အခန်း (၃၄၅)

[ရုတ်တရက်တုန်ခါမှုကြီးဖြင့် လေထုတခုလုံးထူးဆန်းလာမှုသည် ယဲ့ယွီ နှင့် ပိုင်ရှီချူ ၏ မျက်နှာအမူအရာများကို သိသိသာသာ ပြောင်းလဲစေသည်။]

[သူတို့သည် အပြင်ဘက်အခြေအနေကို စောင့်ကြည့်ရန်အတွက် နတ်ဆိုးခန်းမ မှ လေထဲသို့ အချိန်မဆိုင်းပဲ ချက်ချင်း တက်သွားသည်။]

[ကောင်းကင်ယံတွင် တည်ရှိနေသော လ သုံးစင်း သည် ပေါက်ကွဲထွက်တော့မလို ပြင်းထန်စွာ တုန်ယင်နေသည်ကို သူတို့ မြင်လိုက်ရသည်။]

[တဖြည်းဖြည်းချင်း လများ၏အလင်းရောင် လျော့ကျလာသည်။]

[နတ်ဆိုးလောကတစ်ခုလုံးသည် ကြောက်မက်ဖွယ် မှောင်မိုက်ခြင်းထဲသို့ ကျရောက်သွားသည်။]

[ထို့နောက်၊ ပတ်ဝန်းကျင်ရှိ အေးစက်လွန်းသော နတ်ဆိုးစွမ်းအင်သည် ပြင်းထန်စွာ တက်လာသည်။]

[အဝေးမှ ခရမ်းရောင်အလင်းတစ်ခုသည် ထွန်းလင်းလာပြီး ကောင်းကင်ယံသို့ ထိုးခွဲကာတက်လာနေသည်။]

[ထိုခရမ်းရောင်အလင်း ၏ အရှိန်ဝါ ပြင်းထန်မှုသည် သူတို့၏ စိတ်ဝိညာဉ်များကို တုန်ယင်သွားစေသည်။]

[ဒါကို မြင်သောအခါ ယဲ့ယွီ သည် နက်နက်ရှိုင်းရှိုင်းစိတ်ရှုပ်ထွေးနေပြီး ဘာဖြစ်နေသည်ကို နားမလည်နိုင်ခဲ့။]

[ ပိုင်ရှီချူ သည် သူ့ဘေးတွင် ညင်သာစွာ ရေရွတ်သည်၊ “နတ်ဆိုးစွမ်းအင် ပြန်လည်နိုးထလာပြီး နတ်ဆိုးဘုရင်နဲ့အထက်အဆင့် အားကောင်းတဲ့ နတ်ဆိုးတွေ အိပ်ပျော်နေရာကနေ နိုးထလာနေတယ်!”]

[ ယဲ့ယွီ သည် သူမ အရင်က သူ့ကို ပြောခဲ့သည်ကို ပြန်အမှတ်ရလိုက်သည်။]

[ချက်ချင်းပင် သူ နားလည်သွားသည်။]

[ နတ်ဆိုးဘုရင် အဆင့် နတ်ဆိုးများသည် နက်ရှိုင်းသော အိပ်စက်ခြင်းထဲတွင် ရှိနေသေးသည်။]

[ယခု၊ နတ်ဆိုးလောက၏ နတ်ဆိုးစွမ်းအင်များ ပြန်လည်နိုးထလာသည်နှင့်အမျှ၊ ဤအားကောင်းသော သတ္တဝါများသည် စတင်နိုးထလာကြသည်။]

[ကောင်းကင်ယံ၏ ထူးခြားမှုသည် ဤအရာ၏ လက္ခဏာဖြစ်သည်။]

[အချိန်များစွာ ကြာပြီးနောက်တွင်။]

[အရာအားလုံးသည် တည်ငြိမ်မှုသို့ ပြန်ရောက်သွားသည်။]

[အရင်က ပျောက်ကွယ်သွားသော လများသည် သူတို့၏အလင်းရောင်ဖြင့် တစ်ဖန် ပြန်လည်ထွန်းလင်းလာသည်။]

