ကိုယ်ခန္ဓာ သန့်စင်ခြင်း ကျင့်ကြံမှုအဆင့် မြင့်တက်ခြင်း၊ သန်းနှင့်ချီသော ဝိညာဉ်အရည်များ။

ဤသရုပ်ပြခြင်း ဆုလာဘ် ရွေးချယ်မှုအတွက် စုရှင်းသည် အများကြီး တွန့်ဆုတ်မနေခဲ့ပေ။

အကြောင်းမှာ "ကျောက်ကို ရွှေဖြစ်စေ" ဟူသော စွမ်းရည်သည် လက်ရှိအချိန်တွင် သူ့အတွက် အသုံးမဝင်သေးပေ။

သူလိုချင်သည်မှာ ဝိညာဉ်အရည် ၃.၈ သန်းနှင့် လွတ်မြောက်ခြင်း ဖြိုခွင်းနယ်ပယ် ပဉ္စမအဆင့် ကျင့်ကြံမှုအဆင့်သာ ဖြစ်သည်။

"ကျင့်ကြံခြင်း အဆင့်နဲ့ ဝိညာဉ်အရည် ပေါင်းလိုက်ရင် စုစုပေါင်း စွမ်းအင် သန်းရှစ်ရာနီးပါး လိုအပ်လိမ့်မယ်"

စုရှင်းသည် မျက်မှောင်ကြုတ်လိုက်သည်။ သူ့၏လက်ရှိ စွမ်းအင်သည် အများဆုံးမှ သန်းခြောက်ရာပင် မပြည့်သေးပေ။

"နောက်တစ်ပတ် အတွက် ပစ္စည်းတွေနဲ့တောင် လဲလှယ်ဖို့က မလုံလောက်တဲ့ပုံဘဲ"

"ဒါဆိုရင်တော့ မလွှဲရှောင်သာတော့ဘူး။ ကျင့်ကြံသူကျုံးရဲ့ အမွေအနှစ် အချို့ကို ထုတ်ယူရတော့မှာပဲ"

စုရှင်းသည် ခေါင်းကို အနည်းငယ် ညိတ်လိုက်၏။

ကျင့်ကြံသူကျုံး၏ သိုလှောင်အိတ်ထဲရှိ အရာအားလုံးသည် စုရှင်းအတွက် အသုံးဝင်မည် မဟုတ်ပေ။

နတ်ဘုရား ပစ္စည်းများ၊ ကျင့်ကြံမှု ကျင့်စဉ်များ၊ ဝိညာဉ်ဆေးများ၊ ဆေးလုံးများ...

ထိုဝိညာဉ်ကျောက်များမှအပ။

ကျင့်ကြံသူကျုံးသည် ဆိုးယုတ်သော ကျင့်ကြံသူ ဖြစ်သောကြောင့် သူ၏ဘဏ္ဍာများစွာသည် အခြေခံကို ထိခိုက်စေနိုင်သည် သို့မဟုတ် လူ့ဝိညာဉ်များအား သွေးဖြင့် ယဇ်ပူဇော်ရန် လိုအပ်သည်များ ရှိနေသေးသည်။

ကောင်းကင်ဘုံကို စိန်ခေါ်နိုင်သော လိမ်လည်မှုတစ်ခု ဖြစ်သည့် သရုပ်ပြခြင်း နှင့်အတူ စုရှင်းသည် သူ၏အနာဂတ် အလားအလာကို ထိခိုက်စေနိုင်သည့် ဤအရာများကို အသုံးပြုရန် လုံးဝ မလိုအပ်ပေ။

ထို့ကြောင့် စုရှင်းသည် ၎င်းတို့ကို အရင်က စီစစ်ကတည်းကပင် ဘဏ္ဍာအချို့ကို သရုပ်ပြခြင်း စွမ်းအင်နှင့် လဲလှယ်ရန် ပြင်ဆင်ထားခဲ့သည်။

စုရှင်း၏ အတွေးများ ရွေ့လျားသွားပြီး သူသည် ဘဏ္ဍာတစ်သုတ်ကို ထုတ်ယူလိုက်သည်။

"စွမ်းအင်နဲ့ လဲလှယ်မယ်"

