အခန်း (၃၆၄)

တစ်လှိုင်းမပြီးခင် နောက်တစ်လှိုင်းထပ်လာတာပါလား ကွာ ၊ ခုမှ တာအိုလူငယ်များကို သုတ်သင်ခြင်းလုပ်နေတာတောင်မအောင်မြင်သေးဘူး၊

တိုက်ကြီးရဲ့ အုပ်ထိန်းသူတွေအနေနဲ့၊ သူတို့က စစ်မှန်တဲ့ နတ်ဆိုးမျိုးနွယ် ဝင်တစ်ဦး ပေါ်ထွန်းလာတာကို ဘေးကနေ ငြိမ်ငြိမ်လေး ကြည့်နေမှာ မဟုတ်ဘူး။

ဒါကြောင့်၊ ဟုန်လွမ်း နဲ့ တခြားသူတွေက တော်တော်လေးခက်ခဲတဲ့ စိန်ခေါ်မှုအသစ်တွေနဲ့ တစ်ဖန် ရင်ဆိုင်ခဲ့ရတယ်။

ဒါပေမဲ့ သူတို့ မထင်ထားခဲ့တာက

ဒီတိုက်ပွဲက အလွန်ကြီးမားတဲ့ ပေးဆပ်ရမှုတွေကိုဖြစ်ပေါ်စေလိမ့်မယ်ဆိုတာကိုပေါ့။

လောကတိုက်ကြီးများစောင့်ရှောက်သူအဖွဲ့ လေး ဦး ဆက်တိုက် သေဆုံးခဲ့ကြပြီး၊ ဟုန်လွမ်း က နက်ရှိုင်းတဲ့ နှစ်နှစ်ခြိုက်ခြိုက် အိပ်စက်မှုထဲကို ဝင်ရောက်သွားခဲ့သည်။

ဒါက စစ်မှန်တဲ့ နတ်ဆိုးမျိုးနွယ် ဝင်ဟာ လျှို့ဝှက်ဆန်းကြယ်တဲ့ တာအိုလူငယ် ထက် အများကြီး ပိုအားကောင်းလို့ မဟုတ်ပဲ နတ်ဆိုးမျိုးနွယ် ဝင်တွေ သူတို့ရဲ့လက်ထဲမှာ ကိုင်ဆောင်ထားတဲ့ နတ်ဆိုးလောက ရဲ့ အမြင့်ဆုံး ရတနာတွေ ကြောင့်ဖြစ်တယ်။

နတ်ဆိုးလောက ကနေ ဒီ အလွန်ကိုတိုက်ခိုက်ရေးစွမ်းအားကောင်းလှတဲ့ ရတနာအမျိုးမျိုးကြောင့် လောကတိုက်ကြီးများစောင့်ရှောက်သူအဖွဲ့ တွေ ဒီလို များစွာကျဆုံးခဲ့ရတာ၊

နှစ်ပေါင်း တစ်သောင်း ကျော်လွန်ခဲ့တဲ့အချိန်မှာတော့

ဟုန်လွမ်း ဟာ သူမရဲ့အိပ်စက်မှုကနေ နိုးလာခဲ့သည်၊

သူမက အရာအားလုံး ပြောင်းလဲသွားပြီဆိုတာ တွေ့ရှိခဲ့တယ်။ အရာရာတွေက အရင်အတိုင်း မဟုတ်တော့ဘူး။

သူမရဲ့ အရင်ခေတ်ကမိတ်ဆွေများအားလုံး တိုက်ပွဲမှာ သေဆုံးခဲ့ကြတယ်။

လောကတိုက်ကြီးများစောင့်ရှောက်သူအဖွဲ့ ငါး ဦးထဲမှာ၊ သူမတစ်ဦးတည်းသာ ကျန်ရစ်ခဲ့သည်။

လူလေး ဦးရဲ့ အသက်ကို နတ်ဆိုးလောက ကနေ စစ်မှန်တဲ့ နတ်ဆိုးမျိုးနွယ် ဝင် ရှစ် ဦး သေဆုံးခြင်းနဲ့ လဲလှယ်ခဲ့ရတာ။

