သေရေးရှင်ရေးကာလလား

မူလဘူတမြစ်ကို ဖြတ်ကျော်ပြီးနောက် လီဖူချန်းက မူလဘူတမြေပြင်ရဲ့ဗဟိုချက်ကို ရောက်ရှိလာတယ်။

ဒီနေရာရဲ့စကြာဝဠာဥပဒေသတွေက အပြင်နယ်မြေတွေထက် ပိုတင်းကြပ်ပြီးပိုသန်မာတယ်။ စကြာဝဠာမူလရင်းမြစ်ကိုလည်း နက်နက်ရှိုင်းရှိုင်းဖုံးကွယ်ထားတယ်။

"ငါ့မှာ မူလဘူတကြေးညိုသော့သုံးချောင်းတောင် ရှိနေပြီ။ မူလဘူတငွေသော့တစ်ချောင်းထပ်ရှိလာရင် ဘယ်လောက်တောင် ကောင်းမလဲ"

အဆင့်နိမ့်စကြာဝဠာရတနာတွေနဲ့ နှိုင်းယှဉ်ရင် အလယ်ဆင့်စကြာဝဠာရတနာတွေက ဆယ်ဆပိုတန်ဖိုးရှိတယ်။ အားကောင်းတဲ့အလယ်ဆင့်စကြာဝဠာရတနာအချို့က အဆင့်နိမ့်စကြာဝဠာရတနာတစ်ရာထက် ပိုထိုက်တန်တယ်။ ဥပမာအားဖြင့် သူ့ရဲ့ဖရိုဖရဲမီးကြာပန်းက အဆင့်နိမ့်စကြာဝဠာရတနာသုံးဆယ်လေးဆယ်ခန့် ထိုက်တန်တယ်။ ကံမကောင်းစွာနဲ့ သူက မီးတာအိုကျင့်ကြံသူတစ်ယောက်မဖြစ်နေတာပဲ။ သို့မဟုတ်ရင် သူ့ခွန်အားက ဒီထက်ပိုလျင်မြန်စွာ တိုးတက်လာနေပြီ။

မူလဘူတရွှေသော့အတွက်ကတော့ လီဖူချန်းက ၎င်းနဲ့ပတ်သက်ပြီး စဉ်းစားနေရုံမျှပဲ။ မူလဘူတရွှေသော့က နှစ်တစ်ဘီလီယံမှာ‌‌တောင် ပေါ်ထွက် လာဖို့ ရှားတယ်။ ၎င်းထွက်ပေါ်လာတဲ့အချိန်တိုင်း ဂိုဏ်းကြီးကိုးဂိုဏ်းအကြားမှာ ကြောက်စရာကောင်းတဲ့စစ်ပွဲတစ်ခုကို ဖြစ်ပေါ်စေလိမ့်မယ်။

အတိတ်မှာ အဆင့်မြင့်စကြာဝဠာရတနာကမ္ဘာသစ်ပင်အတွက် ဂိုဏ်းကိုးဂိုဏ်းကြားမှာ ပြင်းထန်တဲ့တိုက်ပွဲတစ်ခု ပေါက်ကွဲထွက်လာတယ်။ပြိုင်ဘက်ကင်းအရှင်တွေ မရေမတွက်နိုင်လောက်အောင် သေဆုံးခဲ့ပြီး အဆုံးမှာ ကမ္ဘာသစ်ပင်က တစ်စစီဖြစ်သွားပြီး ၎င်းရဲ့အစိတ်အပိုင်းတွေက စကြဝဠာတစ်လျှောက် ပြန့်ကျဲသွားတယ်။ ကန့်လန့်ဖြတ်မြစ်ကြယ်ပိုင်နက်ရှိကမ္ဘာသစ်ရွက်က ထိုကမ္ဘာသစ်ပင်ရဲ့အစိတ်အပိုင်းတွေထဲကတစ်ခုပါပဲ။

ဒါပေမယ့် ကမ္ဘာသစ်ပင်ရဲ့ပိုကြီးမားတဲ့အစိတ်အပိုင်းတွေအားလုံးက ဂိုဏ်းကြီးကိုးဂိုဏ်းကပဲ ရရှိခဲ့တယ်။ ထိုလူတွေက သေသူသေ၊ မသေရင် အကြိုနတ်ဘုရားတွေ ဖြစ်သွားကြပါပြီ။

.

