ကောင်းကင်တံခါးလေးခု၊ ဗဟိုဒေသသို့ ဝင်ရောက်ခြင်း

ချီမင်က ဗဟိုဒေသကို သွားဖို့ အလျင်မလိုဘူး။ နောက်ပိုင်းအချိန်တွေမှာ သူက နွေဦးဆောင်းဦးဂိုဏ်းနဲ့ ဗုဒ္ဓတစ်သောင်းဂိုဏ်းကို အသီးသီးသွားရောက်ခဲ့ပြီး တောင်ပိုင်းဒေသရဲ့ နေရာအများစုကို လည်ပတ်ခဲ့တယ်။

ဒါ့အပြင် ဒီကာလအတွင်းမှာ သူက ကိုယ့်ကိုယ်ကိုယ် အဆက်မပြတ် ပိုမိုကောင်းမွန်အောင်လုပ်ပြီး အံ့ဖွယ်စွမ်းအား၊ ရုပ်ခန္ဓာပြောင်းလဲခြင်းကို အဆက်မပြတ် လေ့ကျင့်ဖို့ ကြိုးစားခဲ့တယ်။ သူက အလိုအလျောက်ကျင့်ကြံခြင်းစနစ်ကိုသုံးပြီး ရုပ်ခန္ဓာပြောင်းလဲခြင်းတစ်မျိုးတည်းကို အဲ့ဒီအံ့ဖွယ်စွမ်းအားက အင်မော်တယ်တွေဆီကနေ ပိုပြီးဖုံးကွယ်နိုင်ဖို့ မျှော်လင့်ချက်နဲ့ ကျင့်ကြံတယ်။

တစ်ချိန်တည်းမှာ သူက အမှောင်မီးလျှံက သွေးမျိုးဆက်သလင်းကျောက်လေဟာနယ်စစ်မှန်နဂါးနဲ့ အမွေအနှစ်သလင်းကျောက်လေဟာနယ်ကျမ်းနဲ့ လုံးဝပေါင်းစည်းသွားပြီး သူ့ရဲ့ဆင့်ကဲပြောင်းလဲမှုကို ပြီးမြောက်ဖို့ကိုလည်း စောင့်နေခဲ့တယ်။

မျက်စိတစ်မှိတ်အတွင်းမှာ တစ်လကြာသွားတယ်။

တင်း!

“အဆသန်းတစ်ရာ မြှင့်တင်မှုအောက်တွင် သာမန်ဝိညာဉ်သားရဲ: အမှောင်မီးလျှံက ရက် ၃၀ ကြာ ကြီးထွားခဲ့ပြီး သွေးမျိုးဆက်သလင်းကျောက်လေဟာနယ်စစ်မှန်နဂါးနှင့် အမွေအနှစ်သလင်းကျောက်လေဟာနယ်ကျမ်းနှင့် အပြည့်အဝပေါင်းစပ်ခဲ့ပါတယ်။သူက မကြုံစဖူးထူးခြားတဲ့ ပြောင်းလဲမှုနဲ့ ဆင့်ကဲပြောင်းလဲမှုတစ်ခုကို ပြီးမြောက်သွားပြီး သာမန်အင်မော်တယ်သားရဲ: လေဟာနယ်စစ်မှန်နဂါး ဖြစ်လာခဲ့ပါတယ်။သူကနေရာလွတ်တာအိုနဲ့လေဟာနယ်တာအိုကို နားလည်ခဲ့ပါတယ်။သူ့ရဲ့ ကြီးထွားမှု အကန့် အသတ်ကလျှို့ဝှက်နက်နဲကမ္ဘာရဲ့ အကန့်အသတ်ကို ကျော်လွန်သွားတာကြောင့် ကောင်းကင်နဲ့မြေကြီးက ကန့်သတ်ထားပြီး မဟာယနအဆင့်အထိသာ ကြီးထွားနိုင်ပါတယ်။”

