧရာမ သားရဲကျွန်းပေါ်က တိုက်ပွဲ...”

ချီမင် မျက်ခုံးပင့်လိုက်ပြီး “ဒီဂိမ်းမြေအောက်စခန်းကို ရှင်းလင်းဖို့ အခြေအနေက ငါရင်ဆိုင်ရမယ့် ပြိုင်ဘက်ကို ဧရာမ သားရဲကျွန်း ပေါ်မှာ အနိုင်ယူ ဒါမှမဟုတ် သတ်ပစ်ဖို့ပဲ။”

“ဒါ့အပြင်...” ချီမင့်ရဲ့ အသံက နည်းနည်း အံ့အားသင့်နေတယ်။ “ဧရာမ သားရဲကျွန်းပေါ်က နောက်ဆုံးတိုက်ပွဲကတစ်ယောက်မဟုတ်ဘဲ ငါဝင်ပြိုင်တိုင်း ရင်ဆိုင်ရမယ့် ပြိုင်ဘက်တွေက မတူညီကြဘူး။”

“ဟူး...”

ချီမင် သက်ပြင်းရှည်ကြီး ချလိုက်တယ်။ “ဒီဂိမ်းမြေအောက်စခန်းတွေက တကယ့်ကမ္ဘာတွေနဲ့ တဖြည်းဖြည်း တူလာသလို ခံစားရတယ်။ တကယ်တော့ ဒီဂိမ်းမြေအောက်စခန်းတွေက တကယ့်ကမ္ဘာတွေ ဖြစ်နေရင်တောင် မဖြစ်နိုင်တာတော့ မဟုတ်ဘူး...”

ဘုန်း!

ချီမင် ပေါက်ကွဲသံအကျယ်ကြီးကို ကြားလိုက်ရတယ်။

သူ မော့ကြည့်လိုက်တယ်။

ချီမင့်ရဲ့ ပြိုင်ဘက် ပေါ်လာတယ်။ သူက ဧရာမ ဥက္ကာခဲကြီးလို ကောင်းကင်ကနေ ဆင်းသက်လာပြီး မြေကြီးထဲကို တိုးဝင်သွားတာကြောင့် တွင်းကြီးတစ်ခု ဖြစ်သွားတယ်။ မြေကြီးက ပြင်းထန်စွာ တုန်ခါသွားတယ်။

ဖုန်မှုန့်တွေ ပျောက်သွားတဲ့အခါ ချီမင်က သူ့ရန်သူကို ရှင်းရှင်းလင်းလင်း မြင်လိုက်ရတယ်။ အဲ့ဒါက အမြင့် မီတာ (၁၀၀)လောက်ရှိတဲ့ စက်ရုပ်သက်ရှိပုံစံတစ်ခုဖြစ်တယ်။ အနက်ရောင်သက်သက်ဖြစ်ပြီး ထူးခြားတဲ့ ပစ္စည်းတွေနဲ့ ဖွဲ့စည်းထားပုံရတယ်။

“တိုက်ပွဲ စတင်ပါပြီ။”

ကောင်းကင်မှာ အသံတစ်ခု ရုတ်တရက် ထွက်ပေါ်လာတယ်။

ဘုန်း!

အသံကျယ်ကြီး ထွက်ပေါ်လာတယ်။

စက်ရုပ်သက်ရှိက ချီမင်ကို အရင်ဆုံး တိုက်ခိုက်တယ်။ သူက ကြီးမားတဲ့ပါးစပ်ကြီးကို ဖွင့်လိုက်ပြီး အနက်ရောင် အမြောက်ပြောင်းတစ်ခု ထွက်လာတယ်။ ထူထဲတဲ့ စွမ်းအားရောင်ခြည်တစ်ခုက ချီမင့်ဆီကို ပစ်လွှတ်လိုက်တယ်။

ကလန်!

ချီမင်က လက်ကို မြှောက်ပြီး ညွှန်လိုက်တာနဲ့ ဒီစွမ်းအားရောင်ခြည် ကပျက်စီးသွားတယ်။

“တိုက်ခိုက်မယ်!”

