အခန်း ၂၃၂-၂၃၃
Vol. 8 Ch. 232-233
အခန်း ၂၃၂
နောက်တစ်နေ့၊
ယဲ့ယွီ နှင့် ဟုန်းလွမ် တို့သည် မြောက်ပိုင်းစွန့်ပစ်ကုန်းမြေတိုက်ကြီး မှ ချင်းယွင်ဂိုဏ်း သို့ ပြန်ရောက်လာကြသည်။
ဂိုဏ်းထဲသို့ ဝင်ရောက်လာသည်နှင့် ဟုန်းလွမ် သည် ပင်မခန်းမ သို့ တန်းတန်းမတ်မတ် သွားရောက်ခဲ့ပြီး ဂိုဏ်းခေါင်းဆောင် လော့ကျဲ နှင့် ကိစ္စများ ဆွေးနွေးလိုကြောင်း ပြောခဲ့သည်။
သူမ၏ ယိမ်းထိုးနေသော ပုံရိပ်ကို ကြည့်ရင်း၊ အရက်မူးနေဆဲဖြစ်သည်ကို မြင်တော့ ယဲ့ယွီ သက်ပြင်းချလိုက်မိသည်။
---
သူမက ဒီလိုပုံစံနဲ့ ဘယ်လိုလုပ် နတ်ဆိုး ကို နှိမ်နင်းပြီးချိတ်ပိတ်ဖို့ စီစဉ်တာလဲ?
သူမကိုယ်တိုင် ပြန်ပြီးချိတ်ပိတ်မခံရရင်တောင်ကံကောင်းနေပြီ မဟုတ်ဘူးလား?
ရယ်စရာပဲ!
ယဲ့ယွီ ခေါင်းကို အနည်းငယ် ခါလိုက်ပြီး ဝူကျီတောင်ထိပ် တစ်ဝိုက်ကို ခဏလောက် လှည့်ပတ်ဖို့ ဆုံးဖြတ်လိုက်သည်။
အဖိုးကြီး လော့ကျဲ က သူ့ကို စကားလာပြောတာကို ရှောင်ချင်တာလဲပါတယ်။
---
အဲဒီအချိန်မှာ ဥပဒေစိုးမိုးရေးခန်းမ ၏ ခေါင်းဆောင် လီနျန်အန်း ချဉ်းကပ်လာတယ်။
ယဲ့ယွီ က သူ့ကို မသိတာ မဟုတ်ဘူး၊ ဘာပဲဖြစ်ဖြစ် သူတို့ဟာ မကြာသေးခင်က နတ်ဆိုးနှိမ်နင်းခြင်း မှာ ရဲဘော်တွေပဲ။
သဘာဝအတိုင်းပဲ သူ့ကို နှုတ်ဆက်ဖို့ လိုတယ်။
သို့သော် ယဲ့ယွီ ခါးညွှတ်ပြီး နှုတ်မဆက်ခင်မှာ လီနျန်အန်း ရဲ့ မျက်နှာအမူအရာ ရုတ်တရက် ပြောင်းလဲသွားတယ်။
---
သူ အလျင်အမြန် မေးလိုက်သည်- "မင်း ဘာလို့ ပြန်လာတာလဲ?"
ဒီမေးခွန်းက ယဲ့ယွီ ကို အတော်လေး ရှုပ်ထွေး သွားစေတယ်။
"အမ်၊ ကျွန်တော် ပြန်မလာသင့်ဘူးလား?"
လီနျန်အန်း က ဝူကျီတောင်ထိပ် က အမျိုးသမီးလေးဦး ရဲ့ အခြေအနေကို ပြန်ပြောပြတော့တယ်။
ချီယင်ကျောက်ဆောင် က တိုက်ပွဲတုန်းက ယဲ့ယွီ ဟာ ယွင်စီးဟွာ နဲ့အတူ ထွက်ခွာသွားခဲ့တာ။
---
အပြင်မှာ ခဏစောင့်ပြီးနောက် လီနျန်အန်း ယဲ့ယွီ ပြန်လာတာကို မတွေ့တော့ဘူး။
သူ့မှာ သူ့လူတွေကို ဂိုဏ်းကို ပြန်ခေါ်သွားရုံပဲ တတ်နိုင်တော့တယ်။
မမျှော်လင့်ဘဲ သူတို့ဟာ ယွင်ရိုမူ ၊ လီရိုဝမ် ၊ တူအိုဘာချီယွဲ့ ၊ နဲ့ ရှီမူလင် တို့ ရဲ့ပြင်းထန်တဲ့ မေးမြန်းမှုနဲ့ ကြုံတွေ့ခဲ့ရတယ်။
---
မတတ်သာတဲ့အတွက် လီနျန်အန်း ဟာ ယဲ့ယွီ က ယွင်စီးဟွာ နဲ့အတူ ထွက်ခွာသွားခဲ့ကြောင်း ဖွင့်ဟပြောပြလိုက်ရတယ်။
ဒါချင်ဧကရီ လီရိုဝမ် ဟာ ချင်းယွင်ဂိုဏ်း ကနေ ချက်ချင်း ထွက်ခွာသွားပြီး ကျင့်ကြံသူ တစ်ထောင်နီးပါးကို ဦးဆောင်ပြီး ခွေ့ယွမ်ဂိုဏ်း ကို ကြီးမားတဲ့ စစ်ဆင်ရေး တစ်ခု ပြုလုပ်ခဲ့တယ်။
အချို့က လီရိုဝမ် ရဲ့ ပြင်းထန်တဲ့ သဘောထားကြောင့် သူဟာ ခွေ့ယွမ်ဂိုဏ်း ကိုတစစီဖြစ်အောင်လုပ်ပြီး ယဲ့ယွီ ကို ပြန်လည်ခေါ်ဆောင်ဖို့ ဖြစ်နိုင်တယ်လို့ ထင်ကြေးပေးခဲ့တယ်။
---
ဒီကိစ္စကြောင့် အချို့က လောင်းကြေး တောင် တင်ထားခဲ့ကြတယ်။
