ဆုလာဘ်
Vol. 15 Ch. 225
“ဒီကိစ္စရဲ့ အမှန်တရားကို အခုငါသိပြီဆိုပေမဲ့ ပြောရင်လည်း ဘယ်သူမှ ယုံမှာမဟုတ်ဘူး။ ဒါ့အပြင် ဒီအခြေအနေက ကပ်ဘေးဒုက္ခတော်တော်များများရဲ့ အချိန်ကာလကို ကျော်ဖြတ်ခဲ့ပြီးပြီ။ မူလအစအင်မော်တယ်ဘုရင်က အစီအစဉ်ကို ဒီလောက်ကြာအောင်တောင် ချမှတ်ထားတာ။ အခွင့်ရေးယူစရာ အားနည်းချက်တွေ မရှိဘူး။”
ချီမင်က အသက်ပြင်းပြင်းရှုလိုက်ပြီး သူ့မျက်နှာအမူရာလေးနက်သွားတယ်”ငါသာ သန့်စင်ခြင်းသုံးပါးတာအိုကျမ်းကို မကျင့်ကြံဘဲ ဖရိုဖရဲ ကောင်းကင်နဲ့မြေကြီး မဟာတာအို စာလုံးကို နောက်ထပ်နားမလည်ဘဲ ဖရိုဖရဲ မဟာတာအိုကျမ်း ပထမအတွဲကို မဖန်တီးဘဲ အချိန်ကာလရတနာကမ္ဘာ့တံခါးရဲ့ မူလအစစွမ်းအင်ရဲ့ ဆယ်ပုံတစ်ပုံကို မရရင် ငါတောင် အမှန်တရားကို သိမှာမဟုတ်ဘူး။”
“အင်မော်တယ်မျိုးနွယ်ရဲ့ ပန်းတိုင်အစစ်ကို ဘာလို့ အဲဒီတုန်းက မတွက်ချက်နိုင်ခဲ့တာလဲလို့ မအံ့ဩတော့ဘူး။ ဘာကြောင့် အတင်းအကျပ် တွက်ချက်တိုင်း ကပ်ဘေးဒုက္ခနဲ့ ကြုံပြီး တကယ်ပဲ သေမလို ဖြစ်ရတာလဲလို့ မအံ့ဩတော့ဘူး။”
“ဒါဆို ဒီအရာအားလုံးရဲ့ နောက်ကွယ်မှာ တကယ့်ကို ကြိုးကိုင်ခြယ်လှယ်နေတဲ့ သူက မူလအစအင်မော်တယ်ဘုရင်ပဲ။ သူက အရာအားလုံးကို ထိန်းချုပ်နေတယ်။ သူ့ရဲ့ ပန်းတိုင်ကို အောင်မြင်ဖို့အတွက် လျှို့ဝှက်နက်နဲကမ္ဘာတစ်ခုလုံးကို မြှုပ်နှံပစ်ဖို့ကိုတောင် မတွန့်ဆုတ်ဘူး။”
ချီမင်သာ မူလအစအင်မော်တယ်ဘုရင်ကို အတင်းအကျပ် တွက်ချက်ခဲ့မယ်ဆိုရင် သူ့ကို သေချာပေါက် သတိပေးသလ်ိုဖြစ်သွားလိမ့်မယ်။ ချီမင်ရဲ့ လက်ရှိကျင့်ကြံခြင်းအဆင့်နဲ့ ခွန်အားနဲ့ဆိုရင် ကောင်းကင်နဲ့မြေကြီးရဲ့ တန်ပြန်မှုကို တားဆီးနိုင်ခဲ့ရင်တောင် မူလအစအင်မော်တယ်ဘုရင်ကို တားဆီးနိုင်မှာမဟုတ်ဘူး။
မူလအစအင်မော်တယ်ဘုရင်က အခုထိ အရမ်းအားနည်းနေသေးပေမဲ့ ချီမင်က သူ့ရဲ့ ပြိုင်ဘက် မဖြစ်နိုင်သေးဘူး။
နှစ်ဖက်ကြားက ကွာခြားချက်က အရမ်းကြီးလွန်းတယ်။
အံ့ဖွယ်စွမ်းအားတစ်မျိုးနှစ်မျိုးနဲ့ ဖြည့်ပေးလို့ မရဘူး။
