အခန်း (၁၀၇)

ဒါရိုက်တာမှ အနားယူနိုင်ကြောင်းကြေညာပြီးကတည်း က ရှန်းချူးချူး ရေချိုးခန်းထဲသို့ဝင်သွားခဲ့သည်။ သူထွက်လာသောအခါ၊ ရယ်ချီရှန် သစ်ပင်တစ်ပင်ကိုမှီကာ ဆေးလိပ်သောက်နေသည်ကိုတွေ့လိုက်ရသည်။ လေးဆယ့်ငါးဒီဂရီကောင်းကင်ကို မော့ကြည့်လိုက်နေလေရာ ဝမ်းနည်းစရာကောင်းသည့် ဆယ်ကျော်သက်တစ်ယောက်လိုပင်။

ရှန်းချူးချူး မနေနိုင်ဘဲ ရှေ့တတ်မိသွားသည်။

ရယ်ချီရှန် သူ့နောက်ကခြေလှမ်းကိုကြားတော့ ဘေးဘယ်ညာကြည့်လိုက်ပြီး သူ့လက်ကိုခါယမ်းကာ

"မင်း စိတ်မရှိဘူးမှတ်လား"

ရှန်းချူးချူး ခေါင်းယမ်းလိုက်သည်။

ဆေးလိပ်နံ့ကို သူ မကြိုက်သော်လည်း တစ်ခါတစ်ရံ စိတ်ဓာတ်ကျနေချိန်တွင် ဆေးလိပ်သောက်ခြင်းသည် စိတ်ကိုပြေလျော့စေကြောင်း သူမ သိသည်။ ရောက်ရှိလာခြင်းမှာ သူမ၏အစပျိုးမှုဖြစ်ပြီး တခြားသူအားပိတ်ပင်ခွင့်ပြုသည်က အဓိပ္ပာယ်မရှိချေ။

ထို့ပြင် သူမသည် ရယ်ချီရှန်၏သွင်ပြင်ကိုကြည့်ကာ ထိုသို့သောတောင်းဆိုမှုမပြုနိုင်ပေ။

သူတို့နှစ်ဦးသည် ဆယ်စက္ကန့်ကြာ တိတ်ဆိတ်သွားပြီး ရယ်ချီရှန်က "ဒါရိုက်တာခေါ်လို့လား ?"

ရှန်းချူးချူး ခေါင်းယမ်းပြီး "မဟုတ်ပါဘူး၊ ကော ဒီမှာရှိ‌တာတွေ့လို့ ကောနဲ့စကားပြောချင်လို့ပါ"

ရယ်ချီရှန် ဒီစကားကို နားထောင်ပြီးပြုံးကာ စကားမပြောပေ။

"ကောနဲ့ ကောအမျိုးသမီးက တက္ကသိုလ်တုန်းကအတန်း‌ ဖော်တွေလို့ ကျမ ကြားတယ်"

ရှန်းချူးချူး သူ့မိန်းမအကြောင်းပြောနေတာကို ရယ်ချီရှန်ကြားတော့ သူ့မျက်နှာပေါ်ရှိအပြုံးက ပိုနက်ရှိုင်းလာသည်။ သူက စီးကရက်တစ်လိပ်သောက်ပြီး စီးကရက်ကို မီးညှိလိုက်သည်။ ချက်ခြင်း သူ့လက်ကိုအိတ်ကပ်ထဲထည့်လိုက်ပြီး "ဟုတ်တယ်၊ ကောလိပ်အတန်းဖော်"

"ဒါ တကယ်ကံကြမ္မာပဲ၊ ကောနဲ့ ဒီဇာတ်လမ်းရဲ့ Plot ကတကယ်အတူတူဖြစ်နေတာပဲ "

ရယ်ချီရှန် ဒါကိုကြားပြီး ရှန်းချူးချူးကိုလေးလေးနက်နက်ကြည့်လာသည်။

"ဟုတ်တယ်၊ အရမ်းဆင်တယ်၊ ဒါပေမယ့် အတိအကျတော့မတူဘူး။"

