အခန်း (၁၄၅)

ဒေမီယန် မျက်လုံးဖွင့်လိုက်သောအခါ ထပ်မံ၍ ရင်းနှီးနေသည့် ခုတင်တစ်လုံးပေါ် ရောက်ရှိနေသည်ကို တွေ့လိုက်ရသည်။ လွန်ခဲ့သည့် ရက်သတ္တပတ်အနည်းငယ်အတွင်း တိမ်မျက်နှာပြင်သို့ ရောက်ရှိပြီးကတည်းက သူသည် ဤကဲ့သို့သော အခြေအနေမျိုးကို ယခုတစ်ကြိမ်အပါအဝင် အကြိမ်ပေါင်းများစွာ ကြုံတွေ့ခဲ့ဖူးသည်။

သို့သော်လည်း ယခုတစ်ကြိမ်တွင်မူ သူ၏မှတ်ဉာဏ်မှာ သိပ်မဝေဝါးပေ။ ဤကဲ့သို့ အခြေအနေမျိုး ဖြစ်စေသည့် အကြောင်းရင်းကို သူ နာကျင်စွာ သတိပြုမိလိုက်သည်။

'ပထမဆုံးအနေနဲ့ အဖိုးကြီးက တကယ့်ကို အစွမ်းထက်တယ်' ဟု သူ တွေးလိုက်သည်။

ဒေမီယန် ဤသို့ပြောခြင်းမှာ ကြောက်မက်ဖွယ်ကောင်းသည့် အရှိန်အဝါကြောင့် မဟုတ်ပေ။

သူ ခံစားရသည့် အရှိန်အဝါက သူထင်ထားသကဲ့သို့ မဟုတ်ခဲ့ပေ။

သူ၏ အတွေ့အကြုံအရ ပင်လယ်အဆင့်၏ အရှိန်အဝါသည် သူ့ကို ဒူးထောက်စေရန် လုံလောက်မည်ဟု သူ ထင်ခဲ့သော်လည်း သူ၏ ရုပ်ခန္ဓာအပေါ် ဤမျှ မူလကြောက်ရွံ့မှုကို စိမ့်ဝင်စေလိမ့်မည်ဟုတော့ သူ မျှော်လင့်မထားခဲ့ပေ။

'ဒါက သူ ငါ့ကို မသတ်ဘဲ ထုတ်လွှတ်နိုင်တဲ့ အရှိန်အဝါ ပမာဏပဲ...'

သူတို့ မစတင်မီက အဖိုးကြီး၏ စကားများကို သူ မှတ်မိပြီး ယခုအခါ သူတို့ကို စိတ်ရင်းမှန်ဖြင့် ယုံကြည်နေပြီဖြစ်သည်။ အကယ်၍ အဖိုးကြီးက သူ့တပည့်များ၏ ဘေးကင်းရေးကို ထည့်မတွက်ဘဲ လုပ်ဆောင်ခဲ့မည်ဆိုပါက သူတို့ မည်သို့သေဆုံးသည်ကိုပင် မသိလိုက်ဘဲ သေဆုံးသွားမည်သာ ဖြစ်သည်။

ဒေမီယန် သဘောပေါက်လိုက်သည်မှာ သူ၏ခရီးစဉ်တစ်လျှောက်လုံး သူ တွေ့ခဲ့သည့် 4th class သတ္တဝါများအားလုံးက ဖော်ရွေကြခြင်းပင်။ ယခုအခါ သူ ကံကောင်း၍သာ အသက်ရှင်ခဲ့သည်ဟု မှတ်ယူနိုင်သည့် နောက်ထပ်အဖြစ်အပျက်တစ်ခု ဖြစ်လာခဲ့ပြီ။

ဒေမီယန်စိတ်ထဲ၌ နောက်ထပ်ရှိနေသည်မှာ ပြင်းထန်သည့် ဖိနှိပ်မှုအောက်တွင် သူဆီ၌ ဘာဖြစ်ခဲ့သည်ဆိုသော အရာပင်။

'အဲဒါက... သားရဲမုဒ်လား'

ဤအရာကို ဖော်ပြရန် ဤထက်ပိုကောင်းသည့် စကားလုံးကို သူ မတွေးနိုင်ပေ။ သူ၏ လက္ခဏာများ ပိုမိုထင်ရှားလာခြင်းမျိုး မဟုတ်ဘဲ သူ၏ သွေးကြော၌ အထင်ရှားဆုံးအပိုင်းများက သူ၏ခန္ဓာကိုယ်မှ ထွက်ပေါ်ရန် ကြိုးစားရင်း အာဏာလုနေခြင်းမျိုးပင်။

