မြောက်ပင်လယ်ဘုရင် ထွက်ပေါ်လာခြင်း

လေထုထဲတွင် ကျယ်လောင်သော ဆူညံသံတစ်ခု ထွက်ပေါ်လာသည်။

ပင်လယ်သားရဲအပေါင်းတို့က စူးစူးစိုက်စိုက်ကြည့်ရုံမှတစ်ပါး အခြားရွေးချယ်စရာမရှိပေ။

တောက်လောင်နေသော မီးတောက်များနှင့်အတူ လှုပ်ရှားနေသော နဂါးကြီးတစ်ကောင်သည် ကုန်းတွင်းပိုင်းမှ ဥက္ကာပျံကဲ့သို့ ကမ်းရိုးတန်းကောင်းကင်ဆီသို့ ပျံသန်းနေပြီး လေထဲတွင် ရှည်လျားသော မီးခိုးတန်းကြီးတစ်ခု ထွက်ခွာသွားသည်ကို မြင်လိုက်ရသည်။

မြောက်ပင်လယ်။

ကမ်းရိုးတန်းနှင့် မိုင်ဒါဇင်လောက်ဝေးသောနေရာတွင် မီးခိုးတိမ်တိုက်ကြီး ရုတ်တရက် ပေါ်လာတယ်။

“ဘုန်း!”

ဤအခိုက်အတန့်တွင် ကောင်းကင်ကြီးပြိုကျပြီး ကမ္ဘာပျက်သွားသကဲ့သို့ပင်။

ပင်လယ်သားရဲအပေါင်းတို့သည် ၎င်းတို့၏မျက်စိရှေ့တွင် အဖြူရောင်အလင်းတချက်ကို တွေ့လိုက်ရပြီး နောက်တစ်စက္ကန့်တွင် ကြောက်မက်ဖွယ်ကောင်းသော လှိုင်းလုံးကြီးတစ်ခုက သူတို့ကို ရိုက်ခတ်လာကာ အဆုံးမရှိသော လှိုင်းလုံးများက မြင့်တက်ကြသည်။

အလယ်ဗဟိုအဖြစ် ဤ S အဆင့်လက်နက်၏ ဆင်းသက်သည့်အမှတ်ဖြင့်၊ ကီလိုမီတာ ဒါဇင်ပေါင်းများစွာသော အချင်းဝက်အတွင်း မြက်ပင်မပေါက်ရောက်နိုင်တော့ပေ။

တောက်လောင်နေသော မီးတောက်များက ပင်လယ်ရေမျက်နှာပြင်ပေါ်တွင် တိုက်ရိုက်လောင်ကျွမ်းသွားခဲ့သည် ။

ကြောက်မက်ဖွယ်ကောင်းသော လှိုင်းလုံးကြီးသည် အရပ်ရပ်သို့ ပျံ့နှံ့သွားပြီး ပတ်ဝန်းကျင်ရှိ လှိုင်းလုံးများ၏ အပူချိန်သည် သာမန်မျက်စိဖြင့်မြင်နိုင်လောက်အောင်ပင် သိသိသာသာ မြင့်တက်လာသည်။

ဤဒေသအတွင်း ပင်လယ်သားရဲများအားလုံး တခဏချင်း မရေမတွက်နိုင်သော အသေအပျောက်များကို ဖြစ်ပေါ်စေခဲ့သည်။

ပူပြင်းသော အပူရှိန်နှင့်အတူ ပြင်းထန်သော လှိုင်းလုံးကြီးဖြင့် ဤကြောက်မက်ဖွယ်တိုက်ခိုက်မှုကို ခုခံရန် ဆင့်ကဲပြောင်းလဲလာသော ပင်လယ်သားရဲများအတွက်ပင် ခက်ခဲစေသည်။

