သတင်းစာ ရှင်းလင်းပွဲ

အမေရိကန်နိုင်ငံသည် သန္ဓေပြောင်း ညံ့ကို ဖမ်းဆီးရမိသော သတင်းများအား ဖုံးကွယ်နိုင်ခြင်းမရှိသောကြောင့် ၎င်းသတင်းသည် နောက်တစ်နေ့မနက်တွင် သတင်းမီဒီယာအမျိုးမျိုး၏ ခေါင်းကြီးပိုင်းသို့ ရောက်သွားသည်။

သန္ဓေပြောင်း ညံ့ကို အလွယ်တကူဖမ်းမိခြင်းသည် လူတိုင်းကို အံ့သြသွားစေပေသည်။ သန္ဓေပြောင်း ညံ့ကို အမေရိကန်နိုင်ငံသည် ဖမ်းမိရန် သုံးလကြာ ကျိုးပမ်းအားထုတ်ခဲ့ရသည်တော့ ၎င်းတို့မသိပေ။

ဤသို့အားထုတ်ရခြင်းမှာ သန္ဓေပြောင်း ညံ့သည် ရေထဲတွင် အနေများပြီး ကုန်းပေါ်တက်ခဲသောကြောင့် ဖြစ်သည်။

လူတိုင်းထပ်သိချင်လာသော ကိစ္စတစ်ခု ပေါ်လာသည်။ အကယ်၍ ဧရာမလိပ်ကြီးသည် လူများကို "နုပျိုစေ" ရာတွင် အကျိုးပြုနိုင်သော အသားရောင်လင်ဇီးမှို ရှိသည်ဆိုလျှင် သန္ဓေပြောင်း ညံ့မှာကော လူတွေကို ဘယ်လိုအကျိုးပြုနိုင်သည့် အရာများရှိမည်နည်း။

ပြီးတော့ ဧရာမမြွေကြီးနဲ့ မိုဆာဆောရပ်စ်ကိုကော အမေရိကန်နိုင်ငံက ဖမ်းမိသွားပြီလား။

ကမ္ဘာတစ်ဝှမ်းလုံးသည် အမေရိကန်နိုင်ငံမှ ဖမ်းမိသော သန္ဓေပြောင်း ညံ့ကို အာရုံစိုက်နေသည်။

...

တစ်လအကြာတွင် သန္ဓေပြောင်း ညံ့ကို သယ်ဆောင်လာသော ကုန်တင်သင်္ဘောသည် အမေရိကန်နိုင်ငံ အရှေ့ဘက်ကမ်းရိုးတန်းတွင် ဆိုက်ကပ်ခဲ့သည်။

သိပ္ပံပညာရှင်များ၏ အထူးစောင့်ရှောက်မှုအောက်တွင် သေလုနီးပါးဖြစ်နေသော သန္ဓေပြောင်း ညံ့သည် ပြန်လည်ကောင်းမွန်လာခဲ့၏။

အမေရိကန်နိုင်ငံသို့ ရောက်ပြီးနောက် သန္ဓေပြောင်း ညံ့ကို အထူးကြိုတင် ပြင်ဆင်ထားသည့် ရေကန်တစ်ခုသို့ ပို့ခဲ့ခြင်း ဖြစ်၏။

၎င်းကို ရှည်လျားသော နံရံများက ဝိုင်းရံထားပြီး နံရံအပေါ်ဘက်အား လျှပ်စစ်သံကြိုးများက ဝိုင်းရံထားသည်။

နှစ်လခန့်အကြာတွင် အမေရိကန် အစိုးရသည် TV တွင် မီဒီယာများ၏ ရှေ့မှောက်၌ ဖမ်းမိလာသော သန္ဓေပြောင်း ညံ့ အကြောင်းကို ပြောဆိုရန် အစပြုလုပ်ဆောင်ပြီး အဆိုပါပြောရေးဆိုခွင့်ရှိသူက သန္ဓေပြောင်း ညံ့သည် အသက်ရှင်နေသေးကြောင်း ပြောကြားသည်။

