နဝမအလွှာသို့ တက်လှမ်းခြင်း....

Vol. 29 Ch. 437

မူလစိတ်ဝိညာဉ်များက သွေးသားများနှင့် ရုပ်ခန္ဓာများကို ပိုင်ဆိုင်သွားလျှင် လင်းယွမ်၏ သွေးပြန်လည်မွေးဖွားခြင်းစွမ်းရည်ကို မျှဝေနိုင်ပြီး ဘူးသီးခြောက်ထဲမှ အရည်များကို စုပ်ယူနိုင်ပြီဖြစ်သည်။

လင်းယွမ်က မည်သည့် မူလစိတ်ဝိညာဉ်ကိုမဆို ရုပ်ခန္ဓာအဖြစ် ပြောင်းလဲနိုင်ပြီး စစ်မှန်သော တိုက်ခိုက်ရေးစွမ်းအားက မူလခန္ဓာကိုယ်အောက် နိမ့်ကျမည်မဟုတ်ပေ။ ၎င်းက တိုက်ခိုက်ရေးစွမ်းအားအရဖြစ်ပြီး မူလခန္ဓာကိုယ်တွင် ရတနာများကို ပိုင်ဆိုင်ထားသောကြောင့် မူလစိတ်ဝိညာဉ်နှစ်ခုက ယှဉ်နိုင်မည်မဟုတ်ပေ။

နတ်ဆိုးကျောက်စိမ်းမျှော်စင်၏ အဓိကအဖွဲ့ဝင် မဖြစ်ခင်ကတည်းက လင်းယွမ်က ထိုပြဿနာကို စဉ်းစားခဲ့ပြီး မူလစိတ်ဝိညာဉ်များ၏ တိုက်ခိုက်ရေးစွမ်းအားကို မြှင့်တင်ရန် ကြိုးစားခဲ့သည်။ သို့သော် အခြေခံအားဖြင့် အကျိုးသက်ရောက်မှုမရှိခဲ့ပေ။

လူသားမျိုးနွယ်၏ ဆင့်ကဲပြောင်းလဲသူများက ရုပ်ခန္ဓာကို စွမ်းအင်ခန္ဓာအဖြစ် အပြန်အလှန် ပြောင်းလဲနိုင်စွမ်းရှိလေသည်။ ဥပမာ ကန်လန်ကြယ်ပြိုင်ပွဲမှ မိုးကြိုးနတ်ဘုရားကလည်း သူ၏ ခန္ဓာကိုယ်ကို မိုးကြိုးအဖြစ် ယာယီပြောင်းလဲနိုင်စွမ်း ရှိလေသည်။

လူသားမျိုးနွယ်၏ ဆင့်ကဲပြောင်းလဲသူများက သွေးသားခန္ဓာကိုယ်ကို ပိုင်ဆိုင်ကြသောကြောင့် ရုပ်ခန္ဓာကို စွမ်းအင်အဖြစ် ပြောင်းလဲနိုင်ခြင်းကိုသာ လေ့လာခဲ့ကြသည်။ သို့သော် ထိုပြောင်းလဲနိုင်စွမ်းကလည်း ကြာရှည်မခံသည့်အပြင် စွမ်းအားက ပိုမိုအားကောင်းသည်နှင့် ပြောင်းလဲရန် ပိုမိုခက်ခဲလေသည်။

လင်းယွမ်လိုချင်သော စွမ်းအင်ကို ရုပ်ခန္ဓာအဖြစ် ပြောင်းလဲခြင်းက ပို၍ပင် ခက်ခဲလေသည်။ သို့သော် ယခု နတ်ဆိုးကျောက်စိမ်းမျှော်စင်သခင် ချန်ခဲ့သော ပုံရိပ်ယောင်အစစ်အမှန် လျို့ဝှက်နည်းစနစ်က လင်းယွမ်လိုချင်သောအရာနှင့် ပြည့်စုံစွာ ကိုက်ညီနေလေသည်။

ထိုလျို့ဝှက်နည်းစနစ်က ရုပ်ခန္ဓာကို ပုံရိပ်ယောင်နှင့် အစစ်အမှန်ကြားတွင် ဆန္ဒရှိသလိုပြောင်းလဲနိုင်ပြီး ကန့်သတ်ချက်များ မရှိသည့်အပြင် စွမ်းအားဆုံးရှုံးမှုလည်း မရှိပေ။

