ခရီးဝေးသွား တယ်လီပို့စနစ် အခင်းအကျင်း (အပိုင်းနှစ်)

ဒီနည်းပညာကို တိုက်ကြီးတစ်ဝိုက်မှာ ဖြန့်ကျက်ထားနိုင်လျင် အဇာရို တိုက်ကြီးရှိ အင်အားချိန်ခွင်လျှာအပေါ် သက်ရောက်မှုက ပြင်းထန်ပါလိမ့်မည်။

နှစ်ထောင်ပေါင်းများစွာကြာအောင်၊ တိုက်ကြီးပေါ်ရှိ လူသားအားလုံးကို ပေါင်းစည်းနိုင်သည့် အင်ပါယာမရှိခဲ့ပါ။ ယင်းအစား ထောင်နှင့်ချီသော အင်ပါယာများ တည်ရှိပြီး အချင်းချင်း စစ်တိုက်ကာ နယ်မြေများကို တိုက်ခိုက်ခဲ့ကြသည်။ ၎င်းက မြေအကျယ်အဝန်းကြောင့်ဖြစ်သည်။ သေမျိုးနယ်ပယ်ထက် မြင့်မြတ်သော သခင်များမှလွဲ၍ အင်ပါယာ၏ သာမာန်စစ်သားများသည် တိုက်ကြီးတစ်တိုက်လုံးကို လှည့်ပတ်ပြီး အရာအားလုံးကို ကြည့်နိုင်စွမ်းမရှိကြ တိုက်ကြီးတခွင် မည်သူမျှ စစ်ရေးစစ်ဆင်ရေး မလုပ်နိုင်ကြ။

၊ အသက် ဆယ့်ရှစ်နှစ်အရွယ် လူငယ်တပ်ဖွဲ့တစ်ဖွဲ့သည် အသက် ရှစ်ဆယ် နှစ်ရောက်သည့်တိုင် တိုက်ကြီးတစ်ဝိုက်သို့ ရွေ့လျားနိုင်မည်မဟုတ်ပေ။

မဟာတာဝေး တယ်လီပို့စနစ် အခင်းအကျင်းသည် ဤအဆင်မပြေသော အခြေအနေကို ဖြေရှင်းပေးနိုင်သော်လည်း ထိုကဲ့သို့သော မှော်အခင်းများကို တည်ဆောက်ခြင်းနှင့် ထိန်းသိမ်းခြင်း၏ ကုန်ကျစရိတ်သည် အင်ပါယာများအတွက်ပင် ကိုင်တွယ်ရန် အလွန်များပြားလှသည်။

အဆင့် ကိုး အင်ပါယာသည် ၎င်း၏တပ်များကို ၎င်း၏မြို့တော်ပတ်ပတ်လည် ကီလိုမီတာ ငါးသိန်း နယ်မြေအတွင်း သွားလာခွင့်ပြုရန် လုံလောက်သော တယ်လီပို့စနစ်ခင်းကျင်းမှုများကိုသာ ထိန်းသိမ်းထားနိုင်ခဲ့သည်။ သူတို့သည် အဇာရို့ တိုက်ကြီးရှိ လူသားအားလုံးကို ပေါင်းစည်းထားလျှင်ပင်၊ တိုက်ကြီးတစ်ခုလုံးကို ချိတ်ဆက်ပေးသည့် တယ်လီပို့စနစ် အခင်းအကျင်းများကို ဖန်တီးနိုင်မည်မဟုတ်။

ဤတိုက်ကြီးသည် အင်ပါယာတစ်ခုတည်း အုပ်စိုးရန် ကျယ်ပြောလွန်းသည်။

သို့သော် ချမ်းဘော့ဒ်တို့ ဖန်တီးခဲ့သော တယ်လီပို့စနစ် ခင်းကျင်းမှုအသစ်များသည် လက်ရှိအခြေအနေကို ပြောင်းလဲစေနိုင်သည်။

ဤနည်းပညာကို ရရှိသော မဟာအင်အားကြီး အင်ပါယာများ၏ အကျိုးဆက်များကို စိတ်ကူးကြည့်ရန် လွယ်ကူပါသည်။ ရည်မှန်းချက်ကြီးသော ဧကရာဇ်များနှင့် ပူးပေါင်းကြံစည်သူများသည် တိုက်ကြီးတစ်ခုလုံးကို ပေါင်းစည်းရန် ၎င်းတို့၏အိပ်မက်ကို အကောင်အထည်ဖော်နိုင်ပေမည်။ 

ဤခရီးဆောင်နှင့် သေးငယ်သော တာဝေးသွား တယ်လီပို့စနစ် အမျိုးအစားများဖြင့် ၎င်းတို့၏ စစ်သည်များသည် တိုက်ကြီးရှိ မည်သည့်နေရာတွင်မဆို ပေါ်လာနိုင်ပြီး အခြားအင်ပါယာများကို သိမ်းပိုက်နိုင်ကာ တပ်ဖွဲ့ဝင်များနှင့် တယ်လီပို့စနစ်များ ထပ်မံတည်ဆောက်ရန် အရင်းအမြစ်များနှင့် လူဦးရေများ ပိုမိုရရှိနိုင်သည်...

