ကမ္ဘာ၏ အက်ကွဲကြောင်း၊ သတ်ဖြတ်ခြင်း၏ ကောင်းကင်တမန် (ဆက်ရန်)

[သူသည် ပျောက်ဆုံးနေသော နတ်ဆိုးသားရဲများနှင့် မတူဘဲ သူ၏ သတိကို ထိန်းသိမ်းထားပုံရသည်။]

[သူသည် မိမိကိုယ်ကို သတ်ဖြတ်ခြင်း၏ သံတမန်ဟု ကြွေးကြော်သည်။]

[သူသည် သင့်ကို အဖြူရောင်တံခါးသို့ မချဉ်းကပ်ရန် သတိပေးသည်။]

[သူသည် နတ်ဘုရား၏ စမ်းသပ်မှုကို လက်ခံပြီး သူ့ကဲ့သို့ နတ်ဘုရားတို့၏ သံတမန် ဖြစ်လာရန်၊ အဆုံးမဲ့ စွမ်းအားကို ပိုင်ဆိုင်ရန် ဆန္ဒရှိမရှိ သင့်ကို မေးသည်။]

[သူ၏ စက်ဆုပ်ဖွယ်ကောင်းသော ပုံပန်းသဏ္ဍာန်ကို မြင်သဖြင့် သင် ငြင်းဆန်သည်။]

[မိမိကိုယ်ကို သတ်ဖြတ်ခြင်း၏ သံတမန်ဟု ကြွေးကြော်သော ထိုသတ္တဝါသည် သင်၏ ငြင်းဆန်မှုကို ကြားပြီးနောက် သနားစဖွယ် တီးတိုးပြောသည်။ သတ်ဖြတ်ခြင်း၏ နတ်ဘုရားထံမှ မုန်းတီးခံရသူ တစ်ဦး၏ အနံ့ကို သင်၏ ကိုယ်ပေါ်တွင် သူရသည်ဟု ပြောသည်။]

[ထိုစကားဖြင့် သူ၏ ပုံရိပ်သည် ဝါးတားတားဖြစ်သွားပြီး သူ၏ လက်ချောင်းထိပ်များမှ ချွန်ထက်သော ဓားကဲ့သို့ ခြေသည်းများ ထွက်လာကာ သင်၏ လည်ပင်းကို ခုတ်ဖြတ်သည်။]

[သင်၏ ဦးခေါင်း ပြတ်ကျသွားပြီး သင်၏ နတ်ဝိညာဉ် လွတ်မြောက်သွားသည်။]

[သူသည် သင်၏ နတ်ဝိညာဉ်ကို အလွယ်တကူ ဖမ်းဆီးသည်။]

[ထို့နောက် သူသည် သွေးနီလကို ကိုးကွယ်နေသကဲ့သို့ ထူးဆန်းသော လက်ဟန်ခြေဟန်တစ်ခုကို ပြုလုပ်သည်။]

[သူသည် သင်၏ နတ်ဝိညာဉ်ကို ထိုသွေးနီလသို့ ပူဇော်ရန် ရည်ရွယ်ပုံရသည်။]

[သင်၏ သတိသည် ဖြည်းဖြည်းချင်း မှေးမှိန်သွားသည်။]

[သင် သေဆုံးသွားသည်။]

[ဒင်, သင်၏ သေခြင်းတရားကို လက်မလျှော့သော မျက်လုံးများ စွမ်းရည် အသက်ဝင်လာသည်။]

[သင်သည် မျက်လုံးများကို ပြူးကျယ်စွာ ဖွင့်လိုက်သည်။ ထိုဂြိုဟ်သားသတ္တဝါသည် သင်၏ နတ်ဝိညာဉ်ကို သွေးနီလဆီသို့ ပစ်တင်လိုက်သည်ကို မြင်သည်။]

[ကောင်းကင်ရှိ လသည် အနည်းငယ် မှိတ်တုတ်မှိတ်တုတ် ဖြစ်သွားပြီး ထူးဆန်းသော ဆွဲအားတစ်ခုက သင်၏ နတ်ဝိညာဉ်ကို သွေးနီလဆီသို့ ဆွဲခေါ်သည်။]

[သို့သော် မမျှော်လင့်သော အဖြစ်အပျက်တစ်ခု ဖြစ်ပေါ်လာသည်။]

[သွေးနီလသည် သင်၏ နတ်ဝိညာဉ်ကို စုပ်ယူမည်ဟု သင် တွေးခဲ့သော်လည်း ၎င်းမှ စက်ဆုပ်ရွံရှာသည့် အငွေ့အသက်ကိုသာ သင် ခံစားခဲ့မိသည်။]