အသိပေးချက်တစ်ခု ပေါ်လာတယ်။

“ဟားဟားဟား…” ချီမင်က ခေါင်းမော့ပြီး အကျယ်ကြီးရယ်မောလိုက်တယ်။ သူ့မျက်နှာပေါ်က ပျော်ရွှင်မှုကို မဖုံးကွယ်နိုင်တော့ဘူး“ကောင်းတယ်၊ ကောင်းတယ်၊ ကောင်းတယ်။ ဒါ တကယ်ကောင်းတယ်။ သွေးမျိုးဆက်သလင်းကျောက်လေဟာနယ်စစ်မှန်နဂါး နဲ့ အမွေအနှစ်သလင်းကျောက်လေဟာနယ်ကျမ်း ကိုအပြည့်အဝ ပေါင်းစည်းပြီးသွားပြီ။ ဒါက အမှောင်မီးလျှံကို သာမန်ဝိညာဉ်သားရဲကနေ သာမန်အင်မော်တယ်သားရဲအဖြစ် တိုက်ရိုက်ကြီးထွားစေသွားတယ်၊ လက်ရွေးစင်ဝိညာဉ်သားရဲနဲ့ ရှားပါးဝိညာဉ်သားရဲအဆင့်တွေကို ကျော်သွားတယ်။”

“သူ့ရဲ့ကျင့်ကြံမှုအဆင့်က မဟာယနအဆင့်အထိ တိုက်ရိုက်ကြီးထွားသွားပြီး လျှို့ဝှက်နက်နဲကမ္ဘာရဲ့ အထွတ်အထိပ်ကို ရောက်သွားပြီ။”

“ဒါက ကောင်းကင်နဲ့မြေကြီး ယင်းလုံထက် အများကြီး ပိုအားကောင်းတယ်။”

“ဘာပဲဖြစ်ဖြစ် ကောင်းကင်နဲ့မြေကြီး ယင်းလုံက အင်မော်တယ်သားရဲ မဟုတ်ဘူး။”

“ကြယ်ရွှေ့ပြောင်းခြင်း။”

ချီမင်က သူ့ရဲ့ညာဘက်လက်ကို ဝှေ့ယမ်းပြီး ကောင်းကင်လျှို့ဝှက်ချက်ကို ဖုံးကွယ်ဖို့ လျှို့ဝှက်နက်နဲနည်းစနစ်တစ်ခုကို သုံးလိုက်တယ်။ သူကသီးခြားနေရာလွတ်တစ်ခုကို ပြောင်းလဲလိုက်ပြီး ပတ်ဝန်းကျင်ကို စည်းခတ်ကာ သူ့ရဲ့အရှိန်အဝါကို လုံးဝဖုံးကွယ်ထားလိုက်တယ်။

“အမှောင်မီးလျှံ၊ မင်း ထွက်လာလို့ရပြီ။”

အနက်ရောင်အလင်းတစ်ခု လင်းလက်သွားပြီး ထူထဲတဲ့ မီးခိုးရောင်မြူတွေကတွဲပါလာတယ်။ နေရာလွတ်က လှိုင်းထသွားတယ်။ တောက်ပတဲ့အလင်းရောင် ပျောက်ကွယ်သွားတော့ အမှောင်မီးလျှံရဲ့ တကယ့်ခန္ဓာက ချီမင်ရဲ့အမြင်အာရုံထဲမှာ ပေါ်လာတယ်။

နဂါးဟိန်းသံတစ်ခုက ကောင်းကင်နဲ့မြေကြီးကို တုန်ခါသွားစေတယ်။

ကောင်းကင်နဲ့မြေကြီးက တုန်ခါနေပုံရတယ်။ ချီမင်က ကြယ်ရွှေ့ပြောင်းခြင်းမဟာအံ့ဖွယ်စွမ်းအားကိုသုံးပြီး ဒီကမ္ဘာရဲ့အရှိန်အဝါကို ဖုံးကွယ်ကာ အမှောင်မီးလျှံကြောင့် ဖြစ်ပေါ်လာတဲ့ လှုပ်ရှားမှုကို လုံးဝပိတ်ဆို့လိုက်လို့ ဘယ်သူမှ သူ့ကို မတွေ့နိုင်တော့ဘူး။

အမှောင်မီးလျှံရဲ့ အသံပို့ချက်က ချီမင်ရဲ့စိတ်ထဲမှာ ထွက်ပေါ်လာတယ် “ကျွန်တော် လေဟာနယ်စစ်မှန်နဂါး ဖြစ်သွားပြီ။ လျှို့ဝှက်နက်နဲကမ္ဘာရဲ့အကန့်အသတ်ကို ရောက်သွားပြီ။ ဒါကြောင့် ကျွန်တော့်ကို ကောင်းကင်နဲ့မြေကြီးက ကန့်သတ်ထားပြီးစစ်မှန်တဲ့အင်မော်တယ်သားရဲတော့ မဖြစ်နိုင်သေးဘူး။”