ဤစကားကို ပြောပြီးနောက်ရယ်ချီရှန်သည် ရှန်းချူးချူးအား ထပ်မံကြည့်ရှုပြီးနောက် ရှေ့သို့ ခြေလှမ်းအနည်း ငယ်လှမ်းကာ "ရုပ်ရှင်ရိုက်ဖို့ ပြန်သွားတော့"

ရှန်းချူးချူး အံ့အားသင့်သွားပြီး "အော် ဟုတ်ကဲ့"

နောက်ဇာတ်ဝင်ခန်းသည် ပိုအဆင်ချောပြီးတစ်နေ့တာကို မြန်မြန်ပြီးစီးသွားသည်။

ဒရာမာဇာတ်ကားများ ရိုက်ကူးနေသောကြောင့် အတန်းကိုလာရောက်လေ့လာသူဦးရေမှာ အရင်ကထက်ပိုများနေခဲ့သည်။ သို့သော် ယနေ့နံနက်တွင် ရှန်းချူးချူးသည် ဝန်ထမ်းများရောက်လာသောအခါတွင် နောက်ထပ်လူများရှိနေသည်ကို သူ တွေ့ရှိခဲ့သည်။

ရှန်းချူးချူး ရောက်လာသောအခါ သတင်းထောက်များကို မျက်စိတစ်ဆုံးမြင်လိုက်ရသည်။

"ရှန်းချူးချူး၊ ရယ်ချီရှန်ရဲ့ဇနီးက စိတ်ကျရောဂါခံစားနေရတယ်ဆိုတာ မင်း သိထားလား ? သူတို့လင်မယားရဲ့ ခံစားချက်က ဘယ်လိုအခြေအနေလဲ၊ သူတို့ ရန်ဖြစ်တာ မျိုး မင်းကြားဖူးလား ?"

ထိုမေးခွန်းများကိုကြားတော့ ရှန်းချူးချူး အနည်းငယ်ကြောင်သွားသည်။ မနက်အစောပိုင်း Hot Search မှာသူရှာကြည့်တော့ ရယ်ချီရှန်ကိုမတွေ့မိသလိုပါပဲ ဒီအ ကြောင်းတွေ မမြင်ခဲ့ရချေ။ ဒီသတင်းထောက်တွေက ဘယ်ကနေသတင်း အခိုင်အမာရထားတာလဲ ?

"တောင်းပန်ပါတယ် ကျမ မသိဘူး"

ရယ်ချီရှန်နဲ့ သူ့ရဲ့ဇနီးဟောင်းကွာရှင်းလိုက်ပြီဆိုတာ သူမသိခဲ့လျှင်ပင် မီဒီယာအားပြောပြမည်မဟုတ်ပေ။

အချိန်ကာလတစ်ခုကြာပြီးနောက် သူမ ရယ်ချီရှန်နှင့် လင်းယွမ်ကွာရှင်းပြတ်စဲခဲ့ကြောင်း အမြဲခံစားခဲ့ရသော ကြောင့်ဖြစ်သည်။ အိမ်ထောင်ရေးစနစ်မှာသာမရေးထားဘူးဆိုရင် အတွင်းဇာတ်လမ်းက ဘာကြောင့်ဆိုတာ သူမ သိမည်မဟုတ်‌ချေ။

"Ah နင် တကယ်မသိဘူးလား ? ရယ်ချီရှန်ရဲ့ဇနီးက လွန်ခဲ့တဲ့တစ်နှစ်လောက်က စိတ်ရောဂါကုဆရာဝန်နဲ့ပြတာကို ဓာတ်ပုံရိုက်ခ့ရဖူးတယ်လို့ တချို့ကပြောကြတယ်။ သာမန်အချိန်တွေမှာ သူ အရမ်းစိတ်တိုနေလောက်မယ်။ ရယ်ချီရှန် ဒီပြဿနာကို မပြောပြဖူးဘူးလား ?" ဟုမေးလာကြသည်။

