အခန်း (၃၃၆)

---

[ ကျောက်မည်းကျောင်းတော် ဖျက်ဆီးခံရပြီး လေးရက် မြောက်နေ့တွင်။]

[အကြီးကဲကြီး ကျူရွီကျုန်း ၏ အကြံပြုချက်အရ။]

[ ပူဟောက်ယန် သည် နတ်ဆိုးသခင် ပိုင်ယုံကျီ ထံ လက်ဆောင်ပစ္စည်းများစွာ ပေးအပ်ရန် သွားရောက်ခဲ့သည်။]

[အမှန်တကယ်တော့။]

[ ကောင်းကင်နဂါးချောက် သည် ဤဒေသတွင် အခြေချရန် စီစဉ်နေပါက။]

[နတ်ဆိုးသခင်နှင့် တွေ့ဆုံခြင်းသည် မဖြစ်မနေလိုအပ်သည်။]

[ထို့အပြင်။]

[ ကောင်းကင်နဂါးချောက် ၏ ရည်မှန်းချက်များသည် ဤနေရာတွင် ရပ်တန့်သွားမည်မဟုတ်။]

[အနာဂတ်တွင် ပို၍ပို၍ လှုပ်ရှားမှုများ ရှိလာမည်ဖြစ်သည်။]

[ထို့ကြောင့် ပိုင်ယုံကျီ နှင့် အစောပိုင်းကတည်းက သွားရောက်တွေ့ဆုံကာ ဆက်ဆံရေးကောင်း တည်ဆောက်ရန် လိုအပ်သည်ဟု ယူဆခဲ့သည်။]

[ ယဲ့ယွီ သည် ဤအစီအစဉ်ကို ကန့်ကွက်စရာမရှိပေ။]

[နေ့လည်လောက်ရောက်သော်.]

[ ပူဟောက်ယန် သည် နတ်ဆိုးနန်းတော်မှ ပြန်ရောက်လာသည်။]

[သူ၏မျက်နှာသည် နီမြန်းနေပြီး သူ၏ခြေလှမ်းများမှာ ယိုင်ထိုးနေသည်။]

[သူသည် အရက်အများအပြား သောက်သုံးခဲ့ပုံရသည်။]

[စကားများထစ်အသွားရင်း သူနှင့် နတ်ဆိုးသခင် ပိုင်ယုံကျီ တို့သည် စကားကောင်းများ ပြောဖြစ်ခဲ့ကြောင်း အလွန်လေပေးဖြောင့်ခဲ့ကြောင်း ကြေညာခဲ့သည်။]

[ ပိုင်ယုံကျီ သည် ကောင်းကင်နဂါးချောက် ကို နှစ်သက်ပုံရသည်။]

[သူသည် ၎င်းတို့၏ဂိုဏ်းကို သူ၏နယ်မြေတွင် တည်ထောင်ရန် ခွင့်ပြုခဲ့သည်။]

[အနာဂတ်တွင် တစ်ခုခုလိုအပ်ပါက သူ့ထံ လာနိုင်ကြောင်းပင် ကတိပေးခဲ့သည်။]

[ ယဲ့ယွီ သည် အနည်းငယ် အံ့အားသင့်သွားသည်။]

[ဤနတ်ဆိုးသခင်သည် တကယ်ပဲ ဤမျှစိတ်ထားနူးညံ့သော ကိုင်တွယ်ရလွယ်ကူသူလား?]

[ဒီလိုဆိုရင်တော့။]

[သူတို့သည် ဤနေရာတွင် ဘာမဆို လွတ်လွတ်လပ်လပ် လုပ်ဆောင်နိုင်မည် ဖြစ်သည်။]

[ ယဲ့ယွီ သည် စိတ်လှုပ်ရှားမှုတစ်ခုကို ခံစားလိုက်ရသည်။]

[သူသည် တစ်ညလုံး တခြားဂိုဏ်းများကို သိမ်းပိုက်ရန် ပိုမိုထိရောက်သော နည်းဗျူဟာတစ်ခုကို စဉ်းစားခဲ့သည်။]

[ဤနည်းဗျူဟာသည် ပူဟောက်ယန် ကို နေထူးနိင်ဇာတ်ကားများထဲကလိုမျိုး “ တရားမျှတမှု၏ သူရဲကောင်း ” အဖြစ် ပြောင်းလဲပစ်ရန် ပါဝင်သည်။]

[ ကောင်းကင်နဂါးချောက် သို့ ဝင်ရောက်လာသည့် တပည့်တိုင်းသည် အတိတ်ကမိမိကိုအနိုင်ကျင့်ခဲ့သူရှိပါက ဂိုဏ်း၏အကူအညီဖြင့် လက်စားချေနိုင်ကြသည်။]

