(ရှည်လျားသော ရှင်သန်မှု)

“အဝေးကြီး ခရီးမရောက်သေးခင််တွင်ပင် ဝတ်စုံစိမ်းနှင့် အမျိုးသမီးနှင့် ပြန်လည်တွေ့ဆုံပြန်၏။ သူမက သင်နှင့် ခရီးသွားလိုကြောင်းကို ပြောသည်။ သို့ပေမယ့် သင်က သူမကို တစ်ခါတည်း ငြင်း၏”

“ဝတ်စုံစိမ်းနှင့် အမျိုးသမီးက သင့်ကို တောင်းပန်ပြန်၏။ သူမ၏ အမည်ဟာ ကျီပိုင်ဝေ ဖြစ်သည်ဟု ဆိုသည််။ ဒီဗိုင်းလက်နက် မိသားစုကြိး ၁၀ခုမှ တစ်ခုအပါအဝင် ဖြစ်သည့် ကျီမိသားစုမှ ဖြစ်၏။ ဟန်ချန်းက သူမ၏ဝမ်းကွဲအစ်မကို စွန့်ပစ်ခဲ့သဖြင့် အစ်မဖြစ်သူဟာ အစစ်အမှန်အတတ်ကို ကျင့်ကြံရာတွင် ချီဖောက်လွဲဖောက်ပြန်ဖြစ်ကာ သေဆုံးခဲ့သည်။ ထို့ကြောင့် ဟန်ချန်းအား လက်စားချေရန် ခိုးထွက်ခဲ့ခြင်း ဖြစ်သည်ဟု ဆို၏”

“ထို့နောက် ဝတ်စုံဖြူနှင့် အမျိုးသမီး ပေါ်လာပြီး သင်နှင့် နှစ်ယောက်တည်း စကားပြောချင်သည်ဟု ပြောသည်”

“ဝတ်စုံဖြူနှင့် အမျိုးသမီးက သူမကိုယ်သူမ ကျီကျုလင်ဟု ဆို၏။ သူမဟာ ကျီမိသားစုက ကျီပိုင်ဝေကို ကာကွယ်ရန် စေလွှတ်ထားသည့် အစောင့်အရှောက် ဖြစ်သည်။ ဟန်ချန်းမှာ သေနှင့်ပြီး ဖြစ်သည်ဟု သူမက ဆို၏။ ကျီမိသားစုက ပြဿနာလာရှာမည် မဟုတ်ပေ။ သူတို့ဟာ ကျီပိုင်ဝေ၏ စိတ်ကို ပျိုးထောင်ရန်သာ သင်၏အကူအညီကို လိုအပ်ခြင်းဖြစ်၏”

“ကျီကျုလင်က သင့်ကို ထိုကိစ္စပြီးပါက အကျိုးအမြတ်ပေးမည်ဟု ဆို၏”

“နှစ်ဖက်၏ ခြားနားလှသည့် ခွန်အားကို စဉ်းစားကာ သင်ဟာ ရက်ရက်ရောရော လက်ခံခဲ့လိုက်သည်။ သို့ရာတွင် ကျောက်နက်မြို့သို့ မပြန်တော့ပေ။ အဲ့ဒီအစား ကျီပိုင်ဝေကို ခေါ်ကာ ကျောက်စိမ်းလေမြို့တွင် လှည့်လည်သွားလာ၏”

“လဝက်ကြာပြီးနောက် ခွဲခွာကြရန် အချိန်ကျကြောင်း သင်ကပြောသည်။ ကျီပိုင်ဝေဟာ သင်နှင့် နောက်ထပ်ငါးရက်လောက် ရှိချင်သေးသည်ဟု ဆို၏။ ထို့ကြောင့် သင်ဟာ ရွေးချယ်စရာ မရှိပဲ သဘောတူခဲ့ရသည်”

“ငါးရက်ကြာပြီးနောက် သင်တို့ဟာ ဓါးပြများ သောင်းကျန်းနေသည့် ရွာတစ်ရွာကို ဖြတ်သန်းမိသည်။ ကျီပိုင်ဝေက သူရဲကောင်းလုပ်ရန် အဆိုပြု၏။ သို့ပေမယ့် သင်က ငြင်းဆန်လိုက်သည်။ ကျောက်နက်မြို့သို့ တစ်ယောက်တည်း ပြန်ခဲ့၏”

