ချင်ရှန်းဝူ

တစ်ချိန်တည်းမှာပင် သူမကိုတိုက်ရိုက်တပည့်အဖြစ် မိုးကြိုးချိုင့်ဝှမ်း၏ ချိုင့်ဝှမ်းသခင် ယွင်ရီကျန်းက ခေါ်ဆောင်သွားခဲ့သည်။

ရှန်းရူယန်၏ အဆိုအရ လက်ရှိ ချိုင့်ဝှမ်းသခင်သည် မိုးကြိုးချိုင့်ဝှမ်းသမိုင်းတွင် ကျင့်ကြံခြင်းနှင့် အင်အား၌ အတောင့်တင်းဆုံးဖြစ်သည်ဟုဆိုသည်။ ဂိုဏ်းတစ်ဂိုဏ်းလုံးတွင် မည်သူမှ သူ့ပြိုင်ဘက်မဟုတ်ပါ။

အရေးအကြီးဆုံးအချက်မှာ ချိုင့်ဝှမ်းသခင်သည်လည်း မိုးကြိုးငါးသွယ်တာအိုခန္ဓာကိုယ်ကို ပိုင်ဆိုင်ထားခြင်းဖြစ်သည်။

ရှန်းရူယန်၏ဆရာအဖြစ် သူ့ကိုထားရှိခြင်းက သူမအတွက် တကယ်ကို အထောက်အကူ ဖြစ်စေသည် ဆိုသည်မှာ ရှင်းလင်းပါသည်။

ဤအရာက ကျန်းချန်ရွှမ်အား သူမအတွက် အမှန်တကယ် ပျော်ရွှင်စေခဲ့သည်။

သူ့ဘက်တွင်မူ သူ့အား တိုက်ရိုက် တပည့်အဖြစ် လက်ခံမည်ဟု ကြေညာထားသော ချင်ရှန်းဝူသည် ဂူပိတ်ကျင့်ကြံခြင်းမှ ထွက်မလာသေးပါ။

ကျန်းချန်ရွှမ်သည် မည်မျှစောင့်ရမည်ကို မသေချာပါ၊

ကျန်းချန်ရွှမ်သည် ရှန်းရူယန် ၏ စာကိုဖတ်နေစဉ်မှာပင်။

ဟောက်ရန်ဂိုဏ်း၏ အဓိကတောင်ထိပ်တစ်ခုမှ ရှန်းဝူအထွတ်အထိပ်ပေါ်တွင်ဖြစ်သည်။

ပညာရှင်ဆန်ဆန် အပြုအမူများ အရောင်အဝါများ စသော အရိပ်အမြွက်များရှိသည့် လူတစ်ယောက်သည် ဂူတစ်ခုထဲကနေ ရုတ်တရက်ထွက်လာခဲ့သည်။

ချက်ခြင်းပင်၊ အနက်နှင့် အဖြူရောင်ဝတ်ဆင်ထားသည့် လူငယ်တစ်ဦးက ရှေ့သို့သွားကာ ဦးညွတ်ကာ နှုတ်ဆက်လိုက်သည်။

"မင်္ဂလာပါ ဆရာ။"

ပညာရှိကြီးက ပြုံးကာ ခေါင်းညိတ်လိုက်သည်။

"အရာအားလုံးက ဘယ်လိုလဲ။ ကျုပ် ဂူပိတ်ကျင့်ကြံနေတုန်း နှစ်တွေထဲ အဆင်ပြေကြလား?"

အဖြူအမည်းဝတ်ဆင်ထားတဲ့ ကျောက်ထျန်းဖန် က ခေါင်းညိတ်ပြလိုက်သည်။ “ဆရာ၊ ဂူပိတ်ကျင့်ကြံနေခဲ့တဲ့ နှစ်တွေအတွင်း ဟောက်ရန်ဂိုဏ်းမှာ အဓိကကိစ္စကြီးဘာမှ ဖြစ်မလာခဲ့ပါဘူး။

စီနီယာအစ်မ ရှီက လျှို့ဝှက်နယ်ပယ်တစ်ခုကို စူးစမ်းရှာဖွေတဲ့အချိန်မှာ ဒြပ်စင်ငါးပါး ကောင်းကင်ဂိုဏ်းနဲ့ ထာဝရဓားဂိုဏ်းက လူတွေနဲ့ ပဋိပက္ခအချို့ကို တွေ့ခဲ့ရတာကလွဲပြီး အခြားကိစ္စရပ်များ မရှိခဲ့ပါဘူး။”

"ရှီရှန်းယောင်ကော ဆုံးရှုံးမှုတစ်ခုခုခံစားခဲ့ရသလား?"

