တာအိုပေါင်းစည်းခြင်း အံ့ဖွယ်စွမ်းအား သိုင်းနည်းစနစ် - ဖန်ကူးစစ်မှန်ခန္ဓာ
Vol. 16 Ch. 235
ချီမင်က ဟော့ချန်ချင်းနဲ့ တခြားသူတွေ အတိဒုက္ခခံယူနေကြတာကို ကြည့်နေတယ်။ ပထမအဆင့် ကောင်းကင်အတိဒုက္ခရဲ့ စွမ်းအားက တကယ်အားမနည်းဘူး။ ခရမ်းနက်ရောင် လျှပ်စီးကြောင်းတွေထဲမှာ ဖျက်ဆီးခြင်းစွမ်းအားတွေ ပါဝင်နေတယ်။ လျှပ်စီးတစ်ချက်ချင်းစီတိုင်းက တာအိုပေါင်းစည်းခြင်းအဆင့် သက်ရှိတစ်ဦးကို ဖျက်ဆီးပစ်ဖို့ လုံလောက်တယ်။
ဒါပေမဲ့ သိသာတာက
ဟော့ချန်ချင်းနဲ့ တခြားသူတွေဟာ ဝိညာဉ်သားရဲကြီးထွားတဲ့နေရာမှာ အဆသန်းတစ်ရာ တိုးမြှင့်မှုအောက်မှာ အချိန်အကြာကြီး ကြီးထွားခဲ့ကြတယ်။ သူတို့ရဲ့ အံ့ဖွယ်စွမ်းအားတွေ၊ သိုင်းနည်းစနစ်တွေနဲ့ သက်ဆိုင်ရာစွမ်းရည်တွေအားလုံးက အကန့်အသတ်ကို ရောက်ရှိနေကြပြီ။ ပထမအဆင့် ကောင်းကင်အတိဒုက္ခကို ကျော်လွှားဖို့က သူတို့အတွက် လွယ်ကူတယ်။
ကောင်းကင်နဲ့မြေကြီး ဝိညာဉ်ချီအမျိုးမျိုးကောင်း ကင်နဲ့မြေကြီး စွမ်းအင်တွေနဲ့ ကောင်းကင်နဲ့မြေကြီး တာအိုစာလုံးတွေက အလုအယက် စီးဝင်လာပြီး အားလုံးကို ဟော့ချန်ချင်းနဲ့ တခြားသူတွေက စုပ်ယူပြီးသန့်စင်လိုက်ကြတယ်။ သူတို့တွေက စတင်ပြောင်းလဲလာပြီး အဆင့်တွေ တိုးမြှင့်သွားကြတယ်။
“ပြန်လာခဲ့ကြ။”
ပြီးတာနဲ့ ဟော့ချန်ချင်းနဲ့ တခြားသူတွေကို ချီမင်က ဝိညာဉ်သားရဲကြီးထွားတဲ့နေရာထဲကို ပြန်ခေါ်သွင်းလိုက်တယ်။ သူတို့ ဝိညာဉ်သားရဲကြီးထွားတဲ့နေရာမှာ ကြီးထွားနေမှ အတိုဆုံးအချိန်အတွင်းမှာ အတိဒုက္ခကျော်လွှားခြင်း ပထမအဆင့်ကို ရောက်ရှိနိုင်ကြမှာ ဖြစ်တယ်။
တင်း!
“လက်ခံသူရဲ့ ကျင့်ကြံမှုအဆင့်ဟာ တာအိုပေါင်းစည်းခြင်းအစောပိုင်းအဆင့်ကို ရောက်ရှိနေပြီဖြစ်ကြောင်း စစ်ဆေးမိပါတယ်။ အလိုအလျောက်ကျင့်ကြံခြင်းအတွက် လိုအပ်တဲ့ ဝိညာဉ်ကျောက်တုံးအရေအတွက် ဆယ်ဆ တိုးသွားပါပြီ။ နှစ်ဆမြှင့်တင်မှုတိုင်းအတွက် အဆင့်နိမ့်ဝိညာဉ်ကျောက်တုံး (၁၀,၀၀၀) (အဆင့်မြင့်ဝိညာဥ်ကျောက်တုံးတစ်တုံး) လိုအပ်ပါလိမ့်မယ်။”
တင်း!
