၁၆ယောက်မြောက် ကလေး(၃)

လင်းယွဲ့ သက်ပြင်းချလိုက်ပြီး အတွေးများကို စုစည်းလိုက်သည်။

မာရ်နတ်လမ်းက ရှာဟုန်မျိုးနွယ်ရဲ့ ရန်သူဆိုတာ ရှင်းနေတာပဲ၊ ဒါကို နတ်ဘုရားဧကရာဇ်က မာရ်နတ်လမ်းက လူတစ်ယောက်ကို သူ့သားအဖြစ် ပြန်လည်မွေးဖွားခွင့် ပေးခဲ့တယ်လား။

အခြားကမ္ဘာမှ ပေါင်မုန့်ဖြူကဲ့သို့ပင်။ (ပေါင်မုန့်ဖြူဆိုတာက ဘာတစ်ခုမှထူးခြားမှုမရှိတဲ့လူ ဆိုတဲ့အဓီပ္ပာယ်ပါ)

"ဘာဖြစ်လို့လဲ၊ အရှင်မင်းသား"

ယွီရှီချီ ခေါင်းစောင်းလိုက်ပြီး လင်းယွဲ့ကို မျက်စိလည်စွာ ကြည့်သည်။

"ဧကရာဇ်အမိန့်တော်ထဲမှာ တစ်ခုခု ရေးထားတာ ရှိလား"

လင်းယွဲ့ ခဏမျှ စဉ်းစားပြီး "မင်းနဲ့ ဆယ့်ခြောက်ယောက်မြောက်မင်းသားနဲ့ ဘယ်လိုပတ်သက်မှု ရှိလဲ သိလား" ဟု မေးလိုက်သည်။

"ဆယ့်ခြောက်မင်းသားလား။ ဘယ်လိုပတ်သက်မှုလဲ"

ယွီရှီချီ သူ့ကို ဘာမှမသိသလို ကြည့်လိုက်သည်။

ယွီရှီချီ ရဲ့ ဆရာတွေက သူမကို မပြောပြထားဘူးလား။

လင်းယွဲ့ မျက်ခုံးအနည်းငယ် ပင့်လိုက်သော်လည်း ဘာမှမပြောဘဲ "မင်း ကျင့်ကြံတဲ့ ကျင့်ကြံမှုနည်းစနစ်တွေက ရှာဟုန်မျိုးနွယ်ရဲ့ ရှေးဟောင်းဘုရားနည်းလမ်းကနေ လာတာ မဟုတ်လား" ဟု မေးလိုက်သည်။

"ဟုတ်ပါတယ်"

ယွီရှီချီ ခေါင်းညိတ်သည်။

"ကျွန်မက ရုပ်ခန္ဓာလမ်းစဉ်ကို လိုက်တယ်"

"သိသာပါတယ်"

လင်းယွဲ့က ခေါင်းစဉ်ကို ရုတ်တရက် ပြောင်းလိုက်သည်။

"မင်းရဲ့ ဆရာတွေက ဆယ့်ခြောက်ယောက်မြောက်မင်းသားအတွက် အလုပ်လုပ်နေတာ ကြားလို့ သူက မင်းကို သင်ပေးတယ်လို့ ထင်ခဲ့တာ"

"အိုး..."

ယွီရှီချီ သံသယမရှိပေ။

လင်းယွဲ့၏ ပြောကြားချက်သည် မဟုတ်မမှန် ပြောခြင်းမဟုတ်သောကြောင့် သူမ သံသယဝင်စရာ အကြောင်းမရှိပေ။

သူ တကယ်ပင် ထိုသို့ထင်ခဲ့သည်မှာ ဆယ့်ခြောက်မင်းသား၏ မြေးမဖြစ်ပြီး ပြန်လည်မွေးဖွားလာသူဖြစ်သောကြောင့် ယွီရှီချီအား ရှေးဟောင်းဘုရားနည်းလမ်းကို သင်ကြားပေးခဲ့မည်ဟု ထင်ခဲ့ခြင်းဖြစ်သည်။

"အရှင်မင်းသား၊ ဒီအလောင်းမှာ ဘာမှမရှိတော့ဘူး"

ယွီရှီချီသည် ဂူပိုင်ရှင်၏ ရုပ်အလောင်းဘေးတွင် ထိုင်လျက် "ဒါ ဘယ်သူ့အလောင်းလဲ။ မာရ်နတ်လမ်းက လူတစ်ယောက်ရဲ့ အလောင်းနဲ့တူတယ်" ဟု ပြောလိုက်သည်။

