အမြီးကိုးချောင်းမြေခွေး

ယန်ရှ တောင်တွင် လှပသောတောင်တန်းများ၊ ကြည်လင်သောရေများ၊ ကျေးငှက်များနှင့် မွှေးကြိုင်သောပန်းပွင့်များရှိသည်။ ယန်ဇီမြစ်၏ မြစ်လက်တက်များမှာလည်း အတွင်းဘက်သို့ ဖြည်းညှင်းစွာ စီးဆင်းနေသည်။

ယိုချင်းယန်,သည် ယခု ယန်ရှ တောင်၏ အလယ်ပိုင်းဒေသသို့ ရောက်ရှိလာပြီး သူမသည် ဤနေရာတွင် ရပ်လိုက်သည်။

“အမြီးကိုးချောင်းမြေခွေး ရဲ့ နယ်မြေကို ရောက်နေပြီ၊ သူအခု ဘယ်မှာလဲမသိဘူး”

ယိုချင်းယန်,သည် သူမရှေ့ရှိ ရင်းနှီးသော တောင်တန်းများနှင့် မြစ်များကို ကြည့်ကာ စိတ်ထဲမှာ ညည်းညူနေလေသည်။

ယန်ရှ တောင်သည် အခြားတောင်များကဲ့သို့ သားရဲများ ပရမ်းပတာ တိုက်ခိုက်နေသည့် တောင်များနှင့် မတူပေ။

အဘယ်ကြောင့်ဆိုသော် ဤနေရာတွင် ရက်စက်ကြမ်းကြုတ်သော သားရဲများကြားတွင် သခင်တစ်ဦး ရှိနေသောကြောင့် ဖြစ်သည်။

ယန်ရှ တောင်ရှိ ရက်စက်ကြမ်းကြုတ်သော သားရဲများအားလုံးသည် သူ့၏တရားစီရင်အောက်တွင် ရှိသည်။

ထို့ကြောင့် အခြားတောင်များနှင့်မတူဘဲ သားရဲများ အချင်းချင်း မကြာခဏ ရန်ဖြစ်လေ့မရှိပေ။

ထို့အပြင် ဤအားကောင်းပြီး ကြမ်းတမ်းသော သားရဲသခင်က ကိုးမြီးရှိသော မြေခွေး ဖြစ်သည်။

ယိုချင်းယန်,၏ယခင်ဘဝမှတ်ဉာဏ်များတွင်၊ ဤအမြီးကိုးချောင်းမြေခွေးသည် ယန်ရှ တောင်အနီးရှိ ဧရိယာကို လွှမ်းမိုးထားသည့် နတ်ဆိုးဘုရင်တစ်ပါးဖြစ်သည်။

သို့သော်၊ ဤအမြီးကိုးချောင်းမြေခွေး၏ စွမ်းအားသည် အလယ်အလတ်အဆင့်တွင်သာရှိပြီး စစ်မှန်သောတိုက်ပွဲတွင် အရည်အချင်းများစွာမရှိပေ။

နတ်ဆိုးဘုရင်ဖြစ်လာရခြင်း အကြောင်းရင်းမှာ သူ၏ နိုးထလာသော ပင်ကိုယ်စွမ်းရည်သည် အလွန်ထူးခြားသောကြောင့် ဖြစ်သည်။

ဒဏ္ဍာရီထဲကအတိုင်း၊ အမြီးကိုးချောင်းမြေခွေးသည် ဝိညာဉ်စွမ်းအင် ပြန်လည်ရှင်သန်လာပြီးနောက် ဝိညာဉ်ချုပ်နှောင်ခြင်း စွမ်းရည်ကို နိုးထလာခဲ့သည်။

အခြား ရက်စက်ကြမ်းကြုတ်သော သားရဲများ၏ ဝိညာဉ်များကို ထိန်းချုပ်နိုင်ပြီး သူတို့ကို သူ့ကိုယ်ပိုင်အသုံးပြုရန်အတွက် ရုပ်သေးရုပ်များအဖြစ် ပြောင်းလဲနိုင်သည်။

