လျော့ကျခြင်းနှင့် ဆင့်ကဲပြောင်းလဲခြင်း

ချီမင်ရဲ့ ပန်းတိုင်နဲ့ အစီအစဉ်က တကယ်တော့ အရမ်းရှင်းတယ်။

သူက ရန်ပေါင်ချီနဲ့ တခြားအင်မော်တယ်သုံးယောက်ကို လုံးဝသုတ်သင်လိုက်တယ်။ သူတို့ကို သတ်တုန်းက သူက ကြယ်ရွှေ့ပြောင်းခြင်း အံ့ဖွယ်စွမ်းအားကိုသုံးကာ ကောင်းကင်လျှို့ဝှက်ချက်ကို ဖုံးကွယ်ပြီးပြောင်းလဲခဲ့လို့ အင်မော်တယ်တွေက ဒီကိစ္စရဲ့ အမှန်တရားကို တွက်ချက်နိုင်မှာ မဟုတ်ဘူး။ သူတို့က ချီမင်ဖန်တီးထားတဲ့ အမှန်တရားကိုပဲ ရနိုင်တယ်။

ချီမင်က ရုပ်ခန္ဓာပြောင်းလဲခြင်း အံ့ဖွယ်စွမ်းအားနည်းစနစ်ကိုသုံးပြီး ရန်ပေါင်ချီရဲ့ ပုံစံအဖြစ် ပြောင်းလဲလိုက်တယ်။ သူက သူ့ရဲ့အထောက်အထားကိုယူပြီး ဗဟိုဒေသထဲကို ဝင်ရောက်ဖို့ သုံးနိုင်တယ်။

ရန်ပေါင်ချီက အင်မော်တယ်ဘုရင် လင်းလုံရဲ့ အမွေခံတပည့်ဖြစ်တယ်။ အင်မော်တယ်မျိုးနွယ်မှာ သူ့ရဲ့အဆင့်အတန်းက သိပ်မမြင့်ပေမဲ့ နိမ့်လည်းမနိမ့်ဘူး။ ဒီနည်းနဲ့ သူက ဗဟိုနတ်ဘုရားတောင်ထဲကို ခိုးဝင်ဖို့ အခွင့်အရေးပိုများတယ်။

တင်း!

“လေးစားရပါသော လက်ခံသူ ရှားပါးဝိညာဉ်သားရဲကောင်းကင်နဲ့မြေကြီး ယင်းလုံရဲ့ ယင်းလုံနဂါးပုလဲကို တခြား ကောင်းကင်နဲ့မြေကြီး ယင်းလုံတစ်ကောင်က ဝါးမြိုလိုက်ပါတယ်။ သင်ရဲ့ရှားပါးဝိညာဉ်သားရဲကောင်းကင်နဲ့မြေကြီး ယင်းလုံက သူ့ရဲ့ စစ်မှန်နဂါးသွေးမျိုးဆက်ကို လုံးဝဆုံးရှုံးသွားပြီး လျော့ကျလာနေပါတယ်…” အဲ့ဒီအချိန်မှာ ချီမင်က အသိပေးချက်တစ်ခု ရလိုက်တယ်။

“စလာပြီပဲ။” ချီမင်က ခဏလောက် စဉ်းစားလိုက်တယ်။

တင်း!

“ရှားပါးဝိညာဉ်သားရဲ ကောင်းကင်နဲ့မြေကြီး ယင်းလုံကသာမန်ဝိညာဉ်သားရဲ အနက်ရောင်စပါးကြီးမြွေအဖြစ်သို့ လျော့ကျသွားပါတယ်။သူ့ရဲ့ ယခင်ကြီးထွားမှုက ကန့်သတ်ခံလိုက်ရပါတယ်။ အတိဒုက္ခကျော်လွှားခြင်းပထမအဆင့်က ကန့်သတ်ခံလိုက်ရပါတယ်။ လက်ရှိမှာ သူက အခြေတည်ဝိညာဉ်နှောင်းပိုင်းအဆင့် ကျင့်ကြံမှုကိုပဲထုတ်သုံးနိုင်ပါ‌တော့တယ်”