“လက်ခံသူရဲ့ ကျင့်ကြံမှုအဆင့်ဟာ တာအိုပေါင်းစည်းခြင်းအဆင့်သို့ တိုးမြှင့်သွားပါပြီ။ အလိုအလျောက်ကျင့်ကြံခြင်းအတွက် အမြင့်ဆုံးမြှင့်တင်မှုအခြေအနေက အဆသန်းတစ်ရာမှ အဆတစ်ဘီလီယံအထိ တိုးမြှင့်သွားပါပြီ။”
တင်း!
“လက်ခံသူရဲ့ ကျင့်ကြံမှုအဆင့်ဟာ တာအိုပေါင်းစည်းခြင်းအစောပိုင်းအဆင့်ကို ရောက်ရှိနေပြီဖြစ်ကြောင်း စစ်ဆေးမိပါတယ်။ ဝိညာဉ်ဖွဲ့တည်ခြင်းနှောင်းပိုင်း အဆင့်ဂိမ်း မြေအောက်စခန်းဖြစ်တဲ့ ဧရာမသားရဲကျွန်းကို ရှင်းလင်းခြင်းအတွက် ဆုလာဘ်များ အလွန်အမင်းလျော့ကျသွားပါပြီ။ အဆင့်နိမ့်အင်မော်တယ်သလင်းကျောက် (၁၀) သန်းကို အသုံးပြုပြီး ဂိမ်းမြေအောက်စခန်းအသစ်ကို ဖွင့်နိုင်ပါပြီ။”
ချက်ချင်းဆိုသလိုပဲ ဝိညာဉ်သားရဲလေးကောင် အတိဒုက္ခခံယူနေတုန်း ချီမင်က အလိုအလျောက်ကျင့်ကြံခြင်း စနစ်ထဲမှာ အဆင့်မြှင့်တင်မှုတွေကို တစ်ခုပြီးတစ်ခု လက်ခံရလိုက်တယ်။ တစ်ချိန်တည်းမှာပဲ ချီမင်က ဖရိုဖရဲမဟာတာအိုကျမ်း ပထမတွဲကို အောင်အောင်မြင်မြင်ကျင့်ကြံပြီးသွားတော့ သူ့ရဲ့ကျင့်ကြံမှုအဆင့်က တာအိုပေါင်းစည်းခြင်းအဆင့်ကို ချ်ိုးဖြတ်နိုင်သွားတယ်။အဲ့ဒါကြောင့်သူ့ရဲ့အရည် အချင်းအသီးသီးက နောက်တစ်ကြိမ်တိုးတက်သွားတယ်။
တင်း!
“ဖရိုဖရဲစစ်မှန်ခန္ဓာကို တည်ဆောက်ပြီး ကောင်းကင်နဲ့မြေကြီး မဟာတာအိုကို နားလည်သဘောပေါက်သွားတဲ့အတွက် လက်ခံသူကို ဂုဏ်ပြုပါတယ်။ လက်ခံသူဟာ တာအိုပေါင်းစည်းခြင်းကို အောင်အောင်မြင်မြင်ရောက်ရှိပြီး ကောင်းကင်နဲ့မြေကြီး မဟာတာအိုစစ်မှန်ရည်ရွယ်ချက်နဲ့ ဖရိုဖရဲမဟာတာအိုကျမ်း ပထမတွဲတို့ကြောင့် ဆင့်ကဲပြောင်းလဲသွားပါပြီ။ လက်ခံသူရဲ့ အရည်အချင်း တိုးတက်သွားပါပြီ။”
“ဓာတ်ငါးပါးဝိညာဉ်အမြစ်မှာတော့ ဘာအပြောင်းအလဲမှ မရှိပါဘူး။”
“ရုပ်ခန္ဓာ တိုက်ပွဲမြင့်မြတ်ခန္ဓာက ကောင်းကင်နဲ့မြေကြီး မဟာတာအိုစစ်မှန်ရည်ရွယ်ချက်နဲ့ ဖရိုဖရဲမဟာတာအိုကျမ်းမှာ မှတ်တမ်းတင်ထားတဲ့ လျှို့ဝှက်နက်နဲနည်းစနစ်တွေကို စုပ်ယူခဲ့တာကြောင့် ပြောင်းလဲသွားပြီး ဖရိုဖရဲမြင့်မြတ်ခန္ဓာ ဖြစ်လာခဲ့ပါပြီ။ လက်ခံသူရဲ့ ရုပ်ခန္ဓာဟာ အောက်ကမ္ဘာရဲ့ အကန့်အသတ်ကို ရောက်ရှိသွားပါပြီ။”