ဟုန်လွမ်း ဟာ အချိန်အကြာကြီး ဝမ်းနည်းပူဆွေးခဲ့သည်။

နောက်ဆုံးတွင်၊ သူမက သူတို့ ငါး ဦး ပေးခဲ့တဲ့ ကတိကို ဖြည့်ဆည်းဖို့ ဆုံးဖြတ်ခဲ့သည်။

သူမက ကျန်ရှိနေသေးတဲ့ တာအိုလူငယ် နှစ် ဦးကို မသတ်နိုင်မချင်း ကောင်းကင်ဘုံတက်လှမ်းခြင်း ဖြစ်မည် မဟုတ်ဘူး။

ဒီလိုနဲ့

ဟုန်လွမ်း ဟာ လောကတစ်ခုလုံးကို လှည့်လည်စပြုသည်။

ဒါပေမဲ့ နှစ်ပေါင်း တစ်ထောင်ကျော် ကြာအောင် ရှာဖွေခဲ့ပြီးနောက်၊ သူမက တာအိုလူငယ် ဘယ်မှာရှိတယ်ဆိုတာကို အခုထိ ရှာမတွေ့သေးဘူး။

ဒါက သူမကို အရမ်း ရှုပ်ထွေးစေသည်။

တာအိုလူငယ် အားလုံး သေဆုံးသွားခဲ့တာ ဖြစ်နိုင်သလား?

ဟုန်လွမ်း က အရာတွေက အဲဒီလောက် ရိုးရှင်းတာ မဟုတ်ဘူးလို့ ခံစားခဲ့ရသည်။

ဒါကြောင့် သူမက လူသားလောကမှာ စိတ်ရှည်စွာ စောင့်နေခဲ့သည်။

နောက်ဆက်တွဲ အချိန်မှာ

ဟုန်လွမ်း က ကံကောင်းထောက်မစွာနဲ့ ချင်းယွင်ဂိုဏ်း ရဲ့ ၁၇ ယောက်မြောက် ဂိုဏ်းချုပ် ဖြစ်သူ ဂိုဏ်းချုပ် ကျန်ချူ နဲ့ ဆုံခဲ့သည်။

အဲ့ဒီအချိန်က ကျန်ချူမှာ စိတ်နတ်ဆိုး ဝင်ရောက်လာပြီး သတ်ဖြတ်ဖို့သာ သိတဲ့ သတ္တဝါတစ်ဦးအဖြစ် ပြောင်းလဲစေခဲ့သည်။

ဟုန်လွမ်း က သူ့ကို ကယ်တင်ဖို့ ဝင်ရောက်ခဲ့သည်။

အဲဒီအခါမှသာ ကျန်ချူ ဟာ သတိ ပြန်လည်ရရှိပြီး စိတ်နတ်ဆိုးကြောင့် သေရမဲ့ဘေးကနေ ခက်ခက်ခဲခဲ ကံကောင်းထောက်မစွာနဲ့ လွတ်မြောက်ခဲ့သည်။

သူက ဟုန်လွမ်း ကို အရမ်း ကျေးဇူးတင်ခဲ့သည်။

သူက သူမရဲ့ ကျေးဇူးကို ပြန်ဆပ်ချင်ခဲ့သည်။

ဒါပေမဲ့ ဟုန်လွမ်း က ဝိုင်တအိုးလောက်ဆိုရင် လုံလောက်ပြီလို့ ပြောခဲ့သည်။

ကျန်ချူ က ဟုန်လွမ်း ကို ချင်းယွင်ဂိုဏ်း ကို ဖိတ်ခေါ်ခဲ့သည်။

သူက နှစ်ပေါင်း တစ်ထောင် ကြာ သိုလှောင်ထားတဲ့ ဝိညာဉ်ဝိုင် ကို သူမကို ဖျော်ဖြေဖို့အတွက် ထုတ်လာခဲ့သည်။

ဟုန်လွမ်း ဟာ အလွန်ပျော်ရွှင်စွာနဲ့ သောက်ခဲ့ပြီး ချင်းယွင်ဂိုဏ်း မှာ နေထိုင်ခဲ့သည်။

ပြီးတော့ ကျန်ချူ ဟာ ဟုန်လွမ်း ရဲ့ နာမည်ကိုလည်း ကြားဖူးခဲ့သည်။

သူက ' လောကကြီးမှအမြင့်ဆုံး ကျင့်ကြံသူပညာရှင် ' ဆိုတဲ့ စကားလုံးတွေရဲ့ အဓိပ္ပာယ်ကို လုံးဝနားလည်သည့်အတွက်

