သိသာသည့်အနေအထားက ချဉ်းကပ်လာလေပြီ

ထျန်းရွှမ်က ပိုက်ဆံကို တွန့်တိုစွာ ပေးခဲ့သည့်အတွက် ဝမ်ဝေ့အတွက် အမဲလိုက်သည့်အချိန် အနည်းငယ် လျော့ကျစေခဲ့သည်။ ထို့နောက် သူသည် ပြုပြင်မွမ်းမံရေးမျှော်စင်သို့ ဦးတည်လိုက်ပြီး အကောင်းဆုံးအခန်းအတွက် ပေးချေလိုက်၏။

ထို့နောက် ဝမ်ဝေ့က သူသည် တောင်ထိပ်တစ်ခုအထက် မျောလွင့်နေသည်ကို တွေ့ရှိသွားပြီး သူ့ရှေ့တွင် ပိတ်ကားချပ်တစ်ခု ထားရှိကာ တင်ပျဉ်ခွေထိုင်လိုက်သည်။ ထို့နောက် ပစ္စည်းစာရင်းကို ကြည့်လိုက်သည်။

“အတော်လေးကို လွန်တာပဲ” ဝမ်ဝေ့က မှတ်ချက်ပေးလိုက်၏။

ဝူဟုန်၏ စာကြည့်တိုက်က ဟွင်သွမ်းစကြဝဠာတစ်ခုလုံး၏ ဗဟုသုတများ ပါဝင်နေပြီး ဝမ်ဝေ့အား ထိုစာရင်းပေါ်ရှိ အရာအများစုကို သတိထားမိစေသည်။ ကံဆိုးစွာဖြင့် သူသည် စာကြည့်တိုက်ထဲတွင် အရာအားလုံးကို ဖတ်ရှုမပြီးစီးခဲ့သည့်အပြင် ဝူဟုန်သည် သူမ၏စာကြည့်တိုက်ကို အဆင့်မြှင့်တင်ထားသည့်အတွက် အသစ်ရှာဖွေတွေ့ရှိမှုများနှင့် ဖန်တီးမှုများလည်း ရှိနေသေး၏။

ကံကောင်းသည်ကား ထိုရောင်းချသည့် ပစ္စည်းများတွင် ဖော်ပြချက်များ ပါရှိလေသည်။

“ဝိညာဉ်ဆေးပင်ရဲ့ စာရင်းက ကန့်သတ်ထားတဲ့ပုံပဲ” ဝမ်ဝေ့က ချက်ချင်း သတိထားမိလိုက်၏။ သူက ထိုစိတ်ဝိညာဉ်များသည် လူများအား ဆေးပင်နှင့် ဆေးလုံးများ မဟုတ်ဘဲ စစ်ဆေးမှုကို အသုံးပြုကာ သူတို့၏စွမ်းအားကို တိုးမြှင့်စေလိုသည့်အကြောင်းအရင်းကို ကောက်ချက်ချလိုက်မိသည်။ ထို့ကြောင့် သူတို့သည် အဆိပ်ဖန်တီးရာ၌ အသုံးပြုနိုင်သည့်ဆေးပင်များ သို့မဟုတ် ခန္ဓာကိုယ်နှင့်ဝိညာဉ်ကို အားဖြည့်ပေးနိုင်မည့်အစား ဖျက်ဆီးရေးအမျိုးအစား ဆေးလုံးများကို ဖော်စပ်နိုင်သည့် ဆေးပင်များကို ထည့်ထားလေသည်။

