နတ်ပြောင်းလဲခြင်း အဆင့် ကြီးမြတ်သော ပြီးပြည့်စုံခြင်း၊ ဒဏ္ဍာရီအဆင့် နတ်ဆိုးသားရဲ နှင့် ရင်ဆိုင်ခြင်း! (၅၀၀၀)_၂

[အဆင့်နိမ့် ဝိညာဉ်ရည် အစက် ၁၀၀,၀၀၀]: စွမ်းအင် ၁၀ သန်း တန်ဖိုးရှိသည်။

[ဝိညာဉ်ဆန် ပေါင် သန်း ၁၀၀]: စွမ်းအင် ၁၀၀ ဘီလီယံ တန်ဖိုးရှိသည်။

စုရှင်း၏ အကြည့်သည် နောက်ဆုံး ရွေးချယ်စရာသို့ ရွေ့သွားပြီးနောက် မျက်ခုံးပင့်လိုက်သည်။

“ဟာကွာ၊ စွမ်းအင် ၁၀၀ ဘီလီယံလား? ငါ့စီက လုယက်ဖို့ စီစဉ်နေတာလား?”

ဝိညာဉ်ဆန် ပေါင် သန်းတစ်ရာသည် စုရှင်း နှစ်ဆယ်နှစ်ကျော်ကြာ စုဆောင်းထားခဲ့သည့် ပမာဏသာ ဖြစ်သည်။

ပမာဏသည် မနည်းလှပေ။ သို့သော်လည်း စုရှင်းသည် သရုပ်ပြခြင်း စတင်စဥ်ကကဲ့သို့ ဝိညာဉ်ဆန်ကို ဆက်လက် ရွေးချယ်မည် မဟုတ်သည်မှာ သဘာဝကျသည်။

မည်သို့ဖြစ်စေ ခန္ဓာကိုယ် သန့်စင်ခြင်း နှင့် အရိုးမာကျောခြင်း နယ်ပယ် အဆင့်များတွင် ဝိညာဉ်ဆန်၏ အခန်းကဏ္ဍသည် အရေးပါခဲ့သည်။ ထိုစဉ်က ယင်းသည် သူ၏ ခွန်အားကို သိသိသာသာ မြှင့်တင်ပေးခဲ့သည်။

သို့သော် ယခုအခါ ဝိညာဉ်ဆန်သည် သူ့အတွက် အသုံးမဝင်တော့ပေ။

ပိုအရေးကြီးသည်မှာ စုရှင်းသည် ဝိညာဉ်ဆန်ကို ကိုယ်တိုင်ကိုယ်ကျ တည်ငြိမ်စွာ ထုတ်လုပ်နိုင်စွမ်း ရှိသည်။

နေ့စဉ် တစ်နာရီ၊ နှစ်နာရီမျှ စိုက်ပျိုးမည်ဆိုပါက တစ်နှစ်လျှင် ဝိညာဉ်ဆန် ပေါင် တစ်ဆယ်သန်း ထုတ်လုပ်ခြင်းသည် မခက်ခဲပေ။

“စိတ်ခံစားမှု မရှိသော ဧကရာဇ် စွမ်းရည်ကိုတော့ နောက်မှ သုံးဖို့ ချန်ထားမယ်။ အခုတော့ မလိုအပ်သေးဘူး... မျက်နှာကို အေးတိအေးစက်နေရင် အလယ်တန်းကျောင်း လူငယ်ရောဂါရဲ့ လက္ခဏာလို့တောင် မြင်ခံရနိုင်တယ်၊ ဟုတ်တယ်ဟုတ်?”