ရှန်းချူးချူးသည် လီယွမ်ယွမ် စိတ်ကျရောဂါခံစားရကြောင်း ပထမဆုံးကြားသိရသူလည်းဖြစ်သည်။ သူမက ခေါင်းခါလိုက်ပြီး

"တောင်းပန်ပါတယ် ကျမ မသိဘူး၊ ကောက ရုပ်ရှင်ရိုက်တဲ့အခါ အလုပ်လုပ်ကောင်းကောင်းတတ်တယ်၊ သရုပ် ဆောင်လည်း အရမ်းကောင်းတယ်၊ ကျမတို့ကို ဂရုစိုက်ပေးပါဦး။ ဒီဒရာမာအတွက် အားလုံးကိုကျေးဇူးတင်ပါတယ်။"

ထို့နောက် ရှန်းချူးချူးသည် လက်ထောက်နှင့် **** မျက်စိရှေ့မှောက်မှထွက်လာခဲ့သည်။

စတူဒီယိုသို့ရောက်ပြီးနောက်၊ ရှန်းချူးချူး ရယ်ချီရှန် သစ်ပင်အောက်တွင် ဆေးလိပ်သောက်နေသည်ကိုတွေ့လိုက်ရသည်။

အဖွဲ့သားတွေကလည်း သတင်းထောက်တွေပြောသည်နျင့်စပ်လျင်း၍ဆွေးနွေးနေခဲ့ကြသည်။

"မဟုတ်ဘူး၊ ရယ်ကော ဇနီးကစိတ်ကျရောဂါခံစားနေရတာ ငါတို့မှာ ဝမ်းနည်းစရာနေ့တွေအများကြီးရှိလာမယ်ထင်တယ်။"

"ရယ်ကော သနားပါတယ်၊ ဒီလိုမိန်းမနဲ့လက်ထပ်လိုက်မိတာ။"

"အိုး၊ ရယ်ကောက အရင်နဲ့မတူဘူး၊ သူ့မိန်းမဆီက နျိပ်စက်ခံနေရတာကိုး အံ့သြစရာမဟုတ်တော့ဘူး"

မကြာမီ မွန်းတည့်အချိန်၌ ရှန်းချူးချူးသည် ဤကိစ္စကို Hot Search ၌တွေ့ရှိခဲ့သည်။

"ရယ်ချီရှန်၏ဇနီး စိတ်ကျရောဂါခံစားနေရခြင်း"

အထက်ဖော်ပြပါပုံတွင် လီယွမ်ယွမ်သည် အတိုင်ပင်ခံခန်းသို့ရောက်ရှိနေကြောင်းပြသသည့် အမှန်တရားဖြစ် သည်။ တစ်ချိန်တည်းမှာပင် ရယ်ချီရှန်နဲ့ လီယွမ်ယွမ် တို့ စကားများရန်ဖြစ်ကြသည့် ဓာတ်ပုံတစ်ပုံရှိနေပြီး ၎င်းတို့ ၏ မျက်နှာထားမှာက အလွန်ရုပ်ဆိုးနေကြသည်။

မှတ်ချက်များစွာသည် ရယ်ချီအတွက် အမှောင်ထဲတွင်ရှိနေကြသည်။

"အင်း၊ ရယ်ကော အရမ်းသနားဖို့ကောင်းတယ်၊ သူ့မှာ အလုပ်ဖိအားတွေကော မိသားစုရဲ့ ဖိအားတွေကော"

"အိုး၊ ဒီအတွဲကို အကြာကြီးမြဲနေတာ သနားစရာလို့ထင်တယ်"

"ရယ်ကော စောစောကွာရှင်းနိုင်ပြီး ခါးသီးတဲ့ပင်လယ်ထဲက လွတ်မြောက်နိုင်ဖို့မျှော်လင့်တယ်။

"ရယ်ကော လက်လွှတ်လိုက်ကြရအောင်၊ ရယ်ကော ပိုကောင်းလာမှာပါ"

.....