ရဲရဲဝံ့ဝံ့နဲ့ ဟုန်လွမ်း ကို ချင်းယွင်ဂိုဏ်း ကို ဝင်ဖို့ ဖိတ်ခေါ်ခဲ့ပြီး၊ ထိပ်တန်း ကမ်းလှမ်းမှုတစ်ခုနဲ့ ဂိုဏ်းသို့ဖိတ်ခေါ်ခဲ့သည်။

တပည့် တွေနဲ့ အကြီးအကဲ တွေအားလုံးက သူမနဲ့ တွေ့တဲ့အခါ ထာဝရဘိုးဘေးအကြီးကဲ တစ်ဦးအဖြစ် လေးစားမှု ပေးရမယ်။

သူမက ဘယ်အလုပ်မှ လုပ်စရာမလိုရုံသာမက၊ နှစ်တစ်ထောင် ဝိညာဉ်ဝိုင် အကန့်အသတ်မရှိ ထောက်ပံ့မှုလည်း ရရှိလိမ့်မယ်။

နောက်ဆုံးစကားလုံး လေး လုံးဖြစ်တဲ့ ဝိုင်တွေလိုသလောက်ပေးမယ်ဆိုတာက ဟုန်လွမ်း ရဲ့ ခံနိုင်ရည်ကို လုံးဝ ချိုးဖျက်လိုက်သည်။

သူမက ချင်းယွင်ဂိုဏ်း ကို ဝင်ခဲ့ပေမဲ့ ထိပ်တန်း ကမ်းလှမ်းမှုတွေဘာမှကို မလိုချင်ခဲ့ဘူး။

သူမရဲ့ စကားတွေအရ၊ ဒါက နားထောင်လို့ အရမ်း ဆိုးတယ်။

သူမက နောက်ဘက်တောင်မှာ တိတ်တိတ်ဆိတ်ဆိတ်နေပြီး ဝိုင်ပဲ သောက်ချင်ခဲ့တာ။

ကျန်ချူ က သဘာဝအတိုင်း သဘောတူခဲ့သည်။

ဒါပေမဲ့ ဝိညာဉ်ဝိုင် ဘယ်လောက်ပဲ ရှိရှိ၊ နောက်ဆုံးတော့ ကုန်ဆုံးသွားမှာပဲ။

နှစ်တစ်ထောင် ဟာ မျက်စိတစ်မှိတ်အတွင်း ကုန်လွန်သွားသည်။

ဟုန်လွမ်း ဟာ ချင်းယွင်ဂိုဏ်း ကနေ ပို့လိုက်တဲ့ ဝိညာဉ်ဝိုင် အားလုံးကို သောက်ပြီးနောက်။

သူမက အနောက်ဘက်တောင်ကနေ ပင်မခန်းမကို သွားပြီး ကျန်ချူ နဲ့ ထပ်ပြီး ဆက်သွယ်ချင်ခဲ့သည်။

မမျှော်လင့်ဘဲ၊ ကျန်ချူ ဟာ ဒီလောကမှာ မရှိတော့ဘူး။

အဲဒီအချိန်က ချင်းယွင်ဂိုဏ်း ရဲ့ ဂိုဏ်းချုပ် က ၁၈ ယောက်မြောက် ဂိုဏ်းချုပ် ဖြစ်တဲ့ ဂိုဏ်းချုပ် မာရှုပန် ဖြစ်လာခဲ့သည်။

ဂိုဏ်းချုပ် မာရှုပန် ဟာ ဟုန်လွမ်း အကြောင်းကို ကျန်ချူ ဆီကနေ သဘာဝအတိုင်း ကြားဖူးခဲ့သည်။

ဒီကြီးမားတန်ခိုးရှိတဲ့ နတ်ဘုရား ကို လုံးဝ မပြစ်မှားသင့်ဘူးလို့ သူ ယုံကြည်ခဲ့သည်။

သူက ဝိညာဉ်ဝိုင် က ပြဿနာမရှိဘဲ ချက်ချင်း စီစဉ်ပေးမယ်လို့ ရိုကျိုးစွာ ပြောခဲ့သည်။

သူမ ဘယ်လောက်လိုချင်လဲ၊ကြိုက်သလောက်သာပြောလိုက် သူက ထောက်ပံ့ပေးမယ်။

ဟုန်လွမ်း က ဂိုဏ်းချုပ် မာရှုပန် ဟာ အရမ်းကို အသိဥာဏ်ရှိတယ်လို့ ခံစားခဲ့ရသည်၊ အနည်းဆုံးတော့ သူက ကျန်ချူ ထက် စကားပြော ပိုကောင်းတယ်။

