ခင်ဗျား လူသတ်ဖူးလား

"မစ္စတာကျန်း ကျေးဇူးပြုပြီး ကျွန်တော်နဲ့ ကျွန်တော့်သမီးအတွက် စကားလေး တစ်ခွန်းလောက် ပြောပေးပါ။ ဒါမှ သူတို့ ကျွန်တော့်တို့ကို အနှောင့်အယှက် မပေးတော့မှာ"

ချူးမိသားစုဝင်က ဆုချီးမြှင့်ပြီးနောက်၊ သူ၏အသံသည် ကြောက်စရာ ကောင်းနေဆဲ ဖြစ်သော်လည်း၊ ဤကိစ္စကို အလျှင်အမြန် ဖြေရှင်းလိုစိတ်က အလွန်ပြင်းထန်နေသည်မှာ ထင်ရှားသည်။ မဟုတ်ပါက ဤမျှကြီးမားသော ရင်းနှီးမြှုပ်နှံမှုကို သူပြုလုပ်ခဲ့မည် မဟုတ်ပေ။

ထိုစကားကို ကြားတော့ ကျန်းရီက လေးလေးနက်နက် ဖြေကြားခဲ့သည်- "မစ္စတာချူး၊ ခင်ဗျားက ကျွန်တော့်ရဲ့ တိုက်ရိုက်ထုတ်လွှင့်မှု အခန်းထဲမှာ အရင်ထဲက ရှိနေတဲ့ ပရိတ်သတ် မဟုတ်တဲ့ အတွက်ကြောင့် သိချင်မှသိပါလိမ့်မယ်။ ကျွန်တော်က ကောင်းကင်ဘုံမှာ ကျောက်စိမ်း ဘုရင်၊ ငရဲမှာ ယမမင်း၊ မြေပြင်မှာ ကျန်းရီလို့ ခေါ်နေပေမယ့်။ ရှင်းရှင်းလင်းလင်း တစ်ခု ပြောရမယ် ဆိုရင် အကယ်၍ အဲ့ဒီ သရဲတစ္ဆေတွေက အလုပ်လုပ်နေတာ ဆိုရင် ကျွန်တော် အပြည့်အဝ စုံစမ်းရလိမ့်မယ်။ လောလောဆယ်မှာ အဲ့ဒီ သရဲတွေအကြောင်းကို ကျွန်တော် မသိသေးဘူး။ အဲ့ဒီနေရာမှာ အလုပ်လုပ်တဲ့ သရဲတွေရှိတာကိုတောင် ကျွန်တော် တွေ့ရှိခဲ့တယ်။ ပြီးတော့ ရှောင်ယီစီ၊ ပြီးတော့ ခင်ဗျားဆီကို လာတာက သုံးလေးကောင် မဟုတ်ဘူး။ “

"ကျွန်တော်သိပါတယ် မစ္စတာကျန်းရီ ဒါပေမယ့် ဆရာက အရမ်းတော်တယ် မဟုတ်ဘူးလား? သူတို့ကို တိုက်ရိုက် အနိုင်ယူနိုင်လောက်တဲ့အထိ စွမ်းအား ရှိတယ် မဟုတ်ဘူးလား?"

ချူးမိသားစုဝင်၏ အသံတွင် ရက်စက်မှု အနည်းငယ်ပါဝင်နေပြီး၊ ကျန်းရီက ဤသို့ဖြေကြားလိုက်သည်- "ဟုတ်တယ်၊ ကျွန်တော်သူတို့ကို တစ်ခါ မောင်းထုတ်နိုင်တယ်၊ နှစ်ခါ မောင်းထုတ်နိုင်တယ်၊ သုံးခါ မောင်းထုတ်နိုင်တယ်၊ ဒါပေမယ့် မစ္စတာချူးနဲ့ အမြဲတမ်း ရှိမနေနိုင်ဘူးလေ ဟုတ်တယ်မလား?"

"ကျွန်တော်သိပါတယ်"

"ဒါဆို မစ္စတာချူး၊ ခင်ဗျား ဖိတ်ခေါ်ခဲ့တဲ့ ကျွမ်းကျင်သူဘာဖြစ်သွားတယ်ဆိုတာ ပြောပြနိုင်မလား? ကျွန်တော် မှတ်မိသေးတယ်၊ သူသေဆုံးခါနီးမှာ ခင်ဗျားကို နှောင့်ယှက်နေတာက စောင့်ရှောက်ရေး နတ်ဘုရားလို့ ပြောခဲ့တယ် မဟုတ်လား?"

"ဟုတ်ပါတယ်"

"ဒါဆို သူသေဆုံးတဲ့နေ့နဲ့ သူ ခင်ဗျား ပြဿနာကို ဖြေရှင်းပေးတဲ့နေ့ကြားက အချိန်ဘယ်လောက်ရှိခဲ့လဲ?"