သူတို့က ယဲ့ယွီ ကို လီရိုဝမ် က သေချာပေါက် ခေါ်သွားလိမ့်မယ်လို့ လောင်းကြေးထပ်ခဲ့ကြတယ်။
ဟုတ်ပါတယ်၊ တခြားသူတွေက ယွင်စီးဟွာ မှာ လီရိုဝမ် ကို တွန်းလှန်နိုင်တဲ့ ခွန်အားရှိတယ်လို့ ယုံကြည်ခဲ့တယ်။
ဒီကိစ္စက အတော်လေး ငြင်းခုံမှု တစ်ခုကို ဖြစ်စေခဲ့တယ်။
လူတိုင်းမှာ ကိုယ်ပိုင် ထင်မြင်ချက်တွေ ရှိခဲ့တယ်။
---
တကယ်တော့ ဆယ်ရက် ကြာအောင် ဆွေးနွေးခဲ့တဲ့ မျက်နှာစုံညီ ဆွေးနွေးမှု တစ်ခုတောင် ရှိခဲ့တယ်။
ဒါပေမဲ့ အပြောင်းလဲဖြစ်နိုင်ခြေ မြင့်မားလွန်းနေတာကြောင့် ဘယ်သူမှ အသေချာ ပြောရဲတာ မရှိဘူး၊
လီရိုဝမ် ချင်းယွင်ဂိုဏ်း က ထွက်ခွာတဲ့နေ့မှာ သူတော်စင်မ ယွင်ရိုမူ လည်း ခွေ့ယွမ်ဂိုဏ်း ကို သွားဖို့ စဉ်းစားခဲ့တယ်။
ဒါပေမဲ့ သူ အဲဒီညမှာ လုပ်ဆောင်ဖို့ ကြိုးစားတဲ့အခါ ဂိုဏ်းခေါင်းဆောင် လော့ကျဲ က တားဆီးခဲ့တယ်။
---
နှစ်ဦးသား ရန်ဖြစ် ခဲ့ကြပုံရတယ်၊ ဒါပေမဲ့ ဘယ်သူမှ အသေးစိတ်ကို မသိခဲ့ဘူး။
နောက်တစ်နေ့မှာ သူတော်စင်မ ကို ပြောရမယ့် ပုံပြင်များ ရဲ့ တတိယအပိုင်း က ချင်းယွင်ဂိုဏ်း အတွင်းမှာ ပျံ့နှံ့လာခဲ့တယ်။
" ရဲရဲဝံ့ဝံ့ ချစ်ခြင်းကို လိုက်ရှာခြင်း၊ ရက်စက်သော ဂိုဏ်းခေါင်းဆောင်၏ ချစ်ခြင်းကို ဖြတ်တောက်ခြင်းလမ်းစဉ် "၊ " ဒီဆက်ဆံရေးမှာ ဘယ်သူက တကယ့် သစ္စာဖောက်လဲ? " " အမျိုးသမီးလေးဦး လင်လုရန်ယှဉ်ပြိုင်ခြင်း၊ ဘယ်သူက နောက်ဆုံး ရယ်မောပျော်ရွှင်နိုင် မလဲ? "...
---
ဝတ္ထုအသစ်ထွက်သည့်နှုန်းက အံ့မခန်း မြန်ဆန်ပြီး အကြောင်းအရာ က စိတ်လှုပ်ရှားစရာကောင်းပြီး ဆွဲဆောင်မှုရှိတယ်။
ဒီအကြောင်းအရာကို ကြားတော့ ယဲ့ယွီ ရဲ့ မျက်နှာအမူအရာက မယုံကြည်နိုင်စရာ ပဲ။
ဒါ ဘာတွေ ဖြစ်နေတာလဲ?
အဲဒီ လီရိုဝမ် ဆိုတဲ့ အမျိုးသမီး ဘယ်လိုလုပ် ချင်းယွင်ဂိုဏ်း ကို လာတာလဲ?
သူ ဘာလာလုပ်တာလဲ?
ဒါ့အပြင် သူက တူအိုဘာချီယွဲ့ နဲ့ ရှီမူလင် တို့နှစ်ယောက်လုံးနဲ့ လုံးဝ သန့်စင်တဲ့ ဆရာတပည့်ဆက်ဆံရေး ပဲ ရှိခဲ့တာ။
---
ဒီစာရေးသူတွေ ဘယ်လိုလုပ် ဇာတ်ကြောင်း ကို ဒီလို လိမ်ဆင်တွေရေးနိုင်တာလဲ?
ဟာကွာ!
တစ်နေ့ကျရင် ကောင်းကင်ဘုံတက်လှမ်း ပြီးတဲ့အခါ ဇာတ်လမ်း ကို မှားယွင်းရေးသားခဲ့တဲ့သူတွေ အားလုံးကို သေချာပေါက်ဖော်ထုတ်ပီး စီရင် မယ်!
လီနျန်အန်း သူ့တပည့် ဝေအာအိုရှု အကြောင်း စဉ်းစားရင်း အတော်လေး စိတ်ရှုပ်ထွေး နေတယ်။
ကြာရှည်စွာ စဉ်းစားပြီးနောက် သူ တိုးတိုးလေး ပြောလိုက်သည်- " တူလေး ယဲ့ယွီ၊ အချို့ကိစ္စတွေကို စောစောဆုံးဖြတ်သင့်တယ်။
---
ဝေအာအိုရှု ရဲ့ အခြေအနေကိုလည်း မင်း ထည့်သွင်းစဉ်းစားသင့်တယ်!"
ဒီလိုပြောပြီးနောက် လီနျန်အန်း လှည့်ပြီး ပင်မခန်းမ ထဲသို့ ဝင်သွားတယ်။
ယဲ့ယွီ ရဲ့ မျက်နှာအမူအရာက ပိုပြီး ရှုပ်ထွေး လာတယ်။
ဒါ ဘယ်လိုလုပ် ဝေအာအိုရှု နဲ့ ပြန်ပါလာတာလဲ?
တကယ်ပါပဲ။
သူ့မှာ ကိုယ်ပိုင်ဇနီး မနည်းရှိတယ်၊ ဒါပေမဲ့ ဝေအာအိုရှု ကတော့ မပါသင့်ဘူး၊ ဟုတ်တယ်မလား?