[သူတို့တွင် ဆွေမျိုးမိတ်ဆွေများ ရန်သူ၏ လက်ချက်ကြောင့်အသက်ဆုံးရခြင်းရှိပါက ဂိုဏ်းက ၎င်းတို့ကိုယ်စား သွေးကြွေးဆပ်ကာ ဖြေရှင်းပေးမည်။]

[အချုပ်အားဖြင့်ဆိုရသော် မက်ဆေ့ချ်က ရှင်းသည်- သင်ပြဿနာများရှိပါက ဂိုဏ်းကို လာရောက်ပါ—၎င်းက သင့်အတွက် အရာအားလုံးကို ဖြေရှင်းပေးလိမ့်မည်။]

[ဤမူဝါဒကို အကောင်အထည်ဖော်လိုက်သောအခါ။]

[နာကျည်းမှုများစွာရှိသည့် နတ်ဆိုးအများအပြားသည် အညှီရှိရာအုံသော ယင်ကောင်များသဖွယ်ပြုံခဲကာ ကောင်းကင်နဂါးချောက် သို့ ဝင်ရောက်လာသည်။]

[သူတို့၏ ဝမ်းနည်းဖွယ်ရာ နောက်ခံများနှင့် ကြမ္မာဆိုးများက သူတို့ကို အကူအညီရှာဖွေရန် ကောင်းကင်နဂါးချောက်သို့ဝင်ရန် အလိုလျောက် တွန်းအားပေးခဲ့သည်။]

[သူတို့၏ ရန်သူများသည် ဂိုဏ်းအကြီးကဲများမှသည် မကောင်းဆိုးရွား နတ်ဆိုးကျင့်ကြံသူများအထိ ပါဝင်သည်။]

[သူတို့အားလုံးသည် အလွန်အမင်း ခွန်အားကြီးမားကြသည်။]

[သူတို့ကိုယ်တိုင် လက်စားမချေနိုင်သောကြောင့် သူတို့သည် ကောင်းကင်နဂါးချောက် ကို အားကိုးခဲ့ကြသည်။]

[ ယဲ့ယွီ သည် ဤအခြေအနေကို ဝမ်းမြောက်စွာ မျက်နှာကြီးပြုံးကာ ကြိုဆိုသည်။]

[ကိစ္စတစ်ခု ပေါ်ပေါက်လာတိုင်း သူသည် ပူဟောက်ယန် ကို ရိုးရှင်းစွာ ညွှန်ပြကာ ခိုင်းစေလိုက်သည်။]

[ထိုသူက ချက်ချင်းပင် အလုပ်စလုပ်သည်။]

[သူ၏ လုပ်ရည်ကိုင်ရည်သည် ထူးခြားသည်။]

[ထို့အပြင် သူ၏လုပ်ရပ်များသည် အလွန်ပြတ်သားပြီး ရန်သူဂိုဏ်းများကို တစ်ခါတည်းနှင့် အစနပင်မကျန်အောင် ရှင်းလင်းဖျက်ဆီးပစ်သည်။]

[သူ၏နည်းလမ်းများသည် အလွန်အမင်း ရက်စက်သည်။]

[ဤလုပ်ဆောင်မှုများသည် ကုန်ကျစရိတ်ကြီးမားသော်လည်း ရရှိလာသောနယ်မြေသည် အလွန်ကြီးမားသည်။]

[ ကောင်းကင်နဂါးချောက် ၏ တောင်ပိုင်းနှင့် မြောက်ပိုင်းနေရာအနှံ့တွင် ပြင်းထန်စွာဖြစ်ပေါ်နေသော တိုက်ပွဲများသည် မဟာမိတ်များကို သွေးမြေခစေခဲ့သည်။]

[နောက်ဆုံးတွင် ယဲ့ယွီ ကို မြေနတ်ဆိုး အဆင့်၏ ထိပ်ဆုံးသို့ ရောက်ရှိစေသည်။]

[သူသည် ယခု ပိုင်ရှီချူ ပြောခဲ့သည့် ကောင်းကင်နတ်ဆိုး အဆင့်မှ တစ်ဆင့်သာ လိုတော့သည်။]

[သို့သော် လက်ရှိတွင် အရာအားလုံးက တည်ငြိမ်နေပုံရသည်။]

[ ကောင်းကင်နတ်ဆိုး အဆင့်သို့ ရောက်ရှိသောအခါ ဘာပြောင်းလဲမှုများ ဖြစ်ပေါ်လာမည်ကို မသိရသေး။]

