သူမရဲ့မျက်နှာကိုကြည့်ပါ (အပိုင်း ၆)

သူ့ရဲ့လျှာတစ်ခုလုံးက အမွှေးတွေနဲ့ ဖုံးအုပ်ထားခဲ့ပြီး တစ်ချက်ကြည့်လိုက်ရုံနဲ့ အနက်ရောင်လို့ ပုံပေါ်နေစေခဲ့သည်။

ဒါတင်မကဘဲ သူက သူ့ရဲ့ကိုယ်ခန္ဓာတစ်ခုလုံးမှာ ပြင်းထန်စွာ ယားယံတာကို အလျင်အမြန် ခံစားလိုက်ရပြီး သည်းမခံနိုင်လောက်အောင် ဖြစ်သည်၊ သူ့ရဲ့ပါးစပ်အတွင်းထဲမှာတောင် သွားဖုံးတွေအပါအဝင် နေရာတိုင်းကနေ အမွှေးနက်တွေ ပေါက်လာခဲ့သည်။

“ရစရာမရှိတော့ဘူး!”

ပြင်းထန်တဲ့ယားယံမှုက ယန်ကျွင်းဇဲကို ဒူးထောက်ကျလုနီးပါးအထိ ဖြစ်စေခဲ့သည်။

သူက အောက်ထပ်ဆင်းသွားစဥ်မှာ နောက်ပြန်လှည့်မျက်နှာအမျိုးသမီးကို ရန်စမိပြီးနောက်မှာ သူ့ရဲ့တစ်ကိုယ်လုံးမှာ အမွှေးနက်တွေ အများကြီး ပေါက်လာခဲ့တဲ့ဘေးအိမ်က ဝမ်အဘိုးကြီးအကြောင်း သူ့ရဲ့အမေ လီမန်က ပြောပြခဲ့တာကို သူ အလျင်အမြန် သတိပြန်ရလိုက်မိသည်။

နောက်ဆုံးတော့ ဝမ်အဘိုးကြီးကို ဆေးရုံတင်ပြီး ကယ်ဆယ်ခဲ့ပေမယ့် အဲဒီအမွှေးတွေကို ခွဲစိတ်ပြီး ဆရာဝန်တွေက တစ်ချောင်းချင်းစီ နှုတ်ထုတ်ရလိမ့်မည်လို့ ပြောပြခဲ့သည်။

ဒါကို တွေးလိုက်ရုံနဲ့တောင် ကျက်သရေမရှိခဲ့ချေ။အခုတော့ ဒီလိုမျိုးအခြေအနေက သူ့အပေါ်မှာ ဖြစ်ပျက်နေခဲ့ပြီးနောက်ပြန်လှည့်မျက်နှာအမျိုးသမီးဆီက ကျိန်စာက ဝမ်အဘိုးကြီးရဲ့ကျိန်စာထက် အများကြီးပိုပြီး ဆိုးရွားတယ့်ပုံပေါ်နေခဲ့သည်။

ဝမ်အဘိုးကြီးက ဘာကိစ္စကြီးကို လုပ်ခဲ့တာလဲ။ သူက ဘေးအိမ်မှာ နေခဲ့ရုံပဲ ရှိသည်၊ ဒါပေမယ့် ယန်ကျွင်းဇဲက နောက်ပြန်လှည့်မျက်နှာအမျိုးသမီးကို ပိုပြီး ဒေါသထွက်စေခဲ့တာ သိသာပေသည်။

သူသာ ဒီအတိုင်း ဆက်ရှိနေခဲ့ရင် လွီရှင်း သူ့ကို မတွေ့ခင်ကတည်းက သူပြီးဆုံးသွားလိမ့်မည်။

“ဒီအရူးမ!” ပြင်းထန်တဲ့ယားယံမှုကို တိုက်ထုတ်ရင်း ယန်ကျွင်းဇဲက ရေချိုးခန်းထဲကနေ ပြေးထွက်ပြီး ဧည့်ခန်းထဲကို ဝင်လာခဲ့ကာ အော်လိုက်သည်၊ “နောက်ပြန်လှည့်မျက်နှာအမျိုးသမီး! ငါ မင်းကို ကူညီနေတာ၊ အန္တရာယ်ပြုနေတာ မဟုတ်ဘူး!”