သူ့ရဲ့အသက်သစ်ပင်ကို ထုတ်ဖော်လိုက်တာနဲ့ ဘယ်လိုမုန်တိုင်းမျိုး ဖြစ်ပွားစေမလဲကို လီဖူချန်းက စိတ်ကူးယဉ်နိုင်တယ်။ အကြိုနတ်ဘုရားတွေကတောင် မခုခံနိုင်ဘဲ ဒါကို ခိုးယူဖို့ လှုပ်ရှားမှုတွေ ပြုလုပ်လာနိုင်တယ်။

"ပူလွန်းတယ်"

မူလဘူတမြေပြင်မှာလည်း နေတစ်စင်းရှိတယ်။ ဒီနေရာရှိ နေက အလွန်ပူပြင်းပြီး ပြိုင်ဘက်ကင်းအရှင်ကတောင် နေအောက်မှာ အပူဒဏ်ကို ခံစားနေရတယ်။

အပြင်ပိုင်းန‌ယ်မြေတွေနဲ့နှိုင်းယှဉ်ရင် မူလဘူတမြေပြင်ရဲ့ဗဟိုချက်က ပိုပူတယ်။

ဝေါ ဝေါ ဝေါ......

လွန်ခဲ့တဲ့တစ်ခဏမှာ‌ နေက တောက်ပနေတယ်။ နောက်တစ်ခဏမှာတော့ မိုးတွေ ရွာသွန်းလာတယ်။

"အေးလွန်းတာပဲ"

ဒိီမိုးထဲမှာ အထူးအအေးချီတစ်ခုပါဝင်တယ်လို့ လီဖူချန်းက ခံစားမိတယ်။ ဒိအအေးချီကို တစ်ခဏတောင် မခံနိုင်ဘူး၊ မိုးထဲမှာ အချိန်အကြာကြီးနေပြီးနောက် ထိုအအေးချီက သူ့ခန္ဓာကိုယ်ထဲမှာ သိပ်သည်းလာပြီး  မလွင့်ပြယ်နိုင်တော့ပါဘူး။

ဒါပေမယ့် လီဖူချန်းမှာ ကပ်ဘေးမသေမျိုးခန္ဓာကိုယ်ရှိတယ်လေ၊ အအေးချီကလား......သူ့ကို ဘာမှမလုပ်နိုင်ပါဘူး။

ဝုန်း ဝုန်း ဝုန်း......

မြေပြင်တစ်ခုမှာ ဖရိုဖရဲတိုက်ပွဲတစ်ခု ဖြစ်ပွားနေတယ်။

တစ်ဖက်က ဓား‌မော့မဟာမိတ်ဖြစ်ပြီး အခြားတစ်ဖက်က အမှောင်ကောင်စီဖြစ်တယ်။

နှစ်ဖက်လုံးမှာ မူလဘူတသော့သောနှစ်ချောင်းစီရှိနေတာပဲ။ ဒီ‌သော့လေးချောင်းစလုံးကို ပိုင်ဆိုင်ဖို့အတွက် တစ်ယောက်မှ အလျှော့ပေးလိုခြင်းမရှိပါဘူး။

"ကောင်းကင်ဓားသွားပေါ်ထွက်ခြင်း"

"အသင်္ချေဓားသွားအလင်း"

"ဝိညာဉ်ကမ္ဘာ"

"အမှောင်ကမ္ဘာ"

နှစ်ဖက်လုံးမှာ ပါဝင်သူတွေများတာကြောင့် တစ်ဦးချင်းစီရဲ့ခွန်အားက အရေးပါတဲ့အခန်းကဏ္ဍမှာ မပါဝင်တော့ပါဘူး။

တစ်ယောက်ယောက်က မဟာတာအိုစကြာဝဠာကို မပိုင်ဆိုင်ထားရင်ပေါ့။

"စကြာဝဠာဖျက်ဆီးခြင်း"

ရုတ်တရက် ကြောက်စရာကောင်းတဲ့အဖျက်အဆီးဥပဒေသတစ်ခုက သူတို့ကို ဝန်းရံသွားပြီး ဓားမော့မဟာမိတ်ရှိလူတိုင်းက ကြီးမားတဲ့ရန်သူတစ်ယောက်ကို ရင်ဆိုင်နေရသလို တုံပြန်လာကြတယ်။

"ဖျက်ဆီးခြင်းအရှင်ပဲ"

"အား၊ ဖျက်ဆီးခြင်းအရှင်က အရှင်သတ်မှတ်ချက်ရဲ့အဆင့်၆ပဲ၊ ပြီးတော့ သူက ဖျက်ဆီးခြင်းတာအိုစကြာဝဠာကို ပိုင်ဆိုင်ထားတယ်"

