ကောင်းကင်ကို ပြိုကျအောင်

ထျန်းကျစ်ပြည်၏ မြို့တော်သည် သတ်မှတ်ထားသော နယ်နိမိတ် မရှိချေ။ အဆောက်အဦများသည် ထိုရွာများထက် ပိုမြင့်သည်၊ ပို၍ လှပပြီး ကြီးမားသော်လည်း ချန်ရှီရဲ့ ယူဆချက်အရ ၎င်းတို့သည် ကြီးမားပြီး သေးငယ်သော ရွာများသာ ဖြစ်သည်။

စန်းရှီးရှီးက တိုးတိုးပြောသည်။

"ရွာတိုင်းက မျိုးနွယ်စုတွေ ရှိတယ်... ရွာမှာနေတဲ့လူတွေက မျိုးနွယ်တူတွေ များတယ် နံ့သာပေါင်းကို နှစ်သက်တဲ့ ထိပ်တန်း သရဲတစ္ဆေ နတ်ဘုရားတွေ ရှိတယ်... တခြား သရဲတစ္ဆေတွေက ပေးဆောင်ကြရတယ်... ဒီမျိုးနွယ်စုတွေ ပေါင်းပြီး ထျန်းကျစ်ပြည်ရဲ့ မြို့တော် ဖြစ်လာတာ...."

ချန်ရှီ မျိုးနွယ်စုတစ်စုကို လှမ်းကြည့်လိုက်သည်။ ရွာအလယ်တွင် အရပ်မြင့်မြင့်နှင့် ပေပေါင်းများစွာ မြင့်သော တစ္ဆေဘုရားတစ်ဆူက ထိုင်နေသည်။ သူသည် အကြီးဆုံးသော အိမ်ကြီးထဲတွင် ထိုင်နေပြီး ထိုအိမ်သည် ဘီလူးကြီးများ နေထိုင်သည့် အိမ်ဖြစ်သည်။ မျိုးနွယ်စုရှိ အခြားသော သရဲတစ္ဆေများသည် ဤတန်ခိုးကြီးသော တ​စ္ဆေနတ်ဘုရားအား ဝတ်ပြုရန်အတွက် သာမန်ကျောက်တုံးအိမ်များတွင်သာ နေထိုင်ကြသည်။

တစ္ဆေနတ်ဘုရားက သူ့ကို စိုက်ကြည့်နေရင်း သူ့နဖူးမှာ ရုတ်တရက် အက်ကွဲသွားပြီး သူ့နဖူးထဲမှာ နေရောင်လေးတစ်ခု ဝှက်ထားသလိုမျိုး တောက်ပတဲ့ အလင်းရောင်က ဒီဘက်ကို လင်းလက်လာလေ၏။

စန်းရှီးရှီးက ချန်ရှီနဲ့ ဖန်ယန့်အာတို့ကို တစ္ဆေနတ်ဘုရားရဲ့ အကြည့်အောက်မှ ဝေးရာကို ဆွဲခေါ်သွားသည်။

"ဒီတစ္ဆေတွေက တစ္ဆေနတ်ဘုရားတွေ... ရွာသားတွေ ယဇ်ပူဇော်ပြီး အန္တရာယ် ကျရောက်လာတဲ့အခါ တစ္ဆေနတ်တွေကို ကာကွယ်ပေးလိမ့်မယ် တစ္ဆေနတ်ဘုရားတွေ သေတဲ့အခါ အပြင်းထန်ဆုံးတစ္ဆေကို ရွေးချယ်ပြီး နံ့သာပေါင်းကို လက်ခံခိုင်းပြီး တစ္ဆေနတ်ဘုရားအသစ် ဖြစ်လာအောင် လုပ်လိမ့်မယ်..."

ခပ်လှမ်းလှမ်းတွင်တော့ ပေပေါင်းများစွာမြင့်သော သစ်သားစင်မြင့် တစ်ခုပေါ်တွင် သရဲတစ္ဆေမျိုးနွယ်တစ်စု ရပ်နေပြီး ဗုံအား အားကြိုးမာန်တက် တီးနေကြသည်။ စင်မြင့်ပေါ်တွင် တခြားသရဲတစ္ဆေများက တိုက်ခိုက်ပြီး အံ့သြဖွယ်ကောင်းသော ရိုင်းစိုင်းသော စွမ်းအားများဖြင့် ဝင်တိုက်နေကာ ချန်ရှီ၏ အာရုံကို ဆွဲဆောင်နိုင်ခဲ့သည်။

ဤတစ္ဆေများသည် သန်မာသော ကိုယ်ခန္ဓာနှင့် အဆုံးမရှိ ခွန်အားများဖြင့် ကြီးပြင်းလာကြတာတွေပင်။ သူတို့သည် သွေးလိုင်းအချို့ကို နိုးထစေခဲ့သဖြင့် အံ့သြဖွယ် တိုက်ခိုက်ရေး စွမ်းအားများ ရှိသည်။ သူတို့သွေးလိုင်းက ငှက်မျိုးနွယ်ထက် များစွာမြင့်မားသည်။ သူတို့လက်နှင့် ခြေတို့မှ ပေါက်ထွက်လာသော တန်ခိုးသည် နတ်သန့်စင်နယ်ပယ်ကို နှိုင်းယှဉ်နိုင်၏။

ဒါကို မြင်လိုက်ရတော့ ချန်ရှီ သူ့နှလုံးသားထဲမှ အံ့သြထိတ်လန့်သွားတော့သည်။

"တစ္ဆေမျိုးနွယ်တွေရဲ့ သွေးစွမ်းအားက ပြင်းထန်လွန်းတယ်!"