ဒါ မင်းရဲ့အဘိုးရဲ့ ယခင်ဘဝက အလောင်းပဲ။ တကယ်တော့ သူက ငါ့ရဲ့ အစ်ကိုလည်း ဖြစ်တယ်... လင်းယွဲ့ ကိုယ့်ဘာသာ တီးတိုးရေရွတ်လိုက်ပြီး "ဟုတ်တယ်၊ မာရ်နတ်လမ်းက လူတစ်ယောက်ပဲ။ သူ့ရဲ့သမိုင်းကို ပြောပြနိုင်မလား" ဟု ပြောလိုက်သည်။

"မပြောနိုင်ဘူး"

ယွီရှီချီ ခေါင်းခါလိုက်သည်။

"မာရ်နတ်လမ်းက လူတွေက လျှို့ဝှက်ဆန်းကြယ်စွာ ပြုမူကြပြီး ရှာဟုန်မျိုးနွယ်က လိုက်လံရှာဖွေနေတဲ့အတွက် သူတို့ကိုယ်သူတို့ ထုတ်မပြတတ်ဘူး။ ကျွန်မ မာရ်နတ်လမ်းအကြောင်း သိပ်နားမလည်ခဲ့ဘူး"

သူမ ရုတ်တရက် လင်းယွဲ့လက်ထဲက အရိုးဖြူလက်ကောက်ကို ကြည့်လိုက်ပြီး "အရှင်မင်းသား၊ ဒီလက်ကောက်က မာရ်နတ်လမ်းက ရတနာတစ်ခု ဖြစ်ရမယ်။ အကယ်၍ ရှင် ဒါကို ပြုပြင်နိုင်မယ်ဆိုရင် ရှာဖွေနိုင်မယ်ထင်တယ်" ဟု ပြောလိုက်သည်။

"ကျွန်တော် ကြိုးစားကြည့်မယ်"

လင်းယွဲ့ ချက်ချင်းပင် သူ၏ ကျက်နေပြီဖြစ်သော လက်ချောင်းထိပ်ကို ပြန်လှီးလိုက်ပြီး သွေးပုလဲတစ်စက်ကို အရိုးဖြူလက်ကောက်ပေါ်သို့ ညှစ်ချလိုက်သည်။

သို့သော် သွေးပုလဲ လက်ကောက်ပေါ်သို့ ကျရောက်ပြီးနောက် မျက်နှာပြင်ပေါ်တွင် အနည်းငယ် လှိမ့်လိုက်ပြီး စုပ်ယူမခံရဘဲ ဘေးသို့ လျှောကျသွားခဲ့သည်။

"ဟင်"

လင်းယွဲ့ မျက်ခုံးအနည်းငယ် ပင့်လိုက်သည်။

"သွေးအသိအမှတ်ပြုခြင်းက အလုပ်မလုပ်ဘူးလား"

ယွီရှီချီလည်း မြင်လိုက်ပြီး သူမ၏ နူးညံ့သော မျက်ခုံးများကို ကြုံ့ကာ စဉ်းစားရင်း "အရှင်မင်းသား၊ မာရ်နတ်လမ်းက ရတနာတွေက အများအားဖြင့် တော်တော်ထူးခြားကြတယ်၊ သူတို့ရဲ့ အသိအမှတ်ပြုခြင်းနည်းလမ်းတွေကလည်း ကွဲပြားနိုင်တယ်။ ဒီရတနာရဲ့ အသိအမှတ်ပြုခြင်းက တခြားအခြေအနေတွေ လိုအပ်နိုင်တယ်" ဟု ပြောလိုက်သည်။

"တခြားအခြေအနေတွေလား"

လင်းယွဲ့ သူမကို ကြည့်လိုက်သည်။

"ကျင့်ကြံမှုနည်းစနစ်က မူရင်းအတိုင်း ဖြစ်ရမယ်၊ ဒါမှမဟုတ် သွေးသားတော်စပ်သူ ဖြစ်ရမယ်၊ ဒါမှမဟုတ် အမွေဆက်ခံသူ ဖြစ်ရမယ်၊ ဒါမှမဟုတ် တခြားရတနာတွေ လိုအပ်နိုင်တယ်။ ဘာမဆို ဖြစ်နိုင်ပါတယ်"

ယွီရှီချီက မြေပြင်ပေါ်မှာ လက်ချောင်းထိပ်ကို နှုတ်ခမ်းမှာဖိပြီး ကျယ်လောင်စွာ စဉ်းစားရင်း ပြောလိုက်သည်။

သွေးသားတော်စပ်သူလား။ လင်းယွဲ့ ခဏစဉ်းစားပြီး လက်ကောက်ကို ယွီရှီချီဆီ ပစ်ပေးလိုက်ရင်း "မင်းရဲ့သွေးနဲ့ စမ်းကြည့်ပါ" ဟု ပြောလိုက်သည်။

"အာ"

ယွီရှီချီ အံ့အားသင့်သွားသည်။

"ကျွန်မလား။ ဒါပေမဲ့ ဒါက အရှင်မင်းသားရဲ့ ရတနာပါ။ ကျွန်မ ယူတာ မသင့်တော်ပါဘူး..."

