ဗလာနယ်ပြန်အဆင့်သို့ရောက်ရှိခြင်း၊ ခန္ဓာမွမ်းမံခြင်းအဆင့် ၇ သို့ တိုးတက်ခြင်း

ထိုအချိန်တွင် ကျန်းချန်ရွှမ်၏ ခန္ဓာကိုယ်၊ လက်များ၊ ခြေထောက်များနှင့် ဦးခေါင်းတို့သည် အနက်ရောင်နှင့် အစိမ်းရောင်လေများဖြင့် လွမ်းခြုံထားခံရလေသည်။

ထိုလေများသည် လေဆင်နှာမောင်းများအဖြစ် ဖွဲ့စည်းသွားပြီး သူ၏အရိုးများမှ အသားကိုဆုတ်ဖြဲကာ သူ၏ဝိညာဉ်ကို ဖျက်ဆီးရန်ကြိုးစားနေသည်။

သို့သော် ကျန်းချန်ရွှမ်သည် မတုန်လှုပ်နိုင်သည့် တောင်ကဲ့သို့ မယိမ်းယိုင်ဘဲ မတ်မတ်ရပ်နေလေသည်။

လေကမည်မျှပင် ပြင်းထန်စွာတိုက်ခတ်နေပါစေ၊ သူတို့သည် သူ့အားအနည်းငယ်ပင် မထိခိုက်စေပါ။

ထိုအစား သူတို့သည် သူ၏ခန္ဓာကိုယ်ကို ပို၍ သန်မာစေကာ သူ၏မူလဝိညာဉ်ကိုပို၍ သန့်စင်ပေးနေသည်။

..........

ဆယ်ရက်ကျော်ကြာပြီးနောက်။

ကျန်းချန်ရွှမ်အားရစ်ပတ်နေသည့် အနက်နှင့် အစိမ်းရောင်လေများသည် တဖြည်းဖြည်းချင်း ပျောက်ကွယ်လာခဲ့သည်။

လေများသည် လုံးဝကင်းစင်သွားချိန်တွင် သူ၏မူလဝိညာဉ်၏ဓမ္မပုံစံသည် သူ၏နောက်တွင် အပြည့်အဝ သိပ်သည်းသွားခဲ့သည်။

ဂျုန်းဟူသောအသံမြည်သွားခဲ့သည်။

မိုးချုန်းသံများနှင့် သူ၏ဓမ္မပုံစံသည် သူ၏ဂူအပြင်သို့ပေါက်ထွက်သွားကာ တိမ်တိုက်မြူတောင်ထိပ်၏ ကောင်းကင်နှင့်မြေကြီး၏အကြားတွင် ပေ ၃၆၀၀ မြင့်သောမျှော်စင်ကဲ့သို့ မြင့်တက်သွားခဲ့သည်။

ပုံမှန်အားဖြင့် ဗလာနယ်ပြန်အဆင့်သို့ထိုးဖောက်နိုင်ကာ ဓမ္မပုံစံရရာတွင် အများဆုံး ပေ ၁၈၀၀ အထိသာ ရကြသည်။

ကျန်းချန်ရွှမ်၏ ရရှိခြင်းသည် နှစ်ဆဖြစ်နေကာ သူ၏ဓမ္မပုံစံ၏ သာလွန်မှုစွမ်းအားကို ပြသနေပေသည်။

ဓမ္မပုံစံက မြင့်လေလေ ၎င်း၏အရွယ်အစားကို တိုးမြင့်ရန် ခက်ခဲလေလေဖြစ်ပေသည်။

ယခင်နှစ်သောင်းချီကျင့်ကြံခဲ့သော ဗလာနယ်ပြန်နတ်ဘုရားများသည်ပင် သူတို့၏သက်တမ်းအဆုံးသတ်ထိ ဓမ္မပုံစံကို ပေ ၃၀၀၀ကျော်ရဖူးကြမည်မဟုတ်ပါ။

၎င်းသည် ကျန်းချန်ရွှမ်၏ ဓမ္မပုံစံက မည်မျှစွမ်းအားကြီးကြောင်း ပြသနေပါသည်။

ချက်ခြင်းပင်၊ တိမ်တိုက်မြူတောင်ထိပ်၏ထိပ်မှ မူလဝိညာဉ်အားလုံးသည် ကျန်းချန်ရွှမ်၏ဂူဆီသို့ လိမ့်တက်လာကြပြီး ကောင်းကင်ပေါ်တွင် ကြီးမားသော ကတော့ပုံစံဖွဲ့စည်းနေကြလေသည်။

ထိုမျှလောက်ကြီးမားသောမူလဝိညာဉ်ချီဖြင့် ရစ်ပတ်ခံနေရာသောအခါ ကျန်းချန်ရွှမ်၏ ကျင့်ကြံခြင်းသည် လျှင်မြန်စွာ ပေါင်းစည်းသွားခဲ့သည်။