မရဏကမ္ဘာကို တစ္ဆေဝိညာဥ်၊ သရဲတစ္ဆေ၊ နတ်တစ္ဆေနှင့် နတ်ဆိုးဟူ၍ ပိုင်းခြားထားသည်။

တစ္ဆေဝိညာဥ်များသည် သေပြီးနောက် မြေအောက်ကမ္ဘာသို့ ပျံ့လွင့်လာသော ကျွဲနွား၊ လူ သို့မဟုတ် တိရစ္ဆာန်များ၏ ဝိညာဉ်များကို ရည်ညွှန်းသည်။ ဝိညာဉ်များသည် သွားစရာနေရာ မရှိသောအခါ သူတို့သည် တဖြည်းဖြည်း တစ္ဆေဝိညာဥ်အဖြစ်သို့ ပြောင်းလဲသွားကြသည်။

သရဲတစ္ဆေများသည် ငရဲနတ်၊ နွားခေါင်းနဲ့ မြင်းမျက်နှာ ကဲ့သို့သော တစ္ဆေမျိုးနွယ်များကဲ့သို့သော မြေအောက်ကမ္ဘာတွင် ယင်စွမ်းအင်ဖြင့် မွေးဖွားလာသော မရဏကမ္ဘာမှ သတ္တဝါများကို ရည်ညွှန်းသည်။

သရဲနှင့် နတ်ဟူ၍ နှစ်မျိုးရှိသေးသည်။ တစ်ကောင်က နံ့သာပေါင်းနဲ့ ယဇ်ပူဇော်တဲ့ အရွယ်ရောက်ပြီးသား တစ္ဆေတစ်ကောင်ဖြစ်ပြီး မျိုးနွယ်စုတွေ ဒါမှမဟုတ် တခြား သရဲတစ္ဆေတွေနဲ့ ဝိညာဥ်တွေက ကိုးကွယ်ကြသဖြင့် နတ်တစ္ဆေ ဖြစ်သွားကြပါ၏။ နောက်တစ်မျိုးကား လောက၌ သက်ရှိသတ္တဝါတို့ ကြာမြင့်စွာ ကိုးကွယ်ဆည်းကပ်အပ်သော ကုသိုလ်ကောင်းမှု ကြီးမားသော ပုဂ္ဂိုလ်၊ တိရစ္ဆာန် သို့မဟုတ် နတ်ဆိုးသည် သေလွန်ပြီးနောက် ကာလအတန်ကြာအောင် ကိုးကွယ်ဆည်းကပ် ခံရသောကြောင့် မရဏကမ္ဘာ၌ ရာထူးမြင့်မြင့်ကို ရ၏။

နတ်ဆိုးများသည် မြေအောက်ကမ္ဘာ၏ မကောင်းသော စွမ်းအင်များဖြင့် မွေးဖွားလာသော ထူးဆန်းသော မျိုးစိတ်များ ဖြစ်သည်။ ၎င်းတို့သည် အသားမရှိပေ။ သို့မဟုတ် အရိုးသေများ သို့မဟုတ် မြေအောက် အပင်များတွင် တွယ်တာခြင်း သို့မဟုတ် အမှောင်ထဲတွင် ပုန်းကွယ်ကာ သရဲတစ္ဆေများကဲ့သို့ ပေါ်လာပြီး ပျောက်ကွယ်သွားတတ်သည်။

အဝေးမှာတော့ သရဲတစ္ဆေတစ်ကောင်က ရုတ်တရက် သူ့လက်ကို ရှေ့သို့တင်ကာ လက်နှစ်ဖက်ကို တွဲထားလေသည်။ ရုတ်​တရက်​ ​ရေ​စီးကြောင်းကြီး ပေါ်လာပြီး ရန်​သူကို ရိုက်​ချပစ်လိုက်​သည်​။ ဒီရေလွှမ်းမိုးမှုရဲ့ စွမ်းအားက အံ့သြစရာကောင်းပြီး သူ့ပြိုင်ဘက်ရဲ့ အရိုးတွေကိုပါ ကျိုးသွားစေ၏။

စန်းရှီးရှီး: "သဲလွန်စတွေ တွေ့ပြီးပြီလား?"

ချန်ရှီ: "ငါမြင်တယ်...သဘာဝလွန် စွမ်းအား!"

စန်းရှီးရှီး အံ့သြသွားသည်။

"ဟုတ်တယ် အဲဒါက သဘာဝလွန်စွမ်းအားပဲ!... ရှင် ဘယ်လိုလုပ် မြင်တာလဲ ဂိုဏ်းချုပ် ကျွန်မကို ဒီကိုခေါ်လာတဲ့အချိန်တုန်းကလည်း ရာဇပလ္လင်အတွက် တိုက်ပွဲဝင်နေတဲ့ တစ္ဆေတွေနဲ့ တွေ့ခဲ့သေးတယ်... သူတို့က ကျွန်မ မြင်ရဖို့အတွက် သဘာဝလွန်စွမ်းအားတွေ သုံးခဲ့ပေမယ့် အချိန်အကြာကြီး ကြည့်ပြီးတဲ့အထိ ကျွန်မ ဘာမှ မတွေ့ခဲ့ရဘူး"

ချန်ရှီ: "မှော်ပညာဆိုတာ ကောင်းကင်နဲ့ မြေကြီးနတ်ဘုရားတွေရဲ့ နိယာမတွေကို ငှားဖို့... သဘာဝလွန်စွမ်းအားတွေက ကိုယ်တိုင်က ပါလာတာ"

သူသည် ကျိုးထျန်းတကျောက်၌ ကျွမ်းကျင်သော ဆရာဖြစ်ပြီး ထောင်ပေါင်းများစွာသော မှော်အတတ်ပေါင်းကို သောင်းနှင့်ချီ၍ ပြောင်းလဲနိုင်သော အဆောင်စာလုံး အမျိုးအစားပေါင်း ၂၄၀၀ကို ရေးတတ်သည်။