သူမက နောက်ဘက်တောင်က ရှုခင်းတွေက မကောင်းဘူးလို့ ပြောခဲ့သည်။

သူမဒီကို ရောက်လာတုန်းက၊ တောင်ထိပ်တစ်ခုကို သဘောကျခဲ့တယ်။ အဲဒီနေရာက နေဝင်ချိန်ကို ကြည့်ဖို့အတွက် အရမ်းကိုလှပီး အကောင်းဆုံးပဲ။

ဝိုင်နဲ့အတူ နေဝင်ချိန်၊ ပိုသောက်လေ ပိုရလေ။

ဂိုဏ်းချုပ် မာရှုပန် ရဲ့ မျက်ခွံတွေ အနည်းငယ် တွန့်သွားသည်။

ချင်းယွင်ဂိုဏ်း ရဲ့ အမျိုးမျိုးသော တောင်ထိပ်တွေဟာ ရှေးခေတ်ကတည်းက သူတို့ရဲ့ ကိုယ်ပိုင် အမွေအနှစ်များ ရှိခဲ့ကြသည်။

ပြီးတော့ လက်ငါးချောင်းတောင်ထိပ် က ပိုပြီးတောင် ထူးခြားတယ်။

ဒါက အခြေခံအားဖြင့် ဂိုဏ်းချုပ်ဖြစ်မဲ့ အကြီးကဲ တွေရဲ့ နေထိုင်ရာ နေရာပဲ။

လက်ရှိမှာ၊ ဒါက သူ့ရဲ့လက်ရင်းကိုယ်ပိုင် တပည့် ဖြစ်တဲ့ လော့ဇေ ရဲ့ တာအို နယ်မြေပဲ။

သူ့ကို နေရာဖယ်ပေးဖို့ ပြောတာကလွယ်ပေမဲ့ အကြောင်းပြချက်တစ်ခုတော့ ရှိရမယ်၊ ဟုတ်တယ်မလား?

ဂိုဏ်းချုပ် မာရှုပန် ရဲ့ ထပ်မံကမ်းလှမ်းတာကို နားထောင်ပြီးနောက်။

ဟုန်လွမ်း က သူမရဲ့အင်္ကျီလက်ကို ဝှေ့ယမ်းပြီး၊ “ဘာများခက်လို့တုန်း ၊ငါ့ကို ဝိုင်သာ လုံလောက်အောင်ပေး ၊ငါဟိုလက်ငါးချောင်းတောင်ပေါ်မှာနေမယ်၊ နင်တို့ဘာသာ ငါ့ကို အကြီးကဲပဲခန့်ခန့်၊ တပည့်ပဲလုပ်ခိုင်းလုပ်ခိုင်း ကြိုက်သလိုသာလုပ်ကြတော့?” လို့ ပြောခဲ့သည်။

ဘယ်လိုပဲဖြစ်ဖြစ်၊ သူမက တစ်နေ့လုံး ဝိုင်ပဲ သောက်ပြီး သိပ်အပြင်မထွက်ဘူးမဟုတ်ပါလား။

ဂိုဏ်းချုပ် မာရှုပန် ရဲ့ စိတ်လှုပ်ရှားလွန်းလို့ တုန်တုန်ယင်ယင်ဖြစ်နေသည်။

ဟုန်လွမ်း က တပည့် အဖြစ်ပါ ခေါ်ချင်တောင်ရတယ်လို့ပြောလိုက်တာလား?

သူ့ရဲ့ သခင် ဖြစ်သူ ကျန်ချူ တောင် ဒီလိုအရာမျိုးကို မလုပ်ရဲခဲ့ဘူး။

အခု၊ သူ့ရဲ့ မျိုးဆက်မှာ။

ဟုန်လွမ်း က ဒီလောက် ရက်ရောပြီး စကားပြောရတာ လွယ်ကူနေသည်။

ဒါက ကောင်းကင်ဘုံက ပေးတဲ့ ကံကြမ္မာပဲ!