" ဒါက ပုံရိပ်ယောင်အစစ်အမှန်ပဲ။ " ကျောက်ရုပ်တု ရှန်းကျိက လင်းယွမ်၏ ရွေးချယ်မှုကို အတည်ပြုပြီး ထပ်မံတိုက်တွန်းခြင်းမရှိတော့ပေ။

သူ၏ အမြင်တွင် လင်းယွမ်က မှားယွင်းစွာ ရွေးချယ်ခဲ့လျှင်တောင် ကြီးမားသော ပြဿနာမရှိပေ။ သူ၏ အရည်အချင်းနှင့် နားလည်နိုင်စွမ်းအရ မျှော်စင်သခင်၏ လျို့ဝှက်နည်းစနစ်မရှိလျှင်တောင် ဘာမှမဖြစ်ပေ။

ကျောက်ရုပ်တုရှန်းကျိက သူ၏ လက်ကို မြှောက်ပြီး လင်းယွမ်၏ နဖူးကို ထိကပ်လိုက်သည်။

လင်းယွမ်၏ စိတ်အသိက ရွေ့လျားသွားပြီး အဆုံးမဲ့နေရာတစ်ခုကို ရောက်သွားသကဲ့သို့ ခံစားလိုက်ရသည်။ ထိုနေရာတွင် ပုံရိပ်တစ်ခု ရပ်နေသည်။ သူက အနက်ရောင်ဝတ်စုံကို ဝတ်ဆင်ထားပြီး သူ၏ အကြည့်က မဟာတာအိုကို ထိတွေ့နေသကဲ့သို့ ဖြစ်နေသည်။

လင်းယွမ်၏ အကြည့်အောက်တွင် သူ၏ ခန္ဓာကိုယ်က အစစ်အမှန်မှ ပုံရိပ်ယောင်သို့ ပြောင်းလဲသွားသည်။ အစစ်အမှန်မှ ပုံရိပ်ယောင်၊ ပုံရိပ်ယောင်မှ အစစ်အမှန်။

အချက်အလက်များစွာက လင်းယွမ်၏ စိတ်ထဲသို့ ဝင်ရောက်လာသည်။

[ သင်က ကောင်းကင်ကိုဆန့်ကျင်သော နားလည်နိုင်စွမ်းဖြင့် လျို့ဝှက်ဆန်းကြယ်သော အချက််အလက်များကို ရရှိပြီး အစစ်အမှန် ပုံရိပ်ယောင် ပြောင်းလဲမှုကို နားလည်လာပါပြီ။ ]

" အံ့ဩစရာပဲ။ နတ်ဆိုးကျောက်စိမ်းမျှော်စင်သခင်က တကယ် မယုံနိုင်စရာကောင်းတာပဲ။ "

နဂါးငွေ့တန်းပင်မကြယ်တွင် လင်းယွမ်က မျက်လုံးများဖွင့်ပြီး ပြုံးလိုက်သည်။ ပုံရိပ်ယောင်အစစ်အမှန် နည်းစနစ်က လေဟာနယ်အနက်ဖွင့်ဆိုချက်ကဲ့သို့ မှတ်တမ်းတင်ထားခြင်းမဟုတ်ပေ။ ၎င်းက နတ်ဆိုးကျောက်စိမ်းမျှော်စင်သခင် ကိုယ်တိုင် လမ်းညွှန်ပေးသကဲ့သို့ စိတ်ထဲကို တိုက်ရိုက် ထည့်သွင်းပေးလိုက်ခြင်းဖြစ်သည်။

" နတ်ဆိုးကျောက်စိမ်းမျှော်စင်ရဲ့ အဓိကအဖွဲ့ဝင်ဖြစ်ရင် လျို့ဝှက်နည်းစနစ်တစ်ခုပဲ ရတာ အံ့ဩစရာမရှိဘူး။ ဒီလိုအမွေဆက်ခံတဲ့ နည်းလမ်းက တန်ဖိုးအရမ်းမြင့်တယ်။ " လင်းယွမ်က တွေးလိုက်သည်။