[ ပိုင်ရှီချူ က တစ်ဝက်တစ်ပျက် ပြောသွားခြင်းသည် စိတ်ပျက်စရာကောင်းသည်။]

[ ယဲ့ယွီ အတွင်းစိတ်မှ စိတ်ရှုပ်ထွေးစွာ ညည်းတွားနေစဉ်။]

[ အလွန်လှပသော ကိုယ်လုံးပိုင်ရှင် ပိုင်ရှီချူ သည် ရုတ်တရက် ပေါ်လာသည်။]

[ ယဲ့ယွီ ၏ မျက်လုံးများ အံ့အားသင့်စွာ ပြူးသွားသည်။]

[ဘာတွေဖြစ်နေတာလဲ?]

[သူမက ရက်အနည်းငယ်ကမှ ထွက်ခွာသွားတာ၊ ဘာလို့ ပြန်ရောက်လာရတာလဲ?]

[သူမသည် သူ၏ အတွင်းစိတ်မှ ညည်းတွားသံကို ကြားသွားတာလား?]

[မဖြစ်နိုင်ဘူး၊ မဖြစ်နိုင်ဘူး။ နတ်ဆိုးသခင်က တကယ်ပဲ စိတ်ကိုဖတ်နိုင်လောက်အောင် အစွမ်းထက်သလား?]

[မဟုတ်ဘူး၊ သူ ဘာတစ်ခုမှ ဖော်ထုတ်လို့ မရဘူး။ သူ၏ ခန့်မှန်းချက် မှားနေရင် ဘယ်လိုလုပ်မလဲ?]

[အေးဆေးတည်ငြိမ်ဟန်ဆောင်ရင်း ယဲ့ယွီ က “နတ်ဆိုးသခင်မ၊ ဒီနေ့ ဘာကိစ္စနဲ့ ရောက်လာတာလဲခင်ဗျာ?” ဟု မေးလိုက်သည်။]

[ ပိုင်ရှီချူ ၏ မျက်နှာအမူအရာက လေးနက်နေသည်။]

[သူမက လေးလေးနက်နက် ပြန်ဖြေသည်၊ “ငါက မင်းကို သတင်းဆိုးတစ်ခု ပြောပြဖို့ လာခဲ့တာ။ မင်းရဲ့ ဘေးအန္တရာယ် ရောက်လာပြီ!”]

[ ယဲ့ယွီ က ပိုင်ရှီချူ ရှင်းပြသည်ကို နားထောင်လိုက်သည်။]

[ ကောင်းကင်နဂါးချောက် ၏ ရန်လိုသော ဂိုဏ်းများကို ရှင်းလင်းမှုသည် ကျယ်ပြန့်သော မကျေနပ်မှုများကို ဖြစ်ပေါ်စေခဲ့သည်။]

[ဂိုဏ်းခေါင်းဆောင်များစွာသည် ဂိုဏ်းတစ်ခုကို မထိန်းချုပ်နိုင်ဘဲ ကြီးထွားလာအောင် လုပ်ဖို့ ဆန္ဒမရှိကြပေ။]

[ထို့အပြင် ကောင်းကင်နဂါးချောက် ၏ ဂိုဏ်းများကို လုံးဝသုတ်သင်ကာ အပြတ်ဖြတ်ရှင်းလင်းမှုသည် သည်းမခံနိုင်စရာဟု ယူဆခဲ့သည်။]

[သူတို့ တွေးလိုက်ကြသည်- “ ပိုင်ယုံကျီ ၏ နယ်မြေမှာ တကယ်ပဲ အင်အားကြီး ကျင့်ကြံသူတွေ မရှိတော့ဘူးလား?”]

[ရလာဒ်အနေဖြင့် ဂိုဏ်း ခြောက်ခု သည် ပူးပေါင်းပြီး ကောင်းကင်နဂါးချောက် ကို တိုက်ခိုက်ကာ သူတို့၏ ရမ်းကာလွန်းနေမှုကို ကိုင်တွယ်ရန် ချီတက်လာကြသည်။]

[သူတို့သည် တစ်ရက် သို့မဟုတ် နှစ်ရက်အတွင်း ရောက်ရှိလာရန် မျှော်လင့်ရသည်။]

[ဤအရာကို ကြားသောအခါ ယဲ့ယွီ သည် ခဏတာ အံ့အားသင့်သွားသည်။]

[ဒါက သတင်းဆိုး မဟုတ်ဘူး—ဒါက မယုံနိုင်စရာကောင်းတဲ့ အခွင့်အရေး ပဲ!]