မူလအစအင်မော်တယ်ဘုရင်က စွမ်းအားကြီးတဲ့ အံ့ဖွယ်စွမ်းအားနည်းစနစ်ကို သေချာပေါက် ကျွမ်းကျင်ထားပြီးဖြစ်လိမ့်မယ်။
မူလအစအင်မော်တယ်ဘုရင်ရဲ့ အမြင်မှာ လျှို့ဝှက်နက်နဲကမ္ဘာတစ်ခုလုံးက သူ့ရဲ့ အင်မော်တယ်ခန္ဓာကိုယ်ကနေ ဖြစ်ပေါ်လာတယ်။ကမ္ဘာပေါ်က အရာရာတိုင်း၊ နတ်ဆိုးတွေ၊မိစ္ဆာတွေ၊ သရဲတွေ၊ လူသားတွေနဲ့ အင်မော်တယ်တွေ အပါအဝင် အားလုံးက သူ့ရဲ့ တစ်စိတ်တစ်ပိုင်းဖြစ်တယ်။
မူလအစအင်မော်တယ်ဘုရင်ရဲ့ လုပ်ရပ်တွေက သူ့ရဲ့ပိုင်ဆိုင်မှုတွေကို ပြန်ယူတာဖြစ်တယ်။
“အရင်တုန်းက ငါသာ အချိန်ကာလရတနာကမ္ဘာ့တံခါးကို သန့်စင်ဖို့ ကြိုးစားရင် မူလအစအင်မော်တယ်ဘုရင်ကို သေချာပေါက် သတိပေးမိမှာပဲ။ ဒါကြောင့် ကပ်ဘေးနဲ့ ကြုံရလိမ့်မယ်။”
“အဲဒီတုန်းက ကြိုတင်သတိပေးမှုရှိလို့ပဲ။”
“ဒါပေမဲ့ အခုတော့ မတူတော့ဘူး။”
“ငါက အချိန်ကာလရတနာကမ္ဘာ့တံခါးကို သန့်စင်ဖို့ မကြိုးစားဘူး။ အဲဒီအစား ငါက ဖရိုဖရဲအရောင် ကောင်းကင်နဲ့မြေကြီး မဟာတာအို စာလုံးကို နားလည်ခဲ့လို့ အချိန်ကာလရတနာကမ္ဘာ့တံခါးကို ကျွမ်းကျင်ဖို့ အခြေအနေတွေကို ပြည့်မီခဲ့တယ်။ အချိန်ကာလရတနာကမ္ဘာ့တံခါးကငါ့ခန္ဓာကိုယ်ထဲကို ပေါင်းစပ်ဝင်ရောက်လာပြီးပြီးဆိုပေမယ့် မူလအစအင်မော်တယ်ဘုရင်ကို သဘာဝအတိုင်း သတိပေးမိမှာ မဟုတ်ဘူး။”
“ဒါက မူလအစအင်မော်တယ်ဘုရင်က နေ့ရောညပါ သန့်စင်နေခဲ့လို့ဖြစ်တယ်။ သူက ဖရိုဖရဲ ကောင်းကင်နဲ့မြေကြီး မဟာတာအို စာလုံးကို နားမလည်နိုင်ခဲ့ရင်တောင် အချိန်ကာလရတနာကမ္ဘာ့တံခါးရဲ့ (၉၀)% ကို နားလည်ထားတယ်။”
“နောက်ဆုံး ဆယ်ရာခိုင်နှုန်းကိုတော့ သူ တကယ်ကျွမ်းကျင်နိုင်မှာ မဟုတ်ဘူး။”
ချီမင်က ထရပ်ပြီး အင်မော်တယ်မျိုးနွယ်နန်းတော်ကနေ ထွက်လာလိုက်တယ် “မူလအစအင်မော်တယ်ဘုရင်၊ မင်းရဲ့ အင်မော်တယ်ခန္ဓာကိုယ်က လျှို့ဝှက်နက်နဲကမ္ဘာကို မွေးဖွားခဲ့ပြီး လျှို့ဝှက်နက်နဲကမ္ဘာရဲ့ သက်ရှိတွေကို ဖန်တီးခဲ့တယ်ဆိုပေမဲ့ မင်းရဲ့ အစီအစဉ်က အရမ်းကို ဆိုးရွားပြီး လူသားမဆန်ဘူး။”
