လောကပြိုလဲအစီအရင်

တစ်ချိန်တည်းမှာပင်၊ ကျန်းချန်ရွှမ်နှင့် အဖွဲ့သည် မြစ်တစ်ထောင်လျှို့ဝှက်နယ်မြေတွင် စူးစမ်းလေ့လာမှုများ ပြုလုပ်နေချိန်၌ ရှောက်ရွယ်မိုင်နှင့် အခြားသူများသည်လည်း တန်ဖိုးရှိသောအရာတစ်ချို့ကို ရရှိခဲ့ကြသည်။

အထူးသဖြင့် ရှောက်ရွယ်မိုင်သည် အတိဒုက္ခကို ရှောင်လွဲနိုင်သည့် ပစ္စည်းကိုရရှိခဲ့သည်။

ဝိညာဉ်နယ်မြေတွင်၊ အတိဒုက္ခကိုရှောင်လွဲနိုင်သည့်ပစ္စည်းသည် အလွန်အဖိုးတန်က ဈေးကွက်တွင် ရှာဖွေတွေ့ရှိနိုင်ခြင်းမရှိပါ။

အခြေခံအကြောင်းအရင်းမှာ ထိုသို့သော ပစ္စည်းသည် လိုအပ်ချက်မြင့်မားသောကြောင့်ဖြစ်သည်။

၎င်းတို့သည် ပေါ်လာသည်နှင့် ချက်ခြင်း ယူသွားကြမည်ဖြစ်သည်။

ထို့ကြောင့်။

ထိုကဲ့သို့ အတိဒုက္ခရှောင်လွဲခြင်းရတနာကို ရထားသည်နှင့် ရှောက်ရွယ်မိုင်သည် သူမ၏ ဤခရီးက တန်နေပြီဟု ဆိုနိုင်သည်။

ထိုအချိန်တွင် သူမသည် သူမ၏ဟောက်ရန်ဂိုဏ်းမှ တာအိုရောင်းရင်းနှစ်ဦးနှင့်အတူ မြစ်တစ်ထောင်လျှို့ဝှက်နယ်မြေ၌ စူးစမ်းရှာဖွေနေခဲ့သည်။

ရုတ်တရက် သူတို့ရပ်နေသောနေရာတွင် အစီအရင်အလင်းက မြင့်တက်လာခဲ့ပြီး ရှောက်ရွယ်မိုင်နှင့် သူမ၏အဖော်များ၏အမူအရာသည် ချက်ခြင်းပြောင်းလဲသွားခဲ့သည်။

“မကောင်းတော့ဘူး။ ဒီနေရာမှာတစ်ယောက်ယောက် အစီအရင်ချထားတယ်။”

“ဟားဟားဟား…”

ထိုကျယ်လောင်သောရယ်သံနှင့် အတူ ပုံရိပ်ခြောက်ခုက ရုတ်တရက် အမူအရာများ မဲမှောင်နေသော ရှောက်ရွယ်မိုင်နှင့် သူမ၏အဖော်များရှေ့တွင် ပေါ်လာခဲ့သည်။

“မကောင်းတော့ဘူး။ ဒြပ်စင်ငါးပါးဂိုဏ်းနဲ့ ထာဝရဓားဂိုဏ်းက လူတွေပဲ။”

အကယ်၍ ဟောက်ရန်ဂိုဏ်းနှင့် မိုးကြိုးချိုင့်ဝှမ်းတို့မှာ ညီအစ်ကိုမဟာမိတ်ဂိုဏ်းဟုသတ်မှတ်လျှင်၊ ဒြပ်စင်ငါးပါးဂိုဏ်းနှင့် ထာဝရဓားဂိုဏ်းတို့၏ဆက်ဆံရေးမှာလည်း ဟောက်ရန်ဂိုဏ်းနှင့် မိုးကြိုးချိုင့်ဝှမ်းတို့ ကဲ့သို့ဖြစ်သည်။

ထိုလူ ခြောက်ဦးသည် အစီအရင်အလံများကိုကိုင်ထားကာ ရှောက်ရွယ်မိုင်နှင့် သူမ၏အဖော်များကို အောင်ပွဲခံ၍ ကြည့်နေကြသည်။

“ဒါဆို ဒါက ဟောက်ရန်ဂိုဏ်းက လူတွေပေါ့။ ငါတို့ဆီဖမ်းမိတာ မင်းတို့ကံကိုပဲ အပြစ်တင်လိုက်။"

