အခန်း (၉၀)

ထိုသို့ဖြင့် သုံးလနီးပါးဟာ အလျင်အမြန် ကုန်လွန်သွားခဲ့သည်။ ကျန်းနှင့် မုန့်မိသားစုများက စုံစမ်းစစ်ဆေးမှုကို ဆက်လက်တောင်းဆိုနေဆဲ ဖြစ်သော်လည်း ဤကိစ္စကို ကြာရှည်လာလေလေ လူသတ်သမားကို ရှာဖွေတွေ့ရှိရန် အခွင့်အရေး နည်းပါးလေဖြစ်ကြောင်းအား လူတိုင်း သိကြသည်။

ထိုညနေတွင် ဟန်ကျောက်သည် အိမ်သို့ ပြန်လာခဲ့သည်။

သိုင်းပညာများ-

သက်ရှည်ကျမ်း (တတိယအဆင့် အကြီးစားကျွမ်းကျင်မှု ၈%၊ အဆင့်မြှင့်နိုင်သည်။ အထူးအကျိုးသက်ရောက်မှု- ခန္ဓာကိုယ် ကြံ့ခိုင်အားကောင်းခြင်း အဆင့် ၇၊ သန့်စင်သော ယန် အဆင့် ၂၊ အသက်ရှည်ခြင်း ၁၀၀ နှစ်)

လွမ်ဖီးနစ် သဟဇာတနည်းပညာ (ပထမအဆင့် ပြည့်စုံမှု ၁၀၀%၊ ကောက်နုတ်ယူနိုင်သည်။ အထူးအကျိုးသက်ရောက်မှု- ယင်ယန် သဟဇာတ အဆင့် ၃)

စိတ်ဝိညာဉ်ဖုံးကွယ်ခြင်း နည်းပညာ (ပထမအဆင့် ပြည့်စုံမှု ၁၀၀%၊ ကောက်နုတ်ယူနိုင်သည်။ အထူးအကျိုးသက်ရောက်မှု- စိတ်ဝိညာဉ်ဖုံးကွယ်ခြင်း အဆင့် ၂)

ယင်ဖင်းလက်ဝါး (ဒုတိယအဆင့် အကြီးစားကျွမ်းကျင်မှု ၅၆%၊ အဆင့်မြှင့်နိုင်သည်။ အထူးအကျိုးသက်ရောက်မှု- အဆိပ်ခံနိုင်ခြင်း အဆင့် ၂)

ဗာဂျရာအတတ် (ပထမအဆင့် အ‌ေသးစားကျွမ်းကျင်မှု ၁၅%၊ အဆင့်မြှင့်နိုင်သည်။ အထူးအကျိုးသက်ရောက်မှု- ကြွက်သားဆွဲဆန့်ခြင်း အဆင့် ၁)

တောင်ခွဲဆေဘာဓား နည်းပညာ (တတိယအဆင့် အကြီးစားကျွမ်းကျင်မှု ၈%၊ အဆင့်မြှင့်နိုင်သည်)

"မနက်ဖြန်က အောက်တိုဘာလ နှစ်ရက်နေ့ပဲ။ ငါ့ရဲ့ အသက် ၂၀ ပြည့်မွေးနေ့လည်း ဖြစ်ပြီး [အိုဇာတာကောင်းသူ] ပါရမီ အကျိုးသက်ရောက်တဲ့ အချိန်လည်း ဖြစ်တယ်"

ဟန်ကျောက်သည် သူ၏ သိုင်းပညာများကဏ္ဍကို ကြည့်ကာ တွေးတောနေ၏။ လွန်ခဲ့သော သုံးလအတွင်း သူသည် မြို့ထဲတွင် တည်ငြိမ်စွာ လေ့ကျင့်နေခဲ့သည်။

သူ၏ အမျိုးမျိုးသော သိုင်းပညာများ သိသိသာသာ တိုးတက်လာခဲ့၏။

သက်ရှည်ကျမ်း၏ တိုးတက်မှုသည် အကြီးစားကျွမ်းကျင်မှု ၂% မှ ၈% သို့ ၆% တိုးလာခဲ့သည်။ ပျမ်းမျှအားဖြင့် တစ်လလျှင် ၂% တိုးလာခဲ့၏။