စုရှင်းသည် သူ့တွင် ကျန်ရှိနေသေးသော သရုပ်ပြခြင်း စွမ်းအင်များကို ကြည့်လိုက်သည်။

စွမ်းအင် ၆၄.၃၇ သန်းသာ ကျန်တော့သည်။

သူ၏ ရည်ရွယ်ချက်မှာ နတ်ပြောင်းလဲခြင်း အဆင့် မဟာပြီးပြည့်စုံခြင်း ကျင့်ကြံမှုအဆင့် နှင့် မူလစွမ်းအင် ကျင့်ကြံခြင်း နားလည်မှု၏ အသေးစား အောင်မြင်မှုကို လဲလှယ်ရန် ဖြစ်သည်။

သူ့တွင် သရုပ်ပြခြင်း စွမ်းအင် သန်း ၈၀ လိုအပ်သည်။

ယခုအခါ စွမ်းအင် ၁၆ သန်း လိုအပ်နေသေးသည်။

“ဟူး၊ နောက်တစ်ပတ်မှပဲ ဆုလာဘ် လဲလှယ်ဖို့ ဆက်လုပ်ရတော့မယ် ထင်တယ်...”

စုရှင်း ခေါင်းခါလိုက်သည်။ မလိုအပ်ဘဲ ဘိုင်လီ စီးပွားရေး အသင်းသို့ အကူအညီ တောင်းခံရမည့် အဖြစ်ကို သူ တကယ်ပဲ မလိုလားပေ။ အန္တရာယ်များမည်မှာ သိသာထင်ရှားနေသည်။

ထိုသို့ တွေးမိပြီးနောက် စုရှင်းသည် ကျင်းချုံးရွှယ်ကို ဖုန်းခေါ်လိုက်သည်။

နောက်အပတ်တွင် အစည်းအဝေးကို စောစော စီစဉ်ရန် နှင့် သူ၏ ဝိညာဉ်ဆန်ကို အသုံးပြု၍ မဟာရှား စစ်တပ် နှင့် ပူးပေါင်းဆောင်ရွက်မည့် အစီအစဉ်ကို အကောင်အထည်ဖော်ရန် စီစဉ်ခဲ့သည်။

ကျင်းချုံးရွှယ် နှင့် နောက်အပတ် အစည်းအဝေး အတွက် အချိန်သတ်မှတ်ပြီးနောက် စုရှင်းသည် သူ၏ နောင်အနာဂတ် တိုးတက်မှု လမ်းကြောင်း အတွက် အသေးစိတ် အစီအစဉ် တစ်ခုကို ချမှတ်ခဲ့သည်။

“မသိလိုက်ဘဲနဲ့ နတ်ပြောင်းလဲခြင်း မဟာပြီးပြည့်စုံခြင်း နဲ့ နတ်ဘုရားအင်အား နယ်ပယ်ကိုပါ ရောက်နေခဲ့ပြီ မဟုတ်လား?”

စုရှင်း၏ စိတ်ထဲတွင် စိတ်ခံစားချက် အချို့ ရှိနေသည်။ သရုပ်ပြခြင်း လှည့်စားချက်ကို ရရှိချိန်မှစ၍ ယခုအထိ ဆယ်လသာ ရှိသေးပြီး သူသည် ထိုသို့သော အံ့သြဖွယ် ခွန်အား တိုးတက်မှုကို ရရှိခဲ့သည်။

ခေတ်အဆက်ဆက်တွင် သူသည် ပထမဆုံး ဖြစ်နိုင်သည်။

သို့သော် စုရှင်းသည် ဂုဏ်ယူခြင်း၊ မာနကြီးခြင်း မရှိခဲ့ပေ။ သူ၏ စိတ်ထဲတွင် အမြဲ နက်ရှိုင်းသော အန္တရာယ် သတိ ရှိနေခဲ့သည်။

“အခု ဘာမှမလုပ်ဘူးဆိုရင် ဆယ့်လေးနှစ်အတွင်း ကြယ်ပြာ တစ်ခုလုံး လုံးဝ ပျက်စီးသွားလိမ့်မယ်...”

“ပြီးတော့ အဲဒီ ကြောက်စရာကောင်းတဲ့ နတ်ဆိုးကြီးရဲ့ ခွန်အားကို ငါ အခုထိ အတိအကျ မသိသေးဘူး – တကယ်ပဲ ဘယ်လောက်တောင် ကြောက်စရာကောင်းတာလဲ?”