[သွေးနီလသည် သင်၏ နတ်ဝိညာဉ်ကို ပြန်ပို့သည်။]

[သတ်ဖြတ်ခြင်း သံတမန်၏ မျက်နှာတွင် ထိတ်လန့်တကြား အမူအရာ ပေါ်လာပြီး သွေးနီလကို ဆက်တိုက် ကန်တော့နေသည်။]

[နောက်ဆုံးတွင် သူသည် သင်၏ နတ်ဝိညာဉ်ကို ဖျက်ဆီးပစ်ခဲ့သည်။]

[ဒင်၊ သရုပ်ပြခြင်း ပြီးဆုံးပါပြီ။]

သရုပ်ပြခြင်း ပြီးဆုံးသွားသောအခါ စုရှင်းသည် ရှည်လျားစွာ သက်ပြင်းချလိုက်သည်။ သူ၏ မျက်နှာအမူအရာမှာ ရှုပ်ထွေးနေသည်။

“တကယ်ကြီးကွာ၊ ဒဏ္ဍာရီအဆင့်ကို ရောက်တဲ့အခါကျ ကိုယ်ပိုင် စွမ်းအားနဲ့ အစွမ်းထက်တဲ့ နတ်အာရုံတွေနဲ့...သတ်ဖြတ်ခြင်း စစ်မြေပြင်ရဲ့ အဆုံးကို ရောက်ဖို့ ဖြစ်နိုင်တယ်!”

“ပြီးတော့ ခွေးကောင်ကျုံး ပြောခဲ့သလိုပဲ၊ ဒီ သတ်ဖြတ်ခြင်း စစ်မြေပြင်ရဲ့ အဆုံးက တခြားကမ္ဘာတွေဆီ သွားတဲ့ လမ်းကြောင်းပဲ!”

စုရှင်း ပင့်သက်ရှိုက်လိုက်သည်။ ဤသရုပ်ပြခြင်းတွင် သူ မြင်ခဲ့သည့် အရာအားလုံးသည် ငြင်းလို့မရအောင် ထင်ရှားနေခဲ့သည်။

ထိုထူးဆန်းပြီး စင်ကြယ်သည့် အဖြူရောင် လေနံရံ၊ ထိုနံရံကို ဖြတ်ကျော်လိုက်လျှင် တခြားကမ္ဘာများစီ ရောက်နိုင်မလား?

သို့မဟုတ်၊ သတ်ဖြတ်ခြင်း သံတမန်ဟု ပြောသည့် သတ္တဝါက သွေးနီလအား ကြောက်ရွံ့ ရိုသေစွာ ကိုးကွယ်နေခြင်းသည်... သူဟာ သွယ်ဝိုက်သောနည်းဖြင့် သွေးနီလသည် ထူးခြားကြောင်း၊ သေဆုံးသွားသည့် နတ်ဘုရား တစ်ပါး၏ ပြန်လည်မွေးဖွားခြင်း ဖြစ်နိုင်ကြောင်းကို ပြသနေသည်လား?

“ပြီးတော့ အရေးကြီးဆုံးက... ဘာလို့ အဲဒီဂြိုဟ်သားက ငါ့ကို သွေးနီလရဲ့ မုန်းတီးခံရတဲ့သူလို့ ပြောတာလဲ”

“ပြီးတော့ ဘာလို့ သတ်ဖြတ်ခြင်း သွေးနီလက ငါ့ရဲ့ နတ်ဝိညာဉ်ကို မစုပ်ယူခဲ့တာလဲ”

စုရှင်း သိပ်နားမလည်နိုင်ခဲ့ပေ။ ဤသရုပ်ပြခြင်းတွင် သူ မြင်ခဲ့သည့် အရာအားလုံးသည် သူ၏ လက်ရှိ နားလည်မှုထက် ကျော်လွန်နေသည်။

“ဘာပဲဖြစ်ဖြစ်၊ ဒီသတ်ဖြတ်ခြင်း စစ်မြေပြင်ရဲ့ အဆုံး၊ အဖြူရောင် လေနံရံကတော့ ထပ်ပြီး စူးစမ်းဖို့ တကယ်ကို ထိုက်တန်တယ်!”

စုရှင်းသည် မျက်မှောင်အနည်းငယ် ကြုတ်ရင်း တီးတိုးရေရွတ်လိုက်သည်။

“ဒါပေမဲ့ အဲဒီ သတ်ဖြတ်ခြင်း သံတမန်ရဲ့ စွမ်းအားက အနည်းဆုံး ဧကရာဇ်အဆင့်မှာ ရှိလောက်တယ်!”

