ဘုရင်အဖြစ် သရဖူဆောင်းခဲ့ပြီ

ထိုစကားများ ထွက်လာပြီးနောက် မင်းသား ရှန့်ခွမ်းနှင့် အခြားသူများ အံသြသွားရုံသာမက ချန်ရှီပင် အံ့အားသင့်သွားခဲ့သည်။

ဤတစ္ဆေမျိုးရိုး ခေါင်းဆောင်များ၏ ရည်ရွယ်ချက်မှာ သူပုံဖော်ထားသည့် သွေးကန်ကျင့်စဥ်ကို အရယူရန်ပဲဟု မူလက ယူဆခဲ့သည်။ ယခုတစ်ကြိမ်တွင် ဘုရင်မင်းမြတ်၏ နန်းတော်သို့ ဖိတ်ခေါ်သော်လည်း သွေးကန်ကျင့်စဥ်ကို ထုတ်ပေးလာအောင် အကျပ်ကိုင်မှုနှင့် သွေးဆောင်မှုတစ်ခုသာ ဖြစ်နိုင်သည်ဟု။ ——ဒါပေမယ့် သူသာ အသက်ရှင် ကျန်ရစ်ခဲ့မယ်ဆိုရင် ဒီစွမ်းရည်ကို ပေးလိုက်ဖို့လည်း စိတ်မ၀င်စားပါဘူး။

သွေးကန်ကျင့်စဥ်သာ ပျံ့နှံ့သွားပါက ထျန်းကျစ်ပြည်တွင် အချင်းချင်း သတ်ဖြတ်ခြင်း အပါအဝင် ကမောက်ကမ​တွေ ဖြစ်လာစေပြီး လူတိုင်း အန္တရာယ်ထဲ ကျရောက်နိုင်သော်လည်း မိမိမှာ ၎င်းတို့ကို ဂရုစိုက်ရန် အချိန်မရှိပေ။

ဒါပေမယ့် သူဘယ်တုန်းကမှ မမျှော်လင့်ထားတဲ့အရာက ဒီတစ္ဆေမျိုးရိုး ခေါင်းဆောင်တွေရဲ့ ဦးနှောက်တွေက အရမ်းမြန်လွန်းလို့ သူ့ကို ထျန်းကျစ်ပြည်ရဲ့ မျိုးဆက်သစ် ဘုရင် ဖြစ်ခွင့်ပေးခဲ့တာက တကယ်ကို မယုံနိုင်စရာပါပဲ။

သူ၏ ဦးခေါင်းနောက်ဘက်ရှိ ဘုံကျောင်းငယ်လေးတွင်တော့ ဖန်ကျွီ၊ ဖန်ယန့်အာနဲ့ စန်းရှီးရှီးတို့ကလည်း အပြင်ဘက်က လှုပ်ရှားမှုများကို အာရုံစိုက်နေကြသည်။ လိန်ချွီ၏စကားကိုကြားသောအခါတွင် သူတို့လည်း အံ့အားသင့်သွားရကြသည်။

ဖန်ကျွီနဲ့ ဖန်ယန့်အာက ဆက်ဆံရလွယ်ကူသည်။ မောင်နှမနှစ်ယောက်သည် ချန်ရှီကို အလွန်သဘောကျကြသည်။

စန်းရှီးရှီး: "မဟုတ်ပါဘူး... မဟုတ်​သေးဘူး ထိပ်တန်း ပညာရှင်တစ်ယောက် မဟုတ်ဘူးလား သူ ဘယ်လိုပုံစံနဲ့ ထျန်းကျစ်ပြည်ကို အုပ်စိုးမှာလဲ"

အုပ်စိုးရှင် နေရာ ရွေးချယ်မှုက ဒီလောက်တောင် လက်လွှတ်စပယ် နိုင်သလား။

ချန်ရှီ အနားတွင်တော့ မယ်မယ်ရှစ်ကျီက တိုးတိုးလေး ကပ်ပြော​နေသည်။

"အရှင်သံတမန်.... အရင်ဘုရင်ကို မင်း သတ်လိုက်တာလား"

ချန်ရှီက ညည်း​ပြလိုက်သည်။ သူ့ရှေ့က မြင်ကွင်းကို မြင်တော့ သူက အရင်အုပ်စိုးရှင်ကိုသတ်ပြီး ထျန်းကျစ်ပြည်က မျိုးနွယ်စုခေါင်းဆောင် ၁၁၂ ယောက်ကို လာဘ်ထိုးခဲ့တယ်လို့တောင် သံသယဖြစ်မိလာသည်။

မင်းသား ရှန့်ခွမ်း နှင့် တစ္ဆေနတ်ဘုရားများက ပို၍ပင် ထိတ်လန့်ကာ ဒေါသထွက်ခဲ့ကြသည်။ သူတို့သည် အုပ်စိုးရှင်ရာထူးအတွက် ပထမဆုံး ပြေးတက်လာကြခြင်းပင်။

မင်းသား ရှန့်ခွမ်းဆိုလျှင် ဘုရင်ရာထူးအတွက် အချိန်အတော်ကြာ စီစဉ်နေခဲ့သည်။ သူသည် စိတ်ပျက်အားငယ်ဖွယ် သို့မဟုတ် ရည်မှန်းချက်ကြီးသော သရဲတစ္ဆေများနှင့် တ​စ္ဆေနတ်ဘုရားများကို ခွန်အားများအဖြစ် စုဆောင်းထားသည်။ သူ့ကိုယ်ပိုင် သွေးစည်းစွမ်းအားကို မြှင့်တင်ရန် ရတနာများကို ရှာဖွေကာ တစ်နေ့တွင် သူ့ဖခင် အသက်ကြီးလာပြီးနောက် ဖခင်ကို ကောင်းကင်ဘုံသို့ အမြန်ဆုံး စေလွှတ်နိုင်မည်ဟု မျှော်လင့်ခဲ့သည်။