ပညာရှိကြီးက ရုတ်တရက် မေးလိုက်သည်။

ကျောက်ထျန်းဖန်က ချက်ချင်းပဲ ပြုံးပြုံးနှင့် ခေါင်းခါပြလိုက်သည်။

“အဲဒီလို မဖြစ်ခဲ့ပါဘူး။

အဲ့ဒီပဋိပက္ခမှာ စီနီယာအစ်မ ရှီက ကောင်းကျိုးအချို့ကိုတောင် ရရှိနိုင်ခဲ့ပါတယ်။”

"ဟုတ်လား?"

ပညာရှင်၏ ပါးစပ်ထောင့်တွင် အပြုံးတစ်ခု ပေါ်လာခဲ့သည်။

“ဒါဆို အားလုံးအဆင်ပြေတယ်။ စကားမစပ်၊ ငါ့တပည့်က ဘယ်လိုလဲ? ဆယ်နှစ်ကြာ စောင့်ပြီးတော့ သူ့မှာ မကျေနပ်တာမျိုး ဒါမဟုတ် မပျော်ရွှင်တဲ့လက္ခဏာတွေများ ရှိလား။"

ချင်ရှန်းဝူသည် ကျန်းချန်ရွှမ်အကြောင်းကို ရုတ်တရက်ပြောလိုက်သောအခါ ကျောက်ထျန်းဖန်သည် အနည်းငယ်နောက်ဆုတ်သွားပြီးနောက်မှ သူ၏ မျက်နှာပေါ်တွင် အပြုံးတစ်ခု ပေါ်လာသည်။

“ဆရာ၊ ကျွန်တော်လေ့လာပြီး နားလည်မှုအရ ဂျူနီယာညီလေးမှာ မကျေနပ်တာမျိုး မပျော်ရွှင်တာမျိုးမရှိပုံပါပဲ။ အဲ့ဒီအစား သူက တိမ်တိုက်မြူအထွတ်အထိပ်မှာ တော်တော်လေးပျော်နေပုံ ရပါတယ်။"

"ဟုတ်လား?"

ကျောက်ထျန်းဖန်၏ စကားကိုကြားသောအခါ ပညာရှင်ဖြစ်သူ ချင်ရှန်းဝူက စိတ်ဝင်စားမှု အနည်းငယ်ပြလာခဲ့သည်။

"ဒါဆို သွားကြစို့။ ငါဂူပိတ်ကျင့်ကြံခြင်းကထွက်လာပြီဆိုတော့ သူ့ကို ကိုယ်တိုင်သွားတွေ့တာမှ မှန်လိမ့်မယ်။

သူရှိနေတဲ့ တိမ်တိုက်မြူတောင်ထိပ်ကို သွားကြစို့။”

"ဟင်?"

ကျောက်ထျန်းဖန်သည် အနည်းငယ်အံ့အားသင့်သွားသော်လည်း အလျင်အမြန်သတိထားခဲ့သည်။

သူ့ဆရာ၏ အခြားဝါသနာတစ်ခုက ထွက်ပေါ်လာလေသလား?

ခဏလောက် သူ၏ဂျူနီယာညီလေးအသစ်အား သနားစိတ်ဝင်မိလေသည်။

........

တစ်ချိန်တည်းတွင်။

တိမ်တိုက်မြူတောင်ထိပ်တွင်။

ကျန်းချန်ရွှမ်သည် သူ၏ ရှေ့မှောက်ရှိ သမင်အားဝိညာဉ်ဆေးပြားကိုကျွေးမွေးနေခဲ့သည်။

ဟုတ်ပါသည်။ ထိုသမင်သည် သူ့အား အသီးနှင့် ချဉ်းကပ်ခဲ့သော နှင်းဖြူရောင်သမင်ပင်ဖြစ်သည်။

ကျန်းချန်ရွှမ်က သူ့အား အဖြူရောင်လေးလို့ နာမည်ပေးခဲ့သည်။

သူစားခဲ့တဲ့ ဆေးလုံးမှာ သူနှစ်ပေါင်းများစွာ သန့်စင်ထားသော ဆေးတစ်ခုဖြစ်သည်။

ကျန်းချန်ရွှမ် တိုက်သောဆေးကိုသောက်ပြီးနောက် သမင်၏ ခန္ဓာကိုယ်သည်ချက်ချင်းပင် နူးညံ့သိမ်မွေ့သောဝိညာဉ်အလင်းနှင့် နူးညံ့သိမ်မွေ့သောရနံ့ကိုထုတ်လွှတ်လိုက်သည်။

