အခန်း ၁၅-၁၆

အခန်း ၁၅

【သင်သည် ဆယ်စုနှစ်များစွာ ရိုမန်တစ်ဆန်သော ဘုံဘဝတွင် လှည့်လည်ပျော်ပါးခဲ့သည်။】

【အမျိုးသမီးများ၊ နတ်များ၊ နတ်ဆိုးများ အမျိုးမျိုးနှင့် နက်နက်ရှိုင်းရှိုင်း ထိတွေ့ဆက်ဆံခဲ့သည်။ မရေမတွက်နိုင်အောင်ဟု ဖော်ပြခြင်းသည် ချဲ့ကားခြင်း မဟုတ်ပေ။】

【သို့သော် သင့်နှလုံးသားကို ရှာဖွေကြည့်လျှင် လီရိုဝမ်ကဲ့သို့ ရင်သပ်ရှုမောဖွယ် လှပသည့် အမျိုးသမီးတစ်ဦးကို သင် တစ်ခါမျှ မကြုံဖူးပေ။】

ထူးကဲသောအထိတွေ့များ ၊ လှပလွန်းသောကိုယ်လုံးကိုယ်ထည် ၊ နူးညံ့အိစက်နေသောခန္ဓာကိုယ် ၊ တညလုံးဆက်ဆံရင်းနှစ်ကိုယ်တူကျင့်ကြံခဲ့ကြသည်၊၊

【ထိုညပြီးနောက် သင်သည် **နတ်ပြောင်းလဲခြင်းအဆင့်** သို့ အောင်မြင်စွာ တက်လှမ်းခဲ့သည်။】

【နောက်နှစ်လအတွင်း သင်နှင့် လီရိုဝမ်တို့သည် ခွဲခြားမရနိုင်အောင် ချစ်ကြပြီး ခင်ပွန်းနှင့်ဇနီးကြားတွင် မယှဉ်နိုင်သော မေတ္တာရှိခဲ့သည်။】

【အတူတကွ မျက်ခုံးများ ပင့်စေနိုင်သည်အထိပင်။】

【သင့်ကို ကြည့်နေသော ဝန်ကြီးများစွာသည် ဇဝေဇဝါ ဖြစ်ခဲ့ကြသည်။】

【ဧကရီ၏ လွှမ်းမိုးမှုအောက်တွင် သင် အမှန်တကယ်ပဲ လမ်းမှန်သို့ ပြန်ရောက်သွားတာလား။】

【နေ့ရက်များ ဖြည်းဖြည်းချင်း ကုန်ဆုံးသွားခဲ့သည်။】

【သင့်စိတ်နှလုံးသည် တစ်ဖန် လှည့်လည်လာပြန်သည်။】

【ဆိုရိုးစကားတစ်ခု ရှိသည်- မြေမျက်နှာပြင် ပြောင်းလဲနိုင်သော်လည်း လူတစ်ဦး၏ သဘာဝကို ပြောင်းလဲရန် ခက်ခဲသည်။】

【တတိယလတွင် သင်သည် လီရိုဝမ်ကို ချဉ်းကပ်ပြီး အနည်းငယ် အပြစ်ရှိသလို ခံစားရကာ **ကောင်းကင်တံခါးဂိုဏ်း** မှ တာအိုမိတ်ဆွေတစ်ဦး လက်ထပ်ပွဲ ပြုလုပ်မည်ဖြစ်ပြီး သင် မင်္ဂလာပွဲ တက်ရောက်ရန် စီစဉ်ထားကြောင်း ပြောခဲ့သည်။】

【လီရိုဝမ် အသင့်အတင့် သဘောတူခဲ့သည်။】

【သင် ဝမ်းသာအားရ ဖြစ်ပြီး ချက်ချင်း **ကောင်းကင်တံခါးဂိုဏ်း** သို့ သွားခဲ့သည်။】

【သို့သော် မင်္ဂလာပွဲ တက်ရောက်ရန် မဟုတ်ပါ။ ယင်းအစား သင်သည် **ကောင်းကင်တံခါးဂိုဏ်း** မှ အမျိုးသမီး အကြီးအကဲတစ်ဦးကို ရှာဖွေခဲ့သည်။】

【နှစ်ရက်အတွင်း သင်နှင့် အကြီးအကဲတို့ နက်ရှိုင်းစွာ ဆက်သွယ်ခဲ့ကြသည်။】

【အတူတကွ စာရေးသားမှုကို လေ့လာခဲ့ကြသည်။သူမ၏ ကောက်ကြောင်းများကို ကြမ်းတမ်းစွာ လေ့လာခဲ့သည်။】

【ထို့နောက် သင်သည် **မဟာချန်မင်းဆက်** သို့ ပြန်လာခဲ့သည်။】

【လီရိုဝမ်သည် သင့်အပေါ် ယခင်ကဲ့သို့ ချစ်ခင်မြတ်နိုးနေဆဲပင်။】

【ဤအရာက သင့်နှလုံးသားတွင် အပြစ်ရှိသလို ခံစားမှု အနည်းငယ် ကျန်ရစ်စေခဲ့သော်လည်း များများစားစား မဟုတ်ပေ။】