ချီမင်က သူ့ရဲ့ အံ့ဖွယ်စွမ်းအား သိုင်းနည်းစနစ်ကို ထပ်သုံးလိုက်တယ်။ ဓားအလင်းတွေ တောက်ပလာပြီး အရပ်မျက်နှာအနှံ့ကို ဝှေ့ရမ်းလိုက်တယ်။ ကိုယ်ပိုင်ရတနာသုံးခုက တစ်ခုပြီးတစ်ခု ပေါ်လာပြီး ဓားအင်မော်တယ်တစ်ပါး ကမ္ဘာကို ဆင်းသက်လာသလိုမျိုး ဒီစက်ရုပ်သက်ရှိကို သတ်ဖြတ်နေတယ်။

တိုက်ပွဲက စတင်နေပြီ။

ချီမင်မှာ တိုက်ပွဲကို ဆက်ကြည့်ဖို့ စိတ်မပါတော့ဘူး။ သူက ဂိမ်းမျက်နှာပြင်ကို ပိတ်လိုက်တယ်။

“အချိန်တန်ပြီ။” ချီမင်က ပြောလိုက်တယ်။

တင်း!

“ကပ်ဘေးဒုက္ခ အရှင်ဝိညာဉ်သားရဲက အဆသန်းတစ်ရာ မြှင့်တင်မှုအောက်တွင် တာအိုပေါင်းစည်းခြင်း အဆင့်ရဲ့ကန့်သတ်ချက်ကို ရောက်ရှိသွားပါပြီ။ ကောင်းကင်လျှပ်စီးအတိဒုက္ခကို ခံစားမိသောကြောင့် လက်ခံသူအနေဖြင့် ကပ်ဘေးဒုက္ခ အရှင်ဝိညာဉ်သားရဲကို ဝိညာဉ်သားရဲနေရာမှ လွှတ်ပေးပါ။ အတိဒုက္ခကို ခံယူနိုင်ပါတယ်။ တကယ်လို့ အတိဒုက္ခကျော်လွှားခြင်းကို အောင်မြင်စွာ ဖြတ်သန်းနိုင်ရင် ကျင့်ကြံမှုအဆင့်က ပိုမိုတိုးတက်လာပြီး အတိဒုက္ခကျော်လွှားခြင်း အဆင့်သို့ ရောက်ရှိသွားပါလိမ့်မယ်။ ကျရှုံးပြီး အတိဒုက္ခကို မကျော်လွှားနိုင်ပါက သေဆုံးပါလိမ့်မယ်။”

တင်း!

“ဦးချိုမဲ့ နဂါးနက်ဝိညာဉ်သားရဲရဲ့ အခွင့်အရေး ရောက်ရှိလာပါပြီ။ သူက ကောင်းကင်နှင့် မြေကြီးကို အာရုံခံနိုင်ပါပြီ။ နဂါးပြောင်းလဲခြင်း အတိဒုက္ခ ရောက်ရှိလာပါတော့မယ်။ လက်ခံသူအနေနဲ့ဦးချိုမဲ့ နဂါးနက် ဝိညာဉ်သားရဲကို လွှတ်ပေးပြီး နဂါးပြောင်းလဲခြင်း အတိဒုက္ခကိုဖြတ်သန်းခိုင်းပါ။တကယ်လ်ို့ အတိဒုက္ခကျော်လွှားခြင်းကို အောင်မြင်စွာ ဖြတ်သန်းနိုင်ပါက သူရဲ့ ကျင့်ကြံမှုအဆင့်ကပိုမိုတိုးတက်လာပြီး ယင်းလုံ ဖြစ်လာပါလိမ့်မယ်။ကျရှုံးပြီးအတိဒုက္ခကို မကျော်လွှားနိုင်ပါက သေဆုံးပါလိမ့်မယ်။”

အသိပေးချက် နှစ်ခုရောက်လာတယ်။

ချီမင်က ဒီအသိပေးချက် နှစ်ခုကို ရလိုက်တာ ကြာပြီ။ ကပ်ဘေးဒုက္ခ အရှင်ဝိညာဉ်သားရဲရဲ့ အလားအလာက အနက်ရောင် မီးလျှံနဲ့ သေမင်းထက် ပိုမြင့်ပေမယ့် သူတို့အားလုံးက အဆသန်းတစ်ရာ မြှင့်တင်မှုအောက်မှာ ကြီးထွားလာကြတာဖြစ်တယ်။