မမျှော်လင့်ဘဲ ဘုရင်ဟောင်းသည် ဤတစ်ကြိမ်တွင် မျိုးနွယ်စု၏ သခင်များကို ခေါ်ဆောင်ကာ မတော်တဆမှုတစ်ခုနှင့် ကြုံတွေ့ပြီး သေဆုံးသွားခဲ့သည်။ သူဒီကိုအမြန်ဆုံး ရောက်လာပြီး အရှေ့နန်းတော်ရဲ့ သခင်အားလုံးနီးပါးကို ခေါ်လာခဲ့၏။ ဘုရင်ဖြစ်လာခြင်းကို ဆန့်ကျင်ဝံ့သူ မည်သူမဆို ဘုရင်ဟောင်းနှင့်အတူ သင်္ဂြိုဟ်ပစ်နိုင်သည်။

သို့သော် မည်သည့်နေရာမှ ပြေးထွက်သွားသည် မသိသော ဤအရိုးစုလေးက ဘယ်လိုလုပ် အရှင်ဘုရင် ဖြစ်သွားရလေသလဲ။ ဤအရိုးစုလေးသည် မျိုးနွယ်စုအကြီးအကဲ ၁၁၂ ဦးရဲ့ ထောက်ခံမှုကို ဘယ်လိုလုပ်များ ရသွားခဲ့တာလဲ။

ထျန်းကျစ်ပြည်နယ်၏ အင်အားဖွဲ့စည်းပုံက အတော်လေး ချောင်ကျသည်။ ၎င်းသည် လူမျိုးစု စနစ်ဖြစ်သည်။ ထျန်းကျစ်​ပြည်ဘုရင်သည် မကြာခဏဆိုသလို အကြီးဆုံးမျိုးနွယ်စု၏ အကြီးအကဲ၊ အပြင်းထန်ဆုံးသော မျိုးနွယ်စု၏ အကြီးအကဲ သို့မဟုတ် အသန်မာဆုံး ပုဂ္ဂိုလ် ဖြစ်​​ကြသည်။ သို့သော် ဘုရင်အဖြစ် ထမ်းဆောင်ရန် အရိုးစုတ​စ္ဆေ ဖြစ်ရမယ် ဆိုတာမျိုး စံနမူနာမရှိပေ။

မင်းသား ရှန့်ခွမ်း သူ့သွားများကို ကိုက်ထားလိုက်သည်။ လူမျိုးစုအကြီးအကဲ ၁၁၂ ဦး၏ ပံ့ပိုးကူညီမှုနဲ့ဆို အခြေခံအားဖြင့် ပြီးမြောက်ခဲ့သည်။ ကန့်ကွက်ရင်တောင် ဘာမှ အသုံးမဝင်ပါ။ အရှေ့နန်းတော်၏ သခင်များကို အသုံးပြုခဲ့လျှင်ပင် ထိုလူကြီးများကို အနိုင်ယူနိုင်မည်မဟုတ်ပေ။

သို့သော် ဘုရင့်ပလ္လင်ကို အခြားသူများလက်သို့ ကျရောက်နေသည်က သူ့အား သည်းမခံနိုင်စေသလို တစ်ဖက်က အရိုးစုအနည်းငယ်သာ ရှိသည်။

မင်းသား ရှန့်ခွမ်းလည်း နားလည်သဘောပေါက်ပြီး ရှေ့သို့ လှမ်းကြည့်လိုက်သည်။ သူက ဝန်ကြီးချုပ်အား လေးလေးနက်နက် အသံဖြင့် လှမ်းကြည့်ကာ ဆို၏။

"ငါ့မျိုးနွယ်စု ခေါင်းဆောင်တို့ တိုင်းပြည်ရဲ့ ခေါင်းဆောင်က အရမ်း အရေးကြီးတယ်... ရှေးခေတ်ကတည်းက တိုင်းပြည်ခေါင်းဆောင်ကို ငါတို့တစ္ဆေမျိုးနွယ် အသီးသီးက ရွေးချယ်ထားတာ... အရိုးစုတစ္ဆေကို အရှင်ဘုရင် အဖြစ် ရွေးချယ်ခဲ့တာမျိုး တခါမှ မရှိခဲ့ဘူး...."

ချစ်တီ: "အရိုးစု တစ္ဆေမျိုးနွယ်ကလည်း တစ္ဆေမျိုးရိုးပဲ!"

ဤစကားကို ကြားသောအခါ ဝန်ကြီးချုပ်လည်း ဒေါသမထိန်းနိုင်တော့ဘဲ ဝင်အော်လာသည်။

“အရိုးစုတစ္ဆေတွေက သက်ရှိကမ္ဘာပေါ်က ကျင့်ကြံသူတွေ သေပြီး သူတို့ရဲ့စိတ်ဝိညာဉ်တွေက မြေအောက်ကမ္ဘာထဲကို ပြုတ်ကျလာတာ... ပြီးတော့ အရိုးစုတွေမှာ တွယ်ကပ်နေကြတာ! ဘယ်လိုလုပ် တစ္ဆေမျိုးနွယ် ဖြစ်နိုင်မှာလဲ”

ချစ်တီက ဒေါသတကြီးနဲ့ :"မိခင်ဝမ်းတွင်းမှာ မွေးဖွားတာ မမွေးဖွားတာက ကွာခြားချက် ရှိလို့လား?"

"ဘာလို့ ကွာခြားမှု မရှိ​တာလဲ ငါတို့မှာ အသွေးအသားရှိတယ်၊ သူတို့က မရှိဘူး!"

"အရိုးတွေက အသားမဟုတ်ဘူးလား?"

ချစ်တီကဆိုရင်း ရယ်မောချလိုက်သည်။ ထို့နောက် ရှန့်ခွမ်းဘေးရှိ အခြားတစ္ဆေတစ်ကောင်က ဝင်ပြော၏။

"ရှေးခေတ်ကတည်းက သားဖြစ်သူက ဖခင်ရဲ့လုပ်ငန်းကို အမွေဆက်ခံရတယ်..."

လိန်ချွီ မျိုးနွယ်စုခေါင်းဆောင်က ခေါင်းခါပြီး။

"အဲဒီလို စည်းကမ်းမရှိ​တော့ဘူး... ဆုတ်ယုတ်သွားပြီ"

နောက်ထပ် တစ္ဆေမျိုးရိုး သန်မာသူတစ်ဦးကလည်း: "မျိုးဆက်အားလုံးက ဘုရင်တွေရဲ့ ခွန်အားကို လေးစားတယ်... ဒီအရိုးစုတစ္ဆေလေးက မျိုးနွယ်စုအားလုံးရဲ့ စိန်ခေါ်မှုကို မခံရဘဲ ဘယ်လိုလုပ် ဘုရင်ဖြစ်လာနိုင်မှာလဲ...."