“အဆင်ပြေပါတယ်။”

ချီမင်က လေဟာနယ်စစ်မှန်နဂါးအဖြစ် လုံးဝဆင့်ကဲပြောင်းလဲသွားတဲ့ အမှောင်မီးလျှံကို ကြည့်လိုက်တယ်။ သူက အရမ်းကျေနပ်နေတယ်။ သူ ကြည့်လေလေ ပိုကျေနပ်လေဖြစ်လာတယ်။ ကြီးမားတဲ့ စစ်မှန်နဂါးခန္ဓာက သူ့ရှေ့မှာ ပေါ်လာတယ်။

ဒါက တကယ့်ကို စစ်မှန်နဂါးတစ်ကောင်ဖြစ်တယ်။

ခြေသည်းသုံးချောင်း စစ်မှန်နဂါးတစ်ကောင်ဖြစ်တယ်။

ကွေးကောက်နေတဲ့ တောင်တန်းတစ်ခုလိုမျိုး လည်ပတ်နေတဲ့ ကြီးမားတဲ့ နဂါးခန္ဓာက သူ့ရဲ့ကျင့်ကြံမှုအကန့်အသတ်ကြောင့် လုံးဝမပြည့်စုံသေးဘူး။ ဘာလို့လဲဆိုတော့ သူက အခုမှ ပြီးပြည့်စုံတဲ့ပြောင်းလဲမှုနဲ့ ဆင့်ကဲပြောင်းလဲမှုကို ပြီးမြောက်သွားတာဖြစ်တယ်။ ဒီလိုဖြစ်နေရင်တောင် စစ်မှန်နဂါးခန္ဓာက မီတာတစ်သောင်းမြင့်နေသေးတယ်။

ကြီးမားတဲ့ နဂါးခေါင်း၊ ကြောက်မက်ဖွယ်ကောင်းတဲ့ နဂါးဦးချိုတွေနဲ့ လွင့်မျောနေတဲ့ နဂါးနှုတ်ခမ်းမွေးတွေအပြင် အနက်ရောင်နဂါးအကြေးခွံတွေကဖုံးလွှမ်းနေတယ်။ ထူထဲတဲ့ မီးခိုးရောင်မြူခိုးတွေ ပျံ့နှံ့ထွက်လာပြီး သူ့တစ်ကိုယ်လုံးမှာ ပြည့်နှက်သွားတယ်။

“ဒီအဆင့်ကို ရောက်နေတာကအားကောင်းနေပါပြီ။”

ချီမင်က ပြောတယ် “အဲ့ဒီအပြင် မင်းက လေဟာနယ်စစ်မှန်နဂါး ဖြစ်နေရင်တောင် အင်မော်တယ်သားရဲ ဖြစ်ချင်ရင် အတိဒုက္ခကျော်လွှားခြင်းအဆင့်မှာ ကောင်းကင်အတိဒုက္ခကိုးခုကို ကြုံတွေ့ရဦးမယ်။ စောသေးတယ်။ စိတ်မပူနဲ့။”

“ဟုတ်ကဲ့ပါ သခင်။” အမှောင်မီးလျှံက ပြန်ဖြေတယ်။

“ဝိညာဉ်သားရဲနေရာကို ပြန်သွားပြီး မင်းရဲ့ကျင့်ကြံမှုနဲ့ ခွန်အားကို အမြန်ဆုံး ပြန်လည်ကောင်းမွန်အောင်လုပ်လိုက်။”