တစ်ချိန်က ဟိန်းဟောက်သံမျိုးစုံဖြင့် ပြည့်နှက်နေသော ဤပင်လယ်ကြီးသည် ယခုအခါ တိတ်ဆိတ်သွားခဲ့ပြီဖြစ်သည်။

ဤကြောက်မက်ဖွယ်ကောင်းသော မြင်ကွင်းကြောင့် ပင်လယ်သားရဲများအားလုံး အံ့ဩသွားကြသည်။

ဧရာမပုဇွန်၊ ကျားငါးမန်း၊ ဧရာမလိပ်ကြီးနှင့် နဂိုက အလွန်မာနကြီးသော ပင်လယ်သားရဲများသည် ယခုအခါ အံ့အားသင့်သွားကြသည်။

သူတို့၏မျက်လုံးများ အသီးသီးတွင် ထိတ်လန့်မှုများနှင့် ပြည့်နှက်နေသည်။

သူတို့သည် ပင်လယ်သမုဒ္ဒရာထဲတွင် အမြဲနေထိုင်ခဲ့ကြပြီး ကုန်းမြေပေါ်ရှိလူသားများတွင် ဤမျှကြောက်စရာကောင်းသော လက်နက်များ အမှန်တကယ်ရှိနေမည်ဟု စိတ်ကူးမယဉ်ခဲ့ဖူးပေ။

အကယ်၍ ပင်လယ်သမုဒ္ဒရာက ကြီးမားကျယ်ပြန့်ခြင်းမရှိပါက၊ ပင်လယ်သားရဲများက ကျယ်ပြန့်သောဧရိယာကို မဖြန့်ကျက်ပါက၊ သူတို့သည် ပေါက်ကွဲသည့်အကွာအဝေးအတွင်းတွင် ရှိနေပါက၊ သူတို့သည်လည်း သုတ်သင်ရှင်းလင်းခံရပေလိမ့်မည်။

ခဏတာ ကြောင်အသွားပြီးနောက်၊ ပင်လယ်သားရဲအများအပြားက အခြားနေရာများသို့ ထွက်ပြေးသွားကြသည်။

ဤကြောက်မက်ဖွယ်ကောင်းသော လက်နက်နှင့် ရင်ဆိုင်ရသောအခါ ပင်လယ်သားရဲများအားလုံး ဆက်လက်တိုက်ခိုက်ရန် စိတ်ပါဝင်စားမှု မရှိတော့ဘဲ လွတ်မြောက်ရန်သာ ဆန္ဒရှိတော့သည်။

ဤပင်လယ်သားရဲများက သမုဒ္ဒရာထဲတွင်သာ နေထိုင်ကြပြီး ကုန်းမြေအကြောင်း မသိကြပေ။

သူတို့သည် ယခင်ကတည်းက ဤနေရာကို အတင်းအကြပ် စေလွှတ်ခံရပြီး ကုန်းမြေကို ဆန္ဒအလျောက် လုံးဝမတိုက်ခိုက်ခဲ့ပေ။

ခက်ခဲကြမ်းတမ်းသောတိုက်ပွဲကို ဖြတ်သန်းပြီးနောက် ယခုအခါတွင် ဤကဲ့သို့ ကြောက်မက်ဖွယ်ကောင်းသော လက်နက်များဖြင့် ပစ်ခတ်ခြင်းကို ခံခဲ့ရသည်။

ဤပင်လယ်သားရဲများ၏ စိတ်ဓာတ်များ ပျက်ပြားသွားကာ အရပ်ရပ်သို့ ထွက်ပြေးသွားကြသည်။

ရှေ့တန်းတွင် ကာကွယ်နေသော စစ်သားများနှင့် အထူးစွမ်းရည်ရှိသူများသည် ပင်လယ်သားရဲများ ဒီရေကဲ့သို့ ဆုတ်ခွာသွားသည်ကို မြင်ရသောအခါ အလွန်ရွှင်မြူးသွားကြသည်။