နေ့ခင်းမှာရိုက်ကူးရေးရှိသဖြင့် နေ့ခင်းအနားယူချိန်အရမ်းတိုတဲ့အတွက် ဒါရိုက်တာနဲ့သရုပ်ဆောင်တွေတော်တော်များများ အတူထိုင်စားဖြစ်ကြသည်။

ရယ်ချီရှန်၏လက်ထောက်မှ မိုဘိုင်းလ်ဖုန်းလွှဲပြောင်းပေးလိုက်သောအခါ တစ်လကျော်ကြာစိတ်ဓာတ်ကျနေသည့် ရယ်ချီရှန်၏မျက်နှာမှာ ရုတ်တရက်ကြည်လင်သွားပုံရသည်။ မျက်နှာပေါ်ရှိအမူအရာသည် အချစ်ဦးနှင့်တွေ့သလိုဖြစ်ကာ အပြုံးသည်မရပ်တန့်နိုင်ဘဲ လက် သည် အနည်းငယ်တုန်ယင်နေသည်။

ဒါ သူ့အားစောင့်ကြည့်နေတဲ့သည့်လူများအား အရမ်းအံ့သြသွားစေသည်။

ဖုန်းကိုယူပြီးနောက် ရယ်ချီရှန် ဖုန်းယူကာ အပြင်သို့ထွက်ခဲ့သည်။ "ယွမ်" ဟူသော စကားလုံးနှစ်လုံးကို ဖျတ်ခနဲကြားလိုက်ရသည်။

ကောင်းတာတစ်ခုရှိတယ် "ရယ်ကေယ ဇနီးဖုန်းခေါ်တာ ဟေး၊ သူတို့နှစ်ယောက်က အရမ်းဆက်ဆံရေးကောင်းကြပါတယ်။ မင်းတို့ မမြင်လိုက်ဖူးလား၊ ရယ်ကောမျက်နှာက ချိုနေရော"

"ဟုတ်တယ်၊ သူတို့ အတူတူနေလာတာ နှစ်အတော်ကြာနေပြီ၊ ရှန်ကောက သူ့မိန်းမကိုအရမ်းကြိုက်တုန်းပဲ။ သူ့မိန်းမကတော့ ပျော်နေမှာပဲ။ ဒါပဲဘအွန်လိုင်းကဟာတွေက မယုံနိုင်စရာအပြည့်ပဲ"

ဖုန်းကိုကောက်ကိုင်လိုက်သော ရယ်ချီရှန်သည် ပျော်ရွှင်မှုအပြင် အခြားသောခံစားချက်များရောပွန်းနေသည်။

"ယွမ်ယွမ်၊ မင်း ကိုယ့်ကိုရှာတာ..." ရယ်ချီရှန်ရဲ့စကားမဆုံးခင် လီယွမ်ယွမ်ထံမှ နှောက်ယှက်ခံလိုက်ရသည်။

"ရယ်ချီရှန် နင် ငါ့ကို ကွာရှင်းတာ ငါ့ရဲ့ စိတ်ကျရောဂါကြောင့်လား။"

ရယ်ချီရှန်က ဖုန်းထဲက အေးစက်စက် အမေးကိုနား ထောင်ပြီး "ယွမ်ယွမ်၊ မင်း ထင်သလို မဟုတ်ဘူး"

"ဒါဆို ဘာလဲ။ ရယ်ချီရှန် ငါ့ကို ပြော၊ ငါ့ကို အမှန်အတိုင်းပြော ကွေ့ဝှိုက်မနေနဲ့!"

