အခန်း (၆၈)
Vol. 5 Ch. 68
“အင်ပါယာမြို့တော်ရဲ့ သဘာဝလွန် စစ်သည်တော်တွေက မျှော်လင့်ထားတဲ့အတိုင်းပဲ၊ မင်းတို့က အမှန်တကယ် ငါတို့လူသားမျိုးနွယ်ရဲ့ အထက်တန်းစားတွေပဲ”
“မင်းတို့နဲ့တွေ့ရတာ ငါတို့အတွက် ဂုဏ်ယူစရာပါပဲ”
ဝမ်ဘိန် နှင့် အခြားသူများသည် ထိုစကားကိုကြားသောအခါ အနည်းငယ်ပြုံးလိုက်ကြသည်။
“မင်းက သိပ်ကြင်နာလွန်းတယ် မြို့သခင်၊ ငါတို့အားလုံး ရန်နိုင်ငံအတွက် အလုပ်လုပ်နေကြတာပါ”
“မြို့တော်သခင်က ဒီမြို့ကို စနစ်တကျ စီမံခန့်ခွဲပြီး စီးပွားရေးကို ကြီးပွားတိုးတက်စေတယ်၊ ဒီဟာက ငါတို့ ယှဉ်လို့မရတဲ့ အရာပါ”
အတိုချုံးနှုတ်ဆက်ပြီးနောက် ဖူဟိုင် သည် ဝမ်ဘိန်,တို့အား သူသိခဲ့ရသမျှ သတင်းအားလုံးကို ပြောပြခဲ့သည်။
ခွမ်ပျော အုပ်စုအကြောင်းကို သူတို့သိသည်၊ ထိုသို့သော ခေတ်မီစစ်တပ်က နှင်းထူထပ်သော တောင်များပေါ်တွင် မရှုမလှရှုံးနိမ့်ခဲ့ရသည်။
ဝမ်ဘိန်,၏ အမူအရာသည် နှင်းတောင်ပေါ်ရှိ ရက်စက်ကြမ်းကြုတ်သော သားရဲများကို အလေးအနက်မထားသလိုပင် တည်ငြိမ်နေခဲ့သည်။
“ခွမ်ပျော အဖွဲ့အစည်က ကလူတွေ အသုံးဝင်တာ တစ်ခုခု ချန်ထားခဲ့သေးလား?”
ကိုယ့်ရန်သူ၏ အကြောင်းကိုသိထားမှသာလျှင် တိုက်ပွဲတိုင်းကို အောင်နိုင်မည်ဖြစ်သည်။ ဝမ်ဘိန်,တို့က အလွန်မောက်မာသူမဟုတ်ပေ။
နှင်းထူထပ်သောတောင်ပေါ်ရှိ ရက်စက်ကြမ်းကြုတ်သည့်သားရဲက မည်သို့သောစွမ်းရည်များ နိုးကြားလာသနည်းဆိုသည်ကို သူတို့ ကြိုတင်သိလိုကြသည်။
ဖူဟိုင် ခေါင်းညိတ်လိုက်ပြီး ခွမ်ပျော အဖွဲ့အစည်း၏ လေတပ်အဖွဲ့မှ မထွက်ခွာမီတွင် ရိုက်ကူးခဲ့သော သံချပ်ကာခြေရာခံယာဉ်များ၏ ဓာတ်ပုံကို ယူလာရန် သူ့လူများအား အမိန့်ပေးလိုက်သည်။
“ခေါင်းဆောင်ဝမ်၊ ကြည့်ကြည့်ပါ၊ ခွမ်ပျော အုပ်စုထဲက ဒီလူတွေ ချက်ချင်း အေးခဲသွားတာ၊ သူတို့ မသေခင်မှာ သူတို့ရဲ့ အရင်လှုပ်ရှားမှုတွေကို ထိန်းသိမ်းထားဆဲပဲ!”
“သံချပ်ကာယာဉ်တွေတောင် ဒီလိုအအေးဒဏ်ကို မခံနိုင်ဘူး!”