ဝမ်ဝေ့က ခေါင်းအသာရမ်းပြီး သူ လိုအပ်သည့်ပစ္စည်းများကို ရွေးချယ်လိုက်သည်။ သို့သော်လည်း သူက ထျန်းရွှမ်၏ အသုံးအဆောင်ပစ္စည်းအတွက် ပစ္စည်းများကို ဝယ်ယူနေခြင်းသာ မကပေ။ သူက အသုံးဆောင်ပစ္စည်းသုံးခုအတွက် ပစ္စည်းများ ဝယ်ယူနေခြင်း ဖြစ်၏။ ထိုအရာထဲတွင် သူ့တာအိုသက်သေပြ ပစ္စည်းအတွက် ရှားပါးအရာများလည်း အပါအဝင် ဖြစ်ပေသည်။ သူသည် ကောင်းကင်လှည့်ဖျားရေးအစီအရင်ကို သူ့အခန်းအတွင်း ထားရှိကာ အသက်သွင်းလိုက်၏။ သူက ထိုစိတ်ဝိညာဉ်များကို မယုံကြည်ပေ။ သူက ဤမျှော်စင်အတွင်း သူ့သန့်စင်သည့်အရာအပေါ် သတင်းအချက်အလက်ကို ဖုံးကွယ်ထားလို၏။

ဝမ်ဝေ့က ပတ်ဝန်းကျင်အား အဖြူရောင်မီးတောက်အသွင်ရှိသည့် ကမ္ဘာတစ်ခု အသွင်ပြောင်းလဲလိုက်သည်။ ထို့နောက် သူက လက်ဖျောက်တီးလိုက်သည့်အချိန် သူ ရယူထားသော ဗဟုသုတအားလုံးကို ကိုယ်စားပြုသည့် စာကြည့်တိုက်တစ်ခု၏ ပုံရိပ်ယောင်က ပုံသဏ္ဌာန်ပြလာလေ၏။ စာကြည့်တိုက်မှ စာလိပ် သို့မဟုတ် စာအုပ်များက မီးတောက်အတွင်း ပြေးဆင်းသွားကာ ဖြည်းဖြည်းချင်းဖြင့် အစိမ်းရောင် ပြောင်းလဲသွားလေသည်။ မီးတောက်အသွင်ပြောင်းမှု ပြီးဆုံးသွားသည့်အခါ ဝမ်ဝေ့က အနက်ရောင်ကြက်ဆင်ဥနှင့် တူသည့်အရာကို မီးတောက်အတွင်း ထားရှိလိုက်သည်။

ထိုအရာက ဗဟုသုတစုပ်ယူရေးသံမဏိဟုသိသည့် သတ္တုတစ်ခု ဖြစ်၏။ ထိုအရာက ထျန်းရွှမ်၏ အသုံးဆောင်ပစ္စည်းအတွက် ပင်မပစ္စည်း ဖြစ်သည်။ ထို့ကြောင့် ဝမ်ဝေ့က သူ့နည်းစနစ်နှင့် တူညီသည့် စွမ်းရည်ရှိဖို့ ထိုအသုံးအဆောင်ပစ္စည်းကို လိုချင်မိ၏။ သူက ထိုအရာကို အရည်ဖျော်ဖို့ ပုံမှန်မီးတောက်ဖြင့် အသုံးပြုနိုင်သော်လည်း ဝမ်ဝေ့၏ ပြုပြင်မွမ်းမံရေးမဟာတာအိုအဆင့်က ဧကရာဇ်အဆင့်သာ ရှိသေးသည့်အတွက် ပါဝင်ပစ္စည်း၏အာနိသင်ကို အပြည့်အဝ ထုတ်သုံးဖို့အတွက် တီထွင်ကြံဆနိုင်မည့် နည်းလမ်းများ လိုအပ်နေသည်။