---
ယဲ့ယွီ လီနျန်အန်း ရဲ့ နောက်ကျောကို ကြည့်ရင်း ပါးစပ်ဖွင့်လိုက်ပေမဲ့ စကားပြောဖို့ တွန့်ဆုတ်နေတယ်။
ထားလိုက်ပါတော့၊ ရှင်းပြတာ မကောင်းဘူး။
ဘာပဲဖြစ်ဖြစ် ဘယ်လောက်ပဲ ကြီးကျယ်ခမ်းနားတဲ့ ရှင်းပြချက်ဖြစ်နေပါစေ၊ ဘယ်သူ့ကိုမှ ယုံအောင် လုပ်နိုင်မှာ မဟုတ်ဘူး။
နောက်မှ ရှင်းလင်းဖို့ အခွင့်အရေးရှာတာ အကောင်းဆုံး ဖြစ်နိုင်တယ်။
---
စောင့်လိုက်ဉီးမယ်!
အရေးကြီးတဲ့ တစ်ခုခု ကို လျစ်လျူရှုမိခဲ့ပုံရတယ်။
အဓိကအချက်က လီရိုဝမ် ဟာ ကျင့်ကြံသူ တစ်ထောင်နီးပါးကို ခွေ့ယွမ်ဂိုဏ်း ဆီ ခေါ်သွားပြီး ယွင်စီးဟွာ ကို ရှာတာပဲ။
ဒါကို ခွင့်မပြုနိုင်ဘူး!
လီရိုဝမ် ၊ အဲဒီ စိတ်မမှန်သော အစွဲအလမ်းကြီးသူ က စာအုပ်ထဲက ဇာတ်ကောင် တွေကို လိုက်သတ်နိုင်တဲ့ အမျိုးသမီးတစ်ယောက်ပဲ။
---
သူမမှာ ယွင်စီးဟွာ အပေါ် တကယ်ပဲ လူသတ်လိုစိတ် ရှိခဲ့ရင်။
အဲဒီ ကျင့်ကြံသူ တစ်ထောင်က ရှေ့တန်းစစ်သည် တွေသက်သက်ပဲ။
သူမဟာ ဒါချင်မင်းဆက် တစ်ခုလုံးရဲ့ အင်အားအပြည့်အစုံကို ထုတ်ဖော်ပြီး ခွေ့ယွမ်ဂိုဏ်း ကို ဖောက်ထွင်းဝင်ရောက်ဖို့ ဖြစ်နိုင်ခြေ အလွန်မြင့်မားတယ်။
ဒီအကြောင်းကို စဉ်းစားမိတော့ ယဲ့ယွီ ရဲ့ ကျောရိုးတစ်လျှောက် အေးစက်မှု တစ်ခု ဖြတ်ပြေးသွားတယ်။
---
ဒီအမျိုးသမီးနှစ်ယောက်လုံးက သူ့ရဲ့ အိပ်မက်ထဲကဇနီး တွေပဲ။
ဘယ်သူပဲ ဒုက္ခရောက်ရောက် သူ့ကို ဝမ်းနည်းစေမှာပဲ။
ဒါပေမဲ့ အခုတော့ ရက်တွေကို ရေကြည့်ရင် ဒါတွေအားလုံး စတင်တာ ဘယ်လောက်ကြာပြီလဲ?
ဘာလုပ်ရမလဲ?
ဘာလုပ်ရမလဲ?
အခုထိတော့ ဘယ်သူမှ မနိုင်သေးဘူးလို့ မျှော်လင့်ရတယ်။
---
မျှော်လင့်ချက်အနည်းငယ် ကို ဆုပ်ကိုင်ထားရင်း ယဲ့ယွီ ချက်ချင်း ဝိညာဉ်သင်္ဘော ကို ခေါ်လိုက်တယ်။
သူ အတွင်းဆုံးအခန်းထဲသို့ ဝင်သွားတယ်။
ဒီနေရာမှာ ကြီးမားတဲ့ ဆက်သွယ်ရေးကျောက်တုံး တစ်တုံး ရှိတယ်။
ယဲ့လျန်ယန် က သူ့ကို ဝိညာဉ်သင်္ဘော ပို့ဆောင်တုန်းက ဒီ ဆက်သွယ်ရေးကျောက်တုံး က လီရိုဝမ် က အထူးပြုလုပ်ထားတဲ့ ပစ္စည်း တစ်ခုဖြစ်ကြောင်း သူ့နှလုံးသားကနေတစ်ဆင့် ပြောခဲ့တယ်။
---
သူ ဘယ်နေရာမှာပဲ ရှိနေပါစေ၊ လီရိုဝမ် ကို အလွယ်တကူ ဆက်သွယ်နိုင်တယ်။
ဟုတ်ပါတယ်၊
ဒီ ဆက်သွယ်ရေးကျောက်တုံး က လီရိုဝမ် ကိုပဲ ဆက်သွယ်နိုင်တယ်။
တခြားဘယ်သူမှ ဆက်သွယ်လို့ မရဘူး။
ဒီအပြုအမူက လီရိုဝမ် ရဲ့ ဇာတ်ကောင်စရိုက် နဲ့ အတော်လေး ကိုက်ညီတယ်၊ ဘာလို့လဲဆိုတော့ သူက ပိုင်ဆိုင်လိုစိတ် အလွန်ပြင်းထန်တယ်။
---
အခန်းထဲမှာ။
ယဲ့ယွီ က ဆက်သွယ်ရေးကျောက်တုံး ပေါ်မှာ လက်တစ်ဖက်တင်ပြီး ဝိညာဉ်စွမ်းအင် ကို ထိုးသွင်းလိုက်တယ်။
အသက်ရှူခြင်းအနည်းငယ်ကြာပြီးနောက် ကျောက်တုံးက မှိန်ဖျော့တဲ့ အလင်းရောင် တစ်ခု ထွက်လာတယ်။
ထို့နောက် လီရိုဝမ် ရဲ့ ကြည်လင်ပြီး အနည်းငယ် ပျော်ရွှင်တဲ့ အသံ ထွက်ပေါ်လာတယ်။
"ရှင် နောက်ဆုံးတော့ ကျမကို ရှာဖို့ ဆုံးဖြတ်လိုက်ပြီလား?"