အသိပေးချက်တစ်ခု ပေါ်လာတယ်။

“ရှားပါးဝိညာဉ်သားရဲ ကနေ သာမန်ဝိညာဉ်သားရဲအဖြစ် တိုက်ရိုက်ပြောင်းလဲသွားတယ်။ မွေးမြူဖို့သုံးခဲ့တဲ့ အရင်းအမြစ်တွေအားလုံး ကုန်သွားပြီလို့ ယူဆနိုင်တယ်။ အလဲအလှယ်အနေနဲ့ ငါက သန့်စင်ခြင်းသုံးပါး တာအိုကျမ်းအကြောင်း သတင်းအချက်အလက်ကို ရလိုက်တယ်။”

မူလက…

ချီမင်က အမှောင်မီးလျှံက မူလ အမှောင်နဂါးမျိုးနွယ်အဖြစ် လျော့ကျသွားမယ်လို့ ထင်ခဲ့တာ၊ ဒါပေမဲ့ အဲ့ဒီလိုမဟုတ်ဘူး။ အဲဒီအစား အရမ်းကိုလျော့ကျသွားပြီး သူ့ရဲ့စစ်မှန်နဂါးသွေးမျိုးဆက်အားလုံးကို လုံးဝဆုံးရှုံးကာ သာမန်အနက်ရောင်စပါးကြီးမြွေအဖြစ် ပြောင်းလဲသွားတယ်။

ချီမင်နဲ့ ကောင်းကင်အရှင် ယင်းကြားက ဖလှယ်မှုက ရှုံးတယ်၊ မြတ်တယ်လို့ မပြောနိုင်ဘူး။ သန့်စင်ခြင်းသုံးပါး တာအိုကျမ်းရဲ့ နောက်ခံက လျှို့ဝှက်ဆန်းကြယ်ပြီး နက်နဲတယ်။ လျှို့ဝှက်နက်နဲကမ္ဘာတစ်ခုလုံးမှာ ကောင်းကင်အရှင် ယင်းကလွဲပြီး ဘယ်သူမှ မသိလောက်ဘူး။

ဒါ့အပြင် ချီမင်မှာ ယင်းလုံနဂါးပုလဲ ရှိတယ်။

နှစ်ဖက်ကြားက ဖလှယ်မှုက အပြန်အလှန်အကျိုးရှိရုံသာ ဖြစ်တယ်။

ချီမင်က ရှေးခေတ်နတ်ဆိုးဧကရာဇ် ယင်းလုံ မသေဘူးဆိုတာ သိပြီးတော့ သူက အမှောင်မီးလျှံရဲ့ အမွေအနှစ်နဲ့ သွေးမျိုးဆက်ကို ကောင်းကင်အရှင် ယင်းက ထိန်းချုပ်ပြီး သက်ရောက်မှုရှိမှာကို ကာကွယ်နိုင်ဖို့ပြောင်းလဲချင်နေပြီ။

ပစ္စည်းစာရင်း ဖွင့်လိုက်တယ်။

ချီမင်က ပစ္စည်းနှစ်ခုကို ထုတ်ယူလိုက်တယ်။

ဒါက ချီမင်က ဧရာမသားရဲကျွန်းကနေ ရခဲ့တဲ့ သွေးမျိုးဆက်သလင်းကျောက်နဲ့ အမွေအနှစ်သလင်းကျောက်ဖြစ်တယ်။ သူက အဲ့ဒါနှစ်ခုလုံးကို အမှောင်မီးလျှံပေါ်မှာ သုံးဖို့ စီစဉ်ထားတယ်။