"တစ်ပတ်ပဲကြာပါတယ်"

ကျန်းရီက နားလည်သဘောပေါက်ပြီး ပြောလိုက်သည်- "သူဘာကြောင့် သေခဲ့တာလဲ?"

"ခြောက်ရက်မြောက်နေ့မှာ သူ ကျွန်တော့်ကို ခေါ်ခဲ့တယ်။ အဲဒီ အချိန်တုန်းက သူ့ကိုမေးခဲ့တယ်၊ သူ ဘာလို့ ဒီလို ဖြစ်နေတာလဲလို့။ သူ့ဆီကိုလည်း အဲ့ဒီသရဲတွေ လာနေပြီလားလို့မေးခဲ့တယ်။ သူက ငါ့ကို အရမ်းထူးဆန်းတဲ့ အကြည့်နဲ့ ကြည့်ပြီး သူပြောတာက သူ့သေဆုံးမှုက ဘယ်သူနဲ့မှ မဆိုင်ဘူး၊ သူ့ကိုယ်သူနဲ့ပဲ ဆိုင်တယ်တဲ့"

"ကိုယ့်ကိုယ်ကိုယ်နဲ့ ဆိုင်တယ်? သေသေချာချာ ပြောပြပါလား?"

"သူပြောတာက နတ်ဘုရားက ပြစ်ဒဏ် ပေးလိုက်တာတဲ့!"

ကျန်းရီက ကြားလိုက်ရသည်နှင့် သူ၏ မျက်လုံးများချက်ချင်းအေးခဲသွားသည်။ သူသည် ချူးမိသားစုဝင်ကို ဆက်ပြီး မမေးတော့ဘဲ ရှောင်ယီကိုမေးလိုက်သည်-

"ရှောင်ယီ၊ ဦးကျန်းရီကို ပြောပြပါလား အမေသေဆုံးတုန်းက ဘာတွေမြင်ခဲ့ရလဲ?"

ရှောင်ယီ၏ အရင်ပြောပြချက်တွင်၊ သူမသည် အဓိကအားဖြင့် အမေဖျားနာပြီး သေဆုံးချိ န်အကြောင်းကိုသာ ပြောပြခဲ့သည်။ ကျန်တဲ့အရာတွေကိုတော့ သူမ မပြောပြခဲ့ပေ။

"သမီး မမသိဘူး၊ သမီး အဲဒီ သူငယ်ချင်းကို နောက်တစ်ခါ မတွေ့ရတော့ဘူး"

"ဒါဆို အဲဒီဦးလေးတွေရော?" ကျန်းရီက မေးပြီးနောက် ထပ်ဖြည့်ပေးလိုက်သည်- "ဦးထုပ်အဖြူအရှည်ကြီးဆောင်းပြီး လျှာထုတ်နေတဲ့သူတွေလေ?"

ရှောင်ယီက ခဏစဉ်းစားပြီး- " သူတို့ကိုလည်း နောက်တစ်ခါ မတွေ့ရတော့ဘူး"

"အမေသေဆုံးတဲ့နေ့ကရော မမြင်ခဲ့ရဘူးလား?"

"မမြင်ခဲ့ရဘူး။"

ရှောင်ယီ၏ အဖြေသည် တိုက်ရိုက်ထုတ်လွှင့်မှု အခန်းထဲရှိ ပရိတ်သတ်များကို စိတ်ရှုပ်စေခဲ့သည်။

ကြည့်ရှု့သူ A-"စတွင်မာ၊ ဦးထုပ်အဖြူ အရှည်ကြီး ဆောင်းပြီး လျှာထုတ်ထားတဲ့လူဆိုတာ ဒဏ္ဍာရီလာ အဖြူအမည်း ဝူချန်လား? စတွင်မာတစ်ခါက ပြောဖူးတယ်လေ အဲ့ဒီ နှစ်ယောက်က ငရဲဆီကို ဝိညာဥ်တွေကို ပို့ပေးရတဲ့ သူလို့၊ ဒါပေမယ့် ဒီကမ္ဘာပေါ်မှာ နေ့စဉ် လူသန်းပေါင်းများစွာ သေဆုံးနေကြတယ်၊ ဒါကြောင့် အဲ့ဒီ နှစ်ယောက်က ရှားရှားပါးပါးမှ ပေါ်လာတတ်တယ်လို့"

ကြည့်ရှု့သူ B-"စတွင်မာ အဲဒီလိုပြောဖူးတယ်၊ ဒါပေမယ့် ရှောင်ယီရဲ့ စကားက သူ့အမေ ပြင်းပြင်းထန်ထန် ဖျားနာတဲ့ညက အဲ့ဒီ အဖြူအမည်းဝူချန် လုပ်ဆောင်ခဲ့တာလို့ ပြောနေသလိုပဲ။ ဒါပေမယ့် ရှောင်ယီရဲ့အမေက အဲဒီညက မသေခဲ့ဘူး၊ ဒါဆို အဖြူအမည်း ဝူချန်က ထွက်သွားခဲ့တာလား?"