“လက်ခံသူရဲ့ နားလည်နိုင်စွမ်းက ပြိုင်ဘက်ကင်း မှ ပါရမီရှင် သို့ တိုးတက်သွားပါပြီ။ လက်ခံသူရဲ့ နားလည်နိုင်စွမ်းပါရမီဟာ အောက်ကမ္ဘာရဲ့ အကန့်အသတ်ကို ရောက်ရှိသွားပါပြီ။”
“လက်ခံသူရဲ့ အခြေခံက ဖုန်းကွယ်နဂါးမှ စစ်မှန်နဂါးအဖြစ်သို့ တိုးတက်သွားပါပြီ။ လက်ခံသူရဲ့ အခြေခံပါရမီဟာ အောက်ကမ္ဘာရဲ့ အကန့်အသတ်ကို ရောက်ရှိသွားပါပြီ။”
“လက်ခံသူရဲ့ ကံကြမ္မာဟာ လေးရောင်ခြယ်မှ ငါး ရောင်ခြယ်သို့ တိုးတက်သွားပါပြီ။ လက်ခံသူရဲ့ ကံကြမ္မာပါရမီက အောက်ကမ္ဘာရဲ့ အကန့်အသတ်ကို ရောက်ရှိသွားပါပြီ။”
အသိပေးချက်အတွဲလိုက်ပေါ်လာတယ်။
“အရမ်းကောင်းတယ်။”
ချီမင်ရဲ့ နှုတ်ခမ်းထောင့်တွေက အနည်းငယ်ကွေးတက်သွားတယ်။ သူက စိတ် အခြေအနေအရမ်းကောင်းနေပြီး တွေးလိုက်တယ်”ဖရိုဖရဲမဟာတာအိုကျမ်း ပထမတွဲကို ကျွမ်းကျင်ပြီးသွားတော့ ငါ့ရဲ့အရည်အချင်းက အများကြီးတိုးတက်သွားပြီးအောက်ဘုံရဲ့အကန့်အသတ်ကို ရောက်သွားတယ်။”
“ဒီလိုအခြေအနေမျိုးမှာ၊”
“ငါ့ပါရမီက ဆက်ပြီးတိုးတက်နေမယ်ဆိုရင် အောက်ဘုံရဲ့အကန့်အသတ်ကိုထပ်ပြီး ကျော်လွှားနိုင်လိမ့်မယ်။”
“တစ်နည်းပြောရရင်...”
“အောက်ကမ္ဘာမှာ ငါ့ထက်ပိုပြီး ပါရမီရှိတဲ့သူ တစ်ယောက်မှမရှိတော့ဘူး။”
အရေးကြီးဆုံးကတော့...
တင်း!
“လက်ခံသူရဲ့ အရည်အချင်း တိုးတက်သွားကြောင်း တွေ့ရှိရပါတယ်။ အလိုအလျောက်ကျင့်ကြံခြင်းအတွက် လိုအပ်တဲ့ ဝိညာဉ်ကျောက်တုံးအရေအတွက် ဆယ်ဆ လျော့ကျသွားပါပြီ။ မြှင့်တင်မှုတိုင်းအတွက် အဆင့်နိမ့်ဝိညာဉ်ကျောက်တုံး (၁,၀၀၀) ကုန်ကျပါတယ်။”
အသိပေးချက်တစ်ခု ပေါ်လာတယ်။
“ထပ်ပြီး လျော့သွားပြန်ပြီ။”
“ထိပ်တန်းအဆင့်ဝိညာဥ်ကျောက်တုံး တစ်သန်း ထည့်လိုက်မယ်။”
ချီမင်က ဆက်ပြောတယ်”ဖရိုဖရဲမဟာတာအိုကျမ်း ပထမတွဲကို ကျင့်ကြံမယ်။”
တင်း!
“ဖြည့်သွင်းခြင်း အောင်မြင်ပါတယ်။”
“ဖရိုဖရဲမဟာတာအိုကျမ်း ပထမတွဲကို အဆတစ်ဘီလီယံ တိုးမြှင့်မှုအောက်မှာ ကျင့်ကြံနေပါတယ်...”
