ကျောင်းသားအားလုံးတက်ကြွခြင်း ၁ ~
Vol. 4 Ch. 48
ကျောင်းကွင်းပြင်...
လင်းမို့သည် ကွင်းပြင်၏ အလယ်တွင် လက်နှစ်ဖက်ကို နောက်ပစ်ပြီး လှံတစ်ချောင်းအသွင် မတ်မတ် ရပ်နေ၏ ။ ကျွမ်းကျင်သူ တစ်ဦးကဲ့သို့ပင် ။
ဆရာ များ လာစောင့်ကြည့်နေကြသည် ။ ကျောင်းအုပ်ယန်လည်း လုပ်လက်စ အလုပ်များ ပစ်ထားခဲ့ကာ လာကြည့်နေ၏ ။
" အိုး... အဲ့ကလေးက လင်းမို့မှတ်လား... သူဒီလို ဟန်ဆောင်ပြမယ် ထင်မထားဘူး... "
ကျောင်းအုပ်ယန် က လင်းမို့အား ပထမဆုံးအကြိမ် မြင်ဖူးခြင်းဖြစ်သည် ။ လင်းမို့က ပညာရှင် တစ်ယောက်ကဲ့သို့ ဟန်ဆောင်နေသည်ကို မြင်လျှင် သူအံ့သြ မိသော်လည်း ခဏခြင်း နားလည်သွားသည် ။
လင်းမို့သည် တတိယနှစ်များကြားထဲတွင် အားအနည်းဆုံးဖြစ်သော်လည်း ပထမနှစ် နှင့် ဒုတိယနှစ် များနှင့် ယှဥ်လျှင် ဆရာကြီး ဖြစ်နေပေလိမ့်မည် ။
" ကျောင်းအုပ် ယန် ..."
ဆရာမလုက ချက်ချင်း သွားပြီး နှုတ်ဆက်လိုက်သည် ။ သူမက ရှင်းပြလိုက်၏ ။
" ဆရာ အရင်ခိုင်းထားတဲ့ ပထမနှစ်နဲ့ ဒုတိယနှစ်တွေကို လှုံ့ဆော်ဖို့... လင်းမို့ အကြံထုတ်လိုက်တာ... "
" မဆိုးဘူး... စိတ်ဝင်စားစရာ ကောင်းပါတယ်..."
ကျောင်းအုပ်ယန် က သဘောကျကာ ခေါင်းညိတ်လိုက်သည် ။ ပြီးနောက် သူက...
" လင်းမို့ရဲ့ ခွန်အားနဲ့ဆို ပြသနာမရှိလောက်ဘူးမှတ်လား... သူ ဒုတိယနှစ်တွေကိုတော့ မရှုံးလောက်ပါဘူးနော်... "
" လင်းမို့က တတိယနှစ်ထဲမှာ အားအနည်းဆုံး ဆိုပင်မဲ့ ဒုတိယနှစ်တွေနဲ့ တစ်ယောက်ချင်းချရင် နိုင်ပါတယ်... ပထမနှစ်တွေကတော့ ပြောစရာတောင် မလိုဘူး... "
ဆရာမလုက ရင်ဘက်ကို ပုတ်၍ ဂတိပေးလိုက်သည် ။
" အင်း... ငါလည်းထင်ပါတယ်... "
ကျောင်းအုပ်ယန်က ခေါင်းတဆက်ဆက်ညိတ်၍ ထောက်ခံလိုက်သည် ။
" တတိယနှစ်ရောက်ရင် ခန္ဓာကိုယ်က ဖွံ့ဖြိုးပြီးသွားပြီဆိုတော့ ဦးနှောက်နဲ့ ခန္ဓာကိုယ်က ပိုသန်မာတာပေါ့... တစ်ယောက်ချင်း ချမှာကိုတော့ မစိုးရိမ်ဘူး... အုပ်စုလိုက်ဝိုင်းရိုက်ခံရမှာ စိုးရိမ်တာ... "
ကျောင်းအုပ်ယန်က လင်းမို့၏ ခွန်အားကို ယုံကြည်သော်လည်း အုပ်စုလိုက် ဝိုင်းရိုက်ခံရမည်ကို စိုရိမ်မိသည် ။
သို့သော်လင်းမို့၏ လက်ရှိခွန်အားမှာ အုပ်စုလိုက် ဝိုင်းရိုက်လျှင်ပင် အကုန်သတ်နိုင်သည်ကိုတော့ ကျောင်းအုပ်ယန် မသိလိုက်ချေ ။
" စိတ်မပူပါနဲ့ရှင့် ကျွန်မအားလုံး စီစဥ်ပြီးပါပြီ..."