ပစ္စည်း: သွေးမျိုးဆက်သလင်းကျောက် လေဟာနယ်စစ်မှန်နဂါး။

ဖော်ပြချက်: ဧရာမသားရဲကျွန်းက ထုတ်လုပ်တဲ့ သွေးမျိုးဆက်သလင်းကျောက်တစ်ခုဖြစ်တယ်။ လေဟာနယ်စစ်မှန်နဂါးဆိုတာ စကြဝဠာထဲက အဓိကမျိုးနွယ်ကြီးကိုးခုထဲက တစ်ခုဖြစ်ပါတယ်။ မွေးရာပါ လေဟာနယ်နဲ့ နီးစပ်ပြီး နေရာလွတ်ရဲ့ မဟာတာအိုကို ကျွမ်းကျင်တယ်။ သွေးမျိုးဆက်သလင်းကျောက်လေဟာနယ်စစ်မှန်နဂါး နဲ့ ပေါင်းစပ်ပြီးနောက်မှာ လေဟာနယ်စစ်မှန်နဂါးတစ်ကောင် ဖြစ်လာနိုင်တယ်။

ပစ္စည်း: အမွေအနှစ်သလင်းကျောက် လေဟာနယ်ကျမ်း။

ဖော်ပြချက်: ဧရာမသားရဲကျွန်းက ထုတ်လုပ်တဲ့ သွေးမျိုးဆက်သလင်းကျောက်တစ်ခုဖြစ်တယ်။ စကြဝဠာထဲက မျိုးနွယ်ကိုးခုထဲက တစ်ခုဖြစ်တဲ့ လေဟာနယ်စစ်မှန်နဂါးက ဖန်တီးထားတဲ့ စစ်မှန်ကျမ်းနည်းစနစ်တစ်ခုဖြစ်တယ်။ နေရာလွတ်ရဲ့ တာအိုကို နားလည်နိုင်ပြီး ပုံမှန်မဟုတ်ဘဲ ထူးခြားနက်နဲတယ်။

ဒီပစ္စည်းနှစ်ခုက ချီမင်က ဧရာမသားရဲကျွန်းမှာ လေဟာနယ်စစ်မှန်နဂါးနဲ့ နှစ်ခါဆက်တိုက် ကြုံတွေ့ခဲ့တုန်းက ရရှိခဲ့တာဖြစ်တယ်။ နှစ်ဖက်ကြားမှာ ကြီးမားတဲ့ တိုက်ပွဲတစ်ခု ဖြစ်ပွားခဲ့တယ်။ နောက်ဆုံးမှာ ချီမင်က နိုင်သွားပြီး လေဟာနယ်စစ်မှန်နဂါးတွေကို သတ်ဖြတ်နိုင်ခဲ့လို့ သူ့ရလိုက်တဲ့အကျိုးကျေးဇူးက မသေးဘူး။

“ထွက်ခဲ့။”

ချီမင်က သူ့ရဲ့ညာဘက်လက်ကို ဝှေ့ယမ်းလိုက်တော့ အမှောင်မီးလျှံက ဝိညာဉ်သားရဲနေရာကနေ ထွက်လာတယ်။ ဒါပေမဲ့ သူက ကောင်းကင်နဲ့မြေကြီး ယင်းလုံတစ်ကောင် မဟုတ်တော့ဘူး။ ကြီးမားတဲ့ အနက်ရောင်စပါးကြီးမြွေတစ်ကောင် ဖြစ်နေပြီ။

