အဆင့် နှစ်ဆင့်ကို တစ်ချိန်တည်းဖြတ်သန်းခြင်း

ကျီ!

ချက်ခြင်းပင် နေရာလပ်က လှိုင်းများဖြင့် ဂယက်ထသွားခဲ့သည်။

ကျန်းချန်ရွှမ် ၏ မျက်လုံးသည် သူ၏ ပြိုင်ဘက်က ပစ်လွှတ်လိုက်သော တိုက်ခိုက်မှုကို မြင်လိုက်ရပြီး ၎င်း၏ စွမ်းအားသည် မည်သည့် အထွတ်အထိပ် ဝိညာဉ်ဖွဲ့စည်းခြင်းကျင့်ကြံသူ နှင့်မဆို နှိုင်းယှဉ်နိုင်ကြောင်း တွေ့လိုက်ရသည်။

၎င်းသည် ဆန်းကြယ်ကောင်းကင်ဂူ၏ ပထမအဆင့်သာဖြစ်သော်လည်း ထိုကဲ့သို့ပြင်းထန်သော ပြိုင်ဘက်များ ပေါ်ထွက်လာပြီးဖြစ်သည်။

အဆိုပါ ဆန်းကြယ်ကောင်းကင်ဂူကို ဟောက်ရန်ဂိုဏ်းက ၎င်းတို့၏ ခွန်အားကိုစမ်းသပ်ရန် အဓိကနေရာအဖြစ် သတ်မှတ်သည်မှာ အံ့သြစရာမဟုတ်ပေ။

ဝှစ်....

တုံ့ဆိုင်းခြင်းမရှိဘဲ ကျန်းချန်ရွှမ်သည်သူ ၏ အသိစိတ်ပျံသန်းခြင်းဓားဖြစ်သည့် ရွှေဗလာနယ်ဓားကို ဆင့်ခေါ်လိုက်သည်။

ဂလောင်...ဂလောင်..ဂလောင်

နတ်ဆိုးကျင့်ကြံသူ၏ တိုက်ပွဲပုဆိန်သည် ကျန်းချန်ရွှမ်၏ ဓားနှင့် အကြိမ်ထောင်ပေါင်းများစွာ တိုက်မိပြီးနောက် ၎ င်းတို့၏ ပုံရိပ်များသည် မြေပြင်မှ ကောင်းကင်ထိ တိုက်နေပြီး နောက်တစ်ကြိမ် ထပ်မံတိုက်ခိုက်ခဲ့သည်။

အကယ်၍ နေရာလပ်သည် ထူးခြားမှုမရှိခဲ့လျှင် ၎ င်းတို့အောက်ရှိ မြေကြီးသည် တည်ရှိနိုင်ခြေ မရှိတော့ပါ။

ဝုန်း....!

ရုတ်တရက်!

မြေကြီးတစ်ခုလုံးသည် နတ်ဆိုးကျင့်ကြံသူ၏ ဝန်းကျင် တွင် စုပုံလာပြီး သူ့ ကို လုံးဝလွှမ်းမိုး သွား သည်။

၎င်းသည် ကျန်းချန်ရွှမ်၏ မြေဓာတ်နတ်ဘုရားစွမ်းအား၊ ကောင်းကင်သင်္ချိုင်းဖြစ်ပေသည်။

ဝုန်း....! ဝုန်း....! ဝုန်း....!