ဝိညာဉ်စွမ်းအင်ပြန်လည်ရှင်သန်လာခြင်းအစတွင်၊ အမြီးကိုးချောင်းမြေခွေးသည် သားရဲများစွာကို ထိန်းချုပ်ရန်အတွက် သူ့၏ဝိညာဉ်ချုပ်နှောင်ခြင်းစွမ်းရည်ကို အသုံးပြုခဲ့သည်။

သူ့အတွက် ကျင့်ကြံခြင်း အရင်းအမြစ်မျိုးစုံ ရရှိရန်နှင့် သူ့ဘဝအတွက် တိုက်ပွဲဝင်ရန် ဤရက်စက်ကြမ်းကြုတ်သော သားရဲရုပ်သေးများကို အသုံးပြုသည်။

ယန်ရှ တောင်ရှိ ရက်စက်ကြမ်းကြုတ်သော သားရဲများပင်လျှင် သူမထက် အစွမ်းထက်သည်။

သို့သော်လည်း ယိုချင်းယန် ၏မှတ်ဉာဏ်အရ၊ ယခုအချိန်တွင် ယန်ရှ တောင်သည် အမှန်တကယ်ပင် အမြီးကိုးချောင်းမြေခွေး၏ အုပ်စိုးမှုအောက်တွင်မရှိသေးပေ။

အကြောင်းမှာ၊ သူသည် ဝိညာဉ်စွမ်းအင်ပြန်လည်ရှင်သန်ခြင်း အစောပိုင်းအဆင့်တွင် သူ့၏ ဉာဏ်ရည်က အပြည့်အဝမဖွဲ့ဖြိုးသေးသောကြောင့် ဖြစ်သည်။

လက်ရှိ အမြီးကိုးချောင်းမြေခွေးသည် ထိုသားရဲရုပ်သေးများကို ဝိညာဉ်ချုပ်နှောင်ခြင်းစွမ်းရည်ဖြင့်သာ ထိန်းချုပ်နိုင်ပြီး အခြားရှုပ်ထွေးသောအမိန့်များကို မပေးနိုင်သေးပေ။

ယိုချင်းယန်,သည် ပတ်ပတ်လည်ကို လှမ်းကြည့်ပြီးနောက် ပုန်းအောင်းရန် သီးသန့်နေရာတစ်ခုကို ရှာတွေ့ခဲ့သည်။

သူမသည်ယခင်ဘဝက၊ တီယန်ယွမ် အသီးပင်သည် ဤနေရာတွင်မွေးဖွားခဲ့သောကြောင့် သူမ ကျန်းနန် ခရိုင်,ရှိ ယန်ရှ တောင်သို့သွားရောက်ခဲ့သည်။

တစ်ချိန်တည်းမှာပင်၊ ၎င်းသည် အနောက်မြောက် ဒေသမှ အင်အားကြီး အာဏာရှင်,ကို လာရောက်တိုက်ခိုက်ရန်လည်း ဆွဲဆောင်ခဲ့သည်။

အာဏာရှင်,သည် သားရဲဘုရင်များကြားတွင် သြဇာကြီးသူဖြစ်သည်။ ဝိညာဉ်စွမ်းအင်ပြန်လည်ရှင်သန်လာခြင်း အစောပိုင်းတွင်၊ သူသည် ရန် နိုင်ငံ၏သားရဲဘုရင်စာရင်းတွင် လူသိများသော သားရဲဘုရင်တစ်ကောင်ဖြစ်သည်။

ယိုချင်းယန် တည်ငြိမ်သွားပြီး တီယန်ယွမ် အသီးပင် ပေါ်လာမည်ကို တိတ်တဆိတ် စောင့်နေသည်။

ယန်ရှ တောင်၏ အတွင်းပိုင်း ဗဟိုဧရိယာမှ ထူးဆန်းတဲ့ရနံ့တစ်ခုက ထွက်ပေါ်စပြုနေပြီဖြစ်သည်။

“အသီးတွေ ပေါ်လာပြီး သုံးနာရီကြာရင် ဒီ တီယန်ယွမ် သစ်သီးက အပြည့်အဝ မှည့်လိမ့်မယ်!”

