ဝိုင်းထား ခံရခြင်း

“ဘယ်လိုလုပ် လူတွေ ခိုးဝင်လာနိုင်ရတာလဲ။ အစောင့်တွေက ဘာမှမမြင်ရဘူးလား...”

ရုပ်ရည်ကြမ်းတမ်းသော အမျိုးသားတစ်ဦးသည် အေးစက်သောအကြည့်ဖြင့် ဤတံခါးကို စိုက်ကြည့်နေသည်။ ၎င်းတို့သည် ဤတံခါးကို အလှည့်ကျ တိုက်ခိုက်ကာ တံခါးပေါ်ရှိ နတ်ဘုရားအင်းများကို ဖျက်ဆီးရန် ကြိုးစားနေကြသည်။ သို့သော် ရူးသွပ်စွာ တိုက်ခိုက်မှုများကြောင့် နတ်ဘုရားအင်းများသည် တဖြည်းဖြည်း မှေးမှိန်လာပြီး သိပ်မကြာမီအချိန်အတွင်း ဖျက်ဆီးခံရတော့မည်ဟု ထင်ရသည်။

ဤမျှသန်မာသူများစွာက အလှည့်ကျ တိုက်ခိုက်နေသည်ဖြစ်ရာ တံခါးတစ်ခုကိုပင် ဖောက်ထွင်း၍မရပါက မျက်နှာပြရန် မဖြစ်နိုင်တော့ပေ။

ဤနေရာရှိ နတ်ဘုရားအင်းများသည် အလွန်ခိုင်မာသော်လည်း ဖန်တီးသူအဆင့် နတ်ဘုရားအင်းများမဟုတ်သဖြင့် ဖောက်ထွင်းရန်ခက်ခဲမှုသည် သိပ်မမြင့်မားပေ။

“ဒါကို မသိရပါဘူး…” ကင်းလှည့်သူများသည် တုန်လှုပ်ကြောက်ရွံ့နေပြီး အပြစ်ပေးခံရမည်ကို စိုးရိမ်နေကြသည်။

“ဖြန်း...”

ပြင်းထန်သော လက်ဖဝါးတစ်ချက်ဖြင့် ကင်းလှည့်သူတစ်ဦးကို ရိုက်လွှဲလိုက်ပြီး နံရံပေါ်တွင် ပိတ်ကျပြီး သေဆုံးသွားသည်။

“မသိဘူးတဲ့။ မသိဘူးလို့ပြောတာကလွဲရင် ဘာတွေပြောနိုင်သေးလဲ...” ဤရုပ်ရည်ကြမ်းတမ်းသော အမျိုးသားသည် ဘာလုံးဖြစ်ပြီး ၎င်း၏ခန္ဓာကိုယ်ပေါ်တွင် နဂါးကြေးခွံများကို တွဲလျက်တွေ့ရသည်။ သတင်းစကားအရ ၎င်းသည် နဂါးသွေးရိုးဗီဇပိုင်ဆိုင်ထားသူဖြစ်သည်။

သူသည် အခြားကျင့်စဉ်သမားများနှင့် မတူညီဘဲ နဂါးသွေးကို စုပ်ယူပြီး မိမိကိုယ်ကို အားဖြည့်ခြင်းမဟုတ်ဘဲ ၎င်းကိုယ်တိုင်က နဂါးဖြစ်သည်။ နဂါးလူသားတစ်ဦး နဂါးသွေးပိုင်ဆိုင်ထားသော သန်မာသူဖြစ်သည်။

“ဘာလုံး သူတို့ရဲ့ ကျင့်စဉ်အဆင့်က ဒီလောက်နိမ့်နေတာ ဘာတွေစူးစမ်းတွေ့ရှိနိုင်မှာလဲ။ မင်ဟူးတောင်မှ သတ်ဖြတ်ခံလိုက်ရတာဆိုတော့ သူတို့ရဲ့ ကျင့်စဉ်အဆင့်က စိတ်ဝိညာဉ်ဘုရင်အဆင့်မှာ ရှိကြမှာပဲ။ သူတို့က ဘယ်လိုလုပ်ပြီး ရှာဖွေတွေ့ရှိနိုင်မှာလဲ...” ဘေးတွင်ရှိသော မင်ချန်သည် ထွက်ပေါ်လာပြီး အေးစက်သောအကြည့်ဖြင့် ရှေ့သို့ ကြည့်ရင်း ပြောလိုက်သည်။ “ငါထူးဆန်းတာက သူတို့ ဘယ်လိုလုပ်ပြီး ခိုးဝင်လာနိုင်တာလဲ။ အပြင်က အစောင့်တွေက ဘာမှမဖြစ်ဘူး။ တစ်ယောက်မှ မသေဘဲ ဒီလိုလွယ်လွယ်ကူကူ ဝင်လာနိုင်တာ တကယ်ထူးဆန်းတယ်...”