“ဟုတ်ကဲ့။” အမှောင်မီးလျှံက ပြန်ဖြေတယ်။

အလင်းတစ်ချက် လင်းလက်သွားတယ်။

အမှောင်မီးလျှံက လေထဲမှာ ပျောက်ကွယ်သွားပြီး အနက်ရောင်အလင်းတန်းတစ်ခုအဖြစ် ပြောင်းလဲကာ ဝိညာဉ်သားရဲကြီးထွားတဲ့နေရာထဲကို ဝင်ရောက်သွားတယ်။ ဝိညာဉ်သားရဲကြီးထွားတဲ့နေရာလို့ခေါ်တဲ့အရာက အစစ်အမှန်နဲ့ ပုံရိပ်ယောင်ကြားမှာ တည်ရှိပြီး စကားလုံးတွေနဲ့ ဖော်ပြရခက်တဲ့ အခြေအနေတစ်ခုဖြစ်တယ်။

ခုနစ်ရက်အကြာမှာ ချီမင်က တောင်ပိုင်းဒေသကနေ ထွက်ခွာပြီး ဗဟိုဒေသကို ဦးတည်သွားလိုက်တယ်။ သူက တောင်ပိုင်းဒေသနဲ့ ဗဟိုဒေသကြားက နယ်စပ်ကို ရောက်ရှိလာတယ်။ ဗဟိုဒေသတစ်ခုလုံးက တောင်ပိုင်းဒေသနဲ့ လုံးဝခွဲခြားထားတယ်။

တောင်ပိုင်းဒေသတစ်ခုတည်း မဟုတ်ဘူး။

ဗဟိုဒေသက ဒေသလေးခုနဲ့ ခွဲခြားထားတယ်။

စိတ်ကူးလို့ တောင်မရဘူး။

ဒါ ဘယ်လိုစွမ်းအားမျိုးလဲ။ ဗဟိုဒေသတစ်ခုလုံးကို ဒေသလေးခုကနေ ခွဲထုတ်ပြီး တကယ့်ဗဟိုဒေသတစ်ခုကို ဖွဲ့စည်းကာ ကောင်းကင်တံခါးလေးခုကို တည်ဆောက်ထားတယ်။

အဲ့ဒါတွေက အရှေ့ကောင်းကင်တံခါး၊ တောင်ပိုင်းကောင်းကင်တံခါး၊ အနောက်ကောင်းကင်တံခါးနဲ့ မြောက်ပိုင်းကောင်းကင်တံခါးတို့ပဲ။

ပြီးတော့ ကောင်းကင်တံခါးတိုင်းကို အင်မော်တယ်တွေက ကာကွယ်ပေးထားတယ်။

သူတို့တစ်ယောက်ချင်းစီက တာအိုပေါင်းစည်းခြင်းအဆင့်နဲ့ နှိုင်းယှဉ်နိုင်တယ်။

အင်မော်တယ်တွေရဲ့ ခွင့်ပြုချက်မရှိဘဲ ဒေသလေးခုက သက်ရှိတွေက ဗဟိုဒေသထဲကို မဝင်နိုင်ဘူး။ တကယ်တော့ သူတို့က ကောင်းကင်တံခါးလေးခုကို ချဉ်းကပ်ရင် အစောင့်တွေက သတ်ပစ်လိမ့်မယ်။

ဘယ်သူမှ ချဉ်းကပ်ခွင့်မရှိဘူး။

ချဉ်းကပ်လာတဲ့သူတွေက သေသွားလိမ့်မယ်။ အင်မော်တယ်တွေ ဘယ်လောက်လွှမ်းမိုးနိုင်စွမ်းရှိတယ်ဆိုတာ ထင်ရှားတယ်။

ချီမင်က လေဟာနယ်ကို ဖြတ်ကျော်ပြီး တောင်ပိုင်းကောင်းကင်တံခါးရှေ့ကို ရောက်လာတယ်။

နက္ခတ်တာရာအလွှာထဲမှာ တောင်ပိုင်းကောင်းကင်တံခါးက မားမားမတ်မတ် ရပ်တည်နေတယ်။ အဲ့ဒါက မီတာတစ်သောင်းမြင့်ပြီး ခမ်းနားထည်ဝါတယ်။ ပန်းပုအမျိုးမျိုးကိုလည်း ထွင်းထုထားတယ်။ ကြီးမားတဲ့ တောင်ပိုင်းကောင်းကင်တံခါးဘေးမှာ တာအိုပေါင်းစည်းခြင်းအဆင့် အင်မော်တယ်နှစ်ယောက်က မျက်စိမှိတ်ပြီး အနားယူနေကြတယ်။