ထိုနည်းလမ်းက စိတ်ဝိညာဉ်၏ တစ်စိတ်တစ်ပိုင်းကို ခွဲထုတ်ပြီး လျို့ဝှက်နည်းစနစ်ကို မှတ်တမ်းတင်ထားရန် လိုအပ်လေသည်။ ထို့အပြင် ထိုလျို့ဝှက်နည်းစနစ်ကို သင်ကြားပေးနိုင်သော အကြိမ်အရေအတွက်ကလည်း အကန့်အသတ်ရှိပြီး ပုံရိပ်ယောင်အစစ်အမှန် နည်းစနစ်က သူ့ကို သင်ကြားပေးပြီးနောက် ပျောက်ကွယ်သွားနိုင်သည်ဟုပင် လင်းယွမ်က ခံစားခဲ့ရသည်။ အမွေဆက်ခံသော နည်းစနစ်က ခုနှစ်ခုမှ ခြောက်ခုသို့ လျော့ကျသွားပေလိမ့်မည်။

" ငါ အခု ပုံရိပ်ယောင်အစစ်အမှန် လျို့ဝှက်နည်းစနစ်ကို အနည်းနဲ့အများတော့ နားလည်နိုင်ပြီ။ " လင်းယွမ်က တွေးလိုက်သည်။

" အခုတော့ မူလစိတ်ဝိညာဉ်ကို မပြောင်းလဲသေးဘဲ ပေါင်းစပ်နိယာမကို အရင်အဆုံးသတ်ရမယ်။ " လင်းယွမ်က သူ၏ အတွေးများကို စုစည်းပြီး ပေါင်းစပ်နိယာမများကို အာရုံစိုက်လိုက်သည်။

မူလစိတ်ဝိညာဉ်ကို အစစ်အမှန်အဖြစ် ပြောင်းလဲရန် နည်းစနစ်ရှိလျှင်တောင် ရက်အတော်ကြာ အချိန်ယူရပေလိမ့်မည်။ ထို့အပြင် မူလစိတ်ဝိညာဉ်ကို ရုပ်ခန္ဓာအဖြစ် ပြောင်းလဲခြင်းက နဝမအလွှာကို တက်ရောက်ရန်အတွက် သက်ရောက်မှုရှိမရှိ လင်းယွမ် မသေချာပေ။

ထို့ကြောင့် သတိထားသောအနေဖြင့် နဝမအလွှာကို အရင်တက်လှမ်းခြင်းက အကောင်းဆုံးဖြစ်သည်။

" ပေါင်းစပ်နိယာမ..." လင်းယွမ်က လေးနက်စွာ စဉ်းစားနေသည်။

သူက နိယာမများပေါင်းစည်းခြင်းကို ၉၉ထိ ပြီးမြောက်သွားပြီး နောက်ဆုံးခြေတစ်လှမ်းသာ လိုတော့လေသည်။ လေဟာနယ်နိယာမက ကျယ်ပြန့်ပြီး အဆုံးမရှိပေ။

လင်းယွမ်က စစ်မှန်သော လေဟာနယ်၏ တစ်စိတ်တစ်ပိုင်းကို နားလည်ထားသော်လည်း ထိုက်ကျိနိယာမ၊ မူလအဆင့် စကြာဝဠာစွမ်းအားအပါအဝင် အခြားစကြာဝဠာစွမ်းအားများနှင့် ပေါင်းစည်းရန် လုံလောက်လေသည်။

လင်းယွမ်က နိယာမများ ပေါင်းစည်းခြင်းကို ဆက်တိုက်ကြိုးစားနေသည်။ နိယာမများ ပေါင်းစည်းခြင်းက တစ်ကြိမ်တည်းနှင့် အောင်မြင်နိုင်သော အရာမဟုတ်ဘဲ ကျရှုံးမှုများမှတစ်ဆင့် မှန်ကန်သောနည်းလမ်းကို ရှာတွေ့နိုင်မည်ဖြစ်သည်။

ကောင်းကင်ကိုဆန့်ကျင်သော နားလည်နိုင်စွမ်းဖြင့် လင်းယွမ်က ပေါင်းစည်းမှုကို လျင်မြန်စွာ အောင်မြင်သွားခဲ့သည်။