ဒါက ဟုန်လွမ်း ကို ချင်းယွင်ဂိုဏ်း ကသာခေါ်ထားနိုင်ခဲ့ပီဆိုရင်

အခက်အခဲတွေ ပေါ်လာတာနဲ့တစ်ပြိုင်နက်၊ ဟုန်လွမ်း က သဘာဝအတိုင်း ဘေးကနေ ငြိမ်ငြိမ်လေး ရပ်နေမှာ မဟုတ်ဘူး။

ဒါက ချင်းယွင်ဂိုဏ်း ပေါ်မှာ ကောင်းကင်ဘုံးကရတဲ့ အကာအကွယ်အစီရင်အဆောင်တစ်ခု တပ်ဆင်လိုက်တာနဲ့ အတူတူပဲ။

ဒါက သိပ်ကောင်းတာပဲ ၊

ဒါကြောင့်၊ ဂိုဏ်းချုပ် မာရှုပန် ဟာ လုံးဝ မတွန့်ဆုတ်ခဲ့ဘူး။

သူက လက်ငါးချောင်းတောင်ထိပ် ကို ချက်ချင်း သွားခဲ့သည်။

သူက တိတ်တိတ်ဆိတ်ဆိတ် ကျင့်ကြံမှု လုပ်နေတဲ့ လော့ဇေ ကို မြေပေါ်ကို ကန်ချလိုက်သည်။

ပြီးတော့ သူက စကားလုံး နှစ် လုံး အော်ဟစ်လိုက်သည်။

“ထွက်သွား!”

ထိတ်လန့်နေတဲ့ လော့ဇေ ဟာ အခုထိ အပြည့်အဝ အခြေနေတွေကိုနားမလည်နိုင်သေးပဲ

လက်ငါးချောင်းတောင်ထိပ် ကနေ မောင်းထုတ်ခံခဲ့ရသည်။

ပြီးတော့ အကြီးတန်းအစ်မ တစ်ဦးကို အောင်မြင်စွာ ရရှိခဲ့သည်။

နောက်ပိုင်းတွင်၊ လော့ဇေ က ဂိုဏ်းချုပ် မာရှုပန် ကို မေးခဲ့သည်။

သူက ဟုန်လွမ်း ရဲ့ နောက်ခံက ဘာလဲဆိုတာကို သိချင်ခဲ့သည်။

သူက သူမအကြောင်းကို ဘာလို့ တစ်ခါမှ မကြားဖူးတာလဲ?

ဂိုဏ်းချုပ် မာရှုပန် က လော့ဇေ ကို သတိမထားဘဲ လျှောက်မမေးဖို့ ပြောခဲ့သည်။ သူက အချက်တစ်ချက်ကိုသာ မှတ်ထားဖို့ လိုတယ်။

အနာဂတ်မှာ ချင်းယွင်ဂိုဏ်း ဟာ ဘေးဒဏ်တစ်ခုနဲ့ ရင်ဆိုင်ရတဲ့အခါ၊ သူက ဟုန်လွမ်း ကို အကူအညီတောင်းနိုင်တယ်။

သူမဟာ ချင်းယွင်ဂိုဏ်း ရဲ့ အမြင့်ဆုံး ဝှက်ဖဲပဲ။

အပေါ်ယံအားဖြင့်၊ သူမက သူ့ရဲ့ အကြီးတန်းအစ်မ ဒါမှမဟုတ် အကြီးကဲဆရာတယောက် ပဲ။

ဒါပေမဲ့ သူက သူမကို ဂရုတစိုက် ဆက်ဆံရမယ်၊ ဒူးထောက်ပြီး အစေခံရမယ်ဆိုရင်တောင်မှ ဒူးထောက်ပြီးတောင်းပန်လိုက်၊

