စိုးရိမ်ဖွယ်ရာ? ၃

(ကောင်းလိုက်တာ! မင်းက အလကားကူညီချင်မှတော့ သခွားသီးတွေစိုက်ပေးပါ... မှည့်ရင် တစ်နေ့တစ်ခါသွားပစ်ဖို့မမေ့နဲ့နော်... ၁၀ ကြိမ်ပစ်ပြီးရင် Kappa ကတုံ့ပြန်လိမ့်မယ်!)

"？？？"

စကားပြောမြင်ပြီးချင်လင်ကြောင်သွားသည်။

အလကားကူညီတာ? ဘာသဘောလဲ?

အလကားလို့မပြောပါဘူး! ဆုလိုချင်လို့မပြောဘူးလား!

ဒါသောမတ်က ကူညီနိုင်မနိုင် သေချာမေးရတဲ့အကြောင်းရင်းလား?

သို့သော် ချင်လင်တွေးမရသေးခင် ဂိမ်းထဲတွင်သောမတ်ကထွက်သွားလေပြီ။

ချင်လင်မျက်နှာရှုံ့မဲ့သွားသည်။

သူကခန့်မှန်းရလွယ်တယ်လို့ သောမတ်ထင်နေလား?

ဇာတ်ကွက်တာဝန်တွေမှာရက်ရောတယ်၊ ဆုလာဘ်တွေကောင်းတယ်ထင်ခဲ့တာ။ အခုတော့ သူ့ကိုအသုံးချပြီ။

ကြည့်ရတာ ဒီတစ်ခါဆုလာဘ်အတွက်က နတ်ဘုရားမ Kappa ကိုပဲအားကိုးရတော့မည်။

နောက်ပြီး တာဝန်ကိုလက်ခံထားပြီး အကောင်အထည်ဖော်ရမည်။ ပြီးရင် သခွားသီးစစိုက်နိုင်ပြီ။

နတ်ဘုရားမ Kappa က ဘာကြောင့်သခွားသီးကြိုက်မှန်း သူမသိ။

ဖြစ်နိုင်တာက...

ချင်လင်ကရုတ်တရက် လူယုတ်မာပြုံးပြုံးလိုက်သည်။

ပြီးတော့ တခြားတွေးမိပြန်သည်။ သူဘာလို့သခွားသီးစိုက်ရမှာလဲ?

သူ့စံအိမ်မှာအလှအပသခွားသီးတွေအများကြီးရှိတာ။ နည်းနည်းယူလာလိုက်ရင်ပြီးရောမလား?

ချင်လင်ကချက်ချင်း ရုံးခန်းအပြင်ထွက်ပြီး အပန်းဖြေစံအိမ်ဆိုင်ထဲသွားလိုက်သည်။ ဆိုင်စောင့်ဝန်ထမ်းကထူးထူးဆန်းဆန်းလိုက်ကြည့်နေသော်လည်း သူကသခွားသီးဆယ်လုံးကျော်ရုံးခန်းထဲပြန်သယ်လာပြီး ဂိမ်းထဲယူသွားသည်။

ဂိမ်းဇာတ်ကောင်ကျောပိုးအိတ်ထဲတွင် အလှအပသခွားသီးဆယ်လုံးကျော်ပေါ်လာသောအခါ သူလည်းဂိမ်းထဲမှပြန်ထွက်လာသည်။ ထို့နောက် သူ့ဂိမ်းဇာတ်ကောင်အား နတ်ဘုရားမပေါ်တတ်သောမြစ်နေရာတွင် အလှအပသခွားသီးစပစ်ခိုင်းသည်။

ခဏအကြာ သခွားသီးကမြစ်ထဲစုံးစုံးမြှုပ်သွားသည်။

ချင်လင်က အလျင်မလို။ ဂိမ်းထဲတွင် နတ်ဘုရားမ Kappa က ဆယ်ရက်ဆက်တိုက်သခွားသီးပစ်ပြီးမှသာတုံ့ပြန်လိမ့်မည်။