လေဟာနယ်နိယာမ၊ ထိုက်ကျိနိယာမနှင့် စကြာဝဠာစွမ်းအားများစွာ၏ ပေါင်းစာ်းထားသော စွမ်းအားက လင်းယွမ်၏ ရှေ့တွင် ပေါ်လာသည်။ ထိုစွမ်းအားက အလွန်ကြောက်စရာကောင်းပြီး စိတ်ဝိညာဉ်ကို တုန်လှုပ်စေနိုင်သော အော်ရာကို ထုတ်လွှတ်နေသည်။

" ပေါင်းစည်းမှုပြီးမြောက်သွားပြီ။ " လင်းယွမ်က ပျော်ရွှင်သွားပြီး သူ့ကိုသူ စစ်ဆေးကြည့်လိုက်သည်။

နိယာမများကို ပေါင်းစည်းခြင်းက နဝမအလွှာသို့ ရောက်ရန်အတွက် လိုအပ်ချက်တစ်ခုဖြစ်သည်။ ပေါင်းစပ်နိယာမ၏ စွမ်းအားက သွေးသား၊ စိတ်ဝိညာဉ်၊ စိတ်စွမ်းအားနှင့် အတွင်းကမ္ဘာတို့ကို ပြောင်းလဲပေးနိုင်သည်။

အဋ္ဌမအလွှာမှ နဝမအလွှာသို့ တက်လှမ်းခြင်းက ဖြည်းညင်းစွာ ဖြစ်ပေါ်လာသော ဖြစ်စဉ်တစ်ခုဖြစ်ပြီး လိုအပ်ချက်များနှင့် ကိုက်ညီနေသရွေ့ လွယ်ကူလွန်းလှသည်။

" အခု ငါ့အခြေအနေက.. " လင်းယွမ်က သူ့ကိုသူ ဂရုတစိုက် ခံစားကြည့်လိုက်သည်။ နိယာမများကို ပေါင်းစည်းခြင်းမှရလာသော စွမ်းအားက သူ၏ ခန္ဓာကိုယ်အနှံ့ ပျံ့နှံ့သွားသည်။

" အကြီးမားဆုံး ပြောင်းလဲမှုက အတွင်းကမ္ဘာပဲ။ " လင်းယွမ်၏ စိတ်အသိက အတွင်းကမ္ဘာထဲသို့ ဆင်းသက်သွားသည်။

ပင်လယ်ကဲ့သို့ ကြီးမားသော ကမ္ဘာစွမ်းအားများက ပြင်းထန်စွာ ထွက်ပေါ်နေသည်။ ယခင်နှင့်ယှဉ်လျှင် သူ၏ အတွင်းကမ္ဘာအရွယ်အစားက ပြောင်းလဲသွားခြင်းမရှိပေ။ သို့သော် သူ၏ အတွင်းကမ္ဘာက အသွင်ပြောင်းလဲမှုတစ်ခုဖြစ်ပေါ်နေသည်ကို လင်းယွမ်က ခံစားမိလေသည်။

" လေဟာနယ်အလွှာတွေက တစ်ခုပြီးတစ်ခု မွေးဖွားလာတယ်။ " လင်းယွမ်က ရေရွတ်လိုက်သည်။

ကြယ်စကြာဝဠာတွင် အဆုံးမဲ့လုနီးပါး လေဟာနယ်အလွှာများရှိပြီး ၎င်းတို့ထဲတွင် ကမ္ဘာငယ်ကဲ့သို့ လျို့ဝှက်နယ်မြေများ ရှိနေကြသည်။ လေဟာနယ်အလွှာများလေ ကမ္ဘာ၏ အနှစ်သာရက ပိုနက်ရှိုင်းလေဖြစ်ပြီး ရှုပ်ထွေးသော ဝင်္ကပာတစ်ခုနှင့် တူလေသည်။

" ငါ နဝမအလွှာကို တက်လှမ်းနေပြီဆိုတာ ခံစားရတယ်။ "

သူ၏ အတွင်းကမ္ဘာက လေဟာနယ်အလွှာများကို တစ်ခုပြီးတစ်ခု တည်ဆောက်လိုက်သောအခါ လင်းယွမ်၏ နားလည်နိုင်စွမ်းကလည်း စတင်မြင့်တက်လာသည်။