【ဘာပဲဖြစ်ဖြစ် သူမက သူမအတွက် အရေးမကြီးဘူးလို့ ပြောခဲ့တာပဲ။】

【ဤမူကို လိုက်နာကာ သုံးရက်အကြာတွင် သင်သည် **မဟာချန်မင်းဆက်** မှ တစ်ဖန် ထွက်ခွာသွားခဲ့သည်။】

【ဒီတစ်ခါတော့ သင် ပိုကြာကြာ ပျောက်သွားခဲ့သည်။】

【ဒါပေမယ့် သင် ပြန်လာတော့ လီရိုဝမ်က ဘာမှ မပြောခဲ့ဘူး။】

【နေ့တိုင်း နိုင်ငံတော်အရေးအခင်းတွေကို ကိုင်တွယ်တဲ့အပြင် သူမရဲ့အချိန်အားလုံးကို သင့်နဲ့ပဲ ကုန်ဆုံးခဲ့တယ်။】

【သင်တို့ရဲ့ ဆက်ဆံရေးက အမြဲကောင်းမွန်နေဆဲပဲ။】

【တကယ်တော့ ဒီအချိန်အတွင်းမှာ သင်တွေ့ခဲ့တဲ့ ဘယ်နတ်သမီးမှ အသွင်အပြင်၊ ကိုယ်ဟန်အနေအထား ဒါမှမဟုတ် အဆင့်အတန်းမှာ လီရိုဝမ်နဲ့ မနှိုင်းယှဉ်နိုင်ခဲ့ဘူး။】

【ဒါပေမယ့် သင်က ကိုယ့်ကိုယ်ကို မထိန်းနိုင်ခဲ့ဘူး။】

【တစ်ယောက်ကိုတွေ့ရင် နောက်တစ်ယောက်ကို ချစ်မိတယ်။】

【နက်နက်ရှိုင်းရှိုင်းတော့ မဟုတ်ဘူး။】

【နှစ်နှစ်အကြာမှာ သင့်ရဲ့အပြုအမူက ပိုပြီး ကန့်သတ်မရှိ ဖြစ်လာခဲ့တယ်။】

【ယဲ့လျန်ယန်တောင် သင့်ရဲ့ဖောက်ပြန်မှုလက္ခဏာတွေကို သတိထားမိခဲ့တယ်။】

【သူက သင့်ကို နန်းတော်ကနေ တမင်တကာ ခေါ်ထုတ်ပြီး အပြင်မထွက်တော့ဖို့ အကြံပေးခဲ့တယ်။ လီရိုဝမ်ကိုပဲ အာရုံစိုက်ပြီး အဖော်လုပ်ပေးဖို့၊ ဖြစ်နိုင်ရင် ဧကရီ မြန်မြန် ကိုယ်ဝန်ရအောင် ကူညီဖို့။】

【ဒါက အရေးအကြီးဆုံး ကိစ္စပဲ။】

【သင်က အလေးအနက် မထားခဲ့ဘူး။】

【ကလေးရတာက ကံကြမ္မာပဲ။ ဒီနှစ်နှစ်အတွင်းမှာ သင်နဲ့ လီရိုဝမ်က ဖြည့်စွက်စာအမျိုးမျိုး သောက်ခဲ့ကြတယ်။】

【ဒါပေမယ့် သူမက ကိုယ်ဝန်မရသေးဘူး။】

【ဘယ်သူမှ ဘာမှ လုပ်လို့မရဘူး။】

【အပြင်ထွက်တဲ့ကိစ္စအတွက်က လီရိုဝမ်က သင့်ကို မင်္ဂလာမဆောင်ခင် ကတိပေးခဲ့တာ။ ယဲ့လျန်ယန်ကို ကြားဝင်စွက်ဖက်ခွင့် မပေးခဲ့ဘူး။】

【ဒါက ယဲ့လျန်ယန်နဲ့ ပထမဆုံး အဆင်မပြေမှုပဲ။】

【ယဲ့အိမ်တော်ကနေ ထွက်ခွာလာချိန်မှာ ယဲ့လျန်ယန်က စကားတစ်ခွန်းပဲ ပြောခဲ့တယ်- "ဘုရင်နဲ့ အတူရှိနေတာက ကျားနဲ့ အတူရှိနေတာနဲ့ တူတူပဲ။"】

【ဒါပေမယ့် သင်က အဲဒါကို ပစ်ပယ်ထားဆဲပဲ။】

【ဘာလို့လဲဆိုတော့ လီရိုဝမ်က သင့်ကို တကယ်ချစ်တယ်ဆိုတာ သင် ရှင်းရှင်းလင်းလင်း ခံစားမိလို့ပဲ။】

【အချိန်အနည်းငယ် ကုန်လွန်ခဲ့သည်။】

【**ကောင်းကင်ချမ်းသာဂိုဏ်း** မှာ နတ်သမီးတစ်ပါး ပေါ်လာပြီး လှပချောမောပြီး ကမ္ဘာပေါ်မှာ ယှဉ်စရာမရှိဘူးလို့ သင် ကြားခဲ့ရတယ်။】

【သင်က စိတ်လှုပ်ရှားမှုကို မထိန်းနိုင်ဘဲ ထပ်မံ ထွက်ခွာခဲ့တယ်။】

【ဒီတစ်ခါတော့ သင်က တစ်နှစ်ခွဲ ပျောက်သွားခဲ့တယ်။】

---

【**မဟာချန်မင်းဆက်** ကို ပြန်လာတဲ့လမ်းမှာတောင် သင်က အမှတ်တရတွေကို ပြန်တွေးနေတုန်းပဲ။】