[ဒင်၊ စွမ်းအင် အပိုင်းအစများ ပါဝင်သည့် ဆိုးယုတ်သော နတ်ဘုရား ပစ္စည်းများကို တွေ့ရှိရသည်။ တန်ဖိုးမှာ စွမ်းအင် ၃ သန်း ဖြစ်သည်။ စုပ်ယူလိုပါသလား။]

စုရှင်း ထုတ်ယူခဲ့သော ဘဏ္ဍာသည် ကျင့်ကြံသူကျုံး အရင်က အသုံးပြုခဲ့သည့် အရိုးဓား ဖြစ်သည်။

အရိုးဓားသည် သင့်လျော်သော နတ်ဘုရား ပစ္စည်းတစ်ခု ဖြစ်သော်လည်း စုရှင်းတွင် ပိုကောင်းသော မူလပစ္စည်းဖြစ်သည့် မော့ပင်း ရှိနှင့်ပြီးဖြစ်ရာ ၎င်းသည် သူ့အတွက် အသုံးမဝင်ပေ။

ဤကဲ့သို့ပင် အသုံးမဝင်သော အရာများစွာ ရှိသေးသည်။

"စုပ်ယူရန် အတည်ပြုပါသည်"

စုရှင်းသည် တိတ်ဆိတ်စွာ အမိန့်ပေးခဲ့သည်။ ထို့နောက် အသုံးမဝင်သော ဤပစ္စည်းများ တစ်ခုပြီးတစ်ခုကို စွမ်းအင်နှင့် လဲလှယ်ခဲ့သည်။

[ဒင်၊ စွမ်းအင် အပိုင်းအစများ ပါဝင်သည့် ပစ္စည်းများအား တွေ့ရှိသည်။ တန်ဖိုးမှာ စွမ်းအင် ၅.၃ သန်း ဖြစ်သည်။ စုပ်ယူလိုပါသလား။]

[ဒင်၊ စွမ်းအင် အပိုင်းအစများ ပါဝင်သည့် ပစ္စည်းများကို တွေ့ရှိရသည်။ တန်ဖိုးမှာ စွမ်းအင် ၂.၇ သန်း ဖြစ်သည်။ စုပ်ယူလိုပါသလား။]

[ဒင်... ]

စုရှင်း၏ နားဘေးတွင် အသံများ ဆက်တိုက် ထွက်ပေါ်လာသည်။

စုရှင်းသည် ဤအသုံးမဝင်သော ပစ္စည်းများ အားလုံးကို မရွေးချယ်ဘဲ စွမ်းအင်နှင့် လဲလှယ်ခဲ့သည်။ သန်းသုံးရာခန့်ကို သရုပ်ပြခြင်း စွမ်းအင်နှင့် လဲလှယ်ခဲ့သည်။

"ကောင်းပါတယ်။ ဒီအသုံးမဝင်တဲ့ ဘဏ္ဍာတွေကို စွမ်းအင်နဲ့ လဲလှယ်တာက တန်ဖိုးအရှိဆုံးပဲ"

စုရှင်းသည် ကျေနပ်စွာ ခေါင်းညိတ်လိုက်သည်။

ထို့နောက် အတွေးတစ်ခု ပေါ်လာသည်။ သူသည် ကျင့်ကြံသူကျုံး၏ သိုလှောင်အိတ်ထဲမှ ပစ္စည်းများ အားလုံး၏ တန်ဖိုး မည်မျှရှိသည်ကို ကြည့်ရန် ဆန္ဒရှိလာသည်။

[ဒင်၊ များပြားလှသော စွမ်းအင်များ ပါဝင်သည့် ပစ္စည်းများကို စုပေါင်း တွေ့ရှိရသည်။ စုစုပေါင်းတန်ဖိုးမှာ စွမ်းအင် ၁.၂ ဘီလီယံ ဖြစ်သည်။ လဲလှယ်လိုပါသလား။]

"မလဲလှယ်ဘူး!"