အသိပေးချက်တစ်ခု ပေါ်လာတယ်။
“ထိပ်တန်းအဆင့်ဝိညာဉ်ကျောက်တုံး တစ်သန်း ထည့်လိုက်မယ်။”
ချီမင်က ဆက်ပြောတယ်”ကောင်းကင်ဘုံကြယ်တာရာ သုံးဆယ့်ခြောက်ပညာရပ်ကို ကျင့်ကြံမယ်။”
တင်း!
“ဖြည့်သွင်းခြင်း အောင်မြင်ပါတယ်။”
“ကောင်းကင်ဘုံကြယ်တာရာသုံးဆယ့်ခြောက်ပညာရပ်ကို အဆတစ်ဘီလီယံ တိုးမြှင့်မှုအောက်မှာ ကျင့်ကြံနေပါတယ်...”
အသိပေးချက်တစ်ခု ပေါ်လာတယ်။
“ထိပ်တန်းအဆင့်ဝိညာဉ်ကျောက် တစ်သန်း ထည့်လိုက်မယ်။”
ချီမင်က ပြောတယ်”မဟာကပ်ဘေးဒုက္ခနည်းစနစ်ကို ကျင့်ကြံမယ်။”
တင်း!
“ဖြည့်သွင်းခြင်း အောင်မြင်ပါတယ်။”
“မဟာကပ်ဘေးဒုက္ခနည်းစနစ်ကို အဆတစ်ဘီလီယံ တိုးမြှင့်မှုအောက်မှာ ကျင့်ကြံနေပါတယ်...”
အသိပေးချက်တစ်ခု ပေါ်လာတယ်။
တင်း!
“သာမန်အင်မော်တယ်သားရဲ: လေဟာနယ်နဂါးဟာ အတိဒုက္ခကျော်လွှားခြင်း တတိယအဆင့်ကို ချိုးဖြတ်သွားပါပြီ။”
တင်း!
“ရှားပါးဝိညာဉ်သားရဲ: ကပ်ဘေးဒုက္ခအရှင်ဟာ အတိဒုက္ခကျော်လွှားခြင်း တတိယအဆင့်ကို ချိုးဖြတ်သွားပါပြီ။”
တင်း!
“ရှားပါးဝိညာဉ်သားရဲ: ထိုက်ချီလင်းနို့ဘုရင်ဟာ အတိဒုက္ခကျော်လွှားခြင်း ပထမအဆင့်ကို ချိုးဖြတ်သွားပါပြီ။”
တင်း!
“ရှားပါးဝိညာဉ်သားရဲ: ပြင်းထန်ယင်ဘုရင်မဟာ အတိဒုက္ခကျော်လွှားခြင်း ပထမအဆင့်ကို ချိုးဖြတ်သွားပါပြီ။”
ချက်ချင်းဆိုသလိုပဲ ချီမင်က တခြားအသိပေးချက်တွေကို လက်ခံရလိုက်တယ်။
အမှောင်မီးလျှံ၊ ကပ်ဘေးလေး၊ သေမင်း၊ ဟော့ချန်ချင်း၊ လင်းနို့လေးနဲ့ ယင်လေးတို့အားလုံး သူတို့ရဲ့ ချိုးဖြတ်မှုတွေကို ပြီးမြောက်သွားကြပြီ။
“အဆင့်နိမ့်အင်မော်တယ်သလင်းကျောက် (၁,၀၀၀) ထည့်လိုက်မယ်။” ချီမင်က ပြောတယ် “ဂိမ်း မြေအောက်စခန်းအသစ် ဖွင့်မယ်။”
တင်း!