သူ၏ ဦးချို၊ အကြေးခွံ၊ မျက်လုံးများ၊ ထွက်လုဆဲဆဲ အတောင်ပံများအားလုံးမှာ နဂါးဆန်နေသည်မှာ ထင်ရှားသည်။ သို့သော်လည်း သူ၏ခြေထောက်နှင့် အစွယ်များမှာမူ သူ၏ မူလ ဝံပုလွေ သွေးကြော၏ အစိတ်အပိုင်းများ ဖြစ်သည်။

မြေအောက်ထောင်၌ သူလဲကျစဉ်က ပထမဆုံးရခဲ့သည့် သွေးကြောသည် စစ်မှန်သည့် နဂါးတစ်ကောင်၏ သွေးကြောနှင့် မည်သို့ယှဉ်ပြိုင်နိုင်သည်ကို သူ မသိပေ။ သို့သော်လည်း သူ မေးခွန်းမထုတ်တော့ပေ။ ပထမနေရာတွင် မည်သည့်အရာများ ဖြစ်ပျက်နေသည်နှင့် ပတ်သက်၍ မေးခွန်းထုတ်ရန် အသိပညာ အလုံအလောက် မရှိခဲ့ခြင်းကြောင့်ပင်။

"ဪ မင်း နောက်ဆုံးတော့ နိုးလာပြီပဲ"

ဒေမီယန်အတွေးထဲရောက်နေချိန် လှောင်ပြောင်သံတစ်သံက ရုတ်တရက် ဆွဲထုတ်လိုက်သည်။ သို့သော်လည်း ယခင်ကထက် ရန်လိုမှုနည်းပါးကြောင်းကိုတော့ သူ သတိပြုမိလိုက်သည်။

ခုတင်ပေါ်ကနေ ထရပ်လိုက်ပြီး ဒေမီယန်က လှည့်မကြည့်ဘဲ ပြန်ဖြေလိုက်သည်။

"ကျွန်တော် မေ့လဲသွားတာ ဘယ်လောက်ကြာပြီလဲ"

"၃ နာရီ" ဟု ရွှယ်ယုယွဲ့က ပြောလိုက်သည်။ သို့သော် သူမ၏မျက်နှာသည် ခဏတာ နီမြန်းသွားပြီးနောက် လှည့်ထွက်သွားသည်။

"ပြီးတော့ အဝတ်အစားဝတ်ဦး ငတုံးရဲ့"

ထိုအခါမှ ဒေမီယန်သည် အဘယ်ကြောင့် ဤမျှ လွတ်လပ်ပေါ့ပါးနေသည်ကို သဘောပေါက်လိုက်သည်။ သူသည် အတွင်းခံဘောင်းဘီသာ ဝတ်ဆင်ထားပြီး ကျန်အဝတ်အစားများမှာ ယခင်ဖြစ်ရပ်များကြောင့် စုတ်ပြဲသွားခဲ့သည်။

"ဪ"

ဒေမီယန်က သိပ်မစဉ်းစားတော့ပေ။

‘သားရဲတွေရှိတဲ့ dungeon ထဲမှာ ၂ နှစ်လောက် ကိုယ်တုံးလုံး ပြေးလွှားနိုင်ခဲ့ရင် ဒီလောက်က ဘာမှမဟုတ်ဘူး’

အဝတ်အစားအသစ်တစ်စုံကို ဝတ်ဆင်ပြီးနောက် ဒေမီယန်သည် သူ သဘောမကျခဲ့သော သူ၏ စီနီယာအစ်မကို လှည့်ကြည့်လိုက်သည်။ သို့သော် သူမ၏ ရန်လိုမှု လျော့ကျသွားခြင်းက သူ့ကို စိတ်ပြောင်းလဲရန် စဉ်းစားစေခဲ့သည်။

သူခံယူရသည့် သဘောထားအတိုင်း ပြန်လည်တုံ့ပြန်ရန်သာ။ ၎င်းက ရိုးရှင်းပါသည်။ "ကျွန်တော် လုပ်စရာ ရှိသေးလား"

ရွှယ်ယုယွဲ့ခေါင်းယမ်းလိုက်သည်။

"ဆရာ့မှာ လုပ်စရာတွေ ရှိနေလို့ မင်းကို ဒီမှာ ထားခဲ့တာ။ သူ မင်းကို ထပ်ခေါ်တဲ့အထိ မင်းကြိုက်သလို နေနိုင်တယ်"

