ကျင့်ကြံခြင်းအဆင့် ထုတ်ယူခြင်း။ လွတ်မြောက်ခြင်း ပြန်လည်ရောက်ရှိခြင်း နယ်ပယ် ကြီးမြတ်သော ပြီးပြည့်စုံခြင်း!

"ဒဏ္ဍာရီအဆင့် အစွမ်းထက်သူ တစ်ဦးပေါ် ကျရောက်ခဲ့ရင်တော့ သူတို့ မသေနိုင်ပေမဲ့ အရေခွံတွေတော့ ကွာကျကုန်မှာပဲ..."

ဤသည်မှာ ဝိညာဉ်ပေါက်ကွဲခြင်း နည်းစနစ်ကို စုရှင်း ထပ်မံ သုတေသနပြုပြီး ရလဒ်များကို သန့်စင်ခြင်း မပြုရသေးသည့် အခြေအနေပင် ဖြစ်သည်။

စုရှင်းသာ ဝိညာဉ်ပေါက်ကွဲခြင်း နည်းစနစ်ကို ထပ်မံလေ့လာဖို့ရန် စိတ်ဆန္ဒရှိခဲ့လျှင် သုံးမျိုးပေါင်း ဝိညာဉ်စွမ်းအင်ဟူသည့် အယူအဆနှင့် ပေါင်းစပ်လိုက်မည်ဆိုလျှင် သူ၏စွမ်းအားသည် ပို၍ ကြောက်စရာ ကောင်းလာမည်မှာ အသေအချာပင် ဖြစ်သည်။

"မသိလိုက်ချိန် အတွင်းမှာတင် ငါ့ရဲ့ ကျင့်ကြံမှုအဆင့်က လွတ်မြောက်ခြင်း ပြန်လည်ရောက်ရှိခြင်း နယ်ပယ်ရဲ့ ကြီးမြတ်သော ပြီးပြည့်စုံခြင်း အဆင့်ကို ရောက်နေပြီ!"

"အဲဒါနဲ့ ပတ်သက်ပြီး၊ ငါ့ရဲ့တိုက်ခိုက်မှု နည်းလမ်းတွေက နည်းနေသေးတယ်... ငါ တကယ်ကြီး ပိုပြီးအစွမ်းထက်တဲ့ နတ်စွမ်းရည် နဲ့ နည်းစနစ်တွေကို သင်ယူဖို့ လိုတယ်!"

စုရှင်း၏ နှလုံးသားသည် လှုပ်ရှားသွားသည်။ သူသည် ကျင့်ကြံသူကျုံး၏ သိုလှောင်အိတ် အတွင်းရှိ နတ်စွမ်းရည်နှင့် နည်းစနစ်တစ်ခု သို့မဟုတ် နှစ်ခုကို ရွေးချယ်ပြီး သူ့ကိုယ်ပိုင် နည်းလမ်းများကို နားလည်သဘောပေါက်ကာ မြှင့်တင်ရန် ဆုံးဖြတ်ခဲ့သည်။

လောထျန်း ညီလာခံ အကျဉ်းခန်းသို့ ခရီးသွားခြင်းသည်လည်း လိုအပ်သည်ဟု သူ ယူဆခဲ့သည်။

"ငါ့ရဲ့လက်ရှိခွန်အားနဲ့ဆိုရင် လောထျန်း ညီလာခံမှာ သူတော်စင် အကြီးအကဲ ရာထူးကိုသာ ရယူနိုင်ခဲ့မယ်ဆိုရင် ကောင်းကင်ဘုံအဆင့် လျှို့ဝှက်နည်းစနစ်တွေကို ငါရယူနိုင်မှာ!"