ယိုချင်းယန်,သည် အမွှေးနံ့ကို အနံ့ခံပြီး သူမ၏ မျက်လုံးများတွင် တောင့်တမှုများ ရှိနေသည်။

ယခင် မိုးကြိုးယွမ် သစ်သီးကို လူသားများက ကြားဖြတ်ဖမ်းယူခဲ့ခြင်းကြောင့် ယခု ယိုချင်းယန်,သည် တီယန်ယွမ် သစ်သီးကို အရယူရန် ဆုံးဖြတ်ခဲ့သည်။

ထိုအချိန်တွင်၊ ယန်ရှ တောင်၏အစွန်းတွင် ဒရုန်းအများအပြားသည် တောထဲသို့ စတင်ပျံသန်းလာနေပြီဖြစ်သည်။

နောက်တွင် ချမ်းသာသော မိသားစုကြီးများ၏ လေယာဉ်များနှင့် စစ်တပ်မှ စေလွှတ်ထားသော တပ်ဖွဲ့ဝင်များက အနီးကပ် ရှိနေကြသည်။

မူလ ဆိတ်ငြိမ်ပြီး အေးချမ်းသော ယန်ရှ တောင်သည် ယခုအခါ အင်ဂျင်များ၏ ဆူညံသံများဖြင့် ပြည့်နေသည်။

“ဟီးဟီး၊ လူပြက်တွေ အများကြီးပါလား၊ သူတို့က ကိုယ့်ကန့်သတ်ချက်ကို ကိုယ်နားမလည်ကြဘူးပဲ”

“လူတိုင်းက ဒီပျော်ရွှင်မှုမှာ ပါဝင်ဖို့ အရမ်းတက်ကြွနေကြတယ်”

ယန်ဘိုခွမ်,သည် လေယာဉ်ပေါ်တွင်ထိုင်ကာ သူ့မျက်လုံးထဲတွင် လှောင်ပြောင်သောအကြည့်ဖြင့် သူ့ပတ်ဝန်းကျင်ရှိလူများကို စိုက်ကြည့်ပြီး အထူးစွမ်းရည်ရှိသူများကိုပင် လုံးဝအလေးအနက်မထားပေ။

ချစ်စရာကောင်းသော စုယင်,သည် ယခုအချိန်တွင် ယန်ဘိုခွမ်,၏ ခန္ဓာကိုယ်ပေါ်တွင် ကပ်နေသည်။

တခဏမျှ၊ နွေဦး ရှုခင်းတွင် အဆုံးမရှိသော အသံများက ငြိမ့်ညောင်းစွာ ထွက်ပေါ်လာသည်။

…….……………

ဤအချိန်တွင်၊ အလွန်မြင့်မားသော တောင်ကုန်းတစ်ခု၊ ဤနေရာက တောင်၏အလယ်ဗဟိုတွင်တည်ရှိသည်။

အခြားတစ်ဖက်တွင် အမြင့်ကိုးဆယ်ဒီဂရီ ခန့်ရှိသော ချောက်ကမ်းပါးတစ်ခုရှိသည်။

ဤနေရာတွင်ရပ်လျှင် ယန်ရှ တောင်၏ ဧရိယာအများစုကို သင်မြင်နိုင်မည်ဖြစ်သည်။

ယန်ရှ တောင်၏ အလယ်ပိုင်းတွင် ရွှေ‌ရောင်အပင် တစ်ပင်ရှိတယ်။

ယခုအချိန်တွင် နေရောင်အောက်တွင် ရွှေရောင်အလင်းတန်းများ ဖြာထွက်နေပြီး မွှေးရနံ့များက ဧရိယာတစ်ဝိုက်ကို ဖုံးလွှမ်းနေသည်။

