အခန်း (၁၆၃)

ဂါးရက် နော့ဒ်မတ်သည် ငြိမ်သက်စွာ နေပြီး ပထမဦးစွာ အာထရာဆောင်း၏ နိယာမများကို ပြန်လည်အမှတ်ရခဲ့သည်။ ရိုးရိုးသားသားပြောရလျှင် အာထရာဆောင်း စစ်ဆေးမှုများသည် ရုပ်ပုံဌာန၏ နယ်ပယ်ဖြစ်သည်။ အခြားဘဝမှ အရေးပေါ်ဆရာဝန်ဟောင်းတစ်ဦးအနေဖြင့် သူသည် မည်သည့်လက္ခဏာများအတွက် အာထရာဆောင်းလိုအပ်သည်နှင့် မည်သည့်အခြေအနေများတွင် မည်ကဲ့သို့သော စစ်ဆေးမှုမျိုး လိုအပ်သည်ကိုသာ မှတ်မိရန် လိုအပ်သည်။

စစ်ဆေးမှုရလဒ်တွေကကော…

၎င်းတို့အားလုံးကို အစီရင်ခံစာတွင် ရေးသားထားပြီး ပုံရိပ်များပင် သူ့ကိုယ်တိုင် ခွဲခြားသိမြင်

ရန် မလိုအပ်ပေ။ သူ ကောင်းကောင်း မြင်နိုင်ပါက ကောင်းသည်။ မမြင်နိုင်ပါကလည်း ပြဿနာကြီးကြီးမားမား မရှိပေ။

အာထရာဆောင်း၏ နိယာမတွေကကော…

“Medical Imaging” စာအုပ်တွင် ဖတ်ဖူးသည်ကို သူ မှတ်မိသော်လည်း သူ့ဘဝကူးပြောင်းစဉ်က မှတ်ဉာဏ်မြှင့်တင်မှု မရှိခဲ့ပါက ထိုစာအုပ်က အမှန်တကယ် ဘာပြောခဲ့သည်ကို သူ သတိရနိုင်မည်မဟုတ်ပေ။

အင်း...

ဂါးရက်သည် သူ့စိတ်ထဲရှိ “Medical Imaging” စာအုပ်၏ စာမျက်နှာများကို ဖြည်းဖြည်းချင်း လှန်လှောကြည့်သည်။ ကံကောင်းစွာဖြင့် ပထမအခန်းတွင် သူလိုအပ်သော အချက်အလက်များ ရှိနေသည်။

အာထရာဆောင်းသည် ၁ မှ ၁၀ မီဂါဟက်ဇ်ရှိသော အာထရာဆောင်းလှိုင်းများကို အသုံးပြုပြီး လူ့ခန္ဓာကိုယ်၏ တစ်ရှူးများမှတစ်ဆင့် ပျံ့နှံ့စေသည်။ မတူညီသော ကိုယ်တွင်းအင်္ဂါများနှင့် တစ်ရှူးများ၊ သာမန်နှင့် ရောဂါဖြစ်နေသော တစ်ရှူးလွှာများကို ဖြတ်သန်းသွားသောအခါ နှစ်ဖက်ရှိ အသံဆိုင်ရာ ခုခံအားမတူညီမှုကြောင့် မျက်နှာပြင်တစ်ခုစီသည် လှိုင်းများကို မတူညီသောအတိုင်းအတာအထိ ရောင်ပြန်ဟပ်ခြင်း သို့မဟုတ် ပြန့်ကျဲစေသည်။

ဤရောင်ပြန်ဟပ်မှုများကြောင့် ဖြစ်ပေါ်လာသော အသံပဲ့တင်ထပ်မှု သို့မဟုတ် ပြန့်ကျဲမှုများနှင့် မတူညီသော တစ်ရှူးများကို ဖြတ်သန်းသွားသော အာထရာဆောင်းမှ အားနည်းသွားသော အချက်အလက်များကို လက်ခံ၍ ချဲ့ထွင်ကာ ပြုပြင်သည်။ ၎င်းတို့ကို ဖန်သားပြင်ပေါ်တွင် ပုံရိပ်များ သို့မဟုတ် လှိုင်းပုံသဏ္ဍာန်များအဖြစ် ပြသကာ sonogram တစ်ခုကို ဖန်တီးသည်။