၎င်းသည် ကျန်းချန်ရွှမ်ဆီသို့ ချဉ်းကပ်လာပြီး သူ၏ လက်မောင်းကို ချစ်စနိုးဖြင့် ပွတ်သပ်ကာ ပျော်ရွှင်သော အသံများကို ပြုလုပ်ပြီးမှ နီးစပ်ရာ သစ်တောများထဲသို့ ဝင်ရောက်သွားလေသည်။

မကြာခင်မှာပင် ရောင်စုံ ဝိညာဉ်အသီးအနှံ များစွာနှင့် ပြန်လာခဲ့သည်။

သို့သော်လည်း ၎င်းသည် ကျန်းချန်ရွှမ်ဆီသို့မရောက်မီ အနီးအနားရှိ ပုံရိပ်နှစ်ခု ဆီသို့ သစ်သီးများ ပါသွားသည်ကို တွေ့လိုက်ရသဖြင့်ထိတ်လန့်သွားခဲ့သည်။

သမင်ကိုသာ အာရုံစိုက်နေသဖြင့် ဤသည်ကိုတွေ့လိုက်ရသော ကျန်းချန်ရွှမ်ကလည်း အံ့ဩသွားခဲ့သည်။

သူသည် သစ်သီးများ ယူဆောင်သွားရာ လမ်းကြောင်းကို အလျင်အမြန် ကြည့်လိုက်သည်။

သူနဲ့ မနီးမဝေးမှာ ရပ်နေတဲ့ လူနှစ်ယောက်က သတိမထားမိစဉ်တွင်ပင် ပေါ်လာခဲ့သည်။

သူတို့ထဲမှ ပညာရှိ တစ်ဦးသည် ထို ဝိညာဉ်သစ်သီး များ ကို ပါးစပ် ထဲ သို့ တစ်ခုချင်း စီ ဖြည့် နေ ခဲ့ သည်။

ထိုမြင်ကွင်းက သမင်အား ချက်ချင်းစိတ်လှုပ်ရှားသွားစေခဲ့သည်။

၎င်းသည် နှာမှုတ်ကာ ထိုပညာရှိနှစ်ဦးထံပြေးသွားလေသည်။

မည်သို့ပင်ဖြစ်စေ ၊ ၎ င်း ၏ ရှေ့တွင် မမြင်နိုင်သော အတားအဆီးတစ်ခု ရှိနေပုံရပြီး ၎ င်းကို အနည်းငယ်တိုးမလာစေရန် တားဆီးထားသည်။

ဤအချက်ကိုမြင်သောအခါ ကျန်းချန်ရွှမ်၏ အမူအရာသည် တည်ငြိမ်လာသည်။

အစောပိုင်းတွင် သူသည် သူ့၏တောင်ထိပ်သို့ တစ်စုံတစ်ယောက်ရောက်လာသည်ကို အာရုံမရလိုက်ပါ။

တိမ်တိုက်မြူတောင်ထိပ်၏ အတားအဆီးကပင် ထိုလူနှစ်ဦးအပေါ်သက်ရောက်မှုမရှိပေ။

သတိထားရမည်မှာ တိမ်တိုက်မြူတောင်ထိပ်တွင်ရှိသော အကာအကွယ်အစီအရင်သည် သာမန်မဟုတ်ပါ။

သာမန်ဗလာနယ်ပြန်နတ်ဘုရားအရှင်တစ်ဦးသည်ပင် အစီအရင်ကိုဖြတ်ကာ သူ့ရှေ့တွင် ပေါ်လာနိုင်ရန်မဖြစ်နိုင်ပေ။

ထို့ကြောင့် ထိုသူ၏အထောက်အထားကို ခန့်မှန်းနိုင်ပါသည်။

သူတို့သည် ကောင်းကင်ဘုံလှိုင်းနယ်ပယ်သို့ရောက်ပြီးဖြစ်သော တာအိုပေါင်းစည်းခြင်းသူတော်စင် သို့ ဗလာနယ်ပြန်နတ်ဘုရားအရှင်တို့ ဖြစ်ပေလိမ့်မည်။

ဖူး...