【တချို့ကိစ္စတွေမှာ **ကောင်းကင်ချမ်းသာဂိုဏ်း** ဟာ ကောင်းကင်ချမ်းသာကို တကယ်ပဲ ရောက်ခဲ့တယ်လို့ ပြောရမှာပဲ။ သူ့ရဲ့ အလှအပကြောင့် နာမည်ကြီးတဲ့ နတ်သမီးက သူ့ဂုဏ်သတင်းနဲ့ ထိုက်တန်တယ်။】

【နန်းတော်ကို ပြန်ရောက်တော့ သင်က လီရိုဝမ်ကို တွေ့ဖို့ စီစဉ်ခဲ့တယ်။】

【ဘာပဲဖြစ်ဖြစ် တစ်နှစ်ခွဲလောက် ဝေးကွာနေခဲ့တာဆိုတော့ နည်းနည်းတော့ ချော့မြှူရမှာပေါ့။】

【ဒါပေမယ့် သင်က လီရိုဝမ်ကို ခန်းမဆောင်ကြီးထဲမှာ တွေ့လိုက်တဲ့အချိန်မှာ သွေးနံ့တစ်ခု ရုတ်တရက် ရလိုက်တယ်။】

【ဒါက သင့်ကို နက်နက်ရှိုင်းရှိုင်း ဇဝေဇဝါ ဖြစ်စေခဲ့တယ်။】

【ဧကရာဇ်ရဲ့ ကြီးကျယ်ခမ်းနားတဲ့ နန်းတော်ကြီးထဲမှာ ဒီလို အနံ့မျိုး ဘယ်လိုလုပ် ရှိနေနိုင်မှာလဲ။】

【လီရိုဝမ်က သင်ပြန်ရောက်လာတာကို မြင်တော့ ဝမ်းသာအားရ ဖြစ်သွားတယ်။ သူမက သင်မရှိတဲ့အချိန်မှာ သူမ ဘယ်လောက်လွမ်းခဲ့ရကြောင်း သင့်ကို ပြောပြခဲ့တယ်။】

【သင်က ပြုံးပြီး သူမကို ချဉ်းကပ်၊ ချက်ချင်း လီရိုဝမ်ကို ဖက်လိုက်တယ်။】

【ဒါပေမယ့် အဲဒီအချိန်မှာ လီရိုဝမ်က သင့်အတွက် လက်ဆောင်တစ်ခု ပြင်ဆင်ထားကြောင်း၊ သင် သေချာပေါက် ကြိုက်လိမ့်မယ်လို့ ပြောခဲ့တယ်။】

【ဒါက သင့်စိတ်ဝင်စားမှုကို နှိုးဆွခဲ့တယ်။】

【နောက်တစ်ခဏမှာ လီရိုဝမ်က လက်ခုပ်တီးလိုက်တယ်။】

【အစောင့်နှစ်ယောက်က အလောင်းတစ်ခုကို သင့်ဆီ သယ်လာခဲ့တယ်။】

【သင်က ငုံ့ကြည့်လိုက်တော့ ချက်ချင်း ဖြူဖျော့သွားတယ်။】

ယဲ့ယွီ မသိစိတ်ကနေ နောက်ကို တစ်လှမ်းဆုတ်လိုက်မိတယ်။

မြေပြင်ပေါ်က အလောင်းက သူ့အတွက် ရင်းနှီးလွန်းနေတယ်။

ဒါက သူ တစ်နှစ်ခွဲလောက် အတူရှိခဲ့တဲ့ **ကောင်းကင်ချမ်းသာဂိုဏ်း** ရဲ့ နတ်သမီးပဲ။

ဒါပေမယ့် ဘာလို့လဲ။

သူ **ကောင်းကင်ချမ်းသာဂိုဏ်း** ကနေ ထွက်လာတုန်းက သူမ ကောင်းကောင်းမွန်မွန်ပဲ ရှိသေးတယ်။

ဘယ်လိုလုပ် အသက်မဲ့တဲ့ အလောင်းဖြစ်သွားတာလဲ။

အခြေအနေရဲ့ ထိတ်လန့်မှုက ကြီးမားလွန်းလို့ နားလည်ဖို့ မဖြစ်နိုင်လောက်နီးပါးပဲ။

ယဲ့ယွီ မယုံကြည်နိုင်စွာနဲ့ လီရိုဝမ်ကို ပြန်ကြည့်လိုက်တယ်။

သူမရဲ့ အပြုံးက အရင်ကလိုပဲ လှပပြီး ဆွဲဆောင်မှုရှိနေတုန်းပဲ။

ဒီအချိန်မှာ ယဲ့ယွီက သူ့တစ်ကိုယ်လုံး အေးစက်သွားသလိုတောင် ခံစားလိုက်ရတယ်။

......................