စုရှင်းသည် သူ့ဘာသာ ရေရွတ်လိုက်သည်။ သူ၏ ကြီးထွားမှုအရှိန်နှင့်ဆိုလျှင် မြေအဆင့် နည်းစနစ်များသည် မကြာခင် ဘောင်ဝင်တော့မည် မဟုတ်သည့်အတွက် ယင်းတို့ကို သင်ကြားရန် အားထုတ်မှု အများကြီး ပေးစရာ မလိုတော့ပါ။

အထူး အကျိုးသက်ရောက်မှုရှိသည့် မြေအဆင့် လျှို့ဝှက်နည်းစနစ် အချို့မှ လွဲ၍ဖြစ်သည်။

သူ၏ ကျင့်ကြံမှုနယ်ပယ် တိုးတက်လာမှုကို ညှိယူပြီးနောက် စုရှင်းသည် ပြီးပြည့်စုံခြင်း အဆင့် ကာကွယ်ရေး ဂန်ချီကို စတင် စမ်းသပ်ရန် ကြိုးစားခဲ့သည်။

စုရှင်းသည် အနည်းငယ် စိတ်လှုပ်ရှားသွားသည်။ မမြင်ရသည့် ဒိုင်းကာတစ်ခုသည် သူ့ကို ဖုံးအုပ်လိုက်သည်။ စုရှင်းသည် နားလည်သဘောပေါက်အောင် ဂရုတစိုက် ကြိုးစားပြီး တီးတိုးရေရွတ်လိုက်သည် -

"အရင်က မဟာယာန အဆင့်နဲ့ နှိုင်းယှဉ်ရင် ကာကွယ်ရေး ဂန်ချီရဲ့ လက်ရှိ ကာကွယ်ရေးက နည်းနည်းလေး တိုးတက်တာ မဟုတ်ဘူးဘဲ... အဲဒီတုန်းက ကောင်းကင်မိုးကြိုး ခန္ဓာသန့်စင်ခြင်းက ပြီးပြည့်စုံတဲ့ ကာကွယ်ရေး ဂန်ချီကို ဘာကြောင့် လိုအပ်ခဲ့တာလဲဆိုတာ ခု အံ့သြစရာ မလိုတော့ဘူး..."

"ကြီးမြတ်တဲ့ ဧကရာဇ်အဆင့်ရှိတဲ့ ကျွမ်းကျင်သူ တစ်ယောက်တောင် ဒီကာကွယ်ရေး ဂန်ချီကို ချိုးဖျက်ဖို့ နှစ်ချက်... မဟုတ်ဘူး၊ သုံးချက်လောက်တော့ လိုအပ်လိမ့်မယ် ထင်တယ်။ ဟုတ်တယ် မဟုတ်လား"

"ဒါပေမဲ့... ငါသာ ပိုပြီး ရှေ့ဆက်နိုင်မယ်ဆိုရင် ကာကွယ်ရေး ဂန်ချီက ဘယ်အဆင့်အထိ ရောက်ရှိသွားမလဲ"

စုရှင်း၏ နှလုံးသားထဲတွင် မျှော်လင့်ချက် အချို့ကို ခံစားမိသည်။ ကာကွယ်ရေး ဂန်ချီကို အနည်းငယ် ညှိယူပြီးနောက် စုရှင်းသည် ရုပ်ဖျက်ခြင်းကို စတင် လုပ်ဆောင်ခဲ့သည်။ စုရှင်းသည် ဘိုင်လီ အိမ်တော်ကို သွားရောက်ဖို့ရန် စီစဉ်နေခဲ့သည်။

"နှင်းရေခဲ အကျဉ်းခန်း ၊ စွမ်းအင် ၁.၆ ဘီလီယံတန်ဖိုးရှိတဲ့ ရှားပါးသတ္တုတွင်း... အဲ့ဒါအပြင် ဘိုင်လီ မိသားစုရဲ့ ကျေးဇူးတင်လက်ဆောင်..."

"ဒီခရီးက အနည်းဆုံး ၂ ဘီလီယံလောက်တော့ ရမှာဘဲ။ ဒီလိုကြီးမားတဲ့ ဆုလာဘ်နဲ့ နှိုင်းယှဉ်မယ်ဆိုရင်... အန္တရာယ် နည်းနည်းတွေ့တာက တန်ပါတယ်!"