သို့သော် ယခင်ကနှင့်မတူဘဲ နတ်ဆိုးကျင့်ကြံသူသည် ကောင်းကင်သင်္ဂြိုဟ်ခြင်းကြောင့် နစ်မြုပ်သွားသည့်အချိန်တွင် သူ့အား ဝန်းရံထားသော မြေကြီးသည် အတွင်းမှ ရိုက်ခတ်သံများ စတင်ထွက်ပေါ်လာပြီး အပြင်ဘက်သို့ ပေါက်ကွဲထွက်သွားသည်။

ထိုအချိန်တွင် အလွန်စူးရှပြီး လွှမ်းမိုးနေသော အလင်းတန်းတစ်ခုသည် နတ်ဘုရားအသိစိတ်ဖြင့်ပင် ဖမ်းယူရန် မလွယ်ကူသောအရှိန်ဖြင့် ရွေ့လျားနေပြီး ၊ နတ်ဆိုးကျင့်ကြံသူ ၏ နဖူးထဲသို့ ထိုးဖောက် ဝင်ရောက်သွားခဲ့သည်။

သူ ၏ မျက်လုံးများသည် တုန်လှုပ်သွားပြီး အလင်း ၏ အစက်အပြောက်များအဖြစ် ပျံ့နှံ့ပျောက်ကွယ် သွားတော့သည်။

ပထမအဆင့် အောင်မြင်ပြီ။

.......

အပြင်လောကတွင်။

ချင်ရှန်းဝူ၊ ရွယ်ပင်း၊ ယွင်ရီကျန်းနှင့် ရှန်းရူယန် တို့သည် ကျန်းချန်ရွှမ်၏ ဆန်းကြယ်ကောင်းကင်ဂူ၏ ပထမအဆင့်ကိုအောင်မြင်စွာ ဖြတ်သန်းနိုင်ခဲ့သည်ကို ကြည့်ရှုခဲ့ကြသည်။

အထူးသဖြင့် ချင်ရှန်းဝူ၊ ရွယ်ပင်း၊ ယွင်ရီကျန်း တို့ပင် ဖြစ်သည်။

သူတို့သည် အနည်းငယ်မအံ့ဩသွားဘဲ မနေနိုင်ခဲ့ပေ။

ယွင်ရီကျန်းက မှတ်ချက်ပေးခဲ့သည်။

"ငါအမှားမလုပ်မိဘူးဆိုရင် ဆန်းကြယ်ကောင်းကင်ဂူ ထဲဝင်ပြီးကတည်းက ဆယ်ကြိမ်တောင် အသက်မရှူရသေးဘူး မဟုတ်လား။

ပထမအဆင့်ကို အသက်ဆယ်ကြိမ်ရှုချိန်မှာ အောင်မြင်သွားတယ်ဆိုတာက တတိယအဆင့် ကလည်း ပြသနာမဖြစ်နိုင်ဘူးလို့ ဆိုလိုနေတာပဲ။”

ချင်ရှန်းဝူက နူးညံ့သိမ်မွေ့သော အပြုံးဖြင့် တုံ့ပြန်လိုက်သည်။

"ချိုင့်ဝှမ်းသခင်ယွင်၊ မင်းက ကြင်နာလွန်းနေပါပြီ။ ကျုပ်တပည့်က အသက်ဆယ်ကြိမ်ရှုချိန်အတွင်း ပထမအဆင့်ကို အောင်မြင်ခဲ့တယ်ဆိုပေမဲ့ ကျုပ်နဲ့ ယှဉ်ရင် သူက နည်းနည်းတောင် အနောက် ရောက်နေပါသေးတယ်။"

ရှန်းရူယန်၏ အမူအရာသည် အနည်းငယ်ထူးဆန်းသွားသည်။

ရွယ်ပင်းသည် အနည်းငယ်ရှက်သွားပုံပေါ်ပြီး ယွင်ရီကျန်းသည် နှစ်ကြိမ်ချောင်းဆိုးကာ တုံ့ပြန်လိုက်သည်။

"အဲဒီအချိန်က သူ့ရဲ့ ရလဒ်နဲ့ နှိုင်းယှဉ်ရင် နည်းနည်း နောက်ကျသွားတယ်" ဆိုတာ ဘာကိုဆိုလိုတာလဲ?