စုရှင်းသည် ပြတ်ပြတ်သားသား ငြင်းပယ်လိုက်သည်။

"ဒီလိုဆိုရင် အရင်က သန်းသုံးရာကိုပါ ပေါင်းလိုက်ရင် သိုလှောင်အိတ် တစ်ခုလုံးမှာရှိတဲ့ ပစ္စည်းတွေရဲ့ စုစုပေါင်း တန်ဖိုးက စွမ်းအင် ၁.၅ ဘီလီယံခန့်‌ပေါ့။"

"အဟမ်း~ တကယ်လို့သာ ငါ ဒါတွေကို သရုပ်ပြခြင်းထဲကနေ ထုတ်ယူခဲ့မယ်ဆိုရင် အနည်းဆုံး ၁၅ ဘီလီယံ ကုန်ကျနိုင်တာပေါ့"

"ချီး... မတတ်နိုင်ဘူး။ တကယ် မတတ်နိုင်ဘူးဟ!"

စုရှင်း၏ နှုတ်ခမ်းသည် အနည်းငယ် ကော့ညွတ်သွားသည်။ ကျင့်ကြံသူကျုံး သူ့အတွက် ချန်ထားခဲ့သည့် အမွေအနှစ်အပေါ် သူ အလွန် ကျေနပ်နေသည်။

ကျင့်ကြံသူကျုံး၏ သိုလှောင်အိတ်ထဲမှ ပစ္စည်းများသည် အလွန်များပြားပြီး ရှုပ်ထွေးလှသည်။ နှစ်ထောင်ပေါင်းများစွာ စုဆောင်းထားခြင်းဖြစ်သည့် အတွက် စုရှင်းပင်လျှင် ၎င်းတို့အားလုံးကို ရေတွက်၍ မကုန်နိုင်ပေ။

ထို့‌ပြင် စွမ်းအင် ၁.၅ ဘီလီယံ တန်ဖိုးရှိသာ့် ပစ္စည်းများထဲတွင် အနည်းဆုံး တစ်ဝက်ခန့်သည် စုရှင်းအတွက် အသုံးမဝင်ပေ။

သို့သော် ကျန်ရှိသော ပစ္စည်းများ၏ တန်ဖိုးသည်လည်း စုရှင်းအတွက် စွမ်းအင် ဘီလီယံ ၁၀ အောက် မလျော့နည်းပေ။

အထူးသဖြင့် စုရှင်း၌ ကျင့်ကြံခြင်း လောကတွင် ရှိနေသည့် ကွက်လပ်အချို့ကို ဖြည့်ဆည်းရာတွင် အလွန် အသုံးဝင်သည်။

"ချီး...ဒီကျင့်ကြံသူကျုံးရဲ့ ဘဏ္ဍာတွေ အားလုံးကို အပြည့်အဝ အသုံးပြုပြီးရင်တော့ ငါ့ရဲ့ ကျင့်ကြံခြင်းဆိုင်ရာ နားလည်မှုက အဆမတန် တိုးတက်လာမှာ သေချာတယ်"

စုရှင်းက ကျေနပ်စွာ ခေါင်းညိတ်လိုက်သည်။

ထို့နောက် စုရှင်းသည် သူ၏ဆုလာဘ်ကို ရယူရန် ပြင်ဆင်လိုက်သည်။

"ငါ လွတ်မြောက်ခြင်း ဖြိုခွင်းနယ်ပယ် ကျင့်ကြံမှု အဆင့်နဲ့ ဝိညာဉ်အရည်ကို လဲလှယ်ဖို့ ရွေးချယ်တယ်"

[သင်သည် ဝိညာဉ်အရည် ၃.၈ သန်းကို အောင်မြင်စွာ ထုတ်ယူခဲ့သည်။ စွမ်းအင် သန်း ၃၈၀ အသုံးပြုခဲ့ပြီး ကျန်ရှိသော စွမ်းအင်မှာ ၅.၂၃၃၃ ဘီလီယံ ဖြစ်သည်။]

