လွတ်မြောက်ခြင်း ပြန်လည်ရောက်ရှိခြင်း နယ်ပယ် ဆဋ္ဌမအဆင့်၊ သတ်ဖြတ်ခြင်း စစ်မြေပြင်သို့ ပြန်လည် ဝင်ရောက်ခြင်း။

စုရှင်းသည် မေးစေ့ကို ပွတ်သပ်ကာ သရုပ်ပြခြင်း ဖန်သားပြင်ကို ကြည့်ရင်း အတွေးထဲ နစ်ဝင်နေသည်။

[ဆယ့်နှစ် နှစ်မြောက်တွင် လီမီးနည်းစနစ်ကို ကျွမ်းကျင်ပြီးနောက် သင်သည် နတ်ဆိုးနှိမ်နှင်းရေး စခန်းသို့ ရောက်ရှိခဲ့သည်။]

[ထိုအချိန်တွင် နတ်ဆိုးနှိမ်နှင်းရေး စခန်း၏ အခြေအနေမှာ ကောင်းမွန်နေခဲ့သည်။ နှစ်ပေါင်းများစွာ လူသားစွမ်းအားရှင် အများအပြားသည် နတ်ဆိုးမျိုးနွယ်များထံမှ ဂိတ်ကို ခိုင်မြဲစွာ ခုခံကာကွယ်နေခဲ့သည်။]

[သင်ရောက်ရှိလာသည်ကို သိရှိသော အသက်ပေးတပ် အဖွဲ့ဝင်အားလုံး စိတ်လှုပ်ရှားနေကြသည်။ သင်လည်း ၎င်းတို့အား စိတ်အားထက်သန်စွာ နှုတ်ဆက်ခဲ့သည်။]

[ထို့နောက် သင်သည် ဒဏ္ဍာရီအဆင့် နတ်ဆိုးသားရဲ တစ်ကောင်ကို သတ်လိုခဲ့သည်။ သို့သော်လည်း ၎င်းကို တွေ့ဆုံရန် အခွင့်အရေး မရခဲ့ပါ။]

[ဆယ့်သုံးနှစ်မြောက်တွင် သင်သည် ဒဏ္ဍာရီအဆင့် နတ်ဆိုးသားရဲ တစ်ကောင်ကို အောင်မြင်စွာ ရှာဖွေတွေ့ရှိခဲ့သည်။ အကြိမ်ရာနှင့်ချီ တိုက်ခိုက်ပြီးနောက် ၎င်းကို သတ်ဖြတ်နိုင်ခဲ့သည်။]

[သင်သည် ဒဏ္ဍာရီအဆင့် နတ်ဆိုးသားရဲ၏ အသားဓာတ်ကို ထုတ်ယူပြီး နတ်ဆိုးနှိမ်နှင်းရေး စခန်းသို့ ပြန်လည် ရောက်ရှိခဲ့သည်။ ထို့နောက် ပြန်လည်မွေးဖွားခြင်း ဆေးလုံးကို ဖော်စပ်ရန် ကြိုးစားသည်။]

[ပြန်လည်မွေးဖွားခြင်း ဆေးလုံးအပေါ် သင်၏ ကျွမ်းကျင်မှုသည် အလွန်မြင့်မားနေပြီဖြစ်၍ မီး၏ စွမ်းအားသာ လိုတော့သည်။]

[ယခုအခါ မဟာယာနအဆင့် လီမီးနည်းစနစ်သည် ဤလိုအပ်ချက်ကို ပြည့်မီစေသည်။]

[ထို့ကြောင့် သင်သည် တစ်လကြာသည့်အခါ ပြန်လည်မွေးဖွားခြင်း ဆေးလုံး ဆယ်သုတ်ကျော်ကို အောင်မြင်စွာ ဖော်စပ်နိုင်ခဲ့သည်။]