အခြားသော တစ္ဆေမျိုးနွယ်စုမှ တန်ခိုးရှင်များက ခေါင်းညိတ်သည် -

"ရွေးချယ်မှုမရှိဘဲ လူတွေကို ငါတို့ ဘယ်လို စည်းရုံးနိုင်မှာလဲ"

လိန်ချွီ: "ငါတို့မှာ ဘုရင်သစ်ကို ထောက်ခံတဲ့ မျိုးနွယ်စုခေါင်းဆောင် ၁၁၂ ယောက်ရှိတယ်... ဘာကြောင့် ရွေး​နေရမှာလဲ ပြည်သူတွေကို စည်းရုံးဖို့အတွက် ဒီအဆင့်ကို အရင်ကျော်ဖြတ်ပြီး မယုံကြည်သူတွေကို စည်းရုံးဖို့ပဲ လိုတာ..."

ချင်းရှား မျိုးနွယ်စုခေါင်းဆောင်: "မင်းကိုယုံကြည်အောင်လုပ်ဖို့ ငါတို့မှာ ကိုယ်ပိုင်နည်းလမ်းတွေ ရှိတယ်"

မျိုးနွယ်စု အကြီးအကဲတစ်စုက ရယ်မောပြီး ပြောလေသည်။

"ချန်ရှီက ဘုရင်အဖြစ် သိမ်းပိုက်ပြီး မကြာခင် နန်းတက်တော့မှာ... မင်းတို့လို လူယုတ်မာတွေက ငါတို့ကို မေးခွန်းမထုတ်ဖို့ ငါတို့က ဒီမှာလာပြောနေတာ..."

သရဲတစ္ဆေများနှင့် နတ်များ အားလုံး တိတ်ဆိတ်သွားကြသည်။

မျိုးနွယ်စုတစ်ခုစီ၏ မျိုးနွယ်စုခေါင်းဆောင်များသည် ၎င်းတို့၏သွေးများကို လွန်ကဲစွာ ဖော်ထုတ်ခဲ့ကြသည်။ ဤလူတွေဟာ မျိုးနွယ်စုခေါင်းဆောင်များအဖြစ် နှစ်ပေါင်းများစွာ အမှုထမ်းခဲ့ကြရာ ၎င်းတို့ကို ၎င်းတို့၏ မျိုးနွယ်စုဝင်များက အချိန်အတော်ကြာ ကိုးကွယ်ခဲ့ကြပြီး ကမ္ဘာပေါ်တွင် အပြင်းထန်ဆုံး ကျင့်ကြံသူများနဲ့ နှိုင်းယှဉ်နိုင်သော နတ်တန်ခိုး ရှိသည်။ အကယ်၍ ဤလူကြီးများသာ ချန်ရှီကို အမည်စာရင်း တင်သွင်းလိုပါက ချန်ရှီ တကယ် ဘုရင်အသစ် ဖြစ်လာလိမ့်မည်။

ဤသည်မှာ ဆွေးနွေးမှုမဟုတ်ဘဲ အသိပေးချက် တစ်ခုဖြစ်သည်။

သရဲတစ္ဆေများနှင့် နတ်များ အားလုံးလည်း တိတ်ဆိတ်သွားကြသည်။

လိန်ချွီက ပတ်ပတ်လည်ကို ကြည့်ကာ စိတ်အားထက်သန်စွာ ပြော၏။

"ဒီဘုရင်မင်းမြတ်က ငါတို့ကို ပြန်လည်နုပျိုစေပြီး စည်းစိမ်ချမ်းသာတွေဆီ ပို့ဆောင်ပေးနိုင်တဲ့ ပညာရှိအုပ်စိုးရှင်ပဲ... မင်းတို့ ဘုရင်မင်းမြတ်ကို ဂရုတစိုက် ကူညီပေးသင့်တယ် နားလည်လား"

လူတိုင်း တိတ်ဆိတ်နေခဲ့သည်။

ချန်ရှီ ချောင်းဆိုးပြီး စကားတွေ ပြောချင်ပေမယ့် လူတိုင်းရဲ့ မျက်လုံးတွေက သူ့ကို အာရုံမစိုက်လာတာကြောင့် ဘာမှ မပြောနိုင်ခဲ့။ သူကိုယ်တိုင်လည်း နည်းနည်း စိတ်ရှုပ်နေသေးသည်။

ချန်ရှီသည် ရာဇပလ္လင်ပေါ်တွင် ထိုင်ကာ သရဖူမဆောင်းမီအထိ မျိုးနွယ်စုအသီးသီး၏ ကိုးကွယ်မှုကို ခံယူကာ မျိုးနွယ်စုအသီးသီးမှ မျိုးနွယ်စုခေါင်းဆောင်များသည် မြို့ထဲသို့ နံ့သာပေါင်းများ ပူဇော်ကာ ရောက်ရှိလာခဲ့သော်လည်း ချန်ရှီမှာ အနည်းငယ် စိတ်ရှုပ်ထွေးကာ မထသေးပေ။

ဘုရင်အသစ် နန်းတက်ပုံက သဘာဝအတိုင်း အလွန်အသက်ဝင်လှသည်။ တစ္ဆေမျိုးနွယ်စုများ အားလုံး မီးပုံးများချိတ်ဆွဲကာ ပျော်ရွှင်စွာ ဆင်နွှဲနေကြသည်။ သို့သော် ဘုရင်အသစ်သည် အရိုးစုတစ္ဆေဖြစ်ကြောင်း သူတို့သိလိုက်သောအခါတွင် အားလုံးက တစ်ယောက်ကိုတစ်ယောက်ကြည့်ကာ နောက်ကွယ်မှာ စကားများစွာ ပြောကြတော့၏။

ချန်ရှီသည် ဘုရင်ကြီး၏ ပလ္လင်ပေါ်တွင် ထိုင်ပြီး နောက်တစ်နေ့ရောက်မှသာ မနေ့ညက ရုန်းရင်းဆန်ခတ် ဖြစ်ရာမှ နိုးလာခဲ့သည်။