[တောက်ပထူးခြားသော လပြည့်ဝန်းများသည် နတ်ဆိုးလောက၏ ကမ္ဘာမြေကို ထူးကဲစွာလှပသော အလင်းရောင် ပေးနေသည်။]

[ ယဲ့ယွီ နှင့် ပိုင်ရှီချူ တို့သည် နတ်ဆိုးခန်းမ သို့ ပြန်သွားတော့မည်ဖြစ်သည်။]

[ရုတ်တရက်၊ သူတို့သည် ပြင်းထန်သော နတ်ဆိုးစွမ်းအင်တစ်ခု လျင်မြန်စွာ ချဉ်းကပ်လာသည်ကို ခံစားလိုက်ရသည်။]

[နှစ်ဦးလုံးစိတ်လှုပ်ရှားစွာ ဖြင့်နောက်သို့လှည့်ကြည့်လိုက်ရာ။]

[နတ်ဆိုးခန်းမ အထက်တွင် သရဲတစ္ဆေတစ်ဦးကဲ့သို့သော အမှောင်ထုရုပ်ပုံတစ်ခု ပေါ်လာသည်ကို မြင်လိုက်ရသည်။]

[ ပိုင်ရှီချူ သည် သူ၏မျက်မှောင်ကို တွန့်လိုက်ပြီး တိုးညှင်းစွာ တလုံးချင်း ရေရွတ်သည်၊ “နတ်ဆိုးသခင် ပိုင်ကျိန်းမြောင် ။”]

[တကယ်တော့၊ ထိုပုံရိပ်သည် နတ်ဆိုးမြို့တော် ၏ နတ်ဆိုးသခင် ပိုင်ကျိန်းမြောင် မှလွဲ၍ အခြားသူ မဟုတ်ပေ။]

[သူ ရောက်ရှိလာသည်နှင့်၊ နတ်ဆိုးခန်းမ မှ အောက်လက်ငယ်သား မြေနတ်ဆိုး အဆင့်နတ်ဆိုးအစောင့်များသည် သူ့ကို ဖမ်းဆီးရန် ချက်ချင်း အပြေးအလွှား သွားကြသည်။]

[သို့သော် ပိုင်ကျိန်းမြောင် သည် သူ၏လက်ကို ပေါ့ပေါ့ဆဆ ဝှေ့ယမ်းလိုက်ပြီး နတ်ဆိုးစွမ်းအင်စီးကြောင်း ဒါဇင်များစွာက အစောင့်များ၏ ကိုယ်ထဲသို့ ဝင်ရောက်သွားသည်။]

[အဆင့်မြင့် မြေနတ်ဆိုး ကျင့်ကြံသူများသည် ချက်ချင်း ကျောက်ရုပ်များသဖွယ် ရပ်တန့်သွားသည်။]

[သူတို့၏မျက်လုံးများ တင်းတင်းပိတ်ထားပြီး၊ မျက်နှာများသည် ကြောက်ရွံ့မှုများဖြင့် ပြည့်နေသည်။]

[ခဏလေးအတွင်းတွင်၊ သူတို့သည် အသက်မဲ့စွာဖြင့် မြေပြင်ပေါ်သို့ တစစီ ပြိုကျသွားသည်။]

[ဤနတ်ဆိုးများ၏ သေဆုံးမှုသည် ယဲ့ယွီ ၏ “ အဖော်မဟာမိတ်စွန့်လွှတ်ခြင်းအိပ်မက်စနစ်ကိုအသက်ဝင်စေကာ အကန့်အသတ်မဲ့ စွမ်းရည်များကို ဖြစ်ပေါ်စေသည်။]

[နတ်ဆိုးစွမ်းအင် အများစုသည် ယဲ့ယွီ ၏ ကိုယ်ထဲသို့ စုစည်းသွားသည်။]

[သူ့ကို နက်နဲသောနတ်ဆိုး အဆင့်၏ အလယ်အဆင့်သို့ အပြည့်အဝ ဝင်ရောက်စေရန် ကူညီပေးသည်။]

[ယခုအချိန်တွင်။]