နောက်ဆုံးတွင် ၎င်းသည် သက်ရှည်ကျမ်း၏ အဆင့်မြှင့်တင်ထားသော ဗားရှင်းတစ်ခုဖြစ်သည်။ သူ့အနေနှင့် ဤအရှိန်အဟုန်ကို ရရှိနိုင်ခြင်းမှာ ဗာဂျရာအတတ်က သူ့၏ ပါရမီကို တိုးမြှင့်ပေးခဲ့သောကြောင့် ဖြစ်နိုင်သည်။

တစ်ချိန်တည်းမှာပင် သူသည် ငွေကြေးမရှားပါးဘဲ နေ့စဉ် ငါးနှင့် အသားအမျိုးမျိုးကို စားသုံးနေခဲ့သည်။

စိတ်ဝိညာဉ်ဖုံးကွယ်ခြင်း နည်းပညာ၏ လေ့ကျင့်မှုသည် အမြန်ဆုံးဖြစ်ပြီး တစ်စုံတစ်ဦး၏ အရှိန်အဝါကို ဖုံးကွယ်ခြင်း၏ အကျိုးသက်ရောက်မှုကို ရရှိခဲ့သည်။

လွမ်ဖီးနစ် သဟဇာတနည်းပညာကိုလည်း အမြင့်ဆုံးအထိ လေ့ကျင့်ခဲ့သည်။ သူသည် ဗာဂျရာအတတ်ကို မလေ့ကျင့်ခဲ့ပေ။ ၎င်းသည် အလွန်နာကျင်သောကြောင့် ဖြစ်သည်။

သွေးစိတ်ဝိညာဉ်မူဝါဒ၊ အရိုးကျုံ့ခြင်းနည်းပညာနှင့် ဓားပြုစုပျိုးထောင်ခြင်း နည်းပညာကဲ့သို့သော အခြားသော သိုင်းပညာများအတွက်မှာတော့ သူသည် အချိန်အတော်ကြာကတည်းက ၎င်းတို့ကို အမြင့်ဆုံးအကန့်အသတ်အထိ လေ့ကျင့်ခဲ့ပြီး ဖြစ်သည်။ ဒီအတောအတွင်းတွင် အထူးလေ့ကျင့်ရန် အချိန်မရှိခဲ့ပေ။ အဆင့်တက်ရန်လည်း မလွယ်ကူပါ။

ကောက်နုတ်ယူရန်အတွက် အမှတ်များ ပေါင်းထည့်ခြင်းမှာလည်း ထိုသိုင်းပညာများ၏ အလှည့် မ‌ေရာက်သေးပေ။

[အချက်ပေးအပိုင်းအစ ၆၅ စုဆောင်းပြီးပါပြီ။ ဝင်ရောက်ခွင့်ကို ပေါင်းစပ်လိုပါသလား]

[ပေါင်းစပ်မှုတစ်ခုစီသည် အချက်ပေးအပိုင်းအစ ၄၀ နှင့် ရွှေ ၃၀ ကျပ် ကုန်ကျမည်…]

"ငါ ဗာဂျရာအတတ်ကို အရင် အမှတ်တွေ‌ေပါင်းထည့်ပြီး ငါ့ရဲ့ ပါရမီကို တိုးမြှင့်မယ်"

"ဒီအစမ်းရှင်သန်မှုအတွက် ငါ့ရဲ့ ကျင့်ကြံမှု အတွေးအမြင် လမ်းကြောင်းကို ပြောင်းလဲနိုင်တယ်။ ကျောက်နက်မြို့နဲ့ ကျောက်စိမ်းလေမြို့မှာ ထူးခြားမှု ပေါ်လာတာကြောင့် တခြားမြို့တွေမှာလည်း ရှိလာနိုင်တယ်။ ရှာကြည့်ရအောင်"