ဧည့်ခန်းရဲ့ဝင်ပေါက်မှာ သူ နောက်ဆုံးတော့ တံခါးနောက်မှာ လှုပ်ရှားမှုမရှိဘဲ ရပ်နေတဲ့နောက်ပြန်လှည့်မျက်နှာအမျိုးသမီးကို မြင်လိုက်ရသည်။

ဟုတ်ပေသည်၊ သူမရဲ့ခေါင်းက လှည့်နေခဲ့ပြီး သူမရဲ့ဆံပင်တွေအောက်မှာဖုံးကွယ်ထားတဲ့

မျက်လုံးတွေက ယန်ကျွင်းဇဲကို စိုက်ကြည့်နေခဲ့သည်။

နောက်ပြန်လှည့်မျက်နှာအမျိုးသမီးရဲ့အမြင်အရ သူမက ယန်ကျွင်းဇဲက သူမကို ကူညီတော့မယ်လို့ တွေးခဲ့တဲ့အတွက် သူမက မြေအောက်ကားရပ်နားရာနေရာကို သွားခဲ့သည်၊ ဒါပေမယ့် သူက ထူးဆန်းတဲ့ကလေးငယ်လေးနှစ်ယောက်ကို ထုတ်လာနိုင်ခဲ့ရုံမကဘဲ သူမ အကြောက်ဆုံးဖြစ်တဲ့အဖွားအိုကိုတောင် ခေါ်လာခဲ့တာကိုသာ တွေ့ရှိခဲ့ရသည်။

ဒါက ကူညီတာမဟုတ်ဘဲ သူမကို အန္တရာယ်ပြုနေတာ မဟုတ်ဘူးလား။

ဒါကြောင့် ယန်ကျွင်းဇဲအတွက် အပြစ်ပေးခြင်းက ရှောင်လွှဲမရနိုင်တော့ဘူး ဖြစ်ပေသည်။

ပြင်းထန်တဲ့ယားယံမှုကသူ့ရဲ့ကိုယ်ခန္ဓာတစ်ခုလုံးမှာ နာကျင်မှုအဖြစ်သို့ တဖြည်းဖြည်း ပြောင်းလဲသွားခဲ့သည်၊ အမွှေးတွေ ပိုပြီး သူ့ရဲ့အရေပြားကနေ ထွက်ပေါ်လာနေခဲ့သည်။

ယန်ကျွင်းဇဲက အချိန်နောက်ပြန်ဆုတ်ဖို့ အသင့်ဖြစ်နေလျက် ကြမ်းပြင်ပေါ်မှာ ထိုင်ချလိုက်သည်။

ဒါပေမယ့် ဘယ်အချိန်အမှတ်ကို ပြန်ပြီး ဆုတ်ရမယ်ဆိုတာကို ဆုံးဖြတ်တာက ပြဿနာဖြစ်သည်၊ သူက မြေအောက်ကားရပ်နားရာနေရာကနေ ထွက်လာခဲ့တဲ့အချိန်ကတည်းက နောက်ပြန်လှည့်မျက်နှာအမျိုးသမီးကို ရှာမတွေ့ခဲ့ဘဲ သူမ မပေါ်လာခင်ကတည်းက သူက ကျိန်စာသင့်ခဲ့ပြီးသား ဖြစ်သည်။

နောက်ပြန်လှည့်မျက်နှာအမျိုးသမီးဆီက ကျိန်စာသင့်တာကို ထိရောက်စွာ ရှောင်ရှားနိုင်ဖို့ သူက ဘယ်အချိန်အမှတ်ကို ပြန်ပြီး ဆုတ်ရမလဲ။