(T/L Sonogram ဆိုတာ Ultrasound လို့လည်း ခေါ်တဲ့ ဆေးပညာဆိုင်ရာ ရုပ်ပုံဖော်နည်းပညာတစ်ခု ဖြစ်ပါတယ်။ အသံလှိုင်းတွေကို အသုံးပြုပြီး ခန္ဓာကိုယ်အတွင်းမှာရှိတဲ့ ကိုယ်တွင်းအင်္ဂါတွေ၊ တစ်ရှူးတွေနဲ့ အခြားဖွဲ့စည်းပုံတွေကို ပုံရိပ်ဖော်တာပါ။ Sonogram ရိုက်တယ်ဆိုတာ Ultrasound စက်နဲ့ စစ်ဆေးမှုကို ခံယူတာဖြစ်ပြီး အဲ့ဒီစစ်ဆေးမှုကနေ ရရှိလာတဲ့ ပုံရိပ်တွေကို Sonogram လို့ ခေါ်တာပါ)

ဂါးရက်သည် အသံပဲ့တင်ထပ်မှု မှော်ပညာကို ပြန်လည်အမှတ်ရခဲ့သည်။ ဖန်သားပြင်ပေါ်တွင် ပုံရိပ်များ သို့မဟုတ် လှိုင်းပုံသဏ္ဍာန်များကို ပြသသည့် အဆင့်ကို မှော်ဆရာတစ်ဦး၏ တရားထိုင်နေသော ပတ်ဝန်းကျင်က တိုက်ရိုက်လုပ်ဆောင်ပေးသည်။ ၎င်းသည် မှော်ဆရာသည် လင်းနို့ကဲ့သို့ မျက်လုံးများကို ယာယီရရှိပြီး ပဲ့တင်ထပ်မှုများဖြင့် ပုံဖော်ထားသော ပုံသဏ္ဍာန်များကို တိုက်ရိုက် မြင်ရခြင်းနှင့် တူသည်။

ကျေးဇူးတင်စရာမှာ တရားထိုင်ခြင်းက “မြင်ခြင်း” လုပ်ငန်းစဉ်ကို ကိုင်တွယ်နိုင်ခြင်းဖြစ်သည်။ မဟုတ်ရင် ဒီလို အလယ်ခေတ်လို နည်းပညာပတ်ဝန်းကျင်မျိုးမှာ ဖန်သားပြင်ကို ဘယ်မှာရှာရမယ်ဆိုတာ သူ မသိပေ။

ကွန်ပျူတာဆိုတာကိုတော့ မပြောနဲ့တော့။

နောက်တစ်ခုက “အာထရာဆောင်းလှိုင်းများ ထုတ်လွှတ်ခြင်း” ကိစ္စဖြစ်သည်ာာ

သြော် ဟုတ်သားပဲ။ ငါ coupling agent ကို ရှာဖို့ လိုအပ်တယ်။

(T/L Coupling agent ဆိုတာက မတူညီတဲ့ ပစ္စည်းနှစ်ခုကို ဓာတုဗေဒနည်းအရ ချိတ်ဆက်ပေးတဲ့ ဓာတုပစ္စည်းတစ်မျိုးပါ။ အများအားဖြင့်ဆိုရင် အော်ဂဲနစ်ပစ္စည်းနဲ့ အော်ဂဲနစ်မဟုတ်တဲ့ပစ္စည်းတို့ကို ပေါင်းစပ်တဲ့အခါမှာ အလယ်ကနေ "တံတား" တစ်ခုလို ချိတ်ဆက်ပေးတာကြောင့် ပေါင်းစပ်ပစ္စည်းရဲ့ ဂုဏ်သတ္တိတွေကို ပိုမိုကောင်းမွန်လာအောင် လုပ်ဆောင်ပေးပါတယ်)

ယခင် အာထရာဆောင်း စစ်ဆေးမှုများအတွင်း သူတို့သည် လူနာ၏အရေပြားပေါ်တွင် coupling agent ကို လိမ်းပြီး အာထရာဆောင်းစုံစမ်းစစ်ဆေးမှုကို ၎င်းနှင့် ကပ်၍ ဖိထားရသည်။ ၎င်းမရှိဘဲ အာထရာဆောင်းစုံစမ်းစစ်ဆေးမှုပတ်ဝန်းကျင်ရှိ လေများကို ဖယ်ရှား၍ ဆေးပညာအဆင့်မြင့် ကြိမ်နှုန်းမြင့် အာထရာဆောင်းလှိုင်းများကို လူ့ခန္ဓာကိုယ်အတွင်းသို့ ထုတ်လွှတ်နိုင်မည်မဟုတ်ပေ။

“ဘားနတ် လာပြီး ယုန်ကို အမွေးရိတ်ပေး”