ပင်လယ်ရေများ ကာကွယ်ရေးစည်းထဲသို့ စီးဝင်လာပြီးနောက် စစ်သားအများအပြားက ပင်လယ်သားရဲများ၏ သတ်ဖြတ်ခြင်းကိုခံခဲ့ရသည်။

မူလက ဤတိုက်ပွဲ လုံးဝကျရှုံးသွားပြီဟုသူတို့ထင်ခဲ့ကြသော်လည်း မမျှော်လင့်ဘဲ စိတ်ပျက်အားငယ်နေသည့် အခြေအနေက ပြောင်းပြန်ဖြစ်သွားသည်။

အဝေးမှ မီးခိုးတိမ်တိုက်၌ ထုတ်လွှတ်သော အားကောင်းသည့် လှိုင်းများက ယခုပင် သူတို့အားလုံးကို ထိတ်လန့်စေခဲ့သည်။

သို့သော် ပင်လယ်သားရဲများနှင့်မတူဘဲ၊ လူသားအားလုံးသည် ကောင်းကင်ယံတွင် ဥက္ကာပျံပျံကဲ့သို့အရာတစ်ခုကို တွေ့လိုက်ရသောအခါ ကြီးစွာသော ပျော်ရွှင်မှုကို ခံစားခဲ့ရသည်။

ဤအရာက သူတို့၏လက်နက်ဖြစ်သည်ကို သူတို့သိသောကြောင့်ပင်၊ နောက်ဆုံးတွင် ရန်နိုင်ငံသည် ပင်လယ်သားရဲများကို သုတ်သင်ရန်အတွက် ဤလက်နက်ကိုအသုံးပြုရန် ဆုံးဖြတ်လိုက်ကြောင်းကို ပြသနေသည်။

“ကောင်းတယ်! အရမ်းကောင်းတယ်၊ ဒီအကောင်တွေကို သတ်ပစ်လိုက်!”

“ညစ်ပတ်တဲ့ ပင်လယ်သားရဲအုပ်စုက ငါတို့လူသားတွေကို ယဇ်ပူဇော်စေချင်နေတယ်၊ အဲဒါက ဒီအကောင်တွေနဲ့ ထိုက်တန်တယ်!”

ရန်နိုင်ငံမှ စစ်ပွဲသတင်းများကိုကြည့်နေကြသော လူများစွာက ယခုအချိန်တွင် အလွန်ပျော်ရွင်သွားကြသည်။

ပင်လယ်မှတက်လာသော မှိုတိမ်တိုက်သည် လူသားတို့အတွက် အောင်ပွဲမျှော်လင့်ချက်ဖြစ်သည်။

ဟုတ်ပါတယ်၊ အချို့လူများက ၎င်းကို စိုးရိမ်နေကြဆဲဖြစ်သည်။

S-အဆင့်မြင့်လက်နက် ပေါက်ကွဲပြီးနောက်၊ ၎င်းသည် အလွန်ကြောက်စရာကောင်းသော ဓာတ်ရောင်ခြည်စွမ်းအင်ကို ထုတ်ပေးမည်ဖြစ်ပြီး၊ ၎င်းက ဂေဟစနစ်အပေါ်တွင် ကြီးမားသော သက်ရောက်မှုရှိမည်ဖြစ်သည်။

ထို့ကြောင့်၊ လုံးဝလိုအပ်သည့်အချိန်အထိမဟုတ်ပါက၊ S-အဆင့်မြင့် လက်နက်များကို အသုံးပြုရန် အဖွဲ့အစည်းများအားလုံးက အစပြုခဲ့ခြင်းမရှိပေ။

သို့သော်လည်း ရန်နိုင်ငံ ထိပ်တန်းခေါင်းဆောင်များ၏ လုပ်ဆောင်မှုကို သဘောတူသောလူ အများအပြား ရှိနေသေးသည်။