အခုအချိန်အတွက်တော့ သူ့ရဲ့အသက်အန္တရာယ်ကို ချက်ချင်းခြိမ်းခြောက်တာမျိုး မရှိပုံပေါ်နေခဲ့သည်၊ သူက အမွှေးနက်တွေနဲ့ လုံးဝဖုံးအုပ်ခံရတဲ့အခါမှသာ သေလိမ့်မည်။

ဒါကြောင့် သူက အချိန်ကို စဥ်းစားဖို့ အချိန်တွေ ရှိနေသေးသည်။

သို့သော်လည်း ဒီအချိန်မှာပဲ လွီရှင်းရဲ့ပုံသဏ္ဍာန်က ပြတင်းပေါက်အပြင်ဘက်မှာ ပေါ်လာခဲ့သည်၊ သူက စင်္ကြန်လမ်းကို ဖြတ်ကျော်ပြီး ဧည့်ခန်းရဲ့ဝင်ပေါက်ကို ခြေလှမ်းတစ်လှမ်းချင်းစီနဲ့ ရောက်ရှိလာခဲ့သည်။

ရန်ငြိုးကြီးအဖွားအိုက ယန်ကျွင်းဇဲရဲ့တံခါးအပေါ်မှာ နက်ရှိုင်းတဲ့အထင်အမြင်တစ်ခု ရှိနေခဲ့ပြီးသားဖြစ်ပေမယ့် ဒီအခိုက်အတန့်မှာ တံခါးက လော့ချထားခြင်း မရှိခဲ့ချေ။

လွီရှင်းက အပြင်မှာ ရပ်နေခဲ့ပြီး လက်ကိုင်ကို လှည့်လိုက်တဲ့အခါ တံခါးက ပွင့်သွားခဲ့ပြီး မျက်နှာတည်တည်နဲ့လူငယ်ကို ပေါ်စေခဲ့သည်။

တံခါးပွင့်သွားတဲ့အခိုက်အတန့်မှာ သူက ကြမ်းပြင်ပေါ်မှာ ထိုင်နေတဲ့ယန်ကျွင်းဇဲကို မြင်လိုက်ရသည်။

လွီရှင်းက ဧည့်ခန်းထဲကို ဝင်လာခဲ့ပြီး ယန်ကျွင်းဇဲဆီကို လျှောက်သွားခဲ့သည်။

“ဂါဂါ… ဂါဂါ… ဂါဂါ…”

ထူးဆန်းတဲ့အသံက ဧည့်ခန်းတံခါးရဲ့နောက်ဘက်ကနေ ထွက်ပေါ်လာခဲ့ပြီး ယန်ကျွင်းဇဲအပေါ်မှာပဲ အာရုံစိုက်နေခဲ့တဲ့လွီရှင်းကို ခဏတာ ရပ်တန့်သွားစေခဲ့ပြီး သူ့ရဲ့ခေါင်းကို လှည့်ပြီး ကြည့်လိုက်သည်။

နောက်ပြန်လှည့်မျက်နှာအမျိုးသမီးကို မြင်လိုက်ရတဲ့အခါ လွီရှင်းက အနည်းငယ်အံ့ဩသွားသလို ပုံပေါ်ခဲ့ပြီး သူက လွယ်ကူစွာဖမ်းမိနိုင်တဲ့ထိုင်နေတဲ့ယန်ကျွင်းဇဲနဲ့အဲဒီအမျိုးသမီးကို ကြည့်လိုက်ပြီး တုံ့ဆိုင်းနေပုံရလေသည်။

နောက်တစ်စက္ကန့်မှာ စွန့်လွှတ်ဖို့ ဆန္ဒမရှိဘဲ သူက သူ့ရဲ့ပါးစပ်ကို အနည်းငယ်ဖွင့်လိုက်ပြီး နောက်ပြန်လှည့်မျက်နှာအမျိုးသမီးကို စကားတစ်ခွန်း ပြောလိုက်သည်။

“ထွက်သွား!”