"ယွမ်၊ ကိုယ် မလုပ်ဘူး။"

"ဟုတ်ဟုတ်၊ မဟုတ်ဟုတ် ငါဂရုမစိုက်ဘူး၊ ငါ ဘာကြောင့် ကြယ်ပွင့်ကိုလက်ထပ်ခဲ့မိမှန်း ငါ တကယ်မသိ တော့ဘူး! နင် ငါ့ကိုမှတ်ဉာဏ်မဆုံးရှုံးစေချင်ဘူးဆိုရင်၊ ငါ့အပေါ် အညစ်အပတ်တွေသွန်နေလိုက်၊ ငါစဉ်းစားပြီးရင် နင့်ကို ဘာလုပ်ရမယ်ဆိုတာပြောပြမယ်"

"ယွမ်ယွမ်၊ အဲ့တာ မင်းထင်သလိုမဟုတ်ဘူး၊ ကိုယ် အဲ့တာ ကိုယ်မဟုတ်ဘူး၊ ကိုယ် မင်းကို မလိမ်ဘူး"

"နင် ငါ့ကို မလိမ်ဘူးပေါ့၊ အဲ့ဒါဆို ငါတို့နှစ်ယောက် ဘာလို့ကွာရှင်းခဲ့ကြတာလဲ ?" လီယွမ်ယွမ် မေးလိုက်သည်။

"ငါတို့ ကွာရှင်းပြီးပြိလေ၊ နင်ဘာလို့ လေးလေးနက်နက်ချစ်ချင်ယောင်ဆောင်နေတာလဲ ? နင်က ကြယ်ပွင့်ဖြစ် နေလို့လား ? ဟဲ့၊ ရယ်ချင်စရာကောင်းတယ်။ နင်တို့ ကြယ်ပွင့်တွေက တကယ်သရုပ်ဆောင်တတ်တာပဲ၊ တ ကယ့် ကြောင်သူတော်"

ရယ်ချီရှန် ဒီစကားကိုကြားပြီး ဖုန်းကိုတင်းတင်းကြပ်ကြပ်ကိုင်ကာ "ယွမ်ယွမ် မင်း အခုဘယ်မှာလဲ၊ ကိုယ် မင်းကိုတွေ့ချင်တယ်၊ တချို့ကိစ္စတွေကို ကိုယ် မင်းကို လူကိုယ်တိုင်တွေ့ပြီးပြောပြချင်တယ်"

"ဟင့်အင်း၊ မပြောနဲ့ နင် ပြောစရာမလိုဘူး။ ငါ့မှာ အချိန်မရှိဘူး၊ နှုတ်ဆက်တယ်။" ထို့နောက် ဖုန်းချသွားသည်။

ရယ်ချီ၏နားနားကပ်ထားသည့် ဖုန်းကိုမဖြုတ်ချချေ။တစ်ဖက်လူနဲ့ ဖုန်းပြောနေသည်ဟုထင်ရသည်။ ခဏအကြာ ဖုန်းကိုယူပြီး စီးကရက်တစ်လိပ်ထုတ်ကာ စုပ်လိုက်သည်။

စီးကရက်သောက်ပြီးတာနဲ့ ဖုန်းထုတ်ပြီး Weibo Post တင်လိုက်သည်။

ရယ်ချီရှန် V : ဒီအိမ်ထောင်ရေးမှာ ငါ ဘယ်တုန်းကမှ ညှဉ်းပန်းနှိပ်စက်ခြင်း မခံခဲ့ရဖူးသလို ဒီလိုလုပ်ဖို့အမြဲဆန္ဒရှိခဲ့တယ်။ ခံစားချက်တွေက ငါ့အတွက် ဖိအားမဟုတ်ပေမယ့် အလုပ်အတွက်တော့တွန်းအားပဲ။ ဆန့် ကျင်ဘက်အနေနဲ့ ထုံးစံအတိုင်း ကျနော်က အလုပ်များလွန်းတော့ တစ်ဖက်ဖက်က မိသားစုတာဝန်တွေနဲ့ ဖိအားတွေကိုပိုခံလာရတယ်။ အမှန်တရားကို မသိရင် ကျနော်တို့ကိုဒုက္ခဖြစ်စေမယ့် ထင်ကြေးတွေ ထပ်မထည့်ကြပါနဲ့။ အားလုံးကိုကျေးဇူးတင်ပါတယ်။