စကားပြောလိုက်သောသူမှာ မုတ်ဆိတ်နှင့် လူဖြစ်သည်။

သူသည် နောက်မှငါးယောက်အားလှည့်ကြည့်ကာ ပြောလိုက်သည်။

“ညီအစ်ကို ညီအစ်မတို့၊ သူတို့က သုံးယောက်ထဲဆိုတော့ ဒီအခွင့်အရေးကို အမြန်ဖြေရှင်းဖို့ သုံးလိုက်ကြရအောင်။

ဒီလိုဆို ငါတို့ ဒြပ်စင်ငါးပါးဂိုဏ်းက ဒေါသအချို့ကို ထွက်ပေါက်ရှာလို့ရတာပေါ့။”

ဒြပ်စင်ငါးပါးဂိုဏ်းနှင့် ဟောက်ရန်ဂိုဏ်းတို့ကြားရှိ ဆက်ဆံရေးမှာ အစကပင် ရန်သူများဖြစ်သည်။

ထပ်မံ၍ မြစ်တစ်ထောင်လျှို့ဝှက်နယ်မြေသို့မဝင်ခင်ကပင် သူတို့၏ဂိုဏ်းချုပ် ပိုင်ကျီလန်ကလည်း ချင်ရှန်းဝူထံမှ တိုက်ခိုက်မှုကိုခံခဲ့ရသေးသည်။

ဒြပ်စင်ငါးပါးကောင်းကင်ဂိုဏ်းမှ တပည့်များအတွက် ချင်ရှန်းဝူ၏လုပ်ရပ်မှာ ခိုးတိုက်ခြင်းဟုယူဆပြီး သူတို့၏ဂိုဏ်းခေါင်းဆောင်သည် ဆုံးရှုံးမှုကိုခံစားခဲ့ရသည်။

ထိုသို့သောအခြေအနေမျိုးတွင်၊ အကယ်၍ သူတို့သည် ရှောက်ရွယ်မိုင်နှင့် အခြားနှစ်ဦးအား ဖြေရှင်းနိုင်လျှင် သူတို့သည် ဂိုဏ်းသို့ပြန်သွားလျှင် ဂိုဏ်းခေါင်းဆောင်ထံမှ သေချာပေါက် ကြီးမားသောချီးမြောက်မှုကို ခံရမည်ဖြစ်ကာ မမျှော်လင့်ထားသော ဆုလာဒ်များကိုလည်း လုယူနိုင်ဦးမည်ဖြစ်သည်။

သူ၏စကားကိုကြားလျှင် အခြားငါးဦးက ချက်ခြင်းပင် သဘောတူ၍ ခေါင်းညိတ်လိုက်ကြသည်။ “စီနီယာအစ်ကိုရယ်၊ ဦးဆောင်လိုက်ပါ၊ ကျွန်တော်တို့နောက်ကလိုက်ပါ့မယ်။”

“ဟုတ်ပါတယ်။ ကျွန်တော်တို့နားထောင်ပါ့မယ်။”

မုတ်ဆိတ်နှင့် လူဖြစ်သည့် အစ်ကိုရယ်ဆိုသူသည် ပြုံးကာ ခေါင်းညိတ်၍ တုံ့ပြန်ုလိုက်သည်။

“ကောင်းတယ်။ ငါ့ဂျူနီယာညီလေးနဲ့ညီမလေးတွေက ငါ့ခေါင်းဆောင်မှုကိုလိုက်ချင်မှတော့၊ ဟောက်ရန်ဂိုဏ်းက ကောင်တွေကို သင်ခန်းစာပေးလိုက်ကြတာပေါ့။

ငါတို့ဒြပ်စင်ငါးပါးဂိုဏ်းနဲ့ ထာဝရဓားဂိုဏ်းတို့ဟာ အသေးအဖွဲ့အဟုတ်ဘူးဆိုတာ သင်ပေးဖို့အချိန်ပဲ။”

ဤသို့ဖြင့်၊ အစ်ကိုရယ်သည် သူ၏လက်ထဲမှ အစီအရင်အလံကို ဝေ့ယမ်းလိုက်ပြီး အခြားငါးဦးသည်လည်း သူနှင့်ပူးပေါင်းကြသည်။

ချက်ခြင်းပင်၊ ယခင်က တည်ငြိမ်နေသည့်အစီအရင်သည် ရက်စက်သောတိုက်ခိုက်မှုများဖြင့် အသက်ဝင်လာခဲ့သည်။

ဝှစ်..ဝှစ်..ဝှစ်..