ဂါးရက်သည် ကျယ်လောင်စွာ အော်လိုက်သည်။ လူရိုင်းကြီးသည် အပြေးရောက်လာပြီး ဂါးရက်က သူ့ကို ထိုအလုပ် ပေးလိုက်ကာ သူကတော့ coupling agent အတွက် အစားထိုးပစ္စည်းကို ရှာဖွေသည်။

ရေ... မဖြစ်နိုင်ဘူး။ အစေးဓာတ်မရှိဘူး။ ချက်ချင်း စီးဆင်းသွားလိမ့်မယ်။

အရက်... မဖြစ်နိုင်ဘူး မသင့်တော်ဘူး။

ရေနှင့် အစေးဓာတ်ဆင်တူပြီး အရေပြားကို ယားယံစေတယ်။

ရှားစောင်းလက်ပတ်ဂျယ်... စေးကပ်ပြီး စီးဆင်းမှုရှိတယ်။ ဖြစ်နိုင်ချေရှိပုံပဲ။ ပြဿနာက ဒါက ဆောင်းတွင်းဖြစ်နေပြီး ရှားစောင်းလက်ပတ်ဂျယ်ကို ဘယ်မှာရှာရမလဲ။

Glycerin ကော။

ဂါးရက်သည် သူ၏ ဓာတ်ခွဲခန်းကို ကြည့်ပြီး သက်ပြင်းချလိုက်သည်။ သူ ဘဝကူးပြောင်းလာသည့်အချိန်မှစ၍ အတော်အတန်ကြာမြင့်ခဲ့ပြီး သူသည် ဒီကိစ္စနှင့် ဟိုကိစ္စဖြင့် အလုပ်များနေခဲ့ကာ Glycerin ကို မပြုလုပ်ရသေးပေ။

(T/L Glycerin ဆိုတာကတော့ အရောင်မရှိ၊ အနံ့မရှိ၊ ချိုတဲ့အရသာရှိပြီး ပျစ်ချွဲတဲ့အရည်တစ်မျိုးပါ)

လက်ရှိအချိန်မှာတော့ ဒီအရာကို အမြန်ဆုံးလုပ်ရမယ်။

ဂါးရက်သည် သူ့၏စမ်းသပ်မှုအစီအစဉ်တွင် မှတ်စုတစ်ခုကို တိတ်တဆိတ် ထည့်လိုက်ပြီး ဆက်လက်ရှာဖွေနေခဲ့သည်။ Glycerin က ကုန်သွားပြီဆိုတော့ ပဲပုပ်ဆီကော သံလွင်ဆီကောနှင်းဆီဆီကော။

ငါရဲ့သေတ္တာထဲမှာ နှင်းဆီဆီ ဘာလို့ရှိနေတာလဲ။

“ဂါးရက် ယုန်ရဲ့ အမွေးတွေ ရိတ်ပြီးပြီ”

အခန်း၏တစ်ဖက်မှ ဘားနတ်က အော်ပြောလိုက်သည်။ ဂါးရက်သည် စားသုံးဆီပုလင်းနှစ်

ပုလင်းကို တစ်ဖက်စီ မွှေးရနံ့ပါသော မရှိမဖြစ်လိုအပ်သည့် ဆီပုလင်းများစွာကို တစ်ဖက်နှင့် ကိုင်၍ အပြေးသွားလိုက်သည်။

“...ဘာလို့ တစ်ကိုယ်လုံးကို ရိတ်ပစ်တာလဲ”

သူ့ဗိုက်ကိုပဲ ရိတ်ဖို့ လိုတာ... စကားနည်းနည်းပဲ ပြောတာ ကောင်းတယ်။ ဒီယုန်လေးက အမွေးတွေအကုန် ရိတ်ထားလို့ အရမ်း ရုပ်ဆိုးနေတယ်။

ဒါပေမယ့် အခုညည်းညူနေတာ အဓိပ္ပာယ်မရှိတော့ဘူး။ ဂါးရက်သည် ပုလင်းများကို ဖွင့်

လိုက်ပြီး ပဲပုပ်ဆီတစ်ခွက်ကို ယုန်၏ဗိုက်ပေါ် လောင်းချလိုက်သည်။

အပေါဆုံးဆီပဲ။

ထို့နောက် သူ့လက်ချောင်းများကို ယုန်၏ ဝမ်းဗိုက်ပေါ် ဖိလိုက်သည်။ အခြားတစ်ဖက်ဖြင့် လင်းနို့ကို ဆွဲကိုင်လိုက်ပြီး အသက်ပြင်းပြင်း ရှူသွင်းကာ အာရုံစူးစိုက်လိုက်ပြီး မှော်ပညာကို အသက်သွင်းလိုက်သည်။