သတ္တုတုံးကို အရည်ဖျော်ထားစဉ် ဝမ်ဝေ့က တခြားသောအဓိက ပါဝင်ပစ္စည်းများကို အာရုံစိုက်လိုက်သည်။ ပထမတစ်ခုက ချဲ့ထွင်ရေးသစ်သားဖြစ်ပြီး တည်ရှိမှုလေ့လာရာ၌ အထောက်အပံ့ပေးနိုင်ပြီး အရည်အချင်းသတ္တုနှင့် သဟဇာတဖြစ်သည့် အရာတစ်ခုဖြစ်ပေသည်။ ဒုတိယတစ်ခုကမူ တိတ်ဆိတ်ရေးသလင်းကျောက်ဟု ခေါ်ဆိုပြီး တခြားသူများ စောင့်ကြည့်နိုင်မည့် အခွင့်အရေးကို‌ လျော့ချပေးလေသည်။ သာမန်အခြေအနေအောက်တွင် ဝမ်ဝေ့က ထိုပစ္စည်းကို ထည့်သွင်းမည် မဟုတ်ပေ။ သို့သော် သူက ထျန်းရွှမ်နှင့် မဟာမိတ်ဖွဲ့ထားသည့်အတွက် ရက်ရောဖို့သာ ရွေးချယ်ခဲ့လေသည်။

တတိယအဓိကပစ္စည်းကမူ အစီအစဉ်ကျမှု-မကျမှု သဲမှုန့် ဖြစ်၏။ ထိုအရာက အသုံးဆောင်ပစ္စည်းအပေါ် သေချာသည့် ထိန်းချုပ်မှု အနေအထားတစ်ခု ထားရှိခွင့်ပြုထားလေသည်။ ဝမ်ဝေ့က ထိုပစ္စည်းအား ထျန်းရွှမ်သည် သူ့နည်းစနစ်ကို သင်ယူဖို့ ထိုအသုံးဆောင်ပစ္စည်းကို ချိုးဖောက်ခြင်းမှကာကွယ်ဖို့ ထည့်သွင်းထားခြင်း ဖြစ်၏။ သူတို့၏စာချုပ်ထဲတွင် ထိုအရာကို ခွင့်မပြုကြောင်း ရေးထိုးထားသော်လည်း ဝမ်ဝေ့က သူ့သစ္စာဖောက်ခံရမည့် အနေအထားအတွက် အရန်အစီအစဉ်အနေဖြင့် ထည့်သွင်းထားခြင်း ဖြစ်၏။

ဝမ်ဝေ့က ကွာခြားနေသည့် ပတ်ဝန်းကျင်ကို ဖန်တီးကာ ထိုပါဝင်ပစ္စည်းများကို အရည်ဖျော်လိုက်ပြီး အရန်ပါဝင်ပစ္စည်းများကို ဆက်လက်ကိုင်တွယ်လိုက်သည်။

ထို့နောက် သူသည် သူ့တာအိုသက်သေပစ္စည်းဖြင့် မီးပြင်းဖိုတစ်ခုကို ဖန်တီးပြီး သန့်စင်မှုအဆင့်ကို စတင်လိုက်သည်။ သူက ထိုသတ္တုများအား ပေါင်းစည်းကာ မျက်လုံးတစ်လုံး အသွင်ဖော်ဆောင်ခဲ့သည်။

ထိုဖြစ်စဉ်က ယွမ်ခေတ်ကာလချီ၍ ကြာမြင့်နိုင်သော်လည်း ဤစစ်ဆေးမှု၏ အဓိကပုံစံက လူအားလုံး၏ ဘဝအား အရာအားလုံးကို အရှိန်မြှင့်တင်ခြင်းဖြင့် လွယ်ကူစေသည်။

ထို့နောက် ဝမ်ဝေ့က တတိယအဆင့်ဖြစ်သည့် သင်္ကေရေးသွင်းခြင်းကို စတင်လိုက်သည်။ သူက ထိုဖြစ်စဉ်အတွက် ရိုးရှင်းသည့်လမ်းစဉ်ကို ရွေးချယ်ခဲ့လေသည်။ သူ့ပြုပြင်မွမ်းမံရေးအဆင့်က လေ့လာစောင့်ကြည့်ရေးသင်္ကေတနှင့် ကောင်းကင်သင်္ကေတကို ရွေးထွင်းခြင်းဖြင့် သူ့အောင်မြင်မှုကို ကန့်သတ်ထားလေသည်။ သူက ပြုပြင်မွမ်းမံသူ မဟုတ်သည့်လူအများစု၏ နည်းလမ်းများကို မသုံးပေ။