ရယ်ချီရှန်၏စကားကြောင့် ပရိသတ်များနှင့် လမ်းသွားလမ်းလာအများအပြား လီယွမ်ယွမ်ကိုအပြစ်တင်ခြင်းအားရပ်တန့်စေခဲ့သည်။

"ဟဲ့၊ ရယ်ကောက သူ့မိန်းမကိုအရမ်းကြိုက်တဲ့ပုံပဲ"

"ကျောင်းသားအရွယ်ခံစားချက်က တကယ်မတူဘူး။ အိုး၊ ငါ့လည်း တက္ကသိုလ်မှာ မင်းလို ကိုယ်ကြိုက်တဲ့သူနဲ့ တွေ့နိုင်မယ်လို့ မျှော်လင့်တယ်။"

"စိတ်ကျရောဂါခံစားရတဲ့သူတွေ အများကြီးပဲ၊ ဘာလို့ ရယ်ကောနဲ့လင်မယားကြ အရမ်းပြောချင်နေရတာလဲ။"

"လင်နဲ့မယားခြင်း ရန်ဖြစ်တာပုံမှန်ပဲ။ ငါ့မိဘတွေဆို ဘာမှမလုပ်ဘဲရန်ဖြစ်နေကြတာ။ ရယ်ကော အားပေးနေတယ်နော် အားတင်းထား"

.....

နေ့ခင်းဘက်မှာတော့ ဒီဇာတ်ကားကိုပုံမှန်အတိုင်း ဆက် လက်ရိုက်ကူးနေပေမယ့် ရယ်ချီရှန်ရဲ့အခြေအနေက တော့ အတော်ဆိုးနေသည်။ သုံးခါလောက် ဘာမှမပြောခဲ့ဘဲ စာကြောင်းအတော်များများကို မမှတ်မိချေ။

ဒီကိစ္စနဲ့ ပတ်သက်လို့ ဒါရိုက်တာ အရမ်းစိတ်ပျက်ဘက်ပျက်ဖြစ်နေသည်။ ပြီးနောက် အနားယူခိုင်းလိုက်သည်။

မူလကစီစဉ်ထားသည့် ညနေ ၈ နာရီဇာတ်ကွက်ကို ညနေ ၆ နာရီတွင် ရိုက်ကူးခဲ့သည်။

ရှန်းချူးချူးသည် ပင်ပန်းနွမ်းနယ်နေသော ခန္ဓာကိုယ်အား ဟိုတယ်သို့ဆွဲခေါ်ကာ တံခါးဖွင့်ပြီးနောက် ရင်းနှီး နေသောလူကိုကြည့်လိုက်သည်။ သူမသည် တစ်ဖက်၏ လက်နှစ်ဖက်ရှေ့သို့လှမ်းကာ မျက်လုံးများကိုမှိတ်ပြီး "အရမ်းပင်ပန်းနေပြီ" ဟု ညည်းညူလိုက်သည်။

ဟန်ရှင်းယန်သည် ရှန်းချူးချူး၏ဆံပင်ကိုထိလိုက်ပြီး "အင်း အနားယူလိုက်ဦး၊ အတွင်းရေးမှူးဝမ်ကို အစားအ သောက်မှာခိုင်းလိုက်ဦးမယ် မကြာခင်ပြန်လာခဲ့မယ်"

"အွန်း"

ဆယ်မိနစ်လောက်ကြာတော့ အတွင်းရေးမှုးဝမ်က အစား အသောက်တွေနဲ့အတူ ရောက်လာသည်။

တစ်နေ့လုံး ရယ်ချီရှန်ရဲ့ကိစ္စတွေကြောင့် စိတ်ရှုပ်ခဲ့ရပေမယ့် ရှန်းချူးချူးက "လက်ထပ်ဖို့ဘယ်လိုဖြစ်သွားပြီလဲ ? အစကအမေ့ကိုမေးဖို့ပဲ မေ့နေတာ"