အဆောင်သည် နတ်ဘုရားများနှင့် နတ်ဆိုးများ၏ အသွင်အပြင်ကို မှတ်တမ်းတင်ထားပြီး နတ်များနှင့် နတ်ဆိုးများ၏ အသွင်အပြင်ဖြင့် ထူးခြားသော စွမ်းအားကို ပိုင်ဆိုင်ထားသည်။

လက်ဖွဲ့သည် နတ်ဆိုးများနှင့် နတ်များ၏ အမည်ဖြစ်သည်။ နတ်ဆိုးများနှင့် နတ်များ၏ အမည်များကို ခေါ်ဆိုကာ ၎င်းတို့၏ တန်ခိုးကို ချေးငှားခြင်း၊ သို့မဟုတ် နတ်ဆိုးများနှင့် နတ်များအဖြစ် ပြောင်းလဲခြင်းပင်။

နတ်များနှင့် နတ်ဆိုးတို့၏ ဘာသာစကားသည် သဘာဝ၏တန်ခိုးကို ထိန်းချုပ်ရန်အတွက် ဖြစ်ပါ၏။ ဒါတွေအားလုံးက မှော်ပညာတွေပါပဲ။

သို့သော် သဘာဝလွန်တန်ခိုးများကို ကျင့်တာက နတ်ဘုရားများနှင့် နတ်ဆိုးများ၏ တန်ခိုးမပါဘဲ လူတစ်ဦး၏ ကြီးမားသော စွမ်းအားဖြစ်သည်။ သဘာဝလွန် တန်ခိုးများသည် ပြင်ပတန်ခိုးကို ချေးငှားခြင်း မပြုဘဲ ထိုလူ၏ ကိုယ်ပိုင် တန်ခိုးသည် သဘာဝလွန် ဖြစ်သည်ဟု ညွှန်ပြသော နတ်တန်ခိုးများသာ။

ယခု တစ္ဆေသွေးလိုင်း၏ စွမ်းအားသည် သဘာဝလွန် စွမ်းအား ဖြစ်သည်။ အရွယ်ရောက်ပြီးနောက် တစ္ဆေများသည် ၎င်းတို့၏သွေးကို နိုးကြားစေပြီး သဘာဝလွန် စွမ်းအားများကို ကျွမ်းကျင်စေနိုင်သည်။

ထိုကဲ့သို့ တစ္ဆေအုပ်စုသာ သက်ရှိလောကကို ကျူးကျော်လာပါက...

ချန်ရှီ အနည်းငယ် မျက်မှောင်ကြုတ်ကာ သူ့ကိုယ်သူ တွေးနေသည်- "သဘာဝလွန်စွမ်းအားတွေနဲ့ ယှဉ်ရင် အဆောင်လက်ဖွဲ့က သဘာဝလွန်စွမ်းအားတွေထက် ပိုနှေးတယ်... သဘာဝလွန်စွမ်းအားတွေက ပိုမြန်တယ် ဒါပေမယ့် အခြေခံအားဖြင့်တော့ အဆောင်လက်ဖွဲ့ထက် အဆမတန် ရှုပ်ထွေးတဲ့ သဘာဝလွန်စွမ်းအားတစ်ခု ဒါမှမဟုတ် နှစ်ခုပဲ ကျွမ်းကျင်နိုင်တယ်...အဲဒါကြောင့် ဘယ်ဟာက ပိုအားကောင်းပြီး ဘယ်ဟာက ပိုအားနည်းတယ် ဆိုတာ ပြောဖို့ခက်တယ်"

တွေးပြီးတော့မှ အနည်းငယ် စိတ်သက်သာရာ ရသွားသည်။ ပစ္စည်းတချို့ကို ရောနှောရာ သွန်းလုပ်ရာ နေရာများပါရှိနေတာ သူ သတိပြုမိပြီး တစ္ဆေအားလုံးသည် အတုနှင့် အစစ် ရောနှောခြင်းထဲတွင် ပါဝင်နေပါသည်။

ယက်ကန်းလုပ်ငန်း လုပ်နေတဲ့ မျိုးနွယ်စုကိုလည်း တွေ့ရသေးသည်။ မျိုးနွယ်စုထဲရှိ သရဲတစ္ဆေများသည် လှည့်ပတ်နေသော ဘီးများဖြင့် အထည်ကို မယက်ဘဲ လက်ဖြင့်သာ ယက်လုပ်ကြသည်။ ထိုမျိုးနွယ်စုထဲရှိ သရဲတစ္ဆေအမျိုးသမီးများတွင် လက်ရှစ်ချောင်းပါရှိပြီး အပ်များနှင့်ချည်မျှင်များကို လျင်မြန်စွာ ယက်လုပ်နိုင်ကြသည်။ ဒါပေမယ့် သူတို့ ၀တ်ထားတဲ့ အထည်က အရမ်းကြမ်းပေ၏။

နောက်ဆုံးတော့ ချန်ရှီဟာ သူအရင်ကမြင်ဖူးတဲ့ ငရဲနတ်လေးတွေရဲ့ တင်ပါးပေါ်က စုတ်ချက်တွေ ဘယ်ကလာတယ်ဆိုတာ သိသွားတော့သည်။

"ငရဲနတ်လေးတွေက အ၀တ်စုတ်လေးတွေကို ဒီကနေ ဝယ်တာဖြစ်မယ်... ဝယ်တုန်းက မစုတ်ဘဲ ငရဲနတ်လေးတွေက ပိုက်ဆံမရှိလို့ အချိန်အကြာကြီး ဝတ်ပစ်လို့ ဆုတ်သွားတာ ဖြစ်မယ်"