ထိုသို့ဖြစ်လျှင် အဇာရို တိုက်ကြီးသည် နေရာတိုင်းတွင် စစ်ပွဲများရှိနေသော ပရမ်းပတာအဖြစ်သို့ အမှန်တကယ်ရောက်သွားလိမ့်မည်။

"အရှင်မင်းကြီး!"

 ပီယာ နှင့် ဒရော့ဘာ တို့သည် တယ်လီပို့ ခင်းကျင်းမှုမှ လျင်မြန်စွာ ထွက်လာကြပြီး ဖေး ကို လေးလေးစားစား နှုတ်ဆက်ကြသည်။

ယခု သူတို့ ဘုရင်နောက်သို့ တဖန် လိုက်နိုင်ကြသောကြောင့်၊ သူတို့သည် ဖေးရှေ့မှာ ဒူးထောက်ကာ တောက်ပစွာ ပြုံးပြပြီး အခြားသူများကို ငမြှောက်ကောင် အိုလက်၏ ကိုယ်ရည်ကိုယ်သွေးများကူးစက်လာသလို ခံစားလိုက်ကြရသည်။

"မင်း တို့နှစ်ကောင်ထကြ"

 ဖေး က ရယ်မောပြီး သူတို့ကို ဆဲဆိုလိုက်သည်။

မတွေ့တာ တစ်လကျော်လောက်ရှိပြီဖြစ်ရာ သူတို့‌ ဖေး မျက်နှာကို မြင်သည့်အခါ အနည်းငယ်လွမ်းဆွတ်မှုကို ဖေး ခံစားလိုက်ရ၏။

ရှိုက်ကြီးတငင်ဖြင့်...

 "ဘုရင်မင်းမြတ်၊ အရှင့်အကြောင်း နေ့တိုင်းတွေးနေခဲ့တာ..."

 ဖေးက အိုလက် အကြောင်း တွေးနေစဉ် ထို ဖက်တီး က မှော်အစီအရင်ထဲမှ တစ်လက်မချင်း လှိမ့်ထွက်လာသည်။

ဤခရီးဆောင်တယ်လီပို့စနစ်၏ မှော်ကြိမ်နှုန်းများနှင့် စွမ်းအားများဖြင့်၊ သာမန်စစ်သားခြောက်ဦးကို အလင်းတစ်ခုစီဖြင့် လွှဲပြောင်းပေးပို့နိုင်သော်လည်း အိုလက် သည် တစ်ဦးတည်းထံ လွှဲပို့ခြင်းခံရသည်။ ဤဖက်တီးအား ဖြတ်သန်းနိုင်စေရန် မှော်အကူးအပြောင်းအစီအရင်အတွက် ဝန်ပိုနေပုံရသည်။

"မင်း ဘာမှမ​ကောင်းဘူး အဆီ​တုံးကြီး ​ဘေးနားကို သွားလိုက်​!" 

ဖေ့က ဖက်တီးရဲ့ တင်ပါးကို ထုံးစံအတိုင်း ကန်လိုက်သည်။

" အရှင့်ရဲ့ အမိန့်တော်အတိုင်းပါ" 

ဖက်တီးသည် သူ့မျက်နှာပေါ်တွင် ဖားယားသောအပြုံးကိုဆင်မြန်းကာ ဖေး အနားသို့ လျှောက်လာသည်။

ဖတ်တီး၏ ပုံသဏ္ဍန်နှင့် ဖားယားသည့်ဟန်က ချမ်းဘော့ဒ် တရားရေးဌာနအကြီးအကဲအဖြစ်နှင့် ချိတ်ဆက်မိရန် ခက်ခဲသည်။

ဤဖက်တီးသည် နိုင်ငံတော်တွင် ကြောက်စရာအကောင်းဆုံး စစ်ဆေးမေးမြန်းသူဖြစ်သည်။ သူလုပ်ချင်ရင် ကျောက်တုံးတစ်တုံးတောင် အသံထွက်အောင် လုပ်နိုင်သည်ဟု ကျော်ကြားသည်။