“သူတို့မှာ တစ်ခုခုနည်းလမ်းရှိတာလား ဒါမှမဟုတ် ဒီကို လွတ်လပ်စွာ ဝင်ရောက်နိုင်တဲ့ လမ်းကြောင်းတစ်ခုရှိတာလား...” ဘေးတွင်ရှိသော သန်မာထွားကျိုင်းသော အမျိုးသားတစ်ဦးသည် ၎င်း၏ခေါင်းပေါ်တွင် နွားချိုများ ရှိနေသည်။ ၎င်းကို ကြည့်လိုက်ရုံဖြင့် နွားဝါးမျိုကောင်းကင်ဖြစ်ကြောင်း သိရှိနိုင်သည်။ ၎င်း၏ပါးစပ်သည် သိပ်မကြီးမားသော်လည်း ၎င်းသည် အံ့သြဖွယ်ရာ ကျင့်စဉ်တစ်ခုကို ကျင့်စဉ်လုပ်ထားပြီး အရာအားလုံးကို မျိုချနိုင်သည်။

ဤသန်မာသော မျိုချကျင့်စဉ်ကို ကျင့်စဉ်လုပ်ထားသည့်အတွက် ၎င်းကိုယ်တိုင်က နွားဝါးမျိုကောင်းကင်ဟု ခေါ်ဆိုပြီး ကောင်းကင်ကိုပင် မျိုချနိုင်သည်ဟု ဆိုသည်။

“ဖြစ်နိုင်တယ်...” ဘာလုံးက အေးစက်စွာ ပြောလိုက်သည်။ “သူတို့က မင်ဟူးကို သတ်ဖြတ်ရုံတင်မကဘဲ ဒီသားရဲလှောင်အိမ်ထဲကို ဝင်ရောက်လာကြတယ်။ ဘယ်လိုရည်ရွယ်ချက်ရှိတာလဲ။ သူတို့က ငါတို့ ကြိုးစားအားထုတ်ပြီး မွေးမြူထားတဲ့ သားရဲတွေကို သတ်ဖြတ်လိုက်ရင် ငါတို့အတွက် ဒုက္ခဖြစ်သွားမှာပဲ။ ကောင်းကင်မင်နတ်ဘုရားသခင်က သေချာပေါက် ငါတို့ကို အပြစ်ပေးမှာပဲ...”

နွားဝါးမျိုကောင်းကင်သည် တစ်ကိုယ်လုံး အေးစက်သွားသည်။ ၎င်းသည် ကောင်းကင်ကို မျိုချနိုင်သည်ဟု ခေါ်ဆိုထားသော်လည်း ကောင်းကင်မင်နတ်ဘုရားသခင်ရှေ့တွင် အမဲသားကင်ဖြစ်သွားရုံသာ ရှိသည်။

“ငါတို့ရောက်လာတာ ဒီဘက်က အခြေအနေကို စစ်ဆေးဖို့ပဲ။ ဒီလိုကိစ္စမျိုးနဲ့ တွေ့ရမယ်လို့ မထင်ထားဘူး…” မင်ချန်က သက်ပြင်းချရင်း ပြောလိုက်သည်။ “ဘယ်အင်အားစုရဲ့ သန်မာသူတွေက သေဖို့အန္တရာယ်ကို ရင်ဆိုင်ပြီး ဝင်ရောက်လာတာလဲ...”

