တော်ဝင်နှစ်ဦးတွေ့ဆုံပွဲ (၂ ) (အပိုင်းနှစ်)

ချမ်းဘော့ဒ် ၏တရားဥပဒေစိုးမိုးရေးအရာရှိများအတွက်၊ ဤအသံ၏ကြောက်စရာကောင်းသောအရှိန်အဝါက သူတို့၏ခေါင်းပေါ် ရေအေးများဖြင့် သွန်းလောင်းသသို့ ခံစားရစေပြီး ဧရာမရေခဲတုံးများကို သူတို့၏နှလုံးထဲသို့ထည့်ထားသကဲ့သို့ပင်။

ထိုအသံ ပျောက်ကွယ်သွားပြီးနောက် ကမ္ဘာကြီးသည် အမှောင်ထဲ ပြန်ရောက်သွားသည်။

ပင်လယ်မျိုးနွယ်မှ အဆင့်နိမ့်အဖွဲ့ဝင်များနှင့် ချမ်းဘော့ဒ်  ဥပဒေစိုးမိုးရေးအရာရှိများ၏ မျက်လုံးများ ဖောက်ထွင်းခံရသကဲ့သို့ ထိန်းမနိုင်သိမ်းမရ အော်ဟစ်နေခဲ့ကြသည်။

မျက်လုံးများကို အရူးအမူး ပွတ်သပ်လိုက်ပြီးမှ သူတို့၏ အမြင်အာရုံများသည် တဖြည်းဖြည်း ပြန်ရောက်လာပြီး ပြန်မြင်နိုင်လာသည်။

ထိုရှေးဟောင်း ကြေးဝါစစ်သင်္ဘောပေါ်တွင်ရပ်၍ ရွှေရောင်ချပ်ဝတ်တန်ဆာ ဝတ်ထားသော မင်းသမီးလေးက ထိုမြှားကြောင့် မထိခိုက်ပုံရသည်၊၊ တင်းကျပ်သောချပ်ဝတ်တန်ဆာဖြင့် မီးမောင်းထိုးပြထားသည့် လှပသောရုပ်သွင်သည် လေထဲသို့ ဖြည်းညှင်းစွာလွင့်ပျံလာသည်။

ဆန်းကြယ်ပြီး ဂုဏ်သတင်းကြီးသော ရွှေရောင်စွမ်းအင် မီးတောက်များက သူမပတ်ဝန်းကျင်တွင် လောင်ကျွမ်းနေချိန်မှာ  ရှည်လျားသော ခရမ်းရောင်ဆံပင်များသည် လေမရှိသော်လည်း အမွေးအ‌တောင်များပြသနေသည့် ဒေါင်းတစ်ကောင်ကဲ့သို့ လွင့်ပျံနေ သည်။

 သူမက နတ်ဘုရားတစ်ဆူကဲ့သို့ပင်။ ခရမ်းရောင်အဝိုင်းမီးများသည် သူမ၏နောက်ကွယ်တွင် လျှို့ဝှက်ဆန်းကြယ်စွာပေါ်လာပြီး နူးညံ့သိမ်မွေ့သော ရွှေမျက်နှာဖုံးသည် သူမ၏အေးစက်မှုကိုသာ ပြသခဲ့သည်။

မျက်နှာဖုံး၏ နောက်ကွယ်မှာ ဘယ်လိုမျက်နှာမျိုးလဲဆိုတာ ဘယ်သူမှမသိကြသော်လည်း သူမ၏မျက်လုံးထဲက ခရမ်းရောင်အလင်းတန်းများသည် ဓားသွားများလို ထက်မြက်ပြီး လူများကို သေလုမျောပါး ခံစားရစေနိုင်ပါသည်။ ၎င်းက တကယ့်ကို အသက်ရှူကြပ်စေခဲ့ပါသည်။

“ကဲ၊ သနားစရာကောင်းတဲ့ လူသားတွေ၊ ညစ်ပတ်တဲ့ ကျွန်တွေ၊ ဒေါသထွက်နေတဲ့ ပင်လယ်ဘုရားသခင်ရဲ့ ပြစ်ဒဏ်ကို လက်ခံလိုက်ပါ။”

ပင်လယ်ဘုရားသခင်၏ ပြစ်တင်ရှုတ်ချခြင်းကို ကြေငြာနေဘိသကဲ့သို့ ထိုအေးစက်သောအသံသည် ထပ်၍ထွက်ပေါ်လာပြန်သည်။ ပင်လယ်မျိုးနွယ်၏ မင်းသမီးလေးသည် လေထဲသို့ မီတာရာပေါင်းများစွာ လွင့်ပျံလာသောအခါ၊  ချမ်းဘော့ဒ် စခန်းများကို ငုံ့ကြည့်ကာ  ကြောက်စရာကောင်းသော ခရမ်းရောင်မျက်လုံးများက ဖေး ဆီသို့ ပစ်မှတ်ထားလိုက်သည်။ ထို့နောက် သူမသည် ရွှေတြိဂံကို ညင်သာစွာ ညွှန်ပြလိုက်သည်။

သူမ၏ လှုပ်ရှားမှုသည် အလွန်နှေးကွေးသော်လည်း ရှင်းရှင်းလင်းလင်းရှိပြီး လွန်ကဲစွာ လှပနေသည်။