အစမ်းရှင်သန်ခြင်း မစတင်မီ ဟန်ကျောက်သည် ထူးခြားမှုကို ရှာဖွေလိုကြောင်း သူ့စိတ်ထဲတွင် အရိပ်အမြွက် ပြောနေခဲ့သည်။

God Genzo:

"ပေါင်းစပ်ပါ.. အစမ်းရှင်သန်မှု စတင်ပါ"

[အသက် ၁၉ နှစ်တွင် သင်သည် ကျန်းထန်ဝမ်နှင့် မုန့်ကျစ်ကို သတ်ပြီး မြို့တွင် သုံးလကြာ လေ့ကျင့်ခဲ့သည်။]

[အသက် ၂၀ နှစ်တွင် ကျူခန်ရှန်းက ချီရှင်းသည် ကိုးသွယ်မြို့တွင် ပေါ်လာကြောင်း သတင်းပို့သည်။]

[တစ်နှစ်အကြာတွင် သင်သည် ကျားယွမ်မြို့ပြင်ရှိ ထျန်နန်တောင်တွင် ထူးခြားမှုကို တွေ့ရှိခဲ့သည်။]

[သင်သည် အတွင်းသို့ ဝင်ရောက်ကာ ယင်စွမ်းအင်ကို စုပ်ယူခြင်းဖြင့် ယင်ဖင်းလက်ဝါးကို တတိယအဆင့်သို့ ရောက်ရှိရန် လှုံ့ဆော်လိုခဲ့သည်။]

[သင်သည် ထူးခြားမှုမှ ထွက်ခွာသောအခါ နတ်ဆိုးတစ်ကောင်နှင့် တွေ့ဆုံကာ ဖမ်းဆီးခံခဲ့ရသည်။]

[နတ်ဆိုးသည် သင့်ကို စိတ်ဝင်စားလာပြီး သင့်ခန္ဓာကိုယ်ထဲသို့ နတ်ဆိုးသွေးကို အတင်းအဓမ္မ ထိုးသွင်းခဲ့သည်။ သင့်သွေးစိတ်ဝိညာဉ်မူဝါဒသည် ချက်ချင်း အဆင့်တက်သွားပြီး သင့်သွေးချီသည် များစွာ တိုးလာခဲ့သည်။]

[ခြောက်လအကြာတွင် သင်သည် နတ်ဆိုး၏ ယွမ်ကန်းကောင်တီသို့ ပို့ဆောင်ခံခဲ့ရပြီး ကောင်းကင်ဖင်းဘုရင်ကြီး၏ လက်ထဲသို့ ရောက်ရှိခဲ့သည်။ သူသည် သင်၏ခန္ဓာကိုယ်ကို အသုံးပြုပြီး နတ်ဆိုးသွေးနှင့် ဖင်းသွေး ပေါင်းစပ်ခြင်းဆိုင်ရာ အမျိုးမျိုးသော စမ်းသပ်

မှုများကို ပြုလုပ်ခဲ့သည်။]

[ကောင်းကင်ဖင်းဘုရင်က သင့်အား စမ်းသပ်မှုကို ရှင်သန်နိုင်သရွေ့ သင့်လွတ်လပ်မှုကို ပြန်ပေးမည်ဟု ပြောခဲ့သည်။ တစ်ချိန်တည်းမှာပင် သူသည် သူလေ့ကျင့်ခဲ့သော နတ်ဆိုးနည်းပညာအားလုံးကို သင်ကြားပေးကာ အနာဂတ်တွင် ဒီဗိုင်းစွမ်းအားအဆင့်သို့ တက်လှမ်းနိုင်ရန် အခွင့်အရေးပေးမည် ဖြစ်သည်။]

[တစ်နှစ်အကြာတွင် သင်သည် ကောင်းကင်ဖင်းဘုရင်ကြီး၏ စမ်းသပ်မှုအတွင်း ပေါက်ကွဲကာ သေဆုံးခဲ့သည်။]

"နတ်ဆိုးတွေက 'သိပ္ပံဆိုင်ရာ သုတေသန' လုပ်တာလား"