[ဒဏ္ဍာရီအဆင့် ပြန်လည်မွေးဖွားခြင်း ဆေးလုံးကို သောက်ပြီးနောက် သင်သည် သင့်အတွင်း၌ ထိန်းမနိုင်သိမ်းမရ ဖြစ်ပေါ်လာသည့် ရူးသွပ်သော၊ မှောင်မိုက်သော စိတ်ခံစားမှုများ တဟုန်ထိုး တိုးပွားလာသည်ကို တကယ်ပင် ခံစားခဲ့ရသည်။]

[သို့သော် နတ်ဘုရားအသွင် ပြောင်းလဲခြင်း၏ အတားအဆီး ငါးခုကို ကျော်လွှားခဲ့ပြီး ဖြစ်သောကြောင့် သင်သည် ဤဆိုးကျိုး စိတ်ခံစားမှုများကို အလွန်အမင်း ခံနိုင်ရည်ရှိခဲ့ပြီး ၎င်းတို့ကို ကောင်းစွာ ထိန်းချုပ်ထားနိုင်ခဲ့သည်။]

[သို့သော် တစ်နေ့လျှင် ပြန်လည်မွေးဖွားခြင်း ဆေးလုံးတစ်လုံးသာ အများဆုံး သောက်သုံးနိုင်သည်ကိုလည်း သင် တွေ့ရှိခဲ့သည်။ အဘယ်ကြောင့်ဆိုသော် အကြိမ်များစွာ သောက်သုံးပါက ဆိုးကျိုး စိတ်ခံစားမှုများ ဖြစ်ပေါ်လာမည် ဖြစ်သည်။]

[ကံကောင်းစွာပင် ပြန်လည်မွေးဖွားခြင်း ဆေးလုံးများသည် သင့်အပေါ် ဆိုးကျိုးမရှိသည့် အတွက် နေ့စဉ် သောက်သုံးနိုင်ခဲ့သည်။ စွမ်းအင်များလည်း တည်ငြိမ်စွာ တိုးတက်လာခဲ့သည်။]

[ပြန်လည်မွေးဖွားခြင်း ဆေးလုံးများကို တစ်လကြာ ကျင့်ကြံရာတွင် အသုံးပြုကြည့်ခဲ့ရာ သင်၏ စွမ်းအားသည် ယခင်ကထက် များစွာ ပိုမိုမြန်ဆန်စွာ တိုးတက်လာသည်ကို တကယ်ပင် တွေ့ရှိရသည်။]

[သို့သော် သင်၏ ရည်ရွယ်ချက်မှာ ခန္ဓာကိုယ် သန့်စင်ခြင်း ကျင့်ကြံမှုအဆင့်ကို တိုးတက်စေရုံတင် မဟုတ်ပါ။ ထို့ကြောင့် သင်သည် ဝိညာဉ်ကျောက်တုံးများဖြင့် နေ့စဉ် ဆက်လက် ကျင့်ကြံခဲ့သည်။]

ဤအရာကို မြင်သော် စုရှင်းသည် အနည်းငယ် ခေါင်းညိတ်ပြီး တီးတိုး ရေရွတ်လိုက်သည်–

“တကယ်ပဲ၊ ပြန်လည်မွေးဖွားခြင်း ဆေးလုံးတွေနဲ့ဆိုတော့ ငါ့ရဲ့ ခန္ဓာကိုယ် ကျင့်ကြံခြင်း စွမ်းအား တိုးတက်ဖို့က အရင်ကထက် အများကြီး ပိုလွယ်သွားပြီ!”