“ပြီးတော့... ထူးဆန်းတဲ့ သွေးနီလရဲ့ ငါ့အပေါ် ဆိုးကျိုးသက်ရောက်မှုက ငါ့စွမ်းအားကို အများကြီး လျော့နည်းစေခဲ့တယ်!”

“အဲဒီ သတ်ဖြတ်ခြင်း သံတမန်ကို အနိုင်ယူဖို့ အတွက် အခွင့်အရေး ရဖို့ဆိုရင် ငါ စွမ်းအားအများကြီး ထပ်လိုလောက်မယ် ထင်တယ်!”

စုရှင်းသည် အတန်ကြာ စဉ်းစားပြီးနောက် တင်းတင်းကြုတ်ထားသော မျက်ခုံးများ ပြေလျော့သွားခဲ့သည်။

မည်သို့ဖြစ်စေ ဤတစ်ခါ သတ်ဖြတ်ခြင်း စစ်မြေပြင်တွင် မြင်ခဲ့ရသည့် အရာအားလုံးသည် စုရှင်းအတွက် အရေးကြီးသည့် သတင်းအချက်အလက်များသာ ဖြစ်သည်။

“အခု... ငါ့ရဲ့ သရုပ်ပြခြင်း ဆုလာဘ်တွေကို ရွေးချယ်ဖို့ အချိန်ရောက်ပြီ!”

စုရှင်း၏ အကြည့်သည် သရုပ်ပြခြင်း ဖန်သားပြင်ဆီသို့ ရောက်သွားသည်။

[လူသား လမ်းညွှန်ချက်]: ခရမ်းရောင် စွမ်းရည်၊ စွမ်းအင်မှတ် ၁ သန်း။

[လွတ်မြောက်ခြင်း ပြန်လည်ရောက်ရှိခြင်း နယ်ပယ်၏ ဆဋ္ဌမအဆင့်]: လွတ်မြောက်ခြင်း ပြန်လည်ရောက်ရှိခြင်း နယ်ပယ်၏ အလယ်အလတ် ကျင့်ကြံမှုအဆင့်၊ ဝိညာဉ်စွမ်းအင်သည် မြစ်ကြီးတစ်စင်းကဲ့သို့ ဆက်လက် စီးဆင်းနေသည်။ စွမ်းအင်မှတ် သန်း ၃၀၀။

[ဆယ်နှစ်တာ ဆေးဖော်ခြင်း အတွေ့အကြုံ]: လဲလှယ်ပြီးနောက် ဆေးဖော်ခြင်းဆိုင်ရာ နားလည်မှု အနည်းငယ် တိုးလာသည်။ စွမ်းအင်မှတ် ၁ သန်း။

[လီမီးနည်းစနစ် (ကြီးမြတ်သော ပြီးပြည့်စုံမှု)]: ရှေးဟောင်း နတ်မီး တောက်ပသော တောင်ဘက်လီမီးကို လေ့လာပြီး အင်အားကြီး ကျင့်ကြံသူများ ဖန်တီးခဲ့သော အစွမ်းထက် နတ်အတတ်ပညာ။ ကြီးမြတ်သော ပြီးပြည့်စုံခြင်း အဆင့်သို့ ရောက်ရှိသောအခါ ၎င်း၏ အပူချိန်သည် ပေ သုံးထောင်အတွင်းရှိ နတ်ဆိုးများနှင့် ဝိညာဉ်များကို သတ်ဖြတ်ရန် လုံလောက်သည်။ အတွေးတစ်ခုဖြင့် လီမီးကို ဖော်ပြနိုင်သည်။ စွမ်းအင်မှတ် သန်း ၅၀။

[ပြန်လည်မွေးဖွားခြင်း ဆေးလုံး (အကောင်းဆုံး) ဆေးလုံး ၁၀၀]: ရှေးဟောင်းစုန်းမျိုးနွယ်မှ ဖန်တီးပြီး စုရှင်းမှ ပြုပြင်ထားသည်။ အကောင်းဆုံး အဆင့်နှင့် နီးစပ်သည်။ နတ်ဘုရား အင်အားနယ်ပယ် ကျင့်ကြံသူများအတွက် စွမ်းအားနှင့် ကျင့်ကြံမှုအဆင့်ကို လျင်မြန်စွာ တိုးတက်စေသည်။ လွတ်မြောက်ခြင်း ဖြိုခွင်းနယ်ပယ် ကျင့်ကြံသူများ အတွက်မူ ခန္ဓာကိုယ် သန့်စင်ခြင်း ကျင့်ကြံမှုအတွက် အကျိုးရှိသည်။ ဘေးထွက်ဆိုးကျိုးအချို့ ရှိသည်။ သရုပ်ပြခြင်း စွမ်းအင်မှတ် သန်း ၂၀၀။