ထျန်းကျစ်ပြည်၏ ကြမ်းတမ်းသော်လည်း ၎င်း၏လက်ရာက အလွန်တိုးတက်လာခဲ့ပါပြီ။ ချန်ရှီသည် သင်္ဘောတည်ဆောက်ရေးတွင် အထူးပြုလုပ်သော မျိုးနွယ်စုများ၊ ငါးဖမ်းကိရိယာများကို အထူးပြုလုပ်သော မျိုးနွယ်စုများနှင့် ကုန်သွယ်မှုအား အထူးလုပ်ကိုင်သော တစ္ဆေမျိုးနွယ်စုများကိုလည်း တွေ့မြင်ခဲ့ရသည်။

ထို့အပြင် ချပ်ဝတ်တန်ဆာ ဝတ်ဆင်ကာ ပုဆိန်၊ ဓားနှင့် ခက်ရင်းခွများကို ကိုင်ဆောင်ထားသည့် ထွားကျိုင်းသော သရဲတစ္ဆေများနှင့် နတ်တ​စ္ဆေများလည်း ရှိသေးသည်။ သူတို့သည် မြို့တော်ကို စောင့်ကြပ်သော သန်မာသော အမျိုးသားများ ဖြစ်ပေလိမ့်မည်။

လမ်းတစ်လျှောက် လျှောက်လာရင်း မျက်လုံးဖွင့်ထားတဲ့အခါ သက်ရှိလောကနဲ့ မတူတဲ့ ဓလေ့ထုံးစံတွေကိုပါ မြင်လာရလေသည်။

စန်းရှီးရှီး: "ထျန်းကျစ်ပြည်မှာ ငါတို့လို အရိုးစုဘုန်းကြံသူတွေကို အရိုးစုတစ္ဆေ မျိုးနွယ် လို့ခေါ်တယ်... အဆင့်အတန်း နိမ့်တယ် ငရဲနတ်လေးတွေထက် အများကြီးမသာဘူး ငါတို့မှာ ကိုယ်ပိုင်အနွယ်မရှိဘူး... လူသားကျင့်ကြံသူတွေ တချို့ကတော့ သေပြီးရင် လူ့ပြည်မှာနေတုန်းက ရတနာတွေ ယူလာတတ်တယ်"

ချန်ရှီ စိတ်ထဲမှာ ရုတ်တရက် အတွေးတစ်ခု ပေါ်လာပြီး မေးလိုက်သည်။

"ငါတို့ အရိုးစုတစ္ဆေတွေက အရိုးစုတွေမှာ ဝိညာဉ်တွေ တွယ်ကပ်နေတဲ့ ကျင့်ကြံသူတွေပဲ... ဆိုတော့ ငရဲနတ်လေး၊ နွားဦးခေါင်းတစ္ဆေလေးတွေနဲ့ မြင်းမျက်နှာ သရဲလေးတွေကလည်း တခြားကမ္ဘာက လာတဲ့ ကျင့်ကြံသူတွေ ဖြစ်နေပြီး ဒီအရာလေးတွေမှာ တွယ်ကပ်နေတာ မဖြစ်နိုင်ဘူးလား..."

ဒါကိုကြားတော့ စန်းရှီးရှီးလည်း ခဏလောက် ထိတ်လန့်သွားလေသည်။

"အခု နင်ပြောသလို ဖြစ်နိုင်လောက်​ပေမယ့် ငရဲနတ်လေး နဲ့ တခြားသူတွေက ငါတို့နဲ့မတူဘူး တစ္ဆေမိခင်တွေက မွေးလာကြတာ... သက်ရှိကမ္ဘာက ဝိညာဉ်တွေက ဆင်းသက်လာပြီး အရိုးစုတွေက လူသေအလောင်းတွေကနေ အသွင်ပြောင်းသွားတာပဲ... မဖြစ်နိုင်ဘူး"

ချန်ရှီက ဒီအချက်ကို နားမလည်သေးဘဲ။

"ဒါက သက်ရှိကမ္ဘာမှာ သေနေတဲ့လူတွေရဲ့ အရိုးတွေပဲမလား... သူတို့ ဘာကြောင့် မြေအောက်ကမ္ဘာမှာ ပေါ်လာရတာလဲ"

စန်းရှီးရှီးကလည်း ဒါကို နားမလည်သလို ပြန်ပြောလာသည်။

"သက်ရှိလောကထဲက လူသေတွေကို မြေအောက်မှာ မြှုပ်ထားတယ်... အလောင်းတွေ ပုပ်ပွသွားပြီး အရိုးတွေလည်း တဖြည်းဖြည်း နစ်သွားတော့ မြေအောက်ထဲကို ကျသွားလိမ့်မယ်လေ... သက်ကြီးရွယ်အိုတချို့ကတော့ ဒီအချက်ကို သဘောမတူကြဘူး။ ကမ္ဘာနှစ်ခုက တချိန်တည်းမှာပဲ တည်ရှိနေတာ... ယင်စွမ်းအင် အရမ်းများရင် သေတဲ့အခါ မရဏကမ္ဘာမှာ ပေါ်လာမယ်... အသက်ရှင်နေတဲ့ အချိန်တုန်းက ယင်စွမ်းအင်တွေ အရမ်းများတဲ့အတွက် လူတစ်ချို့က အဲ့စွမ်းအင်ကြောင့် သရဲတစ္ဆေမြင်ရတယ်လို့ ပြောကြတယ်... ဘယ်သူပြောတာက မှန်လဲ ငါလည်း မသိဘူး..."