၎င်းတို့သည် တွေးတောကြည့်သောအခါ မည်သည့်အင်အားစုမှန်း တကယ်မသိရပေ။ အကြောင်းမှာ သန်မာသော အင်အားစုများသည် မနည်းမနောရှိပြီး ၎င်းတို့က ရန်စခဲ့သော အင်အားစုများလည်း မနည်းပေ။ ထို့ကြောင့် မည်သည့်အင်အားစုမှန်း ခန့်မှန်းရန် ခက်ခဲလှသည်။

“ဘယ်အင်အားစုပဲဖြစ်ဖြစ် သူတို့က ငါတို့ရဲ့ သားရဲတွေကို သတ်ဖြတ်လိုက်ရင် သူတို့လည်း သေရမှာပဲ...” ဘာလုံးသည် လက်သီးကို တင်းတင်းဆုပ်ကာ တံခါးကို ပြင်းထန်စွာ လက်သီးတစ်ချက်ထိုးလိုက်သည်။ ကြောက်မက်ဖွယ်ရာ နဂါးစွမ်းအားသည် လက်သီးမှ ထိုးထွက်လာပြီး တံခါးကို ပြင်းထန်စွာ ထိမှန်သည်။

ထို့နောက် ဘုန်းခနဲ အသံတစ်ခုနှင့်အတူ တံခါးတစ်ခုလုံး ပြင်းထန်စွာ တုန်ခါသွားသော်လည်း ဤတံခါးသည် ခိုင်မာလှသဖြင့် လုံးဝမပြိုကွဲပေ။

“အင်း သူတို့က ဒီကနေ ထွက်ပြေးလို့ မရဘူး။ ငါတို့က ကောင်းကင်ပိုက်ကွန်ကို ချထားပြီးသားပဲ။ ဒီလိုတောင် ထွက်ပြေးနိုင်ရင် ငါတို့က ဒီမှာ ဆက်နေလို့ မရတော့ဘူး...” နွားဝါးမျိုကောင်းကင်သည် ဒေါသထွက်နေပြီး ၎င်းတို့၏ ညီအစ်ကို မင်ဟူးသည် သတ်ဖြတ်ခံလိုက်ရသည်ကို နောက်ပိုင်းတွင်မှ ရှာဖွေတွေ့ရှိခဲ့ရသည်။

မကြာမီတွင် လျင်မြန်စွာ စုံစမ်းစစ်ဆေးမှုများ ပြုလုပ်ခဲ့ရာ ချက်ချင်းပင် ထူးခြားမှုကို တွေ့ရှိခဲ့သည်။ သို့သော် နောက်ကျသွားပြီဖြစ်ပြီး ၎င်းတို့သည် တံခါးထဲသို့ ပုန်းအောင်းဝင်ရောက်သွားပြီဖြစ်သည်။ ယာယီအနေဖြင့် ဖောက်ထွင်း၍မရပေ။

မင်ချန်တို့သည် ပြခြင်းအနေဖြင့် ပခုံးတစ်ချက်တွန့်လိုက်ပြီး ဤတံခါးကို ဖောက်ထွင်းရန်သာ ကူညီလုပ်ဆောင်ကြသည်။

“ဘုန်း... ဘုန်း... ဘုန်း...”

အပြင်ဘက်မှ ဆက်လက်ထိုးနှက်သံများ ထွက်ပေါ်လာပြီး ခိုင်မာသောတံခါးကို တစ်ကြိမ်ပြီးတစ်ကြိမ် ထိုးနှက်နေသည်မှာ ၎င်းတို့၏ နှလုံးသားထဲသို့ ထိမှန်နေသည့်အလား ဖြစ်သည်။ သို့သော် ၎င်းတို့သည် အနည်းငယ် တည်ငြိမ်နေဆဲဖြစ်သည်။ အခြားသူများဆိုလျှင် သေရန်သာ စောင့်နေရမည်ဖြစ်သည်။

ဤနေရာတွင် တံခါးအပြင် အခြားထွက်ပေါက်မရှိသဖြင့် အခြားသူများသည် သေရန်စောင့်နေရခြင်းမှလွဲ၍ ဘာမျှ တတ်နိုင်မည်မဟုတ်ပေ။

“အထဲကလူတွေ နားထောင်။ လိမ်လိမ်မာမာနဲ့ လက်နက်ချလိုက်ကြဖို့ အကြံပေးတယ်။ ဒီသားရဲတွေကို မထိနဲ့။ မဟုတ်ရင် နောက်ဆုံးမှာ မင်းတို့ သေရုံမက နာကျင်စွာ ခံစားလိမ့်မယ်...” ဘာလုံး၏အသံသည် အပြင်မှ အော်ဟစ်ဝင်လာသည်။

“တကယ်လို့ ငါတို့က လက်နက်ချလိုက်ရင် မင်းတို့ ဘာလုပ်မှာလဲ...” ယီထျန်းယွမ်သည် နောက်ဆုံးသားရဲအနည်းငယ်ကို ဖမ်းဆီးရင်း အားလပ်စွာ အော်ပြောလိုက်သည်။