“ပြဿနာကတော့...ငါ့မှာ ဝိညာဉ်ကျောက်တုံး အများကြီး မကျန်တော့တာဘဲ။ လွတ်မြောက်ခြင်း ပြန်လည်ရောက်ရှိခြင်း နယ်ပယ်ရဲ့ ဆဋ္ဌမအဆင့် ကို ရောက်ဖို့ လုံလောက်ပါ့မလား မသိဘူး”

စုရှင်းသည် အနည်းငယ် စိုးရိမ်ခဲ့သော်လည်း ဘာပဲဖြစ်ဖြစ် ကြိုးစားကြည့်ရန် ဆုံးဖြတ်ခဲ့သည်။

သူ၏ အကြည့်သည် သရုပ်ပြခြင်း ဖန်သားပြင်ဆီသို့ ပြန်လည် ရောက်ရှိသွားသည်။

[ဆယ့်လေးနှစ်မြောက်တွင် သင်သည် တစ်နှစ်အတွင်း ဝိညာဉ်ကျောက်တုံး ၅၀,၀၀၀ ကို အသုံးပြုခဲ့ပြီး သင်၏ ချီသန့်စင်ခြင်း ကျင့်ကြံမှုလည်း အနည်းငယ် တိုးတက်ခဲ့သည်။]

[ဆယ့်ငါးနှစ်မြောက်တွင် သင်သည် ကျင့်ကြံခြင်းအပေါ် အာရုံစိုက်ပြီး နောက်ထပ် ဝိညာဉ်ကျောက်တုံး ၅၀,၀၀၀ ကို အသုံးပြုခဲ့ရာ သင်၏ ချီသန့်စင်ခြင်း ကျင့်ကြံမှုကို ကြီးမားသော ခြေလှမ်းဖြင့် တိုးတက်စေခဲ့သည်။]

[ဆယ့်ခြောက်နှစ်မြောက်တွင် သင့်၌ ဝိညာဉ်ကျောက်တုံး ၁၀၀,၀၀၀ အောက်သာ ကျန်ရှိတော့သည်။ ယင်းပမာဏသည် နှစ်နှစ်စာ ကျင့်ကြံရန်သာ လုံလောက်သည်။]

[သို့သော် သင်သည် လွတ်မြောက်ခြင်း ပြန်လည်ရောက်ရှိခြင်း နယ်ပယ်၏ ဆဋ္ဌမအဆင့်သို့ ရောက်ရှိနိုင်မလား ကြိုးစားကြည့်ရန် ဆုံးဖြတ်သည်။]

[သင် နေ့ညမပြတ် ကျင့်ကြံနေစဉ် နှစ်နှစ် ဖြည်းဖြည်းချင်း ကုန်လွန်ခဲ့သည်။]

[ဆယ့်ရှစ်နှစ်မြောက်တွင် သင်သည် သိသိသာသာ တိုးတက်ခဲ့ပြီး လွတ်မြောက်ခြင်း ပြန်လည်ရောက်ရှိခြင်း နယ်ပယ် ပဉ္စမအဆင့်၏ နောက်ဆုံးပိုင်းသို့ ရောက်ရှိခဲ့ကာ ဆဋ္ဌမအဆင့်နှင့် သိပ်မဝေးတော့ပါ။]

[သို့သော် ဤအချိန်တွင် သင့်၌ ဝိညာဥ်‌ကျောက်တုံးများ ကုန်သွားပြီဖြစ်၍ နေ့စဉ် ဝိညာဉ်စွမ်းအင်ဖြင့် ကျင့်ကြံခြင်းကိုသာ လက်ခံရတော့သည်။]

[ဝိညာဉ်စိုက်ခင်းဂူတွင် ဝိညာဉ်စွမ်းအင်သည် သိပ်သည်းသော်လည်း ဝိညာဉ်ကျောက်တုံးများ အသုံးပြုသကဲ့သို့ သင်၏ ကျင့်ကြံမှုအမြန်နှုန်းကို မတိုးတက်စေနိုင်သေးပါ။]

[သင်၏ ကျင့်ကြံမှုအဆင့်သည် နှေးကွေးသော တိုးတက်မှု အဆင့်တွင် ရှိနေသည်။]

[ဆယ့်ကိုးနှစ်မြောက်တွင် လောရွှေရင်၏ မွေးရပ်မြေသည် ကျူးကျော်ခံရသည်။]