စုရှင်းသည် ဝိညာဉ်စိုက်ခင်းဂူမှ ထွက်ခွာခဲ့သည်။ ညဘက် ရောက်သောအခါ ဘိုင်လီ အိမ်တော်သို့ ဦးတည်သွားရန် ပြင်ဆင်ခဲ့သည်။ သူသည် သရုပ်ပြခြင်းတွင် အထူး လေ့ကျင့်ထားခဲ့သောကြောင့် ဤအကြိမ်တွင် အန္တရာယ်များကို စီမံခန့်ခွဲနိုင်မည် ဖြစ်သည်။

ညရောက်သောအခါ စုရှင်းသည် သူ၏ ဓားပျံပေါ်သို့ တက်လိုက်ပြီး သူ၏ပုံရိပ်ကို အမှောင်ထုထဲတွင် ဖုံးကွယ်ကာ ဘိုင်လီ အိမ်တော်သို့ ပျံသန်းသွားခဲ့သည်။

ဓားထိန်းချုပ်ခြင်း နည်းစနစ်တွင် အသေးစား အောင်မြင်မှုများ ရှိသည့်အပြင် လွတ်မြောက်ခြင်း ပြန်လည်ရောက်ရှိခြင်း နယ်ပယ်တွင်လည်း ကြီးမြတ်သော ပြီးပြည့်စုံခြင်း အဆင့်သို့ ရောက်ရှိနေသည့် သူ၏ကျင့်ကြံမှုနှင့် ပေါင်းစပ်လိုက်သည့်အခါ စုရှင်း၏ အရှိန်သည် ယခင်ကထက် အဆပေါင်းများစွာ ပိုမို မြန်ဆန်လာခဲ့သည်။

ကျိုတိုမှ ကွမ်ပြည်နယ်သို့ မိုင်နှစ်သောင်းနီးပါး ဝေးသည့်ခရီးကို စုရှင်းသည် နှစ်နာရီ သို့မဟုတ် သုံးနာရီအတွင်းမှာပင် ဘိုင်လီအိမ်တော်၏ ကောင်းကင်ယံ အပေါ်သို့ ရောက်ရှိခဲ့သည်။ အချိန်မှာ ညနက်နေပြီ ဖြစ်သည်။

စုရှင်းသည် စိတ်လှုပ်ရှားနေပြီး သူ၏နတ်အာရုံကို ဘိုင်လီအိမ်တောင်သို့ ဖုံးအုပ်လိုက်သည်။ စုရှင်း၏ ယခင်သရုပ်ပြခြင်းက ပြထားသည့် အတိုင်းပင်။ ဘိုင်လီ အိမ်တော်၏ မူလ စစ်ဧကရာဇ် သုံးယောက်တွင် အခု နှစ်ယောက်သာ ကျန်တော့သည်။

ဘိုင်လီအိမ်တော်တွင် ဘိုင်လီထူ၏ အရိပ်အယောင်ကိုလည်း မတွေ့ရပါ။

"တကယ်တမ်းက ဘိုင်လီထူက အခုချိန် အကျဉ်းခန်းထဲမှာ ရှိနေသင့်တယ် မဟုတ်လား"

စုရှင်းက သူ့ဘာသာ တွေးလိုက်သည်။ ထို့နောက် စုရှင်းသည် မမြင်ရသော ဖုံးကွယ်မှု အစီအမံတစ်ခုကို ပေါ့ပေါ့တန်တန် လုပ်လိုက်ပြီး ဘယ်သူမှမရှိသည့် ပုံစံဖြင့် ဘိုင်လီ အိမ်တော်ထဲကို ဝင်သွားသည်။

ဘိုင်လီချီ၏ အခန်းထဲသို့ ရောက်သွားသောအခါ ဘိုင်လီချီသည် စိတ်ပျက်အားငယ်နေသော မျက်နှာဖြင့် သူ့စားပွဲမှာ တစ်ယောက်တည်း သောက်နေသည်။