အစမ်းရှင်သန်မှုအတွင်းရှိ အချက်အလက်များကို ကြည့်ရှုပြီး ဟန်ကျောက်ဟာ အံ့အားသင့်သွားသည်။

ဒီတစ်ကြိမ် အစမ်းရှင်သန်ခြင်း၏ အကြောင်းအရင်းသည် အခြေခံအားဖြင့် များစွာ ပြောင်းလဲခြင်း မရှိသော်လည်း အနည်းငယ် ကွဲပြားမှုများ ရှိခဲ့သည်။

သူသည် ကျောက်စိမ်းလေမြို့ အပြင်ရှိ ဒီဗိုင်းဓားအိမ်တော်သည် ထူးခြားမှုများ ရှိသည့် နေရာဖြစ်ကြောင်း ယခင်အစမ်းရှင်သန်မှုမှ သိရှိပြီး ဖြစ်သောကြောင့်အတွေးအမြင်ကို ပြောင်းလဲကာ အခြားသော ထူးခြားမှုများကို ရှာဖွေသင့်ကြောင်း အရိပ်အမြွက် ပြောခဲ့သည်။

အစမ်းရှင်သန်မှုတွင် ယင်ဖင်းလက်ဝါးကို လေ့ကျင့်ရန် သူသည် စိတ်ပျက်ဖွယ်ရာ မရှိလောက်အောင် အခြားသော ထူးခြားမှုကို အောင်မြင်စွာ တွေ့ရှိခဲ့သည်။ သို့သော်လည်း ကြေကွဲဖွယ် သေဆုံးခဲ့၏။ လူသားစမ်းသပ်မှုများအတွက် နတ်ဆိုးကြီး၏ ဖမ်းဆီးခြင်းကို ခံခဲ့ရသည်။

"ကျောက်နက်မြို့မှာ တစ်ခု၊ ကျောက်စိမ်းလေမြို့မှာ တစ်ခုနဲ့ ကျားယွမ်မြို့မှာ တစ်ခု.. မြို့တိုင်းနီးပါးမှာ ထူးခြားမှုတွေ ရှိတယ်လို့တော့ မပြောနဲ့နော်"

ဟန်ကျောက်က ရဲရဲတင်းတင်း ခန့်မှန်း၏။

[၁- ပါရမီရယူပါ (ရွေးချယ်၍ မရပါ)]

[၂- စွမ်းရည်အမှတ်များ ရယူပါ]

[၃- ဘဝအတွေ့အကြုံ၏ မည်သည့်အစိတ်အပိုင်းကိုမဆို

ရယူပါ]

[လက်ရှိလက်ကျန်- ရွှေ ၂၃၀]

"၂"

[စွမ်းရည်အမှတ်များ +၁၁]

"စွမ်းရည်အမှတ် ၁၁ မှတ်နဲ့ဆိုရင် လုံလောက်သင့်တယ်"

ဟန်ကျောက်သည် အိပ်ရာပေါ်တွင် တင်ပျင်ခွေထိုင်ကာ သစ်သားချောင်းတစ်ချောင်းကို ကောက်ယူပြီး ပါးစပ်ဖြင့် ကိုက်လိုက်သည်။

"ဗာဂျရာအတတ်ကို အကြီးစားကျွမ်းကျင်မှုအဆင့်သို့ မြှင့်တင်ပါ"

[စွမ်းရည်အမှတ်များ- ၁၁ -၉- ၇]

ချက်ချင်းပင် မဖော်ပြနိုင်သော နာကျင်မှုသည် ဟန်ကျောက်၏ တစ်ကိုယ်လုံးကို ပြည့်နှက်သွားသည်။ သူသည် လူတစ်ကိုယ်လုံးကို ရေဖိအားစက်ဖြင့် ကြိတ်ချေခံရသကဲ့သို့ ခံစားလိုက်ရသည်။ သူ့ခန္ဓာကိုယ်ရှိ အရိုးများနှင့် ကြွက်သားများအားလုံးသည် ပြင်းထန်သော နာကျင်မှုတွင် ရှိနေ၏။

ဂျွတ်...