[သင်သည် လွတ်မြောက်ခြင်း ဖြိုခွင်းနယ်ပယ် ပဉ္စမအဆင့် ကျင့်ကြံမှု အဆင့်ကို အောင်မြင်စွာ ထုတ်ယူခဲ့သည်။ စွမ်းအင် သန်း ၄၀၀ အသုံးပြုခဲ့ပြီး ကျန်ရှိသော စွမ်းအင်မှာ ၁၂၃.၃၃ သန်း ဖြစ်သည်။]

သရုပ်ပြစက်၏ အသိပေးသံ ပြီးဆုံးသွားချိန်တွင် လျှို့ဝှက်ဆန်းကြယ်သော စွမ်းအားတစ်ခုသည် စုရှင်း၏ ကိုယ်ခန္ဓာထဲသို့ ဝင်ရောက်လာသည်။

စုရှင်းသည် သူ့၏အတွင်းပိုင်း စွမ်းအင်များ လှိုင်းထန်နေသည်ကို ခံစားလိုက်ရသည်။ ထို့ကြောင့် မျက်လုံးများကို အမြန်ပိတ်၍ တရားထိုင်ကာ သူ၏အသက်ရှုခြင်းကို ထိန်းညှိလိုက်သည်။

ထို့နောက် စုရှင်း၏ ကိုယ်ခန္ဓာ ပတ်လည်ရှိ အရှိန်အဝါသည် မြင့်တက်လာသည်။

လွတ်မြောက်ခြင်း ဖြိုခွင်းနယ်ပယ် ပထမအဆင့်၊ လွတ်မြောက်ခြင်း ဖြိုခွင်းနယ်ပယ် တတိယအဆင့်၊ လွတ်မြောက်ခြင်း ဖြိုခွင်းနယ်ပယ် စတုတ္ထအဆင့်။

နောက်ဆုံးတွင် လွတ်မြောက်ခြင်း ဖြိုခွင်းနယ်ပယ် ပဉ္စမအဆင့်သို့ ရောက်ရှိသွားသည်။

တိုးတက်မှု ဖြစ်စဉ် တစ်ခုလုံးသည် သဘာဝအတိုင်း ချောမွေ့စွာ ဖြစ်ပျက်ခဲ့သည်။ စုရှင်းသည် သူ၏ခွန်အားနှင့် ကိုယ်ခန္ဓာမာကျောမှု လျင်မြန်စွာ တိုးလာသည်ကိုသာ ခံစားရသည်။

ဆယ့်ငါးမိနစ်ခန့် ကြာပြီးနောက် စုရှင်းသည် မျက်လုံးများကို ဖြည်းဖြည်းချင်း ဖွင့်ကာ ထရပ်လိုက်သည်။ သူ့၏မျက်လုံးများထဲတွင် ထက်မြက်သော အလင်းရောင်များ လင်းလက်နေသည်။

"ကိုယ်ခန္ဓာခွန်အား... ရုပ်ပိုင်းဆိုင်ရာ စွမ်းအားက အရင်ကထက် လေးဆခန့် တိုးလာပုံပဲ။"

"မူလစွမ်းအင်ကို အသုံးမပြုဘဲ တန်ချိန် ၂ သန်းရှိတဲ့ ကြီးမားတဲ့ အင်အားကို ထုတ်လွှတ်နိုင်တယ်!"

စုရှင်း၏ မျက်လုံးများတွင် စိတ်လှုပ်ရှားမှုများ ထွန်းတောက်နေသည်။ ပြီးနောက် သူက ရေရွတ်လိုက်သည်။

"လွတ်မြောက်ခြင်း ဖြိုခွင်းနယ်ပယ်နဲ့ လွတ်မြောက်ခြင်း ပြန်လည်ရောက်ရှိခြင်း နယ်ပယ်တွေက အလယ်အလတ် အဆင့်တွေ ဖြစ်ပေမဲ့ ငါ့ရဲ့လက်ရှိစွမ်းအားက ဒဏ္ဍာရီအဆင့် နောက်ပိုင်း ဒါမှမဟုတ် အမြင့်ဆုံး တိုက်ခိုက်ရေးသမားတွေနဲ့ ယှဉ်ရင်တောင် နောက်ကျနေမှာ မဟုတ်ဘူး၊ ဟုတ်တယ်မလား"