“ဖြည့်သွင်းခြင်း အောင်မြင်ပါတယ်။”
“ဂိမ်း မြေအောက်စခန်းအသစ်: အဆုံးမဲ့အမှောင်ချောက်နက်ကြီးထဲကို ဝင်ရောက်နိုင်ပါပြီ။”
အသိပေးချက်တစ်ခု ပေါ်လာခဲ့တယ်။
“ဝင်မယ်။”
ချီမင်ရဲ့ရှေ့မှာ သက်ဆိုင်ရာဂိမ်းမြင်ကွင်းက ချက်ချင်းခုန်ထွက်လာတယ်။ ဒါက တကယ်ပဲ ဂိမ်းကမ္ဘာထဲ ရောက်နေသလိုမျိုး အသက်ဝင်လှတဲ့ မြင်ကွင်းတစ်ခုဖြစ်တယ်။
အထီးကျန်ခြင်း၊ အမှောင်ထုနဲ့ ညှိုးခြောက်ခြင်း။
ချီမင်က ချောက်နက်ကြီးတစ်ခုကို စိုက်ကြည့်နေခဲ့တယ်။ ဒီအဆုံးမဲ့အမှောင်ချောက်နက်ကြီးကမ္ဘာမှာ နေရောင်ခြည်မရှိဘဲ ထာဝရညပဲရှိတယ်။
ဒီအဆုံးမဲ့အမှောင်ချောက်နက်ကြီးထဲမှာ ယိုယွင်းပျက်စီးနေတဲ့ သတ္တဝါတစ်မျိုးတည်း ရှိတယ်။ တိတိကျကျပြောရရင် ဒါဟာ သတ္တဝါလုံးဝမဟုတ်ဘဲ၊ အလွန်အမင်း ဆိုးယုတ်ခြင်းနဲ့ ဖျက်ဆီးခြင်းရဲ့ ပုံစံတစ်မျိုးဖြစ်တယ်။
အဆုံးမဲ့အမှောင်ချောက်နက်ကြီးက ချောက်နက်နတ်ဆိုးတွေရဲ့ ကမ္ဘာကို ရည်ညွှန်းတာမဟုတ်ဘဲ လုံးဝယိုယွင်းပျက်စီးနေတဲ့ ကမ္ဘာတစ်ခုကို ဆိုလိုတာဖြစ်တယ်။ ဒီကမ္ဘာက လူ့ခန္ဓာကိုယ်ထဲက ရောဂါပိုးနဲ့တူတယ်။ ရောဂါပိုးက လူ့ခန္ဓာကိုယ်ကို တိုက်စားသလို၊ ဒီလို လုံးဝယိုယွင်းပျက်စီးနေတဲ့ကမ္ဘာကလည်း ဂြိုလ်တစ်ခုလုံးကို တိုက်စားပြီး စကြဝဠာကို ပြိုကွဲစေလိမ့်မယ်။
ချီမင်က ဂိမ်းဇာတ်ကောင်အဖြစ် ပြောင်းလဲသွားပြီး သူ့ရဲ့ အထောက်အထားက ဒီကမ္ဘာကို ဆင်းသက်လာတဲ့ စွမ်းအားကြီးအင်မော်တယ်တစ်ပါးဖြစ်တယ်။
ဒီလို ညစ်ညမ်းတဲ့ကမ္ဘာကို ရင်ဆိုင်ရင်း ချီမင်ပြောင်းလဲထားတဲ့ ဂိမ်းဇာတ်ကောင်က ပြောတယ်”ဒီကမ္ဘာက သန့်စင်ပြီး အဖတ်ဆယ်ဖို့ လိုအပ်နေတယ်။”
ဂိမ်းမြေအောက်စခန်းဖြစ်တဲ့ အဆုံးမဲ့အမှောင်ချောက်နက်ကြီးကို ရှင်းလင်းဖို့အတွက် အခြေအနေတစ်ခုပဲရှိတယ်။
အဲ့ဒါက အဆုံးမဲ့အမှောင်ချောက်နက်ကြီးကို လုံးဝဖျက်ဆီးပစ်ဖို့ဖြစ်တယ်။
သူက ဒီကမ္ဘာကို ဖျက်ဆီးပစ်ရမယ်။
“ဖရိုဖရဲစစ်မှန်ခန္ဓာ!”