“လမ်းတွင် ကျီကျုလင်က ပေါ်လာပြီး ကျီပိုင်ဝေကို ဓါးပြများ ဖမ်းသွားပြီဟု သင့်ကိုပြော၏။ ထို့နောက် သင့်အား ပိုက်ဆံများပေးကာ သွားပြန်ကူညီမည်လား၊ ပိုက်ဆံများ ယူကာ ပြန်မည်လား ရွေးချယ်ခိုင်းသည်’

“သင်က တုံ့ဆိုင်းခြင်းမရှိပဲ ပိုက်ဆံကို ရွေးချယ်လိုက်၏”

“မြို့သို့ ပြန်ပြီးနောက် ကျန်းမိသားစုနှင့် စုမိသားစုတို့က သင့်ကို လာရှာသည်။ သင်ဟာ တိုင်ပင်ထားသည့် အကြောင်းပြချက်ပေးကာ ဧည့်သည်ပြန်ပို့ပြီး သင်၏ခွန်အားကို ဆက်လက်ဖုံးကွယ်ကာ လေ့ကျင့်သည်”

“အသက်၂၀တွင် သင်၏ ကျင့်ကြံမှု အမြန်နှုန်းတို့ နှေးကွေးလာပြီး ပိုက်ဆံလည်း မရှိတော့ပေ။ ထို့ကြောင့် လုယီကို သွေးသန့်စင်ခြင်းအဆင့်သို့ ချိုးဖျက်သွားကြောင်းအား ပြောပြ၏။ တစ်ချိန်တည်းတွင် လုယီ၏ အဆက်အသွယ်နှင့် အဖိုးတန် လျှို့ဝှက်သိုင်းကျမ်းကို ရောင်းချသည်”

“များပြားလှသည့် ပိုက်ဆံများကို သင်ရရှိလာ၏။ သင်သည် အများစုကို ရွှေနက်အား တယ်ယူပြီး ကျုခန်ရှန်းကို လက်နက်ထုရန် ပေးသည်။ တစ်ချိန်တည်းတွင် အချိန်ယူကာ ကိုးသွယ်တောင်ကို သွားရောက်ပြီး နဂါးပျံအဖွဲ့ကို သုတ်သင်ခဲ့သည်”

“ကျုခန်ရှန်းက သူ့ကိုယ်သူ စတေးကာ ဆေဘာနှင့် ဓါးတို့ကို လုပ်သည်။ သွေးရောင် ဆေဘာနှင့် ဓါးတို့ကို ထုတ်လုပ်ပြီး၏။ ထိုဆေဘာနှင့် ဓါးဟာ ဆက်သွယ်နေပြီး သင့်ကို ဓါးဆန္ဒအား ကြိုတင် နားလည်လာစေသည်။

သင်၏ခွန်အားဟာ ကြီးစွာ မြင့်တက်လာ၏"

“အသက်၂၁နှစ်တွင် သင်သည် သွေးချီချိုးဖျက်မှု ဒုတိယဆင့်သို့ ချိုးဖျက်သွားပြီး သင်၏ ငွေကြေးသုံးစွဲရမှုမှာ အရှိန်မြင့်လာခဲ့သည်။ လုယီက သင်၏ သွေးသန့်စင်ခြင်းအဆင့်သို့ မြင့်တက်မှုကို ထုတ်ပြန်၏”

“ခဏတာအတွင်း အဖွဲ့မျိုးစုံတို့က သင့်ဆီကို ကမ်းလှမ်းမှုများ ရောက်လာခဲ့သည်။ နောက်ဆုံးတွင် သင်သည် သဘောတူထားသည့်အတိုင်း ရှမိသားစုကို ရွေးချယ်လိုက်သည်။ တစ်ချိန်တည်းတွင် လီမိသားစု၌လည်း အမည်စာရင်းပေးထားရန် သဘောတူခဲ့သည်”

“အသက်၂၂နှစ်တွင် သင်သည် ကျောက်စိမ်းလေမြို့ရှိ အမှောာင်ဈေးသို့ ရုပ်ဖျက််ကာ သွားရောက်ခဲ့ပြီး ခွန်အားသန့်စင်ခြင်းအဆင့် သိုင်းသမားတစ်ယောက်၏ ချောင်းမြောင်းတိုက်ခိုက်ခြင်းကို မတော်တဆ ခံခဲ့ရသည်။ သင်သည် ဓါးထုတ်ခြင်းအတတ်ကို အသုံးပြုကာ တစ်ဖက်လူကို သတ်ခဲ့၏။ သို့ပေမယ့် သင်၏ သွေးချီဟာ ကြီးစွာ ထိခိုက်ပြီး ဒဏ်ရာအပြင်းအထန် ရသွားခဲ့သည်”