"ကောင်းပြီ ဒါဆို နောက်တစ်ခေါက်ကျမှပေါ့"

ပြန်ဖြေရန်ပင်မစောင့်ဘဲ ဒေမီယန်က ပြင်ပဂိုဏ်းရှိ သူ၏နေအိမ်သို့ ပြန်သွားခဲ့သည်။

သူတစ်ချိန်က ရပ်နေခဲ့သော ယခု ဗလာဖြစ်နေသည့် နေရာကို ကြည့်ရင်း ရွှယ်ယုယွဲ့၏ မျက်လုံးများ ရှုပ်ထွေးသွားတော့သည်။ သို့သော် သူမသည် သက်ပြင်းသာချကာ လှည့်ထွက်သွားပြီး သူမ၏နေ့ကို ဆက်လက်ဖြတ်သန်းခဲ့သည်။

ဒေမီယန်၏ ပထမဆုံးသင်ခန်းစာ ပြီးစီးပြီး ရက်အနည်းငယ်ကြာခဲ့ပြီဖြစ်ပြီး သူသည် အချိန်များကို သူ၏အဆောင်တွင် နားနေရင်း ကုန်ဆုံးခဲ့သည်။ ပထမဆုံးအကြိမ်အဖြစ် သူသည် သူ၏ဆရာ၏ သင်ကြားမှုများမှ များစွာ အကျိုးကျေးဇူးရရှိခဲ့သည်ဟု ခံစားခဲ့ရသည်။

ဤရက်အနည်းငယ်အတွင်း ဒေမီယန်သည် ယခင်က ဖြစ်ပေါ်ခဲ့သော တစ်စိတ်တစ်ပိုင်း ပြောင်းလဲမှုကို တုပရန် ကြိုးစားခဲ့သော်လည်း အောင်မြင်မှု မရှိခဲ့ပေ။ သူ့ခန္ဓာကိုယ်အတွင်း၌ မီးစတစ်ခုကို ခံစားရသော်လည်း ၎င်းကို အသက်သွင်းနိုင်ခြင်း မရှိခဲ့ပေ။

သူသည် ဤဖြစ်စဉ်ကို နားလည်ရန် စာကြည့်တိုက်သို့ သွားရောက်ခဲ့သော်လည်း သတင်းအချက်အလက်များစွာ ရှာမတွေ့ခဲ့ပေ။ သားရဲအသွင်ပြောင်းခြင်း သို့မဟုတ် သားရဲမျိုးနွယ် သွေးကြောရှိသူများက အလွန်ရှားပါးသောကြောင့် မဟုတ်ဘဲ သူသည် သင့်လျော်သော သတင်းအချက်အလက်များကို ရယူရန် အခွင့်အလမ်း မရရှိခဲ့ခြင်းပင်။

သူသိရှိခဲ့သည်မှာ သားရဲ သွေးကြောရှိသည့် လူသားများသည် သူတို့၏ စွမ်းရည်များကို အမွေဆက်ခံခြင်းမှာ ပုံမှန်ပင်။

ဥပမာအားဖြင့် နဂါး သွေးကြောရှိသူတစ်ဦးသည် သူတို့၏ မီးထိန်းချုပ်နိုင်စွမ်း သို့မဟုတ် မီးမှုတ်ထုတ်နိုင်စွမ်းကို အမွေဆက်ခံခြင်းက သိပ်မရှားပါးပေ။

အသွင်ပြောင်းလဲခြင်းနှင့် ပတ်သက်၍ သဋတို့သည် ဤအမွေဆက်ခံခြင်း၏ ပိုမိုမြင့်မားသောအဆင့် ဖြစ်သည်။ သို့သော် ဒေမီယန်အတွက်မူ ကွဲပြားခြားနားသည်။ သူသည် လက်ရှိရှိနေသော သားရဲတစ်ကောင်၏ သွေးကြောကို ပိုင်ဆိုင်ထားခြင်း မဟုတ်ဘဲ၊ အခြားသားရဲများ၏ သွေးကြောများကို ဆက်တိုက် စားသုံးခြင်းဖြင့် ဖန်တီးထားသော သွေးကြောတစ်ခုကို ပိုင်ဆိုင်ထားခြင်း ဖြစ်သည်။

၎င်းသည် သားရဲများ 4th class သို့ ရောက်ရှိသည့်အခါ လမ်းသစ်ဖောက်လုပ်ပုံနှင့် ဆင်တူနေသည်။ သူသည် သူ၏ သွေးကြောကို အမြင့်ဆုံးအဆင့်သို့ မြှင့်တင်နိုင်ခဲ့ပါက တစ်စိတ်တစ်ပိုင်း နတ်သားရဲ ဖြစ်လာနိုင်သည်။