ပါးစပ်ထဲရှိ သစ်သားချောင်းကို ဟန်ကျောက်ဟာ ကြိတ်ချေလိုက်သည်။ ကံကောင်းစွာဖြင့် နာကျင်မှုသည် တစ်စက္ကန့်သာ ကြာမြင့်ခဲ့၏။

သိုင်းပညာများ- ဗာဂျရာအတတ် (ပထမအဆင့် အကြီးစားကျွမ်းကျင်မှု ၁၅%၊ အဆင့်မြှင့်နိုင်သည်။ အထူးအကျိုးသက်ရောက်မှု- ကြွက်သားဆွဲဆန့်ခြင်း အဆင့် ၂၊ အရိုးပြုပြင်ခြင်း အဆင့် ၁)

"သက်ရှည်ကျမ်းကို အဆင့်မြှင့်ပါ"

ခဏအကြာတွင် ဟန်ကျောက်သည် ကျန်ရှိသော စွမ်းရည်အမှတ်များကို သက်ရှည်ကျမ်းသို့ ပေါင်းထည့်ရန် ဆုံးဖြတ်လ်ုက်သည်။

ပုံမှန်အလေ့အကျင့်အရ သူသည် သူ၏ စုစုပေါင်း သွေးချီကို အမြင့်ဆုံးဖြစ်စေရန် သက်ရှည်ကျမ်းကို ဦးစွာ အဆင့်တက်‌ေစမည် ဖြစ်သည်။ ထို့နောက် သွေးချီချိုးဖျက်မှု တတိယအဆင့်သို့ ရောက်ရှိပြီး ပိုမိုကြီးမားသော အကျိုးကျေးဇူးများကို ရရှိမည်ဖြစ်၏။

[စွမ်းရည်အမှတ်များ: ၇ -၉ ၀]

"ဟမ်"

ဟန်ကျောက်သည် အခြားသစ်သားချောင်းတစ်ချောင်းကို ကောက်ယူပြီး ပါးစပ်ဖြင့် ကိုက်လိုက်သည်။ နောက်ဆုံးတွင် သူသည် သက်ရှည်ကျမ်း အဆင့်တက်သောအခါ နာကျင်ခြင်း မရှိကြောင်းအား နားလည်လိုက်၏။ အဲ့ဒီအစား အလွန်သက်တောင့်သက်သာရှိပြီး နေလို့ကောင်းလှသည်။

သိုင်းပညာများ- သက်ရှည်ကျမ်း (တတိယအဆင့် ပြည့်စုံမှု ၇%၊ အဆင့်မြှင့်နိုင်သည်။ အထူးအကျိုးသက်ရောက်မှု- ခန္ဓာကိုယ်ကြံ့ခိုင်အားကောင်းခြင်း အဆင့် ၈၊ သန့်စင်သော ယန်- အဆင့် ၃၊ ချီမျိုးစေ့ချခြင်း အဆင့် ၁၊ အသက်ရှည်ခြင်း ၂၀၀ နှစ်)

"ငါ့ရဲ့ သက်တမ်းက နှစ်ဆတိုးသွားတာလား"

ပြောင်းလဲသွားသော သက်ရှည်ကျမ်းကို ကြည့်ပြီး ဟန်ကျောက်ဟာ အံ့အားသင့်သွားသည်။ ပထမ အထူးအကျိုးသက်ရောက်မှု နှစ်ခုမှလွဲ၍ အပို အထူးအကျိုးသက်ရောက်မှုတစ်ခုလည်း ရှိလာခဲ့သည်။

"ချီမျိုးစေ့ချခြင်း... ဒါက ဘာလဲ"

သူသည် သူ၏ သက်ရှည်စစ်မှန်ချီကို လှည့်ပတ်ကာ လက်ဖဝါးတွင် စစ်မှန်ချီကို စုစည်းကြည့်သည်။

မူလက အစိမ်းရောင်နှင့် အဖြူရောင် သက်ရှည်အစစ်အမှန်ချီသည် အစိမ်းရောင်နှင့် အဖြူရောင် ဖြစ်နေရာမှ သန့်စင်သော အဖြူရောင်သို့ ပြောင်းလဲရန် စတင်လာခဲ့သည်။