အနက်ရောင်စပါးကြီးမြွေက ဟိန်းဟောက်ပြီး ခေါင်းငုံ့လိုက်တယ်။

ယင်းလုံနဂါးပုလဲကို ဆုံးရှုံးပြီးနောက်မှာ အမှောင်မီးလျှံက လုံးဝအရေခွံလဲသွားတယ်။ သူက လူအဖြစ်တောင် ပြောင်းလဲလို့မရတော့ဘူး။ “အမှောင်မီးလျှံ၊ ဒီတစ်ခါ မင်းအတွက် ခက်ခဲသွားပြီ။” ချီမင်က ပြောတယ် “မင်းရဲ့ ယင်းလုံနဂါးပုလဲသာ မရှိရင် ငါက ကောင်းကင်အရှင် ယင်းဆီကနေ သန့်စင်ခြင်းသုံးပါး တာအိုကျမ်းအကြောင်း သတင်းအချက်အလက်ကို ရနိုင်မှာ မဟုတ်ဘူး။ နောက်ပိုင်းမှာ ငါက မင်းကို မကြုံစဖူး ထူးခြားတဲ့ ဆင့်ကဲပြောင်းလဲမှုတစ်ခုကို လုပ်ပေးမယ်။” အမှောင်မီးလျှံမှာ သူ့အပေါ်မှာ ဘာမကျေနပ်မှု၊ မုန်းတီးမှုမှ မရှိဘူး။ အဲဒီအစား သူက ချီမင်အတွက် အသုံးဝင်သေးလို့ ပျော်ရွှင်သွားတယ်။

ဝိညာဉ်သားရဲတွေမှာ ရှိသမျှအရာအားလုံးက ချီမင်က ပေးခဲ့တာဖြစ်တယ်။ ခေါင်းမာတဲ့ ဝိညာဉ်သားရဲအချို့ဥပမာသေမင်းလေးကလွဲရင် ချီမင်က ဝိညာဉ်သားရဲအားလုံးရဲ့ မျက်လုံးထဲမှာ နတ်ဘုရားလိုမျိုး ဖြစ်တည်မှုတစ်ခုဖြစ်တယ်။ ချီမင်က သူတို့ကို အရာအားလုံးကို ပေးခဲ့တယ်။

ချီမင်က သူတို့ကို ဘာပဲလုပ်ခိုင်းပါစေ ဝိညာဉ်သားရဲတွေက ဘာမှမကျေမနပ်မဖြစ်ကြဘူး။ သူတို့က သူ့ကို ကူညီရလို့တောင် ပျော်ရွှင်ကြတယ်။

“သွား။”

ချီမင်က သူ့ရဲ့ညာဘက်လက်ကို ထပ်ဝှေ့ယမ်းလိုက်ပြီး သွေးမျိုးဆက်သလင်းကျောက်လေဟာနယ်စစ်မှန်နဂါးက ပျံထွက်လာတယ်။ ဒီသွေးမျိုးဆက်သလင်းကျောက်က ကြည်လင်တဲ့ စိန်လုံးတစ်လုံးလိုဖြစ်ပြီး မျက်နှာပြင်အများကြီးရှိတဲ့ အရာတစ်ခုနဲ့ ပိုတူတယ်။

သေချာလေ့လာကြည့်ရင် သလင်းကျောက်ထဲမှာ ပုံရိပ်ယောင် စစ်မှန်နဂါးတစ်ကောင် အိပ်စက်နေတယ်။ အမှောင်မီးလျှံက ကောင်းကင်ကို ဟိန်းဟောက်လိုက်တယ်။ သူက သူ့ရဲ့သွေးရောင်ပါးစပ်ကို ဖွင့်ပြီး သွေးမျိုးဆက်သလင်းကျောက်လေဟာနယ်စစ်မှန်နဂါးကို တိုက်ရိုက်မျိုချလိုက်တယ်။ ဒီအချိန်မှာ အမှောင်မီးလျှံက ထပ်ခါထပ်ခါ ဟိန်းဟောက်လိုက်တယ်။ စွမ်းအင်အလင်းလှိုင်းတွေက သူ့ဝမ်းဗိုက်ကနေ ပျံ့နှံ့ထွက်သွားတယ်။ အချိန်တိုအတွင်းမှာ လေဟာနယ်ရဲ့စွမ်းအင်က အမှောင်မီးလျှံကို လုံးဝဖုံးလွှမ်းသွားတယ်။