စုရှင်း၏ မျက်လုံးများတွင် စိုးရိမ်သောက အမူအရာများ ရှိနေဆဲ ဖြစ်သည်။

“ဒါပေမဲ့ နောက်တစ်ခုကတော့ လွတ်မြောက်ခြင်း ဖြိုခွင်းနယ်ပယ်၊ လွတ်မြောက်ခြင်းသို့ ပြန်လည် ရောက်ရှိခြင်း နယ်ပယ်ကို ဘယ်လို အဆင့်မြင့်တက်ရမလဲဆိုတာ စတင် စဉ်းစားရတော့မယ်!”

“ဘာပဲဖြစ်ဖြစ် ငါ့နယ်ပယ်ရဲ့ ခွန်အား အကြီးအကျယ် မြှင့်တင်ပြီးတာနဲ့ ငါ့ရဲ့ စွမ်းအားက အရှိန်အဟုန်နဲ့ တိုးတက်လာလိမ့်မယ်!”

စုရှင်း နက်ရှိုင်းစွာ စဉ်းစားသွားခဲ့သည်။

သူသည် လွတ်မြောက်ခြင်း ဖြိုခွင်းနယ်ပယ်သို့ မည်ကဲ့သို့ အဆင့်မြင့်တင်ရမည် ဆိုသည့်အချက်နှင့် ပတ်သက်သည့် စိတ်ကူးအချို့ ရှိနေခဲ့ပြီ ဖြစ်သည်။

အပြင်ဘက် ထုတ်လွှတ်အဆင့် မူလစွမ်းအင်၊ မူလစွမ်းအင် နတ်စွမ်းရည်များနှင့် ပြင်းထန်သော ပတ်ဝန်းကျင်တစ်ခုအား ရှာဖွေခြင်းတို့ကို ပေါင်းစပ်ပြီး စုရှင်းသည် အဆင့်မြင့်တက်မှု အတွက် အသက်စွန့်ကာ ရှာဖွေနိုင်ခဲ့သည်။

“ငါ့မှာ အပြင်ထုတ်လွှတ် အဆင့် မူလစွမ်းအင် ရှိနေပြီ၊ ဒါပေမဲ့ ဘေးကင်းဖို့အတွက် အပြင်ထုတ်လွှတ် အဆင့် မူလစွမ်းအင် ကို မဟာပြီးပြည့်စုံခြင်း အထိ ကျင့်ကြံပြီးမှ လုံးဝ ယုံကြည်မှု ရှိသင့်တယ်!”

“မူလစွမ်းအင် နတ်စွမ်းရည် အတွက်တော့ နျို‌ရော်လီ သင်ပေးခဲ့တဲ့ ကာကွယ်ရေး ဂန်ချီက လုံလောက်နေပြီ၊ ငါလိုအပ်တာက ကြိုးစား လေ့ကျင့်ဖို့ပဲ။”

“ပြင်းထန်တဲ့ ပတ်ဝန်းကျင် အတွက်ကတော့ ငါ ရှာဖွေဖို့ စတင်ရတော့မယ်...”

စုရှင်း ခေါင်းခါလိုက်သည်။

ကြယ်ပြာပေါ်မှာတော့ ထိုကဲ့သို့ အန္တရာယ်များသည့် ပြင်းထန်သော နေရာများ မရှိပါ။ ပင်လယ်အောက် မီတာထောင်ချီ နက်သည့် ပင်လယ်အောက်ကတောင် စုရှင်းအတွက် ဖိအား သိပ်ပေးနိုင်မည် မဟုတ်ပါ။

အန္တရာယ်များသည့် ပတ်ဝန်းကျင်ကို ရှာချင်လျှင် အကျဉ်းခန်းများကို ရှာမှရလိမ့်မည်။

ထို့အပြင် စုရ်ှုး၏ မာနနဲ့လည်း လွတ်မြောက်ခြင်း ဖြိုခွင်းနယ်ပယ်တွင် အားအနည်းဆုံး ကျင့်ကြံသူ ဖြစ်ချင်မည် မဟုတ်ပါ။