ထိုအပင်၏ဘေးတွင် မြေခွေးဖြူတစ်ကောင် ရပ်နေ၏။

သာမာန် ရိုင်းစိုင်းသော သားရဲများနှင့် မတူဘဲ၊ ဤမြေခွေးသည် လူသားဆန်သော အရိပ်အမြွက်ကို ဖော်ထုတ်ပေးသည့် ချစ်စရာကောင်းသော မျက်လုံးများ ရှိသည်။

ဤမြေခွေးသည် အခြားသန်မာသော သားရဲများထက် များစွာသေးငယ်သော်လည်း သူ့တွင်ရှိသော အရှိန်အဝါက အလွန်ပြင်းထန်သည်။

ဤမြေခွေးဘေးတွင် ကြီးမားပြီး ရက်စက်ကြမ်းကြုတ်သော သားရဲတစ်ဒါဇင်ကျော်ရှိသည်။

သို့သော်၊ ဤရက်စက်ကြမ်းကြုတ်သော သားရဲများသည် အလွန်မှုန်မှိုင်းသောအမူအရာများရှိပြီး သူတို့၏မျက်လုံးများက အသက်မဲ့နေကဲ့သို့ပင် ဗလာဖြစ်နေသည်။

ဤသားရဲများကို မြေခွေးဖြူက ဝိညာဉ်ချုပ်နှောင်ခြင်းစွမ်းရည်ကို အသုံးပြု၍ ထိန်းချုပ်ထားခြင်းဖြစ်သည်။

“နောက်ဆုံးတော့ ရင့်မှည့်လာပြီ၊ ငါ့သားရဲတွေရဲ့တပ်က မကြာခင်မှာ ပိုအားကောင်းလာလိမ့်မယ်!”

ရွှေသီးပင်ကို ကြည့်ရင်း မြေခွေးက လူ့ဘာသာစကားဖြင့် ပြောပြီး သူ့လေသံက အလွန်စိတ်လှုပ်ရှားနေသည်။

ဤနှင်းဖြူမြေခွေးသည် ယိုချင်းယန် ၏မှတ်ဉာဏ်ထဲတွင်ရှိသော အမြီးကိုးချောင်းမြေခွေး ဖြစ်သည်။

သို့သော် ယခုအချိန်တွင် သူမသည် နှောင်းပိုင်းသားရဲဘုရင်အဆင့်သို့ မရောက်ရှိသေးပေ။

“ဘုန်း!”

သို့သော်လည်း နောက်အခိုက်အတန့်တွင် ကျယ်လောင်သော ပေါက်ကွဲသံတစ်ခု ထွက်ပေါ်လာပြီး မြေပြင်သည် ချက်ချင်း အက်ကွဲသွားခဲ့သည်။

အနီရောင် သင်းခွေချပ် တစ်ကောင်သည် မြေထဲမှ ထွက်လာပြီး သူ့ခန္ဓာကိုယ်တွင် အလွန်ကြောက်စရာကောင်းသော ရောင်ဝါတစ်ခု ထွက်ပေါ်နေသည်။

သူ့၏ ခန္ဓာကိုယ်အနှံ့ရှိ အကြေးခွံများသည် ချော်ရည်များဖြင့် ပြုလုပ်ထားသကဲ့သို့ အလွန် နီရဲ‌နေသည်။

အစွမ်းထက်သော ဤသားရဲ၏ ရောင်ဝါသည် မြေခွေးဖြူထက် အားမနည်းပေ။

“ယန်ရှ တောင်မှာ ဒီလိုမျိုး ထူးခြားတဲ့ အသီး ရှိလိမ့်မယ်လို့ မထင်ထားဘူး!”