နှစ်ပေါင်းတစ်ရာကြာပြီးနောက်၊ ကျန်းချန်ရွှမ်သည် ဗလာနယ်ပြန်အဆင့်၏ ဓမ္မပုံစံအဆင့်အား အပြည့်အဝ တည်ငြိမ်အောင်လုပ်နိုင်ခဲ့သည်။

သူ၏ဓမ္မပုံစံသည် မူလ အမြင့်ပေ ၃၆၀၀မှ ၃၈၀၀ ထိ မြင့်သွားခဲ့သည်။ ၎င်းသည် နှစ်တစ်ရာအတွင်း ပေ ၂၀၀ ခန့်သာ တိုးတက်သည်ဟု ထင်မြင်ရသော်လည်း သာမန်ဗလာနယ်ပြန်ကျင့်ကြံသူများအတွက်မူ၊ ထိုအဆင့်သည် နှစ်ပေါင်းတစ်ထောင် သို့ တစ်သောင်းထိ အချိန်ယူရမည်ဖြစ်သည်။

[ဒင်။]

ထိုအချိန်တွင် စနစ်၏အသိပေးချက်က ရုတ်တရက် ကျန်းချန်ရွှမ်၏စိတ်ထဲတွင် မြည်လာခဲ့သည်။

[ဗလာနယ်ပြန်အဆင့်၏ ဓမ္မပုံစံအဆင့်ကိုရရှိလို့ ဂုဏ်ယူပါတယ်၊ Host ပြီးတော့ ကံကြမ္မာပုလဲကို ရရှိပါတယ်။]

[ကံကြမ္မာပုလဲ၊ တစ်ကြိမ်အသုံးပြုလျှင် ကံကောင်းမှုကောင်းချီးကိုရရှိမည်ဖြစ်ပြီး ကြိုးစားအားထုတ်မှု အားလုံးမှာ အောင်မြင်မှုနဲ့ ကံကောင်းမှုကိုရရှိနိုင်မှာဖြစ်ပါတယ်။]

ဟမ်?

ကျန်းချန်ရွှမ်သည် လက်ကိုမြောက်လိုက်ရာ သူ၏လက်ဖဝါးထဲတွင် သိမ်မွေ့သောအဖြူရောင်အလင်း လည့်ပတ်နေသည့်ပုလဲက ပေါ်လာခဲ့သည်။

၎င်းသည် ကံကြမ္မာပုလဲဖြစ်ကာ ကံ၏ ဆန်းကြယ်သောစွမ်းအားများနှင့်ဆက်သွယ်နေပုံရသည်။

ကံကြမ္မာပုလဲကိုသိမ်းဆည်းပြီးနောက်၊ ကျန်းချန်ရွှမ်သည် ချက်ခြင်း ဂူထဲမှ မထွက်လာသေးပေ။

သူ၏စွမ်းအားများကို ပေါင်းစည်းခြင်းဖြင့် သူသည် သူ၏ခန္ဓာကိုယ်ကျင့်ကြံခြင်းကို အဆင့် ၇သို့ မြင့်တင်ရန် လုပ်နိုင်စွမ်းရှိပြီဖြစ်သည်။

သို့ရာတွင် သူ၏ခန္ဓာကိုယ်ကျင့်ကြံခြင်းသည် အဆင့် ၇သို့ ရောက်သည်နှင့် သူသည် သူ၏ ကန့်သတ်မဲ့ဘီး နည်းစနစ်ကို ကျင့်ကြံရန် နည်းလမ်းထပ်မရှိတော့ပါ။

သူသည် ထိုအဆင့်ကိုထိုးဖောက်ပြီးနောက်၊ စနစ်သည် သူ့အား နောက်ဆက်တွဲကျင့်ကြံခြင်းနည်းစနစ်ကို ဆုလာဒ်အဖြစ်ပေးရန် မျှော်လင့်ခဲ့သည်။

ထိုအတွေးဖြင့် ကျန်းချန်ရွှမ်သည် သူ၏ကျင့်ကြံခြင်းကို တစ်ဖန်ထပ်မံ၍ စတင်တော့သည်။

ဝုန်း…

သူ၏ကျင့်ကြံခြင်းကို ပြန်လည် စတင်လိုက်သည့်အချိန်တွင်၊ မီးတောက်မီးဖိုတစ်ခုသည် ကျန်းချန်ရွှမ်၏ ကျင့်ကြံခြင်းဂူထဲတွင် အကောင်အထည်ပေါ်လာခဲ့သည်။

၎င်းသည် ခန္ဓာကိုယ်မွမ်းမံခြင်းနတ်ဘုရားမီးဖိုဖြစ်ကာ သူ့ဆရာ၊ ချင်ရှန်းဝူပိုင်ဆိုင်သော ထိပ်တန်းအဆင့် တန်ဖိုးရှိသော ရတနာတစ်ခုဖြစ်ပေသည်။