ချင်ရှန်းဝူ ခေတ်တုန်းက ဟောက်ရန်ဂိုဏ်းမှာ ဆန်းကြယ်ကောင်းကင်ဂူဆိုတဲ့ ဒီရတနာတောင် မရှိခဲ့ဘူး မဟုတ်လား။ ရှိခဲ့လို့လား?

......

ဆန်းကြယ်ကောင်းကင်ဂူအတွင်းပိုင်း။

ကျန်းချန်ရွှမ်က နတ်ဆိုးကျင့်ကြံသူသည် အလင်း၏ အစက်အပြောက်များထဲသို့ ပျံ့နှံ့သွားသည်ကို ကြည့်နေစဉ် သူ့ရှေ့မှ မြင်ကွင်းသည် ရုတ်တရက် ပြောင်းလဲသွားသည်။

မျက်စိတစ်မှိတ်တွင် သူသည် ကျယ်ပြောသောနန်းတော်ကြီးတစ်ခုတွင် မိမိကိုယ်ကို တွေ့ရှိခဲ့သည်။

ချောမောလှပသော ဂြိုလ်သားအမျိုးသမီးကျင့်ကြံသူတစ်ဦးသည်တဖြည်းဖြည်းနှင့် သူ့ကို ချဉ်းကပ်ခဲ့လေသည်။

ဝိညာဉ်နယ်ပယ်တွင် ထိပ်တန်းမျိုးနွယ်စု ရာချီထဲမှ တစ်ခုအဖြစ် လူသိများသော ဂြိုလ်သား များသည် ၎ င်းတို့၏ ပြင်းထန်သော ဝိညာဉ်အာရုံများကြောင့် နာမည်ကြီးခဲ့ပြီး ဝိညာဉ်နယ်ပယ်တွင် ထိပ်တန်းလူမျိုးများအကြား အာရုံခံမှုအလွယ်ဆုံးထိပ်တန်းမျိုးနွယ်စု ဖြစ်ခဲ့သည်။

ထို့အပြင် ၎င်းတို့သည် ခိုးမှု ၊ လူသတ်မှုတို့တွင် ထူးခြားစွာ ကျွမ်းကျင်ကြပြီး ကျင့်ကြံသူတိုင်းကို သဘာဝအတိုင်း မွေးဖွားလာသော လူသတ်သမားနှင့် လုပ်ကြံသူများ ဖြစ်စေခဲ့သည်။

ထိုဂြိုလ်သားအမျိုးသမီးကျင့်ကြံသူနှင့် ရင်ဆိုင်ရင်း ကျန်းချန်ရွှမ်၏ အမူအရာသည် ရုတ်တရက် ပြောင်းလဲသွားသည်။

ခနအကြာတွင် သူ၏ပုံရိပ်က နေရာမှ ပျောက်ကွယ်သွားလေသည်။

ကျယ်လောင်သော အသံမြည်သွားခဲ့သည်။

သူရပ်နေခဲ့သော နေရာတွင် ယခုဆိုလျှင် ကြီးမားသော ချိုင့်တစ်ခု ပေါ်လာခဲ့သည်။

သူ၏ ယခင်နေရာတွင် ပြင်းထန်သော ထက်မြက်ပြီး သေစေနိုင်သည့် ဓားအလင်းတစ်ခု ပေါက်ကွဲ သွားခဲ့သည်။ တစ်ချိန်တည်းမှာပင် သူ့ရှေ့တွင် ရှိနေသော အမျိုးသမီးကျင့်ကြံသူသည် သူ့နောက်သို့ တစ်နည်းနည်းနှင့် ရွေ့သွားခဲ့သည်။

ကျီ....

ကျန်းချန်ရွှမ်၏ ရုပ်ပုံသည် ထပ်မံပျောက်ကွယ်သွားပြီး အနီးအနားတွင် ပြန်လည်ပေါ်ထွက်လာ သဖြင့် အမျိုးသမီးကျင့်ကြံသူသည် အံ့အားသင့်သွားပုံကို ဖော်ပြခဲ့သည်။

ဝှစ်....!