မြေပြင်မှ ထွက်လာသော သင်းခွေချပ်နီသည် ရွှေရောင် တီယန်ယွမ် အသီးများကို မြင်လိုက်ရပြီး စိတ်လှုပ်ရှားစွာ ပြောလိုက်သည်။

သူသည် လူ့ဘာသာစကားကိုလည်း ပြောနိုင်သောကြောင့် နိုးထခြင်း သတ္တမအဆင့်သို့ ရောက်ရှိနေသည်မှာ ထင်ရှားသည်။

မဖိတ်ခေါ်ထားသော ဧည့်သည်ကို မြင်လိုက်ရသောကြောင့် မြေခွေးဖြူ၏ မျက်နှာက ချက်ချင်းပင် အလွန်ရုပ်ဆိုးသွားသည်။

သစ်သီးများမမှည့်ခင်၊ သူ့တွင် ပြိုင်ဖက်ရှိလာလိမ့်မယ်ဟု သူမ မမျှော်လင့်ထားပေ၊ ထို့အပြင် ပြိုင်ဘက်၏ ရောင်ဝါ အလွန်ပြင်းထန်သည်။

“ဒီကနေ ထွက်သွား! ဒါ ငါ့နယ်မြေ၊ မင်းရဲ့ သေလမ်းကို လာရှာတာလား”

မြေခွေးဖြူက ဒေါသတကြီးအော်ပြောပြီး သူမ,စကားအဆုံးတွင် သားရဲရုပ်သေးတစ်ဒါဇင်ကျော်က သင်းခွေချပ်ထံသို့ ဖြည်းညှင်းစွာ ချဉ်းကပ်သွားသည်။

မြေခွေးဖြူ,၏ လေသံသည် အလွန်ခိုင်မာသော်လည်း၊ သူမ၏ အတွင်းပိုင်းတွင် အနည်းငယ် တုန်လှုပ်နေသည်။

‘ငါ့ရှေ့က အနီရောင် သင်းခွေချပ်ရဲ့ အရှိန်အဝါက တကယ့်ကို ပြင်းထန်လွန်းတယ်’

ယန်ရှ တောင်တွင် ဤမျှ အစွမ်းထက်သော သတ္တဝါမျိုးကို သူမ,မမြင်ဖူးပေ။

ထိုကဲ့သို့ အင်အားကြီးသော ပြိုင်ဘက်နှင့် ရင်ဆိုင်ရသောအခါတွင် မြေခွေးဖြူသည် ပြိုင်ဘက်ကို မောင်းထုတ်ရန် သူ့၏ ကိန်းဂဏန်းအားသာချက်ကို အားကိုးခဲ့သည်။

နောက်ဆုံးတွင် မြေခွေးဖြူကိုယ်တိုင်က တိုက်ခိုက်ရန် မကျွမ်းကျင်သော်လည်း သူ့တွင် သန်မာသော သားရဲရုပ်သေး တစ်ဒါဇင်ကျော်ရှိသည်။

သို့ရာတွင်၊ နိုးထခြင်းသတ္တမအဆင့်တွင်ရှိသော ဤသင်းခွေချပ်သည် မြေခွေးဖြူ၏ စကားများကို အလေးမထားခဲ့ပေ။

“ဟာဟားဟား၊ မင်းရဲ့ သားရဲနည်းနည်းက ငါကိုကြောက်စေဖို့ မလုံလောက်ဘူး”

“ဘုန်း!”

သင်းခွေချပ်နီသည် သူ့၏ အစွမ်းထက်သော အရှိန်အဝါကို ထုတ်ဖော်ကာ ဤရုပ်သေးသားရဲများကို လုံးဝလျစ်လျူရှုလိုက်သည်။

“မင်းတို့ ဘာလုပ်နေကြတာလဲ!!၊ သူ့ကိုတိုက်ကြစမ်း!!”