---
ယဲ့ယွီ သက်ပြင်းချလိုက်တယ်။တဝက်တော့စိတ်အေးရပြီ။
ဘာလို့ တစ်ဝက်ပဲလဲ?
လီရိုဝမ် က အခုထိ စကားပြောနိုင်သေးတာက သူ ခဏတာ လုံခြုံနေသေးတယ်ဆိုတာကို ဆိုလိုတယ်။
ယွင်စီးဟွာ နဲ့ ပတ်သက်ရင်တော့ မသိသေးဘူး။
ဒါပေမဲ့ သူ တိုက်ရိုက်မေးလိုက်ရင် ဒီအမျိုးသမီးရဲ့ ပုန်ကန်တဲ့စိတ်ဓာတ် ကို နှိုးဆွမိမှာ စိုးရိမ်တယ်။
---
ဒါကြောင့် ယဲ့ယွီ မသေချာမရေရာ မေးလိုက်သည်- "မင်း ဘယ်မှာလဲ?"
"ကျမ အခု ခွေ့ယွမ်ဂိုဏ်း ရဲ့ ပင်မခန်းမ မှာ ရှိတယ်; ရှင်ကျမကို လာရှာတော့မလို့လား?"
လီရိုဝမ် ရဲ့ အသံမှာ စနောက်မှု အချို့ ပါနေတယ်။
ယဲ့ယွီ ရဲ့ နှလုံးခုန်နှုန်း မြန်သွားတယ်။
ခွေ့ယွမ်ဂိုဏ်း ရဲ့ ပင်မခန်းမ လား?
---
အဲဒါက သူ ခွေ့ယွမ်ဂိုဏ်း ကို သိမ်းပိုက်ပြီးပြီဆိုတာကို ဆိုလိုတယ်။
ဒါဆိုရင်...
ယဲ့ယွီ အလျင်အမြန် မေးလိုက်သည်- "အချစ်ရေ ယွင်စီးဟွာ ကို မင်း ဘာလုပ်လိုက်တာလဲ?"
လီရိုဝမ် ရဲ့ အသံက နည်းနည်း ပိုအေးစက်သွားတယ်။
"ရှင်က ကျမကို တခြားမိန်းမတွေအတွက် စိုးရိမ်လို့ ဆက်သွယ်တာလား?
---
အဲဒါ သင့်တော်တယ်လို့ ရှင် ထင်သလား?"
ယဲ့ယွီ ခဏတာ စကားမပြောနိုင်တော့ဘူး။
ထို့နောက် ဆက်သွယ်ရေးကျောက်တုံး ကနေ တိုးတိုးလေး အသံ တစ်ခု ထွက်လာတယ်။
"စိတ်မပူပါနဲ့ ယောကျာ်းရေ ; ယွင်စီးဟွာ အဆင်ပြေပါတယ်; သူ ကျွန်မတို့နဲ့အတူ ဒီမှာ ရှိပါတယ်။
ကျွန်မတို့ ညီမသုံးယောက် ဆက်ဆံရေး အရမ်းကောင်းပါတယ်။"
---
ယဲ့ယွီ မနေနိုင်ဘဲ မျက်လုံးကို ပြူးကျယ်လိုက်တယ်။
ဒါ...ဒါက ပုလင်းဖေး ရဲ့ အသံပဲ။
သူ ဘယ်လိုလုပ် လီရိုဝမ် နဲ့ ယွင်စီးဟွာ တို့နဲ့အတူ ရောက်လာတာလဲ?
ဖြစ်နိုင်တာက...
အရင်က ပြောခဲ့သလိုပဲ သူတို့က ယဲ့ယွီ ရဲ့ တခြား တာအို အဖော် တွေကို လုံးဝ လက်ခံနိုင်တာလား?
အဲလိုသာဆိုရင်။
---
သူက သူ ရပ်နေတဲ့နေရာကနေပဲ ကောင်းကင် ကို ထိုးတက်သွားမှာ မဟုတ်ဘူးလား?
ထို့နောက် ယွင်စီးဟွာ ရဲ့ အသံ ထွက်ပေါ်လာတယ်။
" ယောကျာ်းရေ ၊ ဘာလို့ စကားမပြောတာလဲ?"
ယွင်စီးဟွာ စကားပြောတာကို ကြားတော့ ယဲ့ယွီ ရဲ့ နှလုံးသား လုံးဝ တည်ငြိမ် သွားတယ်။
သူတို့ သုံးယောက်စလုံး လုံခြုံပုံရတယ်။
---
ဝိုး၊ ဘယ်လောက် ကြီးမားတဲ့ ကောင်းချီး လဲ!
ယဲ့ယွီ ချက်ချင်း ပြန်ဖြေလိုက်သည်- "ဘာမှ မဟုတ်ပါဘူး; ကို တခြားကိစ္စတွေ စဉ်းစားနေတာပါ။"
"ရှင်က ကျမ ယွင်စီးဟွာ ကို သုတ်သင်ပစ်မလားလို့ စဉ်းစားနေတာ မဟုတ်လား?"
လီရိုဝမ် က အချက်ကျကျ ပြောလိုက်တယ်။
ယဲ့ယွီ က ဒီအမျိုးသမီးက သူ့ရှေ့မှာ တကယ်ရှိနေသလို ခံစားရတယ်။
---
သူမရဲ့ ထိုးဖောက်တဲ့ အကြည့် က ထူးခြားစွာ အေးစက် တယ်။
ဒီ ရှုပ်ထွေးတဲ့ ခေါင်းစဉ် မှာ ထပ်မံ ပတ်သက်မှု မရှိစေဖို့အတွက်၊
ယဲ့ယွီ အလျင်အမြန် ခေါင်းစဉ် ကို ပြောင်းလိုက်တယ်။
သူ ပြောလိုက်သည်- "မနောက်ကြပါနဲ့; မင်းတို့သုံးယောက် အဆင်ပြေကြတယ်၊ ကို့မှာလည်း လုပ်စရာကိစ္စတွေ ရှိသေးတယ်၊ ဒါကြောင့် ဖုန်းချလိုက်တော့မယ်!"