မျက်စိတစ်မှိတ်အတွင်းမှာ အမှောင်မီးလျှံက မီတာတစ်ထောင်အချင်းရှိတဲ့ မီးခိုးရောင်ဘဲဥပုံဥတစ်လုံးအဖြစ် ပြောင်းလဲသွားတယ်။ အဲ့ဒါက လေဟာနယ်ကို ပြိုကျသွားစေပြီး ကြီးမားတဲ့စွမ်းအားတွေနဲ့ ပြည့်နှက်နေတယ်။

“မဆိုးဘူး။” ချီမင်က ကျေနပ်စွာ ခေါင်းညိတ်တယ်။

ဒါက အဆုံးမဟုတ်သေးဘူး။

“သွား။”

ချီမင်က သူ့ရဲ့ညာဘက်လက်ကို ထပ်ဝှေ့ယမ်းလိုက်ပြီး အမွေအနှစ်သလင်းကျောက်၊ လေဟာနယ်ကျမ်းက ပျံထွက်လာတယ်။ ဒါကလည်း ကြည်လင်တဲ့ ဆဋ္ဌဂံပုံဘောလုံးတစ်လုံးဖြစ်ပြီး မျက်နှာပြင်အများကြီးရှိတဲ့ အရာတစ်ခုနဲ့ ပိုတူတယ်။

အဲ့ဒီထဲမှာ လေဟာနယ်အမှန်တရားရဲ့ နက်နဲမှု ပါဝင်တယ်။

အထဲမှာ နေရာလွတ်ကို ကိုယ်စားပြုတဲ့ အဆောင်တစ်ခု ပျံဝဲနေတယ်။ အမွေအနှစ်သလင်းကျောက် လေဟာနယ်ကျမ်းက မီတာတစ်ထောင်အချင်းရှိတဲ့ မီးခိုးရောင်ဘဲဥပုံဥထဲကို ပေါင်းစပ်သွားတယ်။ လေဟာနယ်ရဲ့ စွမ်းအင်နဲ့ နက်နဲမှုတွေ ပြည့်နှက်သွားတယ်။

အချိန်တိုအတွင်းမှာ မူလက မီတာတစ်ထောင်အချင်းပဲရှိတဲ့ မီးခိုးရောင်ဘဲဥပုံဥက မီတာတစ်သောင်းအထိ ကြီးမားလာတယ်။

ကံကောင်းစွာနဲ့ ချီမင်က အရင်က လျှို့ဝှက်နက်နဲနည်းစနစ်၊ ကြယ်ရွှေ့ပြောင်းခြင်းကို သုံးပြီး ကောင်းကင်လျှို့ဝှက်ချက်ကို လုံးဝဖုံးကွယ်ပြီး ပြောင်းလဲထားတဲ့ သီးခြားနေရာလွတ်တစ်ခုကို ဖန်တီးထားတယ်။

ဒီလောက်ကြီးမားတဲ့ လှုပ်ရှားမှုတစ်ခု ဖြစ်ပေါ်လာတာတောင် လုံးဝဖုံးကွယ်ထားနိုင်တယ်။ အရှိန်အဝါတစ်စက်မှ မထွက်ဘဲ ကောင်းကောင်းဝှက်ထားနိုင်တယ်။

“ဝင်သွား။”

အတွေးတစ်ချက်နဲ့ ချီမင်က အမှောင်မီးလျှံ၊ကြီးမားတဲ့ မီးခိုးရောင်ဥကို စတုတ္ထမြောက် ဝိညာဉ်သားရဲနေရာထဲကို ထည့်လိုက်တယ်။ “ငါ ထိပ်တန်းအဆင့် ဝိညာဉ်ကျောက်တုံး (၁၀,၀၀၀) ထည့်မယ်။” ချီမင်က ပြောတယ် “သာမန်ဝိညာဉ်သားရဲ: အနက်ရောင်စပါးကြီးမြွေကို အလိုအလျောက်ကျင့်ကြံခြင်း လုပ်မယ်။”

တင်း!