" ပြောရရင် နိယာမတွေကို ပေါင်းစည်းတာ အောင်မြင်သွားတဲ့ အဋ္ဌမအလွှာတစ်ယောက်က ထွက်ပေါ်လာတဲ့ စွမ်းအားအပေါ် မူတည်ပြီး နဝမအလွှာကို တက်ဖို့ အချိန်ယူရတယ်။ စွမ်းအားအသစ်က ပိုအားကောင်းတာနဲ့ နဝမအလွှာကို တက်လှမ်းဖို့က ပိုမြန်လိမ့်မယ်။ "

" ငါ အခုလေးတင် နိယာမတွေကို ပေါင်းစည်းပြီး နဝမအလွှာကို တက်လှမ်းနေပြီ။ ဒါ ငါ့ရဲ့ နိယာမတွေကို ပေါင်းစည်းခြင်းက ရလာတဲ့ စွမ်းအားက အရမ်းအားကောင်းလို့လား။ " လင်းယွမ်က တွေးလိုက်သည်။ သူ၏ တိုးတက်မှုကို ဖိနှိပ်ခြင်းများ မပြုလုပ်ဘဲ သဘာဝအတိုင်း ပြောင်းလဲစေခဲ့သည်။

" ပင်မကြယ်ပေါ်မှာ အဆင့်တက်လို့မဖြစ်ဘူး။ " လင်းယွမ်၏ ခန္ဓာကိုယ်က နဂါးငွေ့တန်းပင်မကြယ်မှ ပျောက်ကွယ်သွားသည်။

နဝမအလွှာသို့ တက်လှမ်းနေချိန်တွင် သူ၏ အတွင်းကမ္ဘာက လေဟာနယ်အလွှာများကို တစ်ခုပြီးတစ်ခု ဖွင့်လိုက်သည်နှင့် မဟာစကြာဝဠာကို ဆွဲငင်ပေလိမ့်မည်။

လင်းယွမ်က နဂါးငွေ့တန်းပင်မကြယ်ပေါ်တွင် ဆက်ရှိနေလျှင် ပင်မကြယ်အပေါ် သက်ရောက်မှုရှိနိုင်လေသည်။ ဂြိုလ်၏ အဆင့်နှစ် ကာကွယ်ရေးစနစ်ကလည်း နဝမအလွှာတစ်ယောက်၏ စွမ်းအားကို ခုခံနိုင်မည်မဟုတ်ပေ။ အထူးသဖြင့် လင်းယွမ်က သာမန်အဋ္ဌမအလွှာမှ အဆင့်တက်ချင်းမျိုး မဟုတ်ပေ။

အတွင်းကမ္ဘာ၏ နက်ရှိုင်းမှုအရ နဝမအလွှာသို့ တက်လှမ်းချိန်တွင် ထွက်ပေါ်လာသော စွမ်းအားက သာမန်ဆင့်ကဲပြောင်းလဲသူများထက် သာလွန်ပေလိမ့်မည်။

နဂါးငွေ့တန်းကြယ်နယ်မြေ၏ လူသူမရှိသော နေရာတစ်ခုတွင် လင်းယွမ်က ပေါ်လာသည်။ ယခုအချိန်တွင် သူ၏ အော်ရာကို အပြည့်အဝ ထုတ်လွှတ်ပြီး သူ၏ တည်ရှိမှုကို ပျံ့နှံ့သွားစေလိုက်သည်။ နာရီအချို့ ကြာပြီးနောက် လင်းယွမ်၏ မြင့်တက်နေအော်ရာက တဖြည်းဖြည်း တည်ငြိမ်သွားသည်။

" ငါ နဝမအလွှာကို ရောက်သွားပြီလား။ " လင်းယွမ်က ကောင်းကင်တွင် ရပ်နေပြီး သူ၏ ခွန်အားကို အံ့ဩနေသည်။

နဝမအလွှာသို့ တက်လှမ်းခြင်း....

Vol. 29 Ch. 437

အချက်အလက်များစွာက လင်းယွမ်၏ စိတ်ထဲသို့ ဝင်ရောက်လာသည်။

" ပေါင်းစပ်နိယာမ..." လင်းယွမ်က လေးနက်စွာ စဉ်းစားနေသည်။

" ငါ နဝမအလွှာကို တက်လှမ်းနေပြီဆိုတာ ခံစားရတယ်။ "