တစ်ဖက်က ထွက်သွားရန် ဆန္ဒမရှိသည်ကို မြင်ပြီး မြေခွေးဖြူ၏မျက်လုံးထဲတွင် အေးစက်သည့် အလင်းရောင်များ ထွက်ပေါ်လာကာ သားရဲရုပ်သေးများကို တိုက်ခိုက်ရန် အမိန့်ပေးလိုက်သည်။

နိုးထခြင်း သတ္တမအဆင့်သို့ရောက်ရှိသွားသော သင်းခွေချပ်နီသည် အမှန်တကယ် စွမ်းအားကြီးလှသည်။

သူ့၏ အနီရောင်အကြေးခွံများက သံမဏိနှင့်တူပြီး အလွန်ပြင်းထန်သော ခုခံနိုင်စွမ်းရှိသည်။ ခြေသည်းများ၏ စွမ်းအားသည်လည်း အလွန်ကြောက်စရာကောင်းသည်။

ဤမြေခွေးဖြူ၏ သားရဲရုပ်သေးများနှင့် ရင်ဆိုင်ရချိန်တွင် သူတစ်ချက်လှုပ်ရုံဖြင့် ဤသားရဲများ လွှင့်ထွက်သွားခဲ့သည်။

“ဘုန်း! ဘုန်း! ဘုန်း!”

သို့သော်လည်း နောက်အခိုက်အတန့်တွင် သင်းခွေချပ်နီ အလွန်အံဩသွားသည်။

“ငါ့ရှေ့က သားရဲတွေအားလုံး သေခြင်းတရားကို မကြောက်ကြဘူးလား”

သူပြင်းထန်စွာ တွန်းထုတ်လိုက်ပြီး ဤသားရဲများအားလုံးကလွှင့်ထွက်သွားသော်လည်း နောက်တစ်စက္ကန့်တွင် ပြန်ထလာကာ သူကို ထပ်မံတိုက်ခိုက်ပြန်သည်။

နာကျင်မှု လုံးဝမရှိသကဲ့သို့ပင်။

အမြီးကိုးချောင်းမြေခွေးမှ ထိန်းချုပ်ထားသော ဤသားရဲရုပ်သေးများသည် အလွန်ရှုပ်ထွေးသော အမိန့်များကို မဆောင်ရွက်နိုင်သော်လည်း ရှေ့တန်းတွင် တိုက်ခိုက်ရန် ပြဿနာမရှိပေ။

သို့ရာတွင်၊ သူတို့အများစုမှာ နိုးထခြင်းစတုတ္ထအဆင့် နှင့် ပဉ္စမအဆင့်တွင်သာ ရှိကြသည်။

တစ်ကိုယ်လုံး မီးတောက်လောင်နေသော မီးငှက်တစ်ကောင်သည် အတောင်ပံများကို ခတ်လိုက်ကာ ထွက်ပေါ်လာသော မီးတောက်များက သင်းခွေချပ်ဆီသို့ ပြေးဝင်သွားသည်။

ဤတောက်လောင်နေသော မီးတောက်များက သစ်ပင်များကို မီးသွေးအဖြစ်သို့ ချက်ချင်းနီးပါး ပြောင်းလဲစေနိုင်သည်။

သို့ပေမယ့် သင်းခွေချပ်ရဲ့ အနီရောင် အကြေးခွံများ၏ရှေ့တွင်တော့ လုံးဝ သက်ရောက်မှုမရှိခဲ့ပေ။

“ဂါးး!”