ထို့ကြောင့် ဒုတိယမြောက်နေ့တွင် ချင်လင်ကဂိမ်းဇာတ်ကောင်အား နတ်ဘုရားမတောင်သွားပြီး Kappa ဆီသခွားသီးပစ်ခိုင်းပြန်သည်။ ဆယ်ရက်တွင် ဒုတိယမြောက်နေ့သာရှိသေးသည်။ နောက်ထပ် ၈ ရက်ထပ်ပစ်ရဦးမည်။

သူကသခွားသီးကိုမြစ်ထဲပစ်လိုက်ရာ ထင်မှတ်မထားတာဖြစ်လာသည်။ ရုတ်တရက်မြစ်ထဲတွင် ဝဲဂယက်တစ်ခုပေါ်လာ၏။ တစ်ခုခုတော့ဖြစ်နေပြီ။

သူကချက်ချင်း သတိရသွားသည်။

အမှန်ပင်။ တခဏအတွင်း ဝဲဂယက်ထဲမှပုံရိပ်တစ်ခုထွက်လာသည်။ ထူးထူးခြားခြားအသွင်အပြင်နှင့်နတ်ဘုရားမ Kappa ဖြစ်သည်။

ဒါပေမဲ့ မဟုတ်သေးဘူး။

၁၀ ခါပစ်ရမယ်လို့ပြောထားတာ။ ဘာလို့ နှစ်ခါတည်းနဲ့ပေါ်လာတာလဲ?

နတ်ဘုရားမ Kappa စကားပြောလည်းပေါ်လာသည်:

(ဒီနေ့လည်း သခွားသီးလာပစ်တာလား?)

(ဟုတ်တယ်) (မဟုတ်ဘူး)

ချင်လင်က 'ဟုတ်တယ်'ကိုရွေးလိုက်ရာ နတ်ဘုရားမ Kappa က တိုက်တွန်းသည်:

(မြန်မြန် သခွားသီးပစ်လိုက်ပါ... သင့်ကိုကျေးဇူးတင်လက်ဆောင်ပေးပါမယ်!)

ထိုစကားပြောကြောင့် ချင်လင်ကသခွားသီးကိုတန်းပစ်ချလိုက်သည်။

Kappa ကသခွားသီးရပြီး စကားပြောပေါ်လာပြန်သည်:

(သခွားသီးအတွက်ကျေးဇူးအများကြီးတင်ပါတယ်... ရှေ့လျှောက်သခွားသီးတွေထပ်ပေးနိုင်ဖို့မျှော်လင့်ပါတယ်... ဒါသင့်အတွက်လက်ဆောင်ပါ!)

(Kappa ဆီမှမှော်အိတ်ရပါတယ်!)

စနစ်အသိပေးချက်ပေါ်လာသည်နှင့် ဝဲထဲမှ Kappa ပျောက်သွားပြီး ဂိမ်းဇာတ်ကောင်အိတ်ထဲတွင်လက်ဆောင်အိတ်ပေါ်လာသည်ကို ချင်လင်တွေ့ရသည်။

ဒါပေမဲ့ ဆုက ပန်းရောင်အသဲပုံကြီး! မဟုတ်သေးဘူး။

ချင်လင်က သိပ်တွေးတောမနေ။ ဆုရပြီး တန်းဖွင့်ကြည့်သည်။

နောက်ခဏတွင် ပန်းရောင်အိတ်ကအလင်းရောင်အဖြစ်ပျောက်သွားပြီး ဂိမ်းဇာတ်ကောင်အိတ်ထဲတွင် ပစ္စည်းနှစ်ခုပေါ်လာသည်။

ဟုတ်ပြီ။ နတ်ဘုရားမ Kappa က လက်ဆောင်နှစ်ခုပေးတယ်။ ကြည့်ရတာ များနေသလိုလို။