ထိုနောက် သူတို့သည် ဖမ်းမိလာသော သန္ဓေပြောင်း ညံ့၏ ဗီဒီယိုကို ပြသခဲ့သည်။

ဗွီဒီယိုတွင် သန္ဓေပြောင်း ညံ့သည် ရေကန်ကြီးတစ်ခုတွင် ရှိနေပြီး ကောင်းမွန်သော အခြေအနေမှာ ရှိနေပုံရသည်။

တာဝန်ရှိသူများကို အင်တာဗျူးသူများက စိုးရိမ်ကြောင်းကျစွာဖြင့် သန္ဓေပြောင်း ညံ့တွင် အထူးလျှို့ဝှက်ချက်တစ်ခုခုကို ရှာတွေ့ခဲ့လားမေးခဲ့သေး၏။

၎င်းတွင် တွေ့ဆုံဖြေကြားသည့် တာဝန်ရှိသူများက ၎င်းတို့သည် သန္ဓေပြောင်း ညံ့တွင် တစ်စုံတစ်ရာ ရှာတွေ့ခဲ့ရကြောင်း ပြောကြားခဲ့ပြီး၊ ၎င်းသည် လျှို့ဝှက်အဆင့်တွင် ရှိနေဆဲဖြစ်ပြီး အများပြည်သူသိရှိနိုင်ရန် အချိန်မကျသေးကြောင်း ပြောခဲ့လေသည်။

ထို့နောက် တာဝန်ရှိသူများကို မိုဆာဆောရပ်စ်နှင့် ဧရာမမြွေကြီးအကြောင်း မေးမြန်းခဲ့ပေသည်။

အမေရိကန်နိုင်ငံ၏ TV ကနေလွှင့်သော အင်တာဗျူးကို အရှေ့နိုင်ငံများက စိတ်ဝင်စားမှု နည်းပါးပေသည်။

လူအများဆုံး စိတ်ဝင်စားသည်မှာ ဧရာမလိပ်ကြီး၏ လျှို့ဝှက်ချက်သာ ဖြစ်သည်။

သို့သော် ယခုအချိန်အထိ သူတို့သည် အသားရောင်လင်းဇီမှို အတွင်းရှိ ဓါတုဇီဝဗေဒပစ္စည်းများကို အလုံးစုံ မခွဲခြားနိုင်သေးပေ။

"ငါတို့တွေအတွက် ကိုယ်ပိုင်ပင်လယ်ဘုရင်တစ်ကောင်ကို ဖမ်းယူသင့်တယ်"

အစိုးရအရာရှိ တစ်ဦးက ပြောသည်။

ထိုနောက် ရေယာဉ်တစ်စင်းက အန္တာတိကသမုဒ္ဒရာတွင် ခရာကန်ကို ဖမ်းလိုနေတော့သည်။

ခရာကန်သည် အန္တာတိက သမုဒ္ဒရာတွင် ရက်စက်ကြမ်းကြုတ်စွာ နေထိုင်ခဲ့သည်။

အခါအားလျော်စွာဖြင့် ၎င်းကို အန္တာတိကမှ သိပ္ပံနည်းကျသုတေသီများက ရှာဖွေတွေ့ရှိခဲ့သည်။

ယင်းသို့ တွေ့ရှိရသည့် အကြောင်းပြချက်မှာ ခရာကန်သည် သိပ္ပံဆိုင်ရာသုတေသီများနေထိုင်သော ဒေသရှိ ကမ်းရိုးတန်းကို မကြာခဏလှည့်လည်လေ့ရှိသောကြောင့် ဖြစ်သည်။

၎င်း၏ အသွင်အပြင်ကို ကြည့်ခြင်းအားဖြင့် သိပ္ပံနည်းကျသုတေသီများကို တိုက်ခိုက်လိုပုံရပေသည်။

သို့သော် သိပ္ပံနည်းကျသုတေသနအခြေစိုက်စခန်းတွင် သေးငယ်သည့် စစ်တပ်ရှိသည်။ အကြိမ်ကြိမ်ပစ်ခတ်ခံရပြီးနောက် ခရာကန်သည် ထိုသို့သော အရာများကို ထပ်မံမပြုလုပ်ဝံတော့ပေ။