မဟာတာအိုစကြာဝဠာကို ပိုင်ဆိုင်ထားခြင်းမထားခြင်းက ကြီးမားတဲ့ခြားနားချက်တစ်ခုကို ဖြစ်စေတယ်။ တစ်ဖက်က မဟာတာအိုစကြာဝဠာကို ကျွမ်းကျင်ရင် သူတို့က စကြာဝဠာဥပဒေသနဲ့စကြာဝဠာရင်းမြစ်တို့နဲ့ အခြားတစ်ဖက်ရဲ့ချိတ်ဆက်မှုကို လုံးဝသီးခြားဖြစ်စေနိုင်တယ်။

"သတ်"

ဖျက်ဆီးခြင်းအရှင်ရောက်ရှိလာခြင်းက အမှောင်ကောင်စီကို ပိုမိုစိတ်အားတက်ကြွလာစေခဲ့တယ်။

အခြားတစ်ဖက်မှာ ဓားမော့မဟာမိတ်က ရှုံးနိမ့်လာတယ်။

"ဖျက်ဆီးခြင်းအရှင်၊ မင်းနဲ့ငါနဲ့ တိုက်ခိုက်ကြတာပေါ့။ သုတ်သင်ခြင်းခုနှစ်ခုဓားမော့တာအိုစကြာဝဠာ" ကမ္ဘာပျက်အားတစ်ခုကိုသယ်ဆောင်လာတဲ့ဓား‌မော့တာအိုဥပဒေသတစ်ခုက ဖျက်ဆီးခြင်းစကြာဝဠာကို တွန်းလှန်လိုက်တယ်။

အသစ်‌ရောက်လာသူရဲ့အရှိန်အဝါက မှင်တက်စရာကောင်းတယ်။ သူက တစ်ယောက်မှမတားဆီးနိုင်တဲ့ဧရာမဓားသွားတစ်ခုနဲ့ တူတယ်။

"သုတ်သင်ခြင်းခုနှစ်ခုဓားမော့အရှင် ရောက်ရှိလာပြီ"

ဒိီတစ်ကြိမ်မှာ ဓား‌မော့မဟာမိတ်ရဲ့စိတ်ဓာတ်က မြင့်တက်လာတယ်။

တစ်ရက်ကြာပြီးနောက် ဓားမော့မဟာမိတ်က အထွတ်အထိပ်အရှင်တစ်ယောက်ကို ဆုံးရှုံးသွားတယ်။ နေ့တစ်ရက်နဲ့တစ်ဝက်ကြာပြီးနောက် အမှောင်ကောင်စီက အထွတ်အထိပ်အရှင်တစ်ယောက်ကို ဆုံးရှုံးသွားတယ်။

တစ်ပတ်ကြာပြီးနောက် ဓား‌မော့မဟာမိတ်က အထွတ်အထိပ်အရှင်သုံးယောက်နဲ့ပြိုင်ဘက်ကင်းအရှင်တစ်‌ယောက်ကို ဆုံးရှုံးသွားပြီး အမှောင်ကောင်စီက အထွတ်အထိပ်အရှင်ငါးယောက်ကို ဆုံးရှုံးသွားတယ်။

နှစ်ဖက်စလုံးက ကြီးမားတဲ့သေကြေပျက်စီးမှုတွေ ခံစားနေရတယ်။

အပြင်ကမ္ဘာမှာဆိုရင် သူတို့က တစ်နှစ်နဲ့တစ်ဝက်တိုက်ခိုက်ရင်တောင် အထွတ်အထိပ်အရှင်တစ်ယောက်က ကျဆုံးနိုင်မှာမဟုတ်ဘူး။

မူလဘူတမြေပြင်မှာ စကြာဝဠာဥပဒေသက တင်းကြပ်လွန်းပြီး စကြာဝဠာရင်းမြစ်က နက်နက်ရှိုင်းရှိုင်းဖုန်းကွယ်ထားတယ်။ စွမ်းအားကို ပြန်ဖြည့်ဖို့က တကယ်ခက်ခဲတယ်။

"ဓားမော့မဟာမိတ်ကလူတွေ၊ မင်းတို့တွေ ငါ့အကူအညီကို လိုအပ်လား"

ကြည်လင်ပြတ်သားတဲ့အသံတစ်ခုက နေရာတစ်ခုလုံးကို ပဲ့တင်ထပ်လာတယ်။

"ဒါ မူလအဆုံးစွန်းအရှင်ပဲ"

"‌တောက်၊ ဒါ မူလအဆုံးစွန်းအရှင်ပဲ"

ဓားမော့မဟာမိတ်က ပျော်ရွှင်သွားပေမယ့် အမှောင်ကောင်စီရဲ့မျက်နှာအမူအရာကတော့ ပြောင်းလဲသွားတယ်။

"မူလအဆုံးစွန်းအရှင်၊ မင်း အချိန်မီရောက်လာတာပဲ"