ထိုနည်းလမ်းက အရည်အသွေးအတွက် ပမာဏဖြင့် ကာမိစေခြင်း ဖြစ်၏။ တခြားနည်းဖြင့်ပြောရလျှင် ဝမ်ဝေ့က သင်္ကေတများကို ဘီလီယံနှင့်ချီကာ ရေးသွင်းသည့်ပေသည်။ ထိုသင်္ကေတနှစ်ခုက မဟာတာအိုအရင်းအမြစ်အတွက် ကာမိစေလိမ့်မည်။ သို့သော်လည်း သူက နောက်ထပ်ချဉ်းကပ်မှုတစ်ခုကိုသာ ရွေးချယ်ခဲ့လေ၏။

ဝမ်ဝေ့ လိုအပ်နေသည်က စွမ်းရည် သို့မဟုတ် နည်းစနစ်ဖြစ်သည့်အတွက် သူက မဟာတာအိုအရင်းအမြစ်၏ စွမ်းအားအတွက် သူ့သဟဇာတဖြစ်မှုကို ကာမိစေသည်။ နောက်ထပ်ပြုပြင်မွမ်းမံရေးအဆင့်က မဟာတာအိုအရင်းအမြစ်၏ အားဖြည့်မှု ဖြစ်၏။ ထိုအရာက ဝမ်ဝေ့၏ ကျွမ်းကျင်မှုလည်း ဖြစ်ပေသည်။ သူက အရင်းအမြစ်ဆီမှ ပမာဏအမြောက်အများကို ဆွဲယူပြီး သူ့သင်္ကေတနှစ်ခုကို အာဟာရဖြည့်ပေးကာ စံပြအသုံးအဆောင်ပစ္စည်းများအကြား ကောင်းမွန်သည့် အရည်အသွေးကို ဖြစ်လာစေသည်။

နောက်ဆုံးတွင် ဝမ်ဝေ့က ထိုအသုံးဆောင်ပစ္စည်း စမ်းသပ်ချက်ကျော်ဖြတ်သည်ကို တည်တည်ငြိမ်ငြိမ် ကြည့်နေလိုက်၏။ ကောင်းကင်ယံမှ မိုးကြိုးများ ဆင်းလာသော်လည်း ဝမ်ဝေ့က ဝင်ရောက်မစွက်ဖက်ခဲ့ပေ။ သူ အသုံးဆောင်ပစ္စည်းအဖြစ် ထောက်ပံ့ပေးထားသည့် အသိစိတ်က ဘဝအတွက် တိုက်ခိုက်နေလေ၏။ ကံကောင်းစွာဖြင့် ဝမ်ဝေ့က အဆုံးမဲ့တက်လှမ်းခြင်းကမ္ဘာ၏ ကျင့်ကြံသူတစ်ဦးဖြစ်သည့်အတွက် အသုံးဆောင်ပစ္စည်း စိတ်ဝိညာဉ်ကို မဖန်တီးခဲ့ပေ။ မဟုတ်ပါက ထိုအသုံး‌ဆောင်ပစ္စည်းသည် စိတ်ဝိညာဉ် ပြုစုပျိုးထောင်ရေးစမ်းသပ်ချက်ဟုခေါ်သည့် အပိုစမ်းသပ်ချက်တစ်ခုက ဖြတ်ကျော်ရမည် ဖြစ်၏။ ထျန်းရွှမ်က အသုံးဆောင်ပစ္စည်းစိတ်ဝိညာဉ်ကို ဖန်တီးကာ စမ်းသပ်ချက်ကို ရင်ဆိုင်နိုင်ပေသည်။ ထိုအခါကျ ဝမ်ဝေ့၏ ပြဿနာဖြစ်တော့မည် မဟုတ်ပေ။