အဲဒီအသံကို နားထောင်လိုက်တဲ့အခါ ဒါက လူငယ်တစ်ယောက်ဆီကနေထွက်လာတာမ

ဟုတ်ဘဲ မယုံကြည်နိုင်လောက်အောင် အသက်အရွယ်ကြီးရင့်နေတဲ့အဖွားအို—ရန်

ငြိုးကြီးအဖွားအိုဆီကနေ ထွက်လာတာဖြစ်တာ သေချာနေသည်။

နောက်ပြန်လှည့်မျက်နှာအမျိုးသမီးက “ဂါဂါ၊ ဂါဂါ၊ ဂါဂါ” အသံကို ဆက်ပြီး ထုတ်လွှတ်နေခဲ့ပြီး သတိပေးမှုတစ်ခုဖြစ်တာ သံသယဖြစ်စရာမရှိပေ။ လွီရှင်း အခန်းထဲကို ဝင်လာခဲ့တဲ့အချိန်ကတည်းက ဒီထူးဆန်းတဲ့သတိပေးသံက ရပ်တန့်သွားခြင်း မရှိခဲ့ပေ။

ယန်ကျွင်းဇဲက မြေပြင်ပေါ်မှာ ထိုင်နေခဲ့ပြီး သူ့ရဲ့လက်မောင်းတွေနဲ့ သူ့ကိုယ်သူ ထောက်ထားလျက် ဖြည်းဖြည်းချင်း နောက်ကို ဆုတ်သွားခဲ့သည်။

ဒီမြင်ကွင်းကို မြင်လိုက်ရတဲ့အခါ သူက သက်ပြင်းချလိုက်မိသည်။ အဲဒီမနက်က သူ့ရဲ့စိတ်ထဲမှာ ပုံဖော်ခဲ့တဲ့အစီအစဥ်က ဒီအခိုက်အတန့်မှာ မျှော်လင့်ထားသလိုမျိုး ဖြစ်လာနေခဲ့သလို ပုံပေါ်နေခဲ့သည်။

ဒီစိတ်ကူးရဲ့မျိုးစေ့က ဘတ်စ်ကားဂိတ်မှာ နောက်ပြန်လှည့်မျက်နှာနအမျိုးသမီးကို သူ မြင်လိုက်ရတဲ့အခိုက်အတန့်မှာ ယန်ကျွင်းဇဲရဲ့စိတ်ထဲမှာ တွေးမိခဲ့ခြင်း ဖြစ် ပေသည်။

တာဝန်ရဲ့အဆင့်အရနောက်ပြန်လှည့်မျက်နှာအမျိုးသမီးနဲ့သက်ဆိုင်တဲ့တာဝန်က “ကြောက်စရာကောင်း (အနိမ့်ဆုံး)” အဖြစ် သတ်မှတ်ခံခဲ့ရပြီး ဒါက သူ ဒီအထိ ကြုံတွေ့ခဲ့ရတဲ့အလုပ်တာဝန်တွေထဲမှာ စိန်ခေါ်မှုအရှိဆုံးတစ်ခု ဖြစ်သည်။

ဒါကြောင့် ယန်ကျွင်းဇဲမှာ အဲဒီမနက်က ထူးဆန်းတဲ့အတွေးတစ်ခု ရှိနေခဲ့သည်၊ ကျန်းရှောင်မို့မရှိတဲ့အခါမှာ သူက နောက်ပြန်လှည့်မျက်နှာအမျိုးသမီးနဲ့ရန်ငြိုးကြီးအဖွားအိုတို့ကြားကရင်ဆိုင်တွေ့ဆုံမှုကို သူ့ရဲ့အကျိုးအတွက် အသုံးချနိုင်လိမ့်မည်ဟူ၍ပင်။