---
ဒီလိုပြောပြီးနောက် ယဲ့ယွီ သူ့လက်ကို ဆက်သွယ်ရေးကျောက်တုံး ကနေ ပြတ်ပြတ်သားသား ဖယ်ရှားလိုက်တယ်။
ခေါ်ဆိုမှု ပြီးဆုံးသွားပြီ။
၂၃၃ ဆက််ရန်
*****
အခန်း ၂၃၃
ခွေ့ယွမ်ဂိုဏ်း အတွင်း။
လီရိုဝမ် လက်ထဲရှိ ဆက်သွယ်ရေးကျောက်တုံး မှ အလင်းရောင် မှိန်ဖျော့သွားသည်နှင့် ယွင်စီးဟွာ နှင့် ပုလင်းဖေး တို့သည် နောက်သို့ ခြေတစ်လှမ်း ဆုတ်လိုက်ကြသည်။
ခုလေးတင် ယဲ့ယွီ နှင့် ဆက်သွယ်ရန်အတွက် သူတို့သည် ဗီဇအတိုင်း ရှေ့သို့ တိုးခဲ့ကြခြင်း ဖြစ်သည်။
အမျိုးသမီးသုံးဦး ထွေးပွေ့နေကြသည်။
---
စကားပြောဆိုမှု ပြီးဆုံးသွားပြီဖြစ်၍ သဘာဝအတိုင်း ခွဲခွာပြီး အကွာအဝေး တစ်ခု ထိန်းသိမ်းရန် အချိန်ကျပြီဖြစ်သည်။
ညီအစ်မသုံးယောက် ဆက်ဆံရေး ကောင်းမွန်သည်ဟူသော ပြောဆိုမှုနှင့် ပတ်သက်၍ကား၊
အဲဒါဟာ နောက်ပြောင်မှု သက်သက်ပဲ!
ယွင်စီးဟွာ နှင့် ပုလင်းဖေး တို့သည် အိပ်မက် ထဲတွင် ပြင်းပြင်းထန်ထန် တိုက်ခိုက်ခဲ့ကြသည်။
---
ယခုပင်လျှင် ယဲ့ယွီ အတွက် သူတို့၏ ရန်ငြိုး ကို ဘေးဖယ်ထားရန် ကြိုးစားအားထုတ်မှု တစ်ခု ဖြစ်သည်။
သို့သော် သူတို့၏ ဆက်ဆံရေးကို ညီအစ်မသဖွယ် ဖော်ပြခြင်းမှာ လုံးဝ မသင့်လျော် ပေ။
လီရိုဝမ် နှင့် ပတ်သက်၍ကား၊
အဲဒါက ပိုလို့တောင် မဖြစ်နိုင်ဘူး။
ဒါချင်မင်းဆက် ၏ ဧကရီ သည် သူ၏ ရက်စက်မှု ကြောင့် နာမည်ဆိုးဖြင့် ကျော်ကြားသည်။
---
သူမသည် ဘယ်သူနှင့်မဆို လွယ်လွယ်ကူကူ ညီအစ်မ ဖြစ်လာနိုင်မည်နည်း။
မူလက လီရိုဝမ် နှင့် ယွင်စီးဟွာ တို့ တိုက်ခိုက်ခါနီးအချိန်တွင် ပုလင်းဖေး သည် အချိန်မီ ကြားဝင်ခဲ့သည်။
သူမက ဘယ်သူပဲ ဒဏ်ရာရရ ယဲ့ယွီ အလွန် ဒေါသထွက် လိမ့်မည်ဟု ကြေညာခဲ့သည်။
သူ ထိုအခါ ဘာလုပ်မည်ကို ဘယ်သူမှ မသိခဲ့ပေ။
---
ဒီအချက်ကို ထည့်သွင်းစဉ်းစားခဲ့၍သာ လီရိုဝမ် နှင့် ယွင်စီးဟွာ တို့သည် တိုက်ပွဲကို ဖျက်သိမ်းခဲ့ကြခြင်း ဖြစ်သည်။
မဟုတ်ပါက သူတို့၏ စိတ်နေစိတ်ထားများအရ ထိုနေ့က တစ်ယောက်ယောက် အသတ်ခံရရန် အတော်လေး ဖြစ်နိုင်ချေရှိသည်!
ပြီးတော့ အခု။
လီရိုဝမ် နှင့် ပုလင်းဖေး တို့ ခွေ့ယွမ်ဂိုဏ်း တွင် ရှိနေရခြင်း၏ တစ်ခုတည်းသော အကြောင်းရင်းမှာ ယွင်စီးဟွာ က ယဲ့ယွီ လုပ်ငန်းကိစ္စဖြင့် အပြင်ထွက်နေပြီး နောက်မှ သူမကို လာရှာလိမ့်မည်ဟု ပြောခဲ့ခြင်းကြောင့် ဖြစ်သည်။
---
ဤပြောဆိုချက်သည် မူလက ယွင်စီးဟွာ ၏ သာလွန်မှုကို ပြသရန် ရည်ရွယ်ခဲ့ခြင်း ဖြစ်သည်။
ကြည့်ပါ၊ ငါ့ယောကျာ်းက ငါ့ကို ပြန်လာရှာလိမ့်မယ်။
မင်းတို့နှစ်ယောက်ကို ဘာတစ်ခုမှ ပြောခဲ့ဖူးသလား?