“မင်းသာ တကယ်အောင်မြင်သွားမယ်ဆိုရင် နတ်ဘုရားတွေ၊ နတ်ဆိုးတွေ၊မိစ္ဆာတွေ၊ လူသားတွေ၊ သရဲတွေနဲ့ လျှို့ဝှက်နက်နဲကမ္ဘာတစ်ခုလုံးက အရာအားလုံးက မင်းရဲ့ စွမ်းအားရဲ့အစိတ်အပိုင်း ဖြစ်လာလိမ့်မယ်။”
“လျှို့ဝှက်နက်နဲကမ္ဘာလည်း ပျောက်ကွယ်သွားလိမ့်မယ်။”
“ဟုတ်တယ်၊ငါလည်း ပါတယ်။”
ချီမင်က လက်သီးတွေကို ဆုပ်လိုက်တယ်”ဘယ်လိုပဲဖြစ်ဖြစ် မင်းကို အောင်မြင်အောင် ငါလုပ်ခွင့်မပြုဘူး။ငါက လျှို့ဝှက်နက်နဲကမ္ဘာက သက်ရှိမဟုတ်ဘူး၊ ကမ္ဘာမြေကနေ ကူးပြောင်းလာတာ။”
“ဒါပေမဲ့ ဘယ်လိုပဲဖြစ်ဖြစ် လျှို့ဝှက်နက်နဲကမ္ဘာကငါ့မှာ သူငယ်ချင်းတွေ၊ ဆရာတွေ၊ စီနီယာအစ်မတွေ၊ ဂျူနီယာညီတွေ၊ တူတွေ၊ ဂိုဏ်းတွေ ရှိသေးတယ်...”
“ဒါ့အပြင် မင်းသာ အောင်မြင်သွားရင် ငါလည်း မင်းလက်ထဲမှာ သေမှာပဲ။”
ချီမင်တွေးနေတုန်းမှာပဲ အင်မော်တယ်ဘိုးဘေးနန်းတော်ကနေ ထွက်လာလိုက်တယ်။ သူ ထွက်လာတဲ့အခိုက်အတန့်မှာပဲ အင်မော်တယ်ဘုရင်ကောင်းကင်ဂူအပြင်ဘက်က အင်မော်တယ်တွေ ချက်ချင်းတုံ့ပြန်လိုက်ကြတယ်။
“ရန်ပေါင်ချီ!”
“သူ ပေါ်လာပြီ!”
“ငါ ခံစားမိပြီ!”
“သူ အသက်ရှင်နေတုန်းပဲ!”
“သူ တကယ်ပဲ အသက်ရှင်နေတုန်းပဲ!”
အင်မော်တယ်ဘုရင် (၁၀၈) ပါးလုံး အံ့အားသင့်စွာ အော်လိုက်ကြတယ်။
ပြီးတော့ အင်မော်တယ်ဘုရင်ကောင်းကင်ဂူတံခါးက အလင်းရောင် ထုတ်လွှတ်လိုက်တယ်။ ချီမင်က သူ့ခန္ဓာကိုယ်ပေါ်က လေဟာနယ်စွမ်းအားကို လှုံ့ဆော်လိုက်တယ်။ လေဟာနယ်ကြေးမုံရဲ့ စွမ်းအားက အသက်ဝင်လာပြီး ချီမင်ကို အင်မော်တယ်ဘုရင်ကောင်းကင်ဂူကနေ တိုက်ရိုက်ခေါ်ထုတ်လာတယ်။ သူ့ရှေ့မှာ အဖြူရောင်အလင်းတစ်ခု လင်းလက်သွားတယ်။
ချီမင်က ရှိနေတဲ့ အင်မော်တယ်တွေရှေ့မှာ ပေါ်လာတယ်။
အင်မော်တယ်တွေအားလုံးရဲ့ အမြင်မှာ ချီမင်က ရန်ပေါင်ချီဖြစ်တယ်။ တကယ့်ရန်ပေါင်ချီက သူ့လက်ထဲမှာ သေသွားတာကြာပြီဆိုတာ သူတို့ မသိကြဘူး။ သူတို့ရှေ့မှာရှိတဲ့သူက တကယ်တော့ ချီမင်ဖြစ်တယ်။
ဘုန်း! ဘုန်း!