ချန်ရှီသည် အဝတ်အစားများ ပေါ်လွင်နေသော အရိုးစုများစွာကို မြင်လိုက်ရပြီးနောက် ၎င်းတို့သည် အရိုးစုကျင့်ကြွသူများဟု ထင်မှတ်ခဲ့သည်။ နားအပေါက်တွင် အမွှေးတိုင်နှစ်တိုင်ပါရှိပြီး ဘေးတစ်ဖက်တစ်ချက်စီတွင် အမွှေးတိုင်များက လှုပ်ယမ်းနေသည်။

ဒါပေမဲ့ မြို့ထဲမှာ ငရဲနတ်လေးနဲ့ နွားခေါင်းတစ္ဆေတွေလို အကောင်သေးသေးလေးတွေ ရှိကာ အမြဲတမ်း အလျင်စလို ပြေးလွှားနေပြီး အရမ်းအလုပ်များနေကြသည်။

"ကောင်းကင်နားစွင့်သူ!"

ထိုစဥ် ရုတ်တရက် ကောင်းကင်နားစွင့်သူက နားရွက်ကြီးကြီးဖြင့် ကောင်းကင်တွင် ပျံဝဲကာ ခမ်းနားထည်ဝါသော အဆောက်အဦဆီသို့ ပျံသန်းနေတာ မြင်လိုက်ရလေသည်။

"ဒီကောင်းကင်နားစွင့်သူတွေက ရိုးရိုးရှင်းရှင်းကို လှုပ်ရှားနေကြတာပဲ!"

ထိုအချိန်တွင် ကောင်းကင်အထက်၌ နားစွင့်သူ နှစ်ရာသုံးရာခန့်သည် အထပ်မြင့် အဆောက်အအုံဆီသို့ တစ်ပြိုင်တည်း ပျံသန်းလာနေတာ မြင်လိုက်ရ​လေသည်။

စန်းရှီးရှီးလည်း ကောင်းကင်နားဆင်သူတွေ ပျံသန်းနေတဲ့ လမ်းကြောင်းကို ကြည့်နေ၏။

"သူတို့ ဘုရင်နန်းတော်ဆီ သွားနေတာ ဖြစ်မယ်... ထူးဆန်းတယ် အဲဒီမှာ ဘာဖြစ်နေလို့ပါလိမ့်"

သူမသည် အလွန်စိတ်လှုပ်ရှားနေပြီး ဘာဖြစ်နေသလဲ မြင်ချင်လှသည်။ ကောင်းကင်နားစွင့်သူ အများအပြား ပေါ်လာသောအခါ တစ်ခုခု ဖြစ်လာတတ်သည်။

သိပ်မကြာခင်မှာဘဲ သူတို့ ကျောက်တုံးကြီးတစ်ခုဆီကို ရောက်သွားခဲ့သည်။ စန်းရှီးရှီးသည် တံခါးကိုဖွင့်၍ ဆေးဘုရင်ဂိုဏ်း၏ တပည့်ဖြစ်ဖို့ အဝတ်အစားများ ရွေးခွင့်ပေးလိုက်သည်။

စန်းရှီးရှီးက အဝတ်အစားတွေကို လိုက်ရှာဖွေနေ၏။

“လက်ရှည်ဝတ်တာလား ဒါမှမဟုတ် လက်တိုဝတ်လား”

ချန်ရှီ: "ငါ အဝတ်မဝတ်ရဘူးလား။ အဝတ်အစားဝတ်တဲ့အခါ ရွှေ့ရတာ အဆင်မပြေဘူး။ ကမ္ဘာပေါ်ရှိတုန်းက အဝတ်အစားတွေ မဝတ်ဖို့ စိတ်ကူးမိပေမယ့် အရမ်းတုန်လှုပ်စရာကောင်းတယ်။"

စန်းရှီးရှီး : "အဝတ်မပါဘဲ လူတွေက နင့်ရဲ့နံရိုးနဲ့ တင်ပါးဆုံရိုးကို စိတ်ကြိုက်မြင်နေရတာလေ... အဝတ်အစား ဝတ်ထားတာက ရင်ဘတ်နဲ့ တင်ပါးဆုံထဲမှာ ရတနာတွေ ဝှက်ထားလို့ရလို့ အားသာချက်ရှိတော့ တခြားသူတွေက မမြင်နိုင်တော့ဘူး.... ငါ့ရဲ့ ချန်ခွမ်အိတ်ကို တင်ပါးဆုံရိုးမှာ ဝှက်ထားတာ.. ငါလိုအပ်တဲ့အခါ တင်ပါးဆုံတွင်းတူးပြီး ထုတ်ယူပစ်လိုက်ရုံပဲ"

သူမရဲ့ ချန်ခွမ်အိတ်က တကယ့်ကို ရတနာတစ်ခုဖြစ်ပြီး ချန်ရှီကိုပင် အရမ်းမနာလို ဖြစ်လာစေသည်။ ဤရတနာသည် မွေးရာပါ ပါးကွာ့အစီအရင် ရှိနေပြီး ချန်အကွက်၊ ခမ်အကွက်များကို အဆောင်အဖြစ် ပြန်လည်ပြုပြင်ပြီး ၎င်းတို့ကို သန့်စင်ထားခြင်း ဖြစ်သည်။ အတွင်းခန်းသည် အလွန်ကြီးမားပြီး အိတ်တစ်လုံးက ကမ္ဘာကြီးကို ကိုင်ဆောင်ထားနိုင်သည်ဟု ဆိုရမည်။

သို့သော် ဤရတနာများက ဆုံးရှုံးခံခဲ့ရတာ ကြာပါပြီ။ စန်းရှီးရှီး ဒီအိတ်ကို ဘယ်မှာတွေ့မှန်း မသိပေမယ့် ချန်ရှီသေနတ်ကို ထည့်ပြီးနောက်တွင်ပင် ၎င်းက မပြည့်သွားသေးပေ။

"ငါသာ ဒီရတနာတွေကို လေ့လာနိုင်ပြီး လူပန်ဂိုဏ်းဘက်ကို ပိုလုပ်နိုင်အောင် ကြိုးစားခိုင်းလိုက်ရင် ကျွိရှန်းမျှော်စင်ကို ရောင်းခိုင်းလို့ရပြီ..."