သို့သော်လည်း သိပ္ပံနည်းကျသုတေသီများကို တိုက်ခိုက်ရန်အခွင့်အလမ်းရှာဖို့ ကြိုးစားနေပြီး ကမ်းရိုးတန်းတစ်လျှောက် လှည့်လည်နေဆဲ ဖြစ်သည်။

ရုရှား၏ စစ်သင်္ဘောများသည် ရောက်ရှိလာခဲ့သည်။

သူတို့သည် ပထမဦးစွာ ခရာကန်ဆွဲဆောင်ဖို့ နည်းလမ်းတစ်ခုကို အသုံးပြုခဲ့သည်။

သူတို့သည် ခရာကန်ကို လှည့်စားရန် အခြေစိုက်စခန်းမှ စစ်သားများအား ဖယ်ရှားခဲ့သည်။

ထိုနောက် သူတို့သည် စစ်သင်္ဘောများနှင့် လေးကီလိုမီတာအကွာတွင် စောင့်ဆိုင်းနေခဲ့ကြသည်။ အကယ်၍ ခရာကန်သာ ကုန်းပေါ်သို့ တက်လာလျှင် လေယာဉ်တွေက စပြီးပျံသန်းကြလိမ့်မည်။

ခရာကန် တကယ့်ကို အရူးလုပ်ခံခဲ့ရသည်။ ၎င်းသည် ပင်လယ်ထဲမှ တက်လာချိန်တွင် နေရာတစ်ခုလုံး တုန်ခါသွားခဲ့၏။

သို့သော် ၎င်းသည် မီတာတစ်ရာခန့် သွားပြီးနောက် ရုတ်တရက် နောက်ပြန်လှည့်သွားပြီး ပင်လယ်သို့ ပြန်ဆင်းသွားတော့သည်။

ဤသို့ဖြင့် သူတို့၏ အကြံအစည်များ ကျရှုံးသွားခဲ့သည်။

စူပါမိုဆာဆောရပ်စ်၊ သန္ဓေပြောင်း ညံ့တို့နှင့် မတူသည်မှာ ခရာကန်သည် ရေထဲတွင် လေရှူနိုင်သည်။ ထိုကြောင့်ပင် ၎င်း၏ သဲလွန်စကို ရှာဖွေရန် အလွန်ခက်ခဲသည်။

ရုရှားသည် မည်သည့်အောင်မြင်မှုမျှမရဘဲ အန္တာတိတ်က သမုဒ္ဒရာ၌ နှစ်လကြာခဲ့လေသည်။

တဖြည်းဖြည်းနှင့် သမုဒ္ဒရာရှိ ထိပ်တန်းအဆင့် သားရဲဘုရင်များသည် သမိုင်းသဖွယ် ဖြစ်လာခဲ့၏။ ၎င်းတို့နှင့် ပတ်သက်သော သတင်းများလည်း မကြာခဏပေါ်မလာတော့ပေ။

ဧရာမမြွေကြီးနှင့် စူပါမိုဆာဆောရပ်စ်တို့သည် နောက်တဖန်ပေါ်မလာတော့သောလည်း ပစိဖိတ်သမုဒ္ဒရာအတွင်းက ငါးဖမ်းသမားများသည် ပင်လယ်ထဲသို့ သွားရန်ကြောက်နေကျတုန်း ဖြစ်သည်။

အရှည် (၄၀ မှ ၅၀) မီတာကြားရှိသည့် သန္ဓေပြောင်း သားရဲနှင့် ရှေးဟာင်း သားရဲများသည် သူတို့၏ ငါးဖမ်းလှေများကို မိနစ်ပိုင်းအတွင်း အလွယ်တကူ နစ်မြုပ်စေနိုင်သည်။

အကြီးစား သန္ဓေပြောင်း သားရဲနှင့် ရှေးဟောင်း သားရဲများ မပြောနှင့် (၂၀ မှ ၃၀) မီတာအထိရှိသော သားရဲများသည်ပင် ငါးဖမ်းလှေငယ်များကို အလွန်ရင်းနှီးစွာဖြင့် မှောက်လှန်နိုင်ကြသည်။