“ဘာကြောက်စရာရှိလို့လဲ၊ ဗုံးကြဲတဲ့နေရာက ကမ်းရိုးတန်းနဲ့ အကွာအဝေးတစ်ခုပဲ”

“ထိပ်တန်းခေါင်းဆောင်တွေက ကမ်းရိုးတန်းကာကွယ်ရေးလမ်းကြောင်းအကြောင်း စဉ်းစားနေတာကြောင့် ပင်လယ်သားရဲတွေရဲ့ အလယ်မှာ တိုက်ရိုက်ဗုံးမကြဲဘဲ နောက်ကနေ ဖောက်ခွဲပစ်လိုက်တာ”

“ဒါက ငါတို့ရဲ့ အထူးစွမ်းရည်ရှိသူတွေနဲ့ စစ်သည်တွေရဲ့ လုံခြုံရေးကို ကာကွယ်ပေးရုံသာမက ပင်လယ်သားရဲတွေကိုပါ ကြောက်လန့်စေတယ်၊ ထုတ်လွှတ်လိုက်တဲ့ ရောင်ခြည်စွမ်းအင်က သူတို့တွေကို ထိခိုက်စေမှာ မဟုတ်ဘူး”

“ဟုတ်တယ်၊ ဟုတ်တယ်၊ ငါတို့နိုင်ငံက သိပ္ပံသုတေသနမှာ ကြီးကြီးမားမား အောင်မြင်မှုတွေ ရခဲ့တယ်လို့ ငါကြားတယ်”

“သဘာဝလွန်ဆေးရည်ကိုတောင် တီထွင်ထားပုံရတယ်၊ သဘာဝလွန်စွမ်းအားတွေ ရရှိနိုင်တဲ့ ထုတ်ကုန်တွေကို တဖြည်းဖြည်းနဲ့ ဈေးကွက်ထဲတင်သွင်းဖို့ သိပ်မကြာခင်မှာ ဖြစ်လာနိုင်တယ်”

“အဲဒီအချိန်ကျရင် ငါတို့မဟာရန်နိုင်ငံမှာရှိတဲ့လူတိုင်းက နဂါးတစ်ကောင်လိုဖြစ်လာပြီး လူတိုင်းမှာ စွမ်းရည်‌တွေရှိလာလိမ့်မယ်၊ ဒီရက်စက်ကြမ်းကြုတ်တဲ့သားရဲတွေက အခုလိုမျိုး မာနကြီးနိုင်မလားဆိုတာ ကြည့်ကြရအောင်”

S-အဆင့်မြင့်ဒုံးကျည်သည် ပင်လယ်ထဲတွင် ပေါက်ကွဲပြီး ထောင်နှင့်ချီသော ပင်လယ်သားရဲများကို ကြောက်လန့်သွားသောအခါ ရန်နိုင်ငံတစ်ဝှမ်းလုံးရှိလူများက ရင်ခုန်စိတ်လှုပ်ရှား သွားကြသည်။

“မြန်မြန်၊ အားလုံးကို မြင့်မားတဲ့အရပ်ဆီ ပြန်ခေါ်သွား”

စစ်မြေပြင်တွင် မိုးကြိုးနတ်ဘုရား ဂျီကျဲန်ရှန်း,က တိုက်ပွဲကို အမိန့်ပေးနေဆဲဖြစ်သည်။

ပင်လယ်သားရဲအများအပြားသည် S-အဆင့်မြင့်၏ ဗုံးကြဲမှုအောက်တွင် ဆုတ်ခွာသွားကြသည်။

သို့သော်လည်း ဆူနာမီလှိုင်းလုံးများကြောင့် ယခင်က တပ်စွဲထားသည့် ကမ်းရိုးတန်းကာကွယ်ရေးမြို့ရိုးသည် ယခုအခါ နစ်မြုပ်သွားခဲ့ပြီဖြစ်သည်။