ကောင်းကင်နဲ့မြေကြီး တာအိုသံစဉ်တွေ ပဲ့တင်ထပ်လာတယ်။
ဖရိုဖရဲ စစ်မှန်ခန္ဓာ ထူးခြားဖြစ်စဉ် ပေါ်လာပြီး ပိုပြီး ခမ်းနားလာတယ်။ ထူးခြားဖြစ်စဉ်အားလုံး ပျောက်ကွယ်သွားပြီး အလင်းစီးကြောင်းတစ်ခုအဖြစ် ပြောင်းလဲကာ ချီမင်ရဲ့ ခန္ဓာကိုယ်ထဲကို ပေါင်းစပ်ဝင်ရောက်သွားတယ်။ သူ ဖရိုဖရဲ မဟာတာအိုကျမ်းနဲ့ ပတ်သက်ပြီး ပိုပြီးနက်နက်ရှိုင်းရှိုင်း နားလည်လာတယ်။
“ကောင်းတယ်။” ချီမင်က စိတ်ကျေနပ်စွာ ခေါင်းညိတ်လိုက်တယ်။
ခရမ်းရောင်ချီတွေ သူ့ပတ်ပတ်လည်မှာ ဝန်းရံနေပြီး အလင်းတွေ တောက်ပနေတယ်။
အံ့ဖွယ်စွမ်းအားအဆင့်သတ်မှတ်ချက်စာရင်း ထပ်ပေါ်လာတယ်။
အဆင့်သတ်မှတ်ချက်တွေ အပြည့်အဝ ပြောင်းလဲသွားတယ်။
ပထမနေရာ: အင်မော်တယ်ဘုရင် လင်းလုံရဲ့ အမွေခံတပည့် ရန်ပေါင်ချီ။ အံ့ဖွယ်စွမ်းအား: ဖုန်းရွှေ အစီအရင် အံ့ဖွယ်စွမ်းအား၊ အထွတ်အထိပ် အင်မော်တယ်ဘုရင် ကျင့်ကြံခြင်းနည်းလမ်း: ဖုန်းရွှေ အထွတ် အထိပ်နည်းစနစ်၊ အင်မော်တယ်ဘိုးဘေးအဆင့် ကျင့်ကြံမှုနည်းလမ်း: ဖရိုဖရဲ မဟာတာအိုကျမ်း ပထမအတွဲရရှိထား။
ဒုတိယနေရာ: ထာဝရငြိမ်သက်ခြင်း အင်မော်တယ်ဘုရင်ရဲ့ အမွေခံတပည့် ချင်းဖုန်းယွီ။ အံ့ဖွယ်စွမ်းအား: အဆုံးမဲ့အံ့ဖွယ်ပညာ (ပြည့်စုံ)ရရှိထား။အထွတ်အထိပ် အင်မော်တယ်ဘုရင်ကျင့်ကြံခြင်းနည်းလမ်း: အဆုံးမဲ့သုံးထောင် အထွတ်အထိပ်နည်းစနစ်ရရှိထား။
တတိယနေရာ: အင်မော်တယ်ဘုရင် လင်းလုံရဲ့ အမွေခံတပည့် ယဲ့ဟန်ဖုန်း။ မြို့အရှင်အဆင့် တာအိုပေါင်းစည်းခြင်းနည်းလမ်း: အသင်္ချေစိတ်ဝိညာဉ် အထွတ်အထိပ်ကျမ်း (ပြည့်စုံ)ရရှိထား။
စတုတ္ထနေရာ: ကောင်းကင်ကြယ် အင်မော်တယ်ဘုရင်ရဲ့ အမွေခံတပည့် ကျူကျိလင်။အံ့ဖွယ်စွမ်းအား: မဟာအပြစ်ပေးခြင်းအံ့ဖွယ်စွမ်းအား (မပြည့်စုံ)ရရှိထား။
ပဉ္စမနေရာ: မရှိ!
ဆဋ္ဌမနေရာ: မရှိ!
“ရန်ပေါင်ချီ! တကယ်ပဲ သူပဲ!”