"စမ်းကြည့်လိုက်ပါ"

လင်းယွဲ့ ပေါ့ပေါ့ပါးပါး ပြောလိုက်သည်။

"ငါ သွေးအသိအမှတ်ပြုခြင်း မလုပ်နိုင်ဘူးဆိုတော့ ဒါကို ငါ့အတွက် သိမ်းထားလို့လည်း အသုံးမဝင်ဘူး။ မင်းသာ အောင်မြင်ပြီး အသုံးဝင်တယ်ဆိုရင် နောက်မှ ငါ့ကို ပြန်ပေးလို့ရပါတယ်"

ယွီရှီချီ "အိုး" ဟု အသံပြုပြီး သွေးအသိအမှတ်ပြုခြင်းကို စမ်းသပ်ကြည့်လိုက်သည်။

သို့သော် သူမ၏သွေးသည်လည်း အရိုးဖြူလက်ကောက်ပေါ်မှ လျှောကျသွားပြီး ပေါင်းစပ်သွားခြင်းမျိုး မရှိပေ။

သူမ၏ အခြေအနေသည် လင်းယွဲ့နှင့် အတူတူပင် ဖြစ်သည်။

"အရှင်မင်းသား၊ ကျွန်မအတွက်လည်း အလုပ်မလုပ်ဘူး"

ယွီရှီချီ သက်ပြင်းချလိုက်သည်။ အရှင်မင်းသားအတွက် ရည်ရွယ်ထားသော အခွင့်အရေးကို သူမက လုယူမိသွားမည်ကို စိုးရိမ်ခဲ့ခြင်းဖြစ်သည်။

မအောင်မြင်တာကို ပျော်နေတာလား...

လင်းယွဲ့ သူမကို တစ်ချက်ကြည့်လိုက်သော်လည်း အံ့သြခြင်းမရှိပေ။

ယွီရှီချီသည် မာရ်နတ်လမ်းကို လိုက်ခဲ့သူ၏ မြေးမဖြစ်ပြီး ပြန်လည်မွေးဖွားလာသူဖြစ်သောကြောင့် သူသည် စမ်းသပ်ကြည့်ရန်သာ တွေးခဲ့ခြင်းဖြစ်သည်။

သို့သော် ပြန်လည်မွေးဖွားပြီးနောက် မြေးမတစ်ဦးအနေဖြင့် သူမ မအောင်မြင်ခြင်းမှာ သဘာဝကျသည်။

လင်းယွဲ့ ခဏစဉ်းစားပြီး "ငါ နည်းလမ်းတစ်ခု စဉ်းစားမိပြီ။ မင်းကို အရင် ပုံမှန်အတိုင်း ပြန်ပြောင်းရအောင်" ဟု ပြောလိုက်သည်။

သူသည် ဓားမြှောင်ကို ထုတ်ယူလိုက်ပြီး နဂိုအတိုင်း ပြန်လည်ကောင်းမွန်စပြုနေသည့် သူ့လက်ချောင်းထိပ်ကို ထပ်မံလှီးဖြတ်ကာ သွေးတစ်စက်ကို ယွီရှီချီ၏ နဖူးပေါ်သို့ သုတ်လိမ်းလိုက်သည်။ တိတ်ဆိတ်သော အရိုးကို ဖယ်ရှားလိုက်သည်နှင့် ယွီရှီချီ၏ မျက်နှာပေါ်မှ အပူရှိန်ပြင်းများ ရုတ်တရက် လှိုင်းထလာသည်။ အပူရှိန် ငြိမ်သက်သွားသောအခါ သူမသည် မူလပုံစံသို့ ပြန်ရောက်နေသည်ကို တွေ့ရှိခဲ့ရသည်။ သူမသည် သူမ၏ ခြေထောက်များကို ငုံ့ကြည့်လိုက်ပြီး ယခင်က အရပ်ရှည်ခဲ့သည်ကို အနည်းငယ် သတိရမိနေသည်။

လင်းယွဲ့သည် တိတ်ဆိတ်သော အရိုးကို သူမ၏မျက်နှာမှ ခွာယူလိုက်ပြီး သူ၏ကိုယ်ပေါ်တွင် ကပ်လိုက်ကာ စဉ်းစားလိုက်သည်။

မကြာမီပင်၊ အပူရှိန်များ လျော့ကျသွားသည်နှင့် သူ၏အရပ်အမောင်းနှင့် ရုပ်သွင်မှာ သိသိသာသာ ပြောင်းလဲသွားသည်။