---

【ဘာတွေဖြစ်နေလဲဆိုတာကို သင်က အရမ်းစိုးရိမ်တကြီး မေးချင်နေတယ်။】

【လီရိုဝမ်က သင့်ကို ဒီအမျိုးသမီးက တကယ်ကို လှပကြောင်း ပြောပြတယ်။ သူမက သင့်ကို တစ်နှစ်ခွဲလောက်အထိ ဆွဲဆောင်ထားနိုင်တယ်။】

【ဒါက သင်က သူ့ကို တကယ်ကြိုက်တယ်ဆိုတာ ပြတယ်။】

【ဒါဆိုရင် လီရိုဝမ်က ကောင်းမှုတစ်ခု လုပ်ချင်တယ်။】

【အဲဒါက ဒီ **ကောင်းကင်ချမ်းသာဂိုဏ်း** ရဲ့ နတ်သမီးကို နန်းတော်ထဲ ခေါ်လာဖို့ပဲ။ ဒီလိုဆို သင် နေ့တိုင်း အပြင်ထွက်နေစရာ မလိုတော့ဘူး။】

【ဒါပေမယ့် မမျှော်လင့်ဘဲ။】

【လမ်းခရီးမှာ ဒီအမျိုးသမီး ရုတ်တရက် ဖျားပြီး သေသွားတယ်။】

【အရမ်းကို နောင်တရစရာ ကောင်းတယ်။】

【သင်က သွားကျိတ်ပြီး ဘာမှမပြောဘူး။】

【အအေးမိတာ? ဒီလိုမျိုး အကြောင်းပြချက် ပေါ့ပေါ့ပျော့ပျော့က သာမန်လူတွေတောင် မယုံနိုင်လောက်ဘူး။】

**ကောင်းကင်ချမ်းသာဂိုဏ်း** ရဲ့ နတ်သမီး၊ **ရွှေနတ်ဆိုးအဆင့်** ကျင့်ကြံသူ ဂုဏ်သိက္ခာရှိသူက တကယ်ပဲ အအေးမိလို့ သေနိုင်ပါ့မလား။

ဒါက လီရိုဝမ်ရဲ့ လက်ရာဆိုတာ သံသယမရှိဘူး။

【သင်က အချိန်အတော်ကြာ သင့်ဇနီးဖြစ်နေတဲ့ လီရိုဝမ်ကို ကြည့်လိုက်တယ်။】

【ရုတ်တရက် သူမက သင့်အတွက် အလွန်စိမ်းသက်နေတာကို သင်တွေ့လိုက်ရတယ်။】

【သင်က သူ့ကို တစ်ခါမှ တကယ်နားမလည်ခဲ့ဖူးသလိုမျိုးပဲ။】

【ဟုတ်တယ်၊ ဒီအိမ်ထောင်သက်နှစ်တွေအတွင်းမှာ အမြဲတမ်း လီရိုဝမ်က သင့်ဆန္ဒကို လိုက်လျောခဲ့တာ။】

【ပြီးတော့ သင်က သူ့ရဲ့ ပင်ကိုစရိုက်ကို ဘယ်တော့မှ တကယ်နားမလည်ခဲ့ဘူး။】

【ဒီအချိန်မှာပဲ ယဲ့လျန်ယန်ရဲ့ စကားတွေကို သင် ပြန်မှတ်မိလာတယ်။】

【ဘုရင်နဲ့ အတူရှိနေတာက ကျားနဲ့ အတူရှိနေတာနဲ့ တူတူပဲ။】

【သင် ဖြည်းဖြည်းချင်း အသက်ရှူထုတ်ပြီး လီရိုဝမ်ကို ယဲ့အိမ်တော်ကို ရက်အနည်းငယ် ပြန်ချင်တယ်လို့ ပြောလိုက်တယ်။】

【ဒီအဆိုပြုချက်ကြောင့် လီရိုဝမ်က ဝမ်းနည်းတဲ့ အမူအရာကို ပြလိုက်တယ်။】

【သူမက ဘာလို့ ထွက်သွားချင်တာလဲလို့ မေးတယ်။】

【သင်က ဘာမှမပြောဘူး၊ သူ့ကို တိတ်တိတ်လေး ကြည့်နေခဲ့တယ်။】

【နောက်ဆုံးတော့ လီရိုဝမ်က သင့်အဆိုပြုချက်ကို သဘောတူခဲ့တယ်။】

【သင် ချက်ချင်း ယဲ့အိမ်တော်ကို ပြန်ပြီး ဒီနေ့ဖြစ်ရပ်တွေကို ယဲ့လျန်ယန်ကို ပြောပြခဲ့တယ်။】

【သင့်ကို အံ့ဩစေတာက- ယဲ့လျန်ယန်က အရမ်းတည်ငြိမ်တယ်။ နည်းနည်းလေးမှ မအံ့ဩဘူး။】

【ပြီးတော့ သူက စာအုပ်တစ်အုပ် ထုတ်လိုက်တယ်။】

【သင် ဖွင့်ကြည့်လိုက်တော့ ဒါက သင် ဆယ်စုနှစ်တွေအတွင်း ချစ်ခဲ့တဲ့ အမျိုးသမီးတွေရဲ့ စာရင်းပဲ။】

【ယဲ့လျန်ယန်က သင့်ကို ပြောတယ်။ သင် လက်ထပ်ပြီးကတည်းက သင် အပြင်မှာ အမျိုးသမီးတစ်ယောက်တည်းနဲ့ သုံးရက်ထက် ပိုကြာအောင် နေပြီးတာနဲ့ သင် ထွက်သွားပြီးနောက် အဲဒီအမျိုးသမီးက အချိန်မတိုင်မီ သေဆုံးခဲ့တယ်။】