[ ပိုင်ကျိန်းမြောင် ၏ အကြည့်သည် ယဲ့ယွီ အပေါ် ကျရောက်သွားသည်။]

[လှောင်ပြောင်သော အပြုံးဖြင့် သူက “ နတ်ဆိုးဘုရင် အဆင့်စွမ်းအားကို ပိုင်ဆိုင်တယ်လို့ ကောလာဟလထွက်နေတဲ့သူက မင်း ယဲ့ယွီ လား?” ဟု ပြောသည်။]

[“မင်း ဘယ်လိုလုပ် အခြားသူတွေကို အဲ့လို သတင်းမှားကြီးနဲ့ ကြောက်လန့်ပြီး ယုံအောင် လုပ်နိုင်လဲ မသိပေမဲ့၊ မင်းက နတ်ဆိုးဘုရင် မဟုတ်ဘူးဆိုတာတော့ ငါ သေချာတယ်။”]

[“ဘာလို့လဲဆိုတော့ စစ်မှန်တဲ့ နတ်ဆိုးဘုရင် က ဒီနေ့မှ အခုလေးတင် နိုးထလာတာ!”]

[ဤစကားများကို ကြားသောအခါ။]

[ ယဲ့ယွီ သည် ရှင်းပြရန် စိတ်မဝင်စားခဲ့။]

[ဘာလို့လဲဆိုတော့ သေဆုံးသူများက ရှင်းပြချက်တွေ မလိုအပ်လို့ပဲ။]

[သူသည် ရုတ်တရက် ရှေ့သို့ တက်လှမ်းလိုက်ပြီး၊ သူ့ပတ်ဝန်းကျင်ရှိ နတ်ဆိုးစွမ်းအင်သည် ရေနွေးငွေ့များပမာ ဆူပွက်လာသည်။]

[ ယဲ့ယွီ နတ်ဆိုးနည်းစနစ်များကို စုစည်းကာတိုက်ခိုက်ရန်စတင် ပြင်ဆင်နေသည်ကို မြင်သောအခါ။]

[ ပိုင်ရှီချူ သည်လည်း ကူညီရန်အတွက် နတ်ဆိုးစွမ်းအင်များကို စုစည်းလာသည်။]

[သူတို့ ဒီနေ့မှာ နတ်ဆိုးသခင် ပိုင်ကျိန်းမြောင် ကို သတ်နိုင်ခဲ့ရင်။]

[သူတို့၏ အနာဂတ် နတ်ဆိုးမြို့တော် အပေါ် တိုက်ခိုက်မှုသည် မည်သူမျှ မတားဆီးနိုင်ဘဲ၊ ၎င်းကို အလွယ်တကူ ထိန်းချုပ်နိုင်ပြီး ဒုံယောင်း ပြည်နယ်ကို စည်းလုံးနိုင်လိမ့်မည်။]

[သို့သော် ပိုင်ရှီချူ ကအခြေအနေသည် ဤမျှ ရိုးရှင်းလိမ့်မည်မဟုတ်ဟု တွေးခဲ့သည်။]

[ ဒုံယောင်း ပြည်နယ်ရှိ လူတိုင်း သိခဲ့ကြသည်။]

[ ပိုင်ကျိန်းမြောင် သည် နာမည်ဆိုးဖြင့် ကျော်ကြားသော အလွန်သတိကြီးကာ အစွမ်းထက်သော နတ်ဆိုးသခင် တစ်ဦးဖြစ်သည်။]

[အောင်မြင်မှုကို လုံးဝ သေချာမှသာ သူသည် လုပ်ဆောင်လိမ့်မည်။]

[ဒါဆို ဘာလို့ သူ ဒီနေ့ တစ်ယောက်တည်း ဒီနေရာကို ရောက်လာရတာလဲ?]

[ဒီအတွက် ဘာအကြောင်းရင်းများ ရှိနိုင်မလဲ?]