လုံလောက်စွာ အန္တရာယ်များသည့် ပြင်းထန်သော ပတ်ဝန်းကျင် တစ်ခုအား ရှာဖွေပြီး မူလစွမ်းအင် နတ်စွမ်းရည်နှင့် သူ့ကိုယ်ပိုင် မူလစွမ်းအင်ကို ပေါင်းစပ်လိုက်လျှင် လွတ်မြောက်ခြင်း ဖြိုခွင်းနယ်ပယ်တွင် အားကောင်းသော ကျင့်ကြံသူတစ်ဦး ဖြစ်လာနိုင်သည်!

“ဘယ်လိုပဲဖြစ်ဖြစ် လွတ်မြောက်ခြင်း ဖြိုခွင်းနယ်ပယ်ကို အဆင့်မြင့်တက်ဖို့က မှန်ကန်တဲ့ လမ်းကြောင်းပေါ် ရောက်နေပြီ... ဒါပေမဲ့ လွတ်မြောက်ခြင်းသို့ ပြန်လည်ရောက်ရှိခြင်း နယ်ပယ်ကို ဘယ်လို ရောက်ရမလဲ ဆိုတာကတော့ ငါ ဘာသဲလွန်စမှ မရသေးဘူး!”

စုရှင်းက သက်ပြင်းချလိုက်ပြီး တီးတိုးပြောလိုက်သည်။

“လွတ်မြောက်ခြင်းသို့ ပြန်လည် ရောက်ရှိခြင်း နယ်ပယ်ထိရောက်အောင် ဘယ်လို အဆင့်မြင့်တင်ရမယ် ဆိုတာ လောထျန်း ညီလာခံ အကျဉ်းခန်းကို ထပ်သွားပြီးဘဲ မေးမြန်းရတော့မယ်!”

စုရှင်းသည် လောထျန်း ညီလာခံ အကျဉ်းခန်းကို သူ၏ ရတနာမြေဟု မှတ်သားထားခဲ့သည်။

စုရ်ှုး အခက်အခဲနှင့် ပိတ်ဆို့မှု ကြုံသည့်အချိန်တိုင်း လောထျန်း ညီလာခံမှ သူ လိုချင်သည့် အဖြေကို အမြဲ ရှာတွေ့နိုင်ခဲ့သည်။

နောင်အနာဂတ် အတွက် ရှင်းလင်းသော အစီအစဉ် တစ်ခု ချပြီးနောက် စုရှင်းသည် သူ၏ ယာယီ ဆောက်လုပ်ထားသော စပါးကျီစီသို့ အာရုံပြောင်းလိုက်သည်။

“ဝိညာဉ်စိုက်ခင်းက ရိတ်သိမ်းဖို့ အချိန်တောင် ရောက်တော့မယ်။ မြန်မြန် ရိတ်သိမ်းရမယ်... ကုတ်ကတ်စုရင် ဝိညာဉ်ဆန် ပေါင် နှစ်သန်းလောက်တော့ စုဆောင်းနိုင်လောက်တယ်၊ ဟုတ်တယ်မလား?”

စုရှင်းသည် ထိုသို့ ပြောလိုက်ပြီး သူ့၏ သစ်သားဓာတ် ဝိညာဉ်စွမ်းအားကို အသုံးပြု၍ ဝိညာဉ်ဆန် ရင့်ကျက်မှုကို ချက်ချင်း မြှင့်တင်ပေးလိုက်သည်။

သူ့၏ ရှန်းနန်မျိုးနွယ် အမွေဆက်ခံသော စွမ်းရည်ကြောင့် ဝိညာဉ်အပင်များ စိုက်ပျိုးရာတွင် သူ၏ အရှိန်အဟုန်သည် အံ့မခန်း မြန်ဆန်လှသည်။