“ဖြည့်သွင်းခြင်း အောင်မြင်ပါတယ်။”

“သာမန်ဝိညာဉ်သားရဲ: အနက်ရောင်စပါးကြီးမြွေက အဆသန်းတစ်ရာ မြှင့်တင်မှုအောက်မှာ ကြီးထွားနေပါတယ်။ လက်ရှိတွင် သွေးမျိုးဆက်သလင်းကျောက်လေဟာနယ်စစ်မှန်နဂါးနဲ့ အမွေအနှစ်သလင်းကျောက်လေဟာနယ်ကျမ်းနှင့် ပေါင်းစပ်နေပါတယ်။ မကြုံစဖူးထူးခြားတဲ့ ပြောင်းလဲမှုတစ်ခုကို ကြုံတွေ့နေရပါတယ်။ ကျေးဇူးပြုပြီး စိတ်ရှည်ရှည် စောင့်ဆိုင်းပေးပါ…”

အသိပေးချက်တစ်ခု ပေါ်လာတယ်။

ချီမင်က ခေါင်းညိတ်ပြီး အသိပေးချက်မျက်နှပြင်ကို ပိတ်လိုက်တယ်။

ပြီးတာနဲ့ ချီမင်က သူ့ရဲ့အံ့ဖွယ်စွမ်းအား ကြယ်ရွှေ့ပြောင်းခြင်းကို ပြန်ရုပ်သိမ်းလိုက်တယ်။သီးခြားနေရာလွတ်က ပျောက်ကွယ်သွားပြီး အရာအားလုံးက သူ့ရဲ့မူလအခြေအနေကို ပြန်ရောက်သွားတယ်။ ပြီးတော့ နောက်နေ့မနက်ကိုရောက်သွားပြီ။

ညက ကုန်လွန်သွားပြီ။

ရုတ်တရက် ချီမင်လက်ထဲက ထူးခြားသံလိုက်အိမ်မြှောင်က အသံမြည်လာတယ်။

“ဒါက…”

ချီမင်က ချက်ချင်းထုတ်ယူလိုက်တယ်။ ထူးခြားသံလိုက်အိမ်မြှောင်က ချီမင်ရဲ့လက်ဖဝါးအပေါ်မှာ ပျံဝဲနေတယ်။စာလုံးတွေ လင်းလက်‌လာပြီးတောက်ပနေတယ်။အ‌တွေးတစ်ချက်နဲ့ ချီမင်က သူ့လက်ထဲမှာ ချိတ်စည်းတစ်ခုကို ဖန်တီးပြီး ဓမ္မစွမ်းအားတွေကို ထိုးသွင်းလိုက်တယ်။

ထူးခြားသံလိုက်အိမ်မြှောင်ပေါ်မှာ ပုံရိပ်တစ်ခု ပေါ်လာတယ်။

“အင်မော်တယ်ဘုရင် လင်းလုံ။”

ချီမင်က ဒီပုံရိပ်ကို မြင်လိုက်တဲ့အခါ ချက်ချင်းမှတ်မိသွားတယ်။ ဒါက သူက ရန်ပေါင်ချီရဲ့ အတိတ်နဲ့ သမိုင်းကို တွက်ချက်ထားပြီး အင်မော်တယ်ဘုရင် လင်းလုံရဲ့ တကယ့်ပုံစံကို သိနေလို့ဖြစ်တယ်။