[ ပိုင်ရှီချူ စဉ်းစားနေစဉ်။]

[ ပိုင်ကျိန်းမြောင် သည် ရုတ်တရက် ပြုံးရယ်လိုက်ပြီး၊ လှည့်ကာ သူ၏လက်များကို ယှက်လိုက်သည်။]

[“ဘိုးဘေး ချန် ရောက်ရှိလာခြင်းကို ကြိုဆိုပါတယ်။”]

[ထိုစကားများ ထွက်လာသည်နှင့်။]

[လှိမ့်နေသော အနက်ရောင်မြူခိုးများသည် မိုးကုတ်စက်ဝိုင်းတွင် ပေါ်လာပြီး သူတို့ဆီသို့ မိစ္ဆာကောင်များသဖွယ် အပြေးအလွှားရောက်လာကြသည်။]

[ကြောက်မက်ဖွယ်ကောင်းသော ဖိအားတစ်ခုသည် နတ်ဆိုးခန်းမ တစ်ခုလုံးပေါ်သို့ ကျရောက်လာသည်။]

[မြူခိုးများသည် အလွန်ပါးလွှာသော အလယ်အလတ်အရွယ်ရှိ လူတစ်ဦးအဖြစ် လျင်မြန်စွာ စုစည်းသွားသည်။]

[သူ၏ ပါးများ ချိုင့်နေပြီး၊ သူ၏မျက်နှာက ဖယောင်းကဲ့သို့ ဖြူဖျော့နေသည်။]

[သူသည် နှစ်ပေါင်း တစ်သောင်း ကျော် မစားရသေးသော ငတ်ပြတ်နေသည့် သရဲတစ်ကောင်နှင့်တူသည်။]

[ဤသူ၏ပုံပန်းသဏ္ဍာန်ကို မြင်သောအခါ။]

[ ပိုင်ရှီချူ ၏ မျက်နှာသည် သိသိသာသာ ပြောင်းလဲသွားပြီး သူမသည် အံ့အားသင့်စွာ အော်ဟစ်လိုက်သည်။]

[“ ကောင်းကင်ကို စားသုံးသူ အလောင်းကောင်နတ်ဆိုး ချန်ရုံဂု !”]

[ ယဲ့ယွီ သည် မျက်ခုံးပင့်လိုက်သည်။]

[ပြောရမည်ဆိုလျှင်၊ ဤအမည်သည် အရေးပါသောဗီလိန်တစ်ဦးနာမည်ဆိုတာ အလွန်သိသာနေသည်။]

[စူးစမ်းလိုစိတ်ဖြင့် သူသည် တိတ်တဆိတ် မေးသည်၊ “ ကောင်းကင်ကို စားသုံးသူ အလောင်းကောင်နတ်ဆိုး ? သူ နာမည်ကြီးလား?”]

[ ပိုင်ရှီချူ သည် သူ၏သွားများကို ကြိတ်လိုက်ပြီး ချန်ရုံဂု ၏ နောက်ခံအကြောင်းကို ဖြည်းဖြည်းချင်း ရှင်းပြသည်။]

[ နတ်ဆိုးမြို့တော် သည် ရာစုနှစ်များစွာကတည်းက သူ့နာမည် ရှိခဲ့သည်။]

[၎င်းသည် နတ်ဆိုးဘုရင် အဆင့်ကို ကျော်လွန်သော အင်အားကြီးမားသည့် လူ သုံးဆယ်ခြောက်ဦး ကို မွေးထုတ်ရာနေရာအဖြစ် လူသိများသည်။]

[ ကောင်းကင်ကို စားသုံးသူ အလောင်းကောင်နတ်ဆိုး သည် သူတို့ထဲမှ တစ်ဦးဖြစ်သည်။]

[ ပိုင်ရှီချူ အိပ်ပျော်မသွားမီ၊ သူမသည် သူ့ကို တစ်ကြိမ် တွေ့ဆုံဖူးသည်။]

[နတ်ဆိုးလောကတွင် ချန်ရုံဂု သည် နာမည်ဆိုးဖြင့် ကျော်ကြားသည်။]

[တူညီသောအဆင့်ရှိ ပြိုင်ဘက် သုံးဦး နှင့် တိုက်ပွဲတစ်ခုတွင်၊ သူသည် သူတို့အားလုံးကို အနိုင်ယူပြီး သူတို့၏အသားကို စားသုံးခဲ့ပြီး နတ်ဆိုးဘုရင် အဆင့်၏ ထိပ်ဆုံးသို့ ရောက်ရှိခဲ့သည်။]