ကောင်းကင်ဓားမော့တာအိုအရှင်က လီဖူချန်းကို အရင်နှုတ်ဆက်လိုက်တယ်။

"မူလအဆုံးစွန်းအရှင်၊ ဒါက အမှောင်ကောင်စီနဲ့ဓားမော့မဟာမိတ်အကြား စစ်ပွဲတစ်ခုပဲ။ မင်း နှောင့်ယှက်ရင် မင်း အကျိုးဆက်တွေကို စဉ်းစားထားတာ ပိုကောင်းမယ်" အမှောင်အရှင်ဘုရင်က လီဖူချန်းကို ခြိမ်းခြောက်လိုက်တယ်။

"မင်းကိုယ်မင်းဘယ်သူလို့ ထင်နေတာလဲ" လက်ရှိအချိန်မှာ လီဖူချန်းနဲ့အမှောင်အရှင်ဘုရင်က တူညီတဲ့အဆင့်မှာ ရှိမနေဘူး။ တစ်ဖက်လူက အရှင်သတ်မှတ်ချက်ရဲ့အဆင့်၆၂ဖြစ်ပြီး သူက အဆင့်၇ဖြစ်တယ်။

"မင်း"

အမှောင်အရှင်ဘုရင်က ဒေါသထွက်သွားပြီး သူ့မျက်နှာက မည်းမှောင်သွားတယ်။

"မူလအဆုံးစွန်းအရှင်၊ ငါ့ကို မျက်နှာသာပေးပါ။ အနာဂတ်မှာ အမှောင်ကောင်စီက မင်းကို ဘယ်တော့မှ ပစ်မှတ်မထားတော့ဘူးလို့ ငါ အာမခံနိုင်တယ်" လီဖူချန်းပါဝင်လာတာနဲ့ ဘယ်လိုအကျိုးဆက်‌တွေ ဖြစ်လာမလဲကို ဖျက်ဆီးခြင်းအရှင်က သိတယ်။ ဒါကြောင့် သူက ရွေးချယ်စရာမရှိဘဲ အလျှော့ပေးလိုက်ရတယ်။

လီဖူချန်းက မူလအဆုံးစွန်းဓားကို ဆွဲထုတ်ကာ ပြောလိုက်တယ်"တောင်းပန်ပါတယ်၊ ငါ အမှောင်ကောင်စီကို မကြိုက်ဘူး၊ ဒါကြောင့် ငါ  မင်းကို ဆန့်ကျင်ရမှာပဲ"

မူလအဆုံးစွန်းဓားတာအိုစကြာဝဠာက ပေါက်ကွဲထွက်လာပြီး အမှောင်ကောင်စီကို ဝန်းရံသွားတယ်။

ဝုန်း ဝုန်း ဝုန်း......

သုတ်သင်ခြင်းဓားမော့တာအိုစကြာဝဠာနဲ့မူလအဆုံးစွန်းဓားတာအိုစကြာဝဠာရဲ့ဖိနှိပ်မှုအောက်မှာ ဖျက်ဆီးခြင်းအရှင်ရဲ့ဖျက်ဆီးခြင်းစကြာဝဠာက နောက်သို့ အဆက်မပြတ်တွန်းပို့ခံနေရတယ်။ အမှောင်ကောင်စီမှလူတိုင်းကို ကာကွယ်ဖို့ မဖြစ်နိုင်တော့ဘူး။

"အား"

အမှောင်ကောင်စီမှအထွတ်အထိပ်အရှင်တစ်ယောက်က လီဖူချန်းရဲ့ဓားချက်ကြောင့် ပြာပုံဘဝဖြစ်သွားရတယ်။

ဒါက လီဖူချန်းအနေနဲ့ အထွတ်အထိပ်အရှင်တစ်ယောက်ကို ဓားတစ်ချက်တည်းနဲ့ သတ်နိုင်တယ်လို့ မဆိုလိုဘူး။ အဓိကအားဖြင့် အထွတ်အထိပ်အရှင်ရဲ့စွမ်းအားက ပြင်းထန်စွာလျော့ကျနေပြီး ကျန်ရှိနေတဲ့စွမ်းအားက တစ်ဆယ်ရာခိုင်နှုန်းထက် နိမ့်ကျတယ်။

"မူလအဆုံးစွန်းအရှင်၊ မင်းရဲ့ယနေ့ဆုံးဖြတ်ချက်အတွက် တစ်နေ့ နောင်တရလိမ့်မယ်"

ဖျက်ဆီးခြင်းအရှင်ရဲ့အသံက အရိုးထဲထိတိုင်အေးစက်နေတယ်။

"ငါ့ကို ‌နောက်တ‌ရစေတဲ့အရာတွေ အခုထိ မဖြစ်သေးဘူး"