လော့ဇေ က ချက်ချင်း ရှုပ်ထွေးတဲ့ အမူအရာတစ်ခုကို ပြသခဲ့သည်။

ပြီးတော့ ဟုန်လွမ်း လက်ငါးချောင်းတောင်ထိပ် ကို ပြောင်းရွှေ့ပြီးနောက်။

သူမက တပည့် နှစ် ဦးဖြစ်တဲ့ ထူအော့ချီယွဲ့ နဲ့ ရွှဲ့မူလင်း ကို ဆက်တိုက် ခေါ်ခဲ့သည်။

နောက်ပိုင်းတွင်၊ သူမက ဝိညာဉ်ကျောက် တွေနဲ့ ကစားရတာကို စွဲလမ်းလာခဲ့သည်။

သူမ နေ့တိုင်း ပိုက်ဆံတွေအားလုံး ဆုံးရှုံးခဲ့ရင်တောင်၊ သူမက ဒါကို ပျော်နေတုန်းပဲ။

သူမက အသက်ဟာ ဒီလိုပဲ ထာဝရ ဆက်သွားလိမ့်မယ်လို့ မူလက ထင်ခဲ့သည်။

ဒါပေမဲ့ မမျှော်လင့်ဘဲ၊ လွန်ခဲ့တဲ့ နှစ်တစ်ထောင် အတွင်းမှာ၊ ဝိညာဉ်ချီ က ပြန်လည်ကောင်းမွန်လာစပြုသည်။

အကယ်၍ မတော်တဆမှုတွေ မရှိခဲ့ရင်၊ ကောင်းကင်ဘုံတက်လှမ်းခြင်းအဆင့် ကျင့်ကြံသူအသစ်တွေ မလွဲမသွေ ပေါ်ထွန်းလာလိမ့်မယ်။

ဒါက ဟုန်လွမ်း ကို မှောင်ရိပ်ထဲမှာ ပုန်းအောင်းနေတဲ့ တာအိုလူငယ် နှစ် ဦးဟာ မကြာခင်မှာ သူတို့ရဲ့ လှုပ်ရှားမှုကို ပြုလုပ်နိုင်တယ်ဆိုတာကို သဘောပေါက်စေသည်။

ဒါကြောင့် သူမက အပြင်ထွက်ပီးလောင်းကစားလုပ်တယ်ဆိုတဲ့ အကြောင်းပြချက်ကို အသုံးပြု

ပြီးတော့ လောကကို တစ်ဖန် လှည့်လည်စပြုသည်။

သူမ မျှော်လင့်ခဲ့တဲ့အတိုင်းပါပဲ။

တာအိုလူငယ် တွေ တကယ် ပေါ်လာခဲ့သည်။

ပြီးတော့ ကောင်းကင်ဘုံတက်လှမ်းခြင်းအဆင့် ကျင့်ကြံသူအသစ်တွေကို အမဲလိုက်စပြုသည်။

ဟုန်လွမ်း က မူလက သူတို့ကို တစ်ဦးချင်းစီ အနိုင်ယူချင်ခဲ့သည်။

ဒါပေမဲ့ မမျှော်လင့်ဘဲ၊ တာအိုလူငယ် နှစ် ဦးက သူမကို တကယ်တမ်း ချောင်းမြောင်းတိုက်ခိုက်ခဲ့ကြသည်။

ဟုန်လွမ်း က သူတို့အတွက် ပြိုင်ဘက် မဟုတ်ဘူး။

ဒါပေမဲ့ သူမ အရင်က သူတို့နဲ့ တိုက်ခိုက်ခဲ့တုန်းက၊ အေးစက်တဲ့ ချီ က သူမရဲ့ခန္ဓာကိုယ်ထဲ ဝင်ရောက်လာပြီး သူမ ဒါကို ဖိနှိပ်နိုင်ခြင်း မရှိခဲ့ဘူး။

ဒါကြောင့် သူမက ဂူတစ်ခုကို ရှာတွေ့ခဲ့ပြီး၊ အရင်ဆုံး အေးစက်တဲ့ ချီ ကို ပယ်ဖျက်ဖို့ ရည်ရွယ်ခဲ့သည်။

ဒါကြောင့်၊ လက်ရှိမြင်ကွင်းဖြစ်တဲ့သူမရေခဲတုန်းထဲပိတ်မိနေခြင်း ဖြစ်ပေါ်လာခဲ့သည်။

ဟုန်လွမ်း ရဲ့ ပြောပြချက်ကို နားထောင်ပြီးနောက်။

ယဲ့ယွီ က ရုတ်တရက် အသိဉာဏ်ပွင့်သွားတယ်လို့ပဲ ခံစားခဲ့ရသည်။

အရာအားလုံး ကိုက်ညီနေသည်။

လောကတိုက်ကြီးများစောင့်ရှောက်သူအဖွဲ့များ ၊ နတ်ဆိုးလောက ကနေ စစ်မှန်တဲ့ နတ်ဆိုးမျိုးနွယ် ဝင်တွေ၊ အေးခဲနေရတဲ့ အကြောင်းရင်း။

ဒါပေမဲ့ မဖြေရှင်းနိုင်သေးတဲ့ မေးခွန်းတွေ ရှိနေသေးတယ်။

လျှို့ဝှက်ဆန်းကြယ်တဲ့ တာအိုလူငယ် တွေ ဘယ်က လာတာလဲ?