"မဟုတ်ဘူး၊ သူတို့ လာတဲ့အချိန်မှာ ဘယ်သူမဆို တစ်နာရီအတွင်း သေရမယ်။ အဖြူနဲ့ အမည်းဟာ အချိန် မှားလေ့မရှိဘူး"

ကျန်းရီပြောပြတော့ ပရိတ်သတ်များက သူ၏ မျက်နှာအမူအရာကိုကြည့်ကာ ရုတ်တရက် နားလည်သွားသည်ဟု ထင်လိုက်ရသည်- "သူတို့က ငရဲက အလုပ်သမားတွေအဖြစ် ဟန်ဆောင်နေခဲ့တာလား?"

"မဟုတ်ဘူး၊ ငရဲကသရဲတွေအဖြစ် ဟန်ဆောင်တာဟာ အပြစ်ကြီးတယ်။ သူတို့ဒီလိုလုပ်ရဲဖို့က သတ္တိ အများကြီး လိုတယ်။ ပြီးတော့ သရဲတွေက လှည့်စားနိုင်တယ်၊ ဒါကြောင့် လှည့်စားခံရနိုင်ခြေက များတယ်။ တခြားဖြစ်နိုင်ခြေတစ်ခုက သူတို့သေခါနီးမှာ ဒီလိုဖြစ်ခဲ့လို့ပဲ"

ဤစကား​တွေကို ပြောပြီးနောက် ကျန်းရီ၏ အသံသည် ရုတ်တရက် အေးစက်သွားသည်-

"မစ္စတာချူး၊ ခင်ဗျား အတိအကျ ဘာအလုပ် လုပ်တာလဲ?"

ဖုန်းတစ်ဖက်က ချူးမိသားစုဝင်က အသက်ပြင်းပြင်း ရှူသွင်းပြီး ပြောလိုက်သည်- "ကျွန်တော်က သွင်းကုန် ထုတ်ကုန်လုပ်ငန်းတချို့လုပ်တယ်၊ အချို့ နေရာတွေမှာ ဖျော်ဖြေရေးနေရာ တချို့လည်းဖွင့်ထားတယ်"

"အမှန်လား? ဒါဆို ခင်ဗျားရဲ့ ပြည်တွင်းလုပ်ငန်းက ပိုအရေးကြီးလား၊ ဒါမှမဟုတ် ခင်ဗျားပြောတဲ့ သွင်းကုန် ထုတ်ကုန်လုပ်ငန်းက ပိုအရေးကြီးလား? ဘယ်အလုပ်က များပြားတဲ့ ငွေပမာဏကို ရစေလဲ?"

"သွင်းကုန်ထုတ်ကုန်လုပ်ငန်းပါပဲ၊ အဓိကလုပ်ငန်းပေါ့။"

"ဒါဆို ဆရာလူသတ်ဖူးလား?"

ကျန်းရီ၏မေးခွန်းက ဖုန်းတစ်ဖက်က ချူးမိသားစုဝင်ကို ရုတ်တရက် တိတ်ဆိတ်သွားစေခဲ့သည်။

တိုက်ရိုက်ထုတ်လွှင့်မှု အခန်းထဲက လူတွေလည်း ဒီအချိန်မှာ ရုတ်တရက် တိတ်ဆိတ်သွားခဲ့ကြသည်။

သူတို့အတွက် သန်းနှစ်ရာ ဆိုတဲ့ ကိန်းဂဏန်းက အရမ်းကြီးမားတဲ့ သက်ရောက်မှုရှိတယ်။ ဒါပေမယ့် ချူးမိသားစုဝင်က ကျန်းရီကို တောင်းဆိုနေတာ၊ ကျန်းရီက သူတို့ ဖအေနဲ့သမီးရဲ့အသက်ကိုကယ်ဖို့မျှော်လင့်နေတာ။

ဒါကြောင့် စဉ်းစားကြည့်ရင် သူတို့က ချမ်းသာတဲ့သူတွေပဲ၊ ပိုပေးရတာက သဘာဝကျပါတယ်။

အစတုန်းက တိုက်ရိုက်ထုတ်လွှင့်မှု အခန်းထဲက ရှိနေတဲ့ ကျိုးခိုင် နဲ့ ဒန်နီယယ် ပိုင်ရှင် တို့လိုပါပဲ။

ဒါပေမယ့် အခုကျန်းရီက ချူးမိသားစုဝင်ကို မေးနေတာက မင်းလူသတ်ဖူးလား?