တောက်ပနေသည့်အလင်းများသည် မြှားမိုးများကဲ့သို့ဖြစ်ကာ ခုခံရန် သန့်စင်သောယန်ရတနာကို ထုတ်ထားသော ရှောက်ရွယ်မိုင်နှင့် သူမ၏အဖော်နှစ်ယောက်အား တိုက်ခိုက်ကြသည်။

သို့ရာတွင် ထိုခုခံမှုသည် ချက်ခြင်းပင် သူတို့နှလုံးသားများ၌ နှစ်မြုပ်လာစေသည်။

အစီအရင်၏တိုက်ခိုက်မှုသည် အလွန်ပြင်းထန်ကာ သူတို့၏ကျင့်ကြံခြင်းအဆင့်ဖြင့် သူတို့သည် အချိန်ကြာကြာ တောင့်ခံနိုင်မည်မဟုတ်ပါ။

“စီနီယာအစ်မရှောက်၊ ကျွန်တော်တို့ဘာလုပ်ကြမလဲ?

ဒီအချိန်မှာ ကျွန်တော်တို့ နာရီအနည်းငယ်ပဲ တောင့်ခံနိုင်လိမ့်မယ်။ ပြီးရင်တော့ တစ်ခုခုဖြစ်မှာ ကြောက်မိတယ်။”

မပြောလိုက်သောစကားမှာ လေထဲတွင်ပျောက်သွားသော်လည်း သူတို့သုံးဦးအတွက်အဓိပ္ပာယ်မှာ ရှင်းလင်းပါသည်။

“ကြည့်စမ်း၊ အဲ့ဒီမှာ တစ်ခုခုဖြစ်နေပုံပဲ။”

.......

တစ်ချိန်တည်းမှာပင်၊

ရှောက်ရွယ်မိုင်၏အဖွဲ့တို့နှင့် မိုင်ရာချီအဝေးတွင်၊ ကျန်းချန်ရွှမ်နှင့် သူ၏အဖွဲ့သည် ရုတ်တရက် အဖြစ်အပျက်ကို သတိပြုမိပြီး သူတို့၏အမူအရာသည် လေးနက်လာသည်။

“သွားပြီး ကြည့်ကြရအောင်။”

ကျန်းချန်ရွှမ်က အခြားသူများကိုပြောလိုက်ကာ ဦးဆောင်လိုက်ပြီး ထိုနေရာသို့ပျံသန်းသွားခဲ့သည်။

“စီနီယာအစ်ကိုရယ်၊ ကြည့်ရတာ တစ်ယောက်ယောက်ဒီကိုလာနေပုံပဲ။”

ဒြပ်စင်ငါးပါးကောင်းကင်ဂိုဏ်းနှင့် ထာဝရဓားဂိုဏ်းတို့မှ ကျင့်ကြံသူများသည် အစီအရင်ကို စောင့်ကြည့်နေရင်း ရုတ်တရက် သူတို့၏အကြည့်ကိုကျန်းချန်ရွှမ်နှင့် အဖွဲ့ဘက်သို့ လှည့်ကြည့်လိုက်သည်။

တည်ငြိမ်နေသောအမူအရာသည်လူတိုင်း၏မျက်နှာတွင်ပေါ်လာကာ စီနီယာအစ်ကိုရယ်၏အမူအရာသည် မဲမှောင်သွားသည်။

အခြားသူများရောက်လာခြင်းလက္ခဏာသည် ကောင်းသောအရာမဟုတ်ပါ။

“စောင့်ကြည့်ကြတာပေါ့။ အကယ်၍ အခြားဂိုဏ်းကဆိုရင် သူတို့နဲ့ ပြသနာဖြစ်စရာမလိုဘူး။

ဒါမဲ့ သူတို့က ဟောက်ရန်ဂိုဏ်းကဆိုရင်တော့…”

စီနီယာအစ်ကိုရယ်၏မျက်လုံးများသည် အေးစက်သည့်အလင်းဖြင့် လင်းလက်သွားပြီး စကားကိုဆုံးအောင်မပြောဘဲ ရက်စက်သည့် ရည်ရွယ်ချက်ကို ထုတ်ပြလာသည်။

“ဒါဆို သူတို့ကိုလည်း ဒီမှာပဲ ထိန်းသိမ်းထားလိုက်မယ်၊

ဒီလောကပြိုလဲအစီအရင်နဲ့ဆိုရင် သူတို့က ပြသနာမလုပ်နိုင်လောက်ပါဘူး။”

ကျန်းချန်ရွှမ်နှင့် သူ၏အဖော်များသည် ချဉ်းကပ်လာလျှင်၊ စီနီယာအစ်ကိုရယ်နှင့် သူ၏အုပ်စု အမူအရာများသည် ကြီးမားစွာပြောင်းလဲသွားခဲ့သည်။

“မကောင်းတော့ဘူး။ ဒါက ဟောက်ရန်ဂိုဏ်းနဲ့ မိုးကြိုးချိုင့်ဝှမ်းကလူတွေပဲ။” စီနီယာအစ်ကိုရယ်၏ မျက်လုံးများသည် ရက်စက်သည့်အလင်းများ ပေါ်ထွက်လာကာ အမိန့်ပေးလိုက်သည်။ “သတ်ကြ။”

ဝုန်း….