ချီမင်ပြောင်းလဲထားတဲ့ ဂိမ်းဇာတ်ကောင်က ဟိန်းဟောက်လိုက်တယ်။ သူ့ခန္ဓာကိုယ်က လေနဲ့အတူ ကြီးမားလာပြီး အဆက်မပြတ်ကြီးမားလာတယ်။ ဒါက ကောင်းကင်နဲ့မြေကြီး ဓမ္မရုပ်တုထက်တောင် ပိုကြောက်ဖို့ကောင်းတယ်။
အဆုံးမရှိတဲ့ ဖရိုဖရဲမြူခိုးတွေက သူ့ပတ်လည်မှာ ပျံ့နှံ့ထွက်လာတယ်။
ပတ်ဝန်းကျင်မှာ အရာအားလုံးက ချီမင်ထိန်းချုပ်ထားတဲ့ နယ်ပယ်တစ်ခု ဖြစ်သွားတယ်။
“သန့်စင်။”
ချီမင်ပြောင်းလဲထားတဲ့ ဂိမ်းဇာတ်ကောင်က ကြောက်မက်ဖွယ်စွမ်းအားကို ထုတ်လွှတ်လိုက်တယ်။ သူက ဖရိုဖရဲမဟာတာအိုကျမ်းရဲ့ စွမ်းအားကို အပြည့်အဝအသုံးချပြီး ဒီအဆုံးမဲ့အမှောင်ချောက်နက်ကြီးကို အဆက်မပြတ် ဖျက်ဆီးနေတယ်။
ပတ်ဝန်းကျင်အနှံ့မှာ အဆုံးမဲ့အမှောင်ချောက်နက်ကြီးရဲ့ ယိုယွင်းပြီးဆွေးမြေ့နေတဲ့ သတ္တဝါတွေက ချီမင်ပြောင်းလဲထားတဲ့ ဂိမ်းဇာတ်ကောင်ကို အချည်းနှီး တိုက်ခိုက်နေကြတယ်။ သူတို့အားလုံးက သေလမ်းကိုရှာနေကြတယ်။ အတွေးတစ်ချက်နဲ့ ချီမင်က ဂိမ်းမျက်နှာပြင်ကို ပိတ်လိုက်တယ်။
ချက်ချင်းဆိုသလိုပဲ၊ သူက ဖရိုဖရဲမဟာတာအိုကျမ်း ပထမတွဲကို သေသေချာချာ နားလည်အောင် ကြိုးစားလိုက်တယ်။ သူက သူ့ဒန်ထျန်းထဲက ဖရိုဖရဲစစ်မှန်ခန္ဓာရဲ့ နက်နဲမှုနဲ့ အထဲက လျှို့ဝှက်ချက်တွေကို နားလည်အောင်လုပ်တယ်။ ဖရိုဖရဲမဟာတာအိုကျမ်း ပထမတွဲအပေါ် သူ့ရဲ့ကျွမ်းကျင်မှုက ပိုပြီးနက်ရှိုင်းလာတယ်။
လျှို့ဝှက်ဆန်းကြယ်မှုအမျိုးမျိုးက သူ့စိတ်ထဲကို စီးဝင်လာတယ်။
တဖြည်းဖြည်းနဲ့၊ ဒါဟာ ဖရိုဖရဲမဟာတာအိုကျမ်းပေါ်က တာအိုပေါင်းစည်းခြင်း အံ့ဖွယ်စွမ်းအား သိုင်းနည်းစနစ်တစ်ခုအဖြစ် ဆင့်ကဲပြောင်းလဲသွားတယ်။ ဒါကို ဖန်ကူးစစ်မှန်ခန္ဓာလို့ ခေါ်တယ်။ ချီမင်က အချိန်ကာလရတနာ: ကမ္ဘာ့တံခါးထဲက ဖရိုဖရဲကောင်းကင်နဲ့မြေကြီး မဟာတာအိုစာလုံးကို နားလည်သဘောပေါက်ခဲ့တယ်။ သူက ကောင်းကင်နဲ့မြေကြီး မဟာတာအိုကို နားလည်ပြီး ဖရိုဖရဲမဟာတာအိုကျမ်း ပထမအတွဲကို ဖန်တီးခဲ့တာဖြစ်တယ်။