ကျန်းချန်ရွှမ်သည် ဗလာနယ်ပြန်အဆင့်ကိုထိုးဖောက်ရာတွင် ကြိုးစားအားထုတ်မှုအတွက် ဤမီးဖိုကို ငှားရမ်းလိုကြောင်း ဖော်ပြခဲ့ရာ ချင်ရှန်းဝူကလည်း မငြင်းခဲ့ပေ။

ထိုအချိန်တွင်။

ထိုခန္ဓာကိုယ်မွမ်းမံခြင်းနတ်ဘုရားမီးဖိုထဲတွင် ကျန်းချန်ရွှမ်သည် မပင်ပန်းဘဲ သူ၏ ခွန်အားကို ပြန်လည် သန့်စင်နိုင်ကာ ထပ်ခါတလဲလဲထုရိုက်ခြင်းနှင့် ပြန်လည်ဖွဲ့စည်းခြင်းတို့ကို သည်းခံနိုင်ပေသည်။

၎င်းသည် ဗလာနယ်ပြန်အဆင့်ပင် မခံနိုင်လောက်သော သာမန်ကျင့်ကြံသူ၏ ခံနိုင်ရည်ထပ် ကျော်လွန်နိုင်သော နှိပ်စက်မှု ဖြစ်ပေသည်။

ကျန်းချန်ရွှမ်သည် ထိုအလွန်ပင်ပန်းသည့် သန့်စင်မှုကို နှစ်ပေါင်းများစွာသည်းခံခဲ့သည်။ သူ၏ခန္ဓာကိုယ်သည် ထိုခန္ဓာကိုယ်မွမ်းမံခြင်းနတ်ဘုရားမီးဖိုကြောင့် လွယ်ကူစွာပျက်စီးသွားနိုင်ခြင်းမရှိသောအခါ၊ ကျန်းချန်ရွှမ်သည် သူ၏ခန္ဓာကိုယ်မွမ်းမံခြင်းက အဆင့် ၇သို့ ရောက်သွားပြီဖြစ်ကြောင်းသိလိုက်သည်။

[ဒင်။]

ကျန်းချန်ရွှမ်မျှော်လင့်ထားသလိုပင်၊ သူ၏ခန္ဓာကိုယ်သည် အဆင့် ၇သို့ ရောက်ရှိသွားသည်နှင့် စနစ်၏ အချက်ပေးမှုက သူ၏စိတ်ထဲ အသံမြည်လာခဲ့သည်။

[ခန္ဓာကိုယ်မွမ်းမံခြင်း အဆင့် ၇ ကိုရောက်သွားပြီး ကန့်သတ်ခြင်းဘီးရဲ့ ဝိညာဉ်အဆင့်ကို ဖွင့်လိုက်တဲ့အတွက် ဂုဏ်ယူပါတယ်၊ host။ ခန္ဓာကိုယ်နတ်ဘုရားစွမ်းအား ကောင်းကင်ဘုံခန္ဓာကိုယ်အား ဖျက်ဆီးခြင်း ကိုရရှိပါတယ်။]

ချက်ခြင်းပင်၊ ကျန်းချန်ရွှမ်၏စိတ်သည် ကန့်သတ်မဲ့ဘီးနည်းစနစ်၏ ဝိညာဉ်အဆင့် အသစ်အပါအဝင် အသစ်သော သတင်းအချက်အလက်များနှင့် ပြည့်သွားလေသည်။

ထိုအသေးစိတ်များထဲတွင် ဧရာမ လက်ဖဝါးပုံရိပ်ကြီးက နဂါးငွေ့တန်းများကိုကျော်ဖြတ်ကာ ၎င်း၏လမ်းတွင်ရှိသော ကြယ်များအား ပေါက်ကွဲသွားစေသည်။

ထိုလက်ဖဝါးကြီးသည် ၎င်း၏အဆုံးသတ်သို့ရောက်သွားသောအခါ၊ နဂါးငွေ့တန်းတစ်ခုလုံးသည် တုန်လှုပ်ကာ ပျက်စီးသွားပြီး အမြစ်ပြတ်ရှင်းလင်းခြင်းသို့ ဦးတည်သွားနေလေသည်။

ကျန်းချန်ရွှမ်သည် ထိုလက်ဖဝါးတစ်ချက်တည်းဖြင့် ကြယ်များကိုဖျက်ဆီးနိုင်ရန် နဂါးငွေ့တန်းကို ရှင်းလင်းနိုင်သည့် ကြီးမားသောစွမ်းအားကိုမြင်သောခါ နက်ရှိုင်းစွာ တုန်လှုပ်သွားခဲ့သည်။