တကယ်တော့ သာလွန်မှုခံစားချက် တစ်ခုတော့ ရှိခဲ့သည်။
သို့သော် ၎င်းသည် အတော်လေး ခဏတာ သာ ဖြစ်ခဲ့သည်။
---
လီရိုဝမ် နှင့် ပုလင်းဖေး တို့သည် ခဏတာ အံ့အားသင့်ပြီးနောက် ခွေ့ယွမ်ဂိုဏ်း တွင် ယဲ့ယွီ ပြန်လာသည်ကို အတူတကွ စောင့်ဆိုင်းရန် ချက်ချင်း ဆုံးဖြတ်ခဲ့ကြသည်။
ထို့အပြင် သူတို့နှစ်ဦးလုံးသည် ယွင်စီးဟွာ က ယဲ့ယွီ နှင့် လျှို့ဝှက်တွေ့ဆုံမည်ကို စိုးရိမ်ခဲ့ကြသည်။
ဒါကြောင့် ထိုနေ့မှစ၍ အမျိုးသမီးသုံးဦး သည် ကွဲကွာမရနိုင်အောင် ဖြစ်ခဲ့ကြသည်။
သူတို့ကို တစ်ယောက်ကိုတစ်ယောက် ကပ်ပါးကောင်လိုပင်လုပ်နေကြသည်။
---
တစ်နေ့လျှင် ဆယ့်နှစ်နာရီ ။
သူတို့ ဘယ်တော့မှ မကွဲကွာခဲ့ကြဘူး။
ဒါကြောင့်ပဲ။
ယဲ့ယွီ က ဆက်သွယ်ရေးကျောက်တုံး ကို သုံးပြီး လီရိုဝမ် ကို ဆက်သွယ်တဲ့အခါ ယွင်စီးဟွာ နဲ့ ပုလင်းဖေး တို့ သဘာဝအတိုင်း ရှိနေခဲ့ကြတယ်။
လီရိုဝမ် က ဆက်သွယ်ရေးကျောက်တုံး ကို ဖြည်းဖြည်းချင်း သိမ်းလိုက်တယ်။
သူမ လေးလေးနက်နက် စဉ်းစား စပြုတယ်။
---
ယဲ့ယွီ သူ့ကို ဆက်သွယ်ခြင်းရဲ့ အဓိပ္ပာယ်က အရမ်း ရှင်းရှင်းလင်းလင်းပဲ။
သူ ယွင်စီးဟွာ ရဲ့ အခြေအနေကို မေးမြန်းနေတာ။
အဲလိုဆိုရင် သူက သူ့ရဲ့ ယွင်စီးဟွာ နဲ့ ဆက်နွယ်မှု ကို ကြိုတင်သိထားတယ်လို့ ဆိုလိုတယ်။
သူ ခွေ့ယွမ်ဂိုဏ်း ကို ရောက်လာတာကို သိတာက ချင်းယွင်ဂိုဏ်း နဲ့ ချင်မင်းဆက် က အချို့အရာရှိတွေပဲ သိခဲ့တာ။
ယဲ့ယွီ က အဲဒီအရာရှိတွေကို သေချာပေါက် မမေးဘူး။
---
တစ်ခုတည်းသော ရှင်းပြချက်က ယဲ့ယွီ ဟာ ချင်းယွင်ဂိုဏ်း ကို ပြန်ရောက်နေပြီ ဖြစ်နိုင်တယ်။
ဂိုဏ်းအတွင်းက တပည့်တွေရဲ့ အကြောင်းအရာ တွေကို ကြားပြီးနောက် သူနဲ့ ယွင်စီးဟွာ တို့ ရန်ဖြစ်ကြမှာကို ကြောက်တယ်။
ဒါကြောင့် သူ ဆက်သွယ်ရေးကျောက်တုံး ကနေ အလျင်အမြန် ဆက်သွယ်ခဲ့တာ။
စိတ်ဝင်စားစရာပဲ။
---
ဒါဆို ရှင်က ချင်းယွင်ဂိုဏ်း ကို ပြန်ရောက်နေပြီလား?
ဒါပေမဲ့ ယွင်စီးဟွာ ကို လာမရှာဘူးမလား?
ဒီအကြောင်းကို စဉ်းစားမိတော့ လီရိုဝမ် ရဲ့ မျက်နှာပေါ်မှာ လှောင်ပြောင်တဲ့ အပြုံး တစ်ခု ပေါ်လာတယ်။
သူမ ယွင်စီးဟွာ ကို တစ်ချက် ကြည့်လိုက်ပြီး အေးစက်စွာ လှောင်ပြောင်လိုက်သည်- "မင်း ယောကျာ်းက မင်းကို ဒီလောက် ကြီးကြိုက်လှတယ်မဟုတ်ဘူးထင်တယ်နော်။
သူ မင်းကို ပြန်လာရှာမယ်လို့ ပြောခဲ့တယ်၊ ဒါပေမဲ့ အခု အခြေအနေကို ကြည့်လိုက်ပါ။
---
သူ ချင်းယွင်ဂိုဏ်း ကို ပြန်ရောက်နေပုံရတယ်!"
ဒီစကားကို ကြားတော့ ယွင်စီးဟွာ ရဲ့ လှပတဲ့ မျက်နှာ ဒေါသနဲ့ နီရဲသွားတယ်။
ဒါပေမဲ့ သူ ကိုယ့်ကိုယ်ကိုယ် ဆက်ပြီး အားပေး နေတယ်။
ဒေါသမထွက်နဲ့၊ ဒေါသမထွက်နဲ့။
ယဲ့ယွီ ချင်းယွင်ဂိုဏ်း မှာ အရေးကြီးတဲ့ ကိစ္စ တစ်ခုခုနဲ့ အလုပ်များနေလို့ ငါ့ကို လာမရှာတာ ဖြစ်ရမယ်။
---
ငါ ဒီ လီရိုဝမ် ဆိုတဲ့ အမျိုးသမီးကို ငါ့ရဲ့ စိတ်နေစိတ်ထား ကို လုံးဝ မနှောင့်ယှက်စေရဘူး!
" ယောက်ျားတစ်ယောက်ကို ရူးသွပ်စွာ ချစ်မိစေမယ့် နည်းလမ်းတစ်ရာ "၊ ရှစ်ဆယ့်နှစ်ခုမြောက် စည်းမျဉ်း ။
ငါ့ယောကျာ်းနဲ့ ပတ်သက်လာရင်သူနဲ့ ငြင်းခုံလို့ မရဘူး၊ သူ့ကို ချစ်ရမယ်၊ နားလည်ရမယ်! သူ့ကို သည်းခံ ရမယ်!