ချက်ခြင်းပင်၊ အစီအရင်သည် စီနီယာအစ်ကိုရယ်နှင့် သူ၏အုပ်စုတို့ထိန်းချုပ်ထားသည့်အစီအရင်က ကျယ်ပြန်လာပြီး အလျှင်အမြန်ပင် ကျန်းချန်ရွှမ်နှင့် သူ့အဖော်များကိုဖုံးလွမ်းသွားသည်။

အစီရင်၏ လိုင်းများကိုအာရုံခံမိသည်နှင့် ကျန်းချန်ရွှမ်နှင့် ရှန်းရူယန်တို့၏အမူအရာသည် ချက်ခြင်းပင် အလေးအနက်ဖြစ်သွားကာ သူတို့သည် ချက်ခြင်းပင်၊ စီနီယာအစ်ကိုရယ်နှင့် အခြားသူများ၏တည်ရှိမှုကို အာရုံခံလိုက်မိသည်။

“ဒါဆို ဒါက ဒြပ်စင်ငါးပါးကောင်းကင်ဂိုဏ်းနဲ့ ထာဝရဓားဂိုဏ်းတို့က ကြွက်တွေပေါ့။” ကျန်းချန်ရွှမ်က မှတ်ချက်ပြုလိုက်ကာ သူ၏အမူအရာသည် ပျံဝဲသွားခဲ့သည်။

ထိုနေရာတွင် ကျယ်လောင်သည့် ဝုန်းဟူသောအသံမြည်သွားသည်။

ပြင်းထန်သောစွမ်းအားပြင်း လက်သီးသည် သူ၏လက်မှထွက်လာခဲ့သည်။

ကျီ..ကျီ…ကျီ….

လေဟာနယ်သည် သူ၏လက်သီးအောက်တွင် ကြေသွားပြီး သူနှင့် ရှန်းရူယန်တို့အား လွှမ်းမိုးနေသည့် အစီအရင်ကိုထိုးခွဲလိုက်သည်။

“ဘာ?”

စီနီယာအစ်ကိုရယ်နှင့် အခြားသူများက ထိတ်လန့်သွားခဲ့သည်။

သူတို့သည် သူတို့၏လောကပြိုလဲ အစီအရငင်သည် ကျန်းချန်ရွှမ်၏လက်သီးတစ်ချက်ဖြင့် ထိုးခွဲခံလိုက်ရမည်ဟု ကြိုတင်မမျှော်လင့်ထားကြပါ။

“ထလော့။” စီနီယာအစ်ကိုရယ်သည် ပြင်းထန်စွာအော်လိုက်သည်။

သူနှင့် အခြားငါးဦးတို့က သူတို့၏ဓမ္မစွမ်းအားများကို သူတို့ကိုင်ထားသည့် အစီအရင်အလံများထဲ ထည့်လိုက်ကာ အစီအရင်၏အလင်းကိုပို၍ ပြင်းထန်သွားစေသည်။

သို့ရာတွင်၊ ထိုအချိန်တွင် ကျန်းချန်ရွှမ်သည် ရုတ်တရက်အရွယ်အစားအားဖြင့် ပေတစ်ထောင်ထိ ကြီးမားကာ မယှဉ်နိုင်သည့် ကြောက်မက်ဖွယ်ကောင်းသည့်လှံကြီးကို ထုတ်လာသည်။

ဝုန်း…ဝုန်း…ဝုန်း…ဝုန်း……

ကျောက်တုံးပြိုလဲအစီအရင်အတွင်းတွင် အက်ကွဲလာသောအသံများကို ဆက်တိုက်ကြားလိုက်ရသည်။

၎င်းသည် မြေနက်လှံ၏အားကြောင့် မှေးမှိန်ကာ ပျောက်ကွယ်လာသည်ကိုခံစားလိုက်ကြသည်။

စွမ်းအားသည် အလွန်အင်အားကြီးမားသောကြောင့်အစီအရင်၏ စွမ်းအားသည် မခံနိုင်တော့ပဲ စီနီယာ အစ်ကိုရယ် နှင့်အခြားသူများကိုင်ထားသော အစီအရင် အလံများကို ရုတ်တရက်ပြဲသွားစေခဲ့သည်။

***