[သင်၏ အကြံပြုချက်ကြောင့် လူသားမျိုးနွယ်၏ အကူအညီဖြင့် ဝိညာဉ်မျိုးနွယ် ထောင်ပေါင်းများစွာသည် ကြယ်ပြာသို့ ထွက်ပြေးလွတ်မြောက်ခဲ့သည်။ ထို့နောက် နတ်ဆိုးနှိမ်နှင်းရေး စခန်းသို့ ဝင်ရောက်ကာ နတ်ဆိုးမျိုးနွယ်ကို အတူတကွ တိုက်ခိုက်ခဲ့ကြသည်။]

[နတ်ဆိုးနှိမ်နှင်းရေး စခန်းရှိ လူသားမျိုးနွယ်၏ ဖိအားသည် သိသိသာသာ လျော့ကျသွားခဲ့သည်။ သင်သည် လောရွှေရင်ကို နှစ်သိမ့်ခဲ့ကာ ဆက်လက်၍ လုံ့လဝီရိယရှိစွာ ကျင့်ကြံသည်။]

[နှစ်ဆယ်နှစ်မြောက်တွင် ဝိညာဉ်ကျောက်တုံးများ မရှိဘဲ သုံးနှစ်ကြာလာခဲ့ပြီ ဖြစ်သည်။ သင်သည် နေ့စဉ် ဝိညာဉ်ကျောက်တုံးများဖြင့် ကျင့်ကြံခဲ့သည့် နေ့ရက်များကို တမ်းတနေခဲ့သည်။]

[ကျင့်ကြံမှု အမြန်နှုန်း ကျဆင်းသွားပြီးနောက် နေ့စဉ် ကျင့်ကြံခြင်းအပြင် ထူးခြားသော သတ္တုသိုက်များ ပါဝင်နိုင်သည့် မစူးစမ်းရသေးသော ပုံတူများကိုလည်း စတင် ရှာဖွေခဲ့သည်။]

[တစ်နှစ်တာ ကာလအတွင်း သင်သည် တားမြစ်အဆင့် ပုံတူ ခုနစ်ခု သို့မဟုတ် ရှစ်ခုကို စူးစမ်းခဲ့သည်။]

[စစ်ဧကရာဇ်အဆင့် ပုံတူသခင် ငါးယောက် သို့မဟုတ် ခြောက်ယောက်ကို သတ်ဖြတ်ခဲ့ပြီး ဒဏ္ဍာရီအဆင့် နတ်ဆိုး နှစ်ကောင်ကိုပင် သတ်ဖြတ်ခဲ့သည်။]

[သို့သော်လည်း သင်သည် မတွေ့ရှိရသေးသော ထူးခြား သတ္တုမိုင်းများကို ရှာမတွေ့နိုင်သေးပါ။]

[နှစ်ဆယ့်တစ်နှစ်မြောက်တွင် သင်သည် နောက်ထပ် ပုံတူ အများအပြားကို မခံမရပ်နိုင်စွာ စူးစမ်းခဲ့သည်။ သို့သော်လည်း သတ္တုမိုင်း ပုံတူတစ်ခုတောင် ရှာမတွေ့နိုင်သေးပါ။]

[ထို့ကြောင့် နေ့စဉ် ကျင့်ကြံခြင်းအပြင် အဓိကအားဖြင့် ပုံတူများကို စူးစမ်းခဲ့ပြီး ထူးခြားသော သတ္တုရိုင်း ပါဝင်သည့် တစ်ခုကို ရှာတွေ့ရန် မျှော်လင့်ခဲ့သည်။]

[ထိုသို့ဖြင့် သုံးနှစ် ဖြည်းဖြည်းချင်း ကုန်လွန်ခဲ့သည်။]