ယခုအခါ ပင်လယ်ရေသည် ကုန်းတွင်းပိုင်းသို့ ဆယ်မိုင်ကျော်အထိ မြင့်တက်လာကာ ရှေ့တန်းစစ်သားများအား လုံးဝဆုတ်ခွာစေခဲ့သည်။

ထို့အပြင် ဤလှိုင်းလုံးကြီးများဖြင့် ပင်လယ်ရေများက ကုန်းတွင်းပိုင်းထဲကို အဆက်မပြတ် စီးဝင်နေသေးသည်။

ကုန်းပေါ်ရှိ အချို့နေရာများတွင် ရေက မီတာဆယ်ဂဏန်းအထိ နက်နေပြီဖြစ်သည်။

ကမ်းရိုးတန်းတစ်လျှောက်ရှိ အထပ်မြင့်အဆောက်အအုံအချို့သည် ယခုအခါ ပင်လယ်ရေထဲတွင် နစ်မြုပ်သွားခဲ့ပြီဖြစ်သည်။

ပင်လယ်ရေရဲ့ ရိုက်ခတ်မှုကြောင့် အဆောက်အဦများစွာ ပြိုကျခဲ့သည်။

လူသားမျိုးနွယ်သည် နောက်ဆုံးတွင် ပင်လယ်သားရဲများကို မောင်းထုတ်နိုင်ခဲ့သော်လည်း၊ ကမ်းရိုးတန်းဒေသတွင်လည်း အလွန်ပြင်းထန်စွာ ထိခိုက်ခဲ့သည်။

လူသားများသည် ရက်စက်ကြမ်းကြုတ်သော ပင်လယ်သားရဲများနှင့် တိုက်ခိုက်နေရသကဲ့သို့၊ ကမ်းရိုးတန်းအထက် ကောင်းကင်ယံ၌ လုချန်း,က ကျယ်ပြန့်သောရေပြင်ပေါ်တွင် ပျံသန်းနေသည်။

ဤမျှ ကြေကွဲဖွယ်ကောင်းသော စစ်မြေပြင်ကို မြင်လိုက်ရသောအခါ လုချန်း:က တခဏမျှ တုန်လှုပ်သွားသည်။

ဤမျှပြင်းထန်သောစစ်ပွဲကို သူပထမဆုံးအကြိမ် ကြုံဖူးခြင်းဖြစ်သည်။

“ဂါးးး!” ရုတ်တရက် သမုဒ္ဒရာ၏ နက်ရှိုင်းသောနေရာမှ ဒေါသတကြီး ဟိန်းဟောက်သံတစ်ခု ထွက်ပေါ်လာသည်။

နောက်တစ်စက္ကန့်တွင် အဆုံးမရှိသောပင်လယ်ပြင်အထက်တွင် တိမ်မည်းများ ဖုံးလွှမ်းသွားသည်။ ကောင်းကင်တွင် မိုးခြိမ်းသံများ ကျယ်လောင်စွာထွက်ပေါ်လာသည်။

“နိုးထခြင်း အထွတ်အထိပ်အဆင့်လား?”

လုချန်း,သည် အဝေးမှ ထွက်ပေါ်လာသော သူ၏ အရှိန်အဝါကို ကောင်းစွာ ခံစားလိုက်ရသည်။

ထိုအခိုက်အတန့်တွင် တိမ်တိုက်ထဲ၌ အပြာရောင် ငါးရှဉ့်ရှည်ကြီးတစ်ကောင် ပျံဝဲနေသည်ကို တွေ့လိုက်ရသည်။

သူ့တစ်ကိုယ်လုံးတွင် မိုးကြိုးများက အဆက်မပြတ်ရွေ့လျားနေပုံရသည်။

ပြောရမည်ဆိုပါက၊ ဤကဲ့သို့အသွင်အပြင်မျိုးက အလွန်မိုက်ပါတယ်။

ကောင်းကင်တွင် တိမ်မည်းမည်းများ ပေါ်လာသည်နှင့်တပြိုင်နက် အောက်ဖက်မှ ပင်လယ်သားရဲများစွာတို့က အားတက်သရောဖြင့် အရူးအမူး လှုပ်ရှားလာပြန်သည်။