ဆရာမလုက...
" ပွဲထိန်းဖို့ ဆရာတွေအများကြီး ခေါ်ထားပါတယ်... တစ်ယောက်ချင်းပဲ ချခိုင်းမှာပါ..."
" နင်စီစဥ်ထားတာကောင်းတယ် ... အသေးစိတ် သေချာ စီစဥ်ထားတာပဲ... "
ကျောင်းအုပ်ယန်က စိတ်တိုင်းကျသွား၏ ။
" ရန်အန်... နင်က စာသင်တာလည်းကောင်းတယ်... စီစဥ်တာလည်း ကောင်းတယ်... အခွင့်အရေးရရင် နေရာရွှေ့ဖို့ ငါစဥ်းစားပေးမယ်... "
ဆရာမလု ထိုစကားကို ကြားလိုက်သည်နှင့် ဝမ်းသာသွားသည် ။ သူမ ရာထူးတိုးပေတော့မည် ။ သူမ ပို၍ပင် တက်ကြွသွား၏ ။
ပြောရင်းဆိုရင်းပင် ကျောင်းသားအုပ်ကြီးက ကျောင်းကွင်းပြင်သို့ ဒေါသတကြီး ပြေးလာကြသည် ။ ရာဂဏာန်းများစွာ ရှိလောက်သည် ။ ပထမနှစ် ၊ ဒုတိယနှစ်နှင့် တတိယနှစ်များပင် ပါဝင်လေသည် ။
ဆရာမလုက ကျောင်းအုပ်ယန်၏ ရှေ့တွင် သူမလုပ်ဆောင်နိုင်စွမ်း ပြချင်သည်ကို ထိန်းမရတော့ ။
" လင်းမို့ကို စိန်ခေါ်ချင်တဲ့ ပထမနှစ်နဲ့ ဒုတိယနှစ်တွေ နင်တို့ စာရင်းအရင်သွင်းရမယ်... တတိယနှစ်တွေ စာရင်းသွင်းဖို့ ကူညီပေးလိုက်ကြ ..."
တစ်ခနအတွင်း စာရင်းပေးသွင်းထားသည့် စာရွက်ရာဂဏာန်း ဆရာမလု၏ လက်ထဲသို့ ရောက်ရှိလာသည် ။
" လင်းမို့... "
ဆရာမလုက စိန်ခေါ်စာများကို သယ်၍ လင်းမို့ဆီသို့ လျောက်လာခဲ့သည် ။
" နင်အဆင့်သင့်ဖြစ်ရင် စလိုက်ရအောင်... "
" ဖြစ်ပါပြီ... "
လင်းမို့က အပေါ်ဆုံးမှ စိန်ခေါ်စာကို ယူလိုက်သည် ။
' အိုး... ပထမဆုံးက ဆရာကြီးဟ...'
စိန်ခေါ်စာတွင် မိတ်ဆက်ကို အတိုချုပ်သာ ဖော်ပြထားသည် ။
' ဟို့ဖန်း အတန်းတွင်း ပထမ... အတန်းအားလုံး တွင် အဆင့် ၁၆... '
လင်းမို့ ဆက်ဖတ်လိုက်တော့ သွေးအန်လုမတက် ဖြစ်သွားသည် ။
' အတန်း ပထမနှစ်... အခန်း ၇ ...လက်သီးပြင်းအား ၆၆၈ ကီလို... '
' ချီးးးး... ပထမနှစ် လက်သီးပြင်းအား ၆၆၈ ကီလိုက စိန်ခေါ်ရဲတယ်လား...'