[ဤတိုက်ပွဲက သူ့ကိုဖိန့်ဖိန့်တုန်အောင် နာမည်ကြီးစေသည်။]

[သူသည် ယခု နတ်ဆိုးအရှင် နှင့် တဉီးချင်း တိုက်ခိုက်နိုင်သော စွမ်းအားကို ပိုင်ဆိုင်နိုင်ဖွယ်ရှိကြောင်း ခန့်မှန်းချက်များပင် ရှိခဲ့သည်။]

[ဤခန့်မှန်းချက်ကို တစ်ခါမှ အတည်မပြုနိုင်ခဲ့သော်လည်း။]

[ ချန်ရုံဂု ၏ ခွန်အားသည် ကြောက်မက်ဖွယ်ကောင်းသည်မှာ ငြင်းမရနိုင်ပါ။]

[သူသည် သူ၏အဆင့်တွင် လက်တွေ့အားဖြင့် မည်သူ့ကိုမျှ မရှုံးနိမ့်သူဖြစ်သည်။]

[ ပိုင်ရှီချူ သည် ပိုင်ကျိန်းမြောင် က ဤမျှ ကြောက်စရာကောင်းသော စစ်သည်တော်တစ်ဦးကို ဤနေရာသို့ ခေါ်ဆောင်နိုင်လိမ့်မည်ဟု ဘယ်တုန်းကမှ မတွေးခဲ့မိ။]

[ ချန်ရုံဂု သည် သူ၏နှုတ်ခမ်းများကို အနည်းငယ် ဟလိုက်ပြီး အေးစက်သောလေငွေ့များကို နှင်းမုန်တိုင်းသဖွယ် ရှူထုတ်လိုက်သည်။]

[သူ၏မျက်လုံးများသည် ယဲ့ယွီ နှင့် ပိုင်ကျိန်းမြောင် ကို ကြည့်လိုက်သောအခါ လောဘများဖြင့် ပြည့်နှက်နေသည်။]

[ကြမ်းတမ်းသောအသံဖြင့် သူက “ဒီလို ကြွယ်ဝတဲ့ သွေးစွမ်းအင်တွေ …အရသာရှိမဲ့ပုံပဲ.... နတ်ဆိုးသခင် ပိုင်ကျိန်းမြောင် ၊ မင်း ကတိတည်သားပဲ။”]

[“ဒီကျေးဇူးကို ငါ မှတ်ထားမယ်!”]

[ ပိုင်ကျိန်းမြောင် က ပြုံးလိုက်သော်လည်း စကားမပြောခဲ့။]

[တကယ်တော့ လွန်ခဲ့တဲ့ ဆယ်နှစ် ကတည်းက။]

[သူသည် နတ်ဆိုးလောက၏ နတ်ဆိုးစွမ်းအင်တွင် အပြောင်းအလဲများကို ခံစားမိနှင့်ပြီးဖြစ်သည်။]

[ဒါကြောင့် သူက နတ်ဆိုးစွမ်းအင် ပြန်လည်နိုးထလာလိမ့်မည်ဟု ရဲရင့်စွာ ခန့်မှန်းခဲ့သည်။]

[ထို့အတူ၊ ပို၍ အားကောင်းသော နတ်ဆိုးများ နိုးထလာလိမ့်မည်။]

[တကယ်တော့ လွန်ခဲ့တဲ့ နှစ်လ က၊ သူသည် နတ်ဆိုးမြို့တော် တွင် အိပ်ပျော်နေခဲ့သော ချန်ရုံဂု သည် သတိအချို့ ပြန်လည်ရရှိလာကြောင်း တွေ့ရှိခဲ့သည်။]

[သူသည် အပြည့်အဝ မနိုးထသေးသော်လည်း၊ သူသည် သူ၏ဝိညာဉ်အသံဖြင့် ဆက်သွယ်နိုင်နှင့်ပြီးဖြစ်သည်။]