ဟဲဟဲဟဲ...

သို့သော် သိပ်မကြာခင်မှာပင် ဆွဲဆောင်မှုရှိသည့် အပြုံးတစ်ခုက သူမ၏မျက်နှာတွင် ပေါ်လာခဲ့သည်။

ဓားအလင်း သုံးခု - အနီတစ်ခု၊ အဝါတစ်ခု၊ အပြာတစ်ခုဖြင့် ဖွဲ့စည်းထားသော တြိဂံတိုက်ခိုက်မှု သည် ကျန်းချန်ရွှမ် ပြန်လည်ပေါ်ပေါက်လာနိုင်သည့် ဖြစ်နိုင်ခြေရှိသော နေရာသုံးခုကို ရည်ရွယ်ကာ ထွက်ပေါ်လာသည်။

"ဟင်?"

သူသည် သူမ၏ လှုပ်ရှားမှုများကို ကြိုတင်ခန့်မှန်းနိုင်စွမ်းကို အံ့သြခဲ့မိသည်။

ဒါက ဂြိုလ်သားတွေရဲ့ပုံစံလား?

ကျန်းချန်ရွှမ်သည် သူ၏အချိန်အများစုကို စည်းဘောင်မဲ့ဖြောင့်မတ်သောစွမ်းအား ကျင့်ကြံခြင်းတွင်ကုန်ဆုံးခဲ့သော်လည်း သူသည် ဝိညာဉ်နယ်ပယ်နှင့် ၎င်း၏အဓိကမျိုးနွယ်စုများအကြောင်းကို လေ့လာခဲ့ပါသည်။

သို့သော် ၎ င်းသည် သူ၏ ခိုးယူမှုနှင့် လုပ်ကြံသတ်ဖြတ်မှုအတွက် လူသိများသော ဂြိုလ်သားများနှင့် ပထမဆုံး အမှန်တကယ်တွေ့ဆုံမှုဖြစ်သည်။

ကြည့်ရသည်မှာ ထိုဂြိုလ်သားများသည် သူ့မျှော်မှန်းချက်နှင့် မကိုက်ညီပါ။

ကျီ!

ကျန်းချန်ရွှမ်၏ ဦးခေါင်းအထက်တွင်အရောင်ငါးရောင် အလင်းစက်ဝန်းတစ်ခု ရုတ်တရက် ပေါ်လာသည်။

ဓားအလင်းသုံးခုသည် အလင်းစက်ဝန်းအား ထိမှန်ခဲ့ပြီး အလင်းစက်ဝန်းသည် ထိခိုက်ပျက်စီးမှု မရှိဘဲ မီးပွားများဆက်တိုက်ထွက်လာခဲ့သည်။

ထိုမြင်ကွင်းက အမျိုးသမီးကျင့်ကြံသူအား ချက်ချင်းအံ့သြသွားစေခဲ့သည်။

"ဘယ်လိုလဲ"

သူမ တုန့်ပြန်နိုင်ခြင်းမရှိမီ သူမ၏ အမြင်တွင် ဖြောင့်တန်းသော ရွှေရောင်အလင်းတန်းတစ်ခု ပေါ်လာခဲ့သည်။

အလင်းသည် အလျင်အမြန် ရွေ့လျားသွားသဖြင့် သူမသည် မြင်ခဲ့သော်လည်း ခန္ဓာကိုယ်က အချိန်မီ မတုံ့ပြန်နိုင်ခဲ့ပါ။

ဝှစ်..

ရွှေရောင်အလင်းသည် အမျိုးသမီးကျင့်ကြံသူ ၏ ခန္ဓာကိုယ်ကို တည့်တည့်ဖြတ်ကာ ကောင်းကင် တစ်လျှောက် ပျံ့နှံ့သွားခဲ့သည်။

"အာ...."