လျင်မြန်စွာပင် တစ်ပတ် ကုန်ဆုံးသွားခဲ့သည်။

ထိုတစ်ပတ်အတွင်း ရိတ်သိမ်းရရှိသော ဝိညာဉ်ဆန် ပမာဏနှင့် သူအရင်က ကျန်ရှိနေသေးသော ပေါင်တစ်သန်းကျော်ကို ပေါင်းကာ ရေတွက်လိုက်လျှင် ပေါင် နှစ်သန်းနီးပါးသို့ ရောက်ရှိခဲ့ပြီ ဖြစ်သည်။ မဟာရှား စစ်တပ် နှင့် ပထမဆုံးနှစ် ကုန်သွယ်မှု အတွက် လုံလောက်ပြီ ဖြစ်သည်။

ထို့ပြင် စုရှင်းသည် ဆေးဝါး သုံးထောင် ဖော်စပ်ရန် အတွက်လည်း အချိန်ရခဲ့သည်။

ယနေ့တွင် အရာအားလုံး စီစဉ်ပြီး ဖြစ်သည့်အတွက် စုရှင်းသည် ဝိညာဉ်ဆန် အစီအစဉ်ကို ကျင်းချုံးရွှယ်နှင့် ဆွေးနွေးဖို့ရန် အသင့် ဖြစ်နေခဲ့သည်။

သီးသန့် ဗီလာအခန်း တစ်ခန်းတွင် စုရှင်းနှင့် ကျင်းချုံးရွှယ်တို့သည် မျက်နှာချင်းဆိုင် ထမင်းစားနေကြသည်။

စုရှင်း စားနေစဉ်မှာပင် ကျင်းချုံးရွှယ်က သူမ၏ အစီအစဉ်ကို စတင် ဆွေးနွေးခဲ့သည်။

“ကျွန်မရဲ့ ခန့်မှန်းချက်အရဆိုရင် ဝိညာဉ်ဆန် ပေါင် သန်းတစ်ရာ (၁၀၀,၀၀၀,၀၀၀) ဒါမှမဟုတ် ဒီထက်နည်းနည်းပဲ ကုန်သွယ်မယ်ဆိုရင် ကျွန်မတို့ရဲ့ အန္တရာယ်က သေးငယ်ပါတယ်...”

“ဘာပဲဖြစ်ဖြစ် ကျင်း ကုန်သည်များအသင်းးမှာ နာမည်ကောင်း အချို့တော့ ရှိပါသေးတယ်၊ ဒါပေမဲ့ မဟာရှား စစ်တပ် နဲ့ ကုန်သွယ်တဲ့ ပမာဏက ပိုများလာမယ်ဆိုရင် ရည်ရွယ်ချက်ရှိသူတွေရဲ့ လိုချင်တပ်မက်မှုတွေကို ဆွဲဆောင်နိုင်ပါတယ်။”

ထိုစကားကိုကြားပြီးနောက် စုရှင်းသည် ‌ခေါင်းညိတ်လိုက်သည်။ ထို့နောက် သရုပ်ပြခြင်း၏ ရလဒ်ကို မှတ်မိသွားပြီးနောက် မေးလိုက်သည်။

“နှစ်စဉ် ဝိညာဉ်ဆန် ပေါင် နှစ်သန်း ကုန်သွယ်ရင်ရော ဘယ်လိုထင်လဲ? မဟာရှား စစ်တပ်က ကျွန်တော်တို့ကို သတ္တုတွင်း ဧရိယာ အချို့ကို စာချုပ်ချုပ်ဖို့ ခွင့်ပြုနိုင်မလား?”

ထိုအခါ ကျင်းချုံးရွှယ်က မျက်မှောင်ကြုတ်ကာ စဉ်းစားလိုက်သည်။

“ဝိညာဥ်ဆန် ပေါင် နှစ်သန်း၊ ဒါကို ချွေတာထားမယ်ဆိုရင် တစ်နှစ်အတွင်း ကြေးအဆင့် နဲ့ ငွေအဆင့် ပညာရှင် နှစ်သိန်း ဒါမှမဟုတ် သုံးသိန်းအထိ အဆင့်မြင့်တက်ဖို့တောင် လုံလောက်နိုင်တယ်။”

…