“လုယီ၏ အရင်းအမြစ် ထောက်ပံ့မှုတို့နှင့် သင်၏ဒဏ်ရာများဟာ နှစ်ဝက်အတွင်းတွင် ပြန်ကောင်းလာခဲ့သည်။ နှစ်ကုန်တွင် လုယီဟာ လုယင်ရွှမ်းနှင့် သင့်အား လက်ထပ်ပေးရန် စီစဉ်၏”

“အသက်၂၃နှစ်တွင် သင်သည် သွေးချီချိုးဖျက်မှု အဆင့်သုံးသို့ ချိုးဖျက်နိုင်ခဲ့သည်”

“အသက်၂၄နှစ်တွင် သင်သည် အတွင်းပိုင်းခွန်အားကို အောင်မြင်စွာ ဖမ်းဆုပ်နိုင်ခဲ့ပြီး လုယင်ရွှမ်းအား လက်ထပ်ခဲ့သည််။ ဒီတစ်ကြိမ်တွင် ဝိညာဉ်အဆီအနှစ်လုံးကို သင်ဝှက်ထားခဲ့၏”

“မင်္ဂလာဦးညတွင် ကျီပိုင်ဝေက ပေါ်လာပြီး အရင်တုန်းက သူမကို အဘယ်ကြောင့် မကယ်တင်ခဲ့သနည်းဟု သင့်အား မေးသည်”

“သင်က ရှင်းပြတော့မည် အပြုတွင် ကျီပိုင်ဝေက အတင်းတိုက််ခိုက်လာခဲ့၏။ သင်သည် သူမ၏ ပြိုင်ဘက် လုံးဝမဟုတ်ပဲ ဒဏ်ရာရသွားသည်”

“ထိုအချိန်၌ လုယင်ရွှမ်းက ကျီပိုင်ဝေကို တွန်းလှန်ကာ သူမ၏ ဒဏ်ရာဟောင်းများကို ပြန်ထလာစေသည်”

“အသက်၂၅နှစ်တွင် လုယင်ရှန်းဟာ သင့်အတွက် သမီးတစ်ယောက်ကို မွေးဖွားပေးခဲ့ပြီး သေဆုံးသွားခဲ့သည်”

“ထိုနှစ်မှာပင် သင့်ကို လုယီ၊ ကျောက်ယွမ်ထု၊ ရှလင်နှင့် အခြားလူများက ဝိုင်းဝန်းတိုက်တွန်းကာ ကောင်းကင်စီရင်စုသို့ ပြောင်းရွှေ့စေခဲ့သည်။ အစွန်ရှိ မြို့ငယ်တစ်ခု၌ အထိုင်ချ၏”

“အသက်၂၆နှစ်တွင် ချူနိုင်ငံဟာ ကောင်းကင်စီရင်စုကို ချူနိုင်ငံက ကျူးကျော်ခဲ့သည်။ ယုချန်ဟာ လျှို့ဝှက်ဆန်းကြယ်စွာ ပျောက်ကွယ်သွား၏။ ရှလင်ဟာ သွေးချီချိုးဖျက်မှု ပထမအဆင့်သို့ ချိုးဖျက်ခဲ့သည်”

“အသက်၂၈နှဟ်တွင် သင်၏မြို့၌ မကြာခဏ လူပျောက်မှုများ ပေါ်လာ၏။ တစ်ကြိမ် ပြင်ပသို့ ထွက်ချိန်တွင် သင်ဟာ မိစ္ဆာအလောင်းနှင့် ကြုံတွေ့ခဲ့ပြီး အသေးစားဒဏ်ရာတို့ ရရှိခဲဲ့သည်”

“အသက်၃၀နှစ်တွင် လုယီ၏ အောင်သွယ်မှုဖြင့် သင်နှင့် ရှလင်တို့ လက်ထပ်ခဲ့သည်။ သင်က သူမကို သက်ရှည်ကျမ်းအား သင်ပေး၏”

“အသက်၃၁နှစ်တွင် လုယီဟာ နာမကျန်းဖြစ်ကာ သူ၏ခန္ဓာကိုယ်ဟာ တစ်နေ့ထက်တစ်နေ့ ယိုယွင်းလာခဲ့သည်။ ရှလင်က သင့်အတွက် သားတစ်ယောက်ကို မွေးပေး၏။ သူ၏အမည်ကို ဟန်မြောင်ဟု သင်ပေးခဲ့သည်”