စကားပြောနေစဉ်တွင်၊ ဖူဟိုင်,၏မျက်လုံးများက ထိတ်လန့်မှုအပြည့်နှင့်။ ထိုအဖြစ်အပျက်ကို သူတကယ် နားမလည်နိုင်ခဲ့ပေ။
ဘယ်လိုသတ္တဝါမျိုးက ဒီလို သံချပ်ကာခြေရာခံယာဉ်တွေကို ခဏအတွင်း အေးခဲစေနိုင်တဲ့ စွမ်းရည်မျိုးရှိလို့လဲ။
ဒါက သူတို့နားလည်နိုင်းစွမ်းထက် ကျော်လွန်သည်။
“အိုး? ရေခဲစွမ်းရည်ကို နှိုးထတဲ့ သားရဲလား၊ စိတ်ဝင်စားစရာပဲ”
အခင်းဖြစ်ပွားရာနေရာအား ရိုက်ကူးထားသည့် ဓာတ်ပုံများကို ကြည့်ပြီး ဝမ်ဘိန်,က လုံးဝမကြောက်ပေ။
ယင်းအစား လောဘကြီးသည့် အပြုံးတစ်ခုက သူ့ပါးစပ်ထောင့်တွင် ပေါ်လာခဲ့သည်။
သူသည် အင်ပါယာမြို့တော်မှ ဆင်းသက်လာပြီး နောက်ဆုံးသုတေသန အစီရင်ခံစာအချို့ကို သိရှိခဲ့သည်။
သုတေသနပြုချက်အရ လူသားများသည် စူပါပါဝါများရှိသော သားရဲ၏ အသားကို စားသောက်နိုင်လျှင် ၊
အထူးသဖြင့်၊ မင်းရဲ့ပင်ကိုယ်စွမ်းရည်နဲ့ လိုက်လျောညီထွေရှိတဲ့သူတွေရဲ့အသားက မင်းရဲ့စွမ်းရည်ကို အများကြီးမြှင့်တင်ပေးနိုင်တယ်။
“ဟာဟား၊ အင်ပါယာမြို့တော်က လူတွေ ဒီနှင်းတောင်ပေါ်မှာ ဒီလိုစွမ်းရည်နဲ့ သားရဲတွေ ရှိမှန်း မသိကြတဲ့ပုံပဲ”
“အင်ပါယာမြို့တော်က အထူးတောင်းဆိုထားတဲ့ဟာက ဝူဗာလင်,ပဲ၊ တခြားသားရဲတွေကတော့...”
လူချန်း,၏ ရေခဲစွမ်းအားကို လေ့လာပြီးနောက် ဝမ်ဘိန်,သည် သူ့ကို အမဲလိုက်ရန် စိတ်ကူးရှိနေပြီဖြစ်သည်။
ယခုအခါတွင် ဝိညာဉ်စွမ်းအင်များ ပြန်လည်ရှင်သန်လာပြီးနောက်၊ ကမ္ဘာတစ်ဝှမ်းလုံးတွင် မငြိမ်မသက်မှုများ ပျံ့နှံ့နေပြီဖြစ်ပြီး၊ လုပ်သင့်လုပ်ထိုက်သည်မှာ ကိုယ့်ရဲ့ ခွန်အားကို မြှင့်တင်ရန်ဖြစ်သည်။
ဒီဖရိုဖရဲကမ္ဘာကြီးမှာ၊ မင်းမှာ ပြင်းထန်တဲ့ တိုက်ခိုက်ရေးစွမ်းအားတွေရှိနေသရွေ့ မင်းရဲ့စကားက အမှန်ဖြစ်လိမ့်မယ်။
ဝမ်ဘိန် မတ်တပ်ရပ်လိုက်သည်ကိုမြင်ပြီး ဖူဟိုင်,က အံ့သြတကြီးဖြင့်...
“ခေါင်းဆောင် ဝမ်၊ မင်း အခု ဒါဂုန် နှင်းတောင်ထဲကို ဝင်တော့မှာလား”
“ဟုတ်တယ်၊ သူတို့က သာမန်တိရစ္ဆာန်တွေပဲ၊ ငါတို့က ဒီသားရဲတွေကို အမြန်ဆုံး ကိုင်တွယ်သင့်တယ်”
ဝမ်ဘိန်,က ခေါင်းညိတ်ပြီး ပြုံးလိုက်သည်။
“မြို့သခင်ဖူ၊ မင်း ငါတို့နဲ့ တောင်ခြေကိုကားတစ်စီးနဲ့ လိုက်လို့ရတယ်၊ ငါတို့နောက်လိုက်ဖို့ လေယာဉ်မလွှတ်နဲ့”
လေယာဉ်က ဆူညံလွန်းသည်ကို ဝမ်ဘိန် သိသည်။
အင်ဂျင်တစ်လုံး၏ အသံကို ကီလိုမီတာပေါင်းများစွာ အကွာအဝေးကနေ ကြားနိုင်ပြီး၊ ကိုယ့်ကိုယ်ကိုရော တခြားသူတွေကိုပါ အလွယ်တကူ ထုတ်ဖော်စေနိုင်ပါသည်။
သိပ်မကြာခင်မှာပဲ၊ စူပါပါဝါရှိသည့် လူခုနစ်ယောက်ရဲ့ အဖွဲ့ဟာ ဒါဂုန် နှင်းတောင်ခြေရင်းကို ရောက်လာကြသည်။
သူတို့ ခုနစ်ဦးစလုံးသည် ခေတ်မီလက်နက်များကို မထီမဲ့မြင်ပြုကြသည်၊ သူတို့တွင် တန်ခိုးကြီးစွမ်းရည်များ ရှိသောကြောင့် အခြားလက်နက်ခဲယမ်းများကို မသယ်ဆောင်လာခဲ့ကြပေ။
သူတို့သည် ရန်နိုင်ငံမှ ပံ့ပိုးပေးသော သီးသန့်ပစ္စည်းအချို့နှင့် ဝူဗာလင် ကို အရှင်လတ်လတ်ဖမ်းဆီးရန်အတွက် အသုံးပြုမည့် စိတ်ငြိမ်သေနတ်တစ်လက်ကိုသာ ယူဆောင်လာခဲ့သည်။