သူမသည် ကြောင်အနေကာ ပြီးနောက် သူမ၏ ခန္ဓာကိုယ်သည် မရေတွက်နိုင်သော အလင်းမှုန်များ ထဲသို့ ပျံ့နှံ့သွားပြီး ပျောက်ကွယ်သွားသည်။

.......

"ဟမ်? ဒုတိယအဆင့်ကိုလည်း အောင်မြင်ပြီလား။"

အပြင်ဘက်တွင် ချင်ရှန်းဝူ နှင့် အခြားသူများကကျန်းချန်ရွှမ်သည် ဆန်းကြယ်ကောင်းကင်ဂူ၏ ဒုတိယအဆင့်ကိုလည်း ဖြတ်ကျော်သွားနိုင်သည်ကို မြင်တွေ့ရပြီး အံ့အားသင့်မှုကို ထပ်မံဖော်ပြခဲ့သည်။

"ငါအမှားမလုပ်မိရင် သူ ဒီတစ်ခေါက်သုံးသွားတဲ့ အချိန်က အရင်တစ်ခေါက်အချိန်ထက်တောင် ပိုတိုနေတယ်လို့ ထင်ရတယ် မဟုတ်လား။"

"တကယ်တော့ အဲ့ဒါက အရင်တစ်ခေါက်ကထက် ပိုတိုတယ်။" ရွယ်ပင်းက ခေါင်းညိတ်ကာ အတည်ပြုခဲ့သည်။

“သူက ဆန်းကြယ်ကောင်းကင်ဂူရဲ့ တတိယအဆင့်ကို ဖြတ်သန်းဖို့ ပြဿနာမရှိလောက်ဘူး။

ညီအစ်ကို ချင်က တပည့်ကောင်းတယောက်ကို တကယ်ယူလိုက်နိုင်တာပဲ။"

ယွင်ရီကျန်းက ချင်ရှန်းဝူကို အပြုံးဖြင့် ကြည့်ရင်း ပြောလိုက်သည်။

......

အခြားတစ်ဖက်တွင်။

အမျိုးသမီးကျင့်ကြံသူအား အနိုင်ယူပြီးနောက် ကျန်းချန်ရွှမ်၏ ပတ်၀န်းကျင်သည် မပြောင်းလဲသွားပါ။ သူသည် ကျယ်ဝန်းသော နန်းတော်တွင်သာ ကျန်ရစ်ခဲ့သည်။

သို့သော်လည်း သူ့ပတ်ဝန်းကျင်မှ အလင်းရောင်များမှာ တဖြည်းဖြည်း လှိုင်းထလာကာ တောက်ပလိုက်မှိန်ဖျော့လိုက်ဖြစ်လာသည်။

နန်းတော်၏ အစွန်းတစ်ဝိုက်တွင် ထူးဆန်းပြီးအရိပ်များ စတင်လှည့်ပတ်လာပြီး နန်းတော် တစ်ခုလုံးသို့ ကြမ်းကြုတ်သော အရိပ်အယောင်များဖြင့် အေးစိမ့်စေသော လေထုတစ်ခုကို ဖန်တီးခဲ့သည်။

"ဟမ်?" ဒါကဘာလဲ?

ကျန်းချန်ရွှမ်သည် နန်းတော်နံရံများပေါ်သို့ အရိပ်များ စီးဆင်းလာသည်ကို သူ့မျက်လုံးများထဲတွင် သိလိုစိတ် ပြင်းပြစွာဖြင့် သတိပြုမိခဲ့သည်။

"ဒါက ဒဏ္ဍာရီထဲက ပုံရိပ်ယောင်ပြိုင်ပွဲ ဖြစ်နိုင်မလား။"

"ဟဲဟဲဟဲဟဲ..."

သူ့မေးခွန်းသည် ပဲ့တင်သံများဖြင့် ရယ်မောသံများ ဆူညံစွာ ထွက်ပေါ်လာသည်နှင့် ကြုံလိုက်ရသည်။

***