“သတ်ဖြတ်ခြင်း စစ်မြေပြင်မှာ လမ်းခွဲတွေ အများကြီး ရှိခဲ့ပုံဘဲ... ဒီတစ်ခါတော့ လူသား လမ်းပြ စွမ်းရည်ရဲ့ လမ်းညွှန်မှုအောက်မှာမို့ အဆုံးထိ ရောက်ခဲ့တာ”

“တခြားလမ်းခွဲတွေကို ရွေးချယ်ခဲ့ရင် ဘယ်လို အကျိုးဆက်တွေ ဖြစ်လာမလဲဆိုတာ မသိသေးဘူး...”

စုရှင်းသည် ဤတစ်ကြိမ်တွင် ခရမ်းရောင် စွမ်းရည်ဖြစ်သည့် လူသားလမ်းညွှန် စွမ်းရည်ကို အာရုံစိုက်မိခဲ့သည်။ အသုံးဝင်ပုံ မရသည့် ထိုစွမ်းရည်သည် နောာက်ဆုံးတွင် စုရှင်း သတ်ဖြတ်ခြင်း သံတမန်နဲ့ တွေ့ဆုံရန် အတွက် အရေးပါသည့် အခန်းကဏ္ဍမှ ပါဝင်ခဲ့သည်။

“ဆေးဖော်ခြင်း အတွေ့အကြုံကတော့ မလိုအပ်တော့ဘူး... ဒီတစ်ခါ ဆေးလုံးအသစ်တွေ မဖော်စပ်ခဲ့လို့လေ...”

စုရှင်းသည် ပြန်လည်မွေးဖွားခြင်း ဆေးလုံးနှင့် ပတ်သက်သည့် သရုပ်ပြစက်၏ ရှင်းပြချက်ကိုလည်း အာရုံစိုက်မိသည်။

ပြန်လည်မွေးဖွားခြင်း ဆေးလုံး၏ ဖော်ပြချက်တွင် သူ့နာမည် ပေါ်လာလိမ့်မည်ဟု သူ မျှော်လင့်မထားခဲ့ပါ။ ယင်းက ပြန်လည်မွေးဖွားခြင်း ဆေးလုံးအား စုရှင်းကိုယ်တိုင် ပြုပြင်ပြီး တကယ်ပင် ဖန်တီးခဲ့ခြင်း ဖြစ်ကြောင်း ပြသနေသည်။

ထိုသို့ဆိုပြန်တော့ စုရှင်းတွင် ပြန်လည်မွေးဖွားခြင်း ဆေးလုံး၏ ကြီးမြတ်သော ပြီးပြည့်စုံခြင်းနှင့် အကောင်းဆုံးအဆင့် နားလည်မှုများ ရှိနေခြင်းသည် သဘာဝကျပေသည်။

“ဒါပေမဲ့ ဒီတစ်ခါတော့ ဆုလာဘ်ရွေးချယ်ရာမှာ မတွန့်ဆုတ်တော့ဘူး!”

“ကျွန်တော် လွတ်မြောက်ခြင်း ပြန်လည်ရောက်ရှိခြင်း နယ်ပယ် ဆဋ္ဌမအဆင့် ကျင့်ကြံမှုအဆင့် နဲ့ လီမီးနည်းစနစ် ကြီးမြတ်သော ပြီးပြည့်စုံမှုကို ရွေးချယ်တယ်!” စုရှင်းက ပြတ်သားစွာ ပြောလိုက်သည်။

[သင်သည် လွတ်မြောက်ခြင်း ပြန်လည်ရောက်ရှိခြင်း နယ်ပယ်၏ ဆဋ္ဌမအဆင့် ကျင့်ကြံမှုအဆင့်ကို အောင်မြင်စွာ ရယူခဲ့သည်။ စွမ်းအင်မှတ် သန်း ၃၀၀ ကုန်ကျသည်။ ကျန်ရှိသော စွမ်းအင်- ၄၃၂.၅၆ သန်းမှတ်။]

[သင်သည် လီမီးနည်းစနစ် ကြီးမြတ်သော ပြီးပြည့်စုံမှုကို အောင်မြင်စွာ ရယူခဲ့သည်။ စွမ်းအင်မှတ် သန်း ၅၀ ကုန်ကျသည်။ ကျန်ရှိသော စွမ်းအင်- ၃၈၂.၅၆ သန်းမှတ်။]

…