---
သူ့ရဲ့ စိတ်နေစိတ်ထား ကို ကိုယ်တိုင် ပြန်လည်ညှိနှိုင်းပြီးနောက် ယွင်စီးဟွာ က အသက်ရှူခြင်း အနည်းငယ်အတွင်းမှာပဲ တည်ငြိမ် သွားတယ်။
အပြုံးနဲ့ သူ ပြောလိုက်သည်- "ငါ့ယောကျာ်းက ငါ့ကို ကြိုက်သည်ဖြစ်စေ မကြိုက်သည်ဖြစ်စေ၊ အဲဒါက မင်းနဲ့ ဘာမှ မဆိုင်ဘူး။"
"တော်ပြီ၊ မင်းတို့နှစ်ယောက် ရန်ဖြစ်တာ ရပ်ကြတော့။
---
ငါတို့ ယောကျာ်းက ချင်းယွင်ဂိုဏ်း မှာ ရှိတယ်ဆိုတော့ မြန်မြန် သွားရှာကြရအောင်။
သူ့ကို မတွေ့ရတာ ကြာပြီ; အရမ်း လွမ်းနေပြီ!"
ပုလင်းဖေး က သွားချင်စိတ် ပြင်းပြနေပုံရတယ်။
ပုမိသားစု မှာ ခွဲခွာပြီးကတည်းက သူ တကယ်ပဲ ယဲ့ယွီ ကို အတော်လေး ကြာကြာ မတွေ့ရသေးဘူး။
သူမရဲ့ လွမ်းဆွတ်မှုခံစားချက် တွေ မရှိခဲ့ရင် သူ ခွေ့ယွမ်ဂိုဏ်း မှာ ဒီလောက်ကြာအောင် အချိန်ကုန်ခံမှာ မဟုတ်ဘူး။
---
သို့သော် သူ ပထမဆုံး ထွက်ခွာတော့မယ့်အချိန်မှာ လီရိုဝမ် က ထပ်ပြီး ပြောလိုက်သည်- " ယောကျာ်း ဆီသွားကြမှာတော့ဟုတ်ပါပြီ၊ ဒါပေမဲ့ ငါက သူ့ရဲ့ တည်နေရာ ကို တွက်ဆခဲ့တာ။
ပီးတော့ ငါ့ရဲ့ ခွန်အား နဲ့ နောက်ခံ က အပြင်းထန်ဆုံးပဲ။
ငါက ယောကျာ်း ရဲ့ အကြီးမားဆုံး ထောက်ပံ့မှု ပဲ။
အနာဂတ်မှာ ငါက ပင်မဇနီး ဖြစ်ပြီး မင်းတို့နှစ်ယောက်က ငယ်ဇနီး တွေ ဖြစ်လိမ့်မယ်၊ နားလည်လား?"
---
ဧကရီ က တကယ်ပဲ ဧကရီ ပဲ။
သူမက ညှိနှိုင်းဖို့ မကြိုးစားဘူး၊ အာဏာပိုင်ဆန်တဲ့ လေသံ နဲ့ ပြောတယ်။
ဒါက ယွင်စီးဟွာ ကို အတော်လေး မပျော်မရွှင် ဖြစ်စေတယ်။
"ဘာလို့ နင်က ပင်မဇနီး ဖြစ်ရမှာလဲ? နင်က တကယ်ပဲ ကိုယ့်ကိုယ်ကိုယ် အတော်ဆုံးအကောင်းဆုံးလို့ ထင်နေတာလား?"
---
လီရိုဝမ် က လှောင်ပြောင်လိုက်သည်- "ငါ ယဲ့ယွီ ဒေါသထွက်မှာကို မကြောက်ခဲ့ရင် မင်းက အခုပဲ တစစီ ပြိုလဲသွားအောင်ဆော်ပြီးပြီ။
ဒီနည်းလမ်းကို သုံးပြီး ပင်မဇနီး နေရာကို ယူဖို့ မကြိုးစားနဲ့။
အဲဒီနေရာက ငါ့အတွက်ပဲ!
အဲဒီလိုဆို ပိုပြီး သင့်တော်တယ်!"
---
ယွင်စီးဟွာ တစ်လှမ်း ရှေ့တိုးလိုက်တယ်။
ရုတ်တရက် ပတ်ဝန်းကျင်က ဝိညာဉ်စွမ်းအင် တွေ မြန်မြန်ဆန်ဆန် တိုးလာတယ်။
"စကားပြောမနေတော့ဘူး၊ တိုက်ခိုက် ကြစို့; နိုင်သူက ပင်မဇနီး ဖြစ်မယ်!"
"တကယ်လား ကြိုက်တာပေါ့!"
လီရိုဝမ် ကလည်း အလားတူ မည်သူ့ကိုမျှ မညံ့ဘူး!
---
ပုလင်းဖေး က သူတို့ ပြန်တိုက်ခိုက်တော့မယ်ဆိုတာကို မြင်တော့ အတော်လေး စိတ်အနှောင့်အယှက် ဖြစ်သွားတယ်။
သူမ ချက်ချင်း ပြောလိုက်သည်- "တိုက်ကြ၊ တိုက်ကြ! မင်းတို့နှစ်ယောက် အခု တိုက်ကြ; ငါ ယောကျာ်း ကို သွားရှာမယ်၊ အချိန်တန်ရင် ငါတို့ အတူတူ နေလို့ရပြီ။
မင်းတို့ ကြိုက်သလို လုပ်ကြ!"
---
ဒီလိုပြောပြီးနောက် ပုလင်းဖေး က အလင်းတန်း အဖြစ် ပြောင်းလဲပြီး ချင်းယွင်ဂိုဏ်း ဆီသို့ အရှိန်အဟုန်ဖြင့် သွားလိုက်တယ်။
လီရိုဝမ် နှင့် ယွင်စီးဟွာ တို့ နှစ်ဦးလုံး တစ်ပြိုင်နက်တည်း မျက်မှောင်ကြုတ်လိုက်ကြတယ်။
သူတို့ ပုလင်းဖေး သူတို့ကို ကျော်တက်သွားတာကို မလိုချင်ကြဘူး။
ဒါကြောင့် သူတို့ အေးစက်စွာ တယောက်ကိုတယောက်ကြည့်ပီး သူ့နောက်သို့ အလျင်အမြန် လိုက်သွားကြသည်!