ကပ်ဘေးဒုက္ခလေးက တာအိုပေါင်းစည်းခြင်းရဲ့ ကန့်သတ်ချက်ကို ရောက်နေတာ ကြာပြီ။

ဆက်ပြီး တိုးတက်ချင်ရင် အတိဒုက္ခကို ဖြတ်ကျော်ရမယ်။ အတိဒုက္ခကို ဖြတ်ကျော်ချင်ရင် ဝိညာဉ်သားရဲနေရာကနေ ထွက်လာရမယ်။ ချီမင်က ကပ်ဘေးဒုက္ခလေးကို ဘယ်တော့မှ အပြင်မထုတ်ဖူးဘူး။ ဘာလို့လဲဆိုတော့ သူက ကပ်ဘေးဒုက္ခလေးကို ဆက်ပြီး ကြီးထွားစေချင်ပြီး အတိဒုက္ခကို လုံခြုံစွာ ဖြတ်ကျော်ပြီး အတိဒုက္ခကျော်လွှားခြင်း အဆင့်ကို အောင်အောင်မြင်မြင်ဝင်ရောက်နိုင်ဖို့ အင်အားလုံလောက်အောင် ရှိစေချင်တယ်။

မဟုတ်ရင် အတိဒုက္ခကို မအောင်မြင်ရင် ကပ်ဘေးဒုက္ခလေး တန်းသေသွားလိမ့်မယ်။ အဲ့ဒီအချိန်မှာ ချီမင်က ကပ်ဘေးဒုက္ခလေးကို မွေးမြူဖို့ သုံးခဲ့တဲ့ အချိန်နဲ့ ဝိညာဉ်ကျောက်တုံးတွေ အကုန်လုံး အလကားဖြစ်သွားလိမ့်မယ်။

အနက်ရောင် မီးလျှံရဲ့ အခြေအနေကလည်း အတူတူပဲဖြစ်တယ်။

ဒီနေ့ နေ့လည်ချိန်မှာ...

ချီမင်က ကောင်းကင်လျှို့ဝှက်ချက် အိမ်တော်ကို ပြန်လာတယ်။

“ဂျူနီယာမောင်လေး...”

ချီမင်က အပြင်ထွက်လာတာနဲ့ ရင်းနှီးတဲ့ အသံကို ကြားလိုက်ပြီး အသံလာရာဘက်ကို ကြည့်လိုက်တယ်။ သူ့ရဲ့ စီနီယာအစ်မ လုချင်းယန် ဖြစ်နေတယ်။ လွန်ခဲ့တဲ့ နှစ်ပေါင်းရာချီအတွင်းမှာ သူမကအခြေခံအားဖြင့် ကောင်းကင်လျှို့ဝှက်ချက် အိမ်တော်မှာပဲ ကျင့်ကြံနေခဲ့တယ်။ စုချီမန်နဲ့ ရှန်ကွမ်းဝမ်ကောတို့ရဲ့ လမ်းညွှန်မှုအောက်မှာ သူမရဲ့ ကျင့်ကြံမှုအဆင့်က အများကြီး တိုးတက်လာတယ်။ သေခြင်းမှရှင်သန်ထမြောက်ခြင်းရဲ့ အံ့ဖွယ်စွမ်းအားကြောင့် လုချင်းယန်ရဲ့ ပါရမီက ကြီးကြီးမားမားပြောင်းလဲသွားပြီး သူမက ရှင်သန်ခြင်းနဲ့သေဆုံးခြင်း အင်မော်တယ် ခန္ဓာကို ပိုင်ဆိုင်သွားတယ်။ ဒါကြောင့် သူမရဲ့ ကျင့်ကြံမှုအဆင့်က ဝိညာဉ်ဖွဲ့တည်ခြင်းအစောပိုင်းအဆင့်ကို ရောက်ရှိနေပြီ။

တိုးတက်မှုက တကယ့်ကို ကြီးမားတယ်။

ကံမကောင်းစွာနဲ့...

လုချင်းယန်ရဲ့ မှတ်ဉာဏ်တွေ ပြန်မရသေးဘူး။

ကောင်းကင်လျှို့ဝှက်ချက် အိမ်တော်မှာ နှစ်ပေါင်းရာချီ နေထိုင်ပြီးတဲ့နောက်မှာ သူမက သူမရဲ့ အတိတ်ကို အပြည့်အဝ နားလည်သဘောပေါက်သွားပြီ။ ဒါပေမဲ့ သူမက ရုပ်ရှင်ကြည့်နေသလိုမျိုးပဲ နားလည်ခဲ့တယ်။

ဒီခံစားချက်က လုချင်းယန်ရဲ့ အတိတ်အတွေ့အကြုံတွေက သူမနဲ့ ဘာမှမဆိုင်သလိုမျိုး ဖြစ်နေစေတယ်။