ဤသည်မှာ ဆင့်ကဲပြောင်းလဲသူဘွဲ့ရရှိသူတိုင်း လုပ်ဆောင်နိုင်သည့် အထူးအခွင့်အရေးတစ်ခု ဖြစ်သည်ဟု သူယူဆခဲ့သည်။ ထိုဘွဲ့သည် သူ့ကို လူသားများ၏ ပုံမှန် ကျင့်ကြံမှုစနစ်နှင့်အတူ သားရဲများ၏ ဆင့်ကဲပြောင်းလဲမှုစနစ်ကို ကျင့်သုံးနိုင်သည့် စွမ်းရည်ကို ပေးအပ်ခဲ့ခြင်း ဖြစ်သည်။

သို့သော် သူသည် အခြား ဆင့်ကဲပြောင်းလဲသူတစ်ဦးနှင့် တစ်ခါမျှ မတွေ့ဖူးသည်ကို ထည့်သွင်းစဉ်းစားပါက သူတို့သည် အနည်းငယ် ရှားပါးသည်။

စာကြည့်တိုက်မှ ပြန်လာပြီးနောက် ဒေမီယန်က တစ်ဖန်ပြန်လည် တက်ကြွလာခဲ့သည်။ သူ၏ အားနည်းချက်မှာ ကြီးမားသော အတိုင်းအတာတစ်ခုအထိ ရှိနေသည်ဟူသော ခါးသီးသည့် အမှန်တရားကြောင့် ပိုမိုခိုင်မာလာလိုသည့် သူ၏ စိတ်ဆန္ဒက ပိုမိုတောက်ပလာခဲ့သည်။ ထိုအချက်ကို စိတ်ထဲထားကာ မစ်ရှင်ခန်းမသို့ ဦးတည်သွားခဲ့သည်။

ကြီးမားသော ခန်းမထဲသို့ ဝင်ရောက်ပြီးနောက် သူသည် မစ်ရှင်ဘုတ်သို့ တန်းတန်းမတ်မတ် သွားခဲ့သည်။ ရယူနိုင်သော မစ်ရှင်အမျိုးအစား ၃ မျိုး ရှိသည်။

အသေးစား၊ အလယ်အလတ်အဆင့်နှင့် အဓိက မစ်ရှင်များဖြစ်သည်။

အသေးစား မစ်ရှင်များမှာ ရိုးရှင်းသော စုဆောင်းမှု မစ်ရှင်များ သို့မဟုတ် ဂိုဏ်းအတွက် အလုပ်များဖြစ်သည်။ အစောင့်အဖြစ် တာဝန်ထမ်းဆောင်ခြင်းကဲ့သို့သော ရေရှည်အလုပ်များလည်း သူတို့တွင် ပါဝင်သည်။ မစ်ရှင်ပြည့်မီရန် တစ်နှစ်ပတ်လုံး အနားမယူဘဲ အစောင့်တာဝန် ထမ်းဆောင်ရမည် ဖြစ်သည်။

အလယ်အလတ်အဆင့် မစ်ရှင်များမှာမူ အချို့သော ဧရိယာများကို ဒုက္ခပေးနေသော သားရဲများကို လိုက်လံရှာဖွေခြင်း သို့မဟုတ် လူများကို ဒုက္ခပေးနေသော ဆိုးယုတ်သည့် ကျင့်ကြံသူအချို့ကို သတ်ဖြတ်ခြင်းကဲ့သို့သော အရာများ ဖြစ်သည်။ ဤအဆင့်ရှိ မစ်ရှင်များအတွက် တစ်နှစ်လျှင် ၁၀ ခု ပြီးစီးရန် လိုအပ်ပြီး သူတို့အပေါ် တစ်ခုတည်းသာ မှီခိုအားထားပါက ဖြစ်သည်။

အဓိက မစ်ရှင်များအတွက်မူ မစ်ရှင်အရည်အချင်းပြည့်မီရန် တစ်နှစ်လျှင် ၃ ခုသာ လိုအပ်သည်။ ထို့ပြင် သူတို့၏ ခက်ခဲမှုမှာ ဤအရေအတွက် နည်းပါးမှုနှင့် ကိုက်ညီသည်။