ဟုတ်ပေသည်၊ မဖြစ်မနေလိုအပ်တဲ့အရာက သူတို့နှစ်ယောက်ကြားမှာ အကျိုးစီးပွားပဋိပက္ခရှိရမည်၊ ဥပမာ နှစ်ယောက်စလုံးက သူ့ကို ပစ်မှတ်ထားတာမျိုး ဖြစ်ပြီး အဲဒါက အဲဒီနှစ်ဖက်က တိုက်ခိုက်ပြီး တိုက်ပွဲတစ်ခု ဖြစ်လာစေမှာကို သေချာစေဖို့ ဖြစ်သည်။

ဒါပေမယ့် ခန့်မှန်းမထားတဲ့ဆိုးရွားတဲ့အဖြစ်အပျက်တွေအပြီးမှာ ကိစ္စတွေက ယန်ကျွင်းဇဲရဲ့မျှော်လင့်ချက်တွေကနေ သွေဖည်သွားခဲ့ပေမယ့် ကံကောင်းထောက်မစွာပဲ ဒါက ဒီမြင်ကွင်းကို အပြည့်အဝ ပြန်လည်ရောက်ရှိလာစေခဲ့သည်။

ဒီအခိုက်အတန့်က သူ လိုချင်ခဲ့တဲ့ရလဒ် မဟုတ်ဘူးလား။

ယန်ကျွင်းဇဲ မမျှော်လင့်ခဲ့မိတဲ့အရာက သူက နောက်ပြန်လှည့်မျက်နှာအမျိုးသမီးရဲ့ကျိန်စာကို အရင်ဆုံး သင့်သွားခဲ့ပြီး သူ့ရဲ့ကိုယ်ခန္ဓာတစ်ခုလုံးမှာ အမွှေးတွေ ဖုံးအုပ်သွားစေခဲ့တာပဲ ဖြစ်သည်။ အမွှေးတွေက အရမ်းတိုပြီး အပြည့်အဝ မပေါက်သေးပေမယ့် ဒါကို ပြန်လည်ကောင်းမွန်အောင် လုပ်နိုင်မလားဆိုတာကို သူ မသေချာခဲ့ချေ။

ကံကောင်းစွာနဲ့ အရမ်းကို ကြောက်မက်ဖွယ်ကောင်းတဲ့မကောင်းဆိုးဝါးဝိညာဉ်နှစ်ကောင်က နောက်ဆုံးတော့ ဒီအခိုက်အတန့်မှာ တစ်ယောက်နဲ့တစ်ယောက် ရင်ဆိုင်နေခဲ့ကြပြီ!

သူတို့က သူ့ကို သတ်ချင်ခဲ့ကြမယ်ဆိုရင် အခုအချိန်က အကောင်းဆုံးအခွင့်အရေးပဲ ဖြစ်သည်။ ရန်ငြိုးကြီးအဖွားအိုက ဒါကို လွဲချော်စေမှာ မဟုတ်သလို နောက်ပြန်လှည့်မျက်နှာအမျိုးသမီးကလည်း မြေအောက်ကားဂိုဒေါင်ထဲကအဖြစ်အပျက်ကြောင့် ဒေါသထွက်နေဆဲဖြစ်တဲ့အတွက် သူ့ကို လုံးဝလွှတ်ပေးမှာ မဟုတ်ပေ။

ကောင်းပြီ၊ ဒါဆို မင်းတို့ တိုက်ကြ၊ ဘယ်သူပဲနိုင်နိုင် ငါ့ကို ပိုင်ဆိုင်နိုင်တယ်!