ကြေးရောင်အသားအရေ၊ နှစ်မီတာကျော်မြင့်သည့် ခန္ဓာကိုယ်ထွားကြိုင်းသော ပုံသဏ္ဌာန်၊ နဖူးအလယ်တွင် တတိယမျက်လုံးပါရှိသည့် အသွင်သဏ္ဌာန်အသစ်ကို ရရှိလာသည်။

၎င်းသည် ဂူပိုင်ရှင်၏ ပုံစံဖြစ်ကြောင်း ငြင်းဆို၍မရပေ။

"အရှင်မင်းသား ဘယ်သူအဖြစ် ပြောင်းလဲသွားတာလဲ"

ယွီရှီချီသည် လင်းယွဲ့ကို ရှုပ်ထွေးစွာ စူးစိုက်ကြည့်နေပြီး "သိပ်မလှဘူး။ အရှင်မင်းသားရဲ့ မူလပုံစံက ပိုလှတယ်" ဟု တီးတိုးပြောလိုက်သည်။

မင်းရဲ့အဘိုးရဲ့ ရုပ်ကြွင်းရှေ့မှာ သူ့အကြောင်းပြောဆိုနေတာ၊ မင်းရဲ့ အဘိုးဝမ်းကွဲကို ဒီလိုချီးကျူးတာ တကယ်ပဲ အဆင်ပြေရဲ့လား။ လင်းယွဲ့ စကားမပြောနိုင်ဘဲ ဖြစ်သွားသည်။ ထို့နောက် သူ၏အစ်ကိုဖြစ်သူ ဆယ့်ခြောက်မင်းသားကိုယ်စား ယွီရှီချီ၏ခေါင်းကို ညင်သာစွာ ပုတ်လိုက်ပြီး "ငါ့နဖူးကို ကြည့်" ဟု ပြောလိုက်သည်။

ယွီရှီချီ နာကျင်နေသောပုံစံဖြင့် သူမ၏ခေါင်းကို ကိုင်ထားလိုက်ပြီးနောက် လင်းယွဲ့၏ နဖူးကို ကြည့်လိုက်ရာ "အရှင်မင်းသား ပြောင်းလဲသွားတဲ့သူက နဖူးမှာ မျက်လုံးတစ်လုံး ပိုပါနေတာ ဘာလို့လဲ" ဟု အံ့အားသင့်စွာ အော်လိုက်သည်။

သူမ ရုတ်တရက် ခေါင်းကုတ်လိုက်သည်။

"ဒီအကြောင်းကို ဘယ်ဆီမှာကြားဖူးတယ် ထင်တယ်..."

"ကြားဖူးတယ်"

လင်းယွဲ့ မျက်ခုံးအနည်းငယ် ပင့်လိုက်ပြီး ထိုအတောအတွင်း သူ၏လက်ချောင်းကို ထပ်မံလှီးဖြတ်ကာ သွေးတစ်စက်ကို အရိုးဖြူလက်ကောက်ပေါ်သို့ ကျစေလိုက်သည်။

ယခုတစ်ကြိမ်တွင် သူသည် လတ်ဆတ်သောသွေးများ အရိုးဖြူလက်ကောက်ထဲသို့ ဖြည်းဖြည်းချင်း ပေါင်းစပ်ဝင်ရောက်နေသည်ကို သတိပြုမိလိုက်သည်။ လက်ကောက်ကို ပတ်ထားသော သွေးမျှင်များသည် တဖြည်းဖြည်း လင်းလက်လာခဲ့သည်။

တစ်ချိန်တည်းမှာပင် နက်ရှိုင်းပြီး သံလိုက်ဓာတ်ပါသော အသံတစ်ခုက သူ၏စိတ်ထဲတွင် ပဲ့တင်ထပ်လာသည်။

"ဘာမှမမှားဘူးဆိုရင် 'တိတ်ဆိတ်သော အရိုး' ကို တစ်ဖန်ရရှိသူဟာ ငါ့ရဲ့ ပြန်လည်မွေးဖွားခြင်း ဖြစ်ရမယ်။ မင်း ဒီနေရာကို ရှာတွေ့ဖို့ မင်းရဲ့အတိတ်ဘဝက မှတ်ဉာဏ်တွေကို အများကြီး ပြန်လည်ရရှိထားရမယ်”

"ရှာဟုန်မျိုးနွယ်ရဲ့ မင်းသားသွေးမျိုးနွယ်နဲ့ တိတ်ဆိတ်သော အရိုးရဲ့ သခင်ဖြစ်မှသာ 'တိတ်ဆိတ်သော အရိုး' ကို အသိအမှတ်ပြုနိုင်လိမ့်မယ်။"