လင်းမို့ အမူအရာမှာ ထူးဆန်းသွားသည် ။
ဆရာမလုလည်း လင်းမို့၏ လက်ထဲမှ စာရွက်ကို ယူကြည့်ပြီး ထူးဆန်းသော အမူအရာ ဖြင့် ...
" ဒီကလေးက ပထမနှစ်မှာ ပါရမီရှင် ဖြစ်တာနဲ့ တတိယနှစ်ကို စိန်ခေါ်လို့ရမယ်ထင်နေတာလား... ပထမနှစ်နဲ့ တတိယနှစ် ခွန်အားဘယ်လောက်ကွာလဲ မသိဘူးလား... "
" ဟို့ဖန်းက ဘယ်သူလည်း... "
လင်းမို့က စာရွက်ထောင်ပြပြီး မေးလိုက်သည် ။
" ငါ..."
ဝတုတ်တုတ် ဖက်တီးလေးက လူအုပ်အတွင်းမှ ရင်ကော့ပြီး ဖြေလိုက်၏ ။
" မင်း စိန်ခေါ်စာကို ပြန်ယူလိုက်ပါလား..."
လင်းမို့က ကြင်နာစွာ သတိပေးလိုက်သည် ။
" ဘာလဲ... ငါ့ကို ကြောက်လို့လား..."
ဖက်တီးလေးက လင်းမို့ပြောသည်ကို အကောင်းမမြင်ဘဲ ကွင်းထဲသို့ မောက်မာသည့်ဟန်ဖြင့် ဝင်လာခဲ့သည် ။
" မင်းကြောက်ရင် ဒူးထောက်ပြီး တောင်းပန်လိုက်... ငါသနားရင် လွှတ်ပေးလိုက်မယ်... "
ကြည့်နေကြသူများအားလုံး တိတ်ဆိတ်သွား၏ ။ ကျောင်းအုပ်ယန်နှင့် ဆရာများက ဟို့ဖန်းအား အရှုးတစ်ယောက်လို ကြည့်နေကြသည် ။
" ဒီ ဟို့ဖန်းက တတိယနှစ်တွေ ဘယ်လောက်သန်မာလဲ မသိဘူးပဲ..."
ဆရာတစ်ယောက်က သက်ပြင်းချလိုက်၏ ။
" ဘယ်အတန်းက ကျောင်းသားလဲ..."
ကျောင်းအုပ်ယန်က မေးလိုက်သည် ။
" သူ့ဆရာရှိလား... ဒီပွဲပြီးရင် သူ့ကို စိတ်ရောဂါကု ဆရာဝန်ဆီ ခေါ်သွားလိုက် ..."
လင်းမို့လည်း ဆွံ့အသွား၏ ။ သူကြင်နာပြနေသော်လည်း ထိုကလေးက အရိုက်ခံချင်နေသည် ။
" လာလာ ဖက်တီးလေး..."
လင်းမို့က လက်ယမ်းခေါ်လိုက်သည် ။
" ဟာဟာဟားးး မင်းလက်ခံရဲသားပဲ..."
ဟို့ဖန်းက လင်းမို့ဆီသို့ ရင်ကော့ကာ လျောက်လာရင်း တိုက်ရိုက်ထုတ်လွှင့်နေသော ကျောင်းသားထံ လှမ်းပြောလိုက်သည် ။
" ညိုကီ... တတိယနှစ်ကကောင်ကို ငါဘယ်လိုရိုက်တယ်ဆိုတာ ဓာတ်ပုံ ကောင်းကောင်းရိုက်ပေးထား..."
" ဟုတ်တယ်... သူ့ကိုရိုက်..."