ဖုန်းတစ်ဖက်က ချူးမိသားစုဝင်ရဲ့ တိတ်ဆိတ်မှုက ထူးဆန်းမှု တစ်ခုခုကို ဖော်ပြနေသလိုပါပဲ။ သူတိတ်ဆိတ်နေတဲ့ အချိန်က သိပ်မကြာပေမယ့်၊ ဒီတစ်စက္ကန့်ဟာ စဉ်းစားစရာ အများကြီးကို ဖြစ်စေခဲ့တယ်။

"မဟုတ်ဘူး၊ ကျွန်တော်က စီးပွားရေး လုပ်တာ၊ လူသတ်တာမဟုတ်ဘူး"

"သေချာလား?"

"သေချာပါတယ်"

"ကောင်းပြီ၊ ကျွန်တော် နောက်တစ်ခုမေးမယ် မစ္စတာချူး ခင်ဗျားသမီးပြောတဲ့ အဖြူရောင် ဦးထုပ်ရှည် ဆောင်းပြီး လျှာထုတ်ထားတဲ့ လူတွေကို ခင်ဗျားတွေ့ဖူးလား? သူတို့ရဲ့မျက်နှာတွေကို သေချာ ပြန်စဉ်းစားကြည့်ပါ၊ တကယ် ဘယ်သူ့ကိုမှ မမှတ်မိတာလား?"

ချူးမိသားစုဝင်၏ အသံထဲတွင် သိသာစွာ ပြောင်းလဲမှုတွေ ရှိနေသော်လည်း၊ သူသည် ဤသို့ဆက်ပြောခဲ့သည်- "မဟုတ်ဘူး၊ ကျွန်တော်မသိဘူးလို့ သေချာကို ပြောနိုင်တယ်"

"မစ္စတာချူး၊ ဗီဒီယိုခေါ်ဆိုလိုက်လို့ ရမလား?"

"......."

"ဒီကိစ္စက ဘယ်သူ့အသက်နဲ့ သက်ဆိုင်နေတာလည်း သိလား? ရှောင်ယီက ချစ်စရာကောင်းတယ်၊ သူမက ယဥ်လည်းယဉ်ကျေးတယ်။ ခင်ဗျားပြောတာက အသက်ကြီးမှ ဒီတစ်ယောက်တည်းသော သားသမီးရတယ်ဆိုတော့၊ သူမက ခင်ဗျားရဲ့ တစ်ဦးတည်းသော သားသမီးဖြစ်တယ်မဟုတ်လား?"

"ဟုတ်တယ်"

"သူမက တစ်ဦးတည်းသော သားသမီးဖြစ်နေတာတောင် သူမအတွက် မျက်နှာပြဖို့ မဝံ့ရဲဘူးလား?"

ချူးမိသားစုဝင်က ရုတ်တရက်ရယ်မောပြီး ပြောလိုက်သည်- "မစ္စတာကျန်းက ဒီလို စကားမျိုးပြောမယ်လို့ မထင်မိဘူး။ ကျွန်တော်က ဆရာ့ကို အဖြစ်အပျက်ကိုပဲ ဂရုစိုက်ပြီး လူကို ဂရုမစိုက်ဘူးလို့ ထင်နေတာ၊ ဆရာက ကျွန်တော့်ကို ကျင့်ဝတ်နဲ့ ဖိအားပေးမယ်လို့ တစ်ခါမှ မတွေးဖူးဘူး"

"မစ္စတာချူးက နားလည်မှု လွဲနေတယ်ထင်တယ်၊ မစ္စတာချူးက ဉာဏ်ကောင်းတဲ့သူပဲလေ၊ ဒါပေမယ့် ခင်ဗျား အခု ကြုံတွေ့ရတဲ့အရာက သူများကို အကူအညီတောင်းဖို့ ဖြစ်စေတယ်။ ဖြစ်နိုင်ရင် အခု ခင်ဗျား စိတ်ထဲမှာ ကျွန်တော့်ဆီလာရတာကို နောင်တရနေလိမ့်မယ်၊ ဟုတ်တယ် မလား?"

"ရှောင်ယီအတွက်၊ ခင်ဗျား မျက်နှာပြဖို့ဆန္ဒရှိမလား?"

"......."

ချူးမိသားစုဝင်အား ထိုစကား ပြောပြီးနောက် ကျန်းရီက ဗီဒီယိုခေါ်ဆိုမှု ပို့လိုက်သည်။

မကြာမီ သူ့ရဲ့ မျက်နှာပေါ်လာသောအခါ၊ ကျန်းရီ၏ CB တွင် မက်ဆေ့ချ်များ အများအပြားရောက်ရှိလာသည်။

ထိုမက်ဆေ့ချ်တွေဟာ ရဲတွေဆီမှ ဖြစ်နေသည်။