ဒါကြောင့် ချီမင်က သူ လုချင်းယန်ကို တကယ်ပဲပြန်ရှင်လာလားလို့ သံသယဝင်နေတယ်။ သူမက မှတ်ဉာဏ်တွေ အကုန်လုံး ဆုံးရှုံးသွားတဲ့ တူညီလူတစ်ယောက်ဖြစ်နေတုန်းပဲလား။

သူ ဒီမေးခွန်းကို တကယ် မဖြေနိုင်ဘူး။

“စီနီယာအစ်မ...” လို့ ချီမင် ပြန်ပြောလိုက်တယ်။

“တံခါးပိတ်ကျင့်ကြံခြင်းကနေ ထွက်လာတာလား။” လို့ လုချင်းယန်က ပြုံးပြီး မေးလိုက်တယ်။

ချီမင် ခေါင်းညိတ်လိုက်တယ်။

မကြာခင်မှာပဲ ကောင်းကင်လျှို့ဝှက်ချက် အိမ်တော် က ဧည့်သည်အများကြီးကိုကြိုဆိုလိုက်ရတယ် ။ ကောင်းကင်ဘုံဉာဏ်အလင်း အင်မော်တယ်တောင် ရဲ့ မျိုးနွယ် (၁၂) ခုက မဟာအကြီးအကဲတွေက ချီမင် တံခါးပိတ်ကျင့်ကြံခြင်းကနေ ထွက်လာတာကို ဂုဏ်ပြုဖို့ တစ်ယောက်ပြီး တစ်ယောက် လာရောက်ကြတယ်။ ချီမင် တံခါးပိတ်ကျင့်ကြံခြင်းကနေ ထွက်လာတာက ရုတ်ရုတ်သဲသဲ တော်တော်ဖြစ်သွားတယ်။

ဒါ့အပြင် ချီမင်က တံခါးပိတ်ကျင့်ကြံခြင်းကနေ ထွက်လာပြီးတဲ့နောက် ကမ္ဘာပေါ်မှာ သတ်ဖြတ်လိုစိတ်တွေက ပိုပိုပြီး အားကောင်းလာတာကို တွေ့လိုက်ရတယ်။ အရင်ကထက် အဆပေါင်းများစွာ ပိုပိုပြီးအားကောင်းလာတယ်။ မဟာအကြီးအကဲနဲ့ စကားပြောပြီးတော့မှ လွန်ခဲ့တဲ့ နှစ်ပေါင်းရာချီအတွင်း ပြင်ပကမ္ဘာရဲ့ အပြောင်းအလဲတွေကို သူ နားလည်သွားတယ်။ ပထမဦးဆုံး ကောင်းကင်လျှို့ဝှက်ချက်တွေက သတ်ဖြတ်လိုစိတ်တွေနဲ့ ပြည့်နှက်နေလို့ ကောင်းကင်လျှို့ဝှက်ချက်တွေ ရှုပ်ထွေးကုန်တယ်။သူတို့ရဲ့ စစ်မှန်ဝိညာဉ်တွေက လှည့်စားခံရတာကြောင့် လျှို့ဝှက်နက်နဲကမ္ဘာတစ်ခုလုံးမှာ တိုက်ပွဲတွေ အများကြီး ဖြစ်ပွားခဲ့တယ်။ ကောင်းကင်ဘုံဉာဏ်အလင်း ဂိုဏ်း က အသင်္ချေနတ်ဆိုးဂူ၊ နွေဦးဆောင်းဦး ဂိုဏ်း၊ ဗုဒ္ဓတစ်သောင်းဂိုဏ်းနဲ့ နတ်ဆိုးနန်းတော်တို့နဲ့ အကြိမ်ပေါင်းများစွာ ပဋိပက္ခတွေ ဖြစ်ခဲ့တယ်။

အခုလောလောဆယ်မှာတော့ ဒီပဋိပက္ခတွေက သိပ်မကြီးသေးသလို ထိန်းချုပ်လို့လည်းရသေးတယ်။

ဒါက အစပဲရှိသေးတယ်။

အဲ့ဒီအပြင် ဗဟိုဒေသက အင်မော်တယ်တွေကလည်း အကြိမ်ပေါင်းများစွာ တိုက်ခိုက်ခဲ့ကြတယ်။ သူတို့က ဒေသလေးခုရဲ့ အခြေအနေကို လျှို့ဝှက်စွာ ကိုင်တွယ်ပြီး ဂိုဏ်းအသီးသီးကြားမှာ သွေးကွဲအောင် လုပ်ဆောင်ခဲ့ကြတယ်။