"ငါ့အဖေနဲ့ အဖွားရှားက ငါ့အတွက် နတ်ဆိုးတွေကို သုတ်သင်နေတုန်းပဲ... သူတို့ မသိတဲ့ အချိန်မှာ ငါက ဘုရင်ဖြစ်လာဖို့ တစ္ဆေမျိုးနွယ်ဆီကို သွားခဲ့တယ်"

ဒီကိစ္စက ဒေါသထွက်လွန်းစရာပင်။

မယုံနိုင်လောက်စရာတွေကို သူတွေ့နေရ၏။

သူ ငြိမ်သက်သွားပြီး တပ်မှူး ဖန်ကျွီ သတင်းပို့လာတာ ကြားလိုက်ရသည်။

"ဘုရင်မင်းမြတ်... မိုးကြိုးမျောက်ဝံမျိုးနွယ်ရဲ့ ခေါင်းဆောင် လိန်ချွီက တွေ့ချင်ပါတယ်တဲ့"

ချန်ရှီ ကြီးကျယ်ခမ်းနားသော ပလ္လင်မှ ထလိုက်သည်။ မြေအောက်ကမ္ဘာရှိ သရဲများနှင့် နတ်ဆိုးများကြားရှိ သတ္တဝါ၏ သားမွေးဖြင့် ပြုလုပ်ထားသည့် လေးလံသော သားမွေးအင်္ကျီကို ၀တ်ဆင်ထားရသည်။ ဇိမ်ကျကျနှင့် ထူးကဲသော စွမ်းအားနှင့် ထူးထူးခြားခြား သွေးစွမ်းအားများ အပြည့်ပင်။ မျိုးနွယ်စု အသီးသီး၏ သွေးများဖြင့် ပြုလုပ်ထားတာ ဖြစ်ပေမည်။

ခေါင်းပေါ်တွင် ကျောက်မျက်မျိုးစုံဖြင့် စီခြယ်ထားသော ရွှေသရဖူကို ဆောင်းထားပြီး ပလ္လင်ဘေးရှိ ရာဇလှံတံကို ကိုင်ဆောင်ထားပေမယ့် လှံတံသည် သူ့ထက် အဆများစွာ မြင့်​နေသည်။

ချန်ရှီ ခဏလောက် စဉ်းစားပြီးနောက် ရာဇလှံတံကို ချလိုက်သည်။

"ကျေးဇူးပြုပြီး သူ့ကို ဝင်လာခိုင်းလိုက်ပါ"

ခဏအကြာတွင် လိန်ချွီသည် ဖန်ကျွီနှင့်အတူ နန်းတော်ထဲသို့ လိုက်သွားခဲ့သည်။ ချန်ရှီ၏ ပြုတ်ကျနေသော အဝတ်အစားများ၊ လက်မောင်းများကိုဖွင့်ကာ နံရိုးများ၊ တင်ပါးဆုံရိုးနှင့် ခြေထောက်အရိုးများကို ပွင့်ပွင့်လင်းလင်း မြင်​နေရသောအခါ သူက မျက်စိအမြင်ကို ပိတ်ဆို့ရန် လက်ကို အမြန်မြှောက်လိုက်ပြီး။

"အရှင်မင်းကြီး... ကျွန်တော်မျိုးရဲ့ မျက်စိကို ခွင့်လွှတ်တော်မူပါ"

ပြည်ထဲရေးဝန်ကြီး စန်းရှီးရှီးက ထိုသားမွေးအင်္ကျီကို ပိုမိုတင်းကျပ်စွာ ခြုံနိုင်ရန် အမြန်ရှေ့သို့ ပြေးသွားခဲ့သည်။ ချန်ရှီ လှေကားထစ်များအောက်မှ ဆင်းပြီး လိန်ချွီထံသို့ ပြုံးပြလိုက်သည်။

"ကျနော်က အရိုးစုလေးပဲ​လေ.. အဲဒါကြောင့် ဒီဝတ်စုံကို ဝတ်သည်ဖြစ်စေ မဝတ်သည်ဖြစ်စေ အရေးမကြီးပါဘူး... လောင်လိန်...ကျနော် နားမလည်သေးဘူး"

သူ၏ ဦးခေါင်းခွံ မျက်လုံးစွပ်များတွင် မီးတောက်နှစ်ခု တောက်လောင်နေပြီး လိန်ချွီကို စိုက်ကြည့်နေသည်။

လိန်ချွီက မျက်နှာပေါ်တွင် အမွေးဖြူဖြူနှင့် အနက်ရောင် အဝတ်အစားများ ဝတ်ဆင်ကာ လူဝံကဲ့သို့ လှုပ်ရှားလေသည်။

“ဘုရင်မင်းမြတ် နန်းတက်ရတဲ့အကြောင်းကြောင့် စိတ်ရှုပ်နေသေးတာလား”

ချန်ရှီ ညင်သာစွာ ခေါင်းညိတ်ပြသော်လည်း အလွန်အမင်း မလှုပ်ရှားဝံ့ပေ။ သူ့တွင် ဆံပင်မရှိ၊ အရိုးခေါင်းခွံသာရှိသည်။ သရဖူ ပြုတ်ကျလိမ့်မည်။

လိန်ချွီက ပြုံးပြီး :"ဘုရင်မင်းမြတ်မှာ ဒီလိုမေးခွန်းမျိုး ရှိမယ်ဆိုတာ ကျနော်မျိုးလည်း သိပါတယ်... ဒါကြောင့် မျိုးနွယ်စုခေါင်းဆောင် ၁၁၂ ဦးက ဘုရင်မင်းမြတ်ကို ရှင်းပြဖို့ ဒီကိုလာဖို့ အကြံပြုထားပါတယ်"

နန်းတော်အပြင်ဘက်သို့ ရောက်သည်အထိ နှစ်ယောက်သား လမ်းလျှောက်ရင်း စကားပြောခဲ့ကြသည်။

လိန်ချွီ: "ကျွန်တော်မျိုးကို ထျန်းကျစ်ပြည်က မရဏနိုင်ငံတွေ အများကြီးထဲကမှ တစ္ဆေနိုင်ငံတစ်ခုပါ..."