သို့သော် ထိုအချိန်တွင် ဝိညာဉ်အသီး ကို စား နေ သော ပညာရှင် တစ် ဦး သည် သူဘက်သို့ အသီးကို ရုတ်တရက် ထွေး လိုက် သည်။

ဝှစ်....

အသီးအနှံ ၏ အစေ့သည် လေထဲတွင် ဖြတ်သွားပြီး ၎င်း၏ စွမ်းအားကြောင့် ပတ်ဝန်းကျင် နေရာလပ် များတွင် ဂယက်များကို ဖြစ်ပေါ်စေခဲ့သည်။

ကျန်းချန်ရွှမ်၏ မျက်နှာသည်ချက်ချင်းပြောင်းလဲသွားသည်။

ဒြပ်စင်ငါးပါးသည် သူ၏ခေါင်းပေါ်တွင် ချက်ခြင်းပေါ်လာခဲ့သည်။

ဂလောင်ဟူသော အသံမြည်သွားခဲ့သည်။

ဒြပ်စင်ငါးပါးအလင်းစက်ဝန်းအပေါ် တွင် ချက်ချင်း ချိုင့်ခွက်ပေါ်လာခဲ့သည်။

ဘာလဲ?

ထိုအချက်က သူ၏ မျက်စိသူငယ်အိမ်ကို ချက်ခြင်း ကျဉ်းသွားစေခဲ့သည်။

သူနောက်ထပ်တုံ့ပြန်နိုင်ခြင်းမပြုမီ ၊ အသီးအနှံများစွာသည် ကောင်းကင်မှ သူ့ဆီသို့ ဆက်တိုက် ပျံသန်းလာသည်။

ကျန်းချန်ရွှမ်သည်ကြောင်အသွားသည်။

ဘာတွေဖြစ်နေတာလဲ?

ထိုကဲ့သို့သောစွမ်းအားကြီးသောသက်ရှိများက အမှန်တကယ် ထိုသို့လုပ်နေလျှင်...

ကျီ!

ချက်ခြင်းပင်၊ အစိမ်းရောင်အလင်းက လိမ့်တက်လာသည်။

၎င်းသည် ကျန်းချန်ရွှမ်၏ မူလသန့်စင်သောယန်စစ်မှန်ရတနာ, အရှေ့အစိမ်းရောင်နဂါးအလံ ဖြစ်သည်။

သို့သော်လည်း သူ စိတ်မချရသေးပါ။

ထိုအချိန်တွင်၊ ဝှစ်…. ဝှစ်.... ဝှစ်....

သူက အဆင့် (၆) ကာကွယ်ရေး မန္တာန်များစွာကို ချက်ချင်းတင်လိုက်သည်။

ကျယ်လောင်သော အသံများ ထွက်ပေါ်လာလေသည်။

ထိုအသီးများသည် ကြောက်မက်ဖွယ်ကောင်းသော အစွမ်းသတ္တိတစ်စုံတစ်ရာဖြင့် ပြည့်နှက် နေသကဲ့သို့ သူ ၏ အဆင့် ၆ ခု ၏ ခုခံကာကွယ်ရေးမန္တာန်များသည် ကျည်ဆံတစ်လုံးအောက်တွင် ကွဲကြေသွားသော ကြက်ဥခွံများကဲ့သို့ ပြိုကွဲသွားစေသည်။

ချက်ခြင်းပင် ထိုကာကွယ်ရေးမန္တာန်များက ပျောက်ကွယ်သွားရသည်။

အရှေ့အစိမ်းရောင်နဂါးအလံ မှ ပြောင်းလဲ ခဲ့ သော ကာကွယ်ရေးအလင်း မျက်နှာပြင်ဖြင့်သာ ၎ င်း တို့ကို ခေတ္တပိတ်ဆို့ နိုင်ခဲ့သည်။

သို့သော် ၎င်းသည်လည်း ယာယီပင်ဖြစ်ပါသည်။

သိပ်မကြာခင်မှာပဲ အရှေ့စိမ်းနဂါးအလံ၏ ကာကွယ်ရေးအလင်းမျက်နှာပြင်သည်လည်း ပပျောက်သွားခဲ့ပါတော့သည်။

ကျန်ရှိနေသေးသော အသီးအနှံများသည် လျော့မသွားသော အစွမ်းသတ္တိဖြင့် ကျန်းချန်ရွှမ်၏ ခန္ဓာကိုယ်ကို တုန်လှုပ်သွားစေခဲ့သည်။

***