လီဖူချန်းက ခွန်အားပြင်းပြင်းထန်ထန်လျော့ကျလာတဲ့အမှောင်ကောင်စီရဲ့အဖွဲ့ဝင်တွေကို ပစ်မှတ်ထားလိုက်တယ်။

ဒါပေမယ့် လီဖူချန်းက မူလဘူတသော့နှစ်ချောင်းရှိတဲ့လူနှစ်ယောက်ကို သတ်ချင်ခဲ့တယ်၊ ဒါပေမယ့် ကံမကောင်းစွာနဲ့ ဒီလူနှစ်ယောက်က အလွန်တင်းကြပ်တဲ့အကာအကွယ်အောက်မှာ ရှိပြီး သက်စောင့်စွမ်းအားအလုံအလောက်ရှိတယ်။ သူတို့ကို အချိန်တိုအတွင်း သတ်ဖြတ်ဖို့က ခက်ခဲတယ်။

"ပြန်ဆုတ်‌တော့"

အခြေအနေမကောင်းတော့တာကို မြင်ပြီး ဖျက်ဆီးခြင်းအရှင်က ပြန်ဆုတ်ဖို့ ချက်ချင်း အမိန့်ပေးလိုက်တယ်။

"ပြန်ဆုတ်ဖို့ အဲလောက်မလွယ်ဘူးကွာ"

လီဖူချန်းနဲ့ဓားမော့မဟာမိတ်အဖွဲ့ဝင်တွေက လိုက်သွားတယ်။

နေ့တစ်ဝက်ကြာပြီးနောက် အမှောင်ကောင်စီရဲ့အထွတ်အထိပ်အရှင်နဲ့ပြိုင်ဘက်ကင်းအရှင်အနည်းငယ်က ပျောက်ကွယ်သွားတော့တယ်။

"မင်းတို့ကောင်တွေ များသွားပြီ၊ ညှစ်သတ်ခြင်းအဖျက်အဆီး"

အဖျက်အဆီးအရှင်က ဧရာမဝဲကတော့တစ်ခုအဖြစ် ပြောင်းသွားပြီး လီဖူချန်းနဲ့အခြားသူတွေဆီ တစ်ဟုန်ထိုးတိုက်ခိုက်လာတယ်။

ဒိအကွက်က စွမ်းအားအမြောက်အများကို ကုန်ဆုံးစေပြီး သေရေးရှင်ရေးအခြေအနေတစ်ခုမဟုတ်ရင် ဖျက်ဆီးခြင်းအရှင်က ဒါကို အသုံးပြုလိမ့်မှာမဟုတ်ဘူး။

"စိတ်ဝိညာဉ်ခုနှစ်ခုငြိမ်းသတ်ခြင်း"

ဖျက်ဆီးခြင်းအရှင်ရဲ့သတ်ဖြတ်ကွက်နဲ့ ရင်ဆိုင်ရတဲ့အခါ သုတ်သင်ခြင်းခုနှစ်ခုဓားမော့အရှင်က လီဖူချန်းကို စောင့်မနေတော့ဘဲ ရှေ့သို့ တက်လာတယ်။

သူ့ရဲ့စိတ်ဝိညာဉ်ခုနှစ်ခုငြိမ်းသတ်ခြင်းကလည်း စွမ်းအားအမြောက်အများသုံးစွဲရတဲ့ဓားမော့ကွက်တစ်ခုဖြစ်ပြီး သူ့ရဲ့စိတ်ဝိညာဉ်စွမ်းအားကိုတောင် အသုံးပြုပါလိမ့်မယ်။

ဓားမော့ကို ဝှေ့ယမ်းလိုက်တဲ့အခါ ထက်ရှတဲ့ဓားမော့အလင်းက အရာအားလုံးကို ဖျက်ဆီးနိုင်သလို ခံစားရစေပြီး ဝဲကတော့ကို ခုတ်ပိုင်းလိုက်တယ်။

အုန်း......

ကောင်းကင်က မည်းမှောင်သွားပြီး နှစ်ယောက်စလုံး လွင့်ထွက်သွားတယ်။

အခွင့်အရေးကို အရယူလျက် လီဖူချန်းက ဓားပိတ်လှောင်ခြင်းစကြာဝဠာကို အသုံးပြုကာ မူလဘူတသော့ရှိတဲ့အမှောင်ကောင်စီရဲ့ပြိုင်ဘက်ကင်းအရှင်နှစ်ယောက်ထဲမှတစ်ယောက်ကို ပိတ်လှောင်ထားလိုက်တယ်။

"မဟုတ်ဘူး"

nsumed more than 50% in a short while.