ချန်ရှီ၏ နှလုံးသားက အနည်းငယ် လှုပ်ရှားသွားပြီး :"တခြား တစ္ဆေနိုင်ငံတွေလည်း ရှိသေးတာလား?"

"ယင်တောင်မှာ တခြားတစ္ဆေနိုင်ငံတွေ အများကြီးရှိပြီး တောင်တန်းရဲ့ အပြင်ဘက်မှာလည်း ရှိပါသေးတယ်... ဒါပေမယ့် တစ္ဆေနိုင်ငံအားလုံးရဲ့ ဒဏ္ဍာရီတွေက တူညီတဲ့သမိုင်းကြောင်းကလာတာ... အဲဒီအချိန်က တစ္ဆေနိုင်ငံတွေက ယဉ်ကျေးပြီး သာယာဝပြောတယ်... အံ့သြစရာကောင်းတဲ့ တာအိုအယူဝါဒနဲ့ မှော်အစွမ်းတွေ အမျိုးမျိုးနဲ့ ထွန်းကားခဲ့တာ.. ကမ္ဘာကြီးက နေနဲ့ ကြယ်တွေက အခုခေတ်မှာ မြင်တွေ့ရတဲ့ ကမ္ဘာလို မဟုတ်ဘူး"

ချန်ရှီ နန်းတော်ရှေ့တွင် ရပ်ကာ ထျန်းကျစ်ပြည်ကြီးကို ကြည့်နေသည်။ ရေကန်တွေက ရာနှင့်ချီရှိခဲ့ပြီး၊ တစ္ဆေမျိုးနွယ်စုများက ထျန်းကျစ်ပြည် အနီးတဝိုက်တွင် ပြန့်ကျဲနေခဲ့သည်။

"အဲဒီတုန်းက ကောင်းကင်က မပေါက်သေးဘူး"

လိန်ချွီက မိုင်တစ်ရာဝေးသော ရေတံခွန်ကို လှမ်းကြည့်ကာ စကားဆက်လေ၏။

"ကောင်းကင်က မကွဲအက်ဘူး... ငိုက်စိုက်ကျနေတဲ့ ရေတံခွန်လည်း မရှိဘူး မြူလရောင် ဖြစ်စဉ်လည်း မရှိဘူး... အဲဒီတုန်းက ငါတို့ လေ့ကျင့်ပြီး အမတနယ်ပယ် အထိ တက်နိုင်ခဲ့တယ်။ ဒါပေမယ့် ရုတ်တရက် အကြောင်းတစ်ခုခုကြောင့် သရဲတစ္ဆေတွေအားလုံး စာမတတ်တော့ဘူး ဘာသာစကား မမှတ်မိတော့ဘဲ လမင်းနဲ့ လရောင် ပျောက်ကွယ်သွားပြီး မြူ၊ ကြယ်တွေ မျိုးဆက်တွေ ပျောက်ကွယ်သွားခဲ့တယ်... အမတတွေ ပျောက်ကွယ်သွားတယ်... နတ်ဘုရားတွေ သေဆုံးပြီး ဝူလျောင့် ချောက်ကမ်းပါးပေါ်မှာ ချိတ်ဆွဲခံထားရတယ်"

ချန်ရှီ : "ဘယ်လိုဖြစ်တာလဲ?"

လိန်ချွီက ခေါင်းယမ်းပြီး :"မသိဘူး မျိုးနွယ်စုအမျိုးမျိုးရဲ့ ဒဏ္ဍာရီတွေမှာ ရွှေခေတ်ရဲ့ ကြိုကြားကြိုကြား မှတ်တမ်းတွေပဲရှိတော့လေ... ဒီဒဏ္ဍာရီတွေကို ကဗျာမှာ ကူးဆက်ထားတယ် အခုက အမှောင်ခေတ်ဖြစ်တော့ အဲဒီကာလမှာ ဘာဖြစ်သွားမှန်းကို ဘယ်သူမှ မသိနိုင်တော့ဘူး"

ချန်ရှီ၏ မျက်လုံးများသည် မဝေးလှသော နန်းတော်၏ တံစက်မြိတ်ပေါ်မှ ကောင်းကင်နားစွင့်သူတွေကို စိုက်ကြည့်ကာ ဆိုလိုက်သည်။

"သက်ရှိလောကမှာလည်း အလားတူဖြစ်ရပ်တွေ ဖြစ်ပျက်ခဲ့ဖူးတယ်..."

စစ်မှန်သော ဘုရင်သည် အမတအရာများကို တံဆိပ်ခတ်ကာ အတိဒုက္ခကို ဖြတ်ကျော်ပြီး နယ်ပယ် ကြီးရင့်ခြင်း၏ ဘုံနှစ်ရပ်ကို ဖြတ်တောက်ပစ်သည်။ ဒါရ တစ္ဆေမျိုးနွယ်၏ မေ့ပျောက်နေသော စကားလုံးများနှင့် အလွန်ဆင်တူကြောင်း သတိထားမိသည်။

လိန်ချွီ: "ဒါပေမယ့် အရှင့်ရဲ့ဘုန်းအာနုဘော်က ကျနော်တို့တစ္ဆေမျိုးရိုးရဲ့ ပျောက်နေတဲ့ ဘာသာစကားကို သိတယ်.... အနားမှာရှိတဲ့ ခေါင်းကြီးတစ္ဆေမိန်းမတောင်မှ ပညာရှိတွေထားခဲ့တဲ့ မှော်လက်နက်ကို စတေးနိုင်တယ်!"

မယ်မယ်ရှစ်ကျီက ဒေါသတကြီးဖြင့် ချန်ရှီခေါင်းနောက်ဘက်ရှိ ဘုံကျောင်းငယ်လေးထဲမှ ပြေးထွက်လာခဲ့သည်။ ဆင်းသက်ပြီးနောက် သူမသည် လိန်ချွှ၏ကော်လာကို ဆွဲကိုင်လိုက်ပြီး။

"မျောက်! နင့်မှာ သတ္တိရှိရင် တစ္ဆေမိန်းမကို ထပ်ပြောလိုက်စမ်းပါ....ငါနင့်ကို ဘုရင်ဟောင်းနဲ့ အတူတူ သင်္ဂြိုဟ်ပေးလိုက်မယ်!"