“သူ အသက်ရှင်နေတုန်းပဲ! သူ အသက်ရှင်နေတုန်းပဲ!”
“သူ အသက်ရှင်နေတဲ့အပြင်၊ အင်မော်တယ်ဘိုးဘေးအဆင့် ကျင့်ကြံခြင်းနည်းလမ်းကိုပါ ရလာတယ်။ ဒါက အထွတ်အထိပ် အင်မော်တယ်ဘုရင် ကျင့်ကြံခြင်းနည်းလမ်းထက်သာတဲ့ အထွတ်အထိပ် အမွေအနှစ်ပဲ!”
“အာ...”
“တကယ်ပဲ။ ဒါ တကယ်ပဲ!”
“မယုံနိုင်စရာပဲ။”
“အင်မော်တယ်ဘိုးဘေးရဲ့ အရည်အချင်း! ရန်ပေါင်ချီမှာ အင်မော်တယ်ဘိုးဘေးရဲ့ အရည်အချင်းရှိတယ်!”
“အရမ်းကိုထိတ်လန့်စရာကောင်းတယ်။”
“ငါနှစ်တစ်ရာကို အလကားစောင့်လိုက်ရတာ မဟုတ်ဘူး။”
“ဟားဟားဟား...”
“ငါတို့ အင်မော်တယ်မျိုးနွယ်မှာ အင်မော်တယ်မျိုးနွယ်ရဲ့ အင်မော်တယ်ဘိုးဘေးနဲ့ ယှဉ်နိုင်တဲ့ အထူးပါရမီရှင် တစ်ယောက် ထပ်ပေါ်လာတော့မှာလား”
“ကောင်းတယ်၊ ကောင်းတယ်။”
အင်မော်တယ်ဘုရင်တွေ အကုန်လုံး စိတ်လှုပ်ရှားနေကြတယ်။ အံ့ဖွယ်စွမ်းအားအဆင့်သတ်မှတ်ချက်စာရင်းမှာ ပြသထားတဲ့ အချက်အလက်တွေကို မြင်တော့ သူတို့ လန့်သွားပြီး စိတ်မတည်ငြိမ်နိုင်တော့ဘူး။
“သူ တကယ်ပဲ... တကယ်ပဲ...” သွေးအရှင် အင်မော်တယ်ဘုရင်က သူ့ဘာသာ ရေရွတ်လိုက်တယ်။ သူ့မျက်နှာက ဖြူဖျော့နေပြီး သူ့ကြည့်ရတာနည်းနည်း စိတ်ဓာတ်ကျသွားပုံရတယ်။
“ဟားဟားဟား...” အင်မော်တယ်ဘုရင် လင်းလုံက ကျယ်လောင်စွာ ရယ်မောလိုက်တယ်”ကောင်းတယ် ကောင်းတယ် ကောင်းတယ်။ ငါ့ရဲ့ အမွေခံတပည့်ဆိုတဲ့အတိုင်းပဲ။ မင်းကို ငါ ရွေးချယ်ခဲ့တာမှန်တာပဲ၊ ငါ့ရဲ့ တွက်ချက်မှု မှန်တယ်။”
“မဟုတ်ဘူး! ရန်ပေါင်ချီ! မင်းက ငါထင်ထားတာထက် ပိုပြီး ထူးချွန်တယ်။ ပိုပြီးတော့ ထူးချွန်တယ်။” “အစပိုင်းတုန်းက မင်းက အနာဂတ်မှာ မြိုအရှင်အဆင့်လောက်ပဲ ရောက်မယ်လို့ ငါထင်ခဲ့တာ။ ဒါပေမဲ့ မင်းရဲ့ စွမ်းဆောင်ရည်က ငါ့ရဲ့ မျှော်လင့်ချက်တွေကို အကြိမ်ကြိမ် ကျော်လွန်သွားတယ်။ ငါ့ရဲ့ တွက်ချက်မှုမှာ မင်းက အင်မော်တယ်ဘုရင်ရဲ့ အလားအလာကို ပိုင်ဆိုင်ထားတယ်။”
“ငါ မမျှော်လင့်ထားဘူး။”