[လက်ရှိအခြေအနေကို ထည့်သွင်းစဉ်းစားပါက ကောင်းကင်နဂါးချောက် တွင် ပိုင်ယုံကျီ ၏ နယ်မြေထဲ၌ တပည့် တစ်သောင်းကျော် ရှိနှင့်ပြီးသား ဖြစ်သည်။]

[ဂိုဏ်း၏ဂုဏ်သတင်းက အလွန်ထင်ရှားသည်။]

[တိုက်ပွဲများအတွင်း သေဆုံးမှုထက် အဖွဲ့ဝင်အသစ်များသည် ပိုများသည်။]

[ဒီတပည့်တွေ အားလုံး သေဆုံးသွားခဲ့ရင်။]

[သူတို့က အထူးသဖြင့် အားကောင်းတာ မဟုတ်ရင်တောင်။]

[သူတို့၏ သေဆုံးမှုများသည် ယဲ့ယွီ ကို ကောင်းကင်နတ်ဆိုး အဆင့်သို့ သို့မဟုတ် ပိုမိုမြင့်မားသောအဆင့်သို့ ထိုးဖောက်ရန် လုံလောက်သောစွမ်းအင်ကို ပေးလိမ့်မည်။]

[“မဟာမိတ်များ သေဆုံးမှု မှ ရတနာသိုက်ကြီးထက်ပင် အဖိုးတန်လှသော အကျိုးကျေးဇူးများကို အများဆုံးရယူရန်”— ယဲ့ယွီ ၏ ထူးခြားသောစွမ်းရည်ကို ပြီးပြည့်စုံစွာ အသုံးပြုနိုင်မည်။]

[ ယဲ့ယွီ က ထိုကဲ့သို့သော အခွင့်အရေးကို ဘယ်လိုလုပ် လက်လွှတ်ခံနိုင်မလဲ?]

[“လာပါစေ၊ လာပါစေ! ဒီနေ့ကို ကြာမြင့်စွာကတည်းက မျှော်လင့်နေခဲ့တာ။”]

[သို့သော်လည်း သူသည် ပထမဆုံးအနေဖြင့် ပူဟောက်ယန် ကို ထွက်ခွာစေရန် လိုအပ်သည်။]

[မဟုတ်ရင် ပူဟောက်ယန် က စိတ်လွတ်သွားပါက ပြင်းထန်သော ပဋိပက္ခတစ်ခုသို့ ဦးတည်သွားနိုင်သည်။]

[ ပူဟောက်ယန် သည် အသုံးဝင်နေသေးသည်။]

[ ယဲ့ယွီ က သူ့ကို အချိန်မတိုင်မီ သေဆုံးစေချင်ခြင်းမရှိပေ။]

[ ကောင်းကင်နဂါးချောက် မှ တခြားအဖွဲ့ဝင်များအတွက်လား? ကောင်းပြီ၊ ဒါက အရေးမကြီးဘူး။]

[ ယဲ့ယွီ စကားမပြောဘဲ ပြုံးနေသည်ကို မြင်သောအခါ ပိုင်ရှီချူ က ပို၍ပို၍ စိုးရိမ်လာသည်။]

[သူမက ပြတ်သားစွာ ပြောသည်၊ “ဒီလိုအချိန်မှာ မင်း ဘယ်လိုလုပ် ပြုံးနိုင်တာလဲ? ဒါမှမဟုတ်… မင်းမှာ အစီအစဉ်တစ်ခု ရှိနှင့်ပြီးပြီလား?”]

[ ယဲ့ယွီ က ပြတ်သားစွာ ခေါင်းခါလိုက်သည်။]

[ဟုတ်တယ်၊ သူမှာ အစီအစဉ်တစ်ခု ရှိရင်တောင် သူ ဖော်ထုတ်လိမ့်မည်မဟုတ်။]

[ဒီနေ့က သူ စောင့်ဆိုင်းနေခဲ့တဲ့နေ့ပဲ။]

[ ပိုင်ရှီချူ က မျက်မှောင်ကြုတ်ပြီး ပြောသည်၊ “မရှိရင် ကောင်းကင်နဂါးချောက် မှ တပည့်အားလုံးကို ချက်ချင်း ရွှေ့ပြောင်း လိုက်ပါ။ဂိုဏ်းကို အခွံသက်သက်သာ ချန်ထားခဲ့!”]

[ဒီလိုဆိုရင် ဂိုဏ်းက သူ၏ အဓိကအင်အားကို ထိန်းသိမ်းနိုင်မည်။]

[“မရဘူး!”]