ကောင်းကင်တွင်ရှိသည့် တိမ်တိုက်များက ပျောက်ကွယ်သွားပြီး ငွေရောင်ရေးထိုးထားသည့် အနက်ရောင်မျက်လုံးက သူ့လက်ထဲဆင်းသက်လာသည်။

“ထူးကဲတဲ့အရည်သွေးရှိတဲ့ ၉၅% အထက် … မဆိုးဘူး”

စံပြအသုံးဆောင်ပစ္စည်းများက အဆင့်နိမ့်၊ သာမန်ညောင်ည၊ သာမန်၊ အဆင့်မြင့်၊ ထူးကဲ၊ ပြီးပြည့်စုံမှုနှင့် အကြွင်းမဲ့ဟူ၍ သူတို့၏ စံနှုန်းကို ခွဲခြားထားလေသည်။ ဝမ်ဝေ့က လက်ကို ဝေ့ယမ်းပြီး ထိုအသုံးဆောင်ပစ္စည်းအား တာအိုမျှော်စင်ဆီ ပို့ဆောင်လိုက်၏။ စာရင်းပေါ်တွင် ပထမဦးဆုံးလူအနေဖြင့် သူသည် မျှော်စင်နှစ်ခုကို တပြိုင်နက် အသုံးပြုခွင့် ရှိလေသည်။ ဝမ်ဝေ့က ထိုအခွင့်ရေးကို လက်လွှတ်ခံမည် မဟုတ်ပေ။

ထို့ကြောင့် ဝမ်ဝေ့က ကိုယ်ပွားအား မျှော်စင်တွင် ချန်ထားခဲ့ပြီး ကျိချန်းမင်၏ နည်းစနစ်ကို သုံးသပ်ခိုင်းကာ သူ့နည်းစနစ်များကို အဆင့်မြှင့်တင်ခိုင်းခဲ့သည်။ ထိုအရာပြီးဆုံးသွားသည်နှင့် ထျန်းရွှမ်က ပထမအခန်းအတွင်းသို့ ဝင်ရောက်ကာ သူ့အသုံးဆောင်ပစ္စည်းကို ယူဆောင်နိုင်မည် ဖြစ်သည်။ သို့သော်လည်း ဝမ်ဝေ့က မပြီးဆုံးသေးပေ။ သူက ဒုတိယမြောက်ပစ္စည်းကို သန့်စင်မှုအား စတင်လိုက်၏။ သူက မဟာတာအိုအားဖြည့်မှုအားလုံးကို အသက်သွင်းပြီး ဤအသုံးဆောင်ပစ္စည်းကို သန့်စင်ဖို့ အကောင်းဆုံးအနေအထားတွင်ရှိအောင် သေချာအောင် လုပ်ဆောင်လိုက်သည်။ ထိုပစ္စည်း၏ ပထမအဆင့်အနေဖြင့် သူသည် အချိန်မြစ်ကြောင်း၏ ပုံရိပ်ယောင်ကို ဆင့်ခေါ်လိုက်ပြီး ကံကြမ္မာနှင့် ကံကြမ္မာဆက်နွယ်သည့်ပစ္စည်းများကို အသုံးပြုကာ ကောင်းကင်လှည့်ဖျားရေး အစီအရင်နှင့်အတူ အသုံးပြုလိုက်သည်။

သို့သော်လည်း သူက တာအိုသက်သေပြပစ္စည်းကို အဆင့်မြှင့်တင်ဖို့ အသုံးပြုနေခြင်း မဟုတ်ပေ။ ထို့အပြင် ဝမ်ဝေ့က အသုံးဆောင်ပစ္စည်းစိတ်ဝိညာဉ်တစ်ခုကို ဖန်တီးနေခြင်း ဖြစ်၏။ ထို့အပြင် သူက ပြုပြင်ပြီးသည့်နောက်တွင် သူက သူ့ကံကြမ္မာမျိုးစေ့ အဆင့်အတန်းအပါအဝင် သူ့တည်ရှိမှုကို အဆင့်မြှင့်တင်ထားခဲ့သည်။