လိန်ချွီလည်း ကရုဏာကို အလျင်အမြန် တောင်းပန်လိုက်ပြီး။

"ခေါင်းကြီးတဲ့ အမျိုးသမီး...."

မယ်မယ်ရှစ်ကျီက သူ့ကို အသေသတ်ဖို့ သူ့လက်သီးကို မြှောက်လိုက်သည်။

ချန်ရှီ: "မိုးကြိုးမျောက်ဝံမျိုးနွယ် ခေါင်းဆောင်... ဒါက နတ်ဘုရား မယ်မယ်ရှစ်ကျီပါ..."

"မယ်မယ်ရှစ်ကျီနဲ့တွေ့ရတာ ဂုဏ်ယူမိပါတယ်... စိတ်အနှောင့်အယှက် ဖြစ်သွားရင် ခွင့်လွှတ်​ပေးပါ "

ဤတော့မှ မယ်မယ်ရှစ်ကျီလည်း စိတ်သက်သာရာ ရသွားတော့သည်။

"ကြေးနီဒင်္ဂါးပြားပိုင်ရှင်က ငါ့ရဲ့အသိအကျွမ်းဟောင်းပဲ... သူ့ကြေးနီဒင်္ဂါး ဒီမှာ ဘယ်လိုလုပ် အဆုံးသတ်သွားတာလဲ"

လိန်ချွီက ခေါင်းခါပြီး။

"မသိပါဘူး"

မယ်မယ်ရှစ်ကျီ မထိန်းနိုင်ဘဲ။

"နင်သိတာ ဘာရှိသေးလဲ?"

"ကျွန်​တော်မျိုးနွယ်က မျိုးဆက်တစ်ခုကနေ တစ်ခုကို ဆင်းသက်လာတဲ့ ကဗျာတွေ ရှိပါတယ်...ကျွန်တော်တို့ ဘိုးဘေးတွေက တိုက်ကြီးလေးတိုက်က ဆင်းသက်လာတာ... စစ်ရှုံးပြီး နှင်ထုတ်ခံရတာတွေက ကင်းဝေးအောင် ဒီနေရာကို ပြောင်းရွှေ့နေထိုင်ခဲ့ကြတာ..."

လိန်ချွီသည် ချန်ရှီအား ကြည်ညိုလေးစားသော အကြည့်၊ ကိုးကွယ်သည့် အကြည့်များဖြင့် ကြည့်နေပြီး။

"ပါးစပ်က ရွတ်ဆိုထားတဲ့ အဲဒီကဗျာတွေထဲမှာ အမှောင်ခေတ်ရဲ့ အနာဂတ်မှာ မျိုးနွယ်စုတစ်ခုစီရဲ့ စွမ်းရည်တွေကို ပုံဖော်ပေးဖို့ ကောင်းကင်က ဆင်းသက်လာတဲ့ လူကောင်းတစ်ဦး အံ့ဖွယ်လုလင် ရှိလာလိမ့်မယ်... ကာလကြာရှည် ပျောက်ဆုံးသွားတဲ့ နတ်ဘာသာစကားကို သင်ပေးပြီး အမှောင်ထဲမှ လွတ်မြောက်အောင် ကူညီဆောင်ရွက်ပေးဖို့ ကောင်းကင်ဘုံက ဆင်းသက်လာသူပဲတဲ့!"

မယ်မယ်ရှစ်ကျီက ချန်ရှီကို သံသယဖြင့် ကြည့်လိုက်ပြီး။

"အံ့ဖွယ်လုလင်လား? အရှင်သံတမန်လား? သူနဲ့လည်း လုံးဝမတူပါဘူး..."

ချန်ရှီကလည်း ပြုံးပြီး ပြောလေသည်။

"ခင်ဗျားတို့ မျိုးဆက်တစ်ခုပြီးတစ်ခု ကူးဆက်ခဲ့တဲ့ ကဗျာတွေက ခင်ဗျားရဲ့သားစဉ်မြေးဆက်တွေ ဒီကမ္ဘာကြီးကို စိတ်ပျက်အားငယ်သွားအောင် ဖန်တီးထားတာ ဖြစ်မယ်ထင်တယ် အဲဒါကြောင့် သူတို့က ကမ္ဘာကြီးကို ကယ်တင်ဖို့ ကောင်းကင်က ဆင်းသက်လာတဲ့ မဟာလူသားတစ်ယောက်ရဲ့ ပရောဖက်ပြုချက်တွေကို ဖန်တီးခဲ့တာ... ကျွန်တော်က ဘာအံ့ဖွယ်နဲ့ ကြီးမြတ်တဲ့သူမှ မဟုတ်ပါဘူး... သက်ရှိလောကရဲ့ သာမန်ကျွမ့်ယွမ်တစ်ယောက်ပါ..."

"ဖြစ်နိုင်စရာပါပဲ..."

လိန်ချွီသည် ချန်ရှီက ထိပ်တန်းတစ်ယောက် ဖြစ်ကြောင်းပင် မသိဘဲ မျက်လုံးအိုမှ မှိတ်တုတ်မှိတ်တုတ် အလင်းများဖြင့် လတ်နေကာ။

"မျိုးဆက်ဟောင်းတွေက ငါတို့ကို လှည့်ဖြားချင်ပေမယ့် ဘုရင့်ရဲ့ဘုန်းအာနုဘော်က သွေးကန်ကျင့်စဥ်ကို ကျင့်သုံးပြီး ပျောက်ဆုံးသွားတဲ့ ရှေးဟောင်းစာလုံးတွေကို ပုံဖော်ပြီး ပျောက်ဆုံးနေတဲ့ နတ်ဘာသာစကားကို နားလည်သွားတာက တိုက်ဆိုင်လွန်းနေပြီ... ဒါ့အပြင် မင်းရဲ့ ဘုန်းအာနုဘော်က သက်ရှိကမ္ဘာက ကောင်းကင်ကနေ ပြုတ်ကျလာတာပဲ"

သူ့မျက်လုံးထဲက အလင်းရောင်က ပိုပိုပြီး အရူးအမူး ဖြစ်လာပြီး ရိုသေတဲ့ ခံစားချက်က သူ့အလိုလို ပေါ်လာခဲ့ရာ ချန်ရှီပင် အနည်းငယ် ကြောက်စရာကောင်းတယ်လို့ ခံစားလာရ၏။