သူက ကမ္ဘာပေါ်မှာ သင်ယူခဲ့တဲ့ ဒဏ္ဍာရီတွေရဲ့ လွှမ်းမိုးမှုကိုလည်း ခံခဲ့ရတယ်။ ဒါကြောင့် တွက်ချက်ဖန်တီးနေစဉ်မှာ၊ သူက သူသိတဲ့ ရှေးဟောင်းဒဏ္ဍာရီတွေကို မသိလိုက်ဘဲနဲ့ ပေါင်းစပ်ထည့်သွင်းမိလိုက်တယ်။ ဒါကြောင့် သူက ဖရိုဖရဲမဟာတာအိုကျမ်း ပထမအတွဲကို ဖန်တီးခဲ့တာဖြစ်တယ်။ ဒါ့အပြင်၊ ဖန်ကူးစစ်မှန်ခန္ဓာရဲ့ စွမ်းရည်ကလည်း အရမ်းစွမ်းအားကြီးပြီး ကောင်းကင်ကိုဆန့်ကျင်နိုင်တယ်။ ဒါကသန့်စင်ရွှေခန္ဓာနဲ့ သန့်စင်ခြင်းသုံးပါးကိုယ်ပွားများလို အံ့ဖွယ်စွမ်းအားနည်းစနစ်တွေကိုတောင် ကျော်လွန်သွားတယ်။
ဖန်ကူးစစ်မှန်ခန္ဓာကို အသုံးပြုပြီးရင် ဒါက မဟာနတ်ဘုရားဖန်ကူးရဲ့ စွမ်းအားမြှင့်တင်မှုကို တိုက်ရိုက်ရရှိတယ်။ ပိုတိတိကျကျပြောရရင်၊ ဒါက ကောင်းကင်နဲ့မြေကြီး မဟာတာအိုရဲ့ မြှင့်တင်မှုကို ရပြီး ဖန်ကူးစစ်မှန်ခန္ဓာအဖြစ် ဆင့်ကဲပြောင်းလဲသွားတာဖြစ်တယ်။ ဒါက အထွတ်အထိပ်စွမ်းအားကို ပိုင်ဆိုင်ပြီး အရာအားလုံးကို ဖိနှိပ်နိုင်တယ်။
“ဖန်ကူးစစ်မှန်ခန္ဓာ။”
ချီမင်က အသက်ကိုပြင်းပြင်းရှူပြီး ဖန်ကူးစစ်မှန်ခန္ဓာရဲ့ လျှို့ဝှက်ဆန်းကြယ်မှုတွေကို သေသေချာချာ နားလည်အောင်လုပ်လိုက်တယ်။ သူ့မျက်နှာပေါ်က အပြုံးက ပိုပိုပြီးကျယ်ပြန့်လာတယ် “မဆိုးဘူး၊ မဆိုးဘူး။”
“သန့်စင်ရွှေခန္ဓာက ကာကွယ်ရေးအံ့ဖွယ်စွမ်းအားသိုင်းနည်းစနစ်ပဲ။ သန့်စင်ခြင်းသုံးပါး ကိုယ်ပွားများက မဆိုးပေမဲ့၊ သူတို့က တကယ်တမ်းတော့ တိုက်ခိုက်ရေးအံ့ဖွယ်စွမ်းအားသိုင်းနည်းစနစ်တွေ မဟုတ်ဘူး။”
“ဖန်ကူးစစ်မှန်ခန္ဓာက ဘက်စုံတိုးမြင့်ပေးတယ်။”
“အရမ်းကောင်းတယ်။” ချီမင်က အရမ်းကျေနပ်သွားတယ်။
ဒီအချိန်မှာ ပေါက်ကွဲသံတစ်ခု ထွက်ပေါ်လာတယ်။
ချီမင်က အမြန်ဆုံး သတိပြန်ဝင်လာတယ်။ သူက ချင်းပင်အင်မော်တယ်စံအိမ်တစ်ခုလုံး ပြင်းထန်စွာ တုန်ခါနေတာကို ခံစားလိုက်ရတယ်။ သူက ခေါင်းကိုအနည်းငယ်မော့ပြီး ပတ်ပတ်လည်ကို ကြည့်လိုက်တယ်။ ကောင်းကင်နဲ့မြေကြီးဖုံးကွယ်အစီအရင်ရဲ့ အပြင်ဘက်မှာ ထူးဆန်းတွေအများကြီး စုစည်းနေကြတာကိုတွေ့လိုက်ရတယ်။
သူတို့က အပြုံလိုက်ကြီးရှိတယ်။
တိုက်ခိုက် နေတဲ့သူတွေ အများကြီးရှိတယ်။