*****

အခန်း ၁၆

【ယဲ့လျန်ယန်၏ ပြောကြားချက်ကို ကြားပြီးနောက်။】

【သင်၏လက်ထဲရှိ ဤစာအုပ်သည် ဖက်တစ်ထောင်မျှ လေးလံသည်ဟု ခံစားရသည်။】(ငါးရာ ကီလိုဂရမ်ခန့်)

【ဤအမျိုးသမီးများ အများစုသည် သင့်နှင့် အချိန်အများကြီး မကုန်ဆုံးခဲ့သော်လည်း ပျော်ရွှင်စရာ အချိန်များ ရှိခဲ့သည်။】

【သို့သော် ယခုမူ သူတို့အားလုံးသည် သင့်ကြောင့် သေဆုံးသွားခဲ့ကြပြီ။】

【သင့်အတွင်း၌ ဒေါသများ ပြည့်လျှံလာသည်။】

【လီရိုဝမ် ဘာကြောင့် ဒီလိုလုပ်ရတာလဲဆိုတာ သင် နားမလည်နိုင်။】

【အစကတည်းက ကတိတွေ မပေးခဲ့ဘူးလား။】

【သူမက သင့်ကို အပြင်မှာ တခြားအမျိုးသမီးတွေကို လိုက်စားခွင့် မပေးခဲ့ဘူးလား။】

【ဒါဆို ဘာကြောင့် အခု သုတ်သင်မှုတွေအများကြီးနဲ့ သူ့ချစ်ရသူတွေကို သွေးတွေ အများကြီး စီးဆင်းခဲ့တာလဲ။ လီရိုဝမ် တကယ် ဘာကို အောင်မြင်ချင်တာလဲ။】

【ယဲ့လျန်ယန်က သင့်ကို ပြောပြသည်၊ ဧကရာဇ်တွေအားလုံးကြင်နာတတ်တဲ့ စိတ်နှလုံးသားကင်းမဲ့တယ်။ ဒီလို ကတိတွေလို့ ခေါ်တာတွေကို ဘယ်တော့မှ မယုံပါနဲ့။】

【လူတွေရဲ့ စကားကို ယုံလို့မရဘူး။】

【ဒီသတိပေးချက်တွေကို သင် ဂရုမစိုက်ဘူး၊ သင်က ချက်ချင်း နန်းတော်ကို ပြန်သွားပြီး လီရိုဝမ်ကို ရင်ဆိုင်ချင်နေပြီ။】

【ယဲ့လျန်ယန်က ဘုရင်မကိုဆန့်ကျင်တဲ့ ရိုင်းစိုင်းတဲ့ လုပ်ရပ်တွေက အသက်ဆုံးရှုံးစေနိုင်တယ်လို့ သတိပေးခဲ့တယ်။】

【နှစ်တွေကြာလာတာနဲ့အမျှ လီရိုဝမ်ဟာ မဟာချန်မင်းဆက် အတွင်းမှာ ကြီးမားတဲ့ ဂုဏ်သိက္ခာကို ရရှိခဲ့တယ်။】

【ပြီးတော့ မင်းဆက်ရဲ့ နဂါးစွမ်းအင်ကြောင့် သူမက ကပ်ကျော်အဆင့် ကို တက်လှမ်းခဲ့တယ်။】

【ဒီလို စွမ်းအားမျိုးနဲ့ဆိုရင် သူမက ကျင့်ကြံခြင်းလောကတစ်ခုလုံးမှာ ယှဉ်နိုင်သူမရှိဘူး။】

【ပြီးတော့ သင်ကလည်း ကလေး မဟုတ်တော့ဘူး၊စိတ်လိုက်မာန်ပါ စိတ်ဆွပြီး လုပ်လို့မရတော့ဘူး။】

【အချို့အရာတွေက ရမ်းပီးလုပ်ပစ်တာထက် မလုပ်ခင် စဉ်းစားတာက ပိုကောင်းတယ်။】

【သင်က နေရာမှာ မတ်တပ်ရပ်နေပြီး နှလုံးသားထဲမှာ အင်အားမဲ့တဲ့ ခံစားချက်တစ်ခု ဝင်လာတာကို ခံစားနေရတယ်။】

【လီရိုဝမ်က ဘာလို့ မင်းကို အစကတည်းက လက်ထပ်ခဲ့တာလဲ။ မင်းကို ချုပ်နှောင်ဖို့သက်သက်ပဲလား။】

【ဒီမေးခွန်းက မင်းကို အဆုံးမရှိ စိတ်ရှုပ်ထွေးစေတယ်။】

【နောက်တစ်နေ့မှာ မင်းက နန်းတော်ကို ပြန်ရောက်လာပြန်တယ်။】

【အရာအားလုံးက ပုံမှန်အတိုင်း တည်ငြိမ်နေတယ်။】

【လီရိုဝမ်က အရင်လိုပဲ နူးညံ့ပြီး ဂရုစိုက်တတ်နေတုန်းပဲ။】

【မနေ့က ဖြစ်ရပ်တွေ ဘယ်တုန်းကမှ မဖြစ်ခဲ့သလိုမျိုးပဲ။】

【မင်းက မင်းရှေ့က ဒီလှပတဲ့ ဧကရီကို ကြည့်နေရင်း ဘယ်လို တုံ့ပြန်ရမှန်း မသိဘူး။】

【သုံးလက မျက်တောင်တစ်ခတ်အတွင်း ကုန်ဆုံးသွားခဲ့ပြီ။】

【ဒီအချိန်အတွင်းမှာ မင်းက နန်းတော်ထဲမှာပဲ နေခဲ့ပြီး အပြင်ကို တစ်ခါမှ မထွက်ခဲ့ဘူး။】