သူမ၏ ရွှေတြိဂံသည် ရှေ့သို့ စောင်းလာသည်နှင့်အမျှ သူမ၏နောက်ကွယ်ရှိ သမုဒ္ဒရာသည် ကြမ်းတမ်းလာသည်။

ရုတ်တရက်၊ အချင်းတစ်မီတာကျော်ရှိ ရွှေရောင်အလင်းတန်းတစ်ခုသည် ရွှေတြိဂံထိပ်မှ ထွက်ပေါ်လာ၏။

ဤတန်ခိုးနှင့် တည်ရှိမှုကို ဖော်ပြ၍ပင်မရနိုင်ပါ။ နတ်ဘုရားများက ကောင်းကင်တွင် ရွှေရောင်တံခါးကိုဖွင့်ပြီး ဖေးကိုသူတို့ တိုက်ခိုက်သလိုမျိုး၊ဤရွှေရောင်အလင်းတန်းများက ပင်လယ်မျိုးနွယ်ဝင်များနှင့် ချမ်းဘော့ဒ်၏ ဥပဒေစိုးမိုးရေးအရာရှိများအပါအဝင် လူတိုင်းကို ဖိအားများပေးခဲ့သည်။ ဤပြင်းထန်သော တိုက်ခိုက်မှုသည်  [သွေးရာဇ၀တ်မှု] ကျွန်းကို နစ်မြုပ်သွားစေပြီး ၎င်းတွင် ရှိနေသူတိုင်းကို သတ်ပစ်လိုက်မည့်ပုံရသည်။

ပင်လယ်မျိုးနွယ် တော်ဝင် ဤဘုရင်မကြီးသည် နံနက်နေမင်းကြီး၏ တန်ခိုးထက် သာလွန်ပုံရသည်။

ပို၍ ကြောက်စရာကောင်းသည်က ဤရွှေရောင်အလင်းတန်းမှာ နတ်ဘုရားအစစ်များက ဒေါသထွက်ပြီး ဖေးကို အပြစ်ပေးချင်သလိုလို သိမ်ငယ်စေသော ဘုရားအာရုံခံစားမှုကို ရခြင်းဖြစ်သည်။

ဤအခိုက်အတန့်တွင် ပင်လယ်မျက်နှာပြင်ပေါ်ရှိ ပင်လယ်နွယ်ဝင်အများအပြားက ရွှင်မြူးပျော်ရွှင် လာကြသည်။

ယခင်က သူတို့၏မင်းသမီးလေးက ပင်လယ်၏ တရားစီရင်ခြင်းအလင်းကို အသုံးပြုပြီး အစွမ်းထက်သော ရန်သူများကို သတ်ခဲ့သည်ကိုသူတို့တွေ့ခဲ့ဖူးပါသည်။ ထိုအဖြစ်အပျက်သည် ပင်လယ်မျိုးနွယ်စု၏ အစွမ်း၊ ဂုဏ်သိက္ခာနှင့် ယုံကြည်မှုတို့ကို ကိုယ်စားပြုပြီး ပင်လယ်မျိုးနွယ်ဝင်အားလုံးက ၎င်းကို ယုံကြည်ခဲ့ကြသည်။

သို့သော် ထိုသို့သော ကြည်နူးမှုများ ရုတ်တရက် ရပ်တန့်သွားရသည်။

အကြောင်းတစ်ခုခုကြောင့်၊ ပင်လယ်မျိုးနွယ်ဝင်များစွာကို သတ်ခဲ့သော ဤ နတ်ဆိုးလူသား သည် နောက်ပြန်ဆုတ်ခြင်းမရှိပေ။

ယင်းအစား၊ သူသည် နတ်ဆိုးချပ်ဝတ်တန်ဆာကို ၀တ်ဆင်ကာ ကြီးမား၍ ထူးထူးခြားခြား တူကြီးကိုဆွဲကိုင်လိုက်သည်။

သံတူပေါ်တွင် မီးနီများ ထွက်ပေါ်လာပြီး ထိုလူသားသည် တူကြီးကိုလှည့်ပတ်ကာ ကမ္ဘာကြီးကို ဖျက်ဆီးပစ်တော့မည်အလား အစွမ်းထက်လှသည် ရွှေရောင်အလင်းတန်းကို အလွယ်တကူ ထု၍ ကွဲကြေသွားစေခဲ့သည်။

မင်းသမီးလေး၏ ပစ်လွှတ်လိုက်သော ရွှေရောင်အလင်းတန်းများသည် အပိုင်းအစများအဖြစ် ကွဲအက်သွားကာ ထိုအပိုင်းအစများသည် လှည့်ပတ်ပျံသန်းလျက် လိပ်ပြာများကဲ့သို့ ပျောက်ကွယ်သွားကြသည်။

“ဒီလူသားက ပင်လယ်ဘုရားရဲ့ ပြစ်ဒဏ်ကို ဘယ်လိုတားဆီးခဲ့တာလဲ။”

"ဒါက ဘယ်လိုဖြစ်နိုင်မှာလဲ"

နောက်ဆုံးတွင်၊ မျက်နှာဖုံးနောက်ကွယ်ရှိ ရက်စက်ကြမ်းကြုတ်သော ခရမ်းရောင်မျက်လုံးတစ်စုံ၏ ပိုင်ရှင် ပင်လယ်မျိုးနွယ်မင်းသမီးလေး စိတ်မတည်ငြိမ်နိုင်တော့ပေ။