နောက်ပြန်လှည့်မျက်နှာအမျိုးသမီးက ဘာသတိပေးမှုမှ မလုပ်တော့ပေ၊ ဒါပေမယ့် ယန်ကျွင်းဇဲက ဒီမြင်ကွင်းနဲ့ရင်းနှီးကျွမ်းဝင်တဲ့ခံစားချက်တစ်ခုကို ခံစားလိုက်ရမိသည်။

သူက ထူးဆန်းတဲ့အရာတစ်ခု သူ့မှာ ကိုယ်တိုင်ရှိနေသလိုမျိုး အမြဲတမ်း သတိပေးသံကို ထုတ်လွှတ်ပြီး အတူတူပဲ အမူအကျင့်ကို ပြသနေခဲ့သည်။

သတိပေးမှုက ရပ်တန့်သွားခဲ့ပြီး နောက်ပြန်လှည့်မျက်နှာအမျိုးသမီးက သူမရဲ့ဝိညာဉ်ကို လွီရှင်းထဲကို ခွဲထားခဲ့တဲ့ရန်ငြိုးကြီးအဖွားအိုဆီကို ခြေလှမ်းတစ်လှမ်းချင်းစီနဲ့ ပိုပြီးနီးကပ်လာခဲ့သည်။

ဒီအချိန်မှာ လွီရှင်းရဲ့ကိုယ်ခန္ဓာက ရန်ငြိုးကြီးအဖွားအိုရဲ့ပုံစံကို သတိရစေတဲ့ပုံစံမျိုး ကွေးနေခဲ့သည်၊ တစ်ကိုယ်လုံး တင်းမာနေခဲ့သည်၊ လက်မောင်းတွေက အနည်းငယ်ကွာနေခဲ့ပြီး ခြေထောက်တွေက ဘယ်အချိန်မဆို ခုန်ဖို့ အသင့်ဖြစ်နေခဲ့ကာ မျက်လုံးတွေက “နောက်ပြန်ဆုတ်နေတဲ့” နောက်ပြန်လှည့်မျက်နှာအမျိုးသမီးကို သတိထားပြီး စိုက်ကြည့်နေခဲ့လေသည်။

နှစ်ယောက်ကြားကအကွာအဝေးက အလျင်အမြန် နီးကပ်လာခဲ့သည်။

အဲဒီအချိန်မှာ ယန်ကျွင်းဇဲက ရုတ်တရက် မကောင်းတဲ့အကြိုအနိမိတ်တစ်ခုကို ခံစားမိခဲ့သည်၊ သူက နောက်ဆုတ်ရမည်၊ ပိုပြီးအဝေးကို ဖြစ်နိုင်သမျှ ပိုအဝေးကို နောက်ဆုတ်ရမည်လို့ ခံစားလိုက်ရမိသည်။

ဒီအတွေးက ပေါ်လာခဲ့ရုံပဲရှိသေးသည်၊ ဒါပေမယ့် ဒါက နောက်ကျနေခဲ့ပြီ။

နောက်ပြန်လှည့်မျက်နှာနဲ့အမျိုးသမီးက ရန်ငြိုးကြီးအဖွားအိုနဲ့ တစ်မီတာအကွာမှာ ရှိနေခဲ့တဲ့အခါ သူမက ရုတ်တရက် အရှိန်မြှင့်လိုက်သည်။ အဲဒီအခိုက်အတန့်မှာ ရန်ငြိုးကြီးအဖွားအိုရဲ့ကြောက်မက်ဖွယ်

ကောင်းတဲ့ပုံစံက လွီရှင်းရဲ့မျက်နှာကနေ အပြည့်အဝ ပေါ်ထွက်လာခဲ့ပြီး စက်ဆုပ်ဖွယ်ကောင်းပြီး လိမ်နေခဲ့ကာ ပါးစပ်ကို ဟနေခဲ့ပြီး စူးရှတဲ့အော်သံတစ်ခုကို ထုတ်လွှတ်လိုက်လေသည်။

ထူးဆန်းတဲ့အရာနှစ်ခုက ဗုန်းခနဲဆိုတဲ့အသံနဲ့အတူ တိုက်မိခဲ့ကြသည်။ တိမ်လိုမျိုး စွမ်းအင်တွေက ဗုန်းကနဲ ပေါက်ကွဲထွက်လာခဲ့ပြီး လေလှိုင်းတစ်ခုကို ထုတ်လွှတ်ခဲ့ကာ ယန်ကျွင်းဇဲကို ထမင်းစားပွဲရဲ့အောက်ကို တစ်ခါတည်းတွန်းပို့လိုက်သည်။