ထိန်းချုပ်ထားသော အာထရာဆောင်းလှိုင်းများသည် သူ၏ညာဘက်လက်ချောင်းထိပ်မှ ထွက်ပေါ်လာပြီး coupling agent မှတစ်ဆင့် ယုန်၏ခန္ဓာကိုယ်ထဲသို့ ဝင်ရောက်သွားသည်။

အင်း... ရှင်းရှင်းလင်းလင်း မမြင်ရဘူး။

ပြင်းအားကို နည်းနည်းလေး တိုးကြည့်ရမလား။

အခုထိ မမြင်ရသေးဘူး။ အာထရာဆောင်းကနေ ပြန်လာတဲ့ ပုံရိပ်က အရမ်းမှုန်ဝါးနေတယ်။ ဒါ့အပြင် ပုံရိပ်ထဲမှာ ယုန်အောက်က လှောင်အိမ်၊ လှောင်အိမ်အောက်က သစ်သားဗီရို၊ ဗီရိုအောက်က ကြမ်းပြင်အထိ ပါဝင်နေသည်...

coupling agent ကြောင့်လား။ ဂါးရက်သည် အဝတ်တစ်စကို ဆွဲယူကာ ပဲပုပ်ဆီကို သုတ်ပစ်ကာ သန့်ရှင်းရေးလုပ်ပြီး သံလွင်ဆီကို လောင်းချလိုက်သည်။ ကြည်လင်တောက်ပသော အရည်သည် ယုန်၏ဗိုက်ပေါ် စီးဆင်းသွားသည်။ ဂါးရက်၏ မျက်ခုံးများ လှုပ်ခတ်သွားသည်။ သူ၏နှလုံးရှေ့ပိုင်းတွင် ပြင်းထန်သော နာကျင်မှုကို ခံစားလိုက်ရသည်။ မမြင်ရသော လက်တစ်ဖက်က ပြင်းပြင်းထန်ထန် လိမ်နေသလိုပင်။

ပိုက်ဆံ။

အားလုံးက ပိုက်ဆံအကြောင်းပဲ။

သံလွင်ဆီက တန်ဖိုးရှိတယ်။ တန်ဖိုးရှိတယ်၊ တန်ဖိုးရှိတယ်။ ဒီပုလင်းသေးသေးလေးကို ရွှေဒင်္ဂါးတစ်ပြားနဲ့တောင် ဝယ်လို့မရဘူး။

သြော် သံလွင်ဆီက coupling agent အဖြစ် ပိုကောင်းပုံရတယ်။ အာထရာဆောင်းရဲ့ တုံ့ပြန်မှုက သိပ်မဆူညံဘူး။ အသံဆိုင်ရာ လျှပ်ကူးနိုင်စွမ်း နည်းပါးပြီး အသံလှိုင်းများ ဖြတ်သန်းမှုကို အနှောင့်အယှက်ပေးနိုင်တဲ့ အခြားအညစ်အကြေးတွေ ပါဝင်တဲ့ အရည်အချို့ရှိတယ်လို့ တစ်နေရာရာမှာ ကြားဖူးသလိုပဲ။ မတူညီတဲ့အမျိုးအစားတွေကို စမ်းကြည့်တာ မှန်ကန်ပါတယ်...

ဒါပေမယ့် သံလွင်ဆီရဲ့ ကြည်လင်မှုက ငါ့ရဲ့ မျှော်မှန်းချက်နဲ့ အလှမ်းဝေးနေတုန်းပဲ။

သူ့၏ စိတ်ပျက်အားငယ်မှုကို ထိန်းထားရင်း သူသည် ချိုမြိန်သော ဗာဒံဆီ၊ ပန်းသီးစေ့ဆီ၊ နှင်းဆီဆီ စသဖြင့် စမ်းသပ်ကြည့်သည်...

တစ်ပုလင်းကို ရွှေဒင်္ဂါး ၂ ပြား။

တစ်ပုလင်းကို ရွှေဒင်္ဂါး ၅ ပြား။

တစ်ပုလင်းကို ရွှေဒင်္ဂါး ၁၂ ပြား!

ဒင် ဒင် ဒင် ဒင် ဒင် ဒင်...