သူက နီမြန်းပြီး သူတော်စင်တစ်ပါးပုံ ပေါက်နေတဲ့ အဘိုးကြီးတစ်ယောက်ဖြစ်တယ်။

“ရန်ပေါင်ချီ…” အင်မော်တယ်ဘုရင် လင်းလုံက မေးတယ်“ကိစ္စက ဘယ်လိုဖြစ်သွားတာလဲ။ ချီမင် ဘယ်မှာလဲ။ မင်းသူ့ကိုဖမ်းမိပြီလား။”“အဟွတ် အဟွတ်” ချီမင်က သွေးအန်လိုက်တယ်။ သူ့ရဲ့အဝတ်အစားတွေကလည်း စုတ်ပြဲနေပြီး သူ့မျက်နှာက ဖြူဖျော့နေတယ်။ သူက ရုပ်ခန္ဓာပြောင်းလဲခြင်း အံ့ဖွယ်စွမ်းအားနဲ့ ရန်ပေါင်ချီပုံစံအဖြစ် ပြောင်းလဲထားတယ်။

ချီမင်က ဒဏ်ရာအပြင်းအထန် ရထားသလို ဟန်ဆောင်နေတယ်“ဆရာ… ဆရာ… ကျွန်တော်… ကျွန်တော် အသုံးမကျပါဘူး… ချီမင်ရဲ့အင်အားက အရမ်းကောင်းတယ်။ သူက ဘိုးဘေးကောင်းကင်လျှို့ဝှက်ချက်ရဲ့ အမွေအနှစ်ကို အခြေခံအားဖြင့် နားလည်ပြီးသွားပြီ။ ကျွန်တော် မှားတွက်မိပြီး ချီမင်ရဲ့ ချုံခိုတိုက်ခိုက်တာကိုတောင် ခံလိုက်ရတယ်။” “ကျွန်တော်… ကျွန်တော်…” ချီမင်က အရမ်းဒေါသထွက်ပြီး ရှက်ရွံ့တဲ့အမူအရာကို ထုတ်ပြလိုက်တယ်“ကျွန်တော်… ကျွန်တော်… ရှုံးသွားတယ်… ကျွန်တော်…”

“တော်ပြီ။” အင်မော်တယ်ဘုရင် လင်းလုံက အသက်ပြင်းပြင်းရှူလိုက်တယ်။ သူက ကိစ္စရဲ့ အမှန်တရားကို တွက်ချက်ပြီးသွားပြီ။ ဒါပေမဲ့ သူတွက်ထားတဲ့ အမှန်တရား က ချီမင်က ကြယ်ရွှေ့ပြောင်းခြင်းကိုသုံးပြီး ပြောင်းလဲထားတဲ့ အမှန်တရားဖြစ်တယ်။ သူက သက်ပြင်းချလိုက်တယ် “တခြားဘာမှ ပြောစရာမလိုတော့ဘူး။ မင်းက ဒီလိုအခြေအနေအောက်မှာ လွတ်လာတာတောင် ကံကောင်းနေပြီ။”

“ချီမင်မှာ တိုက်ပွဲမြင့်မြတ်ခန္ဓာ ရှိတဲ့အပြင် ကောင်းကင်လျှို့ဝှက်ချက် တာအိုမှာ သူ့ရဲ့အရည်အချင်းက ဒီအဆင့်ကို ရောက်လိမ့်မယ်လို့ ငါ လည်းတကယ်မထင်ထားဘူး။ ဘိုးဘေးကောင်းကင်လျှို့ဝှက်ချက်က အထူးတလည် ပေါ်လာပြီး ချီမင်ကို သူ့ရဲ့ကိုယ်ပိုင်တပည့်အဖြစ် လက်ခံခဲ့တာ အံ့ဩစရာမရှိဘူး။”

“နောက် ဘာဆက်လုပ်ရမလဲ။ ချီမင်ကို ဆက်ပြီး လိုက်နေရမှာလား။”

“မလိုတော့ဘူး။” အင်မော်တယ်ဘုရင် လင်းလုံက ပြောတယ် “ချီမင်ကို ဆက်ပြီး စောင့်ကြည့်နေလို့ ဘာမှမထူးတော့ဘူး။ သူ ထွက်သွားပြီ။ သူက ကောင်းကင်ဘုံဉာဏ်အလင်းဂိုဏ်းကို ပြန်သွား လောက်တယ်။ သူ့ရဲ့အသေးစိတ်အချက်အလက်တွေက ထပ်ပြီး ဖုံးကွယ်ခံလိုက်ရပြီ။”