ဝမ်ဝေ့က မျိုးစေ့တစ်ခုနှင့် တူသည့် အသုံးဆောင်ပစ္စည်းတစ်ခုကို လက်ထဲကိုင်ထားပြီး အကြည့်များတောက်ပလာ၏။

“၁၀၀%နဲ့ ထူးကဲအဆင့်ပဲ။ အဲ့ဆိုရင် ငါက မှန်ကန်တဲ့ တာအို မရှိဘဲနဲ့ ပြီးပြည့်စုံမှုကို မရနိုင်တဲ့ပုံပဲ”

သူက ခေါင်းအသာရမ်းပြီးသည့်နောက်တွင် သိမ်းဆည်းလိုက်လေ၏။ ထို့နောက် သူက မျှော်စင်မှ ထွက်ခွာလာပြီး အချိန်မည်မျှကုန်လွန်သွားကြောင်း တွက်ချက်ကြည့်လိုက်သည်။

နှစ် ၇၀၀၀ကျော် ကြာသွားပြီပဲ။ သူတို့က စတင်လှုပ်ရှားကြတော့မယ် …

ဝမ်ဝေ့က ကောင်းကင်ကိုမော့ကြည့်ပြီး တွေးလိုက်သည်။ အရာအားလုံးက ပုံမှန်ဖြစ်နေသော်လည်း သူက ကံကြမ္မာမြစ်ကြောင်း၏ လှုပ်ခတ်မှုကို ခံစားမိလေသည်။ ထိုအရာက ရောက်ရှိလာမည့် ဖရိုဖရဲဖြစ်မှုကို ပြသနေ၏။

ဝမ်ဝေ့က အချိန်သည် အသက်ဖြစ်ကြောင်း သိထားသည့်အတွက် အိမ်သို့ပြန်လာခဲ့သည်။ ပုံမှန်အတိုင်း အနီရောင်မျက်နှာဖုံးက သတင်းတင်ပြဖို့အတွက် သူ့ရှေ့တွင် ပေါ်လာခဲ့သည်။

“လူတချို့ရဲ့အောင်မြင်မှုကလွဲပြီး ဘာမှသတိထားမိစရာတော့ မရှိပါဘူး”

“ငါ သိပြီ။ ခုံကကော ဘယ်လိုလဲ” ဝမ်ဝေ့က မေးလိုက်သည်။

“သူက သူ့အစီအစဉ်တွေ အကောင်အထည်ဖော်ဖို့ ဖရိုဖရဲဖြစ်မှုကို စောင့်ဆိုင်းနေပါတယ်”

“ဒါက ဉာဏ်ရှိတဲ့အပြုအမူပဲ။ မင်းရဲ့ ပြင်ဆင်မှုတွေကော ဘယ်လိုလဲ” ဝမ်ဝေ့က မေးလိုက်၏။

“အားလုံးအဆင်သင့်ဖြစ်ပါပြီ။ ခေါင်းဆောင်တစ်ခွန်း ပြောလိုက်တာနဲ့ ကျွန်မတို့ထွက်သွားလို့ရပါပြီ”

“ကောင်းပြီလေ မင်းက အလုပ်တစ်ခု လုပ်ပေးဖို့ လိုသေးတယ်။ ဒါပြီးတာနဲ့ ချက်ချင်း ထွက်သွားလိုက်တော့” ဝမ်ဝေ့က သူမ၏ စိတ်ထဲအား အံ့ဖွယ်အသိစိတ်ဖြင့် ဆက်သွယ်ကာ ဗဟုသုတများအား ပို့ဆောင်ပေးလိုက်သည်။