“လက်နက်ချရင် မင်းတို့ရဲ့ အလောင်းတစ်ခုလုံးကို ချန်ထားပေးမယ်...” ဘာလုံးက အေးစက်စွာ ပြောလိုက်သည်။

“ဟေ... စည်းရုံးရေး ညံ့လှချည်လား... အဲ့လိုကတော့ ငပေါတွေကိုပဲ သွားပြောလိုက်ဟေ့...” ယီထျန်းယွမ်သည် ကျယ်လောင်စွာ ရယ်မောလိုက်သည်။ လက်နက်ချလိုက်ရင် အလောင်းတစ်ခုလုံး ချန်ထားခဲ့မည်ဆိုသည့် ညှိနှိုင်းမှုရလဒ်ကို မည်သူမျှ လက်ခံမည်မဟုတ်ပေ။

၎င်းတို့သည် မင်ဟူးကို သတ်ဖြတ်ခဲ့ပြီး အသက်ရှင်လျက် ထွက်သွားရန်မှာ မဖြစ်နိုင်ပေ။ ၎င်းတို့ ဝင်ရောက်လာချိန်တွင် ကောင်းကင်မင်နတ်ဘုရားနိုင်ငံကို အရှက်ခွဲလိုက်သည်နှင့်အမျှ ၎င်းတို့ကို ထွက်သွားခွင့်ပြုရန် မဖြစ်နိုင်ပေ။

“လိမ္မာစွာ လက်နက်ချဖို့ အကြံပေးတယ်။ ဘာလုံးက မင်းတို့နဲ့ နောက်နေတာပဲ။ မင်းတို့ လိမ္မာစွာ လက်နက်ချလိုက်ရင် ငါတို့နဲ့အတူ ကောင်းကင်မင်ဧကရာဇ်မြို့တော်ကို လိုက်သွားပြီး မင်းတို့ကို ဘယ်လိုအပြစ်ပေးမလဲဆိုတာ ကောင်းကင်မင်နတ်ဘုရားသခင်ရဲ့ ကိစ္စဖြစ်တယ်။ ငါတို့ရဲ့ ကိစ္စမဟုတ်ဘူး...” မင်ချန်၏အသံသည် အပြင်မှ ထွက်ပေါ်လာပြီး စည်းရုံးဖို့ စတင်လိုက်သည်။

ဘာလုံး၏ ညီအစ်ကိုဖြစ်သူသည် သေဆုံးသွားသဖြင့် ၎င်းသည် ဒေါသထွက်နေပြီး ချိုမြသော စကားများဖြင့် လှည့်ဖျားပြောဆိုရန် မဖြစ်နိုင်ပေ။ မင်ချန်ကမူ မတူညီပေ။ ဘာလုံးကို အနည်းငယ် သက်သာအောင် ပြောဆိုပြီးနောက် စည်းရုံးရန် စတင်လိုက်သည်။

“ငပေါလားကွ... ငါ့ကို သုံးနှစ်သားလေးလို့ ထင်နေတာလား။ မင်း ကစားချင်ရင် ကလေးတွေနဲ့ ကျောက်ဒိုးပစ်တမ်းသွားကစားလိုက်...” ယီထျန်းယွမ်သည် မင်ချန်ကို အလွန်စိတ်မကျေမနပ်ဖြစ်နေပြီး ချက်ချင်းပင် ဆဲရေးလိုက်သည်။

“ဘာလဲ။ ငါ့ကို ငပေါလို့ ဆဲတယ်ပေါ့။ မင်းတို့တွေ အမှိုက်တွေပဲ။ အထဲမှာ ပုန်းနေရင် ဘေးကင်းတယ်လို့ ထင်နေတာလား။ တံခါးဖောက်ထွင်းပြီးရင် မင်းတို့ သေဖို့သာပြင်ထား...” မင်ချန်သည် ချက်ချင်းပင် ဒေါသထွက်သွားသည်။ ၎င်း၏မျက်နှာသို့ မည်သူက ဆဲရေးခဲ့ဖူးသနည်း။

ထို့နောက် တံခါးကို တိုက်ခိုက်သံများ ဆက်လက်ထွက်ပေါ်လာပြီး ၎င်းတို့သည် တံခါးကို ပိုမိုမြန်ဆန်စွာ ဖောက်ထွင်းရန် ကြိုးစားနေကြသည်။ လက်ရှိအခြေအနေအရ အနည်းဆုံး ရက်အနည်းငယ်ကြာ ခံနိုင်ဦးမည်ဖြစ်သည်။