[နောက်ဆုံးထိ သင်သည် ထူးခြားသော သတ္တုမိုင်း ပုံတူကို ရှာမတွေ့နိုင်သေးပါ။]

စုရှင်းသည် ဤအရာကို မြင်သော် အနည်းငယ် စိတ်ပျက်စွာ ခေါင်းခါလိုက်သည်။

သို့သော် ဤအရာသည် စုရှင်း မျှော်လင့်ထားသည်ထက် ကျော်လွန်သွားခြင်း မဟုတ်ပေ။ ထူးခြားသော သတ္တုများ ပါဝင်သည့် ပုံတူများအား ထိုမျှ လွယ်ကူစွာ ရှာဖွေတွေ့ရှိနိုင်ပါက အဆင့်မြင့် ထူးခြားသော သတ္တုများသည် ထိုမျှ တန်ဖိုးရှိမည် မဟုတ်ပေ။

ထို့အပြင် ၎င်းသည် စုရှင်း ပဒုမ္မာနီ နတ်ဆိုးဂူကို ရှာတွေ့ခဲ့စဉ်က မည်မျှ ကံကောင်းခဲ့ကြောင်းကို တိကျစွာ ဖော်ပြနေခြင်း ဖြစ်သည်။

သူ၏ အကြည့်သည် သရုပ်ပြခြင်း ဖန်သားပြင်ဆီသို့ ပြန်လည် ရောက်ရှိသွားသည်။

[နှစ်ဆယ့်လေးနှစ်မြောက်တွင် သင်သည် ပုံတူအချို့ကို ထပ်မံ ရှာဖွေခဲ့သော်လည်း အကျိုးမရှိခဲ့ပါ။]

[သရုပ်ပြခြင်းတွင် သင့်၌ အချိန်သိပ်မကျန်တော့ကြောင်း သိရှိသဖြင့် သင်သည် အချိန်မဖြုန်းတော့ဘဲ လွတ်မြောက်ခြင်း ပြန်လည်ရောက်ရှိခြင်း နယ်ပယ်၏ ဆဋ္ဌမအဆင့်သို့ ထိုးဖောက်ရန် အပြည့်အဝ ကြိုးပမ်းသည်။]

[ဤကျင့်ကြံမှုနှစ်များတစ်လျှောက် သင်သည် လွတ်မြောက်ခြင်း ပြန်လည်ရောက်ရှိခြင်း နယ်ပယ် ပဉ္စမအဆင့်၏ အထွတ်အထိပ်သို့ ရောက်ရှိခဲ့ပြီး ဆဋ္ဌမအဆင့်နှင့် အနည်းငယ်သာ ဝေးတော့သည်။]

[နှစ်ဆယ့်ငါးနှစ်မြောက် နှစ်အစတွင် သင်သည် စုဆောင်းထားသော ဝိညာဉ်အရည် ရာပေါင်းများစွာကို ထုတ်ယူခဲ့သည်။]

[သင်သည် သက်ပြင်းတစ်ချက် ရှိုက်လိုက်ပြီး လွတ်မြောက်ခြင်း ပြန်လည်ရောက်ရှိခြင်း နယ်ပယ်၏ ဆဋ္ဌမအဆင့်သို့ ထိုးဖောက်ရန် ဆုံးဖြတ်လိုက်သည်။]

[နှစ်လကြာအောင် တန်ဖိုးရှိသော ဝိညာဉ်အရည်များ အားလုံးကို အထီးကျန်စွာ စုပ်ယူပြီးနောက် နောက်ဆုံးတွင်... သင်သည် လွတ်မြောက်ခြင်း ပြန်လည်ရောက်ရှိခြင်း နယ်ပယ်၏ ဆဋ္ဌမအဆင့်သို့ ခက်ခဲတကြီး ခြေလှမ်းနိုင်ခဲ့သည်။]

စုရှင်းသည် ဤအရာကို မြင်သော် သက်ပြင်းချကာ တီးတိုးရေရွတ်လိုက်သည်–

“တော်ပါသေးတယ်၊ လွတ်မြောက်ခြင်း ပြန်လည်ရောက်ရှိခြင်း နယ်ပယ်ရဲ့ ဆဋ္ဌမအဆင့် ကို ရောက်ရှိသွားပြီ...”