"အရှင်က ကောင်းကင်ကနေ ပြုတ်ကျတဲ့အခိုက်မှာ ဘုရင်ကြီးက ကွယ်လွန်သွားပြီ... သူက အရှင်မင်း​မြတ်ရာထူးကို စွန့်လွှတ်လိုက်တာ ရှင်းပါတယ်... အရှင်လည်း ဘိုးဘေးတွေ ထားခဲ့တဲ့ မယ်မယ်ရှစ်ကျီကြီးကို ကျနော်တို့မျိုးနွယ်တွေရဲ့ ဘဏ္ဍာတွေကို အသုံးမချနိုင်တော့အောင် လုပ်ခွင့်ပေးနိုင်တယ်... ဒါက ကောင်းကင်ဘုံရဲ့ ဆန္ဒမဟုတ်ရင် ဘာလဲ... ဒါက ကောင်းကင်ရဲ့ အစီအစဉ်ပဲ နောက်ဆုံးတော့ အမှောင်ခေတ်က ပြီးသွားတော့မှာပါ"

ချန်ရှီ ခေါင်းကိုက်လာသည်။ ဒါပေမဲ့ ဒီလိုပြောပြီးနောက်မှာတော့ ဒီရှင်းပြချက်ဟာ တကယ်ဖြစ်နိုင်တယ် ဆိုတာကို သူတွေ့ရှိခဲ့ရသည်။

'ထားလိုက်ပါတော့....'

ထျန်းကျစ် အရှင်ဘုရင်သည် အလှဆင်ခြင်းမျှသာ ဖြစ်သည်။ မျိုးနွယ်စုတစ်ခုစီ၏ ကိစ္စရပ်များကို မျိုးနွယ်စုတစ်ခုစီကသာ ကိုင်တွယ်သည်။ မခံနိုင်တဲ့အခါမှ ဘုရင်ကို လာခိုင်းကြခြင်းသာ။

အရှင်ဘုရင်သည် သာမန်နေ့များတွင် တရားရုံးတက်ရန် မလိုအပ်ဘဲ အရာအားလုံးအတွက် ပူပန်နေစရာ မလိုပေ။ ပြည်တွင်းရေးရာများကို စန်းရှီးရှီးနဲ့ ဖန်ယန့်အာထံ လွှဲပြောင်းပေးအပ်ပြီး နိုင်ငံခြား အရေးရာများကို ဝန်ကြီးချုပ်ထံ လွှဲပြောင်းပေးအပ်သည်။

ချန်ရှီ ခဏလောက် ထပ်စဉ်းစားကြည့်လိုက်သည်။

"မျိုးနွယ်စုခေါင်းဆောင်... ကျနော်က မရဏကမ္ဘာမှာ အကြာကြီး မနေနိုင်ဘူး ဒီလုပ်ငန်းပြီးရင် သက်ရှိလောကကို သေချာပေါက် ပြန်သွားရမှာ... သွေးကန်ကျင့်စဥ်ကို ကျနော် သင်ပေးနိုင်တယ်... မင်းမျိုးနွယ်စုတွေရဲ့ စွမ်းရည်တွေကို ပုံဖော်နိုင်သလို နတ်ဘာသာစကားကိုလည်း သင်ပေးနိုင်တယ်... ပြီးရင်တော့ ခင်ဗျားကိုယ်တိုင်ပဲ ဘုရင်တစ်ပါးကို ရွေးချယ်လိုက်ပါ..."

လိန်ချွီရဲ့မျက်နှာက အနည်းငယ် ပြောင်းလဲသွားလေသည်။

"အရှင်မင်းကြီး... သွေးကန်ကျင့်စဥ်ကို အလျင်စလို မသင်ပေးပါနဲ့... သွေးကန်ကျင့်စဥ် ထွက်လာရင် ထျန်းကျစ်ပြည်ကြီး အဆုံးသတ်သွားလိမ့်မယ်... တခြားမျိုးနွယ်စုတွေက အတတ်ပညာတွေလည်း ရှိသေးတယ် ဖြန့်လိုက်ရင် ပြီးသွားပေလိမ့်မယ်...ဒီအချိန်မှာ ဖြန့်လိုက်ရင်!"

ချန်ရှီသာ သွေးကန်ကျင့်စဥ်ကို ဖြန့်လိုက်မယ်ဆိုရင် ဒီစွမ်းရည်ကို ကျင့်တဲ့ သရဲတစ္ဆေတွေနဲ့ နတ်ဘုရားတွေက လူသတ်မှုတွေ အများကြီးကို ကျူးလွန်မှာ သေချာပါသည်။ တခြားတစ္ဆေမျိုးနွယ်စုတွေရဲ့ စွမ်းရည်တွေကိုပါ ဖြန့်ကျက်ထားရင် အန္တရာယ်က ပိုကြီးလာမည်။ ထူးကဲသော ခွန်အားက ၎င်းတို့ စွမ်းအားဆန္ဒကို ပေါက်ဖွားစေကာ ထျန်းကျစ်ပြည်ကြီး ပြိုလဲကာ စစ်ပွဲကြီးလည်း ပေါ်ပေါက်လာမည် ဖြစ်သည်။

"ဒါပေမယ့် ငါ့ခန္ဓာကိုယ်ထဲက နတ်ဆိုးတွေကို ဖယ်ရှားပြီးရင် ငါ သက်ရှိလောကထဲကို ပြန်သွားရမှာပဲ" ချန်ရှီ တွေးလိုက်သည်။

လိန်ချွီက သူဘာတွေတွေးနေမှန်း မသိဘဲ ပြုံးပြလိုက်သည်။

"အရှင်မင်းမြတ်က နန်းတက်နေပြီ ကျနော် ပြောမပြသေးတာတစ်ခု ရှိတယ်.... အရှင်မင်းမြတ်မှာ အလှတရားတွေ မရှိဘူး ဒါကြောင့် ငါတို့အနွယ်တွေက ဂုဏ်သိက္ခာရှိပြီး လှပတဲ့အသွင်အပြင်၊ နူးညံ့သိမ်မွေ့တဲ့ စိတ်ထားနဲ့ ပြေပြစ်တဲ့ စိတ်နေစိတ်ထားရှိတဲ့ အလှလေးတွေကို ရွေးပြီး နန်းတော်ဆီ ပို့ပေးပါ့မယ်..."