သေချာကြည့်လိုက်ရင် ကြည်လင်တဲ့ အရောင်ခုနစ်ရောင်ရှိတဲ့ အလင်းမျက်နှာပြင်တစ်ခုက တောင်ပိုင်းကောင်းကင်တံခါးကနေ ကျဆင်းနေတယ်။

“ဘာလဲ။” ညာဘက်က တာအိုပေါင်းစည်းခြင်းအဆင့် အင်မော်တယ်က မျက်လုံးဖွင့်ပြီး ချီမင်ကို အကဲခတ်လိုက်တယ်။ သူက ခဏလောက် စဉ်းစားလိုက်တယ် “ရန်ပေါင်ချီ၊ မင်းတို့ငါးယောက်ကတစ်ခုခုလုပ်ဖို့ ထွက်သွားတာမလား။ ဘာလို့ မင်းတစ်ယောက်တည်း ပြန်လာတာလဲ။ ကျန်တဲ့လေးယောက် ဘယ်မှာလဲ။”

“…” ချီမင်က တိတ်ဆိတ်နေတယ်။ သူ့ရဲ့အမူအရာက ဒီအကြောင်းကို မပြောချင်သလိုနည်းနည်းမကောင်းဘူး။

ဘယ်ဘက်က တာအိုပေါင်းစည်းခြင်းအဆင့် အင်မော်တယ်ကလည်း မျက်လုံးဖွင့်လိုက်တယ်။သိသိသာသာကိုသူက နည်းနည်းစိတ်ဝင်စားနေတယ်။ သူက ချီမင်ကို ခပ်ပြုံးပြုံးလေး ကြည့်လ်ိုက်တယ်“တစ်ခုခုဖြစ်ခဲ့ပုံပဲ။”

“တော်ပြီ။” ချီမင်က အသံတိုးတိုးနဲ့ ပြောတယ် “တောင်ပိုင်းကောင်းကင်တံခါးကို ဖွင့်။ ငါ ပြန်ပြီး သတင်းပို့ချင်တယ်။” “ကျေးဇူးပြုပြီး မင်းရဲ့ အင်မော်တယ်ဘုရင် အမွေခံတိုကင်ကို ပြပါ။” ညာဘက်က တာအိုပေါင်းစည်းခြင်းအဆင့် အင်မော်တယ်က ပခုံးတွန့်လိုက်တယ်။

“မင်းတို့ ငါ့ကို မသိဘူးလား။ ငါ့ကို အင်မော်တယ်ဘုရင် အမွေခံတိုကင်ကို ပြခိုင်းဖို့ လိုသေးလို့လား။” “ဒါက စည်းမျဉ်းပဲ။” ညာဘက်က တာအိုပေါင်းစည်းခြင်းအဆင့် အင်မော်တယ်က အကူအညီမဲ့စွာပြောတယ် “ငါတို့က စည်းမျဉ်းအတိုင်းပဲ လုပ်ဆောင်နေတာ။” “မင်း…” ချီမင်ရဲ့ အမူအရာက မည်းသည်းသွားတယ်။

“အမွေခံတပည့် ရန်ပေါင်ချီ။” ဘယ်ဘက်က တာအိုပေါင်းစည်းခြင်းအဆင့် အင်မော်တယ်က ပြောတယ်”မင်းရဲ့ ညံ့ဖျင်းမှုအတွက် ငါတို့ကို အပြစ်မတင်နဲ့။ အမြန်လုပ်ပြီး အင်မော်တယ်ဘုရင် အမွေခံတိုကင်ကို ထုတ်လိုက်။ ငါတို့အတွက် အလုပ်ရှုပ်သက်သာတယ်။”

“ဟွန်း။” ချီမင်က အေးစက်စွာ နှာမှုတ်လိုက်တယ်။ အတွေးတစ်ချက်နဲ့ သူက ရန်ပေါင်ချီရဲ့ သိုလှောင်လက်စွပ်ထဲက လင်းလုံရဲ့ အမွေခံတပည့် လို့ ထွင်းထုထားတဲ့ ဆဋ္ဌဂံပုံတိုကင်တစ်ခုကို ထုတ်ယူပြီး တာအိုပေါင်းစည်းခြင်းအဆင့် အင်မော်တယ်နှစ်ယောက်ဆီကို ပစ်ပေးလိုက်တယ်။