လီဖူချန်းရဲ့ထပ်ခါတလဲလဲတိုက်ခိုက်မှုတွေအောက်မှာ ထိုပြိုင်ဘက်ကင်းအရှင်ရဲ့စွမ်းအားက လျင်မြန်စွာ လျော့ကျလာတယ်။ အချိန်တိုအတွင်း သူ့ရဲ့စွမ်းအားငါးဆယ်ရာခိုင်နှုန်းကျော် လျော့ကျသွားတယ်။

"ဒီအတိုင်းဆက်သွားလို့မရဘူး၊ ဒါက နှေးလွန်းတယ်။ ငါ နှောင့်နှေးနေရင် တစ်ခုခုဖြစ်သွားနိုင်တယ်။ ဓားသစ်သား၊ ကြေမွစမ်း"

အချက်အလက်အရ လီဖူချန်းအနေနဲ့ ပြိုင်ဘက်ကင်းအရှင်တစ်ယောက်ကို ချက်ချင်းသတ်ဖြတ်ဖို့က မဖြစ်နိုင်ဘူး။ ဖရိုဖရဲမီးကြာပန်းရဲ့ရင်းမြစ်အဆီအနှစ်ကို အသက်သွင်းရင်တော့ သူက ထိုပြိုင်ဘက်ကင်းအရှင်ကို အလွယ်တကူပြာချနိုင်မှာပါ။ ဒါပေမယ့် အဲဒီလိုလုပ်ရင် သူ့မှာ ဖရိုဖရဲမီးကြာပန်းရှိတာကို အခြားသူတွေကို ပြောပြတာနဲ့ အတူတူပါပဲ။

ဒါကြောင့် လီဖူချန်းက ဒီအကြံကို လက်လျှော့လိုက်တယ်။ သူက ထူးကဲအဆင့်ဓားတာအိုအသုံးအ‌ဆောင်ပစ္စည်းတစ်ခုကို ရွေးချယ်ပြီး အသက်သွင်းကာ ဓားတာအိုရင်းမြစ်ကို သူ့ရဲ့ခန္ဓာကိုယ်နဲ့ ပေါင်းစပ်စေလိုက်တယ်၊ ပြီးနောက် သူက ပြိုင်ဘက်ကင်းအရှင်ကို ခုတ်ပိုင်းလိုက်တယ်။

ဝုန်း ဝုန်း ဝုန်း......

တိုက်ခိုက်မှုဆယ်ကြိမ်ပြီးနောက် ထိုပြိုင်ဘက်ကင်းအရှင်ရဲ့စွမ်းအားက သူ့အထွတ်အထိပ်စွမ်းအားရဲ့သုံးဆယ်ရာခိုင်နှုန်းသာ ကျန်တော့တယ်။

နောက်ထပ်တိုက်ခိုက်မှုဆယ်ကြိမ်ပြီးနောက် တစ်ဆယ်ရာခိုင်နှုန်းသာ ကျန်ရှိတော့တယ်။

"မဟုတ်ဘူး"

ပြိုင်ဘက်ကင်းအရှင်က အလွန်အမင်းကြောက်ရွံ့သွားပေမယ့် သူ့အသံကို မထုတ်လွှင့်နိုင်ခဲ့ဘူး။ ဒါ့အပြင် အချိန်က တိုတောင်းလွန်းပြီး ဖျက်ဆီးခြင်းအရှင်နေနဲ့ သူ့ကို အချိန်မှီကယ်ဆယ်ဖို့ မဖြစ်နိုင်ပါဘူး။

"သေစမ်း"

ဓားသစ်သားရဲ့ပေါက်ကွဲမှုက ဓားတာအိုရင်းမြစ်များစွာကို အသက်သွင်းခဲ့တယ်။ ဒါက မီးပြင်ဖိုတစ်ခုအထဲကို မီးတောင်တစ်ခုရဲ့စွမ်းအား ထည့်သွင်းလိုက်တာနဲ့ တူတယ်။

ကပ်ဘေးမသေမျိုးခန္ဓာကိုယ်နဲ့အတူ လီဖူချန်းက ဓားသစ်သားရဲ့ဓားတာအိုရင်းမြစ်အားလုံးကို သူ့ရဲ့ဓားကွက်ထဲသို့ ထည့်သွင်းလိုက်ပြီး ပြိုင်ဘက်ကင်းအရှင်ကို တိုက်ခိုက်လိုက်တယ်။

ဝှစ်......