ပေါက်ကွဲမှုကြောင့် ကြောက်လန့်ပြီး အရပ်ရပ်သို့ ထွက်ပြေးနေသော ပင်လယ်သားရဲများက ဆက်မပြေးတော့ဘဲ ကုန်းမြေကို ဆက်လက်တိုက်ခိုက်ရန် ပြန်လှည့်လာကြသည်။

“သခင်နဂါးဘုရင်ပဲ၊ သခင်နဂါးဘုရင်ရောက်လာပြီ!”

“သခင်နဂါးဘုရင် ကိုယ်တိုင် ဒီတိုက်ပွဲကို ရောက်လာပြီ၊ ငါတို့ သေချာပေါက် အနိုင်ရလိမ့်မယ်!”

ဧရာမပုဇွန်ကြီးသည် အပြာရောင်လျှပ်စီးများဖြင့် ငါးရှဉ့်ကိုမြင်သောအခါ၊ သူသည် စိတ်လှုပ်ရှားစွာ လက်နှစ်ဖက်ကိုမြှောက်ကာ အော်လိုက်သည်။

ထို့နောက် ပင်လယ်သားရဲအများအပြားကို ဦးဆောင်ကာ ရေထဲသို့ကျသွားသော လူသားစစ်သည်များနှင့် အထူးစွမ်းရည်ရှိသူများကို ဆက်လက်ရှာဖွေခဲ့သည်။

“ဟားဟား၊ မင်းက ငါးရှဉ့်တစ်ယောက်ပဲ၊ ဒါပေမယ့် မင်းကိုယ်မင်း နဂါးဘုရင်လို့ ခေါ်ဝံ့တယ်”

ဧရာမပုဇွန်ကြီးပြောသည်ကိုကြားပြီးနောက် လုချန်း,က အေးစက်စွာ ရယ်မောလိုက်သည်။

သို့သော် သူသည် တိုက်ရိုက်ထုတ်ပြောရန် မရွေးချယ်ဘဲ ရှောင်ပိုင်,၏နောက်မှ လိုက်သွားခဲ့သည်။

သူတို့နှစ်ဦးသည် မြောက်ပင်လယ်၏ အနက်ရှိုင်းဆုံးဆီသို့ ဆက်လက်တိုးဝင်သွားခဲ့သည်။

ကောင်းကင်၌ ဤအခိုက်အတန့်၌ နဂါးဘုရင်ဟုခေါ်သော ငါးရှဉ့်ကြီးက လေနှင့်မိုးကို ဆင့်ခေါ်လိုက်သည်။

ကောင်းကင်ယံ၌ ထူထပ်သော တိမ်မည်းများက ဆယ်မိုင်ကျော် ဧရိယာကို ဖုံးလွှမ်းသွားသည်။

ပင်လယ်ပြင်တွင် ပြင်းထန်သော မုန်တိုင်းတစ်ခု တိုက်ခတ်လာပြီး လှိုင်းလုံးကြီးများ လှိမ့်ဝဲတက်လာသည်။

မူလက အပြာရောင်ပင်လယ်ပြင်သည် ယခုအခါတွင် မှင်များကဲ့သို့ အလွန်နက်မှောင်လာသည်။

၎င်းကိုမြင်ပြီး လူသားတပ်ဖွဲ့များက ဒုံးကျည်အမြောက်အမြားကို ချက်ချင်းပစ်လွှတ်လိုက်သော်လည်း ဒုံးကျည်များက တိမ်မည်းအနားကို ဝင်ရောက်သွားသောအခါ ၎င်း၏စွမ်းအားက အလွန်အားနည်းသွားခဲ့သည်။