ဤတံခါးပေါ်ရှိ နတ်ဘုရားအင်းများသည် သာမန်အားဖြင့် ဖောက်ထွင်း၍ရနိုင်သော်လည်း သူတို့၏ အင်အားဖြင့်ဆိုပါက နာရီပိုင်းအတွင်း ပျက်စီးသွားနည်ပေသည်။

“မင်းကို ငါပေါလို့ပြောတာတောင် နည်းသေးတယ်ကွ။ မင်းရဲ့မိခင်က မင်းလို ဉာဏ်မမီတဲ့သူကို ဘယ်လိုလုပ်ပြီး မွေးထုတ်လာရတာလဲ။ မြန်မြန်ပြန်သွားပြီး နို့စို့နေလိုက်စမ်းပါ...” ယီထျန်းယွမ်သည် နောက်ထပ်တစ်ကြိမ် ဆဲရေးလိုက်ပြီး မင်ချန်ကို ဒေါသထွက်အောင် လှုံ့ဆော်လိုက်သည်။

“ကောင်းတယ် ကောင်းတယ် ကောင်းတယ်။ မင်းက အမှိုက်ပဲ။ ငါ့ကို စောင့်နေစမ်းပါ...” မင်ချန်သည် ဒေါသအမျက်ချောင်းချောင်းထွက်ပြီး ဘာလုံးတို့ထက် ပိုမိုအားထုတ်ကာ တံခါးကို ထိုးနှက်တော့သည်။

လော့အကြီးအကဲတို့သည် တစ်ဦးနှင့်တစ်ဦး မျက်နှာချင်းဆိုင်ကြည့်လိုက်ကြသည်။ ယီထျန်းယွမ်က အဘယ့်ကြောင့် ဤမျှရက်စက်စွာ ဆဲရေးနေရသနည်း။

မကြာမီတွင် ယီထျန်းယွမ်သည် သားရဲအားလုံးကို အိမ်မွေးတိရစ္ဆာန်လှောင်အိမ်ထဲသို့ သိမ်းထည့်လိုက်ပြီဖြစ်သည်။ သားရဲတစ်ထောင်ကျော်ကို ဤသို့ ဖမ်းဆီးပြီးစီးသွားပြီး အတွေ့အကြုံအမှတ်များစွာကို ရရှိကာ ပေါက်ကွဲထွက်သည်။

“ဂုဏ်ယူပါသည်။ ကစားသမား ‘ယီထျန်းယွမ်’ သည် အတုအယောင်စိတ်ဝိညာဉ်အဆင့် ၈ လွှာသို့ အောင်မြင်စွာ ဖောက်ထွင်းတက်လှမ်းနိုင်ခဲ့သည်...”

ဤဖောက်ထွင်းတက်လှမ်းမှုအမြန်နှုန်းသည် မည်သူမျှ ကျော်လွှားနိုင်စွမ်းမရှိပေ။ သားရဲတစ်ထောင်ကျော်ကို ဖမ်းဆီးခဲ့ပြီး သားရဲတစ်ကောင်လျှင် အတွေ့အကြုံအမှတ် ၁ သန်းခန့် ပေးအပ်သဖြင့် စုစုပေါင်း အတွေ့အကြုံအမှတ် ၁၀ ဘီလီယံကျော်ကို ရရှိခဲ့ပြီး သူ့ကို အဆင့်တက်စေခဲ့သည်။

“ဂုဏ်ယူပါသည်။ ကစားသမား ‘ယီထျန်းယွမ်’ သည် ‘ဖမ်းဆီးမှုကို’ အောင်မြင်စွာ ပြီးမြောက်ခဲ့ပြီး ‘ဖမ်းဆီးဆရာကြီး’ ဘွဲ့တံဆိပ်ကို ရရှိခဲ့သည်...”

ဖမ်းဆီးဆရာကြီး။ ဖမ်းဆီးအောင်မြင်မှုနှုန်းကို ၂၀ ရာခိုင်နှုန်း မြှင့်တင်ပေးသည်။

ဆက်တိုက်ဆိုသလို ဆုလာဘ်များက သူ့ကို အားရဝမ်းမြှောက်စေခဲ့သည်။ အဆင့်တက်ခြင်းသည် ဤမျှလောက် လွယ်ကူပြီး ဆန်းကြယ်လွန်းလှသည်။

အခန်း (၅၂၅) ပြီးပါပြီ။