“မင်းမှာ အင်မော်တယ်ဘိုးဘေးရဲ့ အလားအလာ တကယ်ရှိနေတာပဲ။”
“ဒါက အရမ်းလန့်စရာကောင်းတယ်။”
လွန်ခဲ့တဲ့နှစ်တစ်ရာက... သွေးအရှင် အင်မော်တယ်ဘုရင်က ထုတ်လွှင့်ခဲ့တဲ့ မြင်ကွင်းတွေကို အင်မော်တယ်တွေအားလုံးက အလိုအလျောက် လျစ်လျူရှုပြီး မေ့ပစ်လိုက်ကြတာ ကြာပြီ။ ဘယ်သူမှ ပြန်မပြောကြဘူး။
တကယ်တော့ သွေးအရှင် အင်မော်တယ်ဘုရင်တောင် ပြန်မပြောတော့ဘူး။
အဲဒါကို ပြောဖို့ မလိုအပ်ဘူး။
ရန်ပေါင်ချီက ပြသခဲ့တဲ့ အလားအလာနဲ့ သူ့ရဲ့ တောက်ပတဲ့အနာဂတ်နဲ့ဆိုရင် သူက အင်မော်တယ်ဘိုးဘေးဖြစ်ဖို့ လမ်းပေါ်မှာရှိတယ်။သူ့ရဲ့ အနာဂတ်က အကန့်အသတ်မဲ့ဖြစ်ပြီး သာမန်ဝါသနာတစ်ခုက သူ့ရဲ့ ဂုဏ်သိက္ခာကို ထိခိုက်စေဖို့ မလုံလောက်ဘူး။
“ရန်ပေါင်ချီ။” ပတ်ဝန်းကျင်မှာရှိတဲ့ အင်မော်တယ်ဘုရင် (၁၀၈) ပါးလုံးရဲ့ အကြည့်တွေက ချီမင်ဆီကို ရောက်လာတယ်။ ဒါက သူ့ကို ဖိအားအချို့ ခံစားရစေပေမဲ့ သူ့ကို သက်ရောက်စေဖို့တော့ မလုံလောက်ဘူး။
“တပည့် ရန်ပေါင်ချီက အင်မော်တယ်ဘုရင်တွေကို နှုတ်ဆက်ပါတယ်။” ချီမင်က နှိမ့်ချစွာ ဦးညွှတ်လိုက်တယ်။
“ကောင်းတယ်။” ပထမ အင်မော်တယ်ဘုရင်က စိတ်ကျေနပ်စွာ ခေါင်းညိတ်လိုက်တယ်။
“မဆိုးဘူး။ မဆိုးဘူး။”
“အင်မော်တယ်ဘိုးဘေး အလားအလာရှိတဲ့သူကို ငါတို့ ပထမဆုံးအကြိမ် မြင်ဖူးတာ။”
“အင်မော်တယ်ဘိုးဘေးနန်းတော်ရဲ့ တတိယအလွှာက အခြေအနေကို ပြောပြလို့ ရမလား”
အင်မော်တယ်ဘုရင်တွေက မေးကြတယ်။
ချီမင်က ခေါင်းညိတ်လိုက်တယ် “အင်မော်တယ်ဘိုးဘေးနန်းတော်ရဲ့ တတိယအလွှာမှာ ကျွန်တော်က ပုံရိပ်ယောင်အကဲဖြတ်ခြင်းနဲ့ ကြုံခဲ့ရပြီး မူလအစအင်မော်တယ်ဘုရင်ရဲ့ အင်မော်တယ်ခန္ဓာကိုယ်ကနေ ဖန်တီးထားတဲ့ ကမ္ဘာထဲကို ရောက်သွားတယ်။ ကျွန်တော့်သိစိတ်က ဖျက်ဆီးခံရလုနီးပါး ဖြစ်သွားပေမဲ့ အန္တရာယ်အရှိဆုံးအချိန်မှာ ကျွန်တော် နိုးထလာပြီး ပုံရိပ်ယောင်ကို ချိုးဖြတ်ပြီး တတိယအလွှာကို ရောက်လာတယ်။”