ဤရုတ်တရက်ပြောင်းလဲမှုသည် လူများစွာကို အလျင်အမြန် မတုံ့ပြန်နိုင်ခဲ့ကြပေ။

ကြောက်လန့်ပြီး ထွက်ပြေးသွားသော ပင်လယ်သားရဲများက နောက်တစ်ကြိမ် ပြန်လှည့်လာမည်ဟု သူတို့ မမျှော်လင့်ထားခဲ့ပေ။

ဂျီကျဲန်ရှန်း,က အလွန်ဒေါသထွက်သွားပြီး လျှပ်စီးများက သူ့ခန္ဓာကိုယ်ကို ဖြတ်ပြေးသွားကာ ချက်ချင်းပင် တိုက်ခိုက်ရန်ပြင်လိုက်သည်။

“ဆရာ၊ နောက်တစ်ကြိမ်ပြန်စဉ်းစားပါ”

“ပင်လယ်နက်ထဲမှာရှိတဲ့ သားရဲက ပုံမှန်မဟုတ်ဘူး၊ သူ့ရဲ့စွမ်းအားက နားမလည်နိုင်လောက်အောင်ပဲ”

“ဆရာ အမှားလုပ်လို့မရဘူး၊ ဒီလိုအခြေအနေမျိုးမှာ ဆရာတစ်ခုခုဖြစ်သွားရင် လူသားမျိုးနွယ်တစ်ခုလုံး ပရမ်းပတာဖြစ်သွားလိမ့်မယ်!”

ဂျီကျဲန်ရှန်း,က တိုက်ခိုက်ချင်နေသည်တွေ့သောအခါ သူ့ဘေးနားရှိ လက်အောက်ငယ်သားများသည် သူ့ကို ရပ်တန့်ရန် အလျင်စလို ပြောဆိုလိုက်ကြသည်။

တိမ်မည်းကြီးထဲတွင် ရှိနေသောတည်ရှိမှုက အမှန်တကယ် ကြောက်စရာကောင်းလှသည်။

ဤကဲ့သို့သောအရှိန်အဟုန်တစ်ခုတည်းကပင် ဂျီကျဲန်ရှန်း လက်လှမ်းမမီပေ။

ယနေ့အချိန်ထိ၊ အထူးစွမ်းရည်ရှိသော လူသားများအားလုံးက တိမ်မည်းများထဲတွင်ရှိသော တည်ရှိမှုကို မည်သူမျှ ခုခံနိုင်စွမ်းရှိမည်မဟုတ်ပေ။

နောက်ဆုံးတွင် ရန်နိုင်ငံ၏ ထိပ်တန်းခေါင်းဆောင်များက အဆုံးစွန်သောလက်နက်ကို ထပ်မံပစ်လွှတ်ရန် ဆုံးဖြတ်ခဲ့ကြသည်။

ထို့နောက် ရန်နိုင်ငံပိုင်နက်အတွင်း မတူညီသော ဒေသများမှ အဆုံးစွန်‌သော ဒုံးကျည်သုံးစင်း ဆက်တိုက် ထွက်ပေါ်လာသည်။

မျမကြာမီ မီးတောက် ‘ဥက္ကာခဲ’ သုံးခုကဲ့သို့ ဒုံးကျည်သုံးစင်းသည် မည်းမှောင်နေသော တိမ်တိုက်များထဲသို့ ထိုးဆင်းသွားကာ အလွန်ကြောက်စရာကောင်းသော အပြောင်းအလဲများကို ဖြစ်စေခဲ့သည်။

တစ်ချိန်တည်းမှာပင် အဆုံးစွန်သော ဒုံးကျည်သုံးစင်း ပေါက်ကွဲသွားသည်။ ကုန်းတွင်းနေလူများပင်လျှင် ပင်လယ်ပြင်ပေါ်ရှိ ကြောက်မက်ဖွယ်ကောင်းသော အတက်အကျများကို ခံစားနိုင်သည်။