“အသက်၄၀တွင် သင်သည် ခွန်အားသန့်စင်ခြင်း၏ အကြီးစားကျွမ်းကျင်မှုအဆင်သို့ ရောက်ရှိခဲ့သည်။ ကိုယ်တွင်းအင်္ဂါ သန့်စင်ခြင်း အဆင့်သို့ ချိုးဖျက်ရန် ကြိုးစားခဲ့ပြီး ကျရှုံးခဲ့၏”

“အသက်၄၂နှစ်တွင် သင်၏သမီး ဟန်နျန်ရွှမ်းဟာ အတွင်းပိုင်းခွန်အားကို အောင်မြင်စွာ ဖမ်းဆုပ်နိုင်ခဲ့သည်။ သင်ဟာ သူမကို သက်ရှည်ကျမ်းအား သင်ပေးခဲ့၏”

“အသက်၄၅နှစ်တွင် တိမ်စီရင်စု ကျရှုံးခဲ့သည်”

“အသက်၄၈နှစ်တွင် သင်၏ သက်ရှည်ကျမ်းဟာ တတိယအဆင့်၏ ပြီးပြည့်စုံခြင်းသို့ ရောက်ရှိသည်။ သင်ဟာ ကိုယ်တွင်းအင်္ဂါ သန့်စင်ခြင်းအဆင့်သို့ ချိုးဖျက်ရန် ထပ်မံကြိုးစားပြီး ကျရှုံးခဲ့ပြန်သည်။ ဟန်မြောင်ဟာ သွေးချီချိုးဖျက်မှု ဒုတိယအဆင့်သို့ ရောက်

ရှိ၏”

“အသက်၅၀တွင် ခရမ်းရောင်မီးတောက် စစ်တပ်က တိမ်စီရင်စုကို သိမ်းပိုက်ခဲ့သည်။ ဝေ၊ ချီနှင့် ချူးတို့ဟာ ရှုပ်ထွေးသည့် တိုက်ပွဲတစ်ခုကို ဆင်နွှဲကြ၏။ လုယီဟာ ကွယ်လွန်သွားခဲ့သည်”

“တူညီသည့် နှစ်တွင်ပင် ဟန်နျန်ရွှမ်းဟာ ကိုယ်တွင်းအင်္ဂါ သန့်စင်ခြင်းအဆင့်သို့ တက်လှမ်းသွားခဲ့ပြီး တိမ်စီရင်စု သိုင်းပညာအကယ်ဒမီသို့ သွားရောက်ကာ သိုင်းပညာကို လေ့လာသည်”

“အသက်၅၁နှဟ်တွသ် ဟန်မြောင်ဟာ အတွင်းပိုင်းခွန်အားကို‌ အောင်မြင်စွာ ဖမ်းဆုပ်နိုင်ခဲ့ပြီး ကျောက်ယွမ်ထု၏ အငယ်ဆုံးသမီးနှင့် လက်ထပ်ခဲ့သည်”

“အသက်၅၂နှစ်တွင် သင်သည် ကိုယ်တွင်းအင်္ဂါ သန့်စင်ခြင်းအဆင့်သို့ နောက်ဆုံးအကြိမ် ချိုးဖျက်ခဲ့ပြီး ကျရှုံးခဲ့ရသည်။ အဆင့်တက်နိုင်ရန် မည်သည့်မျှော်လင့်ချက်မှ မရှိတော့ပေ။ ထို့ကြောင့် အရင်းအမြစ် အားလုံးတို့ကို အသုံးပြုကာ မိသားစု၏ ကျင့်ကြံရေးတွင် ထောက်ပံ့ရန် ဆုံးဖြတ်လိုက်၏”

“တူညီသည့် နှစ်မှာပင် သင်၏ မြေးဖြစ်သူ ဟန်ယန်ဟာ မွေးဖွားလာခဲ့သည်”

“အသက်၅၃နှစ်တွင် ရှလင်ဟာ အတွင်းပိုင်းခွန်အားကို ဖမ်းဆုပ်ရန် ကျရှုံးခဲ့ပြီး သူမ၏ သွေးချီတို့ ကြီးစွာ ထိခိုက်သွားခဲ့သည်”

“အသက်၅၉နှစ်တွင် ရှလင်ဟာ နာမကျန်းဖြစ်ပြီး သေဆုံးသွားခဲ့၏။ သင်ဟာ ထပ်မံအိမ်ထောင်ပြုခြင်း မပြုတော့ပေ။ ဟန်ယန်၏ ပါရမီမှာ အလွန်နိမ့်ါပးသည်။ သင်သည် ဆေးပင်များကို စတင်အသုံးပြုပြီး သူ၏ အခြေခံကို မြှင့်တင်ပေး၏”