[ ယဲ့ယွီ သည် ချက်ချင်းပင် ကန့်ကွက်လိုက်သည်။]

[လူတိုင်း ထွက်ခွာသွားရင် သူက ဘယ်လိုလုပ် အားကောင်းလာမှာလဲ?]

[ ပိုင်ရှီချူ ၏ စိတ်ကို ပြောင်းလဲစေရန်။]

[ ယဲ့ယွီ က အလျင်အမြန် ပြောသည်၊ “နတ်ဆိုးသခင်မ၊ ကျွန်တော်တို့ ထွက်လို့မရဘူး။”]

[“ကျွန်တော်တို့ ထွက်ပြေးရင် ကောင်းကင်နဂါးချောက် ရဲ့ ဂုဏ်သတင်း ပျက်စီးသွားလိမ့်မယ်။”]

[ ပိုင်ရှီချူ က လေးလေးနက်နက် ပြန်ဖြေသည်၊ “ဒါပေမဲ့ ကျွန်မတို့ သေဆုံးဖို့ စောင့်ဆိုင်းနေလို့လည်း မရဘူး!”]

[ ယဲ့ယွီ က ပြုံးပြီး ပြောသည်၊ “ကျွန်တော်တို့က မီးတောက်များထဲမှ ပြန်လည်မွေးဖွားလာတဲ့ဖီးနစ်ငှက်လို တိုက်ပွဲဝင်စိတ်မျိုးထားပြီး တိုက်ခိုက်ရမှာ။ ဒီကပ်ဆိုးကို ရှင်သန်နိုင်ရင် ကျွန်တော်တို့က ပိုပြီး အားကောင်းလာပြီး အနာဂတ်မှာ ကျွန်တော်တို့ရဲ့ ဘုန်းကျက်သရေကို ပြန်ရနိုင်လိမ့်မယ်။”]

[“ဒါက ခမ်းနားတဲ့ ဇာတ်လမ်းတစ်ပုဒ် မဟုတ်ဘူးလား?”]

[“ကျွန်တော်တို့ ထွက်ပြေးရင် နတ်ဆိုးလောကက ကျွန်တော်တို့ကို ဘယ်လိုမြင်မှာလဲ?”]

[“စိတ်ခံစားမှုဆိုင်ရာ ဉာဏ်ရည်မြင့်မားခြင်း- အင်အားကို ထိန်းသိမ်းရန် မဟာဗျူဟာမြောက် ဆုတ်ခွာမှု ။”]

[“စိတ်ခံစားမှုဆိုင်ရာ ဉာဏ်ရည်နိမ့်ကျခြင်း- ကြောက်ရွံ့ခြင်းနှင့် သတ္တိမရှိခြင်း ။”]

[ဤအရာကို ကြားသောအခါ ပိုင်ရှီချူ သည် နက်နက်ရှိုင်းရှိုင်း စဉ်းစားခန်းဝင်သွားသည်။]

[သူမသည် ယဲ့ယွီ ၏ စကားများက ယုတ္တိရှိသည်ကို ဝန်ခံသည်။]

[သို့သော် မဆင်မခြင် ရှေ့သို့ တိုးခြင်းက အောင်မြင်ခဲ့ရင်တောင် ဆုံးရှုံးမှုများစွာနှင့် သေဆုံးမှုများစွာကို ဖြစ်စေလိမ့်မည်။]

[ဤကုန်ကျစရိတ်သည် အရမ်းများပြားနေသလား?]

[ ပိုင်ရှီချူက လှပသောမျက်တောင်ရှည်များရှိသော သမင်မျက်လုံးလေးကိုမှေးကာ စဉ်းစားနေစဉ်။]

[ဂိုဏ်းချုပ် ပူဟောက်ယန် က ရေးကြီးသုတ်ပြာ အထိတ်တလန့်အသံကြီးဖြင့် အပြင်မှ ခေါ်လိုက်သည်၊ “ဆရာ၊ ကင်းလှည့်တပည့်တွေက ဂိုဏ်း ခြောက်ခု က ကျွန်တော်တို့ဆီကို အလျင်အမြန် ချဉ်းကပ်လာနေတယ်လို့ သတင်းပို့တယ်။ သူတို့က ရည်ရွယ်ချက်ရှိပုံရတယ်။ ကျွန်တော်တို့ ဘာလုပ်သင့်သလဲ?”]

[ ပိုင်ရှီချူ ၏ မျက်နှာ မည်းမှောင်သွားသည်။]

[“ဘာလို့ ဒီလောက် မြန်မြန် ရောက်လာရတာလဲ?”]

၃၃၇ ဆက်ရန်