အခန်း (၃၃၉)

---

[နတ်ဆိုးလောကတွင်၊ အကြွင်းမဲ့တန်ခိုးအာဏာရှေ့၌ ရိုးရှင်းသော စစ်သည် အရေအတွက်များသည် ပိုးကောင်များသဖွယ် လုံးဝနီးနီး အရေးမပါချေ။]

[ဂိုဏ်း ခြောက်ခု တွင် ကျင့်ကြံသူ ထောင်ဂဏန်းအနည်းငယ်သာ ရှိကောင်းရှိနိုင်သော်လည်း။]

[သူတို့၏ ဂိုဏ်းချုပ်များ၏ ဦးဆောင်မှုအောက်တွင် ကောင်းကင်နဂါးချောက် ၏ နတ်ဆိုးကျင့်ကြံသူ တစ်သောင်းကို လုံးဝ လွှမ်းမိုးသွားခဲ့သည်။]

[တိုက်ပွဲသည် တစ်ဖက်သတ် ဖြစ်နေသည်။]

[အခိုက်အတန့်တိုင်းတွင် ကောင်းကင်နဂါးချောက် တပည့်များသည် ကျဆုံးနေကြသည်။]

[ထိုအချိန်တွင် ယဲ့ယွီ ၏ ကျင့်ကြံမှုအဆင့်သည် အံ့မခန်း မြင့်တက်လာသည်။]

[သူသည် ကောင်းကင်နတ်ဆိုး အဆင့်သို့ လျင်မြန်စွာ ထိုးဖောက်သွားခဲ့သည်။]

[ဤအဆင့်သည် လူ့လောကရှိ ဆန်းကျယ်နတ်ဘုရား အဆင့်နှင့် ညီမျှသည်။]

[၎င်းသည် ယဲ့ယွီ တစ်ခါမှ မရောက်ဖူးသော မြင့်မားလှသည့် အဆင့်တစ်ခု ဖြစ်သည်။]

[သူ့ပတ်လည်ရှိ နတ်ဆိုးစွမ်းအင်များ၏ မြစ်ရေသဖွယ် တဝုန်းဝုန်းရိုက်ခတ်ကာ စဉ်ဆက်မပြတ် ဝင်ရောက်မှုနှင့်အတူ။]

[၎င်းသည် လုံးဝ အရမ်းကိုပျော်ရွှင်စရာ ကောင်းသော အတွေ့အကြုံတစ်ခုဖြစ်သည်။တိမ်တွေထဲမှာ လမ်းလျှောက်နေရသလိုပင်။]

[သို့သော် ဤပျော်ရွှင်မှုသည် ကြာကြာမခံခဲ့။]

[အေးစက်သော အသံတစ်ခု သူ့နားထဲသို့ ရောက်လာသည်။]

[“သွားတော့!”]

[နောက်တစ်ခဏတွင် ပိုင်ရှီချူ သည် သူ့ရှေ့တွင် ပေါ်လာပြီး ယဲ့ယွီ က သူ၏ကိုယ်ခန္ဓာ ပေါ့ပါးသွားသည်ကို ခံစားလိုက်ရသည်။]

[နှစ်ဦးစလုံးသည် မယုံနိုင်လောက်သော အရှိန်ဖြင့် တောင်ဘက်သို့ အလွန်မြန်သောနှုန်းဖြင့်ထွက်ခွာသွားကြသည်။]

[အခိုက်အတန့်အတွင်း သူတို့သည် မိုင် တစ်ထောင် ကျော် ဝေးနေခဲ့ပြီ။]

[လွှမ်းမိုးသော နတ်ဆိုးစွမ်းအင် လှိုင်းလုံးကြီးသည် ခြေရာလက်ရာမကျန် ပျောက်ကွယ်သွားသည်။]

[“ငါတို့ စစ်မြေပြင်ကနေ ထွက်ခွာခဲ့ပြီလား?”]