“မင်းတို့ သေလမ်းကိုရှာနေတာပဲ!” ချီမင်ရဲ့အကြည့်က အေးစက်သွားတယ်။ သူက ညာလက်ကို ဝှေ့ယမ်းလိုက်ရင်းပြောတယ်”မင်းတို့အားလုံး၊ ထွက်လာပြီး ရန်သူတွေကို ရင်ဆိုင်ဖို့ပြင်ဆင်ကြ။”
အလင်းတွေ လင်းလက်သွားတယ်။
အမှောင်မီးလျှံ၊ ကပ်ဘေးလေး၊ သေမင်း၊ ဟော့ချန်ချင်း၊ လင်းနို့လေးနဲ့ ယင်လေးတို့အားလုံး ပေါ်ထွက်လာကြတယ်။ နှစ်ယောက်က အတိဒုက္ခကျော်လွှားခြင်း တတိယအဆင့်မှာရှိပြီး လေးယောက်က ပထမအဆင့်မှာရှိတယ်။
ဝိညာဉ်သားရဲခြောက်ကောင်စလုံး ပေါ်ထွက်လာကြတယ်။
“အပြင်ဘက်က ရန်သူအားလုံးကို သုတ်သင်ပစ်လိုက်။” ချီမင်က အမိန့်ပေးလိုက်တယ်။
“ဟုတ်ကဲ့။”
“ဟုတ်ကဲ့။”
အမှောင်မီးလျှံနဲ့ တခြားသူတွေက ပြန်ဖြေကြတယ်။
နောက်တစ်ခဏမှာ၊ သူတို့တွေက ကောင်းကင်နဲ့မြေကြီးဖုံးကွယ်အစီအရင်ထဲကနေ ထွက်လာကြပြီး အတိဒုက္ခကျော်လွှားခြင်းအဆင့်ရဲ့ ပြင်းထန်တဲ့ခွန်အားကို ထုတ်လွှတ်လိုက်ကြတယ်။ ဒါ့အပြင် သူတို့က အံ့ဖွယ်စွမ်းအားတွေနဲ့သိုင်းနည်းစနစ်တွေကို အကန့်အသတ်အထိ ကျင့်ကြံထားကြတယ်။
အရမ်းကိုတိုတောင်းတဲ့အချိန်အတွင်းမှာပဲ ကောင်း ကင်နဲ့မြေကြီးဖုံးကွယ်အစီအရင်နားမှာ စုရုံးကြနေတဲ့ ထူးဆန်းတွေအားလုံး အသတ်ခံလိုက်ရတယ်။
ဒီအချိန်မှ အစီအရင်အပြင်ဘက်ကနေ မောင်းနဲ့ဗုံသံတွေ ထွက်ပေါ်လာခဲ့တယ်။ လေထဲမှာအနက်ရောင်တိမ်တိုက်တွေက ကောင်းကင်ကိုပြည့်နှက်လာတယ်။ အနက်ရောင်မြူခိုးတွေ ပျံ့နှံ့လာပြီး ဆိုးယုတ်ပြီး ထူးဆန်းတဲ့အရှိန်အဝါတစ်ခု လည်ပတ်လာတယ်။
ဒါက ပတ်ဝန်းကျင်ကို ပျံ့နှံ့သွားတယ်။
ခရက်! ခရက်!
ချီမင်တပ်ဆင်ထားတဲ့ ကောင်းကင်နဲ့မြေကြီးဖုံးကွယ်အစီအရင်က တဖြည်းဖြည်း ကွဲအက်လာတယ်။
မကြာခင်မှာပဲ၊ အနက်ရောင်မြူခိုးထဲမှာ...
တောင့်တင်းတဲ့အမူအရာတွေနဲ့ အသက်ဝင်လှတဲ့ စက္ကူရုပ်တွေတစ်ရုပ်ပြီးတစ်ရုပ် ပေါ်ထွက်လာတယ်။ သူတို့က ဝေါယာဉ်တစ်စီးနဲ့ အခေါင်းတစ်လုံးကို ထမ်းထားကြတယ်။ သူတို့က အုပ်စုနှစ်စုခွဲထားတယ်။ တစ်စုက သတို့သမီးပို့ဆောင်တဲ့အဖွဲ့ဖြစ်ပြီး၊ နောက်တစ်စုက အသုဘပို့တဲ့အဖွဲ့ဖြစ်တယ်။
ဒါဟာ ကပ်ဘေးဒုက္ခအဆင့် ထူးဆန်းတွေထဲက တစ်ယောက်ဖြစ်တဲ့သတို့သမီးအသုဘဖြစ်တယ်။
းလိုက်သည်။