ကျန်းချန်ရွှမ်သည် ယခုတွင် ဗလာနယ်ပြန်နတ်ဘုရားအရှင်အဆင့်သို့ရောက်သွားပြီဖြစ်သော်လည်း ထိုကဲ့သို့ ရှိန်လောက်သည့် စွမ်းအားကို မရယူရဲသေးပါ။

တိတိကျကျပြောရလျှင် သူသည် ထိုစွမ်းအားအဆင့်သို့ရောက်ရှိရန် များစွာသွားရဦးမည်ဖြစ်သည်။

ထို့အပြင်၊ သူသည်ထိုနတ်ဘုရားနည်းစနစ်အားဆက်လက်ကျင့်ကြံပါက ၎င်း၏စွမ်းအားသည် ပို၍ ကြောက်မက်ဖွယ်ကောင်းကာ ပြင်းထန်မည်ဖြစ်သည်။

ထိုနည်းစနစ်အား ထပ်မံ၍ အသေးစိတ်လေ့လာပြီးနောက်၊ ကျန်းချန်ရွှမ်သည် ကျင့်ကြံခြင်းကိုထပ်မံ၍ စတင်လိုက်သည်။

ဆယ်နှစ်ကျော်ကြာပြီးနောက်၊ သန့်စင်သောယန်ရတနာငါးခုသည် ကျန်းချန်ရွှမ်ရှေ့တွင်ပေါ်လာခဲ့သည်။ ၎င်းတို့သည် သူ၏ မူလသန့်စင်သောရတနာငါးခုဖြစ်သည့် ရွှေဗလာနယ်ဓား၊ ထာဝရလောင်မြိုက်နေမီးဖို၊ မြေနက်လှံ၊ အရှေ့နဂါးစိမ်းအလံနှင့် ယန်ယန်ရေနတ်ဘုရားကျောက်စိမ်းတို့ပင်ဖြစ်သည်။

တစ်ချိန်တည်းမှာပင်၊

သူ၏လက်ထဲ၌ အရောင်ငါးရောင်ဖြင့် တောက်ပနေသည့် စက်လုံးတစ်ခုဖြစ်ကာ ကျန်းချန်ရွှမ်၏ လက်ထဲတွင် ရှိနေခြင်းကြောင့် သာမန်စက်လုံးမဖြစ်နိုင်ပါ။ ၎င်းသည် တခါတရံ အရည်အဖြစ်သို့ ပြောင်းလဲသွားကာ တခါတရံ အစိုင်အခဲ သို့ အငွေ့အဖြစ်သို့ ပြောင်းလဲသွားလေသည်။

ထိုအချိန်တွင်၊ ၎င်းသည် အလင်းရောင်ပုံစံဖြစ်နေခဲ့သည်။

၎င်းသည် သူ၏ဆရာထံမှလဲလှယ်လာသော ဒြပ်စင်ငါးပါးမွန်မြတ်ခြင်းစက်လုံးဖြစ်ကာ ထိုရတနာသည် သူ၏ သန့်စင်သောယန်ရတနာငါးခုကို တစ်ခုတည်းအဖြစ် ပေါင်းစည်းပေးနိုင်ပြီး ဒြပ်စင်ငါးပါးနှင့် ကိုယ်ပိုင်ဝိညာဉ်ရတနာဖြစ်သည့် စကြဝဠာဓာတ်ငါးပါးကားချပ်ကို ဖန်တီးပေးနိုင်သည်။

ထိုရတနာ၏ပေါင်းစည်းခြင်းလုပ်ငန်းက တစ်ကြိမ်ပြီးသွားသည်နှင့် ၎င်း၏စွမ်းအားသည် ကောင်းကင်ဆက်သွယ်ခြင်းဝိညာဉ်ရတနာနှင့်ပင် ယှဉ်နိုင်မည်ဖြစ်နိုင်ကာ သူ၏လက်ရှိ ဝိညာဉ်ရတနာ အမြစ်ဖြတ်ဓားထပ်ပင် ကျော်လွန်နိုင်မည်မှာဖြစ်နိုင်ချေရှိသည်။

သို့ရာတွင်၊ သန့်စင်သောယန်ရတနာများကို တစ်ခုတည်းအဖြစ်ပေါင်းစည်းခြင်းသည် အလွန်ရှည်ကြာမည့်ဖြစ်စဉ်ဖြစ်ကာ နှစ်ထောင်ချီသို့ သောင်းချီ ဖြစ်နိုင်ပေသည်။

သို့သော် ကျန်းချန်ရွှမ်အတွက်မူ စကြဝဠာဓာတ်ငါးပါးကားချပ်ကိုပေါင်းစည်းနိုင်မည်ဆိုလျှင် ထိုအချိန်နှင့်ကြိုးစားမှုကို ရင်းနှီးမြုပ်နှံခြင်းက တန်ပါသည်။

***