စုရှင်း၏ နှုတ်ခမ်းသည် အနည်းငယ် ကော့ညွတ်သွားသည်။

ယခင်က သူ၏အစွမ်းထက်ဆုံး အပိုင်းသည် ခုခံကာကွယ်ခြင်းသာ ဖြစ်သည်။ သူ၏ ကာကွယ်ရေး ဂန်ချီသည် သူ့အား လွတ်မြောက်ခြင်း ဖြိုခွင်းနယ်ပယ် အလယ်အလတ် အဆင့်နှင့် နှိုင်းယှဉ်နိုင်သည့် ခုခံနိုင်စွမ်းကို ယူဆောင်ပေးခဲ့သည်။

သို့သော် ယခုအခါတွင် စုရှင်း၏ခွန်အားနှင့် သူ၏တိုက်ခိုက်ရေး စွမ်းရည်များသည် လိုက်မီလာခဲ့ပြီ ဖြစ်သည်။

ဒဏ္ဍာရီအဆင့် နောက်ပိုင်း တိုက်ခိုက်ရေး သမားများနှင့် တိုက်ခိုက်ခြင်းသည် ကြီးမားသော ပြဿနာ မဟုတ်ပေ။

ထို့ပြင် ရန်သူမှာ ဧကရာဇ်အဆင့် စွမ်းအားရှင် မဟုတ်သ၍ သူတို့သည် စုရှင်း၏အသက်ကို အခြေခံအားဖြင့် ခြိမ်းခြောက်နိုင်ခြင်း မရှိပေ။

"တကယ်ကို ကြောက်စရာကောင်းတဲ့ စွမ်းအားပဲ!"

စုရှင်းသည် သူ၏လက်သီးများကို ကြည့်ရင်း သူ့နှလုံးသားထဲတွင် ဖော်ပြမရနိုင်လောက်အောင် တုန်လှုပ်နေသည်။

ထိုသို့သော ကြောက်မက်ဖွယ် ကောင်းသည့် စွမ်းအားများ ရုတ်တရက် တိုးတက်လာခြင်းကြောင့် စုရှင်း၏ စိတ်ဓာတ်သည် ခဏတာ မြင့်တက်လာခဲ့သည်။

စုရှင်း၏ အတွေးများ ရွေ့လျားသွားပြီး သူသည် သူ၏လက်သီးများကို မူလစွမ်းအင်ဖြင့် ဖုံးအုပ်လိုက်သည်။ ထို့နောက် လေထဲသို့ လက်သီးဖြင့် ထိုးလိုက်သည်။

စုရှင်း၏ လက်သီး ဖြတ်သွားသော နေရာတိုင်းတွင် ပတ်ဝန်းကျင်ရှိ နေရာလွတ်ပင်မကျန် အက်ကွဲကြောင်းများ အနည်းငယ် ပြသနေသည်။

ဤသည်မှာ စုရှင်းသည် နေရာကို ကျွမ်းကျင်ထားခြင်းကြောင့် မဟုတ်ဘဲ မူလစွမ်းအင်နှင့် ပေါင်းစပ်ထားသည့် ရုပ်ပိုင်းဆိုင်ရာ ခွန်အားသက်သက်သည်ပင် နေရာကို အနည်းငယ် အကျိုးသက်ရောက်စေခြင်း ဖြစ်သည်။

"အဟမ်း... ငါ့ကိုယ်တွင်းမှာ ကြီးမားတဲ့ အင်အားကို စုစည်းပြီး စွမ်းအားသက်သက်နဲ့တောင်မှ နေရာကို အကျိုးသက်ရောက်စေတယ်... ဒါက လွတ်မြောက်ခြင်း ဖြိုခွင်းနယ်ပယ် ကျင့်ကြံသူ တစ်ယောက်ရဲ့ အစွမ်းထက်တဲ့ အသွင်အပြင်ပဲလား”

…