အနီးအနားမှာရှိတဲ့ဖိနပ်စင်၊ ဆိုဖာတွေ၊ ကော်ဖီစားပွဲတွေနဲ့ တခြားပစ္စည်းတွေက အဲဒီပေါက်ကွဲမှုကြောင့် မှောက်လဲကုန်ခဲ့ကြသည်၊ လေထဲကို မြင့်မြင့် ပစ်ထုတ်ခံရပြီးနောက် ပြိုကျကုန်ကြခြင်း သို့မဟုတ် နံရံတွေနဲ့တိုက်ရိုက်ရိုက်ခွဲခံရခြင်းမျိုး ဖြစ်သည်။ ဧည့်ခန်းပြတင်းပေါက်တွေက အဲဒီအခိုက်အတန့်မှာ တစ်ပြိုင်တည်း ကွဲအက်ကုန်ခဲ့ကြသည်။

အင်အားကြီးမားပြီးထူးဆန်းတဲ့ပေါက်ကွဲမှုက ယန်ကျွင်းဇဲကို မျက်လုံးဖွင့်ထားဖို့ မဖြစ်နိုင်လောက်အောင် လုပ်ခဲ့ပေမယ့် သူက အလွန်အမင်းစိတ်လှုပ်ရှားစရာကောင်းတဲ့

တိုက်ပွဲ ဖြစ်ပုံပေါ်နေတဲ့ဖြစ်ရပ်ကို မြင်တွေ့ဖို့ စိတ်အားထက်သန်စွာနဲ့ ဒါကို လုပ်ဖို့ အားထုတ်ခဲ့သည်။

နောက်ပြန်လှည့်မျက်နှာနဲ့အမျိုးသမီး vs ရန်ငြိုးကြီးအဖွားအို!

ပြင်းထန်တဲ့သက်ရောက်မှုနဲ့ စုတ်ပြဲတဲ့အသံတွေက လှိမ့်နေတဲ့မြူခိုးတွေကြားကနေ ထွက်ပေါ်လာခဲ့ပြီး ထူးဆန်းတဲ့အရာနှစ်ခုဆီက တိုက်ခိုက်မှုတွေက ကြောက်မက်ဖွယ်ကောင်းလောက်အောင် ပြင်းထန်ခဲ့သည်။ ရံဖန်ရံခါ နောက်ပြန်လှည့်မျက်နှာအမျိုးသမီးက လွီရှင်းရဲ့ပခုံးတစ်ဖက်ပေါ်ကို တက်နေတာကို မြင်နိုင်ခဲ့သည်၊ သူမရဲ့လက်ချောင်းတွေက သူ့ရဲ့ခေါင်းထဲကို ထိုးဖောက်ဝင်ရောက်နေခဲ့သည်။

တချို့အချိန်တွေမှာ လွီရှင်းက နောက်ပြန်လှည့်မျက်နှာအမျိုးသမီးကို ဒူးတစ်ဖက်နဲ့ မြေပြင်ပေါ်ကို ဖိထားပြီး သူ့ရဲ့လက်တွေက သူမရဲ့လည်ပင်းကို အကြမ်းပတမ်း ဆွဲဆောင့်နေတာကို မြင်နိုင်ခဲ့သည်။

ကြောက်မက်ဖွယ်ကောင်းတဲ့အော်သံတွေက ဘယ်သူ့ဆီကလဲဆိုတာကို ခွဲခြားမရနိုင်ဘဲ တစ်ခုပြီးတစ်ခု လိုက်ပါလာခဲ့လေသည်။

ဒီနေရာမှာ ယန်ကျွင်းဇဲရဲ့ဧည့်ခန်းက လုံးဝကို ဖရိုဖရဲဖြစ်နေခဲ့ပြီး အရင်ကနဲ့မတူအောင် ပျက်စီးနေခဲ့ပေသည်။