“တိုကင် မှန်တယ်။” တာအိုပေါင်းစည်းခြင်းအဆင့် အင်မော်တယ်နှစ်ယောက်က တစ်ယောက်ကိုတစ်ယောက် ကြည့်ပြီး တိုကင်ကို ချီမင်ဆီကို ပြန်ပေးလိုက်တယ်။ သူတို့က ပြုံးလိုက်တယ်“ကျေးဇူးပြုပြီး ကောင်းကောင်းသိမ်းထားပါ။”

“အမြန်လုပ်ပြီး တောင်ပိုင်းကောင်းကင်တံခါးကို ဖွင့်။”

“ဖွင့်။”

တာအိုပေါင်းစည်းခြင်းအဆင့် အင်မော်တယ်နှစ်ယောက်က သော့လို့ထင်ရတဲ့ လှံနှစ်ချောင်းကို ကိုင်ထားတယ်။ သူတို့က အဲ့ဒါတွေကို ကြက်‌ခြေခတ်ထားပြီး တောင်ကောင်းကင်တံခါးရဲ့ အလယ်ဗဟိုမှာ ထားကာ ဖြည်းဖြည်းချင်း ဆွဲခွာလိုက်ကြတယ်။

တောင်ပိုင်းကောင်းကင်တံခါးကနေ ကျဆင်းလာတဲ့ အရောင်ကိုးရောင်ရှိတဲ့ အလင်းမျက်နှာပြင်က လိုက်ကာတစ်ခုလို ဖြည်းဖြည်းချင်း ပွင့်သွားပြီး အလယ်အလတ်အရွယ် ဝင်ပေါက်တစ်ခုကို ထွက်‌ ပေါ်တယ်။

ချီမင်က နောက်ဆုံးတော့ ဝင်နိုင်ပြီ။

“အမွေခံတပည့် ရန်ပေါင်ချီ၊ ကျေးဇူးပြုပြီး။” တာအိုပေါင်းစည်းခြင်းအဆင့် အင်မော်တယ်နှစ်ယောက်က ပြောတယ်။

“…” ချီမင်က အမူအရာမဲ့စွာ လျှောက်ဝင်သွားတယ်။

သူက တောင်ပိုင်းကောင်းကင်တံခါးကို ဖြတ်ကျော်သွားတယ်။

ချီမင်က ဗဟိုဒေသထဲကို ဝင်ရောက်သွားတယ်။ အထဲက ဝိညာဉ်စွမ်းအင်ရဲ့ သိပ်သည်းမှုက ဒေသလေးခုနဲ့ လုံးဝမတူဘူး။ သူတို့က လုံးဝကွဲပြားတဲ့ အယူအဆနှစ်ခုလို့တောင်ဆိုလို့ရတယ်။

“ဒီလောက် ကြွယ်ဝတဲ့ ဝိညာဉ်စွမ်းအင်။” ချီမင်က တုန်လှုပ်ချောက်ချားသွားတယ် “ဗဟိုဒေသက တကယ်ပဲ။ အင်မော်တယ်တွေရဲ့ နယ်မြေပဲ။ အင်မော်တယ်တွေက ဗဟိုဒေသကို ဒေသလေးခုနဲ့ လုံးဝခွဲထုတ်ထားတာ အံ့ဩစရာမရှိဘူး။” “သူတို့သာ လုံးဝမခွဲထုတ်ခဲ့ရင် ဒီလောက်ကြွယ်ဝတဲ့ ဝိညာဉ်စွမ်းအင်က ဒေသလေးခုထဲကို သေချာပေါက် စီးဝင်သွားမှာပဲ။ အဲ့တာဆိုအင်မော်တယ်တွေအတွက် ကြီးမားတဲ့ ဆုံးရှုံးမှုဖြစ်သွားလိမ့်မယ်။”

“အင်မော်တယ်ဘုရင် ကောင်းကင်ဂူ ဖွင့်ဖို့ လေးငါးလလောက် ကျန်သေးတယ်။”