【လီရိုဝမ် တကယ်ပျော်နေပုံရတယ်။】

【သူမက နေ့တိုင်း မင်းဘေးမှာ အချိန်ပိုပိုကုန်လာတယ်။】

【သူမက မင်းကို တကယ်ချစ်ပုံရတယ်။】

【နေ့တိုင်း သူမက မင်းကို လက်ဆောင်တွေပေးဖို့၊ ပျော်အောင်ထားဖို့ နည်းလမ်းတွေ ရှာဖွေနေတယ်။】

【မင်း အရင်က စဉ်းစားဖူးတယ်။】

【လီရိုဝမ်က လူအများကြီးကို သတ်ခဲ့တာ မဟုတ်ရင် ဖြစ်နိုင်တာက မင်း သူ့ကို တကယ်ချစ်မိမှာပဲ။】

【အချိန်ကုန်လွန်သွားတယ်။】

【ယဲ့လျန်ယန်ရဲ့ မွေးနေ့ရောက်ပြီ။】

【အခုဆို ရာထူးမြင့်တဲ့ အရာရှိတစ်ယောက်၊ အခုတော့ တော်ဝင်ဆွေမျိုး အဆင့်အတန်းနဲ့။ တရားရုံးမှာရှိတဲ့ လူတိုင်းက သူ့ကို လေးလေးစားစား ရှိကြတယ်။】

【သူ့ရဲ့ မွေးနေ့ပွဲက သဘာဝအတိုင်းပဲ အိမ်ပြည့်နေတယ်။】

【လီရိုဝမ်တောင် ကိုယ်တိုင်တက်ရောက်တယ်။】

【သူမက နဂါးဝတ်ရုံ ဝတ်မထားဘူး၊ ရိုးရှင်းတဲ့ ဝတ်စုံနဲ့ ကိုယ့်ကိုယ်ကို ချွေးမအဖြစ် ဖော်ပြတယ်။】

【ဒါက တကယ်ပဲ လူအများကြီးကို မင်းကို နက်နက်ရှိုင်းရှိုင်း မနာလိုဖြစ်စေတယ်။】

【မွေးနေ့ပွဲမှာ ယဲ့လျန်ယန်က တော်တော်လေး ပျော်နေပြီး နည်းနည်း များများသောက်မိသွားတယ်။】

【မကြာခင်မှာပဲ သူက အရက်မူးပြီး မှိန်းလာတယ်။】

【မင်းက သူ့ကိုထောက်ကူပြီး ယဲ့လျန်ယန်ကို သူ့အိပ်ခန်းဆီ ပြန်လိုက်ပို့တယ်။】

【မင်း ထွက်သွားခါနီးမှာ ရုတ်တရက် ယဲ့လျန်ယန်က သူ့မျက်လုံးတွေကို ပြူးကျယ်စွာ ဖွင့်လိုက်တယ်။】

【သူက သူ့သိုလှောင်ကွင်းထဲက ကျောက်စိမ်းဆွဲသီးတစ်ခုကို ထုတ်ပြီး မင်းလက်ထဲ ထည့်ပေးလိုက်တယ်။】

【ယဲ့လျန်ယန်က မင်း နေ့တိုင်း ညှိုးငယ်နေတာကို မမြင်ချင်ဘူး။】

【ဒါကြောင့် ကြီးမားတဲ့ ကုန်ကျစရိတ်နဲ့ သူက မဟာမြင့်မြတ်သောနယ်မြေကြီး ၅ ခု ထဲက တစ်ခုဖြစ်တဲ့ ပဉ္စဓာတ်ဘုရားကျောင်း နဲ့ ဆက်သွယ်ခဲ့တယ်။】

【မင်း ပဉ္စဓာတ်ဘုရားကျောင်း ကို ရောက်တာနဲ့ အဲဒီကလူတွေက မင်းကို ကာကွယ်ပေးလိမ့်မယ်၊ ပြီးတော့ မင်း လီရိုဝမ်ရဲ့ ထိန်းချုပ်မှုကနေ လုံးဝ လွတ်မြောက်နိုင်လိမ့်မယ်။】

【မင်းက ကျောက်စိမ်းဆွဲသီးကို ကျစ်ကျစ်ပါအောင် ဆုပ်ကိုင်ထားပြီး စိုးရိမ်တကြီးနဲ့ ယဲ့လျန်ယန်ကို ကြည့်နေတယ်။】

【မင်းက လီရိုဝမ် မင်းကို မတွေ့ရင် ယဲ့လျန်ယန်ကို အန္တရာယ်ပြုမှာကို ကြောက်တယ်။】

【ယဲ့လျန်ယန်က မင်းရဲ့ စိုးရိမ်စိတ်ကို သိတယ်။ သူက မင်းကို တိုက်ရိုက်ပြောတယ်၊ သူက မဟာချန်မင်းဆက် ရဲ့ ဝါရင့်အရာရှိတစ်ဦးဖြစ်ပြီး တပည့်တွေလည်း နေရာအနှံ့အပြားရှိတယ်။ လီရိုဝမ်က သူ့ကို ဘာမှ လုပ်မှာ မဟုတ်ဘူး။】