ချန်ရှီ တွေးလိုက်သည်။

စန်းရှီးရှီးသည် သူ့ကို သမားတော်တွေ ဝတ်ထားတတ်တဲ့ အစိမ်းရောင် ၀တ်စုံကို ရှာ​ပေးခဲ့ပေမယ့် တစ်ခုပဲ ရှိ၏။ ချန်ရှီနဲ့ အံဝင်ခွင်ကျဖြစ်ပေမဲ့ သူလမ်းလျှောက်တဲ့အခါ သူ့ပေါင်ရိုးဖြူဖြူတွေက ပေါ်လာလေသည်။

စန်းရှီးရှီးသည် ယပ်တောင်တွေလို အကာအရံများပါသော အနက်ရောင်ဦးထုပ်ကို တွေ့ရှိခဲ့သည်။ သူ လမ်းလျှောက်လာသောအခါ ဦးထုပ်၏ ဘေးနှစ်ဖက်ရှိ အလျားလိုက် ကန့်လန့်ကာများက တုန်လှုပ်သွားသည်။

ချန်ရှီ ဝတ်ဖို့ မစီစဉ်ထားပါဘူး။ ထိုစဥ် စန်းရှီးရှီးက ထပ်ပြောပြန်၏။

"ဒါကို ဝတ်ပြီးရင် နင့်ခေါင်းထဲမှာ လက်နက်တွေကို ဝှက်ထားလို့ရတယ်"

ချန်ရှီလည်း တွေးပြီးနောက် ဦးထုပ်ကို ဆောင်းလိုက်သည်။ သူ၏ သေးငယ်သော ဘုံကျောင်းဟာ ဦးခေါင်းခွံထဲတွင်မို့ အမှန်ပင် ဝှက်ထားရန် လိုအပ်သည်။

စန်းရှီးရှီး : "သတင်းသွားစုံစမ်းဖို့ ငါ ထွက်သွားဦးမယ်... ဒီမှာနေခဲ့"

ချန်ရှီ: "အကြာကြီး မလုပ်ပါနဲ့... ဖီချစ်သေသွားတဲ့ လူသတ်မှုက အကြာကြီး ဖုံးကွယ်ထားလို့ မရဘူး... အရှေ့နန်းတော်က သိသွားရင် သူ့ကို ကယ်တင်ဖို့ ခက်လာလိမ့်မယ်"

"ငါ မြန်မြန်လေး ပြန်လာခဲ့မယ်!"

ချန်ရှီနဲ့ ဖန်ယန့်အာတို့လည်း သွေးအိုင်ကျမ်းကို လေ့ကျင့်ရန် ဤနေရာတွင် တည်းခိုခဲ့ကြသည်။ ဖန်ယန့်အာသည် သရဲတစ္ဆေများနှင့် နတ်တ​စ္ဆေများစွာကို သတ်ခဲ့ဖူးသော်လည်း သွေးကန်နယ်မြေကို မဝင်ရောက်သေးပေ။ ချန်ရှီသည် အစောကပင် သွေးကန်နယ်မြေထဲ ဝင်ရောက်လာခဲ့ပြီး ဤနယ်ပယ်နှင့် ရင်းနှီးရန် အချိန်လိုအပ်သည်။

သူ၏ သေးငယ်သော ဘုံကျောင်းထဲရှိ နတ်သွေးများနှင့် နှင်းဆီရောင် တိမ်အချို့ ဝှက်ထားခဲ့သည်။ ပန်းရောင်တိမ်များကို ဖန်ယန့်အာထံ ပေးခဲ့ပြီး နတ်သွေးဖြင့် လေ့ကျင့်ရန် ကြိုးစား​နေစဉ် သူမအားလည်း လေ့ကျင့်ခိုင်းလိုက်သည်။

ယခု သူသည် သွေးကန်နယ်မြေ၌ ရှိနေပြီ ဖြစ်ပြီး သွေးကန်ငရဲကို မွေးမြူထားသောကြောင့် နတ်သွေးကို သန့်စင်တာက ယခင်ကကဲ့သို့ အန္တရာယ် မရှိ​တော့ပေ။ သို့သော်လည်း သူ့ခန္ဓာကိုယ်သည် အချိန်မရွေး ကွဲလုဆဲဆဲ အခြေအနေ၌ ရှိနေသေးကာ အဆက်မပြတ် ပြုပြင်နေပြီး အက်ကြောင်းများဖြင့် ထပ်မံဖုံးအုပ်ထားသည်။

ဤသွေ့ခြောက်သော အရိုးစုသည် အလွန်ညံ့ဖျင်းသော အခြေခံအုတ်မြစ်မျိုး ရှိလေ၏။ မူလကတည်းက ဆွေးမြေ့တော့မယ့် အရိုးတစ်ခုပင်။ ချန်ရှီသည် ဆွေးမြေ့ပျက်စီးခြင်းမှ မှော်ပညာအဖြစ် ပြောင်းလဲရန် သွေးကန်ကို သုံးနေခဲ့သည်။ ယခု ချန်ရှီသည် သွေးကန်ကျင့်စဥ်ကို အသက်သွင်းလိုက်သော်လည်း အရိုးပေါ်တွင် တစ်ခါမှမမြင်ဖူးသော အသွင်အပြင်များစွာကို တွေ့လိုက်ရသည်။ ဖီဖျစ်လို နတ်တစ္ဆေများကို သတ်ခဲ့ခြင်းကြောင့် ဖြစ်နိုင်ကာ သွေးကန်က ၎င်းတို့၏ သွေးစွမ်းအားကို စုပ်ယူလိုက်ခြင်းပင် ဖြစ်ပေမည်။