သင်းခွေချပ်က ဟိန်းဟောက်ပြီး မီးငှက်ကို သူ့၏ ခြေသည်းများဖြင့် တိုက်ခိုက်လိုက်သည်။

သံမဏိဓားများကဲ့သို့ ခြေသည်းများက မီးငှက်၏ ခန္ဓာကိုယ်ကို တခဏချင်း ထိုးဖောက်သွားသည်။

နိုးထခြင်းစတုတ္ထအဆင့်ရှိ မီးငှက်,သည် ဤသင်းခွေချပ်၏ တိုက်ကွက်တစ်ကွက်အောက်တွင် မရှင်သန်နိုင်ခဲ့ပေ။

သို့သော်လည်း သင်းခွေချပ်သည် သူ့၏ခြေသည်းများကို မဆွဲထုတ်ရသေးခင်တွင် ခရမ်းရောင်ဖြင့် ဖုံးအုပ်ထားသော ကျားသစ်တစ်ကောင်က သူ့အား ရူးသွပ်စွာ တိုက်ခိုက်လာသည်။

ကျားသစ်သည် သူ့၏ ချွန်ထက်သော ခြေသည်းများကို ဝှေ့ယမ်းလိုက်သည်နှင့်တစ်ပြိုင်နက် လေဓားတစ်ဒါဇင်ကျော်က သင်းခွေချပ်နီ ဆီသို့ဝင်ရောက်သွားသည်။

သင်းခွေချပ်နီ၏ အကြေးခွံများကို လေဓားသွားများက ထိမှန်သွားသော်လည်း သတ္တုချင်းထိခတ်သံသာ ကြားရပြီး မည်သည့် ထိခိုက်မှုမှ မရှိခဲ့ပေ။

ထိုသားရဲ၏ဝိညာဉ်အား အမြီးကိုးချောင်းမြေခွေးမှ ထိန်းချုပ်ထားသောကြောင့် ဖြစ်ကောင်းဖြစ်နိုင်သည်၊ နိုးထခြင်း ပဉ္စမအဆင့်တွင်ရှိသော ကျားသစ်က ပုံမှန်ထက်ပို၍ နှေးကွေးနေခဲ့သည်။

“ဘုန်း!”

သင်းခွေချပ်နီသည် မီးငှက်၏ ခန္ဓာကိုယ်ကို တုတ်ကဲ့သို့ ပစ်လွှတ်လိုက်ပြီး ကျားသစ်ကို ထိမှန်သွားကာ ချက်ချင်းပင် လွှင့်ထွက်သွားခဲ့သည်။

ကျန်ရှိသော သားရဲများသည် အမြီးကိုးချောင်းမြေခွေး၏ ထိန်းချုပ်မှုအောက်တွင် ရူးသွပ်စွာဝင်ရောက် တိုက်ခိုက်လာကြသည်။

ဤရက်စက်ကြမ်းကြုတ်သော သားရဲများကြားမှ တိုက်ပွဲက ဟိန်းဟောက်သံများကို ထွက်ပေါ်‌စေပြီး ၎င်းကို ခံစားလိုက်ရသော ယိုချင်းယန်,၏ မျက်လုံးများက ရုတ်တရက် တောက်ပလာသည်။

“ဒီလောက် ပြင်းထန်တဲ့ တိုက်ပွဲလှိုင်းကြီး၊ အနောက်မြောက်ဒေသရဲ့ အာဏာရှင် ရောက်လာပြီထင်တယ်!”

ယိုချင်းယန်,၏ မျက်လုံးထဲတွင် စိတ်လှုပ်ရှားသည့် အရိပ်အယောင်များ ထွက်ပေါ်လာပြီးနောက် သူမသည် ချောက်ကမ်းပါး၏ ဆန့်ကျင်ဘက်သို့ အလျင်အမြန် ပြေးသွားခဲ့သည်။

အကြောင်းမှာ၊ သူမသည် ပျံသန်းနိုင်သော သူ့အစ်ကိုကဲ့သို့ မဟုတ်၍ဖြစ်သည်။

ယိုချင်းယန်,သည် ပျံသန်းခြင်းစွမ်းရည်ကို မနိုးထ‌ခဲ့သောကြောင့် ချောက်ကမ်းပါးက ကိုးဆယ်ဒီဂရီနီးပါးမတ်စောက်ကာ တောင်တက်ရန် အလွန်ခက်ခဲသွားသည်...။