[ ယဲ့ယွီ သည် တုန်လှုပ်ခြင်းနှင့် စိတ်နှလုံးညှိုးနွမ်းခြင်းတို့ တပြိုင်တည်းခံစားသွားရသည်။]

[ပိုပြီး အားကောင်းလာမည့် ပြီးပြည့်စုံသော အခွင့်အရေးတစ်ခုသည် ရုတ်တရက် ရပ်တန့်သွားခဲ့သည်။]

[ဒါက သူ ဘယ်တော့မှ ခွင့်မလွှတ်နိုင်မည့် နာကျည်းမှုတစ်ခု ဖြစ်သည်။]

[ ယဲ့ယွီ က ခါးသီးစွာ ညည်းတွားလိုက်သည်၊ “ကောင်းပြီ၊နတ်ဆိုးအရှင်မရေ ခင်ဗျားက ထွက်ပြေးမယ်ဆိုရင် ထွက်ပြေးလိုက်! ဒါပေမဲ့ ဘာလို့ ကျွန်တော့်ကို ဆွဲခေါ်သွားရတာလဲ? လွှတ်!—ကျွန်တော် ပြန်သွားပြီး ကျွန်တော့်ညီအစ်ကိုတွေနဲ့အတူ တိုက်ခိုက်ရဦးမယ်!”]

[ ပိုင်ရှီချူ ၏ မျက်နှာအမူအရာ ရှုပ်ထွေးလာသည်။]

[သူမသည် ယဲ့ယွီ ကို အေးစက်ပြီး ဆင်ခြင်တုံတရားရှိသော အမြီးကျက်အမြီးစား ခေါင်းကျက်ခေါင်းစား အခွင့်အရေးသမားတစ်ဦးဟု အစက ထင်ခဲ့သည်။]

[သို့သော် သူမ အံ့အားသင့်စရာကောင်းစွာဖြင့် သူသည် ထိုသို့သော အလွန်အမင်း အသက်ထက်ပိုတန်ဖိုးထားသော သစ္စာရှိမှုကို ပြသခဲ့သည်။]

[မျှော်လင့်ချက်မဲ့နေသော အခြေအနေတွင်ပင် သူ ပြန်သွားချင်သည်။]

[၎င်းသည်… စိတ်လှုပ်ရှားစရာကောင်းသည်။]

[သို့သော်လည်း နတ်ဆိုးလောကတွင် သစ္စာရှိမှုသည် ဂုဏ်ကျက်သရေတစ်ခု မဟုတ်ပေ။]

[၎င်းသည် ပျော့ညံ့သောနတ်ဆိုးများ၏ ဝိသေသဖြစ်၍ ပြင်ဆင်သင့်သော အရာတစ်ခုဖြစ်သည်။]

[ ပိုင်ရှီချူ ၏ အသံက တဖြေးဖြေး အေးစက်လာသည်- “မင်း နေခဲ့ရင် သေလိမ့်မယ်!”]

[“မင်းက ငါ့အတွက် အဖိုးတန်တယ်။ လိမ်လိမ်မာမာနေစမ်း ၊အေးအေးဆေးဆေးနေပြီး ငါနဲ့ လိုက်ခဲ့။ ငါ မင်းကို ပြန်ပြီး တန်ခိုးကြီးမားလာပီးလက်စားချေနိုင်အောင် ကူညီပေးမယ်!”]

[“ ကောင်းကင်နဂါးချောက် ပြိုလဲသွားခဲ့ရင်တောင် မြေနဂါးချောက် ၊ ပျံသန်းနဂါးချောက် ရှိနေသေးတယ်။”]

[“မင်းရဲ့ ရည်မှန်းချက်တွေကို အောင်မြင်ဖို့ အခွင့်အရေးကို ငါ ပေးမယ်!”]

[ ယဲ့ယွီ ၏ ဒေါသများ ဆူပွက်လာသည်။]

[“ဘယ်လို ရည်မှန်းချက်တွေလဲ?”]

[“ကျွန်တော့်ရဲ့ ရည်မှန်းချက်က ကျွန်တော့်ရဲ့ အသင်းဖော်အားလုံးကို စတေးပြီး အဆုံးစွန်ဆုံး အင်အားလမ်းကြောင်းကို လျှောက်လှမ်းဖို့ပဲ!”]