သူ၏ ကျင့်ကြံမှုအဆင့် တိုးတက်လာသည်နှင့်အမျှ သူ၏ ဦးခေါင်းအနောက်ဘက်ရှိ သွေးအိုင်သည် ပို၍ ကြီးမားလာပြီး တဖြည်းဖြည်း မိုင်ပေါင်းများစွာ ရှည်လျားသော ရေကန်ကြီးအဖြစ်သို့ တဖြည်းဖြည်း ပြောင်းလဲကာ သွေးကန်ငရဲ၏ မြင်ကွင်း အနည်းငယ် ပေါ်လာ၏။

ဖီဖျစ်လို နတ်တစ္ဆေများသည် ရေကန်ထဲတွင် ရုန်းကန်နေစဥ် ကယ်တင်ခြင်း လက်ခံလိုက်ရသလိုပင်။ ဒီသရဲတစ္ဆေတွေကို ကယ်တင်လိုက်တာနဲ့ သူ့စိတ်ဝိညာဉ်က ပိုသန်မာလာတယ်လို့ ချန်ရှီကတော့ ခံစားနေရသည်။

"ငါဝိညာဉ်တွေ များများကယ်လေ ငါ့ဝိညာဉ်က အားကောင်းတာ ပိုမြန်လေလေပဲ... ငါ့ရဲ့သွေးကန်က သူတို့ရဲ့ အပြစ်တွေကို သန့်စင်လာအောင် ကူညီပေးနေတာ... ငါ သရဲတစ္ဆေတွေနဲ့ ဘုရားတွေ များများကယ်တင်​ပေးဖို့ လိုတယ်"

သူသည် နတ်သွေးသုံးစက်ကို သန့်စင်လိုက်သည်။ ရေကန်သည် ငါးမိုင်ခြောက်မိုင်ခန့် ရှည်လျားလာသော်လည်း သွေးပင်လယ်နယ်ပယ်နှင့် ဝေးကွာနေသေးသည်။

"သွေးပင်လယ်နယ်ပယ်က သွေးအိုင်ကျမ်းရဲ့ နောက်ဆုံးအဆင့်ပဲ.. သွေးပင်လယ်ဘုံရဲ့ အထွတ်အထိပ်... အမတအဆင့် ရောက်ဖို့ ဒီဂရီ တစ်သောင်း... အဲ့အထိ ကျင့်ကြံဖို့ကတော့ မလွယ်ကူလောက်ဘူး...ဒါပေမဲ့ အရမ်းခက်ခဲပုံလည်း မပေါ်ပါဘူး"

ချန်ရှီ တွေးလိုက်သည်။

ဝူလျောင့် ချောက်ကမ်းပါးမှာ ချိတ်ဆွဲထားတဲ့ မရေမတွက်နိုင်တဲ့ နတ်ဘုရားအလောင်းတွေ ရှိပြီး အောက်မှာ သူတို့ရဲ့ နတ်သွေးတွေကို စမ်းချောင်းတစ်ခုထဲကို စုပုံထားပါ၏။ ချန်ရှီသည် သူ စမ်းချောင်း၏ သေးငယ်သော အပိုင်းကို သန့်စင်နိုင်မည်ဆိုပါက သွေးပင်လယ်နယ်ပယ်၏ အထွတ်အထိပ်အထိ ကျင့်ကြံနိုင်ဖို့ လုံလောက်မည်ဟု ခန့်မှန်းခဲ့သည်။

"ဒီကျင့်စဥ်ကို လေ့ကျင့်နေချိန် တကယ့်အခက်အခဲက သောင်းနဲ့ချီတဲ့ သရဲတစ္ဆေတွေနဲ့ နတ်တွေကို သွေးကန်ထဲ ပစ်ထည့်ထားဖို့ လိုအပ်နေတာပဲ"

ချန်ရှီ သူ့စိတ်ထဲတွင် သက်ပြင်းချမိသည်။ အမတဖြစ်ဖို့ သရဲတစ္ဆေများနှင့် နတ်ဆိုး ဘယ်နှစ်ယောက်ကိုများ သူ သတ်ပစ်ရမလဲ။

ဤတစ်ကြိမ်တွင် သူသည် သွေးအိုင်ကျမ်း၏ သွေးကန် နယ်ပယ်သို့ ဖြတ်သွားကာ သူ၏ နတ်တန်ခိုးသည်လည်း ပို၍ အားကောင်းလာကြောင်း ခံစားလိုက်ရသည်။

ဒီခံစားချက်က အရမ်းအံ့သြစရာ ကောင်းပေ၏။ သူ့ခေါင်းနောက်က သွေးအိုင်က ပြန့်ကျဲနေတယ်ဆိုရင် ဒါဟာ အလျား ငါးမိုင် ခြောက်မိုင်ရှိတဲ့ နတ်တစ္ဆေဘုံ ဖြစ်လိမ့်မယ်လို့တောင် သူ ခံစားလာရပါသည်။

ပြီးတော့ သူက ဒီသွေးကန်ငရဲရဲ့ အရှင်သခင်ပဲ။ သူသာလျှင် သွေးကန်ငရဲကို ထိန်းချုပ်သော တရားသူကြီးနှင့် ငရဲဘုရင် ဖြစ်သည်။

"ဒီလိုရိုးရှင်းပြီး ကြောက်စရာကောင်းတဲ့ နည်းလမ်းကို ဖန်တီးထားတဲ့ ဟာကို ဖျက်သိမ်းပြီး လူ့ယဉ်ကျေးမှုရဲ့ စာသားကို ဘယ်လိုများ ဖျက်စီးပစ်ကြတာလဲ"