"ဟေ့၊ သခင်လေး ဘိုင်လီက အတော်လေး ယဉ်ကျေးတာပဲ... ဒီမှာ တစ်ယောက်တည်း ထိုင်ပြီး သောက်နေတယ်ပေါ့"

စုရှင်းသည် ဘိုင်လီချီ၏ နောက်နားတွင်ရပ်ပြီး ရုတ်တရက် ပြောလိုက်သည်။ ထိုအသံကို ကြားသည့်အခါ ဘိုင်လီချီသည် ချက်ချင်း တုန်လှုပ်သွားပြီး စုရှင်းကို လျင်မြန်စွာ ပြန်လှည့်ကြည့်လိုက်သည်။

စုရှင်းကို မြင်သည့်အခါ သူသည် ပျော်ရွှင်သွားသည်။ မျက်ရည်များပင် ဝဲလို့နေသည်။

"အကြီးအကဲ... ခင်ဗျား၊ ခင်ဗျား နောက်ဆုံးတော့ ရောက်လာပြီ!"

ဘိုင်လီချီသည် အနည်းငယ် တုန်ယင်စွာဖြင့် စိတ်လှုပ်ရှားစွာ ပြောလိုက်သည် - "ကျွန်တော့်အဖေ၊ သူက..."

စုရှင်းသည် အနည်းငယ် မျက်မှောင်ကြုတ်ကာ မေးလိုက်သည် -

"ရှင်းရှင်းလင်းလင်း ပြောပါ၊ ဘိုင်လီ မိသားစုမှာ ဘာတွေဖြစ်ခဲ့တာလဲ"

ဘိုင်လီချီသည် သတိပြန်ဝင်လာပြီး လျင်မြန်စွာ ခေါင်းညိတ်လိုက်သည် -

"အကြီးအကဲ၊ ဒီလိုပါ... ကျွန်တော့်အဖေက တားမြစ် အကျဉ်းခန်းထဲကို ဝင်ခဲ့တယ်..."

ဘိုင်လီချီသည် သူ၏ ယခင် အတိတ်ရက် အနည်းငယ်က အဖြစ်အပျက်များအား စုရှင်းကို အသေးစိတ် ပြန်ပြောပြသည်။ ပြီးနောက် သိုလှောင် လက်စွပ်နှစ်ခုကို လျင်မြန်စွာ ထုတ်လိုက်သည်။

သူသည် ယင်းတို့အား စုရှင်းကိုပေးကာ ပြောလိုက်သည် -

"အကြီးအကဲ၊ ဒါတွေက ကျွန်တော်တို့ ဘိုင်လီ မိသားစုက ပြီးခဲ့တဲ့ နှစ်လအတွင်း စုဆောင်းထားတဲ့ အကျဉ်းခန်း ပစ္စည်းတွေပါ..."

"ခင်ဗျားသာ ကျွန်တော့်အဖေကို ကယ်တင်နိုင်မယ်ဆိုရင် နောက်ကျ ကျွန်တော်တို့ ဘိုင်လီမိသားစုက ခင်ဗျားရဲ့အမိန့်ကို လိုက်နာပါ့မယ်!"

စုရှင်းသည် စိတ်ထဲမှ ခေါင်းညိတ်လိုက်သည်။ ဘိုင်လီချီသည် သားကောင်းတစ်ယောက် အဖြစ် အမြဲတမ်း ပြသခဲ့သလို အရေးကြီးသည့် အချိန်တွင်လည်း သူ့အဖေ၏ အသက်အား တန်ဖိုးထားခဲ့သည်ကို စုရှင်း ချီးကျူးနေမိသည်။

သို့သော် စုရှင်းသည် သိုလှောင်လက်စွပ်များကို မယူခဲ့ပါ။ သူသည် ရိုးရှင်းစွာပင် မေးလိုက်သည် -

"ငါဒါကို သိပြီးသား... မင်းအဖေ ဝင်ခဲ့တဲ့ အကျဉ်းခန်းရဲ့ သြဒိနိတ်တွေကို ပြောပြ..."