သို့သော်လည်း ကောင်းကင်၌ မည်းမှောင်နေသော တိမ်တိုက်များကို လှုပ်ခတ်မှုအနည်းငယ်သာဖြစ်စေခဲ့သည်။

လျှပ်စီး‌ကြောင်းများက မည်းမှောင်‌နေသောတိမ်တိုက်များကြားတွင် ပျံ့နှံ့နေဆဲဖြစ်သည်။

ထိုအချိန်တွင် ရန်နိုင်ငံရှိ လူတိုင်းနီးပါး တိတ်ဆိတ်သွားကြသည်။

……

လုချန်း နှင့် ယိုချင်းယန်,တို့သည် မြောက်ပင်လယ်၏ နက်နဲရာသို့ ဝင်ရောက်သွားခဲ့ကြရာ ယခုအခါတွင် ပင်လယ်ရေပြင်မိုင်တစ်ရာကို ရောက်ရှိလာကြပြီဖြစ်သည်။သို့မှသာ အရှိန်အဟုန်က တဖြည်းဖြည်း နှေးကွေးလာသည်။

ယိုချင်းယန်,သည် ပတ်ဝန်းကျင်ကို ကြည့်လိုက်ပြီးနောက် လုချန်း,ကို ခေါင်းညိတ်ပြသည်။

“အစ်ကို၊ ဒါပဲ”

ထို့နောက် ယိုချင်ယန်,သည် နက်ရှိုင်းသောပင်လယ်ထဲသို့ ခုန်ဆင်းသွားသည်။

ဤပင်လယ်ပြင်ကျယ်ကြီးတွင် ဆယ်မီတာကျော်ရှိသော ယိုချင်းယန် ပင်လျှင် အလွန်သေးငယ်လှသည်။

ဤပင်လယ်ထဲတွင် ဧရာမဝံပုလွေတစ်ကောင်ကို ရှာရန်ကြိုးစားခြင်းက ကောက်ရိုးပုံထဲက အပ်တစ်ချောင်းကို ရှာနေခြင်းနှင့်အတူတူပင်ဖြစ်သည်။

ကံကောင်းထောက်မစွာဖြင့်၊ လုချန်း,က ၎င်းကို သတိပြုမိပြီး အမှတ်အသားနောက်ကို တောက်လျှောက်လိုက်ခဲ့သည်။

များမကြာမီပင် သူတို့နှစ်ဦးသည် နက်ရှိုင်းသောပင်လယ်၏အဆုံးသို့ ရောက်သွားကြသည်။

ထိုအချိန်တွင် လုချန်း,သည် သူတို့ရှေ့တွင် ရေအောက်မီးတောင်တစ်ခုရှိနေသည်ကို တွေ့ရှိခဲ့သည်။

ယိုချင်းယန်,သည် မီးတောင်ပေါက်ဝမှ မီးတောင်အထဲသို့ ဝင်ရောက်ခဲ့ပြီး ချော်ရည်များ တိုက်စားနေသော ကျောက်တုံးမျိုးစုံကို ဖြတ်ကျော်သွားခဲ့သည်။

လုချန်း,သည် ထိုနေရာတွင် လျှပ်စစ်ငါးရှဉ့် တစ်ဒါဇင်ကျော်ရှိနေကြောင်း တွေ့ရှိခဲ့သည်။

ရံဖန်ရံခါ သူတို့၏ခန္ဓာကိုယ်မှ လျှပ်စီး အနည်းငယ် ထွက်လာသည်။

လျှပ်စစ်ငါးရှဉ့်တိုင်းက အမှန်တကယ်ပင် နိုးထခြင်း အဆင့် (၆) သို့ ရောက်ရှိနေပြီဖြစ်သည်။

ဤလျှပ်စစ်ငါးရှဉ့်မိသားစုက အလွန်ကြီးမားပြီး အစွမ်းထက်လှသည်မှာ အံ့သြစရာပင်။