ပြိုင်ဘက်ကင်းအရှင်က အော်ဖို့အချိန်တောင် မရှိခဲ့ဘူး၊ သူက ချက်ချင်း ပြာကျသွားတယ်။ နေရာလပ်လက်စွပ်တစ်ကွင်းကသာ ကျန်ရစ်နေခဲ့တယ်။

"လာစမ်း"

လီဖူချန်းက လက်ကို ဆန့်ထုတ်ကာ နေရာလပ်လက်စွပ်ကို သိမ်းယူလိုက်တယ်။

"တောက်"

သုတ်သင်ခြင်းခုနှစ်ခုဓားမော့အရှင်နဲ့တိုက်ခိုက်နေတဲ့ဖျက်ဆီးခြင်းအရှင်က နောက်ဆုံးတော့ ရောက်ရှိလာတယ်။ ဓားပိတ်လှောင်ခြင်းကမ္ဘာကို ချိုးဖြတ်ပြီးနောက် သူက အချိန်မီမကယ်နိုင်တော့သလို လီဖူချန်း နေရာလပ်လက်စွပ်ကို သိမ်းသွားတာကိုသာ ကြည့်နေခဲ့ရတယ်။

"မူလအဆုံးစွန်းအရှင်၊ ငါ မင်းကို မှတ်ထားမယ်"

ဖျက်ဆီးခြင်းအရှင်ရဲ့မျက်လုံးတွေက ဒေါသတွေနဲ့ ရဲရဲနီနေတယ်။

အဆုံးမှာ အမှောင်ကောင်စီမှာ ဖျက်ဆီးခြင်းအရှင်နဲ့အခြားပြိုင်ဘက်ကင်းအရှင်ငါးယောက်သာ လွတ်မြောက်ခဲ့ပြီး ကျန်သူတွေအားလုံးက သေဆုံးသွားခဲ့တယ်။

"မူလအဆုံးစွန်းအရှင်၊ ကျေးဇူးအများကြီးတင်ပါတယ်"

သုတ်သင်ခြင်းခုနှစ်ခုဓားမော့အရှင်က လျှောက်လာကာ လီဖူချန်းကို ကျေးဇူးတင်စကားဆိုလိုတယ်။

"ငါ့ကို ကျေးဇူးတင်စရာမလိုပါဘူး၊ ငါရတာက မင်တို့အားလုံးထက်ပိုတာပဲလေ"

ဒီမူလလူတသော့ပါထပ်ပေါင်းရင် လီဖူချန်းမှာ စုစုပေါင်းလေးခုရှိနေပြီ။ ဒါက မူလဘူတကြေးညိုသော့သာဖြစ်ပေမယ့် လူတွေကို အားကျအောင်၊ ထိတ်လန့်တုန်လှုပ်‌အောင်ပြုလုပ်ဖို့ လုံလောက်တယ်။

"မင်းမရှိရင် ငါတို့ဓား‌မော့အစည်းအရုံးက သေကြေ‌ပျက်ဆီးမှုတွေ ပိုများသွားမှာပေါ့" လီဖူချန်းမှာ မူလဘူတသော့လေးချောင်းရှိတာကို သုတ်သင်ခြင်းခုနှစ်ခုဓားမော့အရှင်က သိပေမယ့် ဓားမော့မဟာမိတ်က အရေအတွက်အသာစီးရနေရင်တောင် သူက အဲဒါတွေကို လုယူဖို့ မစဉ်းစားပါဘူး။

သူ့ရဲ့မသိစိတ်က သူ့ကို ပြောပြခဲ့တယ်၊ သူတို့က လီဖူချန်းကို ဝိုင်းထားရင်တောင် လီဖူချန်းကို ဘာမှမလုပ်နိုင်ဘူးဆိုတာကိုပေါ့။

လီဖူချန်းက ဓားမော့မဟာမိတ်နဲ့ အတူတူမသွားပါဘူး၊ သူက မူလဘူတခန်းမကို တစ်ယောက်တည်းသွားဖို့ ရွေးချယ်လိုက်တယ်။

"သူ့ကို တွေ့ပြီ"

တောင်မြင့်တစ်ခုအပေါ်မှာ မီးသူတော်ကောင်းနတ်ဘုရားအရှင်ရဲ့မျက်လုံးတွေက ရွှေရောင်မီးလျှံတွေ လောင်ကျွမ်းနေပြီး သူက လီဖူချန်းကို အဝေးမှ မြင်လိုက်ရတယ်။

သူ့ရဲ့မီးနတ်ဘုရားမျက်လုံးတွေက အကြိုနတ်ဘုရားအသုံးအဆောင်ပစ္စည်းအစအနတစ်ခုရဲ့စွမ်းရည်နဲ့ ပေါင်းစပ်ထားတယ်။ ဒါကြောင့် သူက အလွန်အမင်း‌ဝေးကွာတဲ့မြင်ကွင်းတွေကို မြင်နိုင်ပြီး ဒါက လိပ်ပြာအသိစိတ်အာရုံထက် အများကြီးပိုအသုံးဝင်တယ်။