"ဒီအကျဥ်းခန်း ပစ္စည်းတွေကတော့ သူ့ကိုငါပြန်ခေါ်လာပြီးမှ ဆွေးနွေးကြတာပေါ့!"

ဘိုင်လီချီသည် အလွန် ပျော်ရွှင်သွားပြီး အကျဉ်းခန်း၏ ကိုသြဒိနိတ်များကို စုရှင်းအား အလျင်အမြန်ပင် ပြောပြလိုက်သည်။

ဤနှင်းရေခဲ အကျဉ်းခန်းသည်လည်း ကွမ်ပြည်နည်တွင်သာ တည်ရှိပြီး ဘိုင်လီ မိသားစုနှင့် ကီလိုမီတာ ရာဂဏန်းလောက်သာ ဝေးသည်။

အကျဉ်းခန်း၏ ကိုဩဒိနိတ်များကို သိပြီးနောက် စုရှင်းသည် သူ၏ဓားဖြင့် ပျံသန်းခဲ့သည်။ ဆယ့်ငါးမိနစ်တောင် မကြာလိုက်ခင်မှာပင် နှင်းရေခဲ အကျဉ်းခန်း၏ အပြင်ဘက်သို့ ရောက်ရှိခဲ့သည်။

ဤအကျဉ်းခန်းသည် ချိုင့်ဝှမ်းများ ကြားတွင် တည်ရှိပြီး ယာယီ အကျဉ်းခန်းတစ်ခု ဖြစ်ဟန်တူသည်။ နေရာကလည်း အလွန် လျှို့ဝှက်လွန်းသည်။ ဖွင့်ချိန်ကလည်း သိပ်မကြာသေးဘဲ မကြာခင်လည်း ပိတ်တော့မှာ ဖြစ်နိုင်သည်။

စုရှင်းသည် တွေဝေမနေတော့ဘဲ သူ့ရှေ့ရှိ လေတံခါးပေါက်ထဲသို့ တိုက်ရိုက် ဝင်သွားသည်။ တံခါးပေါက်ကို ဖြတ်သွားပြီးနောက် စုရှင်း၏ အမြင်အာရုံသည် ပြောင်းလဲသွားသည်။

ကွမ်ပြည်နယ်၏ ရာသီဥတုသည် ပူပြင်းသော်လည်း အကျဉ်းခန်းထဲသို့ ဝင်လိုက်သောအခါ အရာအားလုံးသည် နှင်းဖြူများဖြင့် ဖုံးလွှမ်းနေသည်။ လေထုအပူချိန်သည် သုံးဆယ် သို့မဟုတ် လေးဆယ်ဒီဂရီမှ အေးခဲသည့် အပူချိန်သို့ ရုတ်တရက် ကျဆင်းသွားသည်။

မိုးပွားများကဲ့သို့သော နှင်းပွင့်များသည် ကောင်းကင်ထပ်မှ ကျဆင်းလာပြီး လေတိုက်ခတ်သံများသည်လည်း လမ်းဘေးရှိ ကျောက်တုံးများကိုပင် မြှောက်တင်နိုင်လောက်သည်။

ရှေ့သို့ မျှော်ကြည့်လိုက်သောအခါ နှင်းဖြူများသာ ရှိပြီး အမြင်အာရုံကို ဆိုးရွားစွာ ထိခိုက်စေသည်။

"တကယ်တော့ ဒီနေရာက တားမြစ်အဆင့် အကျဉ်းခန်းတစ်ခု ဖြစ်မယ်ထင်တယ်။ ဒီက ရာသီဥတုက အတော်လေး ဆိုးရွားတယ်... ဝင်လာလိုက်တာနဲ့ အပူချိန်က ရေခဲမှတ်အောက်ကို တန်းရောက်နေပြီ... ပိုပြီး ရှေ့ဆက်သွားမယ် ဆိုရင်တော့ အနုတ် နှစ်ရာဒီဂရီလောက် အထိ ရောက်နိုင်တယ်!”

…