“အမြန်ဆုံး ပြန်လာခဲ့။”

“အင်မော်တယ်ဘုရင် ကောင်းကင်ဂူ ဖွင့်ဖို့ ခြောက်လပဲ ကျန်တော့တယ်။ မင်းမှာ အင်မော်တယ်ဘုရင် ကောင်းကင်ဂူထဲကို ဝင်ဖို့ နောက်ဆုံးအခွင့်အရေးတစ်ခုပဲ ရှိတော့တယ်။ မင်း ဒါကနေ တစ်ခုခုရလိမ့်မယ်လို့ ငါ မျှော်လင့်တယ်။”

“ဟုတ်ကဲ့။” ချီမင်က အရိုအသေပြုလိုက်တယ်။

ထူးခြားသံလိုက်အိမ်မြှောင်ရဲ့ ပုံရိပ် ပျောက်ကွယ်သွားတယ်။

နောက်ကျတာထက် စောတာက ပိုကောင်းတယ်။

အင်မော်တယ်ဘုရင် ကောင်းကင်ဂူက ခြောက်လအတွင်း ဖွင့်မှာဖြစ်ပြီး ချီမင်အသွင်ယူထားတဲ့ ရန်ပေါင်ချီမှာ အင်မော်တယ်ဘုရင် ကောင်းကင်ဂူထဲကို ဝင်ဖို့ အခွင့်အရေးတစ်ခု ရှိတယ်။

ချီမင်က ရန်ပေါင်ချီနဲ့ တခြားသူတွေရဲ့ အတိတ်နဲ့ သမိုင်းကို တွက်ချက်တုန်းက ဒါကို သိလိုက်တယ်။ ဒီတစ်ခါ အင်မော်တယ်ဘုရင် လင်းလုံ ကိုယ်တိုင်ပြောတာကို ကြားလိုက်ရတဲ့အခါ သူက လုံးဝသေချာသွားတယ်။

ချိုကျိလင်နဲ့ တခြားသူတွေက အင်မော်တယ်ဘုရင် ကောင်းကင်ဂူထဲကို သုံးခါဝင်ပြီးသွားပြီ။ သူတို့မှာ ထပ်ဝင်ဖို့ အခွင့်အရေးမရှိတော့ဘူး။ ဒါကြောင့် ချီမင်က ရန်ပေါင်ချီရဲ့ အထောက်အထားနဲ့ ဗဟိုဒေသထဲကို ခိုးဝင်ဖို့ လုံးဝဆုံးဖြတ်လိုက်တယ်။

“ဒီအထောက်အထားနဲ့ ခဏလောက် ရင်းနှီးပြီးရင် ထွက်ခွာလို့ရပြီ။”

ချီမင်က အသက်ပြင်းပြင်းရှူလိုက်လိုက်တယ် “နောက်ပိုင်းမှာ ရုပ်ခန္ဓာပြောင်းလဲခြင်းက အင်မော်တယ်တွေဆီကနေ လုံးဝဖုံးကွယ်နိုင်သရွေ့ ငါက အင်မော်တယ်ဘုရင် ကောင်းကင်ဂူထဲကို ဝင်နိုင်ပြီ။ အင်မော်တယ်ဘုရင် လင်းလုံက သူ့ပုံရိပ်နဲ့ ဆက်သွယ်တုန်းက ငါ့ရဲ့အံ့ဖွယ်စွမ်းအားရဲ့ အပြောင်းအလဲတွေကို ဖောက်မမြင်နိုင်ခဲ့ဘူး။ ပြဿနာမရှိဘူးလို့တော့ ငါထင်တယ်။”