“ဒါပေမဲ့ တတိယအလွှာမှာ လေဟာနယ် ကပ်ဘေးချီနဲ့ နီဗားနားလေတွေ ရှိတယ်။ သူ့ရဲ့ စွမ်းအားက အရမ်းကို စွမ်းအားကြီးတယ်။ ကျွန်တော် လုံးဝ မခုခံနိုင်ဘူး။”
“ကံကောင်းလို့ အင်မော်တယ်ဘိုးဘေးနန်းတော်ရဲ့ တတိယအလွှာရဲ့ အနက်ရှိုင်းဆုံးနေရာမှာ တံခါးတစ်ချပ်ရှိပြီး အဲ့ဒီတံခါးက တကယ်တော့ ကျွန်တော်တို့ အင်မော်တယ်မျိုးနွယ်ရဲ့ အထွတ်အထိပ် ရတနာဖြစ်တဲ့ အချိန်ကာလရတနာကမ္ဘာ့တံခါးပဲ။”
“အချိန်ကာလရတနာကမ္ဘာ့တံခါးက စွမ်းအားတစ်ခုကို ခွဲထုတ်ပြီး ကျွန်တော့်ကို ကာကွယ်ပေးခဲ့တယ်။လေဟာနယ် ကပ်ဘေးချီနဲ့ နီဗားနားလေကို ပိတ်ဆို့ပေးတယ်။ ဒါက ကျွန်တော့်ကို တတိယအလွှာထဲကို ဝင်ရောက်စေပြီး အချိန်ကာလရတနာကမ္ဘာ့တံခါးကနေ ကျွန်တော့်ကို ပေးတဲ့ အမွေအနှစ်ကို ရရှိသွားစေတယ်။”
“မင်းက အချိန်ကာလရတနာကမ္ဘာ့တံခါးရဲ့တကယ့်ကိုယ်ထည်ကို မြင်ခဲ့တာလား” အင်မော်တယ်ဘုရင် လင်းလုံက လန့်သွားတယ်။
“တကယ်လား”
“ဒီလို...”
“အချိန်ကာလရတနာကမ္ဘာ့တံခါးရဲ့ တကယ့်ကိုယ်ထည်က အင်မော်တယ်ဘိုးဘေးနန်းတော်ရဲ့ တတိယအလွှာမှာ တကယ်တော့ ဖုံးကွယ်နေတာကိုး။”
“ဒီလိုကိုး။”
“အံ့ဩစရာမရှိဘူး၊ အံ့ဩစရာမရှိဘူး...”
အင်မော်တယ်ဘုရင်တွေ တုံ့ပြန်လိုက်ကြတယ်။ သူတို့အားလုံးရဲ့ မျက်နှာတွေမှာဉာဏ်အလင်းရတဲ့ အမူအရာတွေ ပေါ်လာပြီး သူတို့ရဲ့ အတိတ်က ရှုပ်ထွေးမှုတွေကို နားလည်သွားပုံပေါ်တယ်။
“ရန်ပေါင်ချီ။” ပထမ အင်မော်တယ်ဘုရင်ကပြောလိုက်တယ် “ဂုဏ်ယူပါတယ်။ မင်းက အင်မော်တယ်မျိုးနွယ်က အင်မော်တယ်ဘိုးဘေးရဲ့ စစ်မှန်တဲ့ အမွေအနှစ်ကို ရပြီး အချိန်ကာလရတနာကမ္ဘာ့တံခါးရဲ့ အသိအမှတ်ပြုခြင်းကိုလည်း ရလာတယ်။”
“ဒါ့အပြင် မင်းက ဒီတစ်ကြိမ်မှာ ပထမနေရာကိုလည်း ရတယ်။ မင်းက အံ့ဖွယ်စွမ်းအားအဆင့်သတ်မှတ်ချက်စာရင်းမှာ ပထမနေရာ ရောက်တယ်။ စည်းမျဉ်းတွေအရ မင်း ဆုလာဘ်တစ်ခု ရနိုင်တယ်။ ဒီဆုလာဘ်က အံ့ဖွယ်စွမ်းအားအဆင့်သတ်မှတ်ချက်စာရင်းမှာ ပထမနေရာရတဲ့သူမှပဲ ရနိုင်တယ်။”
“ဆုလာဘ်” ချီမင်က ခဏ စဉ်းစားလိုက်ပြီးမေးတယ် “ဘာဆုလာဘ်ပါလဲ”