အနီရောင်မျက်နှာဖုံးက ဦးညွှတ်ပြီးသည့်နောက်တွင် ထွက်ခွာသွားလေ၏။

ဝမ်ဝေ့က သူ့ဂိုဏ်းမှ အသက်ရှင်နေသည့် လူများအား ဆက်သွယ်လိုက်သည်။ သူက အသက်ရှင်သူတစ်ဦးအား ကြည့်လိုက်၏။ သူမ၏နာမည်က ထန်လီဟွား ဖြစ်ပေသည်။ ထန်မျိုးနွယ်က စိတ်ဝင်စားစရာကောင်းသည့် သမိုင်းကြောင်းတစ်ခု ရှိထားလေသည်။ သူတို့၏ဘိုးဘေးက ထာဝရအိမ်မက်ဂိုဏ်း၏ ခေါင်းဆောင်များ ဖြစ်ခဲ့ဖူးလေသည်။ သူတို့၏ မျိုးနွယ်က ပျက်စီးသွားတော့မည့်အတွက် ဂိုဏ်းက ဝင်ရောက်ကယ်ဆယ်ခဲ့ခြင်း ဖြစ်၏။ ထာဝရအိမ်မက်ဂိုဏ်း၏ အုပ်ချုပ်သူက တာအိုအခွင့်အလမ်းဂိုဏ်နှင့် ပေါင်းစည်းဖို့ ဆုံးဖြတ်ခဲ့သည့်အတွက် ပင်မမျိုးနွယ်တစ်ခု ဖြစ်လာခဲ့လေသည်။

ဝမ်ဝေ့က ထန်လီဟွားကို သတိထားမိသည်မှာ သူမသည် တားမြစ်တိုက်ခိုက်ရေးအဆင့်ကို ကြိုးစားခဲ့ပြီး သူမသည် ဝမ်ဖူရွှမ်းကဲ့သို့ ကျရှုံးသွား၍ ဖြစ်သည်။ သို့သော်လည်း သူမသည် အောင်မြင်မှုနှင့် အတော်လေး နီးကပ်မှုရှိသည့်အတွက် အုတ်မြစ်က ပုံမှန်ထက် ခိုင်မာနေလေ၏။

သူမက အဲ့လောက်နက်နဲမှုမျိုးတော့ မရှိပါဘူး …

ဝမ်ဝေ့က သုံးသပ်လိုက်ပြီး သူမ၏ ကံကြမ္မာကြိုးမျှင်ကို ဖတ်ရှုကာ အမှန်တရားကို သင်ယူလိုက်သည်။ ထန်လီဟွားက လေလွှင့်ကျင့်ကြံသူတစ်ဦးကို သတ်ကာ သူမအတွက် အလွန်သင့်တော်သည့် အိမ်မက်နည်းစနစ်ကို ရယူနိုင်ခဲ့လေသည်။ ထိုနည်းစနစ်က တားမြစ်တိုက်ခိုက်ရေးအဆင့်ကို ဝင်ရောက်ချင်သူက ဖန်တီးထားခြင်းဖြစ်ပြီး ကျရှုံးသွားလေသည်။ ထန်လီဟွားက သူမသည် အောင်မြင်နိုင်မည်ဟုတွေးကာ ကြိုးစားခဲ့လေ၏။

သူမက ကံကောင်းလွန်းတာ မဟုတ်ဘူးဆိုရင် ထောင်ချောက်တစ်ခုလား …

ဝမ်ဝေ့က သူမ၏တည်ရှိမှုကို လေ့လာပြီးသည့်နောက်တွင် ထင်ထားသည့်အတိုင်း ထောင်‌ချောက်တစ်ခု ဖြစ်နေသည်။ သူက လက်ကို ဝေ့လိုက်သည့်အချိန် သူမက သူ့ဆီ ပျံသန်းရောက်လာလေ၏။ ဝမ်ဝေ့က သူမ၏ခန္ဓာကိုယ်မှ ဆုံမှတ်များကိုဖိလိုက်သည့်အချိန် ထန်လီဟွားက နာကျင်စွာ အော်ငြီးပြီး ကြမ်းပြင်ပေါ် လဲကျသွားလေသည်။