ချီမင်က ခဏလောက် စဉ်းစားလိုက်တယ် “ငါ့ရဲ့လက်ရှိအထောက်အထားက အင်မော်တယ်ဘုရင် လင်းလုံရဲ့ အမွေခံတပည့် ရန်ပေါင်ချီပဲ။ နောက်ပိုင်းမှာ ငါက သူ့အကြောင်း အရာအားလုံးကို အမွေဆက်ခံရမယ်။ အင်မော်တယ်ဘုရင် ကောင်းကင်ဂူ ဖွင့်တဲ့အထိ သူ့ရဲ့ကိုယ်ရည်ကိုယ်သွေးကို အတုခိုးပြီး ဟန်ဆောင်ရမယ်။”

“အဲ့ဒီမတိုင်ခင် ငါက အင်မော်တယ်ဘုရင် လင်းလုံနဲ့ အနည်းဆုံးနည်းနိုင်သလောက် တွေ့ရမယ်။”

ဒီလိုတွေးပြီး ချီမင်က ချက်ချင်းပျံသန်းထွက်သွားတယ်။ သူတွက်ချက်ထားတဲ့ သတင်းအချက်အလက်အရ သူက ရန်ပေါင်ချီရဲ့ ဂူစံအိမ်ဘက်ကို လျှောက်သွားပြီး သူ့ရဲ့ပုံရိပ်က အဝေးကို ပျောက်ကွယ်သွားတယ်။

ကောင်းကင်တံခါးလေးခုကနေ ဗဟိုဒေသထဲကို ဝင်ရောက်တာအပြင် ခိုးဝင်လို့လည်း ရသေးတယ်။ အဲ့ဒီတုန်းက ကောင်းကင်ဘုံဉာဏ်အလင်းဂိုဏ်းရဲ့ တပည့်တွေနဲ့ အကြီးအကဲတွေက ခိုးဝင် ပြီး ဗဟိုဒေသထဲကို ဝင်ရောက်ကာ အင်မော်တယ်မျိုးနွယ်အကြောင်း စုံစမ်းခဲ့ကြတယ်။ ကံမကောင်းစွာနဲ့ ခိုးဝင်သွားတဲ့ ကောင်းကင်ဘုံဉာဏ်အလင်းဂိုဏ်း တပည့်တွေနဲ့ အကြီးအကဲတွေကအင်မော်တယ်တွေဆီမှာအကြိမ်ပေါင်းများစွာ ဖမ်းဆီးခံခဲ့ရတယ်။

ဘာအကျိုးသက်ရောက်မှုမှ မရှိဘူး။

“ငါ မှတ်မိသလောက်ဆိုရင် ဒီတစ်ခါ အင်မော်တယ်ဘုရင် အမွေခံတပည့်ငါးယောက်က တစ်ခုခုလုပ်ဖို့ ထွက်သွားပေမဲ့ ရန်ပေါင်ချီတစ်ယောက်တည်း ပြန်လာတယ်။ ကျန်တဲ့လေးယောက်ကတော့ ကံမကောင်းဘူးထင်တယ်။” ညာဘက်က တာအိုပေါင်းစည်းခြင်းအဆင့် အင်မော်တယ်က ပြောတယ်။

“ဒီအင်မော်တယ်ဘုရင် အမွေခံတပည့်တွေက အရည်အချင်းကအရမ်းကို မြင့်မားပေမဲ့ တိုက်ခိုက်ရေးမှာ မကောင်းဘူးဆိုတာသိသာတယ်။ သူတို့က အသင်္ချေ အင်မော်တယ်တောင်မှာ မင်းသားတွေလို နေသားကျနေပြီးဘာမှမလုပ်နိုင်တော့ဘူး။”

ဘယ်ဘက်က တာအိုပေါင်းစည်းခြင်းအဆင့် အင်မော်တယ်က ခေါင်းညိတ်တယ်“အင်မော်တယ်ဘုရင် အမွေခံတပည့်ငါးယောက်ထဲက လေးယောက်သေသွားတယ်။ သူတို့က ဒေသလေးခုကို ရွှံ့နဲ့လုပ်ထားတယ်လို့ တကယ်ပဲ ထင်နေတာလား။ သူတို့ကို ဒီလောက် လွယ်လွယ်ကူကူ ထိန်းချုပ်လို့ရတယ်ထင်‌ နေတယ်။”

“ဒီအင်မော်တယ်ဘုရင် အမွေခံတပည့်တွေက အရမ်း မောက်မာကြတယ်။”