【အများကြီး စဉ်းစားပြီးနောက် မင်း ထွက်ခွာဖို့ ဆုံးဖြတ်လိုက်တယ်။】

【ဒါပေမယ့် မင်း လှည့်လိုက်တာနဲ့ တံခါးမှာ ရပ်နေတဲ့ လီရိုဝမ်ကို တွေ့လိုက်ရတယ်။】

【မင်း တစ်ကိုယ်လုံး ချက်ချင်း ကျောချမ်းသွားတယ်။】

【ယဲ့လျန်ယန်လည်း ဟန်ဆောင်ခြင်းမရှိတော့ဘဲ ဖြည်းဖြည်းချင်း မတ်တပ်ထရပ်လိုက်တယ်။】

【လီရိုဝမ်က ယဲ့လျန်ယန်ကို မေးခွန်းထုတ်တယ်။ သူမက မင်းကို တကယ်ပဲ နက်နက်ရှိုင်းရှိုင်း ချစ်တယ်လို့ ပြောတယ်။】

【ယောက္ခမတစ်ယောက်အနေနဲ့ ဘာလို့ လက်ထပ်ပြီးသား စုံတွဲကို ကွဲအောင် လုပ်ရတာလဲ။】

【ယဲ့လျန်ယန်က ဖခင်တစ်ယောက်အနေနဲ့ ယဲ့ယွီ ပျော်ရွှင်နေတာကို မမြင်ရက်ဘူးလို့ ရှင်းပြတယ်။ ဒါကြောင့် ယဲ့ယွီရဲ့ လွတ်လပ်မှုအတွက် သူ အခုပိုင်ဆိုင်သမျှ အရာအားလုံးကို စွန့်လွှတ်ဖို့ ဆန္ဒရှိတယ်။】

【မင်းက နက်နက်ရှိုင်းရှိုင်း စိတ်လှုပ်ရှားသွားတယ်။】

【ဒါပေမယ့် လီရိုဝမ်ရဲ့ နောက်စကားတွေက မင်းရဲ့ကျောရိုးကို ထုံသွားစေတယ်။】

【ယဲ့ယွီ ပျော်သည်ဖြစ်စေ၊ မပျော်သည်ဖြစ်စေ သူမဘေးမှာ နေရမယ်။ သူက သူမတစ်ယောက်တည်းသာ ပိုင်ဆိုင်ရမယ်။ သူ့အတွက်ဆိုရင် သူမက မြင့်မြတ်တဲ့နယ်မြေတွေနဲ့ စစ်တိုက်ဖို့တောင် ဆန္ဒရှိတယ်။ သူ့ကို သူမဘေးမှာ ထားဖို့အတွက် နိုင်ငံရဲ့ အင်အားအားလုံးကို အသုံးပြုရရင်တောင်မှ။】

【ဒီလိုပြောနေရင်း လီရိုဝမ်က လှပစွာ ပြုံးနေတယ်၊ ဒါပေမယ့် မင်းနဲ့ ယဲ့လျန်ယန် နှစ်ယောက်လုံးက သူမရဲ့ အရူးထမှုကို ခံစားမိတယ်။】

【ဒါက လေလုံးထွားတာ မဟုတ်ဘူး။】

【လီရိုဝမ် တကယ်လုပ်လိမ့်မယ်ဆိုတာ မင်း ကောင်းကောင်းသိတယ်။】

ဒီမြင်ကွင်းကို သူ့စိတ်ထဲမှာ မြင်နေရတော့ ယဲ့ယွီရဲ့ နှုတ်ခမ်းတွေ နည်းနည်း တွန့်လိမ်သွားတယ်။

ရမ်ဒီရီ!

လီရိုဝမ်ဟာ ဂျပန်မန်ဂါစာအုပ်ထဲက ရမ်ဒီရီ တစ်ယောက်ပဲ။(အချစ်ကြီးသလိုရက်စက်ဖို့ဝန်မလေးတဲ့ကောင်မလေးကာရိုက်တာ)

သေစေတတ်တဲ့ ရမ်ဒီရီနဲ့ ရက်စက်တဲ့ ဧကရီ၊ ဘယ်သူက ဒီလိုအခြေအနေမျိုးကို ကိုင်တွယ်နိုင်မှာလဲ။

【ထိုနေ့မှစ၍ သင်သည် လုံးဝ အချုပ်ခံထားရသည်။】

【နန်းတော်ပြင်သို့ ခြေတစ်လှမ်းမျှ ထွက်ခွာခွင့်မပြု။】

【လီရိုဝမ်သည် ဟန်ဆောင်မှုအားလုံးကို စွန့်ပစ်လိုက်ပြီ။】

【သူမသည် နန်းတွင်းသူမများနှင့် နန်းတွင်းအမျိုးသမီးများအားလုံးကို ဖယ်ရှားပြီး သင်းကွပ်ကုန်းကုန်းများဖြင့် အစားထိုးခဲ့သည်။】(ငါ့ကောင်ငတ်ရှာပီ)