ချန်ရှီ သူတို့အသွင်အပြင်ကို သေသေချာချာ ကြည့်လိုက်တော့ ဗိုက်ကြီးတဲ့ မျိုးနွယ်စု၊ အစိမ်းရောင် မကောင်းဆိုးဝါး မျိုးနွယ်စု နဲ့ တခြား မျိုးနွယ်တွေလိုပါပဲ။ မျိုးနွယ်စုတစ်ခုစီမှ အမျိုးသမီးများသည် အလားတူပဲ ဖြစ်လိမ့်မယ်လို့ ထင်သောကြောင့် တုန်လှုပ်ချောက်ချားသွားသည်။

"ကျေးဇူးပြုပြီး မျိုးနွယ်စုခေါင်းဆောင် ကြည့်ပါဦး..."

ချန်ရှီ သူ့ရင်ခွင်ကို ဖြည်ပြီး သူ့အရိုးစုကို ထုတ်ဖော်ပြလိုက်သည်။

"ကိုယ်လုပ်တော်တွေ လိုသေးတယ်လို့ ခင်ဗျား ထင်နေလား"

လိန်ချွီလည်း နိုးလာပြီး စိတ်မပူပင်ဘဲ မနေနိုင်။

“အရင်တုန်းကတော့ မျိုးနွယ်စုအားလုံးက ဘုရင်နဲ့ ဆက်ဆံရေးကို ထိန်းသိမ်းထားခဲ့ကြပေမယ့် အရိုးစုတစ္ဆေမှာတော့ မောင်းမမိဿံတွေ မလိုအပ်ဘူးလို့ ထင်ပါတယ်…”

လိန်ချွီ ထွက်သွားပြီးနောက် ချန်ရှီသည် သွေးကန်ကျင့်စဥ်ကို လေ့ကျင့်ရန်နှင့် နတ်သွေးတစ်စက်ကို သန့်စင်ရန် ပလ္လင်ပေါ်တွင် ဆက်လက်ထိုင်နေခဲ့သည်။

သူ့သွေးကန်ငရဲသည် ပို၍ကြီးမားလာပြီး နတ်ဝိညာဉ်က ပိုမိုအားကောင်းလာခဲ့သည်။ ရက်အနည်းငယ်အတွင်း ရေကန်မျက်နှာပြင်သည် ဆယ်မိုင်ကျော်အထိ ရောက်ရှိခဲ့သော်လည်း သွေးပင်လယ်နယ်မြေသို့ ရောက်ရန် စောလွန်းနေသေးသည်။

ဤအရိုးစုကိုယ်ထည်သည်လည်း ပိုသန်မာလာချေပြီ။ ထွက်လာသည့် အရှိန်သည် လူတို့အား ဖိနှိပ်မှုအား ပြင်းပြသည့် ခံစားချက်ကိုပင် ပေးစွမ်းနိုင်သည့် အပြင် ပို၍ပို၍ အံ့သြစရာကောင်းလာသည်။ ချန်ရှီသည် ဤအရိုးစု ခန္ဓာကိုယ်က ဘယ်လောက် သန်မာသလဲ မသိ။

သွေးကန်ကျင့်စဥ်ရဲ့ တိုးတက်မှုသည် မြန်ဆန်လွန်းပြီး ၎င်းကို သက်ရှိကမ္ဘာ၏ ဘုံစနစ်ဖြင့် တိုင်းတာရန် ခက်ခဲလေသည်။

ထိုနေ့တွင် ချန်ရှီသည် အဖြူရောင်ဝတ်နတ်သမီး၏ ပေါင်ပေါ်တွင် ခေါင်းကို ဇောက်ချထားခဲ့သည်။ အဖြူရောင်ဝတ် နတ်သမီးက သူ့ဦးခေါင်းခွံကို ထိတွေ့နေရာ အလွန်သက်တောင့်သက်သာ ရှိပြီး အိပ်ငိုက်လာလေ၏။

ဒီအရိုးစုကို ပိုင်ဆိုင်ကတည်းက ဖန်ကျွယ်ရဲ့ ဒဏ်ကို မခံခဲ့ရပါဘူး။ သူ့စိတ်ထဲမှာ ဖြူစင်နေသလို ခံစားရသည်။ မိန်းကလေး၏ ခြေထောက်ပေါ်တွင် ခေါင်းကို စိုက်ထားသော်လည်း မှားယွင်းသော အတွေးများ ရှိမည်မဟုတ်ပါ။

ဤအခိုက်အတန့်တွင် ပြင်းထန်သော ဖိတ်ခေါ်မှုတစ်ခု ရုတ်တရက် ထွက်ပေါ်လာပြီး ချန်ရှီရဲ့ စိတ်နှလုံးက အနည်းငယ် လှုပ်ရှားသွားလေသည်-

"အဘွားက ငါ့ကို ပြန်လာဖို့ ခေါ်နေပြီ!"

သူ အမြန်ထပြီး မယ်မယ်ရှစ်ကျီကို နန်းတော်ထဲ ထားခဲ့လိုက်သည်။

"ရှစ်ကျီ... မင်းဒီမှာ အရင်နေပြီး ငါ့နိုင်ငံကို ကာကွယ်ပေးထား.... ငါ မကြာခင် ပြန်လာခဲ့မယ်!"

"ဟူး--"

သူ့ဝိညာဉ်က ပြေးထွက်ရင်း ပျောက်ကွယ်သွားသည်။

မယ်မယ်ရှစ်ကျီသည် တစ်နေရာတည်းမှာ ထိုင်နေတဲ့ ချန်ရှီရဲ့ အရိုးစုကိုသာ တွေ့လိုက်ရလေသည်။ သွေးကန်ကျင့်စဥ်ကို သူ့ဘာသာသူ လေ့ကျင့်ခိုင်းပြီး သူ့ဦးခေါင်းနောက်က သွေးကန်ငရဲက ကြီးထွားနေဆဲပင်။