---
ချင်းယွင်ဂိုဏ်း ၏ ဝူကျီတောင်ထိပ် တွင်။
ယဲ့ယွီ သည် ဒီနေရာကို တစ်ဖန် ပြန်ရောက်လာခဲ့သည်။
စိတ်ခံစားမှု များ ပြင်းထန်လာတာကို ခံစားရတယ်။
ဘယ်သူက စိတ်ကူး နိုင်မှာလဲ?
တစ်ချိန်က အဆင့်နိမ့် တဲ့ ပြင်ပဂိုဏ်းသား တစ်ယောက်က ဒီလို တိုတောင်းတဲ့အချိန် အတွင်း ကြောက်မက်ဖွယ်ကောင်းတဲ့ ကပ်ဘေးဖြတ်ကျော်ခြင်းအဆင့် ကျင့်ကြံသူ တစ်ယောက် ဖြစ်လာနိုင်တယ်လို့?
---
ကောင်ကင်ဘုံတက်လှမ်းဖို့ မဖြစ်နိုင်တဲ့ သူတွေကြား မှာ။
ကပ်ဘေးဖြတ်ကျော်ခြင်းအဆင့် က အခြေခံအားဖြင့် ကျင့်ကြံမှုလောက ရဲ့ တိုက်ခိုက်ရေးစွမ်းအား ရဲ့ အထွတ်အထိပ် ပဲ။
သို့သော် ယဲ့ယွီ က သိပ်ပြီး ဂုဏ်ယူ တာ မခံစားရဘူး။
ဘာလို့လဲဆိုတော့ သူ ဒီကမ္ဘာမှာ။
ကောင်းကင်ဘုံတက်လှမ်းခြင်းနယ်ပယ်ကျင့်ကြံသူ နည်းနည်း မဟုတ်ဘူးဆိုတာကို သူ သိတယ်။
---
ဥပမာအားဖြင့် ဟုန်းလွမ် က သူတို့ထဲက တစ်ယောက် သေချာတယ်။
သူ အရင်က သူ့ကို ကြည့်တုန်းက သူက လောင်းကစား တိုင်း ရှုံးတဲ့ အရက်သမား တစ်ယောက်လို့ ထင်ခဲ့တာ။
ဒါပေမဲ့ အခုတော့ ဟုန်းလွမ် က တကယ်ကို အားကောင်း ပြီး ဖြစ်နိုင်တာက ကောင်းကင်ဘုံတက်လှမ်းခြင်းနယ်ပယ် ရဲ့ နောက်ပိုင်းအဆင့် မှာ ဒါမှမဟုတ် ထိပ်တန်းအဆင့် မှာ ရှိနေပြီး ဘယ်ချိန်မဆို တက်လှမ်း ဖို့ အသင့်ဖြစ်နေပြီ။
ရိုးရိုးသားသားပြောရရင် တကယ်ပဲ ရှုပ်ထွေး တယ်။
---
ဒီလို မကြာခင်မှာ နတ်ဘုရားမ ဖြစ်တော့မယ့် ကျင့်ကြံသူ တစ်ယောက်က တခြားသူတွေနဲ့ ဝိညာဉ်ကျောက်တုံး တွေ လောင်းကစားဖို့ ဘာလို့ ဒီလောက် စိတ်အားထက်သန် နေရတာလဲ?
တကယ်ပဲ ဒီလောက် စိတ်ဝင်စားစရာ ကောင်းတာလား?
ယဲ့ယွီ အတွေးများထဲ နစ်မြောနေတုန်းမှာ ရင်းနှီးတဲ့ aura တစ်ခု ပေါ်လာတယ်။
ယဲ့ယွီ ရဲ့ မျက်လုံးတွေ အံ့အားသင့်စွာ ပြူးကျယ်သွားတယ်။
---
သူ လှည့်ကြည့်လိုက်တော့ ရှီမူလင် က သူ့ရင်ခွင်ထဲကို ခုန်ဝင်နေပြီ။
သူမ သူ့ကိုယ်ပေါ်က အနံ့ကို လောဘကြီးစွာ ရှူရှိုက်နေတယ်။
တကယ်တော့ သူ အရမ်း ပျော်နေလို့ မျက်လုံးတောင် မှိတ်ထားတယ်။
---
ရပ်!
ရပ်!
ရပ်!
ယဲ့ယွီ ဟာ ရှီမူလင် ရဲ့ ချုပ်ကိုင်မှုကနေ သူ့ကိုယ်သူ လွတ်မြောက်အောင် ကြိုးစားရင်း အကြိမ်ကြိမ် နောက်ဆုတ်ခဲ့တယ်။
ဒါပေမဲ့ ဒီ ဒုတိယ အစ်မ က သူ့ကို ရေဘဝဲ တစ်ကောင်လို တွယ်ကပ်နေတယ်။
သူမရဲ့ ဖမ်းဆုပ်မှုက အံ့မခန်း တင်းကျပ်တယ်။
---
ယဲ့ယွီ ရုတ်တရက် မျက်ရည်မကျဘဲ ငိုချင်လာတယ်။
ကောင်းကင်!
ဒုတိယ အစ်မ ၊ မင်း တကယ် ဘာလုပ်ဖို့ ကြိုးစားနေတာလဲ?
ငါ့ရဲ့ ဘယ်အရာက ဒီလောက် ဆွဲဆောင်မှုရှိတဲ့ အနံ့ ရှိလို့ မင်းက ငါ့ကို ဒီလို တွယ်ကပ်နေရတာလဲ?
ပြောပါ; လိုအပ်ရင် ငါ ပြောင်းလဲလို့ရတယ်!
တစ်ယောက်ယောက်က ငါတို့ကို ဒီလို မြင်သွားရင်၊
---
ဒီညရဲ့ သူတော်စင်မ ကို ပြောရမယ့် ပုံပြင်များ ရဲ့ စတုတ္ထအပိုင်း ကို ကောင်းကောင်း ရောက်ရှိသွားနိုင်တယ်လို့ ငါ ကြောက်တယ်!