【ဤသည်မှာ သင် အခြားနေရာတွင် အဖော်ရှာခြင်းမှ ကာကွယ်ရန်ဖြစ်သည်။】

【တစ်ချိန်တည်းမှာပင် သူမသည် နေ့တိုင်း တရားရုံးအစည်းအဝေးများတွင် တစ်နာရီကြာမှလွဲ၍ ကျန်အချိန်အားလုံးကို သင့်ဘေးတွင် ကုန်ဆုံးပြီး သင်၏ လှုပ်ရှားမှုတိုင်းကို စောင့်ကြည့်နေသည်။】

【ဤမြင်ကွင်းသည် သင်၏ ကလေးဘဝနှင့် တူညီသည်။】

【သင်ကစားနေတာကို သူမကထိုင် ကြည့် 】

【သို့သော် ယခင်ကနှင့်မတူဘဲ ဤကာလတွင် သင် ပျော်ရွှင်မှုကို ရှာမတွေ့နိုင်ပေ။】

【သင့်ကို ချစ်မည့် အမျိုးသမီးအသစ်များ မရှိတော့။】

【သင်၏ လှည့်လည်နေသော နှလုံးသားသည် အေးစက်စပြုလာသည်။】

【သင်သည် နတ်ခန္ဓာကိုယ်ပြောင်းလဲခြင်းအဆင့် အလယ်ပိုင်းတွင် ပိတ်မိနေပြီး တိုးတက်မှုမရှိ။】

【သင် လမ်းပျောက်နေသည်ဟု ခံစားရသည်။】

【လီရိုဝမ်အား သူမသည် သင့်အကြောင်း အတိအကျ ဘာကို ကြိုက်နှစ်သက်သနည်းဟု သင် မေးသည်။】

【ဤကမ္ဘာပေါ်တွင် ယောက်ျားများစွာရှိပြီး မဟာချန်မင်းဆက် ၏ ဧကရီအနေဖြင့် မည်သူကိုမဆို ရွေးချယ်နိုင်ပါလျက် ဘာကြောင့် သူ့အပေါ်တွင်သာ စွဲလမ်းနေရသနည်း။】

【လီရိုဝမ်က ကလေးဘဝကတည်းက သင့်ကို ပထမဆုံး မြင်တွေ့ခဲ့သည့်အချိန်မှစ၍ သင်သည် သူမတစ်ဦးတည်းသာ ပိုင်ဆိုင်ရမည်ဟု ဆုံးဖြတ်ခဲ့ကြောင်း ပြောပြသည်။】

【အခြားမည်သူမျှ သင့်ကို ခေါ်ဆောင်သွားခွင့်မရှိ။】

【နှစ်ငါးဆယ်ကျော်ကာလတစ်လျှောက်လုံး သူမသည် နေ့တိုင်းကို ထာဝရကဲ့သို့ ခံစားခဲ့ရသည်။】

【သင်သည် နတ်သမီးများစွာနှင့် ချစ်သူရည်းစားများစွာ ရှိခဲ့သည်။】

【သူမလည်း သင်၏ နတ်သမီးချစ်သူများစွာကို သတ်ပစ်ခဲ့သည်။】

【ဤသည်မှာ လီရိုဝမ်က သင့်ရှေ့တွင် ဤသို့သော ကိစ္စမျိုးကို ပထမဆုံးအကြိမ် ဝန်ခံခြင်းဖြစ်သည်။】

【သင်သည် ကောင်းကင်သို့ အားရပါးရ ရယ်မောလိုက်သည်။】

【ခါးသီးမှုအပြည့်နှင့် ရယ်မောခြင်း။】

【နှစ်နှစ်အကြာတွင် သင်နှင့် လီရိုဝမ်တို့သည် သမီးတစ်ယောက် ရရှိခဲ့သည်။】

【သူမ၏ နာမည်မှာ ယဲ့နျန် ဖြစ်သည်။】

【လီရိုဝမ်က နာမည်ကို ရွေးချယ်ခဲ့သည်။】

【၎င်း၏ အဓိပ္ပာယ်မှာ ရိုးရှင်းစွာ "ဘယ်တော့မှ မမေ့၊ အမြဲတမ်း မှတ်မိ၊ အချိန်တိုင်း စိတ်ထဲထား" ဖြစ်သည်။】

【ဖြစ်ကောင်းဖြစ်နိုင် လီရိုဝမ်သည် သင့်ကို တကယ်ချစ်ခဲ့သည်။】

【သို့သော် သင်ကမူ ၎င်းသည် သူမ၏ ပြင်းပြသော ပိုင်ဆိုင်လိုစိတ်ကြောင့် ပိုမိုဖြစ်သည်ဟု ယုံကြည်သည်။】

【နန်းတော်သည် သင့်အား လုံးဝ ထောင်ချထားသော ကြီးမားသော လှောင်အိမ်ကဲ့သို့ ခံစားရသည်။】

【ထို့ကြောင့် ယဲ့နျန် အသက်သုံးနှစ် ပြည့်သောအခါ။】

【သင်သည် လီရိုဝမ်နှင့် နှစ်ယောက်တည်း အချိန်အနည်းငယ် ကုန်ဆုံးရန် အဆိုပြုခဲ့သည်။】

【ဤအရာက လီရိုဝမ်ကို အလွန်ပျော်ရွှင်စေခဲ့သည်။】