သို့သော် ချက်ချင်းပင် စုရှင်း အနည်းငယ် စိုးရိမ်သွားမိသည်။ ဤနှုန်းအတိုင်း ဆက်လက်သွားမည်ဆိုလျှင် လွတ်မြောက်ခြင်း ပြန်လည် ရောက်ရှိခြင်း နယ်ပယ် ကြီးမြတ်သော ပြီးပြည့်စုံခြင်းသို့ ရောက်ရှိရန် သရုပ်ပြခြင်းနှစ်ခု ထပ်မံ လိုအပ်ဦးမည်ကို သူ စိုးရိမ်ခဲ့သည်။

“ဒါဆို ဝိညာဉ်စုဆောင်းပန်းတွေ နောက်တစ်သုတ် စိုက်ပြီး ဝိညာဉ်အရည်ကို ပိုမို စုဆောင်းဖို့ နည်းလမ်းရှာတာက ချီသန့်စင်ခြင်း နယ်ပယ်မှာ ကျင့်ကြံခြင်းကို အရှိန်မြှင့်ဖို့အတွက် ပိုကောင်းတယ်!”

စုရှင်း၏ စိတ်ထဲတွင် အစီအစဉ်တစ်ခု ရှိနှင့်ပြီးသား ဖြစ်သည်။

သူ၏ အကြည့်သည် သရုပ်ပြခြင်း ဖန်သားပြင်ဆီသို့ ပြန်လည် ရောက်ရှိသွားသည်။

နှစ်ဆယ့်ငါးနှစ်မြောက်တွင် နတ်ဆိုးနှိမ်နှင်းရေး စခန်း၏ အခြေအနေမှာ ဆိုးရွားလာခဲ့ပြီး သင်လည်း ဂိတ်အတွင်းသို့ ရောက်ရှိလာသည်။]

[ဤတစ်ကြိမ်တွင် သင်သည် မည်သူ့ကိုမျှ နှုတ်ဆက်ခြင်းမရှိဘဲ နတ်ဆိုးနှိမ်နှင်း‌ရေး စခန်းမှ တစ်ဦးတည်း ထွက်ခွာခဲ့ပြီး သတ်ဖြတ်ခြင်း စစ်မြေပြင်သို့ ခြေချခဲ့သည်။]

[သင်သည် သွေးလ ရှိရာသို့ အချိန်ကြာမြင့်စွာ လျှောက်လှမ်းခဲ့သည်... ဤနေရာတွင် အချိန်သည် ၎င်း၏ ရှင်းလင်းပြတ်သားမှုကို ဆုံးရှုံးသွားပုံရသည်။]

[ကောင်းကင်ရှိ သွေးလသည် ပိုမိုကြီးမားလာသည်၊ သင့်ထံ ပိုမိုနီးကပ်လာသည်ဟုသာ သင် ခံစားနိုင်ခဲ့သည်။]

[ထို့အပြင် လမ်းတစ်လျှောက် သင် တွေ့ဆုံခဲ့ရသော မျက်လုံးနီ နတ်ဆိုးသားရဲများသည် အားနည်းသော ရွှေအဆင့်၊ သခင်အဆင့်မှ...]

[နတ်ဆိုးဘုရင်များ၊ နတ်ဆိုးဧကရာဇ်များ အထိ ရောက်ရှိလာခဲ့သည်။]

[သင်သည် ပျောက်ဆုံးနေသော ဒဏ္ဍာရီအဆင့် နတ်ဆိုးသားရဲများကို တွေ့ဆုံရန် မဝေးတော့ကြောင်း သိခဲ့သည်။]

…