သူတို့ ဘယ်လိုလုပ် ဒီလို ကြောက်မက်ဖွယ်ကောင်းတဲ့ ခွန်အားကို ပိုင်ဆိုင်နေရတာလဲ?

ဒါ့အပြင်၊ သူတို့က ကောင်းကင်ဘုံတက်လှမ်းခြင်းအဆင့် ကျင့်ကြံသူတွေကို သတ်ရတဲ့ အကြောင်းရင်း။

ဒါက သူတို့ ခန့်မှန်းခဲ့သလိုပဲ ကံ ကို လုယက်ဖို့ တကယ်လား?

ဒီမေးခွန်း သုံး ခုက ယဲ့ယွီ ကို နက်နက်ရှိုင်းရှိုင်း စဉ်းစားမှုထဲကို ကျရောက်စေသည်။

ဟုန်လွမ်း က ဖြည်းဖြည်းချင်း ပြောသည်၊ “ငါ ဒီအရာတွေကို မင်းကို ပြောပြနေတာ။

ငါက မင်းကို ငါ့ရဲ့ အမွေအနှစ် အရိုက်အရာခံအဖြစ် လုံးဝ သတ်မှတ်ပြီး ပြောပြနေတာ။

မင်းရဲ့ အကြီးတန်းအစ်မ နှစ် ဦးက အရမ်း ယုံကြည်စိတ်ချရသူ မဟုတ်ဘူး။

သူတို့ရဲ့ အရည်အချင်းက အလွန်မြင့်မားပေမဲ့၊ သူတို့က ကောင်းကင်ဘုံတက်လှမ်းခြင်းအဆင့် နဲ့ အတော်လေး ဝေးနေသေးတယ်။

မင်းက မတူဘူး။ မင်းက အဆင့်တွေကို ကျော်လွန်ဖို့ ငါ တစ်ခါမှ မမြင်ဖူးတဲ့ အမြန်ဆုံးလူပဲ။

မင်းဟာ နတ်ဘုရား ပြန်လည်ဝင်စားတာလားလို့တောင် ငါ သံသယရှိခဲ့တယ်။

ဒါပေမဲ့ ငါ ထင်တာ၊ နတ်ဘုရား ပြန်လည်ဝင်စားတာတောင် မင်းရဲ့အမြန်နှုန်းကို ရှိနိုင်မှာ မဟုတ်ဘူး။”

ဒီအရာကို ကြားတော့။

ယဲ့ယွီ က အဆင်မပြေတဲ့ အပြုံးတစ်ခု ပေးလိုက်ပြီး၊ ဘယ်လို ရှင်းပြရမှန်း မသိခဲ့ဘူး။

သူ့ရဲ့အမြန်နှုန်းက တကယ်ပဲ နည်းနည်း မြန်နေတာ!

ဟုန်လွမ်း က ဆက်ပြောသည်၊ “လူတိုင်းမှာ လျှို့ဝှက်ချက်တွေ ရှိကြတယ်၊ ငါက မင်းကို အရမ်းမမေးတော့ဘူး။

ငါ မျှော်လင့်တာတစ်ခုက ဆရာ တစ်နေ့မှာ မရှိတော့ဘူးဆိုရင်၊ မင်းက ငါ့ရဲ့တာဝန်ကို ပြီးမြောက်စေပြီး အလယ်ဗဟိုတိုက်ကြီးရဲ့ အုပ်ထိန်းသူအသစ် ဖြစ်လာနိုင်ဖို့ပဲ။

ကောင်းကင်ဘုံတက်လှမ်းခြင်း မဖြစ်ခင် အဲဒီ တာအိုလူငယ် နှစ် ဦးကို သတ်ပစ်လိုက်ပါ!”

၃၆၅ ဆက်ရန်