ချန်ရှီ အနည်းငယ် ထိတ်လန့်သွားသည်။ ဤကြောက်မက်ဖွယ်ကောင်းသော သရဲတစ္ဆေများကို လက်ရှိအခြေအနေသို့ အဘယ်တန်ခိုးကများ ကျရောက်စေခဲ့တာလဲ။

ထိုအချိန်တွင် တံခါးပွင့်လာပြီး စန်းရှီးရှီးက အလောတကြီး လေသံဖြင့် ဝင်လာလေသည်။

"ကြီးကြီးမားမား တစ်ခုခုဖြစ်သွားပြီဟေ့.. ထျန်းကျစ်ပြည်ရဲ့ အုပ်စိုးရှင် ဆုံးပါးသွားပြီတဲ့ အုပ်စိုးရှင်ရဲ့ ကွယ်လွန်မှုကို သက်သေခံဖို့ ကောင်းကင်နားစွင့်သူတွေ ရောက်လာကြတာ... အခု ထျန်းကျစ် အိမ်ရှေ့စံမင်းသားက အရှေ့နန်းတော်ကနေ ထွက်သွားပြီး နန်းတော်ဆီ ပြေးသွားလေရဲ့"

ချန်ရှီ မတ်တပ်ထရပ်လိုက်သည်။

"ဒါက လူကယ်ဖို့ အကောင်းဆုံးအချိန်ပဲ!"

စန်းရှီးရှီး ခေါင်းယမ်းပြီး: "အရှေ့နန်းတော်က အစောင့်တွေကို တင်းတင်းကြပ်ကြပ် ကန့်သတ်ထားပြီ... သရဲနဲ့ နတ်တွေက ပိတ်ဆို့ထားတယ်... အရှေ့နန်းတော်ထဲကို သမားတော်တွေလို ဟန်ဆောင်ဖို့ အခွင့်အရေး မရှိတော့ဘူး!"

ချန်ရှီကတော့ ထွက်သွားပြီး ပေါ့ပေါ့ပါးပါးနဲ့ ပြောလိုက်သည်။

"လူသတ်ရင်း ဝင်သွားရင် ရပြီလေ! ယန့်အာ ငါ့နောက်လိုက်ခဲ့!"

ဖန်ယန့်အာလည်း တုံ့ပြန်ပြီး ချန်ရှီနောက်ကို အမြန်လိုက်သွားခဲ့သည်။ စန်းရှီးရှီးက ခပ်မြန်မြန် ပြုံးပြပြီး တားလေ၏။

"မသွားပါနဲ့ဦးလား... ဆေးဘုရင်ဂိုဏ်းရဲ့ တပည့်တွေကို သက်ရှိထဲကို ပြန်သွားနိုင်အောင် ငါ စီစဉ်ပေးပါရစေဦး"

ချန်ရှီ အံ့သြသွားပြီး: "မင်းလည်း သွားချင်​လို့လား?"

"ဟုတ်တယ်!... နင်က ဆေးဘုရင်ဂိုဏ်းရဲ့ ကျေးဇူးရှင်ကြီးပဲ ဂိုဏ်းက မင်းကို သဘာဝအတိုင်း ပြန်ဆပ်ရလိမ့်မယ် စိတ်မပူနဲ့ ငါ ဒီမီးပန်းတွေကို သိမ်းကျုံးသုံးမှာ မဟုတ်ပါဘူး!"

ဆေးဘုရင်ဂိုဏ်း၏ တပည့်များကို ပြောပြရန် သွားခဲ့သော်လည်း ချန်ရှီကတော့ မီးရှူးမီးပန်းကြီးများ ပစ်ချင်နေတာကြောင့် သူမ လိုက်ချင်နေတယ်လို့သာ သံသယဝင်လာခဲ့သည်။ ညွှန်ကြားချက်များ ပေးပြီးနောက် သူမ စိတ်လှုပ်ရှားစွာ ထွက်သွားလေသည်။

"ငါ့နောက်က လိုက်ခဲ့!"

နှစ်ယောက်သား သူမနောက်မှ အမြန်လိုက်ကာ အရှေ့နန်းတော်ဆီသို့ လျှောက်သွားကြသည်။ ရုတ်တရက် ချန်ရှီသည် ရပ်တန့်ကာ နောက်သို့ လှည့်ကြည့်ရင်း အနည်းငယ် စိတ်ရှုပ်သွား၏။

"သူတို့ ဒီမှာ ဘယ်လိုလုပ်ပေါ်လာတာလဲ ငါပဲ မှားမြင်တာလား"

သူ လှည့်ကြည့်လိုက်ပြီးနောက် စန်းရှီးရှီးကို အမြန် လိုက်ဖမ်းတော့သည်။

လမ်းထောင့်မှာ ဘုန်းကြီး ဝူချန်က ရပ်ပြီး နောက်ပြန်ကြည့်ကာ

"ဦးလေး အရှင်ဘုရား... ဘာလို့ မလာသေးတာလဲ"

အနက်ရောင်ဝတ်ထားသော မိန်းကလေးသည် လှည့်ကြည့်ကာ သူမ၏ နူးညံ့သိမ်မွေ့သော မျက်နှာကို ထုတ်ဖော်ကာ :"သူငယ်ချင်းဟောင်းကို တွေ့လိုက်သလိုပဲ... ထူးဆန်းတယ် သူဘာလို့ ဒီလောက်မြန်မြန် သေသွားတာလဲ?"

ဘုန်းကြီး ဝူချန်က :"အဆွေဟောင်းလား?"

ရင့်ရူးမုန့်က သူ့အနားရောက်လာပြီး။

"နတ်ဆိုးစွမ်းအင်တွေ အများကြီး ရှိတဲ့နေရာကို သွားရှာရအောင်.... ငါ အောင်မြင်တော့မယ်"