“အသက်၆၁နှစ်တွင် ဟန်နျန်ရွှမ်းဟာ သက်ရှည်ကျမ်း၏ တတိယအဆင့် ပြီးပြည့်စုံခြင်းသို့ ရောက်ရှီခဲ့ပြီး ကိုယ်တွင်းအင်္ဂါ သန့်စင်ခြင်း အကြီးစားကျွမ်းကျင်မှုအဆင့်သို့ ရောက်ရှိသည်။ သူမသည် ကြယ်တာယာစံအိမ်က ထုတ်လွှင့်သည့် ချီလင်အဆင့်ပြဇယားတွင် ထိပ်တန်း၂၀သို့ ဝင်ရောက်ခဲ့ပြီး အလယ်ပိုင်းစီရင်စု၏ စမ်းသပ်ချက်တွင် ပါဝင်ရန် အရည်အချင်း ပြည့်မှီခဲ့သည်”

“နောက်ဆုံးတွင် သူမဟာ စမ်းသပ်ပွဲ၌ အဆင့်၉ချိတ်ခဲ့ပြီး ဖန်တီးခြင်းဆေးလုံးကို ရရှိသည်။ သူမ၏ အခြေခံကို တိုးမြင့်စေကာ ဖင်းစုစည်းခြင်းအဆင့်သို့ ချိုးဖျက်နိုင်မည့် အခွင့်အရေးကို တိုးမြင့်စေ၏”

“ဟန်နျန်ရွှမ်းက ဖန်တီးခြင်းဆေးလုံးကို သင့်အား ပေးချင်သည်။ သို့ပေမယ့် သင်က ငြင်းခဲ့၏”

“အသက်၆၂နှစ်တွင် ဟန်နျန်ရွှမ်းဟာ ဖင်းစုဆောင်းခြင်း သိုင်းသူတော်စင်အဆင့်သို့ တက်ရောက်သွားသည်။ သင်သည် မြေးဖြစ်သူကို နေ့စဉ်နေ့တိုင်း သိုင်းပညာ သင်ကြားပေး၏”

“အသက်၇၀တွင် သက်ရှည်ကျမ်းကြောင့် သင်၏ခန္ဓာကိုယ်ဟာ သန်မာနေဆဲ ရှိသည်။ ကျောက်ယွမ်ထုဟာ ခရီးတစ်ခုတွင် မတော်တဆဖြစ်ကာ‌ သေဆုံးခဲ့၏

“အသက်၇၅နှစ်တွင် ဟန်မြောင်ဟာ ကိုယ်တွင်းအင်္ဂါ သန့်စင်ခြင်းအဆင့်သို့ ချိုးဖျက်သွားခဲ့သည်”

“အသက်၇၆နှစ်တွင် သက်ခြွေဓါးဟာ ဓါးစိတ်ဝိညာဉ်တစ်ခု ပေါက်ဖွားလာခဲ့သည်။ ထိုဓါးကို အသုံးပြုပါက ဟန်မြောင်ပင်လျှင် သင့်၏ပြိုင်ဘက် မဟုတ်ပေ”

“အသက်၁၀၀တွင် သင်၏ စွမ်းအင်တို့ ကြီးစွ ယုတ်လျော့လာသည်ဟု ခံဏားရ၏။ ဟန်နျန်ရွှမ်းဟာ ဖင်းစုဆောင်းခြင်းအဆင့်၏ အကြီးစားကျွမ်းကျင်မှုအဆင့်သို့ ရောက်ရှိခဲ့သည်”

“အသက်၁၁၁နှစ်တွင် ဝိညာဉ်အဆီအနှစ်လုံးဟာ ခရမ်းရောင်အလင်း ထွက်ပေါ်လာခဲ့သည်။ သင်၏အသိစိတ်ကို စုပ်ယူသွားပြီး သင်ဟာ နန်းတော်တစ်ခု၏ အတွင်း၌ ပေါ်လာခဲ့၏။ ထိုနေရာတွင် အခြားလူများ ရှိနေကြောင်းကို သင်တွေ့လိုက်ရသည်”

“တစ်လအကြာ၌ ဟန်မိသားစုဟာ သုတ်သင်ခံလိုက်ရသည်။ သင့်ကို ကြီးမားသည့် ဖြူပြာရောင် ငှက်ကြီးတစ်ကောင်က ကယ်တင်သွား၏”

“လဝက်ကြာပြီးနောက် ကောင်းကင်ပေါ်မှ ကြေးပုဆိန်တစ်ခု သက်ဆင်းလာခဲ့သည်။ သင်သည် သေဆုံးခဲ့၏…”