"ဒီတစ်ခါ သူ့ကို ဘယ်သူကယ်မလဲ ကြည့်ရတာပေါ့"

အမှောင်အရှင်ဘုရင်က နှာခေါင်းရှုံ့လိုက်တယ်၊ အလင်းနတ်ဘုရားအရှင်နဲ့မီးသူတော်ကောင်းနတ်ဘုရားအရှင်တို့ပူးပေါင်းလာမှုနဲ့အတူ တစ်‌ယောက်ယောက်က လီဖူချန်းကို ကယ်ဆယ်နိုင်မယ်လို့ သူ မထင်ပါဘူး၊ ထိုက်ချိဓားဘိုးဘေးနှစ်ယောက်ကတောင် မဖြစ်နိုင်ပါဘူး။

"သွားကြစို့"

အလင်းနတ်ဘုရားအရှင်က လက်ကို ဝှေ့ယမ်းလိုက်ရာ တောက်ပနေတဲ့အလင်းတံခါးတစ်ခုက ပွင့်လာပြီး သူတို့လေးယောက်က အထဲကို ခြေချလိုက်တယ်။

"အမ်"

တစ်ခုခုကို အာရုံခံမိပြီး လီဖူချန်းက ကောင်းကင်ကို ကြည့်လိုက်တယ်။

နေတစ်စင်းက ကောင်းကင်မှာ ထွက်ပေါ်လာတယ်။

မဟုတ်ဘူး၊ ဒါက နေတစ်စင်းမဟုတ်ဘူး၊ အလွန်တောက်ပတဲ့တံခါးတစ်ခုပဲ။ တံခါးမှ ပုံရိပ်လေးခုက ဆင်းသက်လာတယ်။

"ရေခဲမီးနတ်ဘုရားအရှင်၊ အမှောင်နတ်ဘုရားအရှင်၊ အလင်းနတ်ဘုရားအရှင်"

လီဖူချန်းက သူတို့ထဲကသုံးယောက်ကို ချက်ချင်းသိလိုက်တယ်။ သူက အလင်းနတ်ဘုရားအရှင်ကို လူကိုင်တိုင်မမြင်ဖူးပေမယ့် ရုပ်ပုံကို မြင်ခဲ့ဖူးတယ်။ ဒါ့ပြင် ကမ္ဘာတစ်ခုလုံးမှာ အလင်းနတ်ဘုရားအရှင်နဲ့ချီတည်ရှိမှုတူညီတဲ့နောက်တစ်ယောက်ရှိနိုင်မှာမဟုတ်ဘူး။

ဒါပေမယ့် လီဖူချန်းအတွက် အခြိမ်းခြောက်ဆုံးက မီးလျှံကြယ်နှစ်လုံးပမာမျက်လုံးတွေနဲ့ အရေပြားပေါ်မှာ မီးအင်ကွက်တွေနဲ့ပြိုင်ဘက်ကင်းအရှင်ပါပဲ။

ထူးဆန်းတာက အရှင်သတ်မှတ်ချက်စာရင်းမှာ ဒီလိုပုဂ္ဂိုလ်တစ်‌ယောက်မှ မရှိသလိုပဲ။

"သူက အကြိုနတ်ဘုရားနယ်မြေက များလား"

လီဖူချန်းက ဖြစ်နိုင်ချေတစ်ခုကို တွေးမိသွားတယ်။

အကြိုနတ်ဘုရားနယ်မြေက ဝင်ဖို့ လွယ်ပေမယ့် ထွက်ဖို့ ခက်တယ်။ ဒါပေမယ့် အထူးနည်းလမ်းတွေနဲ့တန်ဖိုးတစ်ခုကို ပေးချေရင်တော့ ထွက်လာဖို့ ဖြစ်နိုင်တယ်။

"ကြည့်ရတာ နတ်ဘုရားမျိုးနွယ်က ငါ့ကို သတ်ဖို့ ဆုံးဖြတ်ထားပုံပဲ။ သူတို့က နတ်ဘုရားအရှင်လေးယောက်စလုံးကို လွှတ်လိုက်တာပဲ"

လီဖူချန်းက ဂရုမစိုက်ဘဲ မနေရဲပါဘူး။ သူ့မှာ ဝှက်ဖဲတွေအများကြီးရှိသလို တစ်ဖက်မှာလည်း ဘယ်လိုအားကောင်းတဲ့ဝှက်ဖဲတွေရှိသလဲကို မသိနိုင်ဘူးလေ။