သို့ပေမဲ့ လူသားတွေ၏ ယေဘူယျအားဖြင့် အခြေအနေမှာ ပိုကောင်းလာခဲ့လေသည်။

စျေးကွက်များတွင် အသားအရေအတွက် များပြားလာပြီး သန္ဓေပြောင်း သားရဲနှင့် ရှေးဟောင်း သားရဲများကို ဖမ်းဆီးနိုင်လာခဲ့သည်။

ထို့အပြင် သန္ဓေပြောင်း သားရဲနှင့် ရှေးဟောင်း သားရဲများကို သုတေသနပြုခြင်းသည်လည်း တိုးတက်လာသည်။

ကျန်းမာရေးစက်မှုလုပ်ငန်းနှင့် ကျန်းမာရေးစောင့်ရှောက်မှုလုပ်ငန်းသည်တော့ အထိခိုက်ဆုံး ဖြစ်သည်။

မူးယစ်ဆေးဝါးအသစ်များ တီထွင်ခြင်းနှင့် လိမ်လည်မှုလုပ်ငန်းများသည်လည်း မရှိတော့ပေ။

အချို့သော သန္ဓေပြောင်း သားရဲများနှင့် ရှေးဟောင်း သားရဲများ၏ အသားသည် လူသားခန္ဓာကိုယ်အား အားဖြည့်ပေးနိုင်သည့် အကျိုးသက်ရောက်မှုများ ရှိကြသည်။

သို့သော်လည်း ဤကျန်းမာရေးစောင့်ရှောက်မှု ထုတ်ကုန်အများစုသည် စျေးကြီးပေသည်။

ဤသို့ဖြင့် လိမ်လည်ရန် ရည်ရွယ်ချက်ဖြင့် ကျန်းမာရေးစောင့်ရှောက်မှုပစ္စည်းများလည်း ပိုမိုများပြားလာတော့သည်။

သို့သော် အနည်းငယ်ရှုပ်ထွေးစေသည့် အရာမှာ အဘယ်ကြောင့် ဧရာမမြွေကြီးနှင့် စူပါမိုဆာဆောရပ်စ်တို့နှင့် ပတ်သက်သော သတင်းများ မရှိတော့သည်နည်းဆိုသော မေးခွန်များ ဖြစ်သည်။

ထို့အပြင် အမေရိကန်နိုင်ငံမှ လူများသည် သန္ဓေပြောင်း ညံ့တွင် အဘယ်အရာကို တွေ့ရှိခဲ့ကြသနည်း။

ဧရာမလိပ်ကြီး၏ လျှို့ဝှက်ချက်ဖြစ်သော အသားရောင်လင်းဇီးမှို၏ နောက်ဆက်တွဲအစီရင်ခံစာလည်း ပေါ်မလာသေးပေ။ ယခု လူတိုင်းသံသယ ဖြစ်နေကြသည်။

ဒါက လိမ်လည်မှုတစ်ခုများလား...

သို့သော် ၎င်းအချိန်တွင် ရုရှားနိုင်ငံ၏ ဓာတ်ခွဲခန်း၌ နောက်ဆုံးတွင် ရှာဖွေတွေ့ရှိမှုအသစ်တစ်ခုကို ပြုလုပ်နိုင်ခဲ့သည်။

သူတို့သည် အသားရောင်လင်းဇီးမှို၏ အထူးပစ္စည်းများကို အောင်မြင်စွာ သီးခြားခွဲထုတ်နိုင်ခဲ့ကြသော်လည်း ၎င်းတို့၏ အမည်ကို မပြောနိုင်ကြပေ။

သို့သော် ၎င်းပစ္စည်းများကို ဧရာမလိပ်ကြီးဆီမှ ထုတ်လုပ်နိုင်ဖွယ်ရှိသည်။

တစ်နည်းအားဖြင့် သူတို့သည် အသားရောင်လင်းဇီးမှိုကို လုံးဝမဖန်တီးနိုင်သေးဘဲ ဧရာမလိပ်ကြီးအပေါ် မှီခိုနေရဆဲ ဖြစ်သည်။

.....