[ဤအရာက ပိုင်ကျိန်းမြောင် ကို စိတ်လှုပ်ရှားစေသည်။]

[ဘာလို့လဲဆိုတော့ ပိုင်ကျိန်းမြောင် ၊ ပိုင်ရှီချူ နှင့် ပိုင်ယုံကျီ တို့သည် အသစ်ခန့်အပ်ထားသော နတ်ဆိုးသခင် များ ဖြစ်ကြသည်။]

[နတ်ဆိုးလောကတွင် မကြာသေးမီက အပြောင်းအလဲ မဖြစ်ခဲ့ပါက၊ သူတို့သည် ဤမျှ ကျယ်ပြောသော နယ်မြေများကို ထိန်းချုပ်နိုင်မည်မဟုတ်ပါ။]

[သူတို့သည် ပို၍ အသက်ကြီးသော တန်ခိုးရှင် နတ်ဆိုးသခင် များ အိပ်ပျော်သွားပြီးမှသာ မထိုက်တန်စွာ အာဏာရလာခဲ့ကြသည်။]

[သို့သော် နတ်ဆိုးစွမ်းအင် ပြန်လည်နိုးထလာသည်နှင့်။]

[ဤအသစ်သော နတ်ဆိုးသခင် များ၏ ခွန်အားသည် မလုံလောက်တော့ကြောင်းသိသာစပြုလာသည်။]

[ထို့ကြောင့် သူတို့သည် ပို၍ အဆင့်မြင့်သော နတ်ဆိုးများ၏ အထောက်အပံ့ကို အရေးတကြီး လိုအပ်လာသည်။]

[ ချန်ရုံဂု ၏ စောစီးစွာ နိုးထလာမှုနှင့်အတူ ပိုင်ကျိန်းမြောင် သည် အခွင့်အရေးတစ်ခုကို တွေ့လိုက်ရသည်။]

[သူသည် ဆက်ဆံရေးများ စတင်တည်ဆောက်ပြီး နာခံရိုကျိုးကာ သဘောကောင်းကြောင်း ပြသခဲ့သည်။]

[ ချန်ရုံဂု က ကြာမြင့်စွာ အိပ်ပျော်ပြီးနောက်၊ သူ့ကိုယ်သူ အာဟာရဖြည့်တင်းရန်အတွက် ကြွယ်ဝသော သွေးကို အလွန်အမင်း လိုအပ်ကြောင်း ဖော်ပြခဲ့သည်။]

[ထိုသို့လုပ်ခြင်းဖြင့်သာ သူသည် သူ၏ထိပ်ဆုံးအခြေအနေသို့ ပြန်ရောက်နိုင်သည်။]

[ဤတောင်းဆိုချက်ကို ကြားသောအခါ ပိုင်ကျိန်းမြောင် က ချန်ရုံဂု အပြည့်အဝ နိုးထလာသည်နှင့်။]

[သူ စားသုံးရန်အတွက် သွေးနှင့်အသားများစွာ ပေးအပ်မည်ဟု ချက်ချင်း ကတိပေးခဲ့သည်။]

[သူ၏ စစ်မှန်သော ရည်ရွယ်ချက်မှာ ချန်ရုံဂု ကို အသုံးပြုပြီး ပိုင်ယုံကျီ နှင့် ပိုင်ရှီချူ ကို သတ်ရန်ဖြစ်သည်။]

[ထို့နောက်တွင် သူသည် ဒုံယောင်း ပြည်နယ်၏ စစ်မှန်သော အုပ်စိုးရှင် ဖြစ်လာလိမ့်မည်။]

[ ပိုင်ယုံကျီ ၏ သေဆုံးမှုတွင် အသေးစား အခက်အခဲတစ်ခု ရှိခဲ့သော်လည်း။]

[ဒါက အရေးမကြီးပါ—အသစ်ထွက်ပေါ်လာသော ယဲ့ယွီ ကို အသားနှင့်သွေးအရင်းအမြစ်အဖြစ် အသုံးပြုခြင်းက ကောင်းမွန်သော ရွေးချယ်မှုတစ်ခု ဖြစ်သည်!]

၃၄၆ ဆက်ရန်