သိပ်သည်းသော အသက်ဓာတ်၏ အရှိန်အဝါတို့ ပေါ်လာခဲ့သည်။ ယခင်က ထိုအရှိန်အဝါ ရှိခဲ့သော်လည်း ယခုကဲ့သို့ မသိပ်သည်းခဲ့ပေ။ အမြင်မှားခြင်းလားဟု မသိရသော်လည်း ထိုအစစ်အမှန်ချီသည် အသက်မဲ့အရာမှ သက်ရှိသတ္တဝါသို့ ပြောင်းလဲသွားပုံရှိသည်။

"ဒါက တကယ့်ကို အသက်ရှည်ဖို့အတွက် တိုးတက်လာနေတာပဲ"

ဟန်ကျောက်က ရေရွတ်ကာ သူ့ခန္ဓာကိုယ်အတွင်း၌ တိုးလာသော သွေးချီကို ခံစားရန် စတင်သည်။ သူ့သွေးချီသည် ၅၀% ထပ်မံ တိုးလာခဲ့၏။

သိုင်းသမားများသည် ပထမဆုံးအကြိမ် အဆင့်တက်သောအခါတွင်သာ သွေးချီတွင် ထင်ရှားသော တိုးတက်မှုကို ရရှိနိုင်သော်လည်း နောက်ထပ် ကျင့်စဉ် အနည်းငယ်ကို ထပ်မံလေ့ကျင့်ကာ အဆင့်တက်မှုများ ထပ်ဆင့်သောအခါ စုစုပေါင်း သွေးချီတိုးတက်မှုကို လျှော့မတွက်သင့်ပေ။

မနက်ဖြန်မှစ၍ နောက်ထပ် သုံးလကြာ လေ့ကျင့်ပြီးပါက လေ့ကျင့်ခြင်းတိုးတက်မှု နှိုင်းယှဉ်ချက်မှတစ်ဆင့် ပါရမီတိုးတက်မှု၏ အမှန်တကယ် အကျိုးသက်ရောက်မှုကို သိနိုင်မည်ဖြစ်သည်။

အင်အား တိုးတက်မှုနှင့် လိုက်လျောညီထွေ ဖြစ်ပြီးနောက် သူသည် ချီရှင်းကို သွားရောက် ကိုင်တွယ်နိုင်ပါပြီ။

"ဒီလောက် အင်အားကြီးတဲ့ သွေးချီအထောက်အပံ့နဲ့ ငါ့ရဲ့ ပုံမှန် လက်တစ်ဖက်အင်အားက ကီလိုဂရမ် ၅၀၀ နီးပါး ရှိမှာ။ အဆင့်တက်ခါစ ခွန်အားသန့်စင်ခြင်းအဆင့် သိုင်းသခင်ဆိုရင်တောင် ဒီလောက်ပဲ။ ကွာခြားချက်က ငါ့ရဲ့ သွေးအမှတ်အသားက အတွင်းအားအဖြစ် လုံးဝ မပြောင်းလဲသေးဘဲ အသုံးပြုနည်းက သူတို့ထက် နိမ့်ကျနေတာပဲ"

"ဆေဘာဓားနဲ့ ဓားကို ပြန်လည်ပြုပြင်ပြီးရင် ခွန်အားသန့်စင်ခြင်းအဆင့် သိုင်းသခင်ကို သတ်ဖို့ ခက်ခဲဦးမလား မသိဘူး"

"ယင်စွမ်းအင် သိပ်မကျန်တော့ဘူး။ ထူးခြားမှုကို ဘယ်လို ရှာဖွေရမလဲ တွေးရမယ်"

အစမ်းရှင်သန်ခြင်း မစတင်မီ ဟန်ကျောက်သည် ထူးခြားမှုကို ရှာဖွေလိုကြောင်း သူ့စိတ်ထဲတွင် အရိပ်အမြွက် ပြောနေခဲ့သည်။