ထိုပုလင်းများမှ စီးဆင်းလာသော အရည်များသည် coupling agent များအတွက် အစားထိုးပစ္စည်းများမဟုတ်ဘဲ အားလုံးက ပိုက်ဆံများသာဖြစ်သည်။

ဂါးရက်၏မျက်နှာမှာ ပုံပျက်ပန်းပျက်ဖြစ်သွားပြန်သည်။ ကံကောင်းစွာဖြင့် ထိုဆီအများစုကို သူဝယ်ယူခဲ့ရခြင်းမဟုတ်ဘဲ အချို့မှာ စစ်ပွဲမှရရှိသောပစ္စည်းများ အချို့မှာ မှော်ကောင်စီမှ စမ်းသပ်ပစ္စည်းအဖြစ်ရရှိခဲ့ခြင်းများ အချို့မှာ အကူအညီလာပေးသော မှော်ဆရာများ ချန်ထားခဲ့သည့်အရာများဖြစ်သည်။ စမ်းသပ်မှုများပြီးဆုံးသည့်အခါတွင်မူ အားလုံးက သူ၏ပိုင်ဆိုင်မှုများ ဖြစ်သွားခဲ့သည်။ အကယ်၍ ဤပစ္စည်းများကို သူဝယ်ယူအသုံးပြုရမည်ဆိုပါက ဂါးရက် ချက်ချင်း ဒေဝါလီခံရမည်မှာ သေချာသည်။

တစ်ပတ်ခန့်ကြာအောင် စမ်းသပ်ကြည့်သည့်အခါတွင် ချိုသောဗာဒံဆီက အကောင်းဆုံးအကျိုးသက်ရောက်မှု ရှိပုံရသည်။ သို့သော် သူသည် ယုန်၏အရိုးများကိုသာ မှုံဝါးဝါး မြင်နိုင်ခဲ့သည်။ ဂါးရက် သက်ပြင်းချလိုက်သည်။ ဤနည်းပညာလမ်းကြောင်းပေါ်တွင် coupling agent ကို တိုးတက်အောင်လုပ်ရန် နည်းလမ်းမရှိတော့ပေ။

ဒါမှမဟုတ်... အာထရာဆောင်းလှိုင်းရဲ့ ပြင်းအားကို တိုးလိုက်ရင်ရော…

မှော်ပညာပုံစံကို ချိန်ညှိလိုက်။

ထုတ်လွှတ်အားကို တိုးလိုက်။

အိုး ယုန်က သွေးအန်နေပြီ...

သူ မှော်ပညာကို ထုတ်လွှတ်ခြင်း ရပ်လိုက်ပြီး ဘားနတ်လည်း သူ၏လက်ကို လွှတ်ပေးလိုက်သည်။ မြက်ယုန်လေးသည် လှောင်အိမ်အောက်တွင် လဲလျောင်းနေပြီး ခြေထောက်များကို အားနည်းစွာ ရုန်းကန်နေသည်။ ထရန်ကြိုးစားသော်လည်း အားမရှိပေ။ သူ့ပါးစပ်မှ သွေးများ အဆက်မပြတ် စီးကျနေသည်။ ဂါးရက်က ခဏမျှ စိုက်ကြည့်နေစဉ်တွင် ယုန်လေးက ခေါင်းစောင်းကာ သေဆုံးသွားသည်။

“သေသွားပြီလား”

ဂါးရက် တွေးလိုက်သည်။

အာထရာဆောင်းလှိုင်းရဲ့ စွမ်းအားလွန်ကဲမှုကြောင့် ယုန်သေသွားတာလား။

အာထရာဆောင်းကြောင့်လား။

သံသယရှိပါက ခွဲစိတ်ကြည့်သင့်သည်ဟု ဆုံးဖြတ်လိုက်သည်။ ဂါးရက်သည် သေနေသောယုန်ကို ခွဲစိတ်စားပွဲပေါ်တင်လိုက်ပြီး သူ့လက်များကို ပွတ်တိုက်ကာ ခွဲစိတ်ရန် စတင်လိုက်သည်။ ဘားနတ်သည် သူ၏နောက်မှနေ၍ ဓားနှင့်ကတ်ကြေးများကို ပေးရင်း လိုက်ပါကြည့်ရှုနေသည်။ ဂါးရက်သည် အမွေးများနှင့် အရိုးများကို ခလုတ်ခလောက်အသံများဖြင့် ခုတ်ထစ်နေစဉ်တွင် ဘားနတ်က ရုတ်တရက် မေးလိုက်သည်။

“ဒါဆို ဒီည... ယုန်ကင်စားရမှာလား”

ဂါးရက်: "..."

ဒါဆို ဘာလဲ။

ဘာကိုလဲ။

ငါက မင်းစားဖို့အတွက် ယုန်ကို ပြင်ဆင်ဖို့ အာထရာဆောင်းစမ်းသပ်မှု လုပ်နေတာလား။

ငါ့ကို သေရခြင်းအကြောင်းရင်းကို အရင်သိအောင်လုပ်ပါရစေ ပြီးမှ စားဖို့ စဉ်းစားကြတာပေါ့။