" ပထမနှစ်တွေကို အထင်မသေးရဲအောင် ရိုက်ပစ်... "
" ဟို့ဖန်း... နင်က အချောဆုံး... "
တိုက်ရိုက်ထုတ်လွှင့်မှုကို ကြည့်နေကြသော ပထမနှစ်များကလည်း ဟို့ဖန်းကို အားပေးကြသည် ။
" ဟို့ဖန်း... မင်းလုပ်နိုင်တယ်... မင်းနိုင်မှာ..."
" ငါတို့ကို အနိုင်ကျင့်ရတာ မလွယ်မှန်း အဲ့ကောင်သိအောင် ရိုက်ပစ်... "
" အဲ့ကောင် ော က်ခွက် ဖြတ်ရိုက်ပစ်... "
ဟို့ဖန်းက သူ့အား ဝိုင်းချီးကျူးနေကြသဖြင့် မြောက်ကြွမြောက်ကြွ ဖြစ်နေ၏ ။
" အားလုံးပဲ... ငါတစ်ချက်ထဲနဲ့ အနိုင်ယူပြမယ်... "
ဟို့ဖန်းက သူ့အတန်းဖော်များကို လက်ပြလိုက်ပြီး မြေပြင်ပေါ်သို့ ပြင်းပြင်းထန်းထန်း နင်းချလိုက်ကာ ပြေးဝှေ့မည့် နွားတစ်ကောင်ကဲ့သို့ လင်းမို့ဆီသို့ ဦးတည်ထားလိုက်သည် ။
ပထမနှစ်များက ထိုမြင်ကွင်းကို မြင်လျှင် စိတ်လှုပ်ရှားသွားကြသည် ။
" ဟို့ဖန်းရဲ့ နာမည်ကျော် နွားဝှေ့ချက် ဟ... "
" ဟို့ဖန်းက တတိယနှစ်ကောင်ကို တစ်ချက်ထဲ အပြတ်လုပ်တော့မယ်ထင်တယ်... "
" တတိယနှစ်ခွေးတော့ ပျံဖူးတော့မယ်... "
" ဟို့ဖန်းက စိတ်မရှည်ဘူး... အနိုင်မယူခင် နဲနဲတော့ ရိုက်သင့်တယ်..."
" ဟိုကောင်က တတိယနှစ်ဆိုတော့ ဟို့ဖန်းက သတိထားနေတာ ထင်တယ်... သူ့အကျွမ်းကျင်ဆုံး သိုင်းကွက်နဲ့ တစ်ဘက်ကို အခွင့်အရေးမပေးတော့ဘူး..."
' ဘာကောင်တုန်းဟ...'
ဟို့ဖန်း၏ တိုက်ကွက်ကို မြင်လျှင် လင်းမို့ အံ့သြ သွား၏ ။ တခြားသူများ တိုက်ခိုက်လျှင် အားနည်းသည့်နေရာများအား အဓိက ကာကွယ်ကြသော်လည်း ဤဖက်တီးက ခေါင်းမော့၍ မျက်နှာ ရှေ့ထိုးပေးထားသည် ။ လင်းမို့ ပါးရိုက်ပစ်ချင်စိတ် ထိန်းမရတော့ ။
ဟို့ဖန်းက အားကုန် ပြေးဝင်လာသည်နှင့် အားပေးသံများ ဆူညံသွားသည် ။ လင်းမို့က လက်ကိုမြှောက်ပြီး...
" ဖြောင်းးး..."
သူရိုက်လိုက်သည့်အားကြောင့် ဟို့ဖန်၏ လည်ပင်းကြီး လိမ်သွားပြီး ဘေးသို့ ပျံတက်သွားသည် ။
" ဝှီးးးး..."
" ဘုန်း..."
ကြည့်နေကြသော ကျောင်းသားများ ပါးရိုက်သံ အကျယ်ကြီးနှင့် ပျံတက်သွားသော ဝက်ပျံကြီးကို မြင်လိုက်ကြရသည် ။