"အဖေနဲ့ ယောက္ခထီးတို့ မင်္ဂလာဆောင်မယ့်နေ့ ရွေးနေကြတုန်းပဲ၊ မြန်မြန်ဖြစ်မယ်ထင်တယ်"

"ကျမတော့ ကိစ္စမရှိပါဘူး ဒါမှမဟုတ် ရက်အနည်းငယ်ကြာရင် ငါ အားလပ်ရက်ယူလိုက်မယ်လေ"

တကယ်တော့ ဒါ သူမ၏ အိမ်ထောင်ရေးဖြစ်သော်လည်း သူမ ဝင်မပြောနိုင်ဘူးဟုထင်ရသည်။

"ဟင့်အင်း၊ မင်း ဇာတ်ကားအရင်ရိုက်ပါ၊ ကိုယ် အိမ်ပြန်တုန်းကတောင် မိဘတွေက ကိုယ့်ကို ဘာမှမမေးကြဘူး"

ရှန်းချူးချူး ရယ်ပြီး "ကျမတို့ လက်မထပ်ရသေးတော့ ရှင် ဘယ်လိုခံစားရလဲ"

ဟန်ရှင်းယန် ပြုံးပြီး "အင်း မင်းမိဘတွေကိုအလုပ်ခိုင်း လိုက်ပါ၊ ကိုယ်တို့အတူရှိနေတာပဲလေ"

"ဟုတ်ပါပြီ။"

ထမင်းစားပြီးသည်နှင့် ဇာတ်ညွှန်းကို ခဏကြည့်ရင်း နှစ်ယောက်သား အိပ်ယာဝင်ပြီးအိပ်ပျော်သွားသည်။ ရလဒ်အနေဖြင့် ရှန်းချူးချူးအိပ်ပျော်ခါနီး တစ်ဖက်လူသည် မရိုးသားဟု သူ ခံစားခဲ့ရသည်။

"ပင်ပန်းတယ်" ရှန်းချူးချူး ရေရွတ်လိုက်သည်။

"အင်း မင်း ရွှေ့စရာမလိုဘူး၊ ကိုယ် လုပ်လိုက်မယ်" ဟု ဟန်ရှင်းယန် အရှက်မဲ့စွာပြောလာသည်။

နောက်နေ့မနက်တွင် မရပ်မနားနှိုးစက်သံကို နားထောင်ရင်း ရှန်းချူးချူး ပင်ပန်းနေသော မျက်လုံးများကိုဖွင့်ကာ ထိုလူကိုကြည့်လိုက်သည်။

ဟန်ရှင်းယန်သည် ရှန်းချူးချူး၏မျက်နှာကိုနမ်းလိုက်ပြီး "ချူးချူး၊ မနက်စာအဆင်သင့်ဖြစ်ပြီ၊ ထပြီးစား"

အိပ်ယာမှထပြီးနောက် ရှန်းချူးချူးသည် ဝမ်ချမ့်ကို ဝန်ထမ်းများထံခေါ်ဆောင်သွားခဲ့သည်။ ရလဒ်အနေဖြင့် ရိုက်ကွင်းရှေ့စောင့်ကြည့်နေသည့် သတင်းထောက်များ ပိုမိုများပြားလာသည်ကိုတွေ့ရှိခဲ့ရသည်။

သူမရောက်လာသည်နှင့် တပြိုင်နက်စုပြုံလာပြန်သည်။

ရှန်းချူးချူး စိတ်လှုပ်ရှားနေသောသတင်းထောက်များကိုကြည့်ရင်း၊ ယမန်နေ့က Hot Search တွင်ဟန်ရှင်းယန်နှင့်သတင်းများတတ်နေသလားဟု စိုးရိမ်စရာသံသယဖြစ်နေမိသည်။