ထိုအချိန်တွင် တောင်ထိပ်ရှိ ကျောက်တုံးကြီးပေါ်မှ တိုက်ပွဲက ပိုမိုပြင်းထန်လာသည်။

အမြီးကိုးချောင်းမြေခွေး ထိန်းချုပ်ထားသော သားရဲရုပ်သေးအားလုံးနီးပါး၏ ခန္ဓာကိုယ်ပေါ်တွင် ဒဏ်ရာများနှင့် ဖုံးလွှမ်းနေသည်။

အချို့မှာ သင်းခွေချပ်နီက ဆုတ်ဖြဲခဲ့ပြီး အသားစများက မြေပြင်တွင် ပျံ့ကြဲနေသည်။

လောလောဆယ်တွင်၊ အဆိပ်စွမ်းရည်ရှိသော နိုးထခြင်း ဆဋ္ဌမအဆင့်ရှိ ဧရာမကြံ့တစ်ကောင်ရှိသောကြောင့် ၎င်းက ကြီးကြီးမားမားကိစ္စတော့မဟုတ်ပေ။

ကြံကြီး၏ တိုက်ခိုက်နိုင်စွမ်းသည် အခြားသားရဲများထက် အားနည်းသော်လည်း သူ့၏ ခုခံကာကွယ်မှုမှာ များစွာအားကောင်းသည်။

သို့သော်ငြားလည်း၊ ကြံကြီးသည် ယခုအချိန်တွင် သဲအိတ်တစ်အိတ်နှင့် တူညီသည်။

သူသည် သားရဲရုပ်သေးများရှေ့တွင် ရပ်တည်ခဲ့ပြီး တိုက်ခိုက်မှု အများစုကို ခုခံကာကွယ်ပေးခဲ့သည်။

ဤသည်မှာ အမြီးကိုးချောင်းမြေခွေး ထိန်းချုပ်ထားသော သားရဲရုပ်သေးများ၏ သေဆုံးခြင်းကို နှေးကွေးစေမည့် တစ်ခုတည်းသောနည်းလမ်းဖြစ်သည်။

ယခု ဤကွင်းပြင်သည် သွေးများကြောင့် အနီရောင်ပြောင်းလဲနေပြီး သားရဲအကြွင်းအကျန်များက နေရာတိုင်းတွင် ပျံ့ကြဲနေသည်။

အာဏာရှင်၏ ခြေသည်းများသည် သံမဏိဓားများကဲ့သို့ဖြစ်ပြီး သားရဲရုပ်‌သေးများ၏ အရိုးများကို တိုဟူးကဲ့သို့ ဖြတ်တောက်ထားသည်။

သို့သော်လည်း အာဏာရှင်၏ ဝမ်းဗိုက်သည် သားရဲရုပ်သေးများ ဝိုင်းရံတိုက်စဉ်တွင် ဒဏ်ရာအချို့ ရရှိခဲ့သည်။

သို့သော် အမြီးကိုးချောင်းမြေခွေးကို ကြောက်လန့်စေသည့်အရာမှာ ဤအာဏာရှင်သည် သားရဲရုပ်သေးတစ်ဒါဇင်ကျော်ကို တစ်ကိုယ်တည်း တိုက်ခိုက်ခဲ့ပြီး ပင်ပန်းမှုလုံးဝမခံစားရဘဲ အချိန်အတော်ကြာ တိုက်ခိုက်ခဲ့ခြင်းပင်ဖြစ်သည်။

သူ့လက်အောက်ငယ်သားများက ဒဏ်ရာများဖြင့် ဖုံးလွှမ်းနေပြီဖြစ်သော်လည်း အာဏာရှင်၏ အရှိန်အဝါက ပိုအားကောင်းလာပုံရသည်။

“ဘာဖြစ်တာလဲ၊ သူပိုသန်မာလာတာလား!?”