ဒေသလေးခုရဲ့ အင်အားစုအသီးသီးက ဗဟိုဒေသ က အင်မော်တယ်မျိုးနွယ်စုရဲ့ ပြဿနာကို တဖြည်းဖြည်း သတိထားမိလာကြတယ်။

အင်မော်တယ်တွေက စွမ်းအားကြီးပြီး နားမလည်နိုင်လောက်အောင် နက်နဲတယ်။

ဒေသလေးခုရဲ့ အင်အားစုအသီးသီးက အင်မော်တယ်တွေနဲ့ တိုက်ရိုက်ပဋိပက္ခ မဖြစ်ချင်ကြဘူး။

သုံးရက်ကြာပြီးနောက်မှာ ချီမင်က ရွှေရောင်အလင်း စီးခြင်းကို သုံးပြီး ကောင်းကင်ဘုံဉာဏ်အလင်း အင်မော်တယ်တောင်ရဲ့ နယ်နိမိတ်ကနေ ပျံသန်းထွက်သွားတယ်။ သူက လက်နှစ်ဖက်ကို နောက်မှာထားပြီး နက္ခတာရာလွှာထဲမှာ ရပ်နေတယ်။ သူ့ခန္ဓာကိုယ်ပတ်လည်မှာ ဓမ္မစွမ်းအားတွေ ပျံ့နှံ့နေပြီး နက္ခတ်တာရာချီက ချီမင့်ကို လုံးဝ မလှုပ်ခါနိုင်ဘူး။

“ကိုယ်ပိုင် တပည့် ချီက ကောင်းကင်ဘုံဉာဏ်အလင်း အင်မော်တယ်တောင်ရဲ့ နယ်နိမိတ်ကနေ ဘာလို့ ထွက်သွားတာလဲ။”

“သူ ဘာလုပ်ချင်တာလဲ။”

“ငါ မသေချာဘူး။”

“စောင့်ကြည့်ရအောင်...”

ကောင်းကင်ဘုံဉာဏ်အလင်း အင်မော်တယ် တောင်။

မဟာအကြီးအကဲတွေနဲ့ ကောင်းကင်ဘုံဉာဏ်အလင်း အင်မော်တယ်တောင် ရဲ့ အမွေခံ တပည့်အားလုံးက ချီမင့်ကို သတိထားမိသွားကြတယ်။ သူတို့က လှမ်းကြည့်ပြီး အချင်းချင်း ဆွေးနွေးနေကြတယ်။

“အရင်တုန်းက ကိုယ်ပိုင် တပည့် ချီ တံခါးပိတ်ကျင့်ကြံခြင်းကနေ ထွက်လာတိုင်း ရုတ်ရုတ်သဲသဲ တော်တော်ဖြစ်ခဲ့တယ်။ ဒီတစ်ခါလည်း အဲ့ဒီလိုပဲ ထင်တယ်။ အရေးကြီးတဲ့ကိစ္စတစ်ခုခု ရှိရမယ်။”

“ဟုတ်တယ်။”

“ဘာများဖြစ်မလဲ မသိဘူး...”

အားလုံးက တော်တော်လေး စူးစမ်းချင်နေကြတယ်။

“ကပ်ဘေးဒုက္ခလေး...”

အတွေးတစ်ခုနဲ့ ချီမင်က ဝိညာဉ်သားရဲနေရာကို ဖွင့်လိုက်ပြီးပြောလိုက်တယ် “မင်း ထွက်လာလို့ရပြီ။”

“ဟုတ်ကဲ့။” ကပ်ဘေးဒုက္ခလေးက ပြန်ဖြေတယ်။

နောက်တစ်ခဏမှာပဲ မျက်လုံးကျိန်းလောက်တဲ့ အလင်းရောင်တစ်ခု ပေါ်လာပြီး ချီမင့်ရှေ့မှာရှိတဲ့ နေရာကို ဖုံးလွှမ်းသွားတယ်။ အရမ်းကိုကျယ်ပြန့်တဲ့ ဧရိယာကို ဖုံးလွှမ်းသွားပြီး မျက်လုံးကျိန်းလောက်တဲ့ အလင်းရောင်ထဲမှာ မယုံနိုင်လောက်အောင် ကြီးမားတဲ့ ကပ်ဘေးဒုက္ခသားရဲကြီးတစ်ကောင် ပေါ်လာတယ်။