အဓိက မစ်ရှင်များက အမြဲတမ်း ရှုပ်ထွေးသည်။ ဆိုးယုတ်သည့် အင်အားစုတစ်ခုလုံးကို ချေမှုန်းခြင်း၊ နိုင်ငံများကို အာဏာသိမ်းမှုများ ဖြုတ်ချရန် ကူညီခြင်းနှင့် ထိုကဲ့သို့သော အခြားအရာများ ပါဝင်သည်။

ဤတောင်းဆိုမှုများသည် လူ့အဖွဲ့အစည်းရှိ အဆင့်မြင့် ပုဂ္ဂိုလ်များထံမှ အမြဲတမ်းလာရောက်ပြီး ကိုယ်တိုင်မရွေ့လျားဘဲ အရာများကို ပြီးမြောက်စေလိုသူများ ဖြစ်သည်။

ဤမစ်ရှင်များသည် ဗဟိုတိုက်ကြီးသို့ ကန့်သတ်မထားသည့် တစ်ခုတည်းသော မစ်ရှင်များလည်းဖြစ်သည်။ ဗဟိုတိုက်ကြီးသည် တိမ်မျက်နှာပြင်တစ်ခုလုံး၏ အုပ်ချုပ်သူဖြစ်ပြီး အဓိကဂိုဏ်းကြီးများတွင် ငြိမ်းချမ်းရေး ထိန်းသိမ်းရန်နှင့် လိုအပ်သည့်အခါ အကူအညီပေးရန် တာဝန်ရှိသည်။

ဤအဓိကမစ်ရှင်များကို အဓိကဂိုဏ်းကြီး ၅ ခုကြားတွင် အမြဲမျှဝေယူကြပြီး ဂိုဏ်းတစ်ခုစီတွင် သူတို့၏ ကိုယ်ပိုင် လုပ်ထုံးလုပ်နည်းများနှင့် စီမံခန့်ခွဲသည့် နယ်မြေများ ရှိသည်။

စကေးကြီးမားသောကြောင့် ဤမစ်ရှင်များသည် တစ်ဦးတည်းထက် ပါတီတစ်ခုဖြင့် ပြီးမြောက်ရန် များသောအားဖြင့် လိုအပ်သည်။

သို့သော် ဒေမီယန်က ဤမစ်ရှင်များထံသို့ တန်းတန်းမတ်မတ် သွားခဲ့သည်။ သူသည် ဤကဲ့သို့ ကြီးမားသည့်အရာတွင် ပါဝင်လိုပြီး သူတစ်ဦးတည်း လုပ်ဆောင်နိုင်သည့်အရာကို ရှာဖွေနေခဲ့သည်။

ရှန်းမိသားစုကို အကူအညီပေးပါ

ရှန်းမိသားစုအား သူတို့၏ ဆန့်ကျင်ဘက်များကို ချေမှုန်းပြီး ထီးနန်းကို သိမ်းပိုက်နိုင်ရန် ကူညီပါ။

တည်နေရာ: တောင်ပိုင်းတိုက်ကြီး

လိုအပ်သော အင်အား: အဓိကဖွဲ့စည်းမှုနယ်ပယ်အဆင့်

ဆုလာဘ်: စွမ်းအားကျောက်များ ၂၀၀၀

ဒေမီယန်သည် ဤမစ်ရှင်ကို ကြည့်လိုက်သော်လည်း ချက်ချင်းပင် ပယ်ချလိုက်သည်။ သူ့ကို ပြန်ပြီး ဒုက္ခပေးနိုင်သည့် နိုင်ငံရေး ဒရာမာထဲတွင် သူပါဝင်ပတ်သက်လိုခြင်း မရှိပေ။

သူသည် ပိုမိုရိုးရှင်းသည့်အရာတစ်ခုကို ရှာဖွေရင်း နံရံကို ဆက်လက်ကြည့်ရှုနေခဲ့ပြီးနောက် သူ၏အကြည့်သည် စာရွက်တစ်ရွက်ပေါ်တွင် ရပ်တန့်သွားသည်။

လှည့်စားတတ်သောနတ်ဆိုးဂိုဏ်းကို ချေမှုန်းပါ

ရှန်းတျန်ပြည်နယ်ကို ဒုက္ခပေးနေသည့် လှည့်စားတတ်သောနတ်ဆိုးဂိုဏ်းဟူသော ဆိုးယုတ်သည့် အင်အားစုကို ချေမှုန်းပါ။

တည်နေရာ: မြောက်ပိုင်းတိုက်ကြီး

လိုအပ်သော အင်အား: အဓိကဖွဲ့စည်းမှုနယ်ပယ်အဆင့်

ဆုလာဘ်: စွမ်းအားကျောက်များ ၂၅၀၀