တာအိုပေါင်းစည်းခြင်းအဆင့် အင်မော်တယ်နှစ်ယောက်က အသင်္ချေ အင်မော်တယ်တောင်မှာ နေထိုင်တဲ့ အင်မော်တယ်ဘုရင် အမွေခံတပည့်တွေကို မကြိုက်ကြဘူး။

မနာလိုမှုနဲ့ မုန်းတီးမှုတွေ ရှိကြတယ်။ ဒါကလည်း အရမ်းကိုသာမန်ဖြစ်တယ်။

အသင်္ချေ အင်မော်တယ်တောင်ကို သွားတဲ့လမ်းမှာ ချီမင်က ရှေ့ဆက်ပြီး ပျံသန်းသွားတယ်။ သူက ဗဟိုဒေသက နေရာအများအပြားကို ဖြတ်ကျော်သွားပြီး အဲ့ဒီက အရာအများအပြားကို မြင်တွေ့ခဲ့ရတယ်။

အင်မော်တယ်တွေ သိပ်မများဘူး။

အင်မော်တယ်တွေက ကောင်းကင်နဲ့မြေကြီးက မွေးဖွားလာတဲ့ စိတ်ဝိညာဉ်တွေဖြစ်တယ်။

ဗဟိုဒေသမှာ ချီမင်က နတ်ဆိုးအမျိုးမျိုး၊ လူသားတွေ၊ နတ်ဆိုးတစ်ဝက်၊နတ်ဘုရားတစ်ဝက်တွေ၊ မိစ္ဆာတွေနဲ့ သရဲတွေကို အများဆုံးမြင်တွေ့ခဲ့ရတယ်။ ဒါပေမဲ့ ဗဟိုဒေသမှာ အင်မော်တယ်တွေက အလေးစားခံရဆုံးဖြစ်တယ်။ ကျန်တဲ့မျိုးနွယ်ငါးခုကတော့ နိမ့်ကျတဲ့ ဖြစ်တည်မှုတွေချည်းဖြစ်တယ်။

အင်မော်တယ်တွေက မြင့်မားပြီး တခြားမျိုးနွယ်ငါးခုကတော့ နိမ့်ကျတယ်။ လူတန်းစားခွဲခြားမှုက သိသာတယ်။

ဒါ့အပြင် အင်မော်တယ်တွေ အချင်းချင်း လက်ထပ်တဲ့အခါ အင်မော်တယ်တွေကိုလည်း မွေးဖွားနိုင်တယ်။

သူတို့ကို ဒုတိယမျိုးဆက် အင်မော်တယ်တွေလို့ ယူဆတယ်။

ဒုတိယမျိုးဆက် အင်မော်တယ်တွေ ထပ်လက်ထပ်ရင် တတိယမျိုးဆက် အင်မော်တယ်တွေကိုလည်း မွေးဖွားနိုင်တယ်။

အခုရှေးဟောင်းခေတ်ကတည်းကဆို ကပ်ဘေးဒုက္ခတစ်ခုစာလောက် အချိန်ရှိနေပြီ။

အင်မော်တယ်တွေက မျိုးဆက်ပေါင်း (၁၂၉,၆၀၀) ကြုံတွေ့ခဲ့ပြီးပြီ။

ဒါ့အပြင် ရန်ပေါင်ချီရဲ့ နောက်ခံက မရိုးရှင်းဘူး။

သူက တကယ်တော့ ဒုတိယမျိုးဆက် အင်မော်တယ်တစ်ယောက်ဖြစ်တယ်။

ရန်ပေါင်ချီက ကောင်းကင်နဲ့မြေကြီးက မွေးမြူထားတဲ့ အင်မော်တယ်တစ်ယောက် မဟုတ်ဘူး။ သူ့မှာ မိဘတွေရှိတယ်။ သူ့ရဲ့မိဘတွေက ကောင်းကင်နဲ့မြေကြီးက မွေးဖွားလာတဲ့ ပထမမျိုးဆက် အင်မော်တယ်တွေဖြစ်တယ်။ သူတို့ရဲ့အဆင့်အတန်းက အင်မော်တယ်မျိုးနွယ်မှာ အရမ်းမြင့်မားပြီး အင်မော်တယ်ဘုရင်တွေရဲ့အောက်မှာပဲ ရှိတယ်။