[တိုတိုပြောရလျှင် ယဲ့ယွီ ၏ ပန်းတိုင်သည် ရိုးရှင်းသည်- စစ်ဗိုလ်ချုပ်တစ်ဦး၏ အောင်မြင်မှုသည် ရေတွက်မရနိုင်သော အခြားသူများ၏ အရိုးများပေါ်တွင် တည်ဆောက်ထားသည်ဟူသော ပရောဖက်ပြုချက်ကို ပြည့်စုံစေရန် ဖြစ်သည်။]

[ယခုတော့ သူ၏ အောင်မြင်မှုသည် မဟာမိတ်များ အလုံအလောက် မကျဆုံးသေးသောကြောင့် နှောင့်နှေးနေပြီး ထိုစဉ်တွင် ဖေနိုးမ ပိုင်ရှီချူ က သူ့ကို ဆွဲခေါ်သွားခဲ့သည်။]

[သူမသည် သူ၏ကြီးထွားမှုအတွက် အဓိက အနှောင့်ယှက် အတားအဆီးဖြစ်သည်။]

[ ယဲ့ယွီ တွင် ပြောစရာ စကားများစွာ ရှိခဲ့သော်လည်း သူ မစတင်မီ။]

[ကြီးမားသော အမဲရောင်မီးတောက်များ လောင်ကျွမ်းနေသည်ံ့ သွေးနီရောင် နတ်ဆိုးလက်သည်း တစ်ခု ရုတ်တရက် ပေါ်လာသည်။]

[၎င်းက ပိုင်ရှီချူ နှင့် ယဲ့ယွီ ၏ လမ်းကို ပိတ်ဆို့ထားသည်။]

[သူတို့သည် လေဟုန်စီးကာ ပျံသန်းနေသော အရှိန်ကိုရပ်တန့်ကာ ရှောင်တိမ်းရန် ပြင်ဆင်ရတော့သည်။]

[ထိုအချိန်တွင် သွေးလက်သည်းသည် ကွဲကြေသွားသည်။]

[၎င်းသည် ရေတွက်မရနိုင်သော နတ်ဆိုးစာလုံးများ ရေးထိုးထားသော အနီရောင်နံရံတစ်ခုအဖြစ် ပြောင်းလဲသွားပြီး နတ်ဆိုးဂါထာသံများ အော်မြည်ကာ သူတို့၏လမ်းကို လုံးဝ ပိတ်ဆို့ထားသည်။]

[ ပိုင်ရှီချူ ၏ မျက်နှာအမူအရာ အလွန်လေးနက်လာသည်။]

[ခရမ်းရောင်စွမ်းအင်သည် အဝေးမှ အလင်းအရှိန်ဖြင့် ချဉ်းကပ်လာသည်။]

[ ပိုင်ယုံကျီ သည် သူ၏လက်များကို နောက်ပစ်ထားပြီး အပိုင်တွက်ထားသော သူရဲကောင်းတစ်ယောက်ပုံစံမျိုးဖြင့် လေထဲတွင် ရပ်နေသည်။]

[သူ၏အသံက အေးစက်နေသည်၊ “မင်းက ငါ့နယ်မြေထဲကို ဝင်လာပြီး ဒဏ်ရာအနာတရ မရှိဘဲ ထွက်သွားနိုင်မယ်လို့ တကယ်ထင်ခဲ့တာလား?”]

[အရင်က သူတို့၏တိုက်ပွဲအတွင်း ပိုင်ယုံကျီ သည် ယဲ့ယွီ က ကျူရွီကျုန်း ကို ချက်ချင်း တစမကျန် ဖျက်ဆီးပစ်သည်ကို မမြင်ခဲ့ရပေ။]

[ထို့ကြောင့် ပိုင်ရှီချူ သည် ယဲ့ယွီ သည် ကောင်းကင်ဘုံတက်လှမ်းခြင်းအဆင့် အဆင့်တွင်သာ ရှိသည်ဟု အလိုလို ယူဆခဲ့သည်။]

[သူမက ယဲ့ယွီကို သူမ အိစက်သော တင်ပါးများ၏နောက်သို့ လက်မောင်းကိုကိုင်ကာ ဆွဲခေါ်ထားပြီး အေးစက်စွာ ပြောသည်၊ “ငါတို့ ဒဏ်ရာအနာတရ မရှိဘဲ ထွက်သွားမလားဆိုတာကို တိုက်ပွဲမှာ ဆုံးဖြတ်ရလိမ့်မယ်။”]

[စကားပြောပြီးနောက် ပိုင်ရှီချူ က ယဲ့ယွီ ကို စိတ်ချင်းဆက်သွယ်သော မက်ဆေ့ချ်တစ်ခု ပို့လိုက်သည်- “ငါ ပိုင်ယုံကျီ နဲ့ တိုက်ခိုက်နေတုန်းမှာ မင်း ထွက်ပြေးတော့နော်!”]

[“လုံခြုံတဲ့နေရာတစ်ခု ရှာပြီးငါ့ကို စောင့်နေ ၊ လွတ်အောင်ပြေးဖို့ မမေ့နဲ့နော် ။”]

[ ယဲ့ယွီ သည် ဤအရာကြောင့် အံ့အားသင့်သွားသည်။]

[ဘာကြောင့် ပိုင်ရှီချူ က ရုတ်တရက် သူ့အပေါ် ဒီလောက် ကောင်းမွန်စွာ ဆက်ဆံနေတာလဲဆိုတာ သူ နားမလည်နိုင်ခဲ့။]

[အမှန်တကယ်တော့ ပိုင်ရှီချူ သည် ယဲ့ယွီ ကို အလွန်တန်ဖိုးထားခဲ့သည်။]

[သူသည် ရှားပါးသော အရည်အချင်းရှိသူတစ်ဦးဖြစ်သည်ဟု သူမ အမှန်တကယ် ယုံကြည်ခဲ့သည်။]

[ဒါကြောင့်ပဲ သူမ ထွက်ပြေးနေစဉ် သူ့ကို ခေါ်သွားခဲ့ခြင်း ဖြစ်သည်။]

[ဒါက လူအနည်းငယ်သာ မျှော်လင့်နိုင်သော အခွင့်အရေးတစ်ခုဖြစ်သည်။]

[တခြားတစ်ဖက်တွင် ပိုင်ယုံကျီ သည် အကြီးမားဆုံး ဟာသကို ကြားလိုက်ရသကဲ့သို့ ရယ်မောလိုက်သည်။]

[“မင်းက တော်တော် ပျော်စရာကောင်းတာပဲ— ရမက်နတ်ဆိုး (နတ်ဆိုးမ) လေးတစ်ကောင်က ငါ့ကို စိန်ခေါ်ဖို့ ရဲရဲဝံ့ဝံ့ ရှိနေတာလား? ဘယ်အချက်အပေါ်မှာလဲ?”]

[ ပိုင်ယုံကျီ ၏ ပုံစံသည် ရုတ်တရက် သွေးပင်လယ်ကြီးတစ်ခုအဖြစ် တဝုန်းဝုန်းရိုက်ခတ်ကာ ပျော်ဆင်းသွားပြီး အဆမတန် ကျယ်ပြန့်လာသည်။]

[သူ၏ဟိန်းသံမှ စွမ်းအင်လှိုင်းများသည် ယဲ့ယွီ နှင့် ပိုင်ရှီချူ ၏ အဝတ်များကို ပြင်းထန်စွာ လှုပ်ခတ်စေသည်။]

[နတ်ဆိုးလောကတွင် နတ်ဆိုးများသည် အမျိုးအစားများစွာရှိသည်- ရမက်နတ်ဆိုး ၊ သွေးနတ်ဆိုး ၊ အလောင်းနတ်ဆိုး ၊ အရိပ်နတ်ဆိုး နှင့် ချောက်နတ်ဆိုး တို့သည် အချို့ဖြစ်သည်။]

[ ပိုင်ယုံကျီ ၏ လက်ရှိပုံစံသည် စစ်မှန်သော သွေးနတ်ဆိုး တစ်ဦး၏ ပုံစံဖြစ်သည်။]

[ သွေးနတ်ဆိုး များသည် သူတို့၏ အပြိုင်အဆိုင်မရှိသော ပြန်လည်မွေးဖွားခြင်းကြောင့် ထင်ရှားပြီး သူတို့ကို သတ်ရန် အလွန်ခက်ခဲသည်။]

[ထိုးစစ်စွမ်းအားအတွက် နာမည်မကြီးသော်လည်း သူတို့သည် ရမက်နတ်ဆိုး များထက် အများကြီး သာလွန်သည်၊ ရမက်နတ်ဆိုး များသည် အခြားသူများကို ဆွဲဆောင်ရန် ထူးချွန်သော်လည်း တိုက်ခိုက်ရေးစွမ်းရည် မရှိသလောက် နည်းပါးသည်။]

[တူညီသောအဆင့်ရှိ နတ်ဆိုးများ ထိပ်တိုက်တွေ့သောအခါ ရလဒ်သည် မကြာခဏဆိုသလို ကြိုတင်ဆုံးဖြတ်ထားပြီးဖြစ်သည်။]

[အထူးသဖြင့် ပိုင်ယုံကျီ သည် နက်နဲသောနတ်ဆိုး အဆင့်၏ ထိပ်ဆုံးတွင်ရှိနေပြီး။]

[ ပိုင်ရှီချူ သည် ထိုအဆင့်၏ နှောင်းပိုင်းအဆင့် တွင်သာ ရှိနေသည်ကို ထည့်သွင်းစဉ်းစားလျှင်။]

[သူတို့သည် စွမ်းအား၏ လုံးဝကွဲပြားခြားနားသော အဆင့်များတွင် ရှိနေကြသည်။]

[သူတို့၏ စကားပြောဆိုမှုကို ကြားသောအခါ ယဲ့ယွီ သည် အလွန်အံ့အားသင့်သွားသည်။]

[ ပိုင်ရှီချူ သည် ရမက်နတ်ဆိုး ဖြစ်သည်ဟု သူ မမျှော်လင့်ခဲ့ပေ။]

[“ခဏလေး—ဒါဆို ပူဟောက်ယန် က သူမကို ရမက်နတ်ဆိုး လို့ ခန့်မှန်းခဲ့တုန်းက ဘာလို့ ဒီလောက် ဒေါသထွက်သွားရတာလဲ?”]

[“အာ၊ အမျိုးသမီးတွေရဲ့ စိတ်က ပင်လယ်လိုပဲ ထိုးထွင်းမသိနိုင်ဘူး—ခန့်မှန်းဖို့ မဖြစ်နိုင်ဘူး!”]

[နောက်တစ်ခဏတွင် ပိုင်ယုံကျီ ၏ သွေးစွန်းနေသော ပုံစံသည် နှစ်ခြမ်းကွဲသွားသည်။]

[တစ်ပိုင်းက ပိုင်ရှီချူ အပေါ် အာရုံစိုက်ပြီးတိုက်ခိုက်ရန် လာနေသလို နောက်တစ်ပိုင်းက ယဲ့ယွီ ကိုဝန်းဝိုင်းကာ ဝါးမျိုရန်ပြင်ဆင်နေသည်။]

[သူသည် ဘယ်သူ့ကိုမှ ထွက်ပြေးခွင့်ပြုမည် မဟုတ်ကြောင်း ရှင်းလင်းသည်။]

[လှောင်ပြောင်သော လေသံဖြင့် သူက “လာ၊ နှစ်ယောက်နှစ်ယောက် ချမယ်၊ မျှမျှတတပဲ။ ဘယ်သူမှ တစ်ယောက်ကိုတစ်ယောက် အသာစီးယူမှာ မဟုတ်ဘူး။”]

[“ဒါပေမဲ့ ငါ မင်းတို့နေရာမှာဆိုရင် ဒီလိုမျိုး ဒုက္ခပေးတာကို မလုပ်ဘူး။”]

[“အခုပဲ လက်နက်ချလိုက်၊ ငါ့ရဲ့ သန့်စင်တဲ့ အာဟာရဖြစ်လာပြီး မင်းတို့ရဲ့ မသေခင် ဆင်းရဲဒုက္ခတွေခံစားရတာကို အနည်းဆုံး ဖြစ်အောင် လိမ်လိမ်မာမာလေး အသေခံလိုက်တော့"

[ ပိုင်ရှီချူ သည် ဘာမှ မပြောခဲ့။]

[သူမသည် ရှေ့သို့ပြေးသွားပြီး ပိုင်ယုံကျီ ၏ ပုံစံနှစ်ခုလုံးကို အလွန်လှပသော အင်းကွက်နည်းစနစ်များ ကိုလေထဲတွင်ထုတ်ကာ ပိတ်ဆို့ရန် ကြိုးစားပြီး ယဲ့ယွီ ကို ထွက်ပြေးရန် အချိန်ပေးခဲ့သည်။]

[သို့သော်လည်း အရာရာတိုင်းသည် အစီအစဉ်အတိုင်း မဖြစ်ခဲ့ပေ။]

[ ပိုင်ယုံကျီ သည် ပိုင်ရှီချူ ၏ ရည်ရွယ်ချက်များကို မြင်နေပုံရသည်။]

[“မင်းက ဒီနတ်ဆိုးကျင့်ကြံသူကို ကာကွယ်ချင်တယ်?”]

[“ဒါဆို ငါက ဒီကောင်ကိုရအောင် ရှင်းပစ်မယ် ၊ !”]

[ ပိုင်ယုံကျီ ၏ ပုံစံနှစ်ခုလုံးသည် ပျောက်ကွယ်သွားပြီး ယဲ့ယွီ ၏ ဘေးနှစ်ဖက်တွင် ပြန်ပေါ်လာသည်။]

[သူတို့သည် ယဲ့ယွီ ကို ထိုနေရာတွင် သတ်ပစ်ရန် ရည်ရွယ်ချက်ဖြင့် တစ်ပြိုင်နက်တည်း တိုက်ခိုက်ခဲ့ကြသည်။]

[ဒါကို မြင်သောအခါ ပိုင်ရှီချူ က ထိတ်လန့်တကြား အသံကုန် အော်ဟစ်လိုက်သည်၊ “မလုပ်နဲ့!”]

[ ပိုင်ယုံကျီ ၏ လက်များ ယဲ့ယွီ ကို ထိခါနီးအချိန်တွင်။]

[ကြီးမားသော ဖွဲ့စည်းမှုတစ်ခုက ရုတ်တရက် မြေပြင်ပေါ်တွင် ပေါ်လာသည်။]

[သွေးနီရောင် စာလုံးများက တောက်ပသော အလင်းရောင်ဖြင့် တောက်လောင်လာသည်။]

[ ယဲ့ယွီ သည် ခန့်ညားစွာ လက်တစ်ဖက်ကို မြှောက်ပြီး အေးစက်စွာ အော်လိုက်သည်၊ “ ကောင်းကင်မိုးကြိုး သုတ်သင်ခြင်းအစီရင်!”]

[ဒါက ကြယ်တစ်သောင်းကျမ်း မှ ထိပ်တန်း ထိုးစစ်ဖွဲ့စည်းမှု ငါးခု ထဲမှ တစ်ခုဖြစ်သည်။]

[ချက်ချင်းဆိုသလို ကောင်းကင်ယံတွင် အပြာရောင် ကြယ်စင်များ အရွယ်စားကြီးမားလာကာ တလက်လက် တောက်ပလာသည်။]

[ရေတွက်မရနိုင်သော ကောင်းကင်မိုးကြိုးများက ဟိန်းသံပေးပြီး အလွန်ကြောက်မက်ဖွယ်ကောင်းကင်ကပ်ဘေးအလား ပြင်းထန်သော အင်အားဖြင့် ကျဆင်းလာသည်။]

[၎င်းတို့သည် ပိုင်ယုံကျီ ၏ ပုံစံများကို ဖျက်ဆီးသော စွမ်းအားဖြင